عندما تضيع الحقوق ... رساله الى زوار المنتدى [الأرشيف]

مشاهدة النسخة كاملة : عندما تضيع الحقوق ... رساله الى زوار المنتدى

HADi

14-04-2009, 02:52 PM

السلام عليكم ..

قد يكون هذا اول موضوع لي في القسم العام من تاريخ تسجيلي في المنتدى

عام 2005

والذي دفعني لكتابة هذا الموضوع هي رساله اود ان يطلع عليها احد زوار المنتدى ..

صباح اليوم وفي العمل ..

كنت اتصفح صندوق الوراد في الايميل .. كا كل يوم

واذا بأيميل يحمل العنوان التالي ..

الدوحه الله يحفظها و اهلها يوم امس‏

فتحت الايميل ووجدت مجموعه من صوري التي قمت بالتقاطها من يومين

وهي اقتباس لموضوع في المنتدى

وكانت عن اجواء قطر وصور للبرق

وايضاً للاخ العضو نجم سهيل

ولكن للاسف دون حقوق ..

الصوره في الايميل

http://i46.photobucket.com/albums/f116/HADi_QTR/3333.jpg

الصوره الاصليه

http://i46.photobucket.com/albums/f116/HADi_QTR/h4-1.jpg

صورة الاخ نجم سهيل

في الايميل

http://i46.photobucket.com/albums/f116/HADi_QTR/222223.jpg

الصوره الاصليه

http://img524.imageshack.us/img524/7798/2825copy.jpg

باقي المجموعه في الموضوع

http://www.qatarshares.com/vb/showthread.php?t=253674

الرساله ..

اخي الكريم سوف ادعوك اخي رغم سرقتك لحقوقي في مجموعة الصور

اخفاء الاسم والحقوق تعتبر سرقه ..

كان وراء هذي الصور مجهود ووقت ووقوف في المطر حتى نقوم بتوثيق هذه الاحداث

ونقلها لكم .. من خلال هذا المنتدى

وانت اضعت وقتك في ازالة حقوق الصوره وشوهت بعض الصور بقتطاعها

لماذا لا اعلم ؟

هل وجود اسمائنا على الصور يوجد بها اسائه او تشويه لصور

انت اخترت عنوان" الدوحه الله يحفظها و اهلها يوم امس‏"

وانا اقول لك احفظ حقوقنا في المرات القادمه

وشكراً

ابوسعود

14-04-2009, 02:57 PM

للاسف اخوي انك

في زمن تضيع فيه الحقوق

امام العيون

والله يهدي من قام بهذا العمل

تقبل تحياتي

جمال اليافعي

14-04-2009, 03:10 PM

أطالب أدارة المنتدى بتوقيع جميع الاعضاء ألكترونيا على عقد منع سرقة أعمال الاخرين من الاعضاء وان تمت السرقه فيعاقب عليها القانون ... خلونا نرفع المنتدى درجه أخرى وأبشركم ان أستمرينا بالتطور فبيكون بأذن الله تعالى لنا صوت حقيقي انشالله في البرلمان او نكون حزب جديد ..

alsenator

14-04-2009, 03:10 PM

احمي نفسك وحط لك ختم محترم على كل صورة

الملكة الام

14-04-2009, 03:15 PM

اخي HADi

والله معاك حق ...

هذي سرقه..انا انقهرت..

لكن في بعض المنتديات يمنعون خاصية النسخ...الفال لمنتدانا...

اختك العوده

الملكة الام

جمال اليافعي

14-04-2009, 03:17 PM

اخي HADi

والله معاك حق ...

هذي سرقه..انا انقهرت..

لكن في بعض المنتديات يمنعون خاصية النسخ...الفال لمنتدانا...

اختك العوده

الملكة الام

خاصيه منع النسخ ما تشتغل مع فايرفوكس للعلم ..

وطن

14-04-2009, 03:29 PM

هادي اقدر شعورك
انا وحده انسرقت احد صوري من الفلكر
وبكل قواة عين
كلمت اللي سرقتها وقلت لها الصورة عليها اسمي وشلتيه وحطيتي اسمج
وببلغ عنج اداره الفلكر ولا اهتمت وتقول لي الا صورة لا راحت ولا جات !!!

وبعد صورة ثانية خذوها جريدة الشرق ونزلوها في الموضوع وشالوا اسمي من عليها !!!

الحين تعلمت ارز اسمي على طول الصورة
واحطه في النص او بطريقه تحفظ لي حقوق الملكية

وطن

14-04-2009, 03:30 PM

اخي HADi

والله معاك حق ...

هذي سرقه..انا انقهرت..

لكن في بعض المنتديات يمنعون خاصية النسخ...الفال لمنتدانا...

اختك العوده

الملكة الام

اختي للأسف حتى خاصية منع النسخ ممكن الاحتيال عليها

:secret:

الملكة الام

14-04-2009, 03:38 PM

اخي Onichan

خاصيه منع النسخ ما تشتغل مع فايرفوكس للعلم ..

وش ذا؟؟؟؟:eek5:

اختك العوده

الملكة الام

الملكة الام

14-04-2009, 03:40 PM

اخي وطن

اختي للأسف حتى خاصية منع النسخ ممكن الاحتيال عليها

:secret:

والحل؟؟؟

وش الحل مع هالحراميه؟؟؟

اختك العوده

الملكة الام

جمال اليافعي

14-04-2009, 03:41 PM

الفايرفوكس , متصفح أنترنت فيه خصائص ومميزات كثيره و أخف على الكمبيوتر من الانترنت أكسبلورر مال الويندوز ..

قطر2005

14-04-2009, 03:51 PM

هلا هادي علومك من زمان غاط الله يذكر ايام العديد بالخير
على العموم لاتهتم كلها حركات بزران والكبير طول عمره كبير
وخلنا نشوفك وابيك تصورني وانا اشل من زمان واعدني

OREO

14-04-2009, 04:18 PM

المادة 388

مع عدم الإخلال بأي عقوبة أشد ينص عليها هذا القانون، أو أى قانون آخر، يعاقب بالحبس مدة لا تجاوز ثلاث سنوات، وبالغرامة التي لا تزيد على عشرين ألف ريال، أو بإحدى هاتين العقوبتين، كل من تعدى على حق من حقوق الملكية الفكرية للغير، يحميها القانون، أو اتفاقية دولية انضمت إليها قطر. ويحكم بمصادرة الأشياء التي انتجت تعدياً على الحق المذكور.

ليش زعلان اخوي هادي ؟؟

اهم شئ تعلمت شئ جديد اليوم ..و بالاضافة انك تعلمت ان مهب كل الناس مثلك و شرواك و هذا اهم شئ :)

على فكره الايميل وصلني و قعدت اضحك .. لاني عارف مصدر الصور و الله يسامح السارق ..

اخوي هادي .. يوم تنزل صور في المنتديات او اي مكان .. حاول تسويلك ديجتال ساين او

بالاصح كوبي رايت في ملف الصوره نفسها .. لان الصوره اذا انسرقت .. تقدر تاخذ حقك من

جميع الاشخاص اللي نشروا صورك على صفحات النت .. و بخصوص اختي وطن .. اذا الملف

الاصلي بصيغة Raw موجود عندج و عليه الكوبي رايت .. تقدرين ترفعين قضية على جريدة

الشرق و تكسبين كمن الف.,. و الامور سهالات ان شاءالله ..:)

بوعلي2

14-04-2009, 04:23 PM

لاحول ولاقوة الا بالله

شلون قدر يمسح التوقيع من على الصوره؟؟؟

ماخلوا شي ماسووه :(

رحال

14-04-2009, 04:27 PM

لا ينفع القانون فينا رادعا

مالم تكن فينا ضمائر تردع !!!

HADi

14-04-2009, 05:36 PM

الله يعطيكم العافيه على ردودكم

انا الي مستغرب منه انه زال الاسماء فقط

يعني لو ناسبها لنفسه بقول معليه حركات وتصير وياما شفناها

بس يزيلها وينشر الصور ليش مادري..

رغم ان التوقيع صغير وفي طرف الصوره على شان ماخرب الصوره :)

والله توصلني ايميلات مرات تذكر المصدر يعني صور وعليها توقيع العضو

وبعد يذكرون مصدر الصور

افرح لاشفت مثل الايميلات

على العموم انا كتبت الموضوع لاني ادري ان الي سوا هالحركه ..يحوم اهنا :)

وكنت ابي اوصله هالرساله فقط

اخوي قطر 2005

الشل ممنوع :)

اخوي قطر زون

شرواااك الطيب :)

والله ماني بزعلان على الصور واهي صور توثيقيه .. لكن الحركه تحير اشوي

زين ان بعد انت وصلك الايميل ..

ما فهمت الحركه الي تقصدها .. انا مره قريت عن موقع

يحفظ الحقوق ويتبع الصور في الانترنت ويطرش لك ايميل اذا نسرقت او تعدلت

بس كان برسوم وبعدد معين من الصور

شكلك عندك طريقه ثانيه .. اتمنى تذكرها بتفاصيل اكثر لتعم الفاده

ومشكورين جميعاً

شيط ويط

14-04-2009, 07:10 PM

HADi

14-04-2009, 07:39 PM

تكبر وتنسى الشيخ .. لاتكدر خاطرك .. المفروض انسان مثلك مصور محترف ومصمم يقدر يحمي تصاميمه .. وفي دروس كثيره لحماية تصاميمك والصور ومثلك أدرى .. وذي درس من الدروس ..

http://www.omer-alhob.com/vb/showthread.php?t=34

الله يعطيك العافيه اخوي

والحمايه الي احنا نقصدها غير عن الموضوع الي انت حطيته

انت حاط طريقة عمل طبقه في الصوره

وهذي حركه معروفه.. وانا ما ستخدمها لانها تشوه الصوره

كل الشكر لك :)

نجم سهيل

23-04-2009, 11:37 AM

السلام عليكم

فعلا ً اخوي هادي .. وصلتني الصور مثل ماوصلتك

لكن ماباليد حيلة .. هذي مب أول مرة ..

حتى المرور قبل سنتين تقريبا ً مستخدمين وحدة من صوري لاسبوع المرور .. هذول وش تقول لهم بعد ؟

أظن علشان تحمي حقوقك وتسجل الصورة باسمك لازم تروح مادري اي وزارة .. يعني سالفة علشان صورة ..

وبالنسبة لقصة الإيميل .. ماظن بيكون لها أي أهمية من الناحية القانونية لعدم رسمية الرسائل في الإيميل ..

ولا نص ساعة وانا تتحرك من مكان لمكان وينصك عليك باب سطح العمارة علشان تصور تراه مب شي حلو ههههه

والله كريم

شكلي بنزل باقي الصور عناد فيه :)

نجم سهيل