المساعد الشخصي الرقمي

مشاهدة النسخة كاملة : ____ إقتراح لإدارة المرور _____


ANONYMOUS
09-04-2009, 10:50 AM
السلام عليكم ورحمة الله وبركاته


اولا


نشكر إدارة المرور ع المجهود اللي تقوم به من جميع النواحي..

ومن لايشكر الناس.. لايشكر الله..

ثانيا

بخصوص الإقتراح


ليش ما تفتح كل شركات التأمين حساب خاص لإدارة المرور.. ويحط في مبلغ معين..

ايش القصد..

الحين انا واقف في أمان الله.. لا لي ولا علي..

سواء في باركينج ولا بالشارع ...

جا واحد دعمني.. وهو الغلطان..

طبعا التصليح بيكون على حساب تأمينه.. أو على حساب الشخص إذا ماكان مبيم..

في هالحاله انا بحتاج ورقة تصليح.. عشان اصلح موتري..

ليش أنجبر ادفع مبلغ " 20 ريال " لورقة التصليح..

ليش ما أستلم الورقه جاهزه.. والمبلغ ينخصم من حساب شركة التأمين..

اش ذنبي التزم بدفع المبلغ .. مع اني مش غلطان..

المفروض الشخص الغلطان.. وتأمينه.. هم اللي يغطون جميع التكاليف..

كفايه انا علي الشحططه من كراج لكراج وتعطيل سيارتي..

هل من المفترض اني اتعاقب عشان كنت ماشي في حالي ! وماسويت شي ...


صحيح المبلغ بسيط جدا.. ولكنه يعتبر ميزانيه اذا قارنته بنص ريال مال البيبسي..



واذا كان الخطا مشترك.. ينخصم المبلغ من حساب شركتي التأمين,.. او الشخص نفسه يلتزم بالمبلغ اذا ماكان مبيم..




ع العموم

لكم القرار..
احمد بن علي
09-04-2009, 10:57 AM
اقتراح جميل والله يعطيك العافيه :nice:
سهم متردد
09-04-2009, 11:02 AM
معقووول جداً ولكن شركات التأمين بروحهم متسببين
jajassim
09-04-2009, 11:07 AM
أخوى ارسل اقتراحك على :nice:

INFO@MOI.GOV.QA
dewyguy
09-04-2009, 11:07 AM
اقتراح رائع اخوي

وانا من زمان اقول واقترح هالاقتراح


و أزيد على الاقتراح اللي عندك اخوي اذا تسمحلي :


اذا كان المتضرر سيارته آجار ( تأجير سيارات )


شو ذنبه يدفع آجار فترة التصليح ،اذا كان هو متضرر ومب غلطان وهو كان ماشي بروحه و جا واحد ودعمه و غلطان ،،
ANONYMOUS
09-04-2009, 11:34 AM
اقتراح جميل والله يعطيك العافيه :nice:


مرورك الأجمل

الله يعافيك
ANONYMOUS
09-04-2009, 11:35 AM
معقووول جداً ولكن شركات التأمين بروحهم متسببين


شركات التأمين متسببين على قولتك

بس شوف انت ارباحهم كم سنويا..

ماعتقد بيضرهم 100 الف سنويا :p
ANONYMOUS
09-04-2009, 11:36 AM
أخوى ارسل اقتراحك على :nice:

INFO@MOI.GOV.QA



وهل يفتى في هالموضوع وجاجاسم في الميدنه

:nice:
ANONYMOUS
09-04-2009, 11:41 AM
اقتراح رائع اخوي

وانا من زمان اقول واقترح هالاقتراح


و أزيد على الاقتراح اللي عندك اخوي اذا تسمحلي :


اذا كان المتضرر سيارته آجار ( تأجير سيارات )


شو ذنبه يدفع آجار فترة التصليح ،اذا كان هو متضرر ومب غلطان وهو كان ماشي بروحه و جا واحد ودعمه و غلطان ،،



بالفعل..

اش ذنب المدعوم..

المفروض التأمين يتحمل مسؤولية " حوادث " الكاستمر..


انا مش عارف مبالغ التأمين لسيارات شركات التأمين..


ولكن اذا انا بأمن سيارتي الشخصيه بـ 400 ريال مثلا..

المفترض ان السيارات المخصصه للإيجار تأمينها غير.. 1000 ريال مثلا..

