انت بغرفه..~وآنا بغرفه

[яέέⓜ]

بسم الله الرحمن الرحيم


السلام عليكم ورحمه الله وبركاته

شي غريب سمعته وحبيت اشوف هل انتم تستغربون هالشي مثلي
ام ان الموضوع
عادي؟؟


الزوج في غرفه والزوجه في غرفه

كل منهم له غرفته الخاصة؟؟


الزوج ملابسه اغراضه الشخصيه جهاز كمبيوتره الخاص تلفزيونه
تلفون ارضي خاص



الزوجه ملابسها اغراضها الخاصه لاب توبها تلفزيون سرير طفل

ساعات لمن يكون صغير اذا كبير ينحذف في غرفه اليهال

طيب ليش؟


طبعا وقت الغداء اذا فيه التقاء يكون مع العائله

والمشكله راضين بهالحال..


تتوقعون هالحال ...عادي؟

[الخفي]

اذا هذا الكلام صحيح اذا نحن امام اسره متفككه ومههده بالفراااق

البزوج والزوجه اذا لم تكن غرفتهم وحده فهذا يعني انهم اصدقاء وليسوا ازواج

[راعي السهم الأول]

بسم الله الرحمن الرحيم
!
!
:eek5:

ليش تستغرب هالشي دامه موجود فعلا ومن الواقع
ولو تروح وتسوي إستبيان وتعممه على جميع مدارس قطر دون إستثناء لكل المراحل
راح تشوف هالشي يبين حتى لو هالرقم قليل بس هالحاله موجوده
****

وهالشي له أسباب طبعا ما صدر من فراغ إحتمال يكون الزوج هو السبب ويمكن تكون الزوجه ليش لا ويمكن الإثنين بإتفاق وتراضي على العشره بهالطريقه كل واحد له خصوصياته اللي ممنوع تجاوزها بدخول هالغرفه

*********
ياما أهالي زوجوا عيالهم من بنات مالهم رغبه بهم والعكس صحيح والسبب مجاملات عائليه وعادات وتقاليد لابد منها بس مب عدله الواحد يرتبط ويتعلق بشي مايبيه لن راح تترتب عليه أشياء سلبياتها أكثر من إيجابيتها وهالشي حاصل بس وين الوعي لو تتصفح وتشوف
المواقع اللي تقدم إستشارات عائليه راح تعرف أن في ظلم واقع من الأسره على الفرد
ونتيجه له هالعزوف اللي خلا كل واحد بغرفه
********
ووووو

هالحاله صعبه خاصه إذا كان في أطفال لهالزوجين راح يتأثرون والسبب هالتفكك
اللي بيترتب عليه أشياء مالها داعي

أحسنت وتسلم يمناك على هالطرح

تحياتي

[Store]

لا حول ولا قوة الا بالله تصير وايد ويصير اكثر بعد

[ابن مانع]

هذي عاده جديده على بلادنا اسمها البرستيج او خلنا نشتاق لبعض اكثر
الله يكافينا شرها ويستر علينا

[qatar lady]

هاي الله يسلمك زواج المظاهر ..

يعني الواحد يلجأ للزواج كواجهة اجتماعية فقط لاغير.. عشان مايسمونه أعزب ولايسمونها عانس ..
كل واحد يحتفظ بلقب ريل فلانه.. او مرت فلان..

طبعا البعض عندهم اسباب اخرى..قد تكون مقنعه وقد تكون مجرد اعذار وتبريرات مالها داعي..

:) الله يعلم بعد..وربي يهدينا ويهديهم !

[سداوي&مدريدي]

عيل ليش متزوجين :D

[هذلان]

السلام عليكم


انا مستغرب منكم بصراحه .. وكانه خلل كبير .. الامر عادي و موجود .

مثال : اخوي الاكبر نظام عمله صعب جدا جدا و العمل له ملابسه الخاصه فيه (غير الثوب الي كلنا نعرفه) .. وهو شخص نومه صعب و العيال يزعجونه. عنده غرفتين نوم وحده الي هي العاديه . غرفه كل زوجين و غرفه نوم ثانيه هذي فيها ملابس شغله و فيها مكتبه الخاص بالشغل . اذا راجع من الدوام (شفتات) و يبي يرقد بدون ازعاج الاطفال. يروح غرفت الشغل . و اذا عادي يروح غرفته العاديه.

