المساعد الشخصي الرقمي

مشاهدة النسخة كاملة : تشطيبات فيلا


الحزين
08-04-2009, 12:14 PM
السلام عليكم

أنا بدأت في بناية فيلا وهذي أول تجربة لي مع البنيان
تعاقدت مع المقاول يبني الفيلا عظم وانا باشطبها ..
المقاول بدا في البنيان وانا بديت أدور على المحلات عشان أجهز نفسي حق امور التشطيب
ياليت ادلوني بخبرتكم في انواع التشطيب واماكنها مثل الارضيات (رخام وسراميك وبورسلان)
وأرضية الحوش ..
مع العلم ان مساحة الفيلا 730م (مساحة البنيان) والأرض كاملة 1400م
وياليت تعطوني افكاركم بترتيب التشطيبات

ولكم مني جزيل الشكر
محمد2009
08-04-2009, 12:40 PM
بالتوفيق يالغالي والله يبارك لك فيها واهم شي لف على المحلات يعني اخذ لك لفه وشوف الفرق في الاسعار والتكلفه والنوع وكم بتطلع عليك علشان تعرف بعدها الاسعار وتاخذ خبره ...وننتظر العزيمه هههههههه
الحزين
09-04-2009, 09:31 AM
الله يعطيك العافية اخوي محمد على الرد وماقصرت ..
انا لفيت على المحلات خاصة اللي بشارع سلوى وعندهم اشياء حلوة ..
بس تنقصني الخبرة وابي استفيد من خبرتكم بهالمجال
وماخاب من استشار
مهاجر
09-04-2009, 10:01 AM
الله يوفقك ويبارك لك في البيت الجديد

انا ماعندي خبره في هالمجال لكن في ناس تشتري اغراضها من الشارقه والدمام والرياض
الحزين
09-04-2009, 01:34 PM
مشكورين على الردود
واتمنى حد يفيدنا اكثر
عليان قطر
10-04-2009, 11:15 AM
اذا وصلك شي
لا تنساني
اخوك في نفس السالفه
AbdullA-Qtr
11-04-2009, 05:56 AM
أخوي الحزين

انصحك واشور عليك
انك تاخذ اغراض بيتك مره وحده من الدمام وتاخذ خريطة البيت مصغره علشان اتعرف القياسات عدل
واتروح الدمام الله لا يهينك وتاخذ اغراضك من المصنع مش محل ولا فرع وعطهم الخريطه وهم بيعلمونك كم الكميه الي محتاج لها وكولتي مش صناعه صينيه
الصناعه سعوديه بمواصفات ايطاليه
وعلى فكره بتوفر نص القيمه الي بتصرفها اهنا ويمكن اقل من النص بعد

والمصنع قبل لاتدخل الدمام
وعندي اثنينه خذو اغراضهم من اهناك وهم شارو علي
بس ان الله راد لا بنيت بيتي باخذ اغراضي من عندهم اللهم الكهرباء والماي بسويه من اهنا

وموفق ان شاء الله
القلم الصريح
11-04-2009, 11:33 AM
اذا تبي من ناحية الرخام والجرانيت بوفر لك واحد يجيبه لي عندك وسعره معقول
الحزين
12-04-2009, 10:45 AM
مشكور اخوي AbdullA-Qtr على النصيحة وياليت تكمل جميلك وتشرح لي مكان المصنع بشكل أوضح
وماقصرت على النصيحة ..

اخوي القلم الصريح ممكن تشرح لي النوعيات ومن وين بيجيبها .. ولك مني جزيل الشكر

وانا شاكر اهتمامكم معاي في الموضوع