بوحارب
14-04-2009, 03:00 PM
http://www.qatarshares.com.qa/data/689/692/storm_606303035_1520599199.bmp
كل ثانية مرت من عمرك هي الماضي... و نحن كتل من المشاعر التي نمت من لحظاته... بحلوها و مرها... حلوها الذي علّمنا كيف نصنع المعجنات .. و مرها الذي علمنا أن الإقتراب من النار يؤذينا...
حلوها الذي يذكرنا ساعة قدوم الوالد من الحج... و ساعة قدوم المولد الجديد و ساعة تخرجنا من الجامعة..و ذكريات العجايز ... و أيام الطفولة ... و مرها الذي يعلمنا أن زيادة السرعة بالسيارة يجر علينا ذكرى وفاة أعز صديق لنخفف السرعة و هكذا يكون الماضي علمنا الشيء الكثير.. و قديما قالوا اللي ماله أول ماله تالي.. خلونا نعيش لحظات من الأول.. و نرى كيف علمتنا بخصوص تالينا و يا ترى تالينا مثل أولنا و لا أولنا أحسن..
ماضي اجدادنا يعتبر فعل وعمل قاما به في تلك الايام فأصبحوا يتناقلونه على ألسنتهم لاْبنائهم واحفادهم بكل ما فيه من امور جميله ومشوقة لتلك الايام واللحظات التي تعد من امتع لحظات حياتهم .
ومن هذا المنطلق اخذت جدتي تحازيني عن ماضيهم وأرى في عيونها اللهفه والحنين لتلك الايام التي تعدها من اروع اللحظات خلال فترة معيشتها بين جيلها وجيل أحفادها واحفاد أحفادها ..
http://www.qatarshares.com.qa/data/689/692/storm_1947642271_451997770.jpg
مرحبا يدتي ..أخبارج؟؟:)
الحمد لله بخير يا بنيتي تفضلي اجلسي جنبي..
يدووه ابيج تحازيني عن ايامكم لوَل شلون كنتوا تقضونها وشلون كانت حياتكم قبل؟؟
ايييه يا بنيتي ايامنا كانت صعبه لكن كنا نتحدى كل صعب عشان نعيش يا يما
انزين يما شنو الحريم كانوا يسوون قبل من اصبحوا لين امسوا وبعد الريايل شلون كنتوا تقضون يومكم ..
يا بنيني الحريم كانوا قبل يخبزون على التاوه
http://www.qatarshares.com.qa/data/689/692/storm_1387344458_2137139341.jpg
...............
ويطحنون الحب باستخدام الرحى..
الرحى:هي اداه حجريه تستخدم لطحن الحبوب من قمح او ذره او شعير
وهي قطعتين من الحجر اسطوانيات الشكل احدهما تكون اكبر من الاخرى وهي القاعده ويوضع بوسطها عمود من الخشب يركب بمهاره بعد حفر مكان له
http://www.qatarshares.com.qa/data/689/692/storm_1386519329_176643718.jpg
ونجيب ماي للدبش ونسقيهم ..
ونحلب البقر ونخض اللبن بالاسقى ونخيط الثياب لنا ولازواجنا وعيالنا
وعلى الضحاوي يجون الحريم عندنا ونجلس في ليوان الحووش ونتقصى اخبار فلانه وفلان وش صار فيهم ..
وعقب ما يروحون النسوان نقوم ونحضر الغدا لين ما يجي الزوج ونحط له الغدا بعد صلاه الظهر وعقب ما يخلص غداه يروح يقيل له شووي قبل لا يرجع المحل ولا يدور رزقه ومايعود الا بعد اذان العشا وطبعا لازم الاكل جاهز ..واذا زاد شي من اكل الغدا نرفعه بالمرافعه
عن القطاوه والذبان وكان اكلنا صحي تمر ولبن توه مخضوض سمج توه منصاد وهذي حياتنا كل يوم من نصبح لين نمسي
وانزين البنات شنو شغلهم ذيج الايام ..
