لا عزاء للقطريين

[مرتبش]

الدوحة - الشرق :
اكد مصدر مسؤول لـ الشرق ان البدلات الممنوحة للموظفين القطريين ستكون موحدة ضمن قانون ادارة الموارد البشرية للجهات التى سيشملها القانون.
واضاف ردا على استفسارات تلقتها الشرق: علاوة بدل السكن ستكون موحدة للعاملين فى المؤسسات والوزارات والهيئات دون تمييز مشددا بان القانون كان هدفه الغاء التمييز فى البدلات والعلاوات بين العاملين فى الوزارات والهيئات والقانون الحالى عزز المساواة بين العاملين فى اجهزة ومؤسسات الدولة ويبلغ بدل السكن فى القانون الجديد 6 الاف ريال لوظائف الدرجة الاولى فاعلى متزوج او يعول و3500 ريال للاعزب، وشاغلو الدرجة الثانية الى السابعة متزوج او يعول 4000 ريال و2500 ريال للاعزب، والدرجات الاخرى متزوج او يعول 3000 ريال واعزب 2500 ريال.

[a.a.a.qatar]

بصراحه تمنينا الزياده والحمدلله على كل شي لكن في نفس الوقت ما نرضاها على اخوانا وخواتنا الي تضرروا ونقصوا من رواتبهم جنه خذو من عندهم وعطونا وهالشي يخلق جو متوتر بالنسبة للموظف ... الله يعينهم بصراحه والمفروض ترجع لهم رواتبهم مثل قبل وبلاها زياده الي تنفع ناس وتضر ناس وبالذات القطرين

[قناص الخليج]

بالنسبه لنا احنا كموظفين الوزارات رجع لنا بدل السكن وزاد الاساسي وزاد بدل التنقل

والحمدالله

الله يعين اخوانا بالهيئات والموسسات

[دوحة الجميع]

والله الخبر حلو وايد لأن العدل في المساواة بين المؤسسات والوزارات والهيئات في البدلات والعلاوات والمكافأة هو الصح ... والخطأ هو أنك تكون مهندس في وزارة ومهندس أخر في هيئة والفرق بينهم شاسع في كل شيء. وحكمتي هو ( المساواة في الظلم عدل ) .

[مرتبش]

رواتب الاجانب لم تنقص.
فقط القطريين فاين العدل..
وعن الزيادة في الحكومة ..يستاهلون هل قطروالله يزيد ويبارك

[book 1]

الله يعين الجامعي يوحدونه مع ناس ماعندهم شهادات جامعيه احترامي لهم... بيصير مثل الاجنبي بيدور شغل برع قطر الله يستر

[شيزكيك]

ياما في ناس نفس درجاتنا ورواتبهم دبل علينا وما عندنا اي مميزات مثل كوبونات تعليم او

تامين علاج والحين صححوا الوضع وعدلوا رواتبنا والحمدلله

موظفين وزارة التعليم

[لاداعي]

الله يكون في عون الجميع..

[شارع الأصمخ]

ابشروا بكل خير يا ناس يا عالم لاتستعجلون خل تنزل الرواتب وبعدين ........................ يبين

[halcrow]

الله يستر ... اخوانكم في الهيئات اعتمدو برواتبهم على قروض واقساط ...فمن الطبيعي ان تحدث غصه في وضعهم الحالي ...كان الله في عونهم

تمنياتي للاخوان في تفهم الوضع

[كيفـي]

يا بخت ريتشارد وفرانك وجون وغيرهم من ذوي العيون الزرقاء..

اما ذووي العيون الملحاء مالهم الا الرضى بالقضاء والقدر..!!!!!!!!

[مرتبش]

الله كريم
غريبة بعض الردود.. بس فهمو هالنقطة قطري واجنبي في نفس الوظيفة ونفس الهيئة او المؤسسة .. ينزلون راتب القطري والاجنبي ماينزلونه ولا حتى ريال..

يبه الخير وايد ..يكفي كل القطريين ويزيد بس ليش الكيل بهالطريقة..ليش مراعاة الاجنبي ومحاسبة القطري بهالطريقة..

[استغفرالله]

اعتقد ان اللي واضع القانون اجنبي

فلازم ينزل راتب القطري والاجنبي لا

[عديـل الـروح]

اخواني في وزارة التعليم خفّضوا راتب الاجنبي لعلاوة العمل الاضافي الى 20 %


وصار راتبه الاجمالي الحين للاجنبي العربي : 3000 - 3200 ريال

[عديـل الـروح]

واضيف شئ مهم ما يستوعبه بعض الاشخاص :


أغلب رواتب العاملات الفراشات القطريات في المدارس اصبحن يستلمن اجمالي الراتب اكثر من 10000 - و 11000 ريال


بينما الفراشات الغير قطريات مع احترامي لجنسياتهم المصرية والفلسطينية وغيرها :

نفس ما هي / 1120 1300 ريال فقط ..

