ماكينة خياطه @@@@

[QTR WOMAN]

السلام عليكم
اعضاء المنتدى مطلوب ماكينة خياطه
من النوع القديم اللي لونها اسود ومرسوم عليها اسد
بصوره عاجله
وان شاء الله ماراح نختلف في السعر
يعطيكم العافيه
بالتوفيق للجميع

:nice::nice:

[برق قطر]

والله اليوم مكلمني سعودي يقول يبيها لو بـ5000 لأن سعرها في السعودية طاير

[رويتر]

انا سمعت اليوم في المجلس ان سعرها وصل إلى 80 ألف ريال سعودي !!!!

[QTR WOMAN]

يعني عندكم او لاااا
ويعطيكم العافيه

[لوليتا قطر]

شسااالفة هالمكينة كثر الطلب عليهااا

[شوق qtr]

يووووووووه :omg:معقوله هذا سعرها
اصلا احسها ماتخيط:secret:

بالتوفيق

[QTR WOMAN]

تسلمووووون و الله

[مزيون الدوحه]

يووووووووه :omg:معقوله هذا سعرها
اصلا احسها ماتخيط:secret:

بالتوفيق

هههههههههههههههههههه
صج على نياتج
الناس يبونها حق شي ثاني ومايبونها حق الخياطه :victory:

[لوردغاليري]

الله يوفقكم

[قطريه ماركه]

ان شاء الله تحصلين طلبج ..

[فارس قطر333]

اي والله النيه شي ثانيه

اللي سمعته انه فيها الزئبق الاحمر وشو يطلع مادري ولا وشو الغرض منه

الله واعلم

واذا في حد عنده فكره عن الموضوع يا ريت يفيدنا

[HAMAD2008]

السلام عليكم
انا عندي وحده بس ليش الاستعمال

[ليدي قطر]

عندنا وحده مالت جدتي الله يرحمها :(

بس في وشو يستخدمونهاااااااااااا ؟؟؟؟

صج الطلب زايد عليها هالأيااااااااااااااااااااااااام ؟؟؟ شسالفه ؟؟؟؟؟

[QTR WOMAN]

اللي عنده ومايبيها
ياريت يرسل لي على الخاص
مع تحياتي للجميع
وبالتوفيق ان شاء الله
وشكل ماقلت ماراح نختلف في السعر

[بو نايف]

حدث العاقل بما يعقل


هذي اشااااااعة في السعودية والاردن ....


اذا شركة سنجر اللي صنعتها تقول مافيها شي
بس تاجر اردني حب يصرف بضاعة قديمة مكدسة

[$$$$$$]

هذي الماكينه القديمه الان تستعمل لشي اكبر من الخياطه بعد ماكتشفوا الزئــبق الاحمر ( الي سمعته انه يستعمل لاغراض غير سلميه ياليت الي عنده يحافظ عليها ولا يبيعها لانها بتكون اداه غير صالحه ومضره في الاستخدام )

[QTR WOMAN]

لورد غاليري
وقطريه ماركه
يعطيكم العافيه
وعلى دعواتكم الصالحه
وبالتوفيق للجميع

[هذلان]

السلام عليكم

انا ادري ان الاخت طالبه تشتري .. و ماعندي شي ابيعه ولكن

سالت الوالده الله يحفظها و قالت لي عندها ثنتين الي فيها اسد مادري اسدين .. ممكن اعرف حقيقه الموضوع ؟؟

ولو كانت لامور غير شرعيه او تظر اكيد ماراح ابيعها . بس مثل مايقولون شسالفه :anger1:

[shgawia]

اي والله احترنا في هالسالفه ليش انا بعد خاطري اعرف

بالتوفيق اختي

[هذلان]

والله شكلي صدت السالفه


هل تتوقعن ان موضوع هالمكينه هو كذبه ابريل خصوصا ان شهرنا هذا هو شهر ابريل

لو كذبه ابريل ترى قمة الاستخفاف بالعقول

[مشتاقة لقطر]

امممممم الله يعلم

[Ross]

انا اخبر ان جدتي عندها تقريبا

ثنتين او ثلاث

يعني شالسر من هاي كله

[عابرة سبيل]

لالالا تعليق
نسمع وما ندري شالسالفة

[$$$$$$]

:omg::telephone::discuss::discuss:والله على سوالف الشوارع الي مريتها وكثر تضارب الاراء المهم ان الزئبق الاحمر اكتشفوا انه يستخدم في سلاح نووي الله يكفينا الشر منه وانا مادري يعني صج ولا لا الي عنده الخبر الاكيد يعلمنا

[انا احساس]

انا سمعت انها كذبة ابريل بس عقب قالوا الموضوع حقيقة...
وفعلا تشتريها الحكومة السعودية وفي الرياض أغلى يعني بتجيب اكثر من 100 الف لانها تحتوي على الزئبق الاحمر والذي يفيد في العمليات الارهابية ويقطع ارسال الاجهزة تماما ....يعني مرر جوالك صوب الابرة في المكينة واذا انقطع الارسال هي المكينة المطلوبة ...
هذا الكلام من شخص سعودي لزوجي... زوجته راحت تبيع المكينة بالشرقيه جابت 30 الف وراحت الرياض جابت لها 180 الف .....