البنات يا يما كانوا يروحون عند المطوعه يدرسون ولين يوصلون سن محدد خلاص يلزمون البيت ومالهم دووس لعتبه البيت ولما تكبر تساعد الام في شغل البيت تخم وتغسل وتطبخ يا يما ..
اما ازواجنا كانوا يروحون يدورون ارزاقهم يا في البحر ولا البر اما يكون مع الغاصه اذا دشوا البحر وعاد ياخذون لهم شهور غايبين عن البيت ولا بعضهم عندهم محلات يترزقون منها وبعض الغاصه عقب ما يردون من البحر يا اما يشتغلون في الزرع ولا عند النواخذه وكل واحد يدور له شغل يطلع رزقه في هاليوم ..
والصبيان تلقينهم يروحون عند المطوع يعلمهم القرايه وحفظ القران والحساب وكل واحد ومقدرته ذيج الايام انه يودي عياله عند المطوع في ناس ما يقدرون يدفعون كروه المطوع وبعضهم يعطون المطوع يا بنيتي من الماجله وهذي الدنيا تمشي
http://www.qatarshares.com.qa/data/689/692/storm_1947642271_451997770.jpg
انزين يدتي لبسكم كان عباره عن ايش..
والله يا بنيتي لبسنا كان بسيط وعادي دراعه وسروال نخيطها بروحنا ويكون فيها تطريز بسيط خبرج ما كان عندنا مكاين وعقب تعلمت اخيط على التلي واسوي التطريز الله يرحم اللي علمتني على الخياط ويرحم اموات المسلمين ..
وبعد نلبس ملفع وثوب نشل وبعد لما نطلع نزور الحريم نغطي وجهنا بالبطوله ..
http://www.qatarshares.com.qa/data/689/692/storm_1818230979_1477259337.jpg
..............
http://www.qatarshares.com.qa/data/689/692/storm_934553915_1067863294.jpg
والبنات الصغار ما يطلعون من البيت الا وهم لابسين البخانق تكون مطرزه بشي بسيط من الراس لين الرقبه ..
http://www.qatarshares.com.qa/data/689/692/storm_269117412_542949835.gif
اما وقت الاعراس ولا الكرنقعوه ولا العيد نلبس الهلالي والجف والطاسه اذا كان عندنا وبمقدرونا نشتري
http://www.qatarshares.com.qa/data/689/692/storm_1084014491_830557396.jpg
http://www.qatarshares.com.qa/data/689/692/storm_1851390765_2061443641.jpg
.....................
اما الريايل كان لبسهم عباره عن ثوب وغتره وقحفيه وعقال والريال لازم يلبس بشت ذيك الايام الا الفقير اللي ما عنده فلوس للبشت بس يعتمد بلبسه على الثوب والسديري ..
http://www.qatarshares.com.qa/data/689/692/storm_627871508_2120591637.jpg
http://www.qatarshares.com.qa/data/689/692/storm_1455539688_1138450353.jpg
وهذا لبسنا بسيط وساتر يا يما ..
