ماهو "أحلى خبر" سمعته ؟؟ ..:) [الأرشيف] - منتديات شبكة الأسهم القطرية

شاي كرك

13-04-2009, 09:46 AM

http://slw.riskmetrics.com/envelope.jpg

تتنوع الأخبار ، فمنها المفرح ومنها المحزن ، وتتفاوت درجة الفرح التي قد تصل الى مرحلة الطيران بالروح ، أو لدرجة الحزن المميت الذي قد يصل لدرجة "البكاء المدمي" ، وكلا النوعين لها من التأثير ما يمكن أن تأثر به في نفس متلقيها ، سواء بالسلب أو بالإيجاب ، مما قدر تدفع أو تأخر صاحبها خطوة في حياته ... :)

ولكن هناك "أخبار" لا يمكن أن " تشطب" من ذاكرتك .. بسبب تلك اللذة " الحانية " التي تسري في الجسد مجرى الدم ، وذلك الشعور "الطائر" الذي يطيب للنفس تذكير نفسها بأجنحته ، وتلك الابتسامة العريضة التي ارتسمت حتى كادت أن تزعزع عرش " الابتسامة الملكية الموناليزية " .. :)

فما هو الخبر " المفرح" الذي ُبلغت به ؟؟؟
وهل لا زال ذلك "السحر" يسري في جسدك حين تذكره ؟؟ ويدفع بك إلى الأمام ؟؟
وبماذا "يقّدر" إذا ما طلب منك تقديره ؟؟
وهل يوجد "وقت" محدد لديك لتذكير نفسك بها ؟؟

صباح الورد .. :)

بو الجوري

13-04-2009, 09:50 AM

صباح الخير . .

مـــتـــــابــــ ع .. .. :)

يعطيك العافيه ..

بوخالد911

13-04-2009, 09:51 AM

هلا

ابدا بنفسك اخوووي

مسيوو/ بوخالد911

loolety

13-04-2009, 09:56 AM

انا عن نفسي احلى خبر سمعته في حياتي لما قالي الدكتور
اني حامل ببنوته : )

شاي كرك

13-04-2009, 10:08 AM

صباح الخير . .

مـــتـــــابــــ ع .. .. :)

يعطيك العافيه ..

مافهمت .. شمعناة كلمة متابع ؟؟ :omen2:

عـيـون قـطـر

13-04-2009, 10:11 AM

صباح الخير
والله في اخبار واجد حلوه سمعتها

Qatar4all

13-04-2009, 10:13 AM

الاسبوع الجاي إجازة لجميع موظفي الدولة :...

:)

بو الجوري

13-04-2009, 10:17 AM

الاسبوع الجاي إجازة لجميع موظفي الدولة :...

:)

:omg: هاي سمعته وإلا ودك تسمعه !!! :eek5:

Qatar4all

13-04-2009, 10:19 AM

:omg: هاي سمعته وإلا ودك تسمعه !!! :eek5:

انت لحين ما سمعته ؟؟؟ :omg:

بو الجوري

13-04-2009, 10:19 AM

مافهمت .. شمعناة كلمة متابع ؟؟ :omen2:

مممم .. .. يعني بس بتابع الموضوع .. :nice:

بو الجوري

13-04-2009, 10:21 AM

انت لحين ما سمعته ؟؟؟ :omg:

:eek5:

:telephone:

Only Me

13-04-2009, 10:54 AM

للحين ما سمعت أي خبر حلو
في اخبار حلوه طبعا اسمعها بس ما في خبر الي يطيرني من الفرحه

ويعطيكم العافية

غزلان

13-04-2009, 01:39 PM

فوز الغرافه علشان ناس غاليييين ولا انا ما احب الكوره:)

بنت ذياب

13-04-2009, 01:56 PM

احلى خبر اسمعه دايما على مدار الاسبوع

انه ولد اختي الصغير عندنا في البيت .. ارررررررررررركض اقوم http://www.qatarshares.com.qa/data/646/649/storm_337788502_2026414932.gif

واذا نايمه افززززز من نومي

قطعه مني هالbaby :eek5:

بوعلي2

13-04-2009, 02:04 PM

مافي شي ببالي او خبر انه فرحني الحمد الله على كل حال

اهم شي الصحه والعافيه

وشكرا للموضوع الطيب ياشاي كرك

من ابداع الى ابداع يالغالي

كل الشكر لك

ابوعلي

13-04-2009, 02:07 PM

في المنتدى ترقية الأخوه ابوضاري وبوكسينج ولاداعي

وخارج المنتدى في مووووضوع مضايقني وايد وما عندي خبر حلو :(

هدهد سليمان

13-04-2009, 04:04 PM

دخول دماء جديده بالمنتدى للأشراف والف مبروك

مليونيره

13-04-2009, 09:10 PM

أممم
ولاشي

ناصر العمادي

13-04-2009, 09:38 PM

الأخبار كلها حزينه ...

مافي شي يفرح في هالدنيا ..

أيام ونقضيها كالسفينه

تتقاذفنا الأمواج وراضيين بنصيبنا

يعطيك الصحه والعافيه

الله يوفقك ويطول بعمرك ويرضى عليك يارب

كل الشكر والتحيه والتقدير والأحترام لك

شاي كرك

14-04-2009, 07:43 AM

هلا

ابدا بنفسك اخوووي

مسيوو/ بوخالد911

منور يابوخالد .. والحمد لله على سلامتك :) وسلامة الوالد

شاي كرك

14-04-2009, 07:47 AM

انا عن نفسي احلى خبر سمعته في حياتي لما قالي الدكتور
اني حامل ببنوته : )

الله يخلي لج " البنوته " .. وان شاء الله دوم هالفرحة ..:)

صباح الخير
والله في اخبار واجد حلوه سمعتها

طمعانين في خبر واحد بس ، وانا سعيد جدا بتواجدك في موضوعي :)

الاسبوع الجاي إجازة لجميع موظفي الدولة :...

:)

بالتوفيق ان شاء الله .. :) بس هل فيه خبر شخصي ؟

شاي كرك

14-04-2009, 07:52 AM

للحين ما سمعت أي خبر حلو
في اخبار حلوه طبعا اسمعها بس ما في خبر الي يطيرني من الفرحه

ويعطيكم العافية

ان شاء الله قريب تطير من الفرحة :) .. وبالتوفيق ياراعي القبعة الزرقا ..

فوز الغرافه علشان ناس غاليييين ولا انا ما احب الكوره:)

يستاهلون من " تغلينهم " .. وشاكر لج مرورج اختي " غزلان" ..:)

احلى خبر اسمعه دايما على مدار الاسبوع

انه ولد اختي الصغير عندنا في البيت .. ارررررررررررركض اقوم http://www.qatarshares.com.qa/data/646/649/storm_337788502_2026414932.gif

واذا نايمه افززززز من نومي

قطعه مني هالbaby :eek5:

هالولد سمعت سيرته اكثر من مره في مشاركاتج ..والله لا يحرمكم من بعض ..
بس بكره اذا تزوجتي وش راح تسويين يوم يجونج اعيال ؟؟ هل بتكون نفس المعامله ؟ :)

مافي شي ببالي او خبر انه فرحني الحمد الله على كل حال

اهم شي الصحه والعافيه

وشكرا للموضوع الطيب ياشاي كرك

من ابداع الى ابداع يالغالي

كل الشكر لك

منور أخوي " رفيع" .. والابداع هو تواجدك في الموضوع .. :)

شاي كرك

14-04-2009, 07:56 AM

في المنتدى ترقية الأخوه ابوضاري وبوكسينج ولاداعي

وخارج المنتدى في مووووضوع مضايقني وايد وما عندي خبر حلو :(

يستاهلون أخوي بوضاري والبوكسنج ولا داعي .. والله يوفقهم :)
ومنور اخوي ابوعلي ..:)

