سؤال : اضافة اسم العائلة في البطاقة الشخصية [الأرشيف]

المساعد الشخصي الرقمي

مشاهدة النسخة كاملة : سؤال : اضافة اسم العائلة في البطاقة الشخصية

معيذر جنوب

09-04-2009, 08:14 PM

وتبقى الدنيا حلوه

09-04-2009, 10:11 PM

والله ودي افيدك بس ماعندي فكره

مخاوي اليل

09-04-2009, 11:29 PM

السلام عليكم أعضاء المنتدى الكرام

عندي استفسار بسيط ........

أخواني عندي سؤال بخصوص اضافة اسم العائلة ( القبيلة ) في البطاقة الشخصية وجواز السفر

وين تقديم الطلب هل في جوازات الغرافة ؟
ماهي المستندات المطلوبة للتعديل؟
هل يحتاج شهود ؟
هل يحتاج اعلان في الجريدة ؟

أتمنى من الي عنده خبر يعطيني خبر
أو قد عمل هالشي في السابق ويعرف
الاجرائات يشارك والتوفيق للجميع

مرحبااخوي معيذر ..
* مكان التقديم في الجوازات ... قسم الجنسيه ... مكتب التعديل
** في حالة انك تريد تضيف اسم القبيله اذا كان حد مثل الوالد ضايف اسم القبيله او احد الاخوان ماعليك الا انك تروح وتاخذ معاك الجواز والبطاقه واهم بيضيفون لك ..
*** اما في حالة ان احد من عمامك لزم " اخوان ابوك " اوعيال عمك لزم ضايفين تكتب كتاب باسم مدير ادارة الجنسيه ووثائق السفر تبين له انك تريد ان تضيف اسم القبيله لك و لأخوانك بنأً على عمامك اوعيال عمك وترفق صوره من البطاقات الشخصيه للي ضايفين من عمامك او عيال عمك وتقدمها باسمك واذا كان الوالد عايش فتخلي الوالد يقدمها بأسمه...
**** اما اذا محد من الناس الي قريب لك ضايف في هذي الحاله تكتب كتاب باسم مدير ادارة الجنسيه ووثائق السفر تبين له انك تريد اضافة اسم القبيله لك ولاخوانك "تذكرهم بالاسم و الرقم الشخصي وتخليهم يوقعون على الكتاب " بنأً على شهادة 3 او4 شهود من نفس القبيله الي تبي تضيفها وتخليهم يوقعون على الكتاب وترفق صور بطاقاتهم الشخصيه وتقدم الكتاب باسمك واذا الوالد عايش تقدم الكتاب باسمه وتخليه يوقع على الكتاب وتقدم الكتاب للجوازات
واتمنى بأن اكون افدتك بالمطلوب واي استفسار انا حاضر

maha0

10-04-2009, 12:41 AM

يعطيك العافيه ^

بس اعتقد انك لازم بعد الموافقه المبدأيه تنشر بالجريده اسمك !

والله يعينك الشيخ

شارع الأصمخ

10-04-2009, 03:20 AM

اعتقد ان الاخوان كفو ووفو اتبع الاجراءات مثل ما قالولك

العـوا

10-04-2009, 05:27 AM

اعرف واحد يبي يضيف اسم العائلة مع العلم ان ابوة واخوانه مضاف الاسم العائلة

تخيل رفضو طلبه !!!!!!

Gentleman

10-04-2009, 09:24 AM

اعرف واحد يبي يضيف اسم العائلة مع العلم ان ابوة واخوانه مضاف الاسم العائلة

تخيل رفضو طلبه !!!!!!

وأنا أعرف واحد شال غلوم وعباس من اسمه وحط له اسم عائلة بدون شهود وهو قطري.
كل شي بالواسطة وأنا أخوك... ولها السبب احنا متخلفين.

الغزال العارضية

10-04-2009, 09:55 AM

وأنا أعرف واحد شال غلوم وعباس من اسمه وحط له اسم عائلة بدون شهود وهو قطري.
كل شي بالواسطة وأنا أخوك... ولها السبب احنا متخلفين.

لهدرجه يستغفلون العالم والحكومة !!

Breakaway

10-04-2009, 10:52 AM

وأنا أعرف واحد شال غلوم وعباس من اسمه وحط له اسم عائلة بدون شهود وهو قطري.
كل شي بالواسطة وأنا أخوك... ولها السبب احنا متخلفين.

أهم شيء ما يغشون الناس في إنتسابهم لعوائل أو قبائل لا صلة لهم بها! وهذا حاصل ومشاهد!