الله تذكرت من عنده فخ <<< خاطري في الحبال

[غير البشر]

:shy:السلام عليكم :weeping:

تذكرت ايام الحبال وناااسه:ok: :fight:

والله صج كانت ايااااام :waiting:

حياكم اشرح لكم شنو كنا نسوي

اول شي نجهز الفخ او نشتريه جاااهز :victory:


http://up2.m5zn.com/photo/2009/4/7/01/brigjsbxq.jpg/jpg (http://up2.m5zn.com)



يتكون الفخ من الاتي

الحقه: وهي القطه المقوسه السوداء

والمد: وهي قطعه خشبيه صغيره تكون مربوطه بخيط صغيره وتجي فوق الحقه

والخرزه : وهي حبه دائريه صغيره وتجي تحت الحقه لوضع العتل او الزهيوي :secret:

والطاره : وهي قطعه خشبيه رقيقه مقوسه تكون في اسفل الفخ

والعتل يعتبر من اهم اكل الطيور والتي يتم اصطيادها بالفخ


http://up2.m5zn.com/photo/2009/4/7/02/j7pog2emh.jpg/jpg (http://up2.m5zn.com)


العتل كنا نجيبه من تحت شجره القرط او القرطه



http://up2.m5zn.com/photo/2009/4/7/02/65rvcpe7r.jpg/jpg (http://up2.m5zn.com)




كنا نروح تحت الشجره ونحفر لها بحثا عن العتل

ولازم نحاسب واحنا نحفر او انبر عشان مانذبحهم بلغلط

لازم يكون الحفر بهدوء وعلى جنب عن طريق طرف كف اليد

والمصدر الثاني للحصول على العتل :secret:


سوق الغنم اعزكم الله داخل الزرايب :secret:




http://up2.m5zn.com/photo/2009/4/7/02/rl3zge872.jpg/jpg (http://up2.m5zn.com)


ويعتبر :secret::secret: الزهيوي الاكل المفضل الثاني بالنسبه للطيور



http://up2.m5zn.com/photo/2009/4/7/02/jx177faa9.jpg/jpg (http://up2.m5zn.com)



ذيك الايام الزهيوي يعتبر ذهب بالنسبه لنا :( :secret:

نتعب واحنا ندوره لين انحصله :victory:


وطبعا اتعرفون وين انحصله :secret:


اما الطيور الي نصيدها بالفخ غالبا تكوون


المدغي : اما يكون زيان او شيان:shy:

الزيان يجي لونه حلوووو

اما الشيان يجي لونه كانه امغبر اشوي

وفي مدغي يافوري ويجي حجمه اكبر من سابقه


http://up2.m5zn.com/photo/2009/4/7/02/4zj31wmmh.jpg/jpg (http://up2.m5zn.com)




والفقاقه لها نوعين زيان وشيان:shy:



http://up2.m5zn.com/photo/2009/4/7/02/gcdck2iep.jpg/jpg (http://up2.m5zn.com)





المخضرم شبيه الفقاقه تفرق عنها يوجد بها لون على على راسها ورقبتها وجزء من ظهرها يميزها عن الفقاقه:shy:




http://up2.m5zn.com/photo/2009/4/7/02/oflt5nrc3.jpg/jpg (http://up2.m5zn.com)




وايضا الاشول والشوله



الاشول هو شبيه الشوله لكن حجمه اكبر:shy:



http://up2.m5zn.com/photo/2009/4/7/02/lkgeq7tna.jpg/jpg (http://up2.m5zn.com)



شوله:shy:



http://up2.m5zn.com/photo/2009/4/7/02/ybooiebcw.jpg/jpg (http://up2.m5zn.com)




السمنه شبيه فرخ السمن وحجمها اكبر



السمنه :shy:


http://up2.m5zn.com/photo/2009/4/7/02/ifms4e3z5.jpg/jpg (http://up2.m5zn.com)





فرخ السمن :shy:




http://up2.m5zn.com/photo/2009/4/7/02/8n9jc3ywg.jpg/jpg (http://up2.m5zn.com)




الاصرط وهو الوحيد الجارح ولا يأكل :omen2:





http://up2.m5zn.com/photo/2009/4/7/02/dbvv2l29v.jpg/jpg (http://up2.m5zn.com)



وايضا توجد نفس هذي الطيور تسمى عياره

وهي تقترب من الفخ لكن لاتاكل الطعم :rolleyes2:

والسبب انها عياره لانها وسبق ان صادها الفخ وهربت :anger1:

ولذلك فهي تعرفه وتكون حريصه ان لاتقع مره اخرى


والفخ نوعين العادي والعتر


الفخ العادي وهو ليش قوي يعني لما يصيد الفريسه مايقتلها وانما يمسكها فقط

وعيب الفخ العادي من السهل للطيور الهروب منها وتصبح عياره

اما الفخ العتر وهو القوي وصعب على الطير الهروب منه

وعيب الفخ العتر انه يذبح الطير :eek5:




وافضل طريقه لصيد الطير العيار هو الدفاني :)

اي وضع الفخ ورمي عليه القليل من التراب ويصبح مخفي




اتمنى استفدو من الموضووووع :victory:


لكن صج خاطري احبل :weeping:




ملاحظه: الموضوع من ذاكرتي القديمه بدون ماسوي بحث

الي عنده تصحيح او ملاحظه او اضافه لايبخل علينا :shy:






وتقبلو تحياااااتي :victory::discuss::victory:

[s o s o]

>_<

لاعت جبدي من الزهيويه والدود ..

بس سالفة والله !!

ع العموم يعطيك الف عافيه اخووي ع الموضوع
يبين ان متعووب عليه *_^

[عاشق الشهادة]

ايش رايك اعطيك فخ وتعطيني عتل صار لي من رمضان وانا ادور عتل وكنت بحط موضوع بالسوق مفاده مطلوب عتل للشراء بس انخجلت الصراحه ورحت فريج ابوهامور اكثر من مره وسئلت كل الي هناك ولا في فايده :shy:

[لاداعي]

ذكرتنا بالذي مضى :(

ياخي تدري شكلك انت في فريجنا كنا انبر عتل تحت لشجره نفس الموجوده فالصوره..

نست لاتحط العنيوش_ والمشاطيب ((العتل لكبار)):shy:

ونسيت الفخ بوشبك الخضر.. بس انا كنت ماحب احبل فيه اموووت على بوحقه.. :)


يعطيك العااافيه يالغالي على موضوعك القديــــم..

[هذلان]

السلام عليكم


يا الله ... والله انك رجعتنا سنين ورى .. رحمة الله على اخوي كنا نحبل دايما .. و العتل نجيبه من زريبه في الفريج محد طاح عليها..
فيه شويه اسئله .. الاصرد ليش كنا نصيده ... لعانه اعتقد مره وحده صدته و ربيته ولا اذكر شصار فيه
سوؤال ثاني .. اتمنى حد يجاوبني عليه.. كنا اذا افلسنا من العتل نحط خنفسانه صغيره .. نسيت اسمها .. حاولت كذا مره اتذكر و نسيت كلش .. هي خفسانه صغيره و مفعولها اقل من العتله بمراحل.

بس احلى مافي الموضوع السبرنت اذا صاد الفخ :)

[J & N]

ااااااااااااااااااااااااااااااااااااااااه
اااااااااااااااااااااااااااااااااااااااااااااه
وووووووووووووووووووع عندك زهيوي في موضوعك

اهئ اهئ

[الخير كله]

العتل عندكم راقي من تحت الشجر ...احنا كنه نجيبه من الحوطه.....
الله وكيلك عنيوش
انا كنت صغيره ...واخوي يعطيني قوطي نيدو متروس رمل وعتل ...اشله واتبعه...
هييييييييه هيضتنا

[عبد الرحمن77]

:) هذلان هل هي بنت المختن !!!!!!!!!!!!!!!!.

[غير البشر]

>_<

لاعت جبدي من الزهيويه والدود ..

بس سالفة والله !!

ع العموم يعطيك الف عافيه اخووي ع الموضوع
يبين ان متعووب عليه *_^





هههههههههههههههههههههههههههه


شنسوي سوسو لكن وناااسه صج صج ايام

لا ازيدج بعد كنا نشتريهم :victory:


الله يعافيج اختي



وشاكر لج مرورج وتعليقج وطلتج :victory::discuss::victory:

[الزرقواني]

بااااااااااااااااااااال والله ذكرتني بمدينة خليفه الشماليه
ايام الكليه :rolleyes2: احس ان كل العتل والازهويه
الي في الفريج يعرفونا :eek5:
الله يرحم ذيج الايام :weeping:
يعطيك العافيه اخوي

[غير البشر]

ايش رايك اعطيك فخ وتعطيني عتل صار لي من رمضان وانا ادور عتل وكنت بحط موضوع بالسوق مفاده مطلوب عتل للشراء بس انخجلت الصراحه ورحت فريج ابوهامور اكثر من مره وسئلت كل الي هناك ولا في فايده :shy:




هههههههههههههههههههههههههه عشوووق

ماعندي عتل بس روح وانت بكرامه سوق الغنم وبتحصل

على طاري بوهامور كنا نشتري الغرشه 5 ريال :secret:

فوق يحطون علوب ومشاطيب

وتحت عتل ميتين :tease:


اشرايك نروح مع بعض انحبل :shy:


نور الموضوع بطلتك يا الغالي ولد الغالي

وتقبل تحيااتي يا الشيخ :victory:

[المهلهل]

طلع.... طلع من ها السوالف المغبره والله فكرت صغير
لا تنسى الشداخة الي جات عقب على زمانا

[Fendi]

بااااااااااااااااااااااااااااااااااااال

قبل حفرت الدنيا كلها عشان العتل الله يرحم ذيك الايام

[بوخالد2]

بل وين طلعت انت موضوع مغبر من قلب

ايام والله كنا انحبل فيها


مااعتقد الجيل الجديد يعرف الامور هذه !!!

