سؤال عن التنجيد النظيف

[المولع22]

السلام عليكم والرحمة

شباب شحالكم ان شاء الله طيبين

بغيت انشدكم بخصوص تنجيد نظيييييف ويكون مرتب 10000% ومايبين عليه الا انه شغل شركة يعني من الاااخر

بس يكون متوفر يعني بالنوعين ( جلد + شمواه )

ويكون ملون يعني مثلا لون احمر أو مثلا لو ازرق وجذي يعني

هذا كم ممكن يكلف اذا حق الموتر كامل الكراسي والطبلون

حق رنج سبورت تقريبا كم يكلف

ومن هو احسن محل ممكن يسوي هالشي

وثانيا وين اقدر اصب ( تيك ) حق القير والسكان بس يكون لون ثاني

يعني يكون تيك لكن تيك احمر او اي لون ثاني ؟

وشكرا لكم والف شكر

[فتك العديد]

اخوي بالنسبه حق التنجيد عندك لمسه فن في طريق سلوى او متجر الجلود الالماني في الريان القديم جنب تيك اوي وبالنسبه حق التيك لايوجد شغل نظيف في قطر لانه كل المحلات الي موجوده عندنا اتسويه عباره عن فيبر مصبوغ للسكان وصبغ للديكورات حتى الكرستال يعني مايتسمى تيك نفس شغل الوكاله

[المولع22]

ماقصرت ياخوي فتك العديد

بس ماقلت لي كيف الاسعار بالمحلات هذي تقريبا ؟

وشكرا لك

[فتك العديد]

بالنسبه للجلد اذا كان طبيعي نفس الي عند متجر الجلود سعره غالي بحكم نوعيته اما الشمواه ماعندي فكره عن سعره
انا افضل انك تمر عليهم وتاخذ فكره عن شغلهم واسعارهم وتشوف النوعيه الي خاطرك فيها

[المولع22]

تسلم يالغالي ماااااقصرت

[جنيه ذهب]

مر محل بانكوك الي بسوق نايف الي بالصناعيه شغله فوق الممتاز واعتقد انه يسوي لك التيك

[QA1AR]

مر محل العبيدلي للتنجيد شغلهم وايد حلو

[المولع22]

تسلمووون يالربع

بس انا ابغي افضل محل في الدوحة كلها يعني شغلة يدخل بمقارنه مع شغل الوكالة

[بـن عدوان]

بخصوص التيك في السعودية شغلهم فوق التمام بس سالفة تروح هناك عشان تيك

واما بخصوص التنجيد اعتقد المركز الالماني هو الاحسن شي

وان شاءالله الشباب يفيدونك اكثر

[المولع22]

ماقصرت يابن عدوان

وصحيح نفس ماقلت وايد يتكلمون عن الالماني

باروح له وان شاء الله خير

شكرا لك

[Bo_MaJeD]

السلام عليكم ، اخوي الألماني اللي في الريان القديم أحسن شي لأنه مقارب 90% وكأنه من وكااااااالته جااااي .

[السد]

عندك اخي الالماني اللي عند دوار الريان
لكن نصيحة لا تلبس الموتر
لانك اذا تبغي تلبس صح
لازم اتشيل الفرش الاصلي للسيارة
حرام

[المولع22]

طيب يالربع بس في حاجة مهمة

في الرنج انا عندي فتحات التهوية بالكراسي اللي هي النقط الصغااار

كيف بخصوص التنجيد بالالماني ؟ يضبطون هالشي والا راح يتأثر هالشي مع فتحات التهوية هذي ؟؟

وشكر الكم

[لاموشي]

اذاناوي على شى غريب وكانة من الوكاله عليك بمحل فى البحرين يخلط الجلود مع بعضها كوكتي بخياطه غريبة كل السيارت الى عنده مارشلاغو اس ال ار كاريرا فيراري
اذا تبي خمس الوان بالطابلون و الكراسي يقدر بس غالي شوى

[سعادة الوزير]

اذا تبي شغل نظيف وصح الصح ، مالك الا احسان في الكويت.