والله اعلم

[سهم طايح]

عندنا درازن منها بعد ما سكرنا محل الخياطة !

يعني صرت مليونير ؟

[QTR WOMAN]

تسلموووووووووووون على المرووور
يعطيكم العافيه
وانشاء الله ماراح يكون استعمالها في الشر
او بما يغضب الله
و الله يسوي اللي فيه الخير
ويبعد عنا كل شر وحراااام
وبالتوفيق للجميع

[QTR WOMAN]

يعطيكم العافيه

[reema400]

شوفوا هالخبر في موقع العربية

http://www.alarabiya.net/articles/2009/04/14/70622.html

[abusultan]

هل هذه المكينة المطلوبة ارجو ألأفادة ولكم الشكر



http://www.9-da.net/up/uploads/a3ac31e7ae.png

http://www.9-da.net/up/uploads/29b2c460a5.png

http://www.9-da.net/up/uploads/5592bf2132.png

[HORK]

http://www.qatarshares.com/vb/showthread.php?t=253702

[q6ri_vip]

هل هذه المكينة المطلوبة ارجو ألأفادة ولكم الشكر



http://www.9-da.net/up/uploads/a3ac31e7ae.png

http://www.9-da.net/up/uploads/29b2c460a5.png

http://www.9-da.net/up/uploads/5592bf2132.png

اي نعم

[sara_qatar]

عندي نفسهم 4 قوليلي بكم بتاخذينهم وماراح نختلف اننظر الرد على الخاص

[BURBERRY]

خدامتنا عندها المكينه :)

[انا حره]

اشاااااااااااااااااااااااااااااعه وبتطيح بكبودهم

[لينا]

روحو سوق واقف وش كثرها هناك

اخذيها 150 ريال او 200 ريال

خيطي فيها احسن نصيحة

ـ ـ ـ

[سداوي&مدريدي]

انا سمعت ان الأشاعه الي اطلعت











































http://www.middle-east-online.com/pictures/biga/_45592_iran.jpg


:D

[قطريه ماركه]

^
^
^

شكلك مستااااااانس ع الصاروخ :(



أمي عندها إذا تبغينها ارسلي لي ع الخاص :)

[نجود]

انا بعد امي عندها اذا تبيها بالعافيه ب2000ريال:tease: وبدور لك بعد عند جدتي

[بوغزلان28]

ابشركم اطلعت اشاعه واللي اشترا بمبالغ طائله ع اساس انها يطلعها من الدوحه ويودونها السعوديه قولوا له حامض ع بوزك , لانه اليوم بقناة العربيه طلعت انها اشاعه , وانا شبه يوميا بسوق الحراج امس واول امس واليوم السعوديين ترسوا الحراج قاموا يشترون في ماكينه انباعت قدام عيني ب 15 الف من قطريه حق واحد سعودي بس هذا قبل لا يقولون انها اشاعه انزين اش مصيره او موقفه لما يدري انها اشاعه !

بكل بساطه عقلك براسك واتعرف خلاص

ع قولة واحد بالسوق رزق المجانيين على يد الهبل

[بوغزلان28]

اليوم الدوريات والمرور بالحراج ودوريات الفزعه

[هذلان]

حدث العاقل بما لايعقل ,, فان صدقك فلا عقل له

بصراحه .. الي شراها يستاهل و عساه درس يتعلم منه .. مكينه محلطه تارسه البيوت ب 150 الف .

[meyao]

الموضوع الله يسلمكم ان يقولون في هالمكينه الزئبق الاحمر وهذا الزئبق يستخدم لاغراض السحر والشعوذه
يعني الساحر او المشعوذ يطلب من الشخص هذا الزئبق علشان يلبيله طلباته (والعياذ بالله)
الله يكافينا شرهم( قريت الموضوع في جريده الراية)
فنصيحه مني لحد يبيع هالمكينه او يفكر يتاجر فيها حتى لو كان الموضوع مجرد اشاعه..
ولكم تحياتي

[meyao]

للتصحيح الخبر كان في جريده الوطن في ملحق (الوطن والمواطن)
وهذا الرابط
http://www.al-watan.com/data/20090414/pdf/local.pdf

[الفارس111]

الله يعطيكم العافيه بصراحه الخبر طلع كذبة ابريل


وكان مكتوب في جريدة عكاظ بالخط العريض كذبة ابريل مكينة الخياطة

[مـــحـــمــد]

الله يكفينا شر الشعوذه والسحر

ونصيحه الي عنه لا يتاجر فيها لاغراض السحر والشعوذه

والله العقل نعمه

مكينة خياطة كانت تنباع 150 ريال

والحين تنباع 15000 ريال

والله شي ما يدخل العقل

[excited]

لاحول ولا قوة الا بالله العلي العظيم


متى الناس بتتعظ بس:nono:


اصحاب العقول في راحة

[لوسيل]

صج لي قالوا العقل نعمة

[<<روز>>]

انا عندي 2 تبي راسلني ع الخاص

[ام محمد 83]

هههههههههههههههههههه
شر البليه ما يضحك
كانت عنتدي وقطيتهااااا
لو ادري هذا سعرها جان حطيتها في البنك
على العموم عندي وحده يدويه بس تقدرين تحطين عليها مكينه

[PARIS]

يقولووووووووووووون ان فيها الزئبق الاحمر وهي مادة نادرة الوجود........................

[sara_qatar]

قطر ووومنن مماقدر اطرش لج خاص - اللي عندي نفس اللي بالصوره - وجربت احط تلفوني واتصل طلع مافيه ارسال

بس شسالفتهم وايد ناس مسندريني عليهم


وبكم بتاخذينهم ال4

[die 4 qtr]

بالتوفيق

[الرحال]

ارسل تلفونك على الخاص

[khalifa160]

السلام عليكم................................

ياخوان مكينة الخياطه المطلوبه عندي للجادين يكلمني على الخاص بس لاعلى سعر

[bo3abed]

شيكي الخاص

[wld_aldoha]

طلبكم عندي والي يبي يراسلني ع الخاص

[حرقطر]

http://www.alriyadh.com/2009/04/13/img/134878.jpg

الفحص أولاً قبل الشراء

بريدة - خالد المقيطيب، الاحساء - خلف الحسيني، المجمعة - سعدون الثبيتي، عفيف - محمد الراشد:
شهدت الأسواق الشعبية في منطقتي القصيم والشرقية يومي امس وأمس الأول حركة شرائية غير مسبوقة استهدفت مكائن الخياطة النسائية القديمة.. جاءت تلك الحركة ملهبة الأسعار التي قدمت من اجل الحصول على ماكينة خياطة خردة.. بحثاً عن ماكينة «سنجر» ذات العلامة التجارية «الأسد»، وذلك بغية الحصول عليها وبيعها بأسعار خيالية في أماكن أخرى مثل حفر الباطن والرياض ويأتي ذلك عندما ترددت الإشاعة عن وجود الزئبق الأحمر داخلها والذي يدخل في الكثير من الصناعات كما يستخدم في أغراض أخرى مثل علاقة الزئبق الأحمر باستخراج الكنوز وما يتردد بين المشترين لمكائن الخياطة عن القيمة العالية للزئبق الأحمر . وقد شهد سوق بريدة زحاماً كبيراً للتهافت على شراء هذه الأنواع العتيقة والبالية من مكائن الخياطة ماركة «سنجر» مما استدعى تدخل رجال المرور لتنظيم الحركة المرورية في منطقة بيع وشراء مكائن الخياطة
«الرياض» التقت بالمواطن فهد المعارك حيث يقول إن المكائن ماركة الأسد وصل سعرها في مدينة بريدة إلى عشرة آلاف وإلى خمسة وعشرين ألفاً وإلى أعلى من ذلك مساء السبت وفي صباح أمس الأحد انخفضت الأسعار بسبب تخوّف الناس عندما تردد بين الناس نفي للشائعة.

المواطن ناصر الحربي تحدث بقوله إنني اشتريت قطعتين أمس بسعر 3500 ريال وعاقد العزم على بيعها في منطقة حفر الباطن.

وذكرت عدد من المنتديات والصحف الإلكترونية تقريراً ذكر فيه أن ما كان يعرف بالاتحاد السوفييتي بدأ بإنتاج هذه المادة عام 1968م في مركز «دوبنا» للأبحاث النووية، وأن الكيماويين المتخصصين يعرفون هذه المادة بهذا الرمز (H925 B206) وهي مادة تبلغ كثافتها (23) جراماً في السنتيمتر المكعب . وقد أحدثت هذه الدرجة الفائقة من الكثافة بلبلة في عقول العلماء الغربيين، إذ أنها أعلى من درجة كثافة أي مادة معروفة في العالم، بما في ذلك المعادن النقية .. ومن

http://www.alriyadh.com/2009/04/13/img/134879y.jpg

http://www.alriyadh.com/2009/04/13/img/134877.jpg

http://www.alriyadh.com/2009/04/13/img/134876.jpg
فيما كانت هذه القصة حديث المجالس في المجمعة والقصيم وحائل وحفر الباطن وكذلك النعيرية وقبلها بدأت من الجوف، ومن المحتمل في مدن أخرى. وتوضح تقارير إعلامية ان الزئبق الأحمر Red Mercury عبارة عن مسحوق او بودرة حمراء ومعدنية وتستخدم في عمليات الانشطار النووي تصنع غالبا في روسيا وكازاخستان.

[هجورة]

المكينه الي بصوره بضبط عندي ايها

الي يبيها يرسلني على الخااص

[HmSaT QaTaR]

بخصوص المكينة الخياطه عندي وحده نفسهاااا بالضبط ويمكن
واللي يبيهااا يكلمني على الخااااص
بس سمعت انهاااا أشاعه

[الكايـــده]

وصلت 80 الف !!

[wld_aldoha]

وش دعوه ماتبوون الماكينه ( ترى توني مطلعها من الستور وملمعها عدل )