اييييه الله يرحم بس

[لولوتي]

حركاااااااااات

مال اول
قدييييييييييييييم الزمان :nice:

كنت اشارك اخوي في هالسوالف :nice:

[غير البشر]

ذكرتنا بالذي مضى :(

ياخي تدري شكلك انت في فريجنا كنا انبر عتل تحت لشجره نفس الموجوده فالصوره..

نست لاتحط العنيوش_ والمشاطيب ((العتل لكبار)):shy:

ونسيت الفخ بوشبك الخضر.. بس انا كنت ماحب احبل فيه اموووت على بوحقه.. :)


يعطيك العااافيه يالغالي على موضوعك القديــــم..




اي والله لاداعي انا تذكرت بعد

رحت مكان وكنت داين احبل فيه وتذكرت :weeping:


تبي اتعرف فريجنا :shy:


شوف صورتي الرمزيه عدل بتعرف انا وين :shy:


العناييش ماكنت احبهم من جذي ماجبت طاريهم

والمشاطيب والعلوب احلى شي لما يلبط في الفخ يجيب الطير من سابع سمى :tease:



وشاكر لك مرورك


تقبل تحياااتي العطره المفعمه بالياسمين :shy:

[لاداعي]

اي والله لاداعي انا تذكرت بعد

رحت مكان وكنت داين احبل فيه وتذكرت :weeping:


تبي اتعرف فريجنا :shy:


شوف صورتي الرمزيه عدل بتعرف انا وين :shy:


العناييش ماكنت احبهم من جذي ماجبت طاريهم

والمشاطيب والعلوب احلى شي لما يلبط في الفخ يجيب الطير من سابع سمى :tease:



وشاكر لك مرورك


تقبل تحياااتي العطره المفعمه بالياسمين :shy:

قايلك انت في فريجنا ماصدقت..:omg:

نسيت اياااام البير العود ولبيوت المهجوره..:weeping:

والبركه الي فالزرع..:(

أيااام حلوه.. يعطيك العافيه ياوالد فريجنا..

[غزلان]

وع وع

زهيوي

[لاداعي]

وع وع

زهيوي

:vampire:

تحملي اكو يطير فوق شعرج..:tease:

[ناصر العمادي]

الله الله الله على الموضوع العجيب والذكريات الحلوه ...

العتل ماعاد متوفر مثل قبل والسبب البتان ماعادوا ينتجون :secret::secret:

كنا ندور العتل من الحوط والخير وايد قبل :tease::tease:

ياسلام على الشداخه نحطها وننخش وننطر لين يجي العصفور وينصاد ..<< شنو أناسه ..

وكنا نسوي طريقه ثانيه ..

نجيب كارتون ونرفعه بخشبه ونربط الخشبه بحبل ونحط أكل في الكرتون وننخش والحبل معانا ولما يجي العصفور ياكل نسحب الحبل وويتسكر الكرتون على العصفور ..

موضوووووع أكثررررررر من رائع يالغالي

أيام حلوه ماتنسي والله ..

بارك الله فيك وفي جهدك الرائع

الله يوفقك ويسهل دربك ويطول بعمرك ويرضى عليك يارب

كل الشكروالتحيه والتقدير والأحترام لك

[غير البشر]

السلام عليكم


يا الله ... والله انك رجعتنا سنين ورى .. رحمة الله على اخوي كنا نحبل دايما .. و العتل نجيبه من زريبه في الفريج محد طاح عليها..
فيه شويه اسئله .. الاصرد ليش كنا نصيده ... لعانه اعتقد مره وحده صدته و ربيته ولا اذكر شصار فيه
سوؤال ثاني .. اتمنى حد يجاوبني عليه.. كنا اذا افلسنا من العتل نحط خنفسانه صغيره .. نسيت اسمها .. حاولت كذا مره اتذكر و نسيت كلش .. هي خفسانه صغيره و مفعولها اقل من العتله بمراحل.

بس احلى مافي الموضوع السبرنت اذا صاد الفخ :)



عليكم السلام هلا اخوووي

الله يرحمك اخووي يارب بواسع رحمته

كنا نصيد الاصرد لانه شكله حلووووو ومب سهل ان الكل يصيده

يعني نفس ماتقول لعانه وتحدي

اما بالنسبه للخنفسانه يمكن قصدك اسمها ( بوزنه)

اي والله اما السبرنت ههههههههههههههههههههه حدث ولا حرج

واذا كنت خايف ان يعضك تمسك القحفيه :tease::tease:

[غير البشر]

ااااااااااااااااااااااااااااااااااااااااه
اااااااااااااااااااااااااااااااااااااااااااااه
وووووووووووووووووووع عندك زهيوي في موضوعك

اهئ اهئ




ههههههههههههههههههههههه ليش ام نواره اشفيج

خليتي الموضوع وكله ورحت حق الزهيوي خخخخخخخخخ


فوتيه لاتشوفينه بس لازم اذكره لانه كان عنصر قوي من عناصر الصيد

وكان قبل عزيز على قلوبنا وااايد :shy:


بس الحين يهبي هههههههههههههههههههههههههه


شاكر لج مرورج اختي


وتقبلي تحياااتي :victory:

[غير البشر]

:shy:
العتل عندكم راقي من تحت الشجر ...احنا كنه نجيبه من الحوطه.....
الله وكيلك عنيوش
انا كنت صغيره ...واخوي يعطيني قوطي نيدو متروس رمل وعتل ...اشله واتبعه...
هييييييييه هيضتنا



اختي انا ذكرت ان من الشجره صح


تدرين ليش لان لو اقولج كل شي بتلوووووووع جبدج


بس انا حاولت قد ماقدر اراعي شعوركم هههههههههههههههههههههههههه


اذا تبين اتعرفين بدون توضيح شوفي رد اخوووي ناصر العمادي تحت

عن البتان وبعد اخوي ناصر ماوظح ههههههههههههههههههههههههههههههه


اي كنا نروح الحوط نجيب منها ماخلينا مكان


سؤالي لج تقدرين الحين تمسكين عتل :tease::shy:



مشكوره على المرور اختي الغاااليه :victory:

[غير البشر]

:) هذلان هل هي بنت المختن !!!!!!!!!!!!!!!!.




:secret: :secret:

[غير البشر]

بااااااااااااااااااااال والله ذكرتني بمدينة خليفه الشماليه
ايام الكليه :rolleyes2: احس ان كل العتل والازهويه
الي في الفريج يعرفونا :eek5:
الله يرحم ذيج الايام :weeping:
يعطيك العافيه اخوي





ههههههههههههههههههههههههههههههههههههههههه


شبون يعرفونكم

يعني مره صادفت مر وهيوي وفالت هلا والله الزرقوااني :shy:


اي والله صج ايااااااام :weeping:


انزين ليش مانرجع هذيك الاياااام


لك الف تحيه وتقدير

وشاكر لك مرورك :victory:

[الخير كله]

لا والله يا غير البشر الحين امسك العتل ...نوويي....نونونو
الا اذا سبحته

[بوحارب]

لو سمحتوا عطوني عجرة ولا ساطور وخلوني بروحي مع غير البشر ابيه في سالفة :anger3:

[بودحوم]

ماشاء الله عليك ياغير البشر

أبشرك أني كل يوم أحبل من يوم الأحد إلى يوم الأربعاء لازم تشوفني أحوس في الريضان
والمساطيح والفخاخة ماتفارقني .

شوف المقطع مصوره قبل يومين . وإذا لك خاطر تحبل معاي حاظر تراني جاهز وإذا ودك بفخ أو عتل علمني بس ..

وتسلم على الموضوع المميز بصراحة

وهذا المقطع مصورة قبل يومين

http://up2.m5zn.com/download-2009-4-8-12-xs6j8ylgg.avi

[مزيون الدوحه]

نسيت العنيوش والله من يومين شفته وقلت الله يرحم ذيك الايام
ونسيت الخنفسانه اذا كسرت ظهرها اتصير غذاء متكامل كامل الدسم :nice:

[مزيون الدوحه]

السلام عليكم


يا الله ... والله انك رجعتنا سنين ورى .. رحمة الله على اخوي كنا نحبل دايما .. و العتل نجيبه من زريبه في الفريج محد طاح عليها..
فيه شويه اسئله .. الاصرد ليش كنا نصيده ... لعانه اعتقد مره وحده صدته و ربيته ولا اذكر شصار فيه
سوؤال ثاني .. اتمنى حد يجاوبني عليه.. كنا اذا افلسنا من العتل نحط خنفسانه صغيره .. نسيت اسمها .. حاولت كذا مره اتذكر و نسيت كلش .. هي خفسانه صغيره و مفعولها اقل من العتله بمراحل.