لان الغرض من استخدام سيارات التأجير.. تجاري وليس شخصي..

والمؤجر لايتحمل اخطاء الآخرين..


اذا المكتب بيحملني خطأ الناس.. خل يخلي مبلغ أجار السياره 10 ريال في اليوم بدال 100 كمثال..


اقتراح ممتاز..
كاتم الاسرار
09-04-2009, 11:56 AM
الصراحه ما قصرت اقتراح ممتاز ويعطيك العافيه عاد ان شا ءالله يشوووفون اقتراحك جميل والله من كم يوم دعمني واحد من الخلف المهم دعمه خفيفه رحت المرور عشان ورقة التصليح مع التامين المهم قال لي لازم اخصم 20 ريال حاولت قال لي هاي قانون وانا والحمدالله من كم سنه لا دعمت ولا اندعمت وانصدمت على القرار شفط فينا من كل مكان الصراحه بس المرور احس ميزانيه قويه اخر الشهر من ؟؟؟؟؟؟؟؟؟؟؟
alwahesh
09-04-2009, 01:36 PM
اقتراح جميل والله يعطيك العافيه

ولكن

اين المفر من الناس الي يسيؤن الامانه او العهده

ايش الي يضمن لك انك وقت التجديد تكتشف ان الف شخص مثلا صلحوا سياراتهم على حساب بيمتك

وانت خبر خير وطبعا لا تفكر انك تلقى احد يأمنك موترك

ان طلبت بدل فاقد من الشركه الاسلاميه للتأمين وكان الخطأ من شرطي المرور سجل نهاية النأمين بدل من 2009 كتب 2008 في الاستماره طبعا

ورحت للتأمين ولكن للأسف ما اعرف ليش الشركه مشغله شخص سفيه قام يتمسخر ويضحك ككككههه

قال بدل فاقد كككككككك

يمين يسار ومع السب والتجريح ولكن للأسف بدون فايده

جزاه الله الف خير السوداني الطباع في مدينة خليفه رحت له بأمن السياره عند شركه ثانيه قال لي انا عندي لك حل

وطبعا ربع ساعه الا اشوفه جاي ومبتسم وفي يده صوره من التأمين ( الاسلاميه للـتامين )

وطبعا عطيته حقه وزياده ودعيت له يشغلونه في المرور مثل اول بدل الحريم
وحيد-الشوق
09-04-2009, 03:02 PM
اقتراح جميل

بس شلون يخصمون عشرين ريال :rolleyes2:

من كم اسبوع مصلح موتر الاهل كله شموخ بالسيارة من الدريول دفعوني 120 ريال عشان اخذ ورقة تصليح ؟؟؟؟ :telephone:

المشكلة قوانين المرور مافيها شفافيه
QA1AR
09-04-2009, 03:36 PM
اقتراح جميل نتمنى من ادارة المرور العمل اذا في الامكان
ANONYMOUS
10-04-2009, 12:04 AM
الصراحه ما قصرت اقتراح ممتاز ويعطيك العافيه عاد ان شا ءالله يشوووفون اقتراحك جميل والله من كم يوم دعمني واحد من الخلف المهم دعمه خفيفه رحت المرور عشان ورقة التصليح مع التامين المهم قال لي لازم اخصم 20 ريال حاولت قال لي هاي قانون وانا والحمدالله من كم سنه لا دعمت ولا اندعمت وانصدمت على القرار شفط فينا من كل مكان الصراحه بس المرور احس ميزانيه قويه اخر الشهر من ؟؟؟؟؟؟؟؟؟؟؟


الله يعافيك اخوي..

طبعا زي ماقلت.. انت محافظ لى الريكورد تبعك بعيدا عن سجلات المرور..

وفجأه واحد يدعمك.. وفوق هذا.. تلتزم بدفع مبلغ مقابل تضررك..

طبعا.. الاجراءات هذي قديمه.. ونحن لاننتقد المرور.. ولا نتهمم بالجشع..

ولكن هذي مجرد قروانين وبروسيجير.. تتغير .. مش كتاب سماوي..

