تشطيبات البيت.......

[doha2012]

كيف حالكم جميعا
الحين قاعده انطر البلاستر يخلص ان شاء الله وقال لنا المهندس جطوا فريمات الابواب قبل البلاستر واحنا رفضنا علشان نبيي نحطها كلها عازله لكن ابواب مداخل الصاله والمجالس مش عارفه ايش احطها مع العلم ان منطقتنا جديده ولافيها ولا شارع ولا خدمات وغبار واتربه وكل شوي مسكرين طريق
لوسمحتوا اللي عنده خبره ممكن يفيدني وانا له شاكره

[الكتاروني]

يا أخت نورة الفريمات حق الأبواب لازم تركب الأول قبل البلاستر علشان لما العمال يسون البلاستر يكون متساوي مع عرض الفريمات ( عرض الطابوق + البلاستر = عرض الفريم ) .... و فية طريقة تاني إنك تسوي فريم ثانوي ...Sub Frame ثم تقومي بإزالتة بعد البلاستر ... هذة الطريقة أفضل و أنظف و لكنها أكثر تكلفة.

[doha2012]

مشكور اخوي بس انا ابي اسوي ابواب Ubvc وهذي قالوا لي بعد البلاستر احسن حتى مهندس البناء قال هالشكل بعد والنوافذ كذلك وحابه اعرف رايك بما انك مهندس ديكور
ومشكور

[السهم الثابت]

انا اقول ان الافضل يكون بعد البلاستر لنظافة الشغل اولا تتاكدين ان البلاستر مضروب عدل وبعدين الفريمات هاي شغل النجار اذا مايتقنة مايكون نجار وفي الحالة انتي تطمنتي ان البلاستر مضورب عدل والفريمات منجورة عدل ومع الزمن راح تتغير الفريمات والابواب وجهة نظرر فقط وانا ليس بمهندس ولاكن لدي شوي خبرة

[بوحمد2]

كيف حالكم جميعا
الحين قاعده انطر البلاستر يخلص ان شاء الله وقال لنا المهندس جطوا فريمات الابواب قبل البلاستر واحنا رفضنا علشان نبيي نحطها كلها عازله لكن ابواب مداخل الصاله والمجالس مش عارفه ايش احطها مع العلم ان منطقتنا جديده ولافيها ولا شارع ولا خدمات وغبار واتربه وكل شوي مسكرين طريق
لوسمحتوا اللي عنده خبره ممكن يفيدني وانا له شاكره

انا حاظر من الا ا لييين ال ي في ايشي يخص البنيان والتشطيب الخ

[doha2012]

مشكورين وماقصرتوا على ردودكم


لكن السؤال الاهم وين الاقي بورسلان امن وش نوعه واي صناعه وهل صناعة الامارات ممتازه وباركيه البورسلان هل هو جيد للاستخدام

[بوحمد2]

مشكورين وماقصرتوا على ردودكم


لكن السؤال الاهم وين الاقي بورسلان امن وش نوعه واي صناعه وهل صناعة الامارات ممتازه وباركيه البورسلان هل هو جيد للاستخدام

انتي لو بس تفتحيين خاصيه الرسايل الخاصه بتلاقيين كل الي تبينه

[doha2012]

محد يشطب بيته ممكن يفيدني

[شموخ دائم]

,


,

,


مرحبا اختي


الموضوع الان موضوع ذوق وامكانيات وموضوع حاجه

اذا كان البيت للايجار وتبين تشطبينه برخيص

تقدرين تحطين سيراميك ابو 25 ريال للمتر

واذا تبين نوعيه احسن البورسلان الاماراتي والصيني

شركه ( نابينا ) شركه ( كافود ) طريق المطار

وذا تبين شي فخم روحي للبورسلان الايطالي والاسباني
شارع سلوى كثير شركات هناك

بتلاقين المتر ب 90 ريال الى 120 ريال

واذا تبين كشخه واكثر فخامه روحي للرخام
شركه ( مركز الرخام والجرانيت ) ويعلمون لك ديزاين بالكمبيوتر
للصالات والمجالس والغرف اذا تبين

مفتوحه الاسعار من 90 ريال الى 400 ريال للمتر

وكل الانواع الي انا ذكرتها زينه وراح تعيش فترات طويله بالبيت

لكن المنظر والفخامه هذا شي ثاني

الي يحدد نوع التشطيبات هو انتي

تبينه فخم ؟
تبينه وسط؟
تبينه عادي؟
تبينه للايجار ؟

يعتمد على هدفك من البيت وميزانيتك


والله يساعدك على الاختيار وعلى الانواع

والله يعينك على البنيان والله يبارك لك فيه يارب

,

,


اخوك


شموخ دائم

[doha2012]

مشكوره اختي شموخ على ردك الوافي
هذا للبيت للاستخدام الشخصي وانا رحت لشركة العبيدلي وعجبني البورسلان وسيراميك الحمامات الله يكرمك بس صينيه لكن المطابخ صراحه ضوووووووووووووووووووووووووو والمتحده منشاااااااااااااااااااااااااار
الله يكتب اللي فيه الخير ان شاء الله

[dream~qa]

أختي أنصحك إذا البيت للاستخدام الشخصي فلا تستخسرين فيه

أنا حاطة سيراميك من شركة العباس من فترة بس ممتاز ويستحمل 8 طن ، عندج محلات شارع سلوى تقدرين تختارين منها والأفضل هو الاسباني والايطالي .

وإذا تقدرين روحي أخذي من الدمام لأن بيطلع عليج وايد أرخص من هنيه وعندهم محلات حلوة .

[بو راشد 1]

مشكوره اختي شموخ على ردك الوافي
هذا للبيت للاستخدام الشخصي وانا رحت لشركة العبيدلي وعجبني البورسلان وسيراميك الحمامات الله يكرمك بس صينيه لكن المطابخ صراحه ضوووووووووووووووووووووووووو والمتحده منشاااااااااااااااااااااااااار
الله يكتب اللي فيه الخير ان شاء الله

نورة

انا رحت الصين و جبت السراميك و البورسلان و الغرانيت من هناك حق بيتي، و شفت الانواع نصيحه: اذا شفتي سراميك صيني غالي فهو أفضل جودة من الاوروبي اللي ينباع بنفس السعر.

[شـعـشـبـونـه]

الله يتممه على خير ويوفقج فالتشطيب اختي ..

[doha2012]

جزاكم الله خير على ردودكم

[doha2012]

كيف الحال
وين ممكن الاقي مطابخ اسعارها زينه وجيد ه للاستخدام

[الزيبق]

شوفي اهم شي اخذي خرائيط البيت وكلها 3 ساعات بالسياره الدمام وبتحطين في بيتك احسن البلاط واحسن اله ايعزكم الحمامات ولا تنسين اجري تريله لين الدوحه ما ادري عن الاسعار بس متاكد بتطلع التكلفه عليك اقل والله ايوفقك

[وهم قطر]

اختي نوره انا على وشك الانتهاء من البنيان ونصيحتي لج ابعدي عن الصيني واشكاله لانج اذا ركبتيه وبعد سنه ولا سنتين راح يتخرب وتغيرينه الشي الجيد بيتم سنوات وانسيه مش خساره فيه انا اغراض البيت كلها جايبها من الرياض ولله بنص السعر واقل شوي ماخذ رخام اسباني نوعه روزا سبانش غولد 60x60 وسراميك الحمامات والحوش الخارجي والنوع غير موجود في الدوحه من كثر مالفيت المحلات وشي راقي والحجر الخارجي اردني المنفخ ( ابو طبزه ) هذا للي يعرفه اطوال مفتوحه ب25 ريال المتروهنا قالو لي ب120 ريال شوفي الفرق والباقي اعضم .
اما بخصوص موضوعج عن البلاستر الا سوي البلاستر كامل مثلي وبعدها تبين تركبين فريمات ولا اليوبي في سي اغلب الناس ماتعرف يركبون الفريمات قبل البلاط الارضيه يسبب تأاكل الخشب من النمل الابيض لانهم مايحطون الماده الدواء قبل البلاط واشكركم على المتابعه

[صاحب السمو]

عالم المطابخ=طريق سلوى= سوق العين
الرخام والحمامات=حسين فكري =طريق سلوى
التجهيزات المتحده=طريق سلوى
الخزاين=الخزاين الاوروبيه =طريق سلوى
عالم المطابخ=طريق سلوى

[doha2012]

مشكورين جزاكم الله خير
والله ان البيت دوخه ووجع راس كل شي غالي وذا سألتهم بكم هذا ولاذا قالوا خل نشوف البيت والمساحه والموديل وبعدين يصير خير
حتى المطابخ ماتقل عن 30 الف وهي صغيره والحمامات بتاخذ اسباني 7-8 الاف والاطقم الايطاليه او الاسبانيه 4-5 الاف بسسسسسسسسسسسسسسسسسسسسسسسسسسسسسسسسسس وهي قطعه او ثنتين
الله المستعان

[أنا]

:eek5:

أختي بالنسبه للحمامات اخذي اطقم انجليزي عند شبيب العطيه

الطقم في حدود 3 الاف وعلى حسب الاشياء اللي تبينها