بعدين فيه ناس كثير بعد مايعندي الاربعينات و اوائل الخمسينات يصير هو بغرفه و زوجته بغرفه .

اما سالفه زواج برستين هذي جديده ولا اظن هالشي واقعي

[Arab!an]

السلام عليكم


انا مستغرب منكم بصراحه .. وكانه خلل كبير .. الامر عادي و موجود .





اذا هو موجود فهو نادر .. وليست ظاهره

حتى وان كانت قديمه .. فستبقى نادره


وان حدث فالموضوع مب عادي .. ان كان الرجل في غرفه والمرأه في غرفه .. فالموضوع مب عادي


ان كان هناك غرفه اضافيه تستخدم من الطرفين خوفا من الازعاج احيانا .. فالموضوع عادي




ما ادري انا اتوقع انه من قبيل البرستيج .. ويمكن بطره وزود غرف




ترا في ناس هو ومرته وعياله بنفس الغرفه .. ينام بين ازعاج العيال واسئلة المره اللي ماتخلص حتى وهو راقد بعد تسأله .. بس تعود


=)

[فلفل حار]

للأســف .... ظاهــره موجـــوده ....!:weeping:

والاســباب ...؟:rolleyes2:

مهمـــا كانــت .... بنظـــري راح اعتبـرهــا سخيفـــة جـــداُ ..!:omen2:

ثانكــس مسـزز ماعــاد بــدري .... :)

[sad-o-bas]

الموضوع مايطلع عن اثنين..

إما اظطراب شخصية مع ضعف جنسي..

شذوذ جنسي،(والعياذ بالله) وأخذ الزواج كواجهة إجتماعية مثل ماتفضل بعض الأخوان..

هالكلام سمعته قبل ضلاة الفجر على قناة الرسالة مع الدكتور طارق الحبيب..

تحياتي للكل

[Bu Rashid]

شكراٌ لصاحب الموضووووووع على الطرح ....

ظاهرة موجووووودة وبقوة ...
أذا كان العمل هو السبب .. لا باس في ذلك
ولكن غيررررر غير مقبوووووووول ....

[ام الحلوين]

طبعا موجوده هالظاهره
وشتسوي المره لو الرجال يبي كذا؟؟؟؟؟؟

الله يهدي الجميع يارب

[كيفـي]

في دراسة في أمريكا قرأت عنها من كم يوم..

أن أكثر حالات الطلاق.. بسبب شخير الزوج او الزوجة..:D

فالحل لمثل هذه الحالات هي ان كل واحد تكون له غرفة خاصة به..!!

والا تبونها المسكينة تتحمل شخيره وبالاخير ماتنام الليل كله وتقوم الصبح تداوم وترجع الظهر لشخيره مره ثانية والعصر تدرس اعيالها.. إلخ

لحد يضحك على كلامي لانه جد الكثير منا يعاني من هذه المشكلة..!!

من أجل الأستمرار يجب التضحية بترك غرفة الزوجية الى غرفة منمفصلة..

وبنظري الأفضل انفصال الزوجين بغرفتين.. الا اذا كانوا مستحملين بعض..:tease:

[ezgert]

عيل ليش متزوجين !!!!!!!!!!!!

[ضوى]

كلام فارغ ولا اصل له

[A7med]

انا غير متزوج لكن مااشوف شي يمنع من ان الواحد يكون له غرفه خاصه وزوجته لها غرفه خاصه !!

[قناص الاسهم]

سبحان الله وبحمده .. سبحان الله العظيم

شكرا لصاحب / صاحبة الموضوع

وتعليقي كالتالي :

في بعض الاحيان نوم الزوج في غرفة والزوجه في غرفة يعتبر شي طبيعي وعادي .. وهناك بعض الاسباب التي تبرر ذلك مثل :

لما يكون الزوج عبارة عن مدرعة عسكرية بشخيرة اثناء نومة .. ويكون الشخير مزعج لدرجة لا تطاق .. يكون حل أفضل له ولها ان ينام بغرفة لحاله .