http://www.qatarshares.com.qa/data/689/692/storm_1947642271_451997770.jpg
طيب يما شنو كانت العابكم قبل كليمني عنها شلون تلعبونها ومن شنو تتكون ::
عندج يا بنيتي لعبة الدحروي
هي لعبة للاولاد يقومون الصبيان بدحرجه العجلة
وهاللعبة مصنوعه من عجلة السيكل ويقومون بادخال حديده بوسطها ويقوسونها لين مقبض اليد
http://www.qatarshares.com.qa/data/689/692/storm_1605466982_2010607178.jpg
لعبة الصبه
هي عبارة عن مربع يرسم على التراب او بماده الطباشير او الفحم اذا كانت الارض اسمنتيه ويوصل باربعه مستقيمات ونستخدم الحصى (لفريقين)كل فريق تكون عنده ثلاث حصيات واللي يفوز لازم ان يكون خطا مستقيما راسي او مايل او عامودي
http://www.qatarshares.com.qa/data/689/692/storm_860003666_1292280344.jpg
لعبة الخشيشه او الغميضه
وهي لعبة جماعيه للاولاد والبنات يقوم شخص يغمض عينه والباقي ينخشون في اماكن مختلفه وعقب يبحث عنهم واذا طلعوا من مكانهم وما صادهم يروحون ويمسكون المكان اللي كان بدايه لعبهم واللي يصيده يكون عليه الدور باغماض عينه
http://www.qatarshares.com.qa/data/689/692/storm_944892906_1500165734.jpg
لعبة طاق طاق طاقيه
هي لعبه جماعيه يكونون الاطفال جالسين ويقوم واحد منهم بالغناء طاق طاق طاقيه وهم يردون عليه رين رين يا جرس وعقب ما يدور عليهم يخش الحاجه اللي في يده بعد ما يغمضون عينهم وعقب يطلب منهم يفتحون عينهم ويلحقه الشخص اللي وراه الحاجه ويقوم يركض وراه الى ان يصيده او ان يجلس في مكانه قبل لا ينصاد
http://www.qatarshares.com.qa/data/689/692/storm_959210562_1944632750.jpg
لعبه التيله
عبارة عن كرات صغيره ويحذف الشخص خمس تيل والشخص الثاني يحذف خمس تيل اذا صاد تيل الشخص الاول يقول بجمع كل التيل وهكذا ..
http://www.qatarshares.com.qa/data/689/692/storm_1198751835_234946237.jpg
http://www.qatarshares.com.qa/data/689/692/storm_1947642271_451997770.jpg
............
يدوووه احنا تكلمنا عن اغلب الاشياء واهم شي ما قلتيلي عنه
شنو يا بنيتي !!
يدوووه شنو هي اكلاتكم اللي تسوونها قبل
عندج يا بنيتي البرنيوش (المحمر )وهو عباره عن عيش احمر يكون على سكر والودام سمج صافي
http://www.qatarshares.com.qa/data/689/692/storm_1444376555_1608294409.jpg
وهمن عندج الهريس ::وهو عباره عن حب يدقونه وينطبخ مع لحم او الدجاج ويطبخونه في العزايم والعرايس والمناسبات ويرشونه بسمن البقر
http://www.qatarshares.com.qa/data/689/692/storm_2071974067_2070087371.jpg
عندج بعد القيمات وصب القفشه
يتكون من طحين وماي وخميره وبعضهم يحطون روب ويقلونه بالزيت وعقب يصبون عليه الشيره
http://www.qatarshares.com.qa/data/689/692/storm_503014027_679198783.jpg
عندج الساقو ::يتكون من ساقو وماي وسكر وزعفران وهيل وماي ورد
نخليه يطبخ لين يثقل نفس الحلوه وحلاته وقت المناسبات ولين يجينا رمضان
http://www.qatarshares.com.qa/data/689/692/storm_2103930331_757068347.jpg
http://www.qatarshares.com.qa/data/689/692/storm_1947642271_451997770.jpg
انزين يما قولي لي بعض الامثال ومتى تنقال@@
عندج يا بنيتي مثل نقوله اذا في شي بيصير والناس يكتمون عليه نقول
اللي في الجدر يطلعه الملاس
وعندج بعد مثل من دق الباب جاه الجواب ..هذا ينقال وقت ما الواحد يحشر عمره بشي ما يخصه ووايد امثال كنا نقولها لو اعدها لج اليوم ما راح اخلص من اليوم لين باجر ..
