@@ هل حدث لك أن ضعت أو كدت أن تضيعي ....؟؟ @@

[بنـ الدحيل ـت]

السلام عليكــم ورحمـة الله وبركاتــه


اخواني .. أخواتي


الضياع


أعتقد هناك منا من حدث له / حدثت لها
مواقف مع الضياع التوهان
كادت أن تضيع في مركز مثلا
أو في أي مكان في بلدها أو خارج البلد
أو حدثت لابنائها أو لها وهي صغيرة



لي عودة إن وجدت تفاعل
وبإنتظار مواقفكم


وسأعود لاسرد بعض المواقف المخيفة مع الضياع
أو التي كدت أن أضيع

الله لا يعيدها من أيام

[سداوي&مدريدي]

والله ايام يا بنت الدحيل :(

الأكشن كله يوم كنت صغير :secret:

في انتظار المواقف المخيفه :victory:

[ضوى]

من المواقف المرعبة اللي حدثت لي انه في اثناء سفرنا لطهران والتي لا يمكن ان انساها

كنا مسافرين لطهران انا وزوجي واولادي واختي واولادها ، وفي يوم من الايام قبل عودتنا للدوحة قررت اختي الذهاب للتسوق فقلت لها اذهبي انت وانا سابقى مع الاطفال في الفندق مع زوجي فقالت ساخذ البنتان الكبيرتان معي 10 سنوات و11 سنة تقريبا

المهم ذهب العصر تقريبا وجاني تلفون منها عالساعة 7 المغرب تقول لي هل البنات في الفندق ، قلت لها يا بنات ؟ شسالفة ؟؟ قالت لي لا اجدهم في السوق كنت اكلم البايع عن سلعة ما والتفت خلفي ولم اجدهما ، كدت اصاب بالجنون كيف وماذا حدث ، واختي راعية سكر خفت ان يحدث لها شئ ونحن في بلد غريب سكانه بالملاين اين ستجدهم وهي وحدها ونحن لا نعلم اين مكانها ولا استطيع ان اقول لزوجي خائفة منه، قامت بتبلغ شرطة السوق وذهبوا بها الى مركز الشرطة وبالصدفة شاهدت البنتين يتكلمون مع الشرطة وسوالف ولا على بالهم وهي كانت ستسقط من طولها من الخوف واتصلت بس وطمانتني وقالت ان احد المارة عرف انهم ضائعتان فذهب بهما الى مركز الشرطة
وكان يوما عصيبا الله لا يعودها من ايام تنذكر وماتنعاد

ولي عودة اذا تذكرت بعض المواقف

[شيزكيك]

انا الحمدلله ما صار لي بس صارت حق ولدي كنا في كارفور الي في الستي الي في دبي وكان

عمره اربع سنوات ومعانا اخته في القاري واخوه كان عمره ست المهم رحت صوب الكتب

ادور كتب للمدرسه وفجأة اتلفت ما حصلته وقعدنا ندوره على كبر كافور ومالقيناه وتوترنا

وافترقنا انا وزوجي وكل من يدور في صوب ورحت صوب الالعاب واكلم السكورتيه

وطول انا ماشيه متماسكه واقرا قرآن وفجاة السكورتي قال كلموه غرفة المراقبه وقالوا حصلوا

ولد صغير وشافوا لبس ولدي الكبير وقالوا اكيد هو لانهم لابسي نفس الشي ونزلنا انا وزوجي

غرفة المراقبه في المواقف وشفنا تلفزيونات كثيره تصور المجمع بكبره والحمدلله طلع هو


الحمد لله والشكر والله ان الافكار قامت تودي وتييب

تعلمت درس اذا باروح مكان يمشون قدامي وفكره اللبس الموحد حلوه


والله يخليهم لي فديتهم ويخلي لكم احبابكم

[المهلهل]

انا ضاع ولدي في الستي سنتر( دبي ) وبعد معاناه لقيته عند الامن
والغريبة انه كان يصيح يفكر اني انا الضايع
وطبعا قص قصة ضياعي حق يدة

[هذلان]