لما يكون الزوج يداوم شفتات وعليه ان ينام بدري قبل الوقت المحدد لنوم الزوجه .. يكون شي عادي ايضا .. وخصوصا لما يكون هناك اطفال مزعجين اثناء النوم .

لما تكون الزوجة موظفة وعليها النوم بدري في الوقت الذي لا يكون للزوج عمل في الصباح التالي .. لا مانع من نومه في غرفة خاصة فيه حتى لا يسبب ازعاج للزوجة المسكينة .. وسهرها بسبب متابعته للمباراة او الاخبار .

ولكن .. اذا كان النوم في غرفة خاصة لكلا الطرفين بدون أي سبب الا مجرد تفضيلهم للاستقلالية بشكل عام .. هنا نقول ان هناك خطأ في طبيعة العلاقة بين الطرفين .

ويبقى الأهم من ذلك هو اتفاق الطرفين وقبولهم بالواقع الحاصل بينهم دون تذمر او زعل .

شخصيا .. أرى ان الاستقلالية شيء جميل .. ولكن علينا في جميع الاحوال ان نتقبل الواقع .. فالمنطق يقول عندما يكون الشخص متزوج عليه ان ينام بجانب زوجته .

بالتوفيق للجميع :)

[أم ريليه]

ما يدمر البيوت العامرة الا التدخل من الأخرين .............يسوون الي يبونه المهم تقل حالات الطلاق وما يتشتتون الأبناء
وفي النهاية ...............العلاقة الزوجية علاقة خاصة وقراراتهم ايضا امر خاص فيهم .

[شارع الأصمخ]

الصراحه انا ما اشوف هالموضوع غلك
الزوج والزوجه يتفاهمون ويسون الي يريحهم سواء كل واحد بغرفه والا مع بعض

[الزاجل]

كيفهم.. هم احرار..

كل يعيش على الجنب اللي يريحه ..

البعض يسأل الولد وين استوى في اي غرفة
غرفة الأب او غرفة الأم .....> سؤال وجيه ويستحق البحث :telephone:

احنا ما عشنا معاهم ولا ندري شلي يحسون فيه ..

يمكن الطريقة هذه محسستهم بمشاعر ما كانوا يحسون فيها
وهم في غرفة وحدة ..

الا اذا بينهم مشاكل .. او كل يبي يستفرد بنفسه
فهالشي بعد هم مسؤولين عنه ..


خلاص خلوهم على كيفهم ..

[هذلان]

كوني متابع للموضوع

قناص الاسهم ........ احييك بقوه
أم ريليه ............... عين العقل


بخصوص بعض الردود .. ماحبيت بعض الكلمات التي تم ذكرها.
وانا جاد في ما اقول .. اعتقد ان بعض الاشخاص يتكلمن عن شيء اخر غير عن الي بعضنا فاهمه من الموضوع.. يعني ظاهره اخرى .. عشان كذا انا قلت ان الامر عادي وتحكمة ظروف الزوجين وخصوصا العمل

[سهم متردد]

عيل لا تستغربون يوم تشوفون انواع بشريه غريبه مثل البويات والجنس الثالث

[hemoud123]

كيفهم.. هم احرار..

كل يعيش على الجنب اللي يريحه ..

البعض يسأل الولد وين استوى في اي غرفة
غرفة الأب او غرفة الأم .....> سؤال وجيه ويستحق البحث :telephone:

احنا ما عشنا معاهم ولا ندري شلي يحسون فيه ..

يمكن الطريقة هذه محسستهم بمشاعر ما كانوا يحسون فيها
وهم في غرفة وحدة ..

الا اذا بينهم مشاكل .. او كل يبي يستفرد بنفسه
فهالشي بعد هم مسؤولين عنه ..


خلاص خلوهم على كيفهم ..

هذا والله احسن رد قراته
خلو الناس على راحتهم وحاولوا تلقون لهم الاعذار
وعليكم بانفسكم

[الاعــلامية]

:
:

مرة من المرات زرت ناس توهم نازلين بيتهم الجديد

ويوم قالت لنا سيدة البيت .. حياكم بارواويكم بيتنا ..

استغربت منها يوم قالت هذي غرفتي ... وبعدين بخطوات .. وصلنا لغرفة ثاانية قالت هذي غرفة ابو العيال !!

قالت لها امي ... شدعوووه ..

قالت اايه احسن ... مايبي ازعاج وانا مابي ازعاج ..

هو يرد البيت متأخر .. وأنا اقوم الصبح بدري اقعد اليهال ... وصعبه نقعد ويا بعض !!

اعتقد مب سبب

بس انا اشووف في اسباب بين السطووور واايد ..

ومنتشرة في مجتمعنا بشكل كبير

اقول الله يهديهم بس

:
:

[وتبقى الدنيا حلوه]

موجود و اعرف ناس بنفس هالوضع

[яέέⓜ]

فلتسمحوا لي سوف اعلق على الردود اللي تمس الموضوع وما قصدته



بسم الله الرحمن الرحيم
!
!
:eek5:

ليش تستغرب هالشي دامه موجود فعلا ومن الواقع
ولو تروح وتسوي إستبيان وتعممه على جميع مدارس قطر دون إستثناء لكل المراحل
راح تشوف هالشي يبين حتى لو هالرقم قليل بس هالحاله موجوده
****

وهالشي له أسباب طبعا ما صدر من فراغ إحتمال يكون الزوج هو السبب ويمكن تكون الزوجه ليش لا ويمكن الإثنين بإتفاق وتراضي على العشره بهالطريقه كل واحد له خصوصياته اللي ممنوع تجاوزها بدخول هالغرفه

*********
ياما أهالي زوجوا عيالهم من بنات مالهم رغبه بهم والعكس صحيح والسبب مجاملات عائليه وعادات وتقاليد لابد منها بس مب عدله الواحد يرتبط ويتعلق بشي مايبيه لن راح تترتب عليه أشياء سلبياتها أكثر من إيجابيتها وهالشي حاصل بس وين الوعي لو تتصفح وتشوف
المواقع اللي تقدم إستشارات عائليه راح تعرف أن في ظلم واقع من الأسره على الفرد
ونتيجه له هالعزوف اللي خلا كل واحد بغرفه
********
ووووو

هالحاله صعبه خاصه إذا كان في أطفال لهالزوجين راح يتأثرون والسبب هالتفكك
اللي بيترتب عليه أشياء مالها داعي

أحسنت وتسلم يمناك على هالطرح

تحياتي





ماشاء الله عليك اخي الفاضل فعلا"ماقت صحيح

لكن ماقصدته يا عزيزي
ان كل منهم مستقل بحياته يعني شآلمانع يعني يكونون بغرفه؟
للعلم ماعندهم اعيال بعضهم

شاكره ردك يا لشيخ

[яέέⓜ]

هاي الله يسلمك زواج المظاهر ..

يعني الواحد يلجأ للزواج كواجهة اجتماعية فقط لاغير.. عشان مايسمونه أعزب ولايسمونها عانس ..
كل واحد يحتفظ بلقب ريل فلانه.. او مرت فلان..

طبعا البعض عندهم اسباب اخرى..قد تكون مقنعه وقد تكون مجرد اعذار وتبريرات مالها داعي..

:) الله يعلم بعد..وربي يهدينا ويهديهم !



الله يستر علينا من الجاي

مشكوره فديتج لتعليقج

[яέέⓜ]

السلام عليكم


انا مستغرب منكم بصراحه .. وكانه خلل كبير .. الامر عادي و موجود .

مثال : اخوي الاكبر نظام عمله صعب جدا جدا و العمل له ملابسه الخاصه فيه (غير الثوب الي كلنا نعرفه) .. وهو شخص نومه صعب و العيال يزعجونه. عنده غرفتين نوم وحده الي هي العاديه . غرفه كل زوجين و غرفه نوم ثانيه هذي فيها ملابس شغله و فيها مكتبه الخاص بالشغل . اذا راجع من الدوام (شفتات) و يبي يرقد بدون ازعاج الاطفال. يروح غرفت الشغل . و اذا عادي يروح غرفته العاديه.

بعدين فيه ناس كثير بعد مايعندي الاربعينات و اوائل الخمسينات يصير هو بغرفه و زوجته بغرفه .

اما سالفه زواج برستين هذي جديده ولا اظن هالشي واقعي




ماقلنا شي..
لكن مو لدرجة ان الغرفه تنقفل وتنطين عيشتها اذا دخلتا دون معرفته:victory:

[яέέⓜ]

للأســف .... ظاهــره موجـــوده ....!:weeping:

والاســباب ...؟:rolleyes2:

مهمـــا كانــت .... بنظـــري راح اعتبـرهــا سخيفـــة جـــداُ ..!:omen2:

ثانكــس مسـزز ماعــاد بــدري .... :)


خير الكلام ماقل ودل

منوور الصفحه

مســـــــــــــــــتر
Hot Piper

[яέέⓜ]

الموضوع مايطلع عن اثنين..

إما اظطراب شخصية مع ضعف جنسي..

شذوذ جنسي،(والعياذ بالله) وأخذ الزواج كواجهة إجتماعية مثل ماتفضل بعض الأخوان..

هالكلام سمعته قبل ضلاة الفجر على قناة الرسالة مع الدكتور طارق الحبيب..

تحياتي للكل



شاكره لك مرورك يالشيخ
دمت بود

[яέέⓜ]

شكراٌ لصاحب الموضووووووع على الطرح ....

ظاهرة موجووووودة وبقوة ...
أذا كان العمل هو السبب .. لا باس في ذلك
ولكن غيررررر غير مقبوووووووول ....




الشكر لتواجدك اخي الفاضل

لايا" كانت الاسباب
هناك حل

[яέέⓜ]

في دراسة في أمريكا قرأت عنها من كم يوم..

أن أكثر حالات الطلاق.. بسبب شخير الزوج او الزوجة..:D

فالحل لمثل هذه الحالات هي ان كل واحد تكون له غرفة خاصة به..!!

والا تبونها المسكينة تتحمل شخيره وبالاخير ماتنام الليل كله وتقوم الصبح تداوم وترجع الظهر لشخيره مره ثانية والعصر تدرس اعيالها.. إلخ

لحد يضحك على كلامي لانه جد الكثير منا يعاني من هذه المشكلة..!!

من أجل الأستمرار يجب التضحية بترك غرفة الزوجية الى غرفة منمفصلة..

وبنظري الأفضل انفصال الزوجين بغرفتين.. الا اذا كانوا مستحملين بعض..:tease:




ممكن صح!

[яέέⓜ]

كلام فارغ ولا اصل له


حددي ماهو الكلام الفارغ
الموضوع ام الفكره

[Only Me]

انا اضم صوتي مع بعض الاعضاء
ان هالظاهره موجوده بس بشكل قليل جدا

[هذلان]

ماقلنا شي..
لكن مو لدرجة ان الغرفه تنقفل وتنطين عيشتها اذا دخلتا دون معرفته:victory:

الان انا متاكد ان الموضوع مختلف عن مانعرفه و اتمنى ان لايكون حاله خاصه و انتوا اخذتوها و عممتوها.

[الزيبق]

قريت كل الردود بس اثار الموضوع هذه سيئه تدرون ليش لان من فتره اطلعت قضيه في مصر وهي تبادل الزوجات كان هاي السبب من ضمن الاسباب ها فهمتو ترى السالفه مب بسيطه هاي اسمه تفكك اسري بعدين الباقي اصير سهل

[المشتاقه الى الجنه]

والله أنا أسمع كثير أزواج كل واحد يجلس في غرفه طبعا أكبر غلط
مهما يحصل خطأ الانفصال كل واحد في غرفه يجب أن يتحمل كل واحد الآخر سواء شخيير أو غيره

[انا حره]

لاتعليقhttp://www.lakii.com/vb/smile/21_74.gif (http://www.lakii.com/vb/smiles/index.php)

[العـوا]

والله أنا أسمع كثير أزواج كل واحد يجلس في غرفه طبعا أكبر غلط
مهما يحصل خطأ الانفصال كل واحد في غرفه يجب أن يتحمل كل واحد الآخر سواء شخيير أو غيره

صدقتي

[لله الحمد]

ايه لانه يبي يرقد بدون الاسئلة اللي تسأله اياه الزوجة .. وهو يقول أيه .. أيه

انشاء الله .. لاء مابي .. انزين ههههههه

[яέέⓜ]

:
:

مرة من المرات زرت ناس توهم نازلين بيتهم الجديد

ويوم قالت لنا سيدة البيت .. حياكم بارواويكم بيتنا ..

استغربت منها يوم قالت هذي غرفتي ... وبعدين بخطوات .. وصلنا لغرفة ثاانية قالت هذي غرفة ابو العيال !!

قالت لها امي ... شدعوووه ..

قالت اايه احسن ... مايبي ازعاج وانا مابي ازعاج ..

هو يرد البيت متأخر .. وأنا اقوم الصبح بدري اقعد اليهال ... وصعبه نقعد ويا بعض !!

اعتقد مب سبب

بس انا اشووف في اسباب بين السطووور واايد ..

ومنتشرة في مجتمعنا بشكل كبير

اقول الله يهديهم بس

:
:


صحيح..!!
وهاللي ابي اقوله ليش بعض الناس تصرف هالتصرف!!

[яέέⓜ]

انا اضم صوتي مع بعض الاعضاء
ان هالظاهره موجوده بس بشكل قليل جدا

طيب..
لكن ماقلت الموجود تعتقد ليش؟!

[яέέⓜ]

الان انا متاكد ان الموضوع مختلف عن مانعرفه و اتمنى ان لايكون حاله خاصه و انتوا اخذتوها و عممتوها.


ياليت تسدح تأكدك هنا ..عشان نتأكد مثلك:victory:
بخصوص حاله خاصه..انا ماعرف شتقصد بكلامك
لكن انا انصدمت من اللي قالته هالزوجه
ف,,مادري هل هذا حال خاص ام عام

[яέέⓜ]

قريت كل الردود بس اثار الموضوع هذه سيئه تدرون ليش لان من فتره اطلعت قضيه في مصر وهي تبادل الزوجات كان هاي السبب من ضمن الاسباب ها فهمتو ترى السالفه مب بسيطه هاي اسمه تفكك اسري بعدين الباقي اصير سهل


اشلون تبادل؟؟

[بوحارب]

الله لا يبلانا:tease:

[واحد في حاله]

الامر هذا خاااااااااص جدآ جدآ جدآ ,,, يعني صعبه تلقى حالتين متشابهه

كل حاله ولها اسبابها الخاصه ... بس الاهم ان الاسباب تكون اجباريه مش اختياريه


عساك فهمت شي :shy:

[بنت ذياب]

:(

تذكرت وحده جي بعد

اهي بغرفه وريلها بغرفه

زوجها يبيهااا لكن هي مو متقبلته كلش .. هي بالاربعين وعيالها متزوجين

بس ماتحبه .. وماقدرت تستمر معاه اكثر من جي .. فـ انفصلوا.. كل واحد بغرفته !

انا اشوف هالحل احسن من الطلاااق .. :(



:weeping:

[لاداعي]

:(

تذكرت وحده جي بعد

اهي بغرفه وريلها بغرفه

زوجها يبيهااا لكن هي مو متقبلته كلش .. هي بالاربعين وعيالها متزوجين

بس ماتحبه .. وماقدرت تستمر معاه اكثر من جي .. فـ انفصلوا.. كل واحد بغرفته !

انا اشوف هالحل احسن من الطلاااق .. :(



:weeping:



:weeping:

[pure]

واايد سمعت عن هالضاهره ,

المشكله اولها ياخذونها برستيج وحركات

عقب يتعدون على انه الطرف الثاني مو موجود

وشي شي يلتغي من حياتهم يصير شي زاائد

عموما , اللي جي تنتهي بزواج الزوج بزوجه ثانيه :(