طيب جدتي ليش كانت عندكم خرافات
يا بنيتي هاللي تقولين عنه خرافات خذناها من اجدادنا وتورثناها وقمنا نصدق منها اشياء وايد
مثل شنو يدتي
قبل لما نطلع في السكيك كانوا يقولون لو طلعتوا بتطلع لكم حمارة القايله فاحنا من الروع ما نطلع ونخاف من الحماره ونقعد في البيت
طيب يدوه هو صج في حماره القايله
لا يا بنيتي ما في لا حماره القايله ولا ام حمار بعد بس كانوا يخفونها ذيج الحزه من خوفهم علينا مع انه كنا بأمان بس بعد الظنا غالي عندهم ..
انزين يدووه ليش كنتوا تقطون ضروسكم عقب ما تطيح في عين الشمس
وتغنون يا عين الشمس النواره اخذي مني ضرس احمار وعطيني يا عين عين الدنيا ضرس اللولو او غزال@@ ..
يا يما هذي كلها اشياء كنا نتخيلها صج وكنا نظن انه الضرس يروح لعين الشمس ويطلع لنا ضرس غزال بدال ضرس حمار ..بس لما كبرنا عرفنا انه كله شي وهمي
http://www.qatarshares.com.qa/data/689/692/storm_1947642271_451997770.jpg
يدتي خبريني كيف كانت اعراسكم وكيف الولد يخطب ويتزوج
هيييييييييييه يا ابنيتي رجعتي لايام حلوه ..
قبل يا بنيتي إذا عند الاهل عيال عم او خال خلاص يعرفون انه فلان لفلانه بس اذا ما كان عندهم وما يعرفون يقولون للخطابه تدور لهم عن مره بالمواصفات اللي يبونها ..وعقب جي تقوم ام المعرس تزور أهل العروس وتطلب يد البنت لولدها وعقب يقوم ابو المعرس ويزور اهل العروس للاتفاق النهائي واللي يتضمن على المهر العروس وموعد العرس والدزه ..
يما شنو هي الدزه ..
يا بنتي الدزه هي عبارة عن عطورات وملابس من جلاليب مطرزه ومشط وحنه ومقص وميداس وبخور يحطونها في (بكشه )ولا صندوق..
طبعا بعد ما يتفقون يبتدون بالمناسبه وتقوم ام المعرس بتوزيع الخبر على الجيران والحريم كل وحده تساعد في الدزه من خام وعطور وبخور وهدايا عشان يتم الزواج على خير ..
وبعدين تقوم ام المعرس بتكملت الدزه من ذهب واكل وعقبها يقومون بزفه الدزه الى بيت العروس ويحطونها في مكان يعرضونها على الجيران وكل وحده من النسوان تقول رايها ويستمر عرض الدزه لمده سبع ايام صباحا ومساء..
وعقبها يختارون غرفه (فرش الخلة ) اللي بيتم فيها مراسيم الزواج ويحطون فيها السجاد والمرايا والاكسسوار والمرشات والعطور
وعقب ما جهزوا كل شي ..يستعدون لليلة(الحناء).يقومون ام العروس بدعوة الجيران والاهل لهالليلة ويحطون نقشه الحناء على يد العروس وتسمى (القصعه)و(الشافعيه )للقدم ..
http://www.qatarshares.com.qa/data/689/692/storm_1531835153_903244291.jpg
وبعد ما يجهزون العروس يحددون يوم الدخله وعاده ما يكون يوم الخميس ليلة الجمعه..
