المساعد الشخصي الرقمي

مشاهدة النسخة كاملة : انترنت في بيوت العزاب في الخوربدون تصريح ولا لوحه


سوق واقف
10-04-2009, 07:32 PM
السلام عليكم ورحمة الله وبركاته
اخواني اخواتي الاعزاء

الصراحة أنا كتبت الموضوع لكي اعرف من االجهة الي اقدر اشتكي عندهم فقط لا غير ..
اليوم العصر قبل لا انزل الحلاق الى أشوف زحمة عند بيت من بيوت العزاب داشين العالم وطالعين ومعاهم ورقة تخرعت قلت شسالفة ليكون دكان بدون تصريح .....

المهم سألت راعي الحلاق قلت شسالفة قالي بابا هذي أنترنت وبفلوس قلت له عندهم تصريح قالي لا طبعا بدون تصريح ...

قالي بابا في عشرين بيت في الخور العزابية فاتحين أنترنت والدخول برسوم بدون اي تصريح او لوحة على البيت ...

من الجهة المسؤولة وعند من أشتكي...
qatar.up
10-04-2009, 08:04 PM
ليش قطع رزق هالمساكين بس
شيط ويط
10-04-2009, 08:08 PM
اتصل حق (العضيد) وهم يتكفلون بالباقي
الرايــق
10-04-2009, 08:26 PM
انا سمعت انهم ايضا ..
عندهم كروت الاتصال الدولية من خلال برامج الكمبيوتر والانترنت..
يشترونها ويبيعون الدقايق للعملاء عندهم ..

المشكلة انه ممنوع لكن فيها قطع ارزاق :(
اخوي سوق واقف خلهم يترزقون وتذكر قطع الاعناق ولا قطع الارزاق
الله المستعان ..
Me&OnLy
10-04-2009, 08:39 PM
خلاص دام الموضوع نزل في المنتدى فسوق واقف قطع رزقهم وانا اشوف دام الموضوع مافيه ضرر خلهم يسترزقون ربهم غيره فاتح بيتوت دعاره والعياذ بالله وهذيلا يبون الرزق الحلال وانت دامك ماشفت منهم شئ ليش تبي تشتكي ؟ خل العالم تترزق
غزالة الوادي
10-04-2009, 09:03 PM
http://www.s77.com/3DSmile/21/Party-002.gif (http://www.s77.com/index.php?t=smiles)

خلهم يترزقون مادام مافي ضرر والربح الحلال احسن من الحرام
الهـواوي
10-04-2009, 09:09 PM
شوف أخوي لو في ضرر روح اشتك ولو مافي ضرر يعني مافي بيوت أهل الخور قطريين أو عرب مب عزب أحذاهم واذى كان احذاهم عوائل روح أشتك عليهم على طول ولا أمسويين لمه وزحمه بعد أشتك عليهم وحاول تدخل تشيك على المكااان شوف فيه مشاكل مني منااك داخل لو كان فيه على طول الله لايهينك 999
ANONYMOUS
10-04-2009, 10:00 PM
جيرانا نفس الشي..

بيت عزاب مسوين سنترال..

بس قالوها الاولين

قط اعناق ولا قطع ارزاق
عضو قديم
10-04-2009, 10:06 PM
اخوي سوق واقف انت تأذن في خرابه
في عندنا بيت في الريان عزوبية ومخلين البيت مركز اتصالات لدرجة انك تشوف الهنود برع البيت وكل واحد حاط التليفون غير الطابور اللي ينتظرون وبلغت كيوتل عنهم اكثر من مرة وعطيتهم مكان البيت ورقم الكهرب ورقم الماء ولكن حتى الان لم يتخذ فيهم اي اجراء وهذه السالفة صارلها اكثر من سنة
لوسيل
10-04-2009, 10:13 PM
خلهم يترزقون الله أخوي سوق واقف

دامهم ماضروا أحد ليش تبي تقطع رزقهم

إذا جيرانهم ماشتكوا عليهم أنت ليش تبي تشتكي ؟؟
م. عبدالعزيز
10-04-2009, 11:04 PM
هاي مثال لسياسة الاستخدام العادل في كيوتل اللي مب راضيين الناس تفهمها ... ( مثل سالفة الرقم المجاني او الانترنت اللامحدود )

عموما اتصور اما الشرطه او كيوتل او المجلس الاعلى للإتصالات.. وهاي مب حق صراحه المفروض يمنعون مثل هالاشياء.. لانهم في بلاد فيها قانون..