دخول دماء جديده بالمنتدى للأشراف والف مبروك

يستاهلون .. والله يوفقهم :) ..شكرا لك يالـ" هدهد" ..:)

أممم
ولاشي

ان شاء الله في .. :)

الأخبار كلها حزينه ...
مافي شي يفرح في هالدنيا ..
أيام ونقضيها كالسفينه
تتقاذفنا الأمواج وراضيين بنصيبنا
يعطيك الصحه والعافيه
الله يوفقك ويطول بعمرك ويرضى عليك يارب
كل الشكر والتحيه والتقدير والأحترام لك

تفائل يابوعبودي ... واكيد في اخبار زينة بس انت مو منتبه ,, :)

أحلى وسيطه

14-04-2009, 08:52 AM

انا مازلت في أنتظار سماع اي أخبار حلوة .................

Only Me

14-04-2009, 09:05 AM

شاي كرك

ليش قبعة زرقاء شدراك اني البس قبعه زرقه

بنت ذياب

14-04-2009, 01:46 PM

هالولد سمعت سيرته اكثر من مره في مشاركاتج ..والله لا يحرمكم من بعض ..
بس بكره اذا تزوجتي وش راح تسويين يوم يجونج اعيال ؟؟ هل بتكون نفس المعامله ؟ :)

لوعت جبودكم بولد اختي :secret:.. << جنه محد عنده عيال اخت الا انتي :(

عيالي ! :rolleyes2: اعتقد بتكون المعاملة مختلفة والله اعلم .. الضنااا غير:(

ïз فرآشهـ εï

14-04-2009, 02:05 PM

لوعت جبودكم بولد اختي :secret:.. << جنه محد عنده عيال اخت الا انتي :(

عيالي ! :rolleyes2: اعتقد بتكون المعاملة مختلفة والله اعلم .. الضنااا غير:(

ههههههههه اي والله لوعتي جبد امي وللحين ماجفته شخصيا .. كله بالصور !! :omen2:

الله يخليه لكم هالبيبي يؤبرني .. :shy:

واذا فيها طلعة دحل عما قريب ان شاالله يبيه .. ^-^

ïз فرآشهـ εï

14-04-2009, 02:08 PM

شفيكم متشائمين جي ياجماعه .. :secret:

ممم عن نفسي وايد الحمدلله فرحت باخبار .. :)

مثلا لما اعرف درجاتي فالامتحانات .. وتكون عاليه ولا كامله.. استانس ^-^

بس ماصار شي قريب .. لو صار بقولكم .. ^.^"

...

* شاي كركـ .,

شوووكرن ع الموضوع ..

سو نايس ..,

:)

pure

14-04-2009, 03:45 PM

انا احلى خبر جفته مو سمعته @@

يوم جفت ورقتي بالامتحان وزعها الدكتور كاحسن الاجابات يعني الاجابات النموذجيه

تميت اطالع الـ ورقه واطالع ورقتي !!

واقول ياربي هالخط مو غريب علي :con2:

طلعت ورقتي !

بس ,, استانست وخذت السامبل انسر وياي البيت مع انه ممنوع :(

آموت وآحيابك

14-04-2009, 03:52 PM

الاخبااااار الحلوووه كثييييييييييييييييييره منها لما تخرجت وافتكيت :tease:

بس الخبر الاحلى 000000 اذا صااااار اللي في بالي وتحقق :)

ويعطيك الف عاااافيه عالمووضوووع الكيووووووووووت

بنت ذياب

14-04-2009, 09:58 PM

ههههههههه اي والله لوعتي جبد امي وللحين ماجفته شخصيا .. كله بالصور !! :omen2:

الله يخليه لكم هالبيبي يؤبرني .. :shy:

واذا فيها طلعة دحل عما قريب ان شاالله يبيه .. ^-^

ههههههههههههههههههههههه

خلاص ولا يهمج

بحاول اييبه لج باقرب وقت ممكن :tease:

بنت ابوها 19

14-04-2009, 10:07 PM

احلى خبر سمعته

لما اتصلو فيني دوامي قالولي تعالي باشري العمل :dance

كان يوم حليو :shy:

سداوي&مدريدي

14-04-2009, 10:12 PM

أحلا خبر سمعته يوم أختاروني أكمل دراستي بالخارج London

وان شاء الله بتكمل الفرحه بعد ماعدي الأختبار

دعواتكم :victory:

شاي كرك ابدعت والله :nice:

pure

14-04-2009, 10:21 PM

أحلا خبر سمعته يوم أختاروني أكمل دراستي بالخارج London

وان شاء الله بتكمل الفرحه بعد ماعدي الأختبار

دعواتكم :victory:

شاي كرك ابدعت والله :nice:

الله يوفقكك يارب

وانت شد حيلك بعد

لا تضيع الفرصه من بين يديك :tease:

سداوي&مدريدي

14-04-2009, 10:24 PM

الله يوفقكك يارب

وانت شد حيلك بعد

لا تضيع الفرصه من بين يديك :tease:

يوفق الجميع ان شاء الله

مشكورة بيور :victory:

ان شاء الله بتسمعين كل خير :nice:

biz-qtr

15-04-2009, 12:49 AM

لما زوجي راح لبنان وخبرك ع ذيك الايام مافيها امااااان كلش
احلا خبر سمعته انهم قللو المده وبيرجعووونهم فرحت من قلبي

وولد اخوي العود لما جا من بعد معاناه تسقيط مرتين فرحت

التـسـعـة

15-04-2009, 03:14 AM

أحلى خبر سمعته أنّ أبوي اشتغل من بعد تقاعد دام 10 سنين :thumbup:

بوخالد911

15-04-2009, 07:50 AM

منور يابوخالد .. والحمد لله على سلامتك :) وسلامة الوالد

هلا بك

منور بوجودك

بس لا escapeescapeescapeescape

ووين ما رديت ؟؟

:omg::eek5::eek5::omg:

ابودجانه

15-04-2009, 02:31 PM

عندما تناقلت وسائل الأعلام ضربة 11سبتمبر المباركة

الله أكبر العزه لله ولرسوله وللمؤمنين

بابا الضحية

15-04-2009, 06:34 PM

اليوم الحمدالله سمعت خبر حلو وايد :shy:

بس ما اقدر اقوله سر بس استانست وايد الحمدالله الله يفرح الجميع يا رب :)

sas70

15-04-2009, 09:18 PM

احلى خبر اليوم طلبني المدير بالدوام انا واربعة من الزملاء وكرمنا لأعمالنا الجليله ونشاطنا المتميز

طبعاً المكافأة كانت عبراة عن مبلغ مالي نقدي وشهادة تقدير وهي طبعاً معنويه بالدرجة الأولا

والحلو بالخبر انه بعد عودتي من صلاة الضهر وكنت داعي ربي بالتوفيق ومستغفر بلغوني بالذهاب للمدير على عجل ولما وصلت وجدت المدير بأنتظاري والزملاء الأربعة وصلوا قبلي سبحان الله والحمد لله

شكرً اخوي على الموضوع وبالتوفيق للجميع

بابا الضحية

15-04-2009, 09:20 PM

شارع الأصمخ

16-04-2009, 07:20 AM

كل الاخبار حلوه بالنسبه لي

شاي كرك

16-04-2009, 09:56 AM

انا مازلت في أنتظار سماع اي أخبار حلوة .................

الله يكتب لج الخير قولي آمين ..:)

شاي كرك

ليش قبعة زرقاء شدراك اني البس قبعه زرقه

وهل يخفى القمر ..:)

لوعت جبودكم بولد اختي :secret:.. << جنه محد عنده عيال اخت الا انتي :(

عيالي ! :rolleyes2: اعتقد بتكون المعاملة مختلفة والله اعلم .. الضنااا غير:(

بالعكس اختي .. انا قلت الله يخليكم حق بعض ويرزقج واحد " مستنسخ" من ولد اختج ..