بس احلى مافي الموضوع السبرنت اذا صاد الفخ :)


تقصد القبانه وجمعهم ( قبان )

[بودحوم]

تقصد القبانه وجمعهم ( قبان )

وأنت الصادق يمكن يقصد ( الختان ) خنفسانه حجمها أصغر من الخنفسانه المعروفة

[البحار00]

ماشاء الله عليك ياغير البشر

أبشرك أني كل يوم أحبل من يوم الأحد إلى يوم الأربعاء لازم تشوفني أحوس في الريضان
والمساطيح والفخاخة ماتفارقني .

شوف المقطع مصوره قبل يومين . وإذا لك خاطر تحبل معاي حاظر تراني جاهز وإذا ودك بفخ أو عتل علمني بس ..

وتسلم على الموضوع المميز بصراحة

وهذا المقطع مصورة قبل يومين

http://up2.m5zn.com/download-2009-4-8-12-xs6j8ylgg.avi

ابي عتل الله لايهينك

لو عتلة وحده خاطري احبل من زمان

[هذلان]

:) هذلان هل هي بنت المختن !!!!!!!!!!!!!!!!.

ههههههههههههههههه لا .. شهالاسم اول مره اسمعه :nice:

اختلاف ثقافات ياخوي :tease:

[بودحوم]

ابي عتل الله لايهينك

لو عتلة وحده خاطري احبل من زمان

أبشر يالغالي

وانتظر مني رساله يوم السبت أن شاء الله

[البحار00]

أبشر يالغالي

وانتظر مني رساله يوم السبت أن شاء الله

جزاك الله خير يا بودحوم

[هذلان]

تقصد القبانه وجمعهم ( قبان )

قلنالكم اختلاف ثقافات ... الظاهر كل فريج كان له مسميات خاصه :)

بس مش قبانه .. شي قريب من فقاقه .. الفقاقه الي الي مخربطه مخي :secret:

[بودحوم]

جزاك الله خير يا بودحوم

ويجزيك بمثله أن شاء الله
ماطلبت شي وأنا أخوك

[غير البشر]

طلع.... طلع من ها السوالف المغبره والله فكرت صغير
لا تنسى الشداخة الي جات عقب على زمانا



اي والله امغبره

ياخي شاسوي مريت على مكان له ذكريات :weeping:


وين صغير الكبر بين فينا خخخخخخخ


الشداخه قصدك نفي شداخه الفيران

اخبر نعوي المسنن عشان مايقطع الطير ونصيد فيها


اي والله الله يرحم ذيك الايام



شاكر لك مرورك واتحافنا بخبرتك :victory:

[غير البشر]

بااااااااااااااااااااااااااااااااااااال

قبل حفرت الدنيا كلها عشان العتل الله يرحم ذيك الايام




هههههههههههههههههههه فيندي


اي والله يازين العلب


اتصدق اشوفه على الفخ خاطري انقد عليه ههههههههههههه


يا الله ان شاء الله ترجع ذيك الايام



ويسلموو على مرورك وتذكرك لايام مضت :victory:

[هذلان]

بعد اضن صاحب الموضوع .. غير البشر

هذا مقطع يوضح ماكنت اعنيه بالـ سبرنت :nice:

http://www.rahimh.com/Video/sammnh.rm

سلم لي على الفقاقه بس

http://www.rahimh.com/Video/fqaqh.ram

يلوموني يوم اني ربيت الاصرد .. شوف فعله

http://www.rahimh.com/Video/hamm.rm


بصراحه و بدون مجامله يا غير البشر ... موضوعك رهيب

[غير البشر]

بل وين طلعت انت موضوع مغبر من قلب

ايام والله كنا انحبل فيها


مااعتقد الجيل الجديد يعرف الامور هذه !!!

اييييه الله يرحم بس




والله يا بوخالد اخوي نفس ماقلت حق الاخوان

رحت مكان له ذكريات جميله علي

الحين طبعا كلها بيوت صارت مدينه :weeping:

وبس والي كتبته انا كله من تعبيري على الي اذكره

يعني اخر مره حبلت 15 سنه :rolleyes2:


الجيل الجديد عليه العوض ههههههههههههههه


شاكر لك مرورك القيم


وتقبل تحيااتي :victory:

[بوخالد911]

تسلم للموضووع الجميل

[شـعـشـبـونـه]

بصراحه طفولتك كانت بريييييئه والعابكم رااقيه واااجد :rolleyes2:

الله يعطيك العافيه والصحة وطولة العمر اخوي ...

[غزلان]

:vampire:

تحملي اكو يطير فوق شعرج..:tease:


بسم الله علي يالشرير:tease:

[غير البشر]

حركاااااااااات

مال اول
قدييييييييييييييم الزمان :nice:

كنت اشارك اخوي في هالسوالف :nice:




ههههههههههههههههههههههههههههه


يخليج اتجميع عتل معاااااه


بس صج ايام لولوتي ويمكن ماعشتوها نفسنا احنا الشباب


والله انا برتب اموري هذي اليومين واشيل شلايلي واروح احبل


شاكر لج مرورج اختي


وتعلقيج وتقبلي تحياااتي


واتمنى لج التوفيق والسداد :victory::discuss:

[غير البشر]

قايلك انت في فريجنا ماصدقت..:omg:

نسيت اياااام البير العود ولبيوت المهجوره..:weeping:

والبركه الي فالزرع..:(

أيااام حلوه.. يعطيك العافيه ياوالد فريجنا..



ههههههههههههههههههههههههههههههههههه



من صجك والله لاداعي الله حيهم والد الفريج :tease:

االبركه قصدك الي في زرع مطوع الي هو زرع بوزوير

او البير الكبير الي في الزرع المهجور

تدري وبن كنا نجيب العتل

شفت روضه النصر عند الطوفه كانت في اقرطه كنا ننبر عتل تحتها


حيا الله ولد الفريج والله :shy::shy:

[barod]

من قلب ذكرتنا بايام حلوه مضت كنت اسوي الفخ بنفسي والعتل كنا ننبره بحوطه البقر الله يعزكم هههههههه واذا حصلت العلب تشقق من الفرحه والحبال ورا البيت في القوايل والعصريه موضوعك حلو ورجعتنا سنيييييييييييين ورا

[ورقــة أمــل]

موضوعك حلوو اول مرة اعرف هالاشياء

يسلموووو اوي اوي اوي

[لاداعي]

ههههههههههههههههههههههههههههههههههه



من صجك والله لاداعي الله حيهم والد الفريج :tease:

االبركه قصدك الي في زرع مطوع الي هو زرع بوزوير

او البير الكبير الي في الزرع المهجور

تدري وبن كنا نجيب العتل

شفت روضه النصر عند الطوفه كانت في اقرطه كنا ننبر عتل تحتها


حيا الله ولد الفريج والله :shy::shy:

والنعم فيك والله ياوالد......... :nice:

والله العظــيم أن بظبط هاي لقرطه الي اقصدها يوم قتلك شكلك في فريجنا لقرطه الي عند حدائق النصر..

والبركه فالزرع الي مجابل النادي.. :telephone:

ويعطيك العافيه ياوالد الفريــج..:nice:

[غير البشر]

وع وع

زهيوي




هههههههههههههه هههههههههههه هههههههههههه هههههههههههه


زهيويه وعتل بعد انتو اتسمونهم دود


غزلان لو عندج اخو يحبل كان دورتي معاه عتل نفس شعشبونه ولولوتي :tease:




يعطيج العاافيهاختي على المرور


وتقبلي تحياتي العطره :victory::discuss:

[::Mo0on'hm::]

الله هاي يوم كنت صغيرة اروح مع ابوي

الحين ابوي مايروح:(

أيام والله راحت وماظنتي تعود

يعطيك العافية

[غير البشر]

:vampire:

تحملي اكو يطير فوق شعرج..:tease:




حراااام عليك لاداعي بيضربها وسواس :tease:


بس صج بعد المفرووض اتحاسب منه هههههههههههه

[غير البشر]

الله الله الله على الموضوع العجيب والذكريات الحلوه ...

العتل ماعاد متوفر مثل قبل والسبب البتان ماعادوا ينتجون :secret::secret:
كنا ندور العتل من الحوط والخير وايد قبل :tease::tease:

ياسلام على الشداخه نحطها وننخش وننطر لين يجي العصفور وينصاد ..<< شنو أناسه ..

وكنا نسوي طريقه ثانيه ..

نجيب كارتون ونرفعه بخشبه ونربط الخشبه بحبل ونحط أكل في الكرتون وننخش والحبل معانا ولما يجي العصفور ياكل نسحب الحبل وويتسكر الكرتون على العصفور ..

موضوووووع أكثررررررر من رائع يالغالي

أيام حلوه ماتنسي والله ..