ولا بأس بالتطوير
ANONYMOUS
10-04-2009, 12:07 AM
اقتراح جميل والله يعطيك العافيه

ولكن

اين المفر من الناس الي يسيؤن الامانه او العهده

ايش الي يضمن لك انك وقت التجديد تكتشف ان الف شخص مثلا صلحوا سياراتهم على حساب بيمتك

وانت خبر خير وطبعا لا تفكر انك تلقى احد يأمنك موترك

ان طلبت بدل فاقد من الشركه الاسلاميه للتأمين وكان الخطأ من شرطي المرور سجل نهاية النأمين بدل من 2009 كتب 2008 في الاستماره طبعا

ورحت للتأمين ولكن للأسف ما اعرف ليش الشركه مشغله شخص سفيه قام يتمسخر ويضحك ككككههه

قال بدل فاقد كككككككك

يمين يسار ومع السب والتجريح ولكن للأسف بدون فايده

جزاه الله الف خير السوداني الطباع في مدينة خليفه رحت له بأمن السياره عند شركه ثانيه قال لي انا عندي لك حل

وطبعا ربع ساعه الا اشوفه جاي ومبتسم وفي يده صوره من التأمين ( الاسلاميه للـتامين )

وطبعا عطيته حقه وزياده ودعيت له يشغلونه في المرور مثل اول بدل الحريم



الأمانه ان شاء الله موجوده..

والعمليه مش سبهلله..

الخصم من حساب البيمه مايتم الا برقم تقرير المرور.. وتوقيع الضابط..

وبعدين المرور والتأمين يتفقون على خطوط عمل بينهم..

انت " ياللي مالك ذنب" مالك خص في اجراءاتهم

انت عليك تاخذ ورقتك .. وتدق سلف.. هاي اذا موترك يمشي

شكرا لمرورك
alsenator
10-04-2009, 12:12 AM
اتوقع المستفيد الوحيد هو الهندي الي حاط الطوابع في جيبة ويبيع الحبة ب 6 ريال

على 20 يكون مطلع 3 ريالات من ورا كل حادث :nice::nice::nice::nice::nice::nice::nice::nice::n ice::nice::nice::nice::nice::nice::nice:
Msh3l
10-04-2009, 12:54 AM
.. وازيد على اقتراحكم لو تسمحوووون لي .. الحين انا اندعمت .. انا ادفع 20 .. انا اتشحطط من كراج لين كراج .. كل هذا فيوم وخلوها على الله .. بس شذنبي ابقى بدون سياره طول هالمده .. ! لا ومشحططين نفس أي *** من كراج لين كراج وساعه فالمرور وخمس ساعات فالزحمة وتتصل الشغل لانك ماتقدر تجي لانك دعمت << و70% يخصمووون منك أومحد يضرب لك كرت لا والوهقه ان كانت بصمه .. هاي كله وابقى اسبوعين بدون موتر! ..

من وجهة نظري لازم المتضرر تتأجر له سياره مب مهم شنو هي المهم سياره يقدر يروح ويجي فيها .. ومايدفع ولا ريال كفايه انه يتشحطط من مكان لين مكان ..



وتقبلوا مروري أخوكم Msh3l :nice:
maha0
10-04-2009, 01:00 AM
اقتراح متميز

ان شا الله احد شباب المرور الي اهني يقترحونه على مديرهم ............تكون فدته وافدتنا احنا كمواطنين


قواك الله اخوي
ورقــة أمــل
10-04-2009, 01:10 AM
فكرة حلوة
بوخالد911
10-04-2009, 02:10 AM
تسلم اخووي الغامض
لا هنت
2010
10-04-2009, 02:20 AM
صح صح اقتراااح حلووو و راايك سدييد
بس تدري لين ما يقروون يطبقون هالشي بياخذوون لهم كم سنه حتى يفكرون و سنين لين ما ينفذوون
ربي يعطيك و يعطيهم الصحه و العافيه
لاداعي
10-04-2009, 02:22 AM
أقتراح رائــع يعطيك العافيه..
ANONYMOUS
10-04-2009, 09:53 PM
اقتراح جميل

بس شلون يخصمون عشرين ريال :rolleyes2:

من كم اسبوع مصلح موتر الاهل كله شموخ بالسيارة من الدريول دفعوني 120 ريال عشان اخذ ورقة تصليح ؟؟؟؟ :telephone:

المشكلة قوانين المرور مافيها شفافيه


يمكن عندك 6 شموخ في اماكن متفرقه :p


ولا العمر تحت 21 سنه والله اعلم
ANONYMOUS
11-04-2009, 12:39 AM
اقتراح جميل نتمنى من ادارة المرور العمل اذا في الامكان



شكرا لمرورك
ANONYMOUS
11-04-2009, 12:41 AM
اتوقع المستفيد الوحيد هو الهندي الي حاط الطوابع في جيبة ويبيع الحبة ب 6 ريال

على 20 يكون مطلع 3 ريالات من ورا كل حادث :nice::nice::nice::nice::nice::nice::nice::nice::n ice::nice::nice::nice::nice::nice::nice:



لا خبرك عتيج..