والله لا يغير عليكم ..:)

شفيكم متشائمين جي ياجماعه .. :secret:
ممم عن نفسي وايد الحمدلله فرحت باخبار .. :)

مثلا لما اعرف درجاتي فالامتحانات .. وتكون عاليه ولا كامله.. استانس ^-^

بس ماصار شي قريب .. لو صار بقولكم .. ^.^"

...

* شاي كركـ .,

شوووكرن ع الموضوع ..

سو نايس ..,
:)

صار( فعل ماضي) فليش تقولين لو صار ؟!!! :rolleyes2: يعني بربري وقولي خل نفرح معاج .. :)

انا احلى خبر جفته مو سمعته @@

يوم جفت ورقتي بالامتحان وزعها الدكتور كاحسن الاجابات يعني الاجابات النموذجيه

تميت اطالع الـ ورقه واطالع ورقتي !!

واقول ياربي هالخط مو غريب علي :con2:

طلعت ورقتي !

بس ,, استانست وخذت السامبل انسر وياي البيت مع انه ممنوع :(

تستاهلين .. ولكل مجتهد نصيب :)

الاخبااااار الحلوووه كثييييييييييييييييييره منها لما تخرجت وافتكيت :tease:

بس الخبر الاحلى 000000 اذا صااااار اللي في بالي وتحقق :)

ويعطيك الف عاااافيه عالمووضوووع الكيووووووووووت

حابين نشاركج ترقب هالخبر ..:whistling: ممكن نعرفه ؟؟

شاي كرك

16-04-2009, 10:19 AM

احلى خبر سمعته

لما اتصلو فيني دوامي قالولي تعالي باشري العمل :dance

كان يوم حليو :shy:

عيل انتي مديونه "بحلاوة" الشغل ... :whistling: ولا تقولين هالكلام صار له مده ..

أحلا خبر سمعته يوم أختاروني أكمل دراستي بالخارج London

وان شاء الله بتكمل الفرحه بعد ماعدي الأختبار

دعواتكم :victory:

شاي كرك ابدعت والله :nice:

كفو عليك يالذيب .. وموفق ان شاء الله :)

لما زوجي راح لبنان وخبرك ع ذيك الايام مافيها امااااان كلش
احلا خبر سمعته انهم قللو المده وبيرجعووونهم فرحت من قلبي
وولد اخوي العود لما جا من بعد معاناه تسقيط مرتين فرحت

يستاهل السلامة .. والله يحفظ لج ابو العيال:) ولا يغير عليكم ..

أحلى خبر سمعته أنّ أبوي اشتغل من بعد تقاعد دام 10 سنين :thumbup:

الله يطول بعمره .. :)

هلا بك
منور بوجودك
بس لا escapeescapeescapeescape

ووين ما رديت ؟؟

:omg::eek5::eek5::omg:

أحلى خبر راح اسمعه يوم ترد انت والوالد بالسلامة ..:)

عندما تناقلت وسائل الأعلام ضربة 11سبتمبر المباركة
الله أكبر العزه لله ولرسوله وللمؤمنين

والله اذكر ذاك اليوم .. والله يعز المسلمين :)

اليوم الحمدالله سمعت خبر حلو وايد :shy:
بس ما اقدر اقوله سر بس استانست وايد الحمدالله الله يفرح الجميع يا رب :)

ممكن على الخاص ؟؟ :shy:

شاي كرك

16-04-2009, 10:21 AM

احلى خبر اليوم طلبني المدير بالدوام انا واربعة من الزملاء وكرمنا لأعمالنا الجليله ونشاطنا المتميز

طبعاً المكافأة كانت عبراة عن مبلغ مالي نقدي وشهادة تقدير وهي طبعاً معنويه بالدرجة الأولا

والحلو بالخبر انه بعد عودتي من صلاة الضهر وكنت داعي ربي بالتوفيق ومستغفر بلغوني بالذهاب للمدير على عجل ولما وصلت وجدت المدير بأنتظاري والزملاء الأربعة وصلوا قبلي سبحان الله والحمد لله
شكرً اخوي على الموضوع وبالتوفيق للجميع

لكل مجتهد نصيب .. وتستاهل الخير :)

كل الاخبار حلوه بالنسبه لي

شلون كل الاخبار حلوة ؟؟ :)

بو الجوري

16-04-2009, 10:22 AM

أحلى خبر سمعته اليوم .. إن بعض الأعضاء ترقوا .. :)
اللي صار عضو مؤسس واللي صار عضو مميز .. :victory:

والفااال لنا :shy:

شاهين

16-04-2009, 10:38 AM

مبروك ياشاي كرك عالتميز
تستاهل كل خير :)
وخبر حلو ...

المهاجر

16-04-2009, 02:44 PM

:(:(:(

miss-qatr

16-04-2009, 03:00 PM

أول شي مبروك التميز اخوي شاي

ماابي اكتب لي رجعة للموضوع :)

اخبار كثيره كانت حلوه بالنسبه لي وحاولت اتذكر خبر قريب لكن عشان اكون صريحة.....

فيه خبر اتمنى اسمعه قريب

قولو إن شاء الله :)

هدهد سليمان

16-04-2009, 03:14 PM

مبروك التميز للجميع :nice:

لاداعي

16-04-2009, 03:21 PM

أحلى خبر سمعته ترقية الأعضاء اليوم..

ألف ألف مبروووك وتستاهلون كل خير..

مبروك شاي كرك..

pure

16-04-2009, 03:26 PM

مبروووك التمييز اخوي جاي كرك

ومنها للأعلى يارب

سمو انسان

16-04-2009, 03:32 PM

والله في خبرين انتظرهم لو تحققو بصراحه بكونون احلى خبرين سمعتهم

بس الله يوفقنا "تفألو بالخير تجدوه"

الكايـــده

16-04-2009, 04:14 PM

ماسمعت شي بس يارب اسمع بعد شوووي هههههههه

وعسى حياتكم دووووم اخبار حلوه

شاي كرك

17-04-2009, 01:28 PM

أحلى خبر سمعته اليوم .. إن بعض الأعضاء ترقوا .. :)
اللي صار عضو مؤسس واللي صار عضو مميز .. :victory:

والفااال لنا :shy:
ان شاء الله :shy:

مبروك ياشاي كرك عالتميز
تستاهل كل خير :)
وخبر حلو ...

شاكر لك اخوي شاهين تواجدك .. ومنتظرين عودتك:)

:(:(:(

:)

أول شي مبروك التميز اخوي شاي

ماابي اكتب لي رجعة للموضوع :)

اخبار كثيره كانت حلوه بالنسبه لي وحاولت اتذكر خبر قريب لكن عشان اكون صريحة.....

فيه خبر اتمنى اسمعه قريب
قولو إن شاء الله :)

ان شاء الله ومنتظرين عودتج ..:)

مبروك التميز للجميع :nice:

الله يبارك فيك ..والتميز هو وجودك ..:)

أحلى خبر سمعته ترقية الأعضاء اليوم..

ألف ألف مبروووك وتستاهلون كل خير..

مبروك شاي كرك..

كلك ذوق اخوي ..:)

مبروووك التمييز اخوي جاي كرك

ومنها للأعلى يارب

الله يبارك فيج وانتم اللاحقون ..:) .. الفال لكم

والله في خبرين انتظرهم لو تحققو بصراحه بكونون احلى خبرين سمعتهم
بس الله يوفقنا "تفألو بالخير تجدوه"

بالتوفيق ان شاء الله .. :)

ماسمعت شي بس يارب اسمع بعد شوووي هههههههه
وعسى حياتكم دووووم اخبار حلوه

ها بشري ... سمعتي ..؟؟ :)