[عديـل الـروح]

واضيف شئ مهم ما يستوعبه بعض الاشخاص :


أغلب رواتب العاملات الفراشات القطريات في المدارس اصبحن يستلمن اجمالي الراتب اكثر من 10000 - و 11000 ريال


بينما الفراشات الغير قطريات مع احترامي لجنسياتهم المصرية والفلسطينية والايرانية وغيرها :

نفس ما هي / 1120 1300 ريال فقط ..


يعني بعضنا ممكن يدفع فاتورة جواله الشهرية بهذا المبلغ ..

[استغفرالله]

عديل الروح

احنى مانتكلم عن بعض الوظائف ورواتب الاسيويين

نتكلم عن المهندس القطري اللي راتبه 20 الف والاجنبي مهندس 50 الف

الدكتور القطري في جامعة قطر 24 الف والاجنبي في الجامعات الاجنبية مئات الالوف

...........الخ

[عديـل الـروح]

عديل الروح

احنى مانتكلم عن بعض الوظائف ورواتب الاسيويين

نتكلم عن المهندس القطري اللي راتبه 20 الف والاجنبي مهندس 50 الف

الدكتور القطري في جامعة قطر 24 الف والاجنبي في الجامعات الاجنبية مئات الالوف

...........الخ


جميل جدا وعجبني ردك يا خوي ..

فقط بغيت اوصل معلومه وانت وصلتها بنفسك ..

وهي تحديد من هو هذا الموظف الاجنبي ؟؟

مثل ما حددت موظف او الدكتور القطري :

حدد ايضا عن ما هيه جنسية الاجنبي المقصود لكي تصل الفكره بوضوح للمتلقي ..

الاجنبي الاجنبي بو العيون الزرق : لا يقارن راتبه باي راتب او مسمى وظيفة لاي موظف قطري بنفس درجته ..

بينما الاجنبي العربي عطية 1500 - 2000 ريال بتحصله ساكت ومقتنع برزقه ..


سامحني عالاطاله فديت خشمك ..

[مروض المهـرة]

والله العظيم ان احنا انظلمنا خاصمين منا 5000 ريال شنسوي في اقساط البنك إجار البيت قسط السيارة راتب الخدامة والسايق مصاريف البيت مصاريف العيال عقب مارتبنا اوضاعنا على هالراتب يردون ويخصمون منه موب ظلم الظاهر ان موظفين المؤسسات والهيئات اخرتهم بيطرون عشان يغطون التزاماتهم والا مصيرهم السجن المركزي !!!!!!!
والا بيكون مصيرهم crazy :tease:

[hamoor4ever]

جميل جدا وعجبني ردك يا خوي ..

فقط بغيت اوصل معلومه وانت وصلتها بنفسك ..

وهي تحديد من هو هذا الموظف الاجنبي ؟؟

مثل ما حددت موظف او الدكتور القطري :

حدد ايضا عن ما هيه جنسية الاجنبي المقصود لكي تصل الفكره بوضوح للمتلقي ..

الاجنبي الاجنبي بو العيون الزرق : لا يقارن راتبه باي راتب او مسمى وظيفة لاي موظف قطري بنفس درجته ..

بينما الاجنبي العربي عطية 1500 - 2000 ريال بتحصله ساكت ومقتنع برزقه ..


سامحني عالاطاله فديت خشمك ..

من تكلم اخوي عن الاجانب العاملين بوظائف الخدم او غيره ، احنا نتكلم عن التفرقه في رواتب المهندسين او الاطباء او الاداريين الاجانب والقطريين وانت تدري وفاهم وغيرك يدري عن منو نقصد واذا تتكلم عن ال الاجنبي بو 1500 مع اني ماعتقد ان فيه اجنبي راتبه 1500 وساكت الا اذا كان هندي وشغال دريول وهاذه ماينطبق عليه اللي تقوله ، ولا راح نحسده على راتبه فيه بعد قطريين رواتبهم 3000 او 4000 ريال وراضيين ومقتنعيين

بعدين بصراحه اول مره ادري ان فيه فراشات يشتغلون براتب 11000 ريال ماشاء الله اكيد ذول خبره في اعداد انواع الشاي والكابتشينو

[مرتبش]

الاجانب العرب والاسيوين عندنا ما صار لهم تنزيلات!
بس القطريين..

والقول ان العرب يرضون ب 1500... تعال شوفهم واسمع صوتهم..كلامهم اوامر ..وصوتهم مسموع ..
يكفيك قول وزيرالدولة انهم سيدرسون اوضاع الاجانب ويأمل انتهاء الدراسة في الصيف.. يعني التنزيلات لنا والمراعاة لمن؟

ياريت يراعونا مثل الاجانب....

هذا كله في صوب والمتقاعدين واصحاب البند المركزي في صوب!!!
قانون الموارد البشرية من متى وهم يدرسونه؟ واخرتها كل هالبلبلة.. اصحاب البند المركزي كمم عددهم؟ وكم عدد المتقاعدين.. اجزم لك انهم اكثر من الموظفين القطريين في الحكومة بكثييييير..
كلهم ما استفادو شي..

الموظفين القطريين في الهيئات والمؤسسات كم عددهم مقارنة بالاجانب في هذه الجهات؟ هل يصلون 20%... اشك في ذلك
وايضا مستخسرين فيهم رواتبهم وسوو لهم دسكاونت لزوم توحيد الرواتب!! بينما الاجانب ..اشششششش لحد يسمعك بندرس اوضاعهم..

الله كريم

[bluelion]

توحيد العقود للأجانب : يعني بس نوع الخط وحجمه والكلام العام الموجود فيه .... وما راح يغير المبالغ

[عديـل الـروح]

من تكلم اخوي عن الاجانب العاملين بوظائف الخدم او غيره ، احنا نتكلم عن التفرقه في رواتب المهندسين او الاطباء او الاداريين الاجانب والقطريين وانت تدري وفاهم وغيرك يدري عن منو نقصد واذا تتكلم عن ال الاجنبي بو 1500 مع اني ماعتقد ان فيه اجنبي راتبه 1500 وساكت الا اذا كان هندي وشغال دريول وهاذه ماينطبق عليه اللي تقوله ، ولا راح نحسده على راتبه فيه بعد قطريين رواتبهم 3000 او 4000 ريال وراضيين ومقتنعيين

بعدين بصراحه اول مره ادري ان فيه فراشات يشتغلون براتب 11000 ريال ماشاء الله اكيد ذول خبره في اعداد انواع الشاي والكابتشينو

اولا : ذولا موظفين في وزارتنا ويأخذزن هذه الرواتب على 2000 - و 3000 ريال اجمالي الراتب .... كموظفين .. وهم عرب يا خوي مب هنود !!


ثانيا : وين في قطريين يستلمون راتب من جهات عملهم الحين ب 3000 - 4000 ريال الا اذا كانوا متقاعدين ؟؟؟

يا ريت تذكر لي اسم لبعض جعات عملهم : للاستفادة .


ثالثا : الله هو الرازق العاطي .. ولا بد من هذه القناعه ..

[jm01]

الله يستر ويكون في العون
ويعطيك العافية

[oxqatarxo]

الاجانب العرب والاسيوين عندنا ما صار لهم تنزيلات!
بس القطريين..

والقول ان العرب يرضون ب 1500... تعال شوفهم واسمع صوتهم..كلامهم اوامر ..وصوتهم مسموع ..
يكفيك قول وزيرالدولة انهم سيدرسون اوضاع الاجانب ويأمل انتهاء الدراسة في الصيف.. يعني التنزيلات لنا والمراعاة لمن؟

ياريت يراعونا مثل الاجانب....

هذا كله في صوب والمتقاعدين واصحاب البند المركزي في صوب!!!
قانون الموارد البشرية من متى وهم يدرسونه؟ واخرتها كل هالبلبلة.. اصحاب البند المركزي كمم عددهم؟ وكم عدد المتقاعدين.. اجزم لك انهم اكثر من الموظفين القطريين في الحكومة بكثييييير..
كلهم ما استفادو شي..

الموظفين القطريين في الهيئات والمؤسسات كم عددهم مقارنة بالاجانب في هذه الجهات؟ هل يصلون 20%... اشك في ذلك
وايضا مستخسرين فيهم رواتبهم وسوو لهم دسكاونت لزوم توحيد الرواتب!! بينما الاجانب ..اشششششش لحد يسمعك بندرس اوضاعهم..

الله كريم


اتلومون واحد من الشباب يبي ياخذ جنسية نيبالي وويديه الشغل علشان يتمتع بمزايا الاجانب؟

[مرتبش]

احلى مافي اللقاء الصحفي امس واللي تم نشره في جرايدنا اليوم.. قول المسؤولين " عدم استقطاع علاوات وبدلات القانون القديم بأثر رجعي "" كما ورد في الشرق.

افا والله..عمركم سمعتو بشي كهذا.. .. ترى بنخصم راتبك باثر رجعي.. ليش !! هذ االراتب كما اتفق عليه بالتراضي بين الموظف وجهة عمله..

هل حدث من قبل المطالبة براتب خبير اجنبي بعد ان عفس الدنيا وتبين انه مايصلح للوظيفة؟ هل سيتم مطالبة الاجانب بالبدلات اللي استلموها مع القطريين.

[bluelion]

شكلهم كانوا مفكرين يخصمونها بأثر رجعي...

المشكلة ان فيه جهات يمكن تستمر بصرف الرواتب القديمة بدون خصم، وبعدين بيصيدونهم ويخصمونها بأثر رجعي من 1 / 4 / 2009 .