بارك الله فيك وفي جهدك الرائع

الله يوفقك ويسهل دربك ويطول بعمرك ويرضى عليك يارب

كل الشكروالتحيه والتقدير والأحترام لك




هههههههههههههههههههههههههههههههههههههههههههههههههه ه


الله يقطع ابليسك يا الدب بابا ناصر :shy:


كاااااش خخخخخخخخخخخخخخخخخخخ


تدري الي با الاحمر جا على بالي مابغيت اقول ههههههههههههه


اي بالنسبه للكرتون والعصا والاكل اكثر شي كانت حق الحمام فوق السطح


خلصت حمام الفريج ههههههههههه


الله يعطيك العافيه فديتك على المرور والمشاركه


امتعتني مشاركتك الله يوفقك ويسدد خطاك

[لاداعي]

حراااام عليك لاداعي بيضربها وسواس :tease:


بس صج بعد المفرووض اتحاسب منه هههههههههههه

لاتخليني أقولك سالفتي مع لزهيوي.. :cry2:

[البحار00]

بودحوم ياخوي حاولت ازيد مشاركاتي لكن المنتدى مادري شصاير فيه

طرش لي رقمك ما اقدر اطرش لك رساله

[غير البشر]

لا والله يا غير البشر الحين امسك العتل ...نوويي....نونونو
الا اذا سبحته



ههههههههههههههههههههههههههه


كنتي صغيره ماتعرفين الحين مافي امل :tease:



شنو بعد اتسبحين العتل بيموت خخخخخخخخخخخخخخ


بس لازم شامبو ضد القشره :shy:

[غير البشر]

لو سمحتوا عطوني عجرة ولا ساطور وخلوني بروحي مع غير البشر ابيه في سالفة :anger3:





انت اسكت مالحقت على الحبال نفسنا


تعال تبيني برووحي حاظرين لك يا الدب :shy:




ماحبك وااايد كلش كلش زين جذي :shy::shy::shy:

[البحار00]

عاد فيه امدقيه هالايام

[غير البشر]

ماشاء الله عليك ياغير البشر

أبشرك أني كل يوم أحبل من يوم الأحد إلى يوم الأربعاء لازم تشوفني أحوس في الريضان
والمساطيح والفخاخة ماتفارقني .

شوف المقطع مصوره قبل يومين . وإذا لك خاطر تحبل معاي حاظر تراني جاهز وإذا ودك بفخ أو عتل علمني بس ..

وتسلم على الموضوع المميز بصراحة

وهذا المقطع مصورة قبل يومين

http://up2.m5zn.com/download-2009-4-8-12-xs6j8ylgg.avi






الله عليك بودحوومم والله انك عجيب



ماشاء الله عليك بذمتي فنان لين الحين اتحبل عيني عليك بااارده


والمقطع ولا اروع الله يعطيك العااافيه


وماتقصر والله يعني كل يوم لازم اتنبر عتل


صوري علب خاطري اشوفه يلبط :shy:



يسلمووو على مرورك الي نور الموضوع والله

[وحيد-الشوق]

:eek5: :eek5:

زهيوي وعتل :eek5: << اول مره اسمع هالاسم :rolleyes2:

يعطيك العافية عالموضوع المغبر <<< هذا اذا كنت تعرف شيء اصلا

كل الشكر لك

[غير البشر]

نسيت العنيوش والله من يومين شفته وقلت الله يرحم ذيك الايام
ونسيت الخنفسانه اذا كسرت ظهرها اتصير غذاء متكامل كامل الدسم :nice:




هههههههههههههههههههههههههه


لا عنيوش مانسيته


بس كنا اكثر شي العتل لاني انحسس اني امسكه :shy: حنان خخخخخ


اي الخفسانه غذاء متكامل بس دايت ههههههههههه


رجع الايام اخو مزيون عند نادي العربي

دايما كنا نحبل عند النادي والله :victory:

يعطيك العاافيه اخووي

[غير البشر]

تقصد القبانه وجمعهم ( قبان )


وأنت الصادق يمكن يقصد ( الختان ) خنفسانه حجمها أصغر من الخنفسانه المعروفة




الظاهر جذي القباانه او البوزنه

[بنت ابوها 19]

شنو من النوادار الصراصير :omg:


الحين ياااااااااااااااامكثرهم
وووع لاعت جبدي من صورتهم :sneaky:

[مستثمر تحت التعليم]

السلام عليكم

أول شي تحيه لعشاق الحبال وبالذات شباب مدينة خليفه الشماليه

طبعاً الي ايتذكرون كان أحسن مكان للحبال عند الدحل وورا اللاند مارك حاليا طبعا كان بر والغرافه وورا اللقطه صوب المزارع

ذكريات حلوه وبالنسبه للعتل كانوا للفقاق والمدقي وفرخ السمن
وأما الأشول والأصرد والسمن وبعض الخطاطيف مايجيب راسهم الا الزهيوي أو العنيوش أو المختن وهو مثل الخنفسانه بس صغير
ومن ذكرياتي مع الحداق أني رحت ورا مدقي عيار أحده صوب الفخ وباعد شوي ولابد من الصفاره مع التلويح باليد والحبالين ايتذكرون الطريقه عدل بس للأسف جا شرياس وظرب على الفخ وشفته ومامداني اركض الا وهو طاير بالفخ وانا وراه وهو ايطير ويتعب وينزل وليقربت منه طار وبعد لين أختفى بالفخ ورجعت البيت مهموم وخايف لأن الفخ مال الوالد وطبعاً طراقات وهواش ............. ياجماعه أذا حد لقى الفخ ثراه لونه بني محروق وقرن غزال وخرزته سوده ومده مزخرف وضاع ورا الدحل من 30 سنه فقط فعلى من يجده أحظاره وله جزيل الشكر

[البحار00]

حبلت امس وصدت امدقي وسمنه

تذكرت ايام الطفولة

[البحار00]

وهذا المدقي في الفخ

http://up2.m5zn.com/photo/2009/4/15/01/mavne4ek6.jpg/jpg (http://up2.m5zn.com)


ومن بعد ماصورته طيرته بدون ما آذيه

[مزيون الدوحه]

السلام عليكم

أول شي تحيه لعشاق الحبال وبالذات شباب مدينة خليفه الشماليه

طبعاً الي ايتذكرون كان أحسن مكان للحبال عند الدحل وورا اللاند مارك حاليا طبعا كان بر والغرافه وورا اللقطه صوب المزارع

ذكريات حلوه وبالنسبه للعتل كانوا للفقاق والمدقي وفرخ السمن
وأما الأشول والأصرد والسمن وبعض الخطاطيف مايجيب راسهم الا الزهيوي أو العنيوش أو المختن وهو مثل الخنفسانه بس صغير
ومن ذكرياتي مع الحداق أني رحت ورا مدقي عيار أحده صوب الفخ وباعد شوي ولابد من الصفاره مع التلويح باليد والحبالين ايتذكرون الطريقه عدل بس للأسف جا شرياس وظرب على الفخ وشفته ومامداني اركض الا وهو طاير بالفخ وانا وراه وهو ايطير ويتعب وينزل وليقربت منه طار وبعد لين أختفى بالفخ ورجعت البيت مهموم وخايف لأن الفخ مال الوالد وطبعاً طراقات وهواش ............. ياجماعه أذا حد لقى الفخ ثراه لونه بني محروق وقرن غزال وخرزته سوده ومده مزخرف وضاع ورا الدحل من 30 سنه فقط فعلى من يجده أحظاره وله جزيل الشكر

حداق ؟؟ :D
اكيد قصدك حبال :victory:

وبخصوص الفخ الي ضاع اكيد الحين ارتفع سعره مثل مكينة الخياطه :fight:
واذا من 30 سنه يعني العتله صارت مومياء مع الشرياص طبعا :nice:

[بودحوم]

وهذا المدقي في الفخ

http://up2.m5zn.com/photo/2009/4/15/01/mavne4ek6.jpg/jpg (http://up2.m5zn.com)


ومن بعد ماصورته طيرته بدون ما آذيه


خوش فخ عندك يابوالشباب

وحظك أنك صدت سمنه . من زمان ماتوفقت بالسمن . طايح في المدقية والفقاق

[غير البشر]

ابي عتل الله لايهينك

لو عتلة وحده خاطري احبل من زمان



اخوي البحا ان شاء الله اتحصل مرادك


وبودحوم مايقصر ان شاء الله


بس اخوي حلاتها انت تنبر يكون احلى اتحس انك اتحبل صج ههههههه :shy:

[غير البشر]

قلنالكم اختلاف ثقافات ... الظاهر كل فريج كان له مسميات خاصه :)

بس مش قبانه .. شي قريب من فقاقه .. الفقاقه الي الي مخربطه مخي :secret:




هذلان الاخوان يقصدون اكل الطيور وهي القبان


لكن انت تقصد طير قريب من الفقاقه


لايكون قصدك ام خضرم :victory:

[البحار00]

خوش فخ عندك يابوالشباب

وحظك أنك صدت سمنه . من زمان ماتوفقت بالسمن . طايح في المدقية والفقاق


حاضرين يا بودحوم ترى عندي غيرة

تامر علية

وابشر بالسمنه ان شاء الله مره ثانيه

بس انت شد حيلك معاي وعطني عتل وابشر بالسمن

[البحار00]

اخوي البحا ان شاء الله اتحصل مرادك


وبودحوم مايقصر ان شاء الله


بس اخوي حلاتها انت تنبر يكون احلى اتحس انك اتحبل صج ههههههه :shy:


والله اخوي بودحوم ماقصر عطاني كم اعتلة وحبلت

بس الحين انطر الدفعه الثانيه

والله ودي ياخوي اني انبر بس وين مب عارف

[غير البشر]

والله اخوي بودحوم ماقصر عطاني كم اعتلة وحبلت

بس الحين انطر الدفعه الثانيه

والله ودي ياخوي اني انبر بس وين مب عارف



انا بعلمك بس من زمان انا مارحت والله


بس عندك قلب الغالي


روح اعزك الله سوق الغنم وادخل اي زريبه ونبر داخل


والله كنا نروح ناخذ من هناك :victory:

[البحار00]

انا بعلمك بس من زمان انا مارحت والله


بس عندك قلب الغالي


روح اعزك الله سوق الغنم وادخل اي زريبه ونبر داخل


والله كنا نروح ناخذ من هناك :victory:

ههههههههههههههههههه

احراج ياخوي قدام العالم انبر

بيقولون شيسوي ذيه هالخبل

[غير البشر]

بعد اضن صاحب الموضوع .. غير البشر

هذا مقطع يوضح ماكنت اعنيه بالـ سبرنت :nice:

http://www.rahimh.com/Video/sammnh.rm

سلم لي على الفقاقه بس

http://www.rahimh.com/Video/fqaqh.ram

يلوموني يوم اني ربيت الاصرد .. شوف فعله

http://www.rahimh.com/Video/hamm.rm


بصراحه و بدون مجامله يا غير البشر ... موضوعك رهيب






اذنك معاك الغااالي



ماشاء الله عليك رووعه والله


شكلي برووح هذي الايام ومشكور على الروابط وربي متعه


اما الاصرد اخوي هذلان ماله حل :victory:

[غير البشر]

تسلم للموضووع الجميل





الله يسلمك اخووووي حبيبي مسيو


مبرووك عليك التميز يامييز


وتسلملي على تعليقك الغالي

[بابا الضحية]

موضوع يجنن :)

[sulai6i]

موضوع عجييييييييب



تسلم يالغالي على الموضوع











تصدق عاد ... عندي صورة قديمة ايام كنا نحبل في الزرع المهجور












وعندي اضافة بخصوص مكونات الفخ



نسيت تذكر المزور او المزوار وهو الخشبة الطويلة اللي تنربط فيها الحقّة والطارة


ومشكوووور مرة ثانية على الموضوع اللي رجع لنا الذكريات

[مليونيره]

ذكرتني بأبوي شكثر عنده وتملل ننطر في السيارة عشان يصيد

[بودحوم]

والله اخوي بودحوم ماقصر عطاني كم اعتلة وحبلت

بس الحين انطر الدفعه الثانيه

والله ودي ياخوي اني انبر بس وين مب عارف


حاظرين يالبحار . بالرغم أن المنبر لعب به المطر وعفسه عفاس لكن لقيت لك كم حبة

وبتصل بك أن شاء الله بأقرب وقت

[سر يا قلم]

يعطيكم العافيه
بس الصراحه تفاجئت يوم شفت الفخ لن هذا فخي
مادري من وين جايب الصوره غير البشر
وهذا الفخ لين اليوم موجود عندي

ويعطيكم العافيه

[سر يا قلم]

مادري يالربع حق عنده عتل

والله نبغي انحبل اليوم صايدين 23 سمنه بس بسلاح
ودورنا عتل مالقينا اذا في عتل والله ابغي ضروري

[البحار00]

حاظرين يالبحار . بالرغم أن المنبر لعب به المطر وعفسه عفاس لكن لقيت لك كم حبة

وبتصل بك أن شاء الله بأقرب وقت


تسلم تسلم يا السمي

الله يواليك العافيه

[بودحوم]

مادري يالربع حق عنده عتل

والله نبغي انحبل اليوم صايدين 23 سمنه بس بسلاح
ودورنا عتل مالقينا اذا في عتل والله ابغي ضروري


ماشاء الله
حظك يكسر الحصى . ماشاء الله عليك

من زمان والله ماصدت سمن وخاطري أصيد شي منهم حي بالفخ مب بالبندق .

بالنسبة للعتل .. أبشر أن شاء الله .بس عطني يومين ثلاثة وخاطرك طيب

[سمو انسان]

تسلم يا ولد العم عالموضوع

الا بغيت انشدك وين اقدر احصل الفخ العتر

ومشكور مقدمن

[مستثمر تحت التعليم]

:)
حداق ؟؟ :D
اكيد قصدك حبال :victory:

وبخصوص الفخ الي ضاع اكيد الحين ارتفع سعره مثل مكينة الخياطه :fight:
واذا من 30 سنه يعني العتله صارت مومياء مع الشرياص طبعا :nice:

بسك عن التصيد يالحبيب

خلاص حبال مش حداق

وبالنسبه للعتله صارت مومياء :) للأسف كانت خنفسانه أو زهيوي مش متأكد
وخوفي علي الفخ ياريت لي لقيته تتصلي بأسرع وقت :tease:

[شاهين]

هههههههههههههههههههههههه
معذب البنات
لعوزتهم اخوي خير البشر على هالصوره


http://www.image.gostshare.com/files/ih78qfehl2i1660rijsj.jpg (http://www.image.gostshare.com/)



يعطيك العافيه على هالموضوع الطيب
بقولك شي ترى لين اللحين في ناس تحبل وكبار في السن
وأذا لك خاطر أو ودك حياك
بين الغشامية وعين سنان والعذبة
روووح وأستمتع بالماضي أخوي غير البشر

[غير البشر]

بصراحه طفولتك كانت بريييييئه والعابكم رااقيه واااجد :rolleyes2:

الله يعطيك العافيه والصحة وطولة العمر اخوي ...



ههههههههههههههههههه شعشبونه


ترا انا في اشياء وااايد ماذكرتها مراعاه لشعور الاخرين


ارجعي حق مشاركه ناصر العمادي وفسريها هههههههههههههههه


يعطبج العااافيه اختي


عندج عتل ادور ؟؟ :victory:

[غير البشر]

من قلب ذكرتنا بايام حلوه مضت كنت اسوي الفخ بنفسي والعتل كنا ننبره بحوطه البقر الله يعزكم هههههههه واذا حصلت العلب تشقق من الفرحه والحبال ورا البيت في القوايل والعصريه موضوعك حلو ورجعتنا سنيييييييييييين ورا



مرورك الاحلى اخوووي بارد حبالنا الكبيره :victory:


اي والله كانت ايام حلوووه انا معاك كنا نسوي الفخ بنفسنا


ونشتري خيوط حداق تتذكر عشان انلفه بالحقه :nice:


واذا تبيه عتر لفه زياده :victory:

[غير البشر]

موضوعك حلوو اول مرة اعرف هالاشياء

يسلموووو اوي اوي اوي



مرورج الاحلى اختي


ومبروك عليج التميز والعفو اختي


كنت اتمنى انج شاكرتي اخوانج في تنبر العتل هههههه


تقبلي تحيااتي :victory:

[البحار00]

مرورك الاحلى اخوووي بارد حبالنا الكبيره :victory:


اي والله كانت ايام حلوووه انا معاك كنا نسوي الفخ بنفسنا


ونشتري خيوط حداق تتذكر عشان انلفه بالحقه :nice:


واذا تبيه عتر لفه زياده :victory:

انا كنت احط تيوب سيكل بدال خيط الحداق

[لاداعي]

مادري ليش كل يوم لازم امر على موضوعك..

ذكرتني بالذي مضى.. :weeping:

[غير البشر]

والنعم فيك والله ياوالد......... :nice:

والله العظــيم أن بظبط هاي لقرطه الي اقصدها يوم قتلك شكلك في فريجنا لقرطه الي عند حدائق النصر..

والبركه فالزرع الي مجابل النادي.. :telephone:

ويعطيك العافيه ياوالد الفريــج..:nice:




الله يقطع ابليسك على طول جبت الاقرطه اخوي لاداعي


في مكان كنا نجيب منه عتل بس تجنب اذكره عشان السمعه هههههههههههههههه


اممممممم شفت اشارات المنتزه الي عند محطه البترول

مع الاشاره في مجمع سكني الي جنب رامادا

وقبل المجمع كانت ارض فاضيه لو تتذكر كان يصير رالي فيه



كانت في غرفه هناااك :secret: :secret: :secret:


كنا ننتظر الانتاج :secret: ههههههههههههههههههههههههههه


لاحد يوضح بس خخخخخخخخخخخخخخخخخخخخ

[غير البشر]

الله هاي يوم كنت صغيرة اروح مع ابوي

الحين ابوي مايروح:(

أيام والله راحت وماظنتي تعود

يعطيك العافية



اي والله اختي moom ايام مضت واعتقد لا عوده


لان هذا الجيل مايعرف شي عن الحبال ولا في اي بوادر للفكره


الله يخلي لج الوااالد ان شاء الله المشكله الكل تقريبا

مايروح مب الوالد بس :victory:

[غير البشر]

لاتخليني أقولك سالفتي مع لزهيوي.. :cry2:



هههههههههههههههههههههههههههههههه



اشفيك اتصيح قول وطلع الي بخاطرك :victory:


تعال فضفض اتذكر ايام يوم كنا نصيدهم والله حاله


الحين خلاااااااااااااااااااااااااااااااااااااص مستحيل اسويها ماقدر :rolleyes2:


تدري شلون كنا نسوي


تقريبا جسمي كامل داخل ال؟؟؟؟ خخخخ وواحد من الربع يكون برع


وماسك ريلي عشان ماطيح وراسي على تحت وعندي قوطي



واليد الثانيه اصيد فيها :secret:

[عابر سبيل]

اخي الكريم...غير البشر...
لا اعلم..ان كانت صدفه او تووافق خواطر او
ذكريات مشتركه....

اضع لك هنا مشاركتي المتواضعه في موضوع اخر...قبل اسبوع تقريبا!
لكنه في نفس السياق...

ابدعت انت..بالصور و الشرح الوافي....

اما الوناسه و الحركات الاخرى التي تصاحب
" رحلة الحَـبَــالْ" من كلمة حَـبَــلَ...يحبِلُ!( خلها على الله)
فانا ربما صورت بعضها بحكم طبيعة الموضوع الاخر الذي شاركت به
مع اخونا OTOsan

مع شوية بهارات و اضافات و اسماء ادعتها طبيعة الموضوع هناك فقط!.

و تفضل:


هالمره...قريب من المستشفى يا اوتوسان...
مريت على شارع ...جنبه داعوس
يشبه داعوس اخونا Arab!n...

قلت السلام يا مرتع الاوساخ و سحاحير الحمام....
قال هلا والله..
من انت...

قلت انا ..اليوم ايسموني عابر سبيل...
قاطع مسيري في هالمكان....
قلت ادور عن ذكريات الربع و الاهل و الخلان...

قال ايييه...اح اح...كح كح...
تذكرتك يا يبه....
اسمح لي..النظر قل و السمع شان..

قلت العفو يا داعوس "العتل" و العنيوش و التنبل
مال البتان!....

قال هيييه..انتو اللي كنتو اتيون...شلة مع ربعكم
اللي جاينكم من الخور و الا من حدود لفان...
قلت اييه..طوفتك الشرقية بيت العم سلطان..
و طوفتك الغربيه...بيتنا العووود...مرتع الافراح....قبل
ليصير خربان...

قال شخبار ربعك....لين الحين اتروحون مشي
تصيدون المدقي و الفقاقه و لا "الصقرقع"...

اكيد الحين تطورتو....لوّل اتجوني حق العتل...اعطيكم
منها الصغار و الا "العلوب" اللي تشهي العصافير
و تخوف بنات الجيران...

قلت..ايييه...وين يا حيف..

الحين..انا بكتب حق عزيزي OTOsan....
كلمات يمكن اكثر من بالمنتدى ما سمعها و لا
عرف جات من أي مكان...

لول يا داعوس " ابن عمران"...

كنا اننبر العتل عندك....
عشان انحطه في الفخ...اللي مصنوع من "الحقه"..

و نقعد طول القوايل في الحوط و البران..

بس عشان انصيد عصفورين ...مدقي..فقاقه...
صقرقع..قحّافي...
و لا اذا تمللنا قمنا انلاحق "الضبان"...

قال بل بل...حشى...ما كنت ادري انك يا عابر....
لهالحد شيطان!..

قلت لا...
و اذا عودنا و العصفور حي ...و الا الضب يلبط..
قمنا نستعرض على بنات الحي و انخرعهم...
و بالاخص..لين كانو يلعبون "بروي" و لا "قيس"
و ايناقزون مثل الغزلان...

قال وشو....يا اسود الويه....
و انا كنت اشوفك بين ربعك "اسويكت"
و في المدرسه "امسكّت"..

قلت يا داعوسنا...كنا اصبيان...
في وطر ذيك الايام...ما نعرف سوالف
مثل اصبيان هالزمان....براااااءه من راسنا لين ريولنا...

اما الحين...دارت ابنا الايام...
اعيالنا ما انخليهم ايوطوطون برع البيبان..
كله تحت " السيقا" و "البلي استيشن"
و لا هاليام لعبة " الوي"...

ما ايعرفون الحقه..و لا القلينه و الماطوع...
و لا لعبة التيله و خاصة الدنبخه الجنغليه
مالت ايام زمان...

قال...بل بل....اجل من بقى من هل قطر و اشبقى
من تاريخكم او تراث عجايزكم و الشيبان...

قلت السلام...
ترى انا طولت..و ما ادري
ان كان كلامي بيعجب اخوي اوتو
و شباب المنتدى الكرام...

لاني احس "اغبره" تطلع من حجيك العتيييج
يا داعوس من دواعيس فريج بن عمران!
http://www.qatarshares.com/vb/showthread.php?p=3965282#post3965282

[غير البشر]

[QUOTE=عابر سبيل;4018510]
اخي الكريم...غير البشر...
لا اعلم..ان كانت صدفه او تووافق خواطر او
ذكريات مشتركه....
اضع لك هنا مشاركتي المتواضعه في موضوع اخر...قبل اسبوع تقريبا!
لكنه في نفس السياق...

ابدعت انت..بالصور و الشرح الوافي....

اما الوناسه و الحركات الاخرى التي تصاحب
" رحلة الحَـبَــالْ" من كلمة حَـبَــلَ...يحبِلُ!( خلها على الله)
فانا ربما صورت بعضها بحكم طبيعة الموضوع الاخر الذي شاركت به
مع اخونا OTOsan

مع شوية بهارات و اضافات و اسماء ادعتها طبيعة الموضوع هناك فقط!.





[SIZE="4"][COLOR="Navy"]بصراااحه اخوووي عابر مشاركتج جدااا رووعه والله


واسلوب ولا ارقى ربي يحفضك


اعتقد ثنتين منهم الخواطر والذكريات المشتركه :shy:


ماشاء الله عليك والله ابدعت فعلا كانت ذكريات وخواطر اشتقنا لها

وسبب تذكري للحبال حيث ان في يوم سردي للموضوع

كنت في السياره ومريت على منطقه الان صارت 100 % سكنيه


ولي فيها ذكريات حلووه مع الحباااال

ابي اذكرك ذكرى منها


كنت رايح فتره الظهر للحبال لوحدي في نفس المنطقه

وهي خلف سوق الغنم ( اعزكم الله) حصلت واحد من الاصدقاء

وقعدت اسولف معااه ..

قال خاطري انجن ؟؟

قلت له خير!

قال في اصرد من ثلاث ايام اجي عشانه وخاطري اصيده..

قلت له وينه قال هناك على الحديده...

قلت ااووكي خلني احاول..


حطيت له الفخ في نفس المكان وخليت جهه الفخ ضد الريح

لان معظم الطيور تقف مع اتجاه الريح

لانها لاتستطيع ان تقاوم الريح في وجهها حسب خبرتي والله اعلم

ووضعت الفخ دفاني

والحمدلله عشر دقايق والاصرد عندي :victory:


قالي شلون وكيف قلت له الحمدلله ربي وفقني

قال وشرايك .....


قلت شنو ؟


قال اعطيك الصيد كله وتعطيني الاصرد ههههههههههههههههه


قلت خل الصيد عندك واخذ الاصرد :nice:


المسوحه على الاطاله ...


هذي قصتي مع المنطقه ونزول الموضوع :victory:

[عابر سبيل]

حطيت له الفخ في نفس المكان وخليت جهه الفخ ضد الريح

لان معظم الطيور تقف مع اتجاه الريح

لانها لاتستطيع ان تقاوم الريح في وجهها حسب خبرتي والله اعلم

ووضعت الفخ دفاني

والحمدلله عشر دقايق والاصرد عندي :victory:

:victory:[/B][/COLOR][/SIZE]

عجيييييب و الله عجيب...
كان حي و لا ميت....من كلامك شكله ما فيه...طلعت
روحه!..

اخوي..و الله انا مقصر في هالمسأله وااايد و ايد..

يعني ابي اعرف..اذا ابي فخ و لا حتى حقّه حق اعيالي...
وين احصلها هالاليام...

و نبي موضوعك يستمر...امانه..اذا انك حبلت اهني
و لا اهناك..
يا ريت اتصور لنا الفخ و العتله اللي فيه
و اذا الله وفقك و صدت ..اتصور صيدك قبل ما تاخذه
من الفخ!...

بالتوفيق..

[pinky]

السلام عليكم


يا الله ... والله انك رجعتنا سنين ورى .. رحمة الله على اخوي كنا نحبل دايما .. و العتل نجيبه من زريبه في الفريج محد طاح عليها..
فيه شويه اسئله .. الاصرد ليش كنا نصيده ... لعانه اعتقد مره وحده صدته و ربيته ولا اذكر شصار فيه
سوؤال ثاني .. اتمنى حد يجاوبني عليه.. كنا اذا افلسنا من العتل نحط خنفسانه صغيره .. نسيت اسمها .. حاولت كذا مره اتذكر و نسيت كلش .. هي خفسانه صغيره و مفعولها اقل من العتله بمراحل.

بس احلى مافي الموضوع السبرنت اذا صاد الفخ :)



ههههههههههههههههههههههه تدري ليش تصيد الاصرد لانه هو السمين في لطيور ذاك الوقت حسب علمي ههههههههههههه مطفشه لطيور من عيال الفريج لا تكون انت واحد منهم

[pinky]

العتل عندكم راقي من تحت الشجر ...احنا كنه نجيبه من الحوطه.....
الله وكيلك عنيوش
انا كنت صغيره ...واخوي يعطيني قوطي نيدو متروس رمل وعتل ...اشله واتبعه...
هييييييييه هيضتنا

حلوه المبروكه كنتي صغيره اقلها انتي الحين ...................لا تحاولين:nice:

[غير البشر]

عجيييييب و الله عجيب...
كان حي و لا ميت....من كلامك شكله ما فيه...طلعت
روحه!..

اخوي..و الله انا مقصر في هالمسأله وااايد و ايد..

يعني ابي اعرف..اذا ابي فخ و لا حتى حقّه حق اعيالي...
وين احصلها هالاليام...

و نبي موضوعك يستمر...امانه..اذا انك حبلت اهني
و لا اهناك..
يا ريت اتصور لنا الفخ و العتله اللي فيه
و اذا الله وفقك و صدت ..اتصور صيدك قبل ما تاخذه
من الفخ!...

بالتوفيق..





هلا اخوي العزيز عابر سبيل

بالنسبه للاصرد كان حي والحمدلله :victory:


وبالنسبه للفخ والحقه والله ياخوي ..


انا ماعرف وين يبيعون او يحصلون لاني خبرهم من بعيد:::


لكن انا بشوف لك وبأذن الله من احصل بعطيك خبر الغالي:::


او ممكن يكون في سوق واقف ماعتقد مايكون عندهم:::


الحل المضمون عند اخونا بودحووم ههههههه......


مايقصر بو دحوم يورد عتل حق المنتدى الله يعطيه العافيه.....


او ممكن يفيدنا وين نحصل.............


وتقبل تحيااتي :victory::discuss::victory:

[سداوي&مدريدي]

غير البشر صباح الورد المفعم بالياسمين :shy:

[غير البشر]

غير البشر صباح الورد المفعم بالياسمين :shy:




صباح النور المفعم بالزيزفون


ماعليك امر اذا بعت الساعه


ابي عدد 2 فخ


مع 20 عتله


مع 5 عناييش


و500 ريال رشوه حق بوحارب يجي معاي :shy:

[سداوي&مدريدي]

صباح النور المفعم بالزيزفون


ماعليك امر اذا بعت الساعه


ابي عدد 2 فخ


مع 20 عتله


مع 5 عناييش


و500 ريال رشوه حق بوحارب يجي معاي :shy:

هههههههههههههههههههههههههههههههههههههههههههههههههه ههههههههههههههههه

2عدد فخ شناوي عليه هاا :con2:

أهم شي اذا تقدر اتجيبه معانا بكون شاكر لك :shy: :shy:

[غير البشر]

هههههههههههههههههههههههههههههههههههههههههههههههههه ههههههههههههههههه

2عدد فخ شناوي عليه هاا :con2:

أهم شي اذا تقدر اتجيبه معانا بكون شاكر لك :shy: :shy:






هههههههههههههههههههههههههههههههه


انا ابيك تتوسط لي عنده :tease:


الفخين واحد لي وواحد حق اخونا عابر سبيل


ووظيفه بوحارب يساعدني احط العتل في الفخ :shy:



ترا بيعصب لو يشوفونا الدب :weeping:

[غير البشر]

عاد فيه امدقيه هالايام




البحار بشر اخبار الصيد معاك



عطنى خبر اول باول لاني بصراحه خاطري ارووح



وخش لي كم اعتله ابي علووب :shy:

[غير البشر]

:eek5: :eek5:

زهيوي وعتل :eek5: << اول مره اسمع هالاسم :rolleyes2:

يعطيك العافية عالموضوع المغبر <<< هذا اذا كنت تعرف شيء اصلا

كل الشكر لك




:omg: افا اخووي وحيد ماتعرف العتل


الفقاق والمدقيه زعلانين عليك :weeping:


خلاص ابشر نعلمك وبنخليك تصيد معانا :victory:

[البحار00]

البحار بشر اخبار الصيد معاك



عطنى خبر اول باول لاني بصراحه خاطري ارووح



وخش لي كم اعتله ابي علووب :shy:

غيرت الموجه الحين من المدقيه ورحت صوب البحر:discuss:

والحمدلله الصيد زين

[شمعة الدوحه]

وووووع الطيوور تاكل الصراصير:rolleyes2:

ذكرتني بقطوه عندنا نفس الحاله لوعت كبدي :(

غير البشر

يعطيك الف عافيه اخوي

[qatar__boss]

اياااااااام والله

[غير البشر]

شنو من النوادار الصراصير :omg:


الحين ياااااااااااااااامكثرهم
وووع لاعت جبدي من صورتهم :sneaky:





هههههههههههههههه بنت ابوها


شنو النوادر :rolleyes2:



خليتي المدغيه والفقاق ورحتي حق الصراصير :tease:



حظج ماوداج اخوي معاه اتنبيرين عتل :victory:



يسلموو على مرورج اختي :nice:

[غير البشر]

السلام عليكم

أول شي تحيه لعشاق الحبال وبالذات شباب مدينة خليفه الشماليه

طبعاً الي ايتذكرون كان أحسن مكان للحبال عند الدحل وورا اللاند مارك حاليا طبعا كان بر والغرافه وورا اللقطه صوب المزارع

ذكريات حلوه وبالنسبه للعتل كانوا للفقاق والمدقي وفرخ السمن
وأما الأشول والأصرد والسمن وبعض الخطاطيف مايجيب راسهم الا الزهيوي أو العنيوش أو المختن وهو مثل الخنفسانه بس صغير
ومن ذكرياتي مع الحداق أني رحت ورا مدقي عيار أحده صوب الفخ وباعد شوي ولابد من الصفاره مع التلويح باليد والحبالين ايتذكرون الطريقه عدل بس للأسف جا شرياس وظرب على الفخ وشفته ومامداني اركض الا وهو طاير بالفخ وانا وراه وهو ايطير ويتعب وينزل وليقربت منه طار وبعد لين أختفى بالفخ ورجعت البيت مهموم وخايف لأن الفخ مال الوالد وطبعاً طراقات وهواش ............. ياجماعه أذا حد لقى الفخ ثراه لونه بني محروق وقرن غزال وخرزته سوده ومده مزخرف وضاع ورا الدحل من 30 سنه فقط فعلى من يجده أحظاره وله جزيل الشكر






هههههههههههههههههههههههههههههههههههههه



الله ريعينك والله اما شرياس ماله حل

يعطيك العاافيه اخوي على ذكرياتك الحلوووه :victory:

[اليوفينتوس]

يعطيك العافية

[غير البشر]

حبلت امس وصدت امدقي وسمنه

تذكرت ايام الطفولة




ماشاء الله عليك اخوي البحار



والله طلعت عند كلمتك ورحت اتحبل



عيني عليك بااارده


انا والله لين الحين مابلشت وشكلها السنه راحت علي خخخخخخخخ

[غير البشر]

وهذا المدقي في الفخ

http://up2.m5zn.com/photo/2009/4/15/01/mavne4ek6.jpg/jpg (http://up2.m5zn.com)


ومن بعد ماصورته طيرته بدون ما آذيه





هههههههههههههههههههههههههههه



الله الله على قلبك الرحيم :shy:



طيرته جزاك الله خير اهم شي الوناسه وسويت الي تبيه وصدته

[بوعلي2]

رجعتنا 16 سنه ورى

ايام حلوه قبل ايام الحبال

نروح مشي واذا تطورنا نروح بسيكل الحوط والخرايب وندور عتل ومشاطيب

كنا مانتملل

ااااااااه على وقت مضى

تسلم على الموضوع الطيب يالغالي

والله لايحرمنا من جديدك

*_*

[غير البشر]

ههههههههههههههههههه

احراج ياخوي قدام العالم انبر

بيقولون شيسوي ذيه هالخبل




هههههههههههههههههههههههههههههههه




ماعليك منهم من صجك




والله تبيني برووح معاك عادي ولا افتكر


ها يالله قدااااام :victory:

[نفسي عزيزه]

ذكرتنا بالذي قد مضى

شوكرن على الموضوع الحلو

[بوحارب]

بعض المعلومات جديده بالنسبة لي

اشكرك يالحبيب ولاهنت

ولي عوده حتى استفيد من خبراتك :)

[findi]

موضوع ولااا ارووع الصراحه

استمتعت وانا اقرااه

فيه اشياء وايد ماكنت اعرفهااا

بس الي خرب عليه صورة الزهيوي

يعني لااازم تحط له صوره الله يهداك :weeping:

[غير البشر]

موضوع يجنن :)


يسلمووو بابا الضحيه على المرور
مرورك الاحلى با الغالي
ولاتحرمنا من مشاركاتك :victory:




موضوع عجييييييييب



تسلم يالغالي على الموضوع











تصدق عاد ... عندي صورة قديمة ايام كنا نحبل في الزرع المهجور












وعندي اضافة بخصوص مكونات الفخ



نسيت تذكر المزور او المزوار وهو الخشبة الطويلة اللي تنربط فيها الحقّة والطارة


ومشكوووور مرة ثانية على الموضوع اللي رجع لنا الذكريات




العفو بويوسف وشاكر لك مرورك
والف شكر لك على الاضافات
اي والله اني محتاج اضافتكم الذاكره اشوي لك عليها هههههه






ذكرتني بأبوي شكثر عنده وتملل ننطر في السيارة عشان يصيد



الله يخلي لج الوالد يارب اختي المليونيره
اختي انطرو اشوي وش وراكم
ترا الصيد يبغيله صبر وطوله بال
شاكر لج المرور اختي :victory:

[غير البشر]

تسلم يا ولد العم عالموضوع

الا بغيت انشدك وين اقدر احصل الفخ العتر

ومشكور مقدمن



هلا والله ولد العم
والله الغالي من زمان ماحبلت ولا دورت
بس احتمال كبير اتصله في سوق واقف
لاني تبي الصج عمري ماشريت فخ :(
انا كنت اشتري الحقه من احمدو اتعرفه ؟
هههههههههههههه البلوشي
وبس اشتري خيط حداق او تيوب
واسوي الفخ واسويه عادي او عتر :victory:

[غير البشر]

هههههههههههههههههههههههه
معذب البنات
لعوزتهم اخوي خير البشر على هالصوره


http://www.image.gostshare.com/files/ih78qfehl2i1660rijsj.jpg (http://www.image.gostshare.com/)



يعطيك العافيه على هالموضوع الطيب
بقولك شي ترى لين اللحين في ناس تحبل وكبار في السن
وأذا لك خاطر أو ودك حياك
بين الغشامية وعين سنان والعذبة
روووح وأستمتع بالماضي أخوي غير البشر




اي والله في ناس تحبل لين الحين بس اخوي شاهين ماشوفهم
والمناطق الي قلت لي عنهم بعيده انا احب حبال الفرجان ههههههههه
الله يعطيك العافيه على مرورك وشاكر لك العزيمه للحبال :victory:

[غير البشر]

رجعتنا 16 سنه ورى

ايام حلوه قبل ايام الحبال

نروح مشي واذا تطورنا نروح بسيكل الحوط والخرايب وندور عتل ومشاطيب

كنا مانتملل

ااااااااه على وقت مضى

تسلم على الموضوع الطيب يالغالي

والله لايحرمنا من جديدك

*_*


العفو الغالي طائر
وشاكر لك مرورك فديتك
اي والله قبل مشي بس في سيكل ماحبلت
تطورت علة طول بالسياره ههههههههههههه





ذكرتنا بالذي قد مضى

شوكرن على الموضوع الحلو


العفو الشيخ وشاكر لك مرورك :victory:



بعض المعلومات جديده بالنسبة لي

اشكرك يالحبيب ولاهنت

ولي عوده حتى استفيد من خبراتك :)


الله يسلمك حبيبي بوحروبي
حياك في اي وقت
ويبغي لنا طلعه حبال اشرايك :shy:






موضوع ولااا ارووع الصراحه

استمتعت وانا اقرااه

فيه اشياء وايد ماكنت اعرفهااا

بس الي خرب عليه صورة الزهيوي

يعني لااازم تحط له صوره الله يهداك :weeping:




الله يسلمج اختي
ومرورج الاحلى وشرف الموضوع
وان شاء الله دوم تستفيدين واتفكرين اتجربين مره
وخصوص مرعب البنات الزهيوي
شاسوي يحبون ياكلونه ولازم يكون في الموضوع ههه
ترا تجنب اذكر اشياء وايد مراعاه لشعوركم :(

[راعي التاهو]

أيه ذكرتنا بذاك الوقت جزاك الله خير على هالموضوع

[رجل الجزيرة]

طيب شوفوا الصقرقع يا سبحان الله شكله حلو:

http://www.adigicam.com/gallery/data/502/medium/44444444444444444444444444.jpg

http://farm4.static.flickr.com/3497/3468249175_32350cabbd.jpg

http://www.qatar-photo.com/gallery/data/653/RP1R9786.jpg

[إعلامي قطر]

طيب شوفوا الصقرقع يا سبحان الله شكله حلو:

http://www.adigicam.com/gallery/data/502/medium/44444444444444444444444444.jpg
[/img]


صورة الصقرقع من تصوير رفيجي دايماً نروح نصيد ونصور سوى..

هالصورتين له أيضاً وآنا إللي رميت من صجمه من غير دربيل.. :victory:

http://www.alhnuf.com/up/pics-gif/upload/uploads/thumbs/a-c71f98db8a.jpg (http://www.alhnuf.com/up/pics-gif/upload/view_h.php?file=c71f98db8a)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=c71f98db8a)


http://www.alhnuf.com/up/pics-gif/upload/uploads/thumbs/a-f5b9d07762.jpg (http://www.alhnuf.com/up/pics-gif/upload/view_h.php?file=f5b9d07762)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=f5b9d07762)



وهذي صورة الفخ السوداني حبيت أضيفها للموضوع
وهالفخ تاريخياً ماعمره خطى !! :victory:

وعندي واحد محتفظ فيه للزمن على قولتهم @@


http://www.alhnuf.com/up/pics-gif/upload/uploads/thumbs/a-39cb867019.jpg (http://www.alhnuf.com/up/pics-gif/upload/view_h.php?file=39cb867019)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=39cb867019)


وشكراً لصاحب الموضوع وللجميع بصراحه الردود رهيبه والتعليقات ولا أروع.. :victory:

..

[غير البشر]

أيه ذكرتنا بذاك الوقت جزاك الله خير على هالموضوع


العفو اخوي راعي التاهو وشاكر لك مرورك الكريم :nice:




طيب شوفوا الصقرقع يا سبحان الله شكله حلو:

http://www.adigicam.com/gallery/data/502/medium/44444444444444444444444444.jpg

http://farm4.static.flickr.com/3497/3468249175_32350cabbd.jpg

http://www.qatar-photo.com/gallery/data/653/RP1R9786.jpg




الله عليه الصرقعقع

اخوي رجل الجزيره الصور هذي انت امصورها وحديثه او قديمه

يعطيك العافيه اخوي على الصور الحلوووه جهز الفخ الحبال قرب :victory:

[غير البشر]

صورة الصقرقع من تصوير رفيجي دايماً نروح نصيد ونصور سوى..

هالصورتين له أيضاً وآنا إللي رميت من صجمه من غير دربيل.. :victory:

http://www.alhnuf.com/up/pics-gif/upload/uploads/thumbs/a-c71f98db8a.jpg (http://www.alhnuf.com/up/pics-gif/upload/view_h.php?file=c71f98db8a)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=c71f98db8a)


http://www.alhnuf.com/up/pics-gif/upload/uploads/thumbs/a-f5b9d07762.jpg (http://www.alhnuf.com/up/pics-gif/upload/view_h.php?file=f5b9d07762)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=f5b9d07762)



وهذي صورة الفخ السوداني حبيت أضيفها للموضوع
وهالفخ تاريخياً ماعمره خطى !! :victory:

وعندي واحد محتفظ فيه للزمن على قولتهم @@


http://www.alhnuf.com/up/pics-gif/upload/uploads/thumbs/a-39cb867019.jpg (http://www.alhnuf.com/up/pics-gif/upload/view_h.php?file=39cb867019)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=39cb867019)


وشكراً لصاحب الموضوع وللجميع بصراحه الردود رهيبه والتعليقات ولا أروع.. :victory:

..





هههههههههههههههههههههههههه

ماشاء الله عليك طيرت راسه بالصجمه بدون دربيل يا فنان :victory:

اما الفخ السوداني ماقد سمعت عنه قبل بس شكله عجيب امسوي رجيم ههههههه

انا امجهز السكتون حق الصفارد والحمام وخلال ها الايام بروح ان شاء الله :nice:

[alkuwari55]

ايااااااااااااااااااااااااااااااااااااااااام وذكرياااااااااااااااااااااااااااااااااات

[قطري عصامي]

الله يرحمنا برحمته ،

رجعتنا ورى يا اخوي :(

[غير البشر]

محد يخبر عتل مني مناك :telephone:

[مزيون الدوحه]

محد يخبر عتل مني مناك :telephone:

نفس الطلب :nice:

[غير البشر]

نفس الطلب :nice:


هههههههه ياخي اتحصل في سوق الغنم وانت بكرامه بس فضيحه مب نفس قبل عادي :secret:

[Just a Gurl]

يع شلون تمسكون الدود والزهيويه؟؟؟؟
لا تقول بيدكم!!!!!!!!!!

[شويهينــه]

محد يخبر عتل مني مناك :telephone:


نفس الطلب :nice:


عند بوعلي2:victory:

http://www.qatarshares.com/vb/showthread.php?t=322262

[مزيون الدوحه]

هههههههه ياخي اتحصل في سوق الغنم وانت بكرامه بس فضيحه مب نفس قبل عادي :secret:

يبيله نوصي واحد من الحماليه :nice:
عاد ابيهم عاجل قبل يوم الجمعه :weeping:

[مزيون الدوحه]

يع شلون تمسكون الدود والزهيويه؟؟؟؟
لا تقول بيدكم!!!!!!!!!!

عيل شلون نمسكهم ؟؟

عن نفسي امسكهم بالشوكه والسكين واعطي العصافير ياكلون
وبعدين اصيدهم
لا واربط خلقه على رقبتهم علشان مايتوضخون يعني سيرفس مطاعم
هههههههههههههههههههههههههههه