الحين يخصمون عن طريق الكرت..

راحت ايام بابوو
ANONYMOUS
11-04-2009, 11:27 AM
.. وازيد على اقتراحكم لو تسمحوووون لي .. الحين انا اندعمت .. انا ادفع 20 .. انا اتشحطط من كراج لين كراج .. كل هذا فيوم وخلوها على الله .. بس شذنبي ابقى بدون سياره طول هالمده .. ! لا ومشحططين نفس أي *** من كراج لين كراج وساعه فالمرور وخمس ساعات فالزحمة وتتصل الشغل لانك ماتقدر تجي لانك دعمت << و70% يخصمووون منك أومحد يضرب لك كرت لا والوهقه ان كانت بصمه .. هاي كله وابقى اسبوعين بدون موتر! ..

من وجهة نظري لازم المتضرر تتأجر له سياره مب مهم شنو هي المهم سياره يقدر يروح ويجي فيها .. ومايدفع ولا ريال كفايه انه يتشحطط من مكان لين مكان ..



وتقبلوا مروري أخوكم Msh3l :nice:



انت استبقت الموضوع

انا كنت بحط موضوع مخصوص عن التأمين.. وانه لازم يوفر لك سياره.. خلال تعطل موترك في الكراج..


شكرا لمرورك واقتراحك اللي يبي له الواحد يسهب في الحديث عنه
الرايــق
11-04-2009, 11:45 AM
يا ليت الاقتراح يوصل
قبل شوي واحد ضرب لي الرفرف وانا واقف بالباركنج ..

ودفعت الـ 20 وانا اضحك .!
صج مبلغ تافه .. لكن احس انه استغلال اذا كنت مش غلطان ..
ANONYMOUS
11-04-2009, 01:43 PM
اقتراح متميز

ان شا الله احد شباب المرور الي اهني يقترحونه على مديرهم ............تكون فدته وافدتنا احنا كمواطنين


قواك الله اخوي



الله يعافيج

الموضوع يعتبر موضوعكم

واذا الفكره ماوصلت اوريدي.. لكم الحق توصلونها بالطريقه المناسبه..


وعلى راحتهم..
ANONYMOUS
11-04-2009, 10:20 PM
فكرة حلوة


شوكرن
ANONYMOUS
11-04-2009, 10:20 PM
تسلم اخووي الغامض
لا هنت




الله يسلمك اخوي بوخالد

:)
ANONYMOUS
11-04-2009, 10:21 PM
صح صح اقتراااح حلووو و راايك سدييد
بس تدري لين ما يقروون يطبقون هالشي بياخذوون لهم كم سنه حتى يفكرون و سنين لين ما ينفذوون
ربي يعطيك و يعطيهم الصحه و العافيه

انشالله الفكره ترى النور..

الله يعافيك

:)
ANONYMOUS
11-04-2009, 10:22 PM
أقتراح رائــع يعطيك العافيه..



مرورك الاروع يابوداعي

:nice:
ANONYMOUS
11-04-2009, 10:25 PM
يا ليت الاقتراح يوصل
قبل شوي واحد ضرب لي الرفرف وانا واقف بالباركنج ..

ودفعت الـ 20 وانا اضحك .!
صج مبلغ تافه .. لكن احس انه استغلال اذا كنت مش غلطان ..



ماعتقد استغلال..

من وعيت انا وهم ياخذون الطابع..

وهذا حقهم.. رسوم معامله..


ولكن القضيه من يتحمل هالرسوم اذا كان الطرف الثاني غلطان..

فليس من المفترض ان يتحملها الشخص المغلوط عليه

مادري فهمت ولا انا ماعرف اعبر بالفصحى :p