السلام عليكم

قصه حصلت لـ ولد بنت عمتي .. نسكن في اطراف المنطقه السكنيه الي احنا فيها .. يعني ورانا بر شاسع.. كنت طالع من البيت رايح للدوام تقريبا وقت العشا.. ولا بيت العمه عنده حركه سيارات غريبه . وقفت و سالت ولا ولدها عمره اعتقد سنتين او ثلاث .. العمر الي يمشي ولا يعرف شي.. الولد غفلو عنه و طلع برى و اختفى .. دورنا و كان الوضع عادي على اساس انه راح يمين ولا يسار البيت او احد الاقارب شافه و خذاه للدكان ويرجعه .. المهم مر الوقت و زاد القلق و الدنيا اعتفست و بعد ساعات اصبر البر منور اكثر من البلاد .. وجا الشرطه و جابو اعزكم الله الكلاب البوليسيه و كلنا حالتنا حاله.. بصراحه ناس مانعرفهم تقريبا 20 سياره ادور معانا و مانعرفهم جزاهم الله خير.. كل مايزيد الوقت يستصعب الموقف و نبدا نفكر بافكار ثانيه .. انه انخطف مثلا او اشياء كثيره كلها شينه :(
بعد اربع ساعات تقريبا ولا نسمع صوت هرن سياره و صارت حركه سيارات حول السياره هذي... قلت بس لقوه و يدي على قلبي .. اتمنى اسمعهم يقولون انه حي
وووووووووووووو لله الحمد كان بخير و سلامه .. طلع من الباب و كسر يسار و حط رجله ليش ماندري :) مشا مشا مشا و تعب و نام في البر .
لله الحمد استانسنا وردت لنا الروح .. و من فرحه الشباب قامو يستعرظون في الفريج (بيني و بينكم حتى الشرطه ما قالولهم شي من فرحه الجميع بالخبر)

بس لاحظتو ان كلاب الاثر مادلتنا عليه .. يمكن مزكومه ماتشم شي

[ام حبيبتي]

انا ضعت مرتين ,,, مره في سوريا وكان تقريبا عمري 13 سنه وواحد اماراتي الله يجزاه خير كان جارنا في العماره عرفني ووصلني الشقه ,, (( سبحان الله اللي خلاه نفس المكاااااان ))

ومره من 3 سنواات انا واخت ريلي وبنتي الصغيره كان عمرها 8 شهور في المااانيا خذنا القطااار ودار راسنا ونزلنا في محطه كأنها منطقه صناعيه كلها شاحناااااات وكان الوقت ليل الساعه تقريبا 8 وشي ,, والحمدلله كان فيه واح ديمشي بروحه جان اعطيه اسم الفندق والمنطقه وودانا ,,,,,,,, هذي مواقف عالسريع :)

[لاداعي]

السلام عليكم

قصه حصلت لـ ولد بنت عمتي .. نسكن في اطراف المنطقه السكنيه الي احنا فيها .. يعني ورانا بر شاسع.. كنت طالع من البيت رايح للدوام تقريبا وقت العشا.. ولا بيت العمه عنده حركه سيارات غريبه . وقفت و سالت ولا ولدها عمره اعتقد سنتين او ثلاث .. العمر الي يمشي ولا يعرف شي.. الولد غفلو عنه و طلع برى و اختفى .. دورنا و كان الوضع عادي على اساس انه راح يمين ولا يسار البيت او احد الاقارب شافه و خذاه للدكان ويرجعه .. المهم مر الوقت و زاد القلق و الدنيا اعتفست و بعد ساعات اصبر البر منور اكثر من البلاد .. وجا الشرطه و جابو اعزكم الله الكلاب البوليسيه و كلنا حالتنا حاله.. بصراحه ناس مانعرفهم تقريبا 20 سياره ادور معانا و مانعرفهم جزاهم الله خير.. كل مايزيد الوقت يستصعب الموقف و نبدا نفكر بافكار ثانيه .. انه انخطف مثلا او اشياء كثيره كلها شينه :(
بعد اربع ساعات تقريبا ولا نسمع صوت هرن سياره و صارت حركه سيارات حول السياره هذي... قلت بس لقوه و يدي على قلبي .. اتمنى اسمعهم يقولون انه حي
وووووووووووووو لله الحمد كان بخير و سلامه .. طلع من الباب و كسر يسار و حط رجله ليش ماندري :) مشا مشا مشا و تعب و نام في البر .
لله الحمد استانسنا وردت لنا الروح .. و من فرحه الشباب قامو يستعرظون في الفريج (بيني و بينكم حتى الشرطه ما قالولهم شي من فرحه الجميع بالخبر)

بس لاحظتو ان كلاب الاثر مادلتنا عليه .. يمكن مزكومه ماتشم شي

تستاهلون سلامته :(

[بوعلي2]

الحمد الله ماضعت ولا مره

:rolleyes2:

شطولي وين اضيع مكشوف حتى وانا صغير طويل :rolleyes2:



:weeping:

[Only Me]

انا ضعت اكثر من مره

اول مره بالبحرين كان عمري 4 سنين وحصلوني بالشرطه

وضعت بالهند بعد كنت صغير كان عمري 7 سنين

وضعت بالسعودية كنت رايح الدمام بمنطقة اسمها ام الساهك وطبعا الشوارع مكسره وضعنا ورحنا يمين يسار وفوق وتحت وكل مكان ولا في فايده حتى اسأل الشرطي شلون اروح ام الساهك قالي روح الكبري وارجع ورحت الكبري ورجعت حصلت نفسي بالرياض

هذا الي اذكره

[عبد الرحمن77]

:( أتذكر أني مع أخي كنا في زيارة أحد الأصدقاء في الحسا وكان بيتهم في الطرف الجنوبي لمدينة الهفوف، وكان هذا الصديق من قبيلة المرة، وبطبيعة البدو يأنفون المدن ويحبون العيش في أطرافها، كان بيتهم متواضع شعبي ومراح المطايا قريبة من دارهم ( إذا ما خانتني الذاكرة )،كان المنظر لصحراء جنوب بيتهم رائعاً ، وقفت أتأمل الصحراء، منظر الرمال يذكرني بصحراء الجافورة القريبة من المنطقة، بادرني صديق أخي بالحديث وهو يقول من زمن قريب ضاع لنا عيال في سن المراهقة ، ركبوا جيب ويمموا إلى جنوب هذه الصحراء ومروا بمعسكر لشركة أرامكو وخجلوا أن يسألهم عن الطريق و الزاد والوقود !!!،فماتوا عندما نفذ البترول والزاد،( هذا لي أتذكره من السالفة).

[بنت ابوها 19]

مره كنت بمجمع في تركيا
ومن سنتين يعني كبيره شكبري


قلت لأختي خليج بهل المحل لاتروحين لانه لو ضاعت رحت وطي
كان الشي الوحيد بينا وبين امي وابوي تلفون واحد بيني وبين اختي لانه خط تركي
وكنت اترجاها ماتبعد من المحل لانه تلفون بيكون عندها

انا قتلها بروح الحمام وبرجع لج

هي من الدوده الي فيها ماسمعتني
وكنت بمجمع جواهر اكبر مجمع بتركيا مجمع بليه
لو ارووح داعوسه اضيع ولا حد يدري عني


رحت ادور الحمام اعزكم الله
اله ضيعت ع العموم غيرت الطابق ورحت من طابق لي طابق ادور
وواثقه انه اختي ترا بهل المحل مراح تتحرك

خلصت من الحمام حتى كنت رايحه اغسل يدي
لانه كنت ماكله سكريم وصايدتني شيره بيدي وماعندي كلينكس ولا ماي


اله رجعت المحل مالقيتها دورتها بالمحلات كلها
كنت اتمنى اشم لو ريحة هلي بس ولا المحهم
اول مره عيني أدمع واصيح بهل الشكل

تميت ادورهم من الساعه 1 الظهر لين الساعه 7 فليل
7 ساعات
وانا ادورهم صج ماعمري حسيت اني اضعيفه كثر هل المره


عاد شلون حصلتهم
قلت مافي اله اطلع من المحل واقعد بالشارع
وكنت مب حافظه رقم اختي يمرون علي اهل الخليج يبون يساعدوني عشان اتصل
جاتني فكره
انه انا اتصل ع تلفون اختي القطري
يمكن يكون مفتوح
اتصلت لها
طلع مسكر .. :(


بس عقب هلي لما طلعو من المجمع حصلوني قاعده بالشارع بين الناس والسياير
وهم قاعدين يدورني :(

كان يوم صعب من قلب
لميت امي وابوي تميت اصيح وظربت اختي كم ظربه عن خاطري :(

[لاداعي]

:( أتذكر أني مع أخي كنا في زيارة أحد الأصدقاء في الحسا وكان بيتهم في الطرف الجنوبي لمدينة الهفوف، وكان هذا الصديق من قبيلة المرة، وبطبيعة البدو يأنفون المدن ويحبون العيش في أطرافها، كان بيتهم متواضع شعبي ومراح المطايا قريبة من دارهم ( إذا ما خانتني الذاكرة )،كان المنظر لصحراء جنوب بيتهم رائعاً ، وقفت أتأمل الصحراء، منظر الرمال يذكرني بصحراء الجافورة القريبة من المنطقة، بادرني صديق أخي بالحديث وهو يقول من زمن قريب ضاع لنا عيال في سن المراهقة ، ركبوا جيب ويمموا إلى جنوب هذه الصحراء ومروا بمعسكر لشركة أرامكو وخجلوا أن يسألهم عن الطريق و الزاد والوقود !!!،فماتوا عندما نفذ البترول والزاد،( هذا لي أتذكره من السالفة).

الله يرحمهم:(

[GOOKLUCK]

أما بخصوص الضياع .. عندي لكم سالفه ..

أخبر كان في معرض للأدوات المدرسيه في الشيرتون سنة 87م قام الوالد والعجوز وودوني للمعرض يبلفيت يتشرون لي اغراضي خبركم بدش المدرسه والجماعه مشتطين :)

المهم .. مادري اشلون ضعت .. وقمت اصيح .. الا وذيك المره الطيبه الحنونه الجميله اللي قامت وشلتني للحين اتذكر ريحة العطر اللي حاطته .. وتقولي خلاص باخذك البيت وياي وانا ماصدقت استانست.. وشقيت الحلج .. واشوي الا اشوف ابوي يناديني وقمت اتصدد عنه مابيه يعرفني .. :eek5:<< كان ودي اروح وياها بس مالله كتب ..:shy:

وطبعا تلني من يدها وياجماعه الخير تصدقون حسباله المره تبي تخطفني !! وصج صج حزتها بديت اصيح متحسف اني مارحت وياها .. :weeping:

[loolety]

انا باقولكم قصه تموت من الضحك حق ولد خالتي فديته اللحين عمره 20
السالفه هو شيطان وابليس كان عمره 4 سنين ونص كنا رايحين السعوديه حق اهلنا
المهم ماطول السالفه عليكم كان عدد المسافرين ذاك اليوم يمكن 20 مره و11 ياهل
طبعا وصلنا بالسلامه وركبنا السيايير هو كان وااايد متعلق فيني المهم احتجنا 4 سايير تودينا البيت
واهلنا ساكنين في الدمام والمطار بعيد القصه انه

انا احسبه عند امه واهي تحسبه عندي وذيك الايام مافي جوالات
المهم وصلنا وتغدينا واحنا نحسبه مع اليهال ههههههههههههه
اثاري عبدالرحمن في المطار قمت وسالت امه اقولها غريبه ماجا
يطل علينا وين راح باقوم اشوفه ..... رحت وسالت اليهال قالوا ماشفناه
انا مت من الخوف رحت حق امه قلت لها اهو كان معاج في السياره
قالت لي لا كان معاج ههههههههههه قلت لها قومي تراه في المطار
والله الطريق كان نص ساعه بس انا حسيت يوم كامل اول ماوصلنا المطار
بعد مرور يمكن ساعتين لقيناه عند الامن قاعد يتغدى ولا على باله خبر
واحنا صياح ونياح طول الطريق هههههههههههههههههههههههههههه

[موظف بالبورصه]

أما بخصوص الضياع .. عندي لكم سالفه ..

أخبر كان في معرض للأدوات المدرسيه في الشيرتون سنة 87م قام الوالد والعجوز وودوني للمعرض يبلفيت يتشرون لي اغراضي خبركم بدش المدرسه والجماعه مشتطين :)

المهم .. مادري اشلون ضعت .. وقمت اصيح .. الا وذيك المره الطيبه الحنونه الجميله اللي قامت وشلتني للحين اتذكر ريحة العطر اللي حاطته .. وتقولي خلاص باخذك البيت وياي وانا ماصدقت استانست.. وشقيت الحلج .. واشوي الا اشوف ابوي يناديني وقمت اتصدد عنه مابيه يعرفني .. :eek5:<< كان ودي اروح وياها بس مالله كتب ..:shy:

وطبعا تلني من يدها وياجماعه الخير تصدقون حسباله المره تبي تخطفني !! وصج صج حزتها بديت اصيح متحسف اني مارحت وياها .. :weeping:




ههههههههههههههههههه عجبتني يوم اتصدد عن ابوك ,,

طيب ليش مبسوط انت وتبي تروح وياها :eek5:

[لوليتا قطر]

أما بخصوص الضياع .. عندي لكم سالفه ..

أخبر كان في معرض للأدوات المدرسيه في الشيرتون سنة 87م قام الوالد والعجوز وودوني للمعرض يبلفيت يتشرون لي اغراضي خبركم بدش المدرسه والجماعه مشتطين :)

المهم .. مادري اشلون ضعت .. وقمت اصيح .. الا وذيك المره الطيبه الحنونه الجميله اللي قامت وشلتني للحين اتذكر ريحة العطر اللي حاطته .. وتقولي خلاص باخذك البيت وياي وانا ماصدقت استانست.. وشقيت الحلج .. واشوي الا اشوف ابوي يناديني وقمت اتصدد عنه مابيه يعرفني .. :eek5:<< كان ودي اروح وياها بس مالله كتب ..:shy:

وطبعا تلني من يدها وياجماعه الخير تصدقون حسباله المره تبي تخطفني !! وصج صج حزتها بديت اصيح متحسف اني مارحت وياها .. :weeping:


ههههههههههه عجبني الموووقف ماافيك حيلة شيطاان من يووومك صغير

[شـعـشـبـونـه]

انا الحمدلله ولا مره ضعت
لاني اخر العنقود واذا الوالده انشغلت اتم عند اخواني وخواتي محد كفووو يخليني لحالي :cool:
هذا غير اني على كلام مامي كنت هاديه لو يقطوني فاي مكان ويرجعون اليوم الثاني بيلقوني فنفس المكان ولا كأن صاير شي ...:whistling:

[بوحارب]

انا الحمدلله ولا مره ضعت
لاني اخر العنقود واذا الوالده انشغلت اتم عند اخواني وخواتي محد كفووو يخليني لحالي :cool:
هذا غير اني على كلام مامي كنت هاديه لو يقطوني فاي مكان ويرجعون اليوم الثاني بيلقوني فنفس المكان ولا كأن صاير شي ...:whistling:

اي صدقت :D

[موظف بالبورصه]

اي صدقت :D

اقولك عاد :whistling:

[مليونيره]

انا الحمدلله ماصارت معاي
بس موقف عيال خالي ضحكني كانو في برشلونه علاج حق ولد خالي صغير عمره 5 سنوات والولد مسكين مايشوف عدل وتعلق في أخته يبي يطلب بيتزا المهم نزلو والمطعم قريب من الفندق قعدت تطلب ألتفت ماحصلته بغت تستخف طلبت من الموظف يمسكن شنطتها وكامرتها وغباء منها معطته واثقه وجوالها في الشنطه وراحت تركض دور أخوها والصبي راح الفندق بروحه وعدى الشارع ودش على أهله وأبوه منصدم انه بروحه جاي يقول لهم بابا فلانه ضاعت قعد خالي يدق على بنته ماترد نزل يدور عليها ألا حصلها تكلم الشرطي وجها شاحب متخرعه هههههههههههههههههه
بدال هي تبلغ أنه ضايع سبقها وبلغ أهله أن أخته ضايعه

[شـعـشـبـونـه]

اي صدقت :D


اقولك عاد :whistling:

ياشــــــيــــــــــــــــــــن اللقااااافه :waiting:

[بنت ابوها 19]

أما بخصوص الضياع .. عندي لكم سالفه ..

أخبر كان في معرض للأدوات المدرسيه في الشيرتون سنة 87م قام الوالد والعجوز وودوني للمعرض يبلفيت يتشرون لي اغراضي خبركم بدش المدرسه والجماعه مشتطين :)

المهم .. مادري اشلون ضعت .. وقمت اصيح .. الا وذيك المره الطيبه الحنونه الجميله اللي قامت وشلتني للحين اتذكر ريحة العطر اللي حاطته .. وتقولي خلاص باخذك البيت وياي وانا ماصدقت استانست.. وشقيت الحلج .. واشوي الا اشوف ابوي يناديني وقمت اتصدد عنه مابيه يعرفني .. :eek5:<< كان ودي اروح وياها بس مالله كتب ..:shy:

وطبعا تلني من يدها وياجماعه الخير تصدقون حسباله المره تبي تخطفني !! وصج صج حزتها بديت اصيح متحسف اني مارحت وياها .. :weeping:

جووو

الناس لما تضيع تصيح


وهاي قز الحرمه قز وشم عطرها بعد

انت كدااااااااااااااااا :nice:

[عبد الرحمن77]

:) شكراً لمرورك أخي العزيز لا داعي اللهم ارحم موتانا وموتى المسلمين........

[كلي أمل]

وييييييييييي انا شكثر ضعت خصوصآ اول سنه بالجامعه :rolleyes2::rolleyes2::rolleyes2:

والله وكله اصيـــــــــــــــح لما اضيع :weeping::weeping::weeping:

بس البس نظاره عشان محد يضحك علي :shy::shy: وبعدين اسوي :telephone: حق امي او ابوي او اخواااني

[!الشايمه!]

:omg:

ياربي في ناس يقولون كلمات غريبه ....

عجيبه<< يمكن مهب قطريين ومايعرفون معناها

المب قود كلششششششش:secret:

[amal qatar]

:omg:

ياربي في ناس يقولون كلمات غريبه ....

عجيبه<< يمكن مهب قطريين ومايعرفون معناها

المب قود كلششششششش:secret:


اي والله :shy:

[نحول]

اي والله :shy:

لا ومشتطين فالسالفة

انه استغربت انه ردهم ماتعدل !

[الهاجري 2]

انا عندي واجد عني لكني نسيت بحاول اتذكرها
بس انا اتذكر سالفة العام اللي طاف يوم كنا في لندن فيه هناك كويتيين اعرفهم ربعي عندهم اخوهم صغير عمره 10 سنوات مطفوق ومزعج
طبعا كنا مسويين جلسه هناك في الهايد بارك نسولف شوي قال الكويتي مع السلامه بروح اوصل الاهل وبرد لكم
راح الرجال طبعا اخوه الصغير يوم توهم طالعين من الهايد بارك كان غيه دكان صغير قال حق اهله بشتري منه وبجيكم قالوله اوكي <<<< من زود الثقه في البزر . المهم شرا يوم كان بيطلع تعرفون لندن بعد الساعه 10 مشاكل وهدات ولازم السالفه فيها شرطه وسكروا المداخل حق الهايد بارك من جهة شقتهم
راح الولد من الصوب اللي ورا وكان بعيد وكانت عنده تذكره للباص قام وألف في اختيار الباص وخذا واحد وداه منطقه بعيده اخر شي قعد وبكى شافوه شباب اماراتيين وزين انهم لقوا رقم اهله عنده دقوا عليهم ووصلوه جزاهم الله خير الساعه 1 ونص الليل

[قطريه فديتني]

العام كنا مسافرين ماليزيا شهر عسل ورحنا السوق الصيني نتمشى
المهم السوق هناك كله دكاكين صغيره ومحلات مفتوحه على بعضها يعني سوق شعبي
دخلنا محل كله شنط وضييييق المحل وايد صغير عاد زوجي من التعب لقى كرسي في زاويه وقعد على الكرسي وانا مانتبهت انه قعد كنت اشوف الشنط والتفت ماشوف زوجي هو جدامي قاعد بس مندعس في زاويه وانا مب منتبهه من كثر ضيق المحل وكتمه داخل وظلام وانا مجابلته بس اتلفت يمين يسار شوي بدى يتغير ويهي وارجع اروح برع اطالع اقول يمكن عند المحل برع محد ارجع داخل اسأل اللبياع اقول يو ديدنت سي ما هزبند ؟ انت ماشفت زوجي ؟ يقول لي نو نو وزوجي قاعد في زاويه وحابس الضحكه وانا بموووت من الخرعه عيوني ترست دموووع بس ماسكه نفسي شوي يوم شافني بصيح قال لي شفيج انا هني ماتشوووفين :eek5:

انا صعبت وبغيت اصيح بس مسكت نفسي قلت له وين مندعس انت ماشوفك :weeping: :(

[القطرية55]

أنا ضعت مرة يوم كان عمري تقريبا ثمان سنوات
كنا رايحين سوق العسيري انا وامي وابوي واختي الكبيرة وكنا داخلين محل ونتفرج وانا مفهية واطالع البضاعة وهم طلعوا من المحل وما انتبهوا عقب دقيقتين من التفهي:eek2: انتبهت اني ضعت ومحد في المحل طلعت برى المحل اطل يمين يسار محد مت من الخوف لأني كنت اموت من الخوف من الفلبينيين الي يقعدون برا شكثرهم واختي كانت تألف علي تقولي ذيلين ياكلون لحوم البشر انا على طول قلت الليلة شكلي عشا فلبينيين لذيذ والباقي يسووني شوربة ثاني يوم:eek: في ثواني بطلت حلجي صياح ونياح الا اشوف ابوي جاي من بعيد معصب حدة وعصب وهاوشني وانا فرحاااااانة لأني نجيت من الفلبينيين

[صمت القلوب]

بسم الله الرحمن الرحيم ...

اختي الكريمه ...قصتي كانت يوم سافرنا للعمره ... واحنا في طريقنا صادفنا عائله سعوديه من الجنوب تعرفنا عليهم في مسجد قبل الوصول لمكه ورحنا مع بعض ...المهم وصلنا الحرم المكي والوالد واخواني بلبس الاحرام واحنا لاصقين في بعض من الخوف ومن كثره الناس ...المهم واحنا نطالع الكعبه انا واختي اللي اصغر مني ...كل شوي تقول لي ابي المس الكعبه ...ابي احسها بيدي ....وانا بصراحه كان ودي المس جدار الكعبه ...بس وين الناس والحرس والامن ووووو
واحنا نطوف مع بعض ...لقيت بوابه من بوابات الحرم ...وسبحان الله قلت حق امي وابوي واخواني اذا صار وضعنا تعالو هالمكان (للاحتياط في حاله احد يضيع) يعني قررنا مكان نجتمع فيه في حاله اذا احد ضيع ....المهم جى وقت الطواف ... بس ماكنا متوضيين ...لقينا الاسره السعوديه رايحه الحمامات وانتو بكرامه ....عاد انا واختي رحنا معاهم ....يوم ردينا لقينا الوالد شوووي بعيد ...بس كنا نميزه عن غيره لان حاط اخوي الصغييير فوق راسه واخوي كان لابس قميص اصفر ...قلنا حتى لوبعدنا بنعرف ابوي من قميص اخوي اللي فوقه (اشاره) :) ....الا اختي تمسك يدي بقوه وتقول لي : يلااااا الكعبه فاضيه من ذاك الجمب تعااااالي نرووح نلمس الكعبه شوي ...قلت لها ابوي بيذبحنا ....قالت ابوي مو بعيد وراح نعرفه من اخوي مو مشكله ....وللاسف :( طاوعتها ورحنا مسكنا الكعبه وكان شعور لايوصف ....كان نفسي انام هناك واصيح وادعي ووو ....والوهقه لفينا ...ولاشفنا ابوي ولااخوي الصغير ولااااااحد :(:( قلت لها شنسوي ؟؟؟ شوي بنصيح ...مانعرف احد ومو لابسين نعل وانتو بكرامه خبركم حاااافين :shy: والناس زحمه والحرس اللي فوق راسنا ...الا غطي والا تغشي وووو وانا من الخرعه ....كنت لابسه نقابي وشيلوني ياه ويوم شلته قالو البسيه !!!! والله توهقت ...عقب ذكرت اختي بالمكان اللي حددناه ....ورحنا ولقينا ابوي جاي بنفس الوقت ....طبعا الوالد من العصبيه سبنا ....واحنا في الحرم :) استغفر الله العظيم .... ومن بعدها تووووووبه مانعيدها وكله ماشييين وراه لين خلصنا كل شي والحمدالله:)

بصراحه هالموقف كان من 3 سنين ....وكان من اجمل المواقف اللي مرت علينا .... ونضحك كل مره لين نذكره :)

موضوعج راااائع واكثر من رائع .... وانشالله اكون اضفت شي بسيط في الموضوع

والسمووووووحه عالاطاااله :shy:

تحياتي وتقديري لكي بنت الدحيل

اختج
صمت القلوب

[حلا]

انا ضاع ولدي في الستي سنتر( دبي ) وبعد معاناه لقيته عند الامن
والغريبة انه كان يصيح يفكر اني انا الضايع
وطبعا قص قصة ضياعي حق يدة




هــــــــــــــــــــــ:):)ـــــــــــــــــــــــ ـــــــــــــذي من اجمـــــــــــــــــ:):)ــــــــــــــــــل المواقف اللي قريتها .......


حلا