وبعد صلاة العشاء يزفون المعرس الى بيت العروس وهم يمشون بالفرجان وحاملين الفنر ولتريك ويستمرون بالغناء لين موعد الدخلة وبعدها يزفونه الى الداخل ويذهبون ويبقى المعرس مع اهله وتبتدي امه توصيه على زوجته وعقب يقومون النسوان بوضع العروس فوق (زولية )ويحملونها الى غرفة الدخلة (الخلة)..وطبعا الزوج يتم ضيف في بيت زوجته لمده سبعه ايام وبعد السبع ايام ياخذون العروس الى بيت زوجها ..ويسمون هاليوم(هدية)فيحضرون كل النسوان الا ام العروس وحتى ام العروس ما ترقص في عرس بنتها وابوها يختفي عن الانظار في هاليوم لانه يستحي من زواج بنته:secret:
http://www.qatarshares.com.qa/data/689/692/storm_239774137_601965572.jpg
http://www.qatarshares.com.qa/data/689/692/storm_1947642271_451997770.jpg
انزين يدووه انتي قلتي لي تقريبا حياتكم
شرايج في حياتج قبل والحين
شقولج يا بنتي قبل على الرغم من مرارته بس والله حلو وكنا ناس بسيطين بلبسنا بكلامنا وحتى بيوتنا كانت بسيطه واكلنا اللي ما يعجب جيل هالايام والله افيد من ما تاكلونه الحين من المطاعم
كنا نعرف الجار اللي جنبنا صاحي ولا مريض عنه اكل ولا ميت جوووع اما الحين مع التطور محد يدري عن هوا دار جاره اللي لازق فيه الطوفه بالطوفه ما يعرف حي ميت ولا شسمه ولا محتاج ولا لا
كنا دوووم حزة الضحاوي نتجمع الحريم ونسولف ونعرف اخبار فلان وفلانه ام الحين وين لين وين نعرف اخبار اللي نعرفهم وحتى يمكن ما نعرف اخبارهم الا عقب كم سنه
كانت الديره امان يا يما اليهال يلعبون وما نخاف عليهم من جرايم ولا شي من هاللي نشووفه الحين
اما الحين كل يوم قالوا خدامه سوت وهندي ارتكب جريمه ولا مادري وش اللي صار
يا زين ذيج الايام ..ويا زين ربعنا وجماعتنا الله يرحم اللي راحوا ويطول بعمر اللي بقوا ويخليهم حق عييلهم واحفادهم يا رب
قالت جدتي هالكلمة مني ويدشوون علينا حريم مني وقطعوا علينا حديثناوانسجام جدتي مع ماضيها اللي رحلت له من خلال هالذكريات الحلوووه ....
بذمتكم مو حلووه وبسيطه حياتهم ...
مو فيه فرق شاسع بين عيشتهم وعيشتنا ...
مب الانفس تغيرت والاوضاع تغيرت ولا ؟؟؟؟
منقول
كل ثانية مرت من عمرك هي الماضي... و نحن كتل من المشاعر التي نمت من لحظاته... بحلوها و مرها... حلوها الذي علّمنا كيف نصنع المعجنات .. و مرها الذي علمنا أن الإقتراب من النار يؤذينا...
حلوها الذي يذكرنا ساعة قدوم الوالد من الحج... و ساعة قدوم المولد الجديد و ساعة تخرجنا من الجامعة..و ذكريات العجايز ... و أيام الطفولة ... و مرها الذي يعلمنا أن زيادة السرعة بالسيارة يجر علينا ذكرى وفاة أعز صديق لنخفف السرعة و هكذا يكون الماضي علمنا الشيء الكثير.. و قديما قالوا اللي ماله أول ماله تالي.. خلونا نعيش لحظات من الأول.. و نرى كيف علمتنا بخصوص تالينا و يا ترى تالينا مثل أولنا و لا أولنا أحسن..
ماضي اجدادنا يعتبر فعل وعمل قاما به في تلك الايام فأصبحوا يتناقلونه على ألسنتهم لاْبنائهم واحفادهم بكل ما فيه من امور جميله ومشوقة لتلك الايام واللحظات التي تعد من امتع لحظات حياتهم .
ومن هذا المنطلق اخذت جدتي تحازيني عن ماضيهم وأرى في عيونها اللهفه والحنين لتلك الايام التي تعدها من اروع اللحظات خلال فترة معيشتها بين جيلها وجيل أحفادها واحفاد أحفادها ..
http://www.qatarshares.com.qa/data/689/692/storm_1947642271_451997770.jpg
مرحبا يدتي ..أخبارج؟؟:)
الحمد لله بخير يا بنيتي تفضلي اجلسي جنبي..
يدووه ابيج تحازيني عن ايامكم لوَل شلون كنتوا تقضونها وشلون كانت حياتكم قبل؟؟
ايييه يا بنيتي ايامنا كانت صعبه لكن كنا نتحدى كل صعب عشان نعيش يا يما
انزين يما شنو الحريم كانوا يسوون قبل من اصبحوا لين امسوا وبعد الريايل شلون كنتوا تقضون يومكم ..
يا بنيني الحريم كانوا قبل يخبزون على التاوه
http://www.qatarshares.com.qa/data/689/692/storm_1387344458_2137139341.jpg
...............
ويطحنون الحب باستخدام الرحى..
الرحى:هي اداه حجريه تستخدم لطحن الحبوب من قمح او ذره او شعير
وهي قطعتين من الحجر اسطوانيات الشكل احدهما تكون اكبر من الاخرى وهي القاعده ويوضع بوسطها عمود من الخشب يركب بمهاره بعد حفر مكان له
http://www.qatarshares.com.qa/data/689/692/storm_1386519329_176643718.jpg
ونجيب ماي للدبش ونسقيهم ..
ونحلب البقر ونخض اللبن بالاسقى ونخيط الثياب لنا ولازواجنا وعيالنا
وعلى الضحاوي يجون الحريم عندنا ونجلس في ليوان الحووش ونتقصى اخبار فلانه وفلان وش صار فيهم ..
وعقب ما يروحون النسوان نقوم ونحضر الغدا لين ما يجي الزوج ونحط له الغدا بعد صلاه الظهر وعقب ما يخلص غداه يروح يقيل له شووي قبل لا يرجع المحل ولا يدور رزقه ومايعود الا بعد اذان العشا وطبعا لازم الاكل جاهز ..واذا زاد شي من اكل الغدا نرفعه بالمرافعه
عن القطاوه والذبان وكان اكلنا صحي تمر ولبن توه مخضوض سمج توه منصاد وهذي حياتنا كل يوم من نصبح لين نمسي
وانزين البنات شنو شغلهم ذيج الايام ..
البنات يا يما كانوا يروحون عند المطوعه يدرسون ولين يوصلون سن محدد خلاص يلزمون البيت ومالهم دووس لعتبه البيت ولما تكبر تساعد الام في شغل البيت تخم وتغسل وتطبخ يا يما ..
اما ازواجنا كانوا يروحون يدورون ارزاقهم يا في البحر ولا البر اما يكون مع الغاصه اذا دشوا البحر وعاد ياخذون لهم شهور غايبين عن البيت ولا بعضهم عندهم محلات يترزقون منها وبعض الغاصه عقب ما يردون من البحر يا اما يشتغلون في الزرع ولا عند النواخذه وكل واحد يدور له شغل يطلع رزقه في هاليوم ..
والصبيان تلقينهم يروحون عند المطوع يعلمهم القرايه وحفظ القران والحساب وكل واحد ومقدرته ذيج الايام انه يودي عياله عند المطوع في ناس ما يقدرون يدفعون كروه المطوع وبعضهم يعطون المطوع يا بنيتي من الماجله وهذي الدنيا تمشي
http://www.qatarshares.com.qa/data/689/692/storm_1947642271_451997770.jpg
انزين يدتي لبسكم كان عباره عن ايش..
والله يا بنيتي لبسنا كان بسيط وعادي دراعه وسروال نخيطها بروحنا ويكون فيها تطريز بسيط خبرج ما كان عندنا مكاين وعقب تعلمت اخيط على التلي واسوي التطريز الله يرحم اللي علمتني على الخياط ويرحم اموات المسلمين ..
وبعد نلبس ملفع وثوب نشل وبعد لما نطلع نزور الحريم نغطي وجهنا بالبطوله ..
http://www.qatarshares.com.qa/data/689/692/storm_1818230979_1477259337.jpg
..............
http://www.qatarshares.com.qa/data/689/692/storm_934553915_1067863294.jpg
والبنات الصغار ما يطلعون من البيت الا وهم لابسين البخانق تكون مطرزه بشي بسيط من الراس لين الرقبه ..
http://www.qatarshares.com.qa/data/689/692/storm_269117412_542949835.gif
اما وقت الاعراس ولا الكرنقعوه ولا العيد نلبس الهلالي والجف والطاسه اذا كان عندنا وبمقدرونا نشتري
http://www.qatarshares.com.qa/data/689/692/storm_1084014491_830557396.jpg
http://www.qatarshares.com.qa/data/689/692/storm_1851390765_2061443641.jpg
.....................
اما الريايل كان لبسهم عباره عن ثوب وغتره وقحفيه وعقال والريال لازم يلبس بشت ذيك الايام الا الفقير اللي ما عنده فلوس للبشت بس يعتمد بلبسه على الثوب والسديري ..
http://www.qatarshares.com.qa/data/689/692/storm_627871508_2120591637.jpg
http://www.qatarshares.com.qa/data/689/692/storm_1455539688_1138450353.jpg
وهذا لبسنا بسيط وساتر يا يما ..
http://www.qatarshares.com.qa/data/689/692/storm_1947642271_451997770.jpg
طيب يما شنو كانت العابكم قبل كليمني عنها شلون تلعبونها ومن شنو تتكون ::
عندج يا بنيتي لعبة الدحروي
هي لعبة للاولاد يقومون الصبيان بدحرجه العجلة
وهاللعبة مصنوعه من عجلة السيكل ويقومون بادخال حديده بوسطها ويقوسونها لين مقبض اليد
http://www.qatarshares.com.qa/data/689/692/storm_1605466982_2010607178.jpg
لعبة الصبه
هي عبارة عن مربع يرسم على التراب او بماده الطباشير او الفحم اذا كانت الارض اسمنتيه ويوصل باربعه مستقيمات ونستخدم الحصى (لفريقين)كل فريق تكون عنده ثلاث حصيات واللي يفوز لازم ان يكون خطا مستقيما راسي او مايل او عامودي
http://www.qatarshares.com.qa/data/689/692/storm_860003666_1292280344.jpg
لعبة الخشيشه او الغميضه
وهي لعبة جماعيه للاولاد والبنات يقوم شخص يغمض عينه والباقي ينخشون في اماكن مختلفه وعقب يبحث عنهم واذا طلعوا من مكانهم وما صادهم يروحون ويمسكون المكان اللي كان بدايه لعبهم واللي يصيده يكون عليه الدور باغماض عينه
http://www.qatarshares.com.qa/data/689/692/storm_944892906_1500165734.jpg
لعبة طاق طاق طاقيه
هي لعبه جماعيه يكونون الاطفال جالسين ويقوم واحد منهم بالغناء طاق طاق طاقيه وهم يردون عليه رين رين يا جرس وعقب ما يدور عليهم يخش الحاجه اللي في يده بعد ما يغمضون عينهم وعقب يطلب منهم يفتحون عينهم ويلحقه الشخص اللي وراه الحاجه ويقوم يركض وراه الى ان يصيده او ان يجلس في مكانه قبل لا ينصاد
http://www.qatarshares.com.qa/data/689/692/storm_959210562_1944632750.jpg
لعبه التيله
عبارة عن كرات صغيره ويحذف الشخص خمس تيل والشخص الثاني يحذف خمس تيل اذا صاد تيل الشخص الاول يقول بجمع كل التيل وهكذا ..
http://www.qatarshares.com.qa/data/689/692/storm_1198751835_234946237.jpg
http://www.qatarshares.com.qa/data/689/692/storm_1947642271_451997770.jpg
............
يدوووه احنا تكلمنا عن اغلب الاشