حد يقدر يدلني على دكتور او عياده يعالج تمزق العظلات في الظهر - اكون شاكر [الأرشيف]

هذلان

12-04-2009, 02:31 AM

السلام عليكم

كما هو موضح في العنوان .. اعاني من تمزق قديم في عظله الظهر . اذا امارس رياضه بدون تصخين جيد على طول يصيبني الالم و يستمر ايام لين يروح خلال الايام هذي اتجنب اي مجهود بدني .
اذا حد منكم يعرف دكتور او سبق و مرت عليه حاله مشابهة وعالجها .. لايبخل علينا
الله يجزاكم خير

لاداعي

12-04-2009, 02:39 AM

ماتشوف شر يالغالي وأن شاء الله يفيدونك الأخوان..

لمسات..

12-04-2009, 02:46 AM

الله يقويك يااخوي ويشفيك
ألف لابأس
وخطاك السوء
ان شاء الله الأخوان مايقصرون

هذلان

12-04-2009, 02:53 AM

لاداعي - لمسات..

اشكركم على دعوتكم لي .. الله يثيبكم و يبعد عنكم البلاء انتوا و من تحبون .
نصيحه لحد يشيل شي ثقيل و يسوي نفسه قوي :(

ام شهد قطر

12-04-2009, 08:16 AM

ما في أحسن من العلاج الطبيعي روح حق دكتور عظام عندك حموده في مستشفى حمد وراح يحولك على العلاج الطبيعي ونصيحه لا تكثر من المسكنات لانها أضراره وايد وما تطلع الابعد وقت

فنان قطر

12-04-2009, 08:32 AM

ماتشوف شر اخوي والله يشفيك انشاءالله

القلم الصريح

12-04-2009, 08:38 AM

هذلان

12-04-2009, 01:45 PM

ما في أحسن من العلاج الطبيعي روح حق دكتور عظام عندك حموده في مستشفى حمد وراح يحولك على العلاج الطبيعي ونصيحه لا تكثر من المسكنات لانها أضراره وايد وما تطلع الابعد وقت

اشكرج يالذهبيه : انا واثق ان مستشفى حمد فيه علاج وعلاجهم بحول الله زين
ولكن زحمه و اكيد اني لازم اروح لهم الصبح .. عموما انا تارك مستشفى حمد هو الحل الاخير

ماقصرتي

هذلان

12-04-2009, 01:46 PM

ماتشوف شر اخوي والله يشفيك انشاءالله

ولاتواجهه ان شاءالله .. تسلم

هذلان

12-04-2009, 01:47 PM

ماعليك شر روح الشيخ افتح ملف وخذ موعد في مستشفى (اسبيتار) اللي تابع لسبير زون عندهم اطباء متخصصين اصابات الملاعب وغيرها مثل العظام وتمزق العضلات والصراحه مستشفى ماعليه كلااااااااااااااااااااام

القلم اسباير على ماسمعت انهم مايعالجون الا الرياضيين او بتحويل من مستشفى حمد او بواسطه :anger1:

هل يصير اروح لهم مثلهم مثل اي مستشفى خاص ؟

عذبة الأطباع

12-04-2009, 03:26 PM

من قال

روح لهم وبتسوي موعد وقابل الدكتور وبتعالج عندهم علاج طبيعي

انا امي سوت عمليه عندهم وتمت على العلاج الطبيعي

الله يشفيك

السدره

12-04-2009, 06:42 PM

الدكتور ياسر في عيادة الكندي الدور الاول او دكتور سايروس علاجهم طبيعي ومجربين

شواروفسكي

12-04-2009, 07:36 PM

بعد عندك الاستشاري بات اللي عند عيادة الدوحة

هذلان

12-04-2009, 07:52 PM

من قال

روح لهم وبتسوي موعد وقابل الدكتور وبتعالج عندهم علاج طبيعي

انا امي سوت عمليه عندهم وتمت على العلاج الطبيعي

الله يشفيك

مشكوره يا عذبه الاطباع .. بروح لهم ان شالله سباير معروفه في هذا المجال
ولكن الخوف من المعوقات و الطلبات
واتمنى والدتج تكون في احسن حال

هذلان

12-04-2009, 07:54 PM

الدكتور ياسر في عيادة الكندي الدور الاول او دكتور سايروس علاجهم طبيعي ومجربين

وين هذي العياده .. بس سؤال الدكتور ياسر هو دكتور عظام طبعا و سيايروس هو دكتور العلاج الطبيعي .. يعني اذا انا فاهم صح تقصدين دكتور ياسر يحولني على دكتور سايروس حق العلاج الطبيعي !

تسلمين على المشوره

هذلان

12-04-2009, 07:56 PM

بعد عندك الاستشاري بات اللي عند عيادة الدوحة

عياده الدوحة رحت لهم و نيتي كانت اني ابدا علاج وياهم بس للاسف اول خطوه وقفت فيها يوم قالولي روح صور تصوير المغناطيسي مادري التصوير الثاني الي هو تدخل داخل الجهاز بجسمك كامل.
يوم رحت للتصوير قالي الدوام خلص . قلت خلاص بكره اجيكي و عليها لين اليوم :(

السدره

12-04-2009, 11:04 PM

وين هذي العياده .. بس سؤال الدكتور ياسر هو دكتور عظام طبعا و سيايروس هو دكتور العلاج الطبيعي .. يعني اذا انا فاهم صح تقصدين دكتور ياسر يحولني على دكتور سايروس حق العلاج الطبيعي !

تسلمين على المشوره

عيادة الكندي فالنصر ، تدخل للفة المخازن الكبرى وتمشي مع الشارع للين يلف يمين تلقى المستشفى على يدك اليسار امقابله مسجد
الدكتور ياسر علاجه مثل الدكتور سايروس وهو مايحول حق حد

القلم الصريح

13-04-2009, 10:18 AM

شوف اخوي هذلان ، صحييح اسبير ماتاخذ اله الرياضيين او اللي يحولونهم عن طريق مستشفى حمد ، بس انت حن عليهم شوي واقنعهم بسلوبك وصدقني راح يقتحون لك ملف ويعالجونك عن طريقهم ومثل ماقالت لك اخت عذبه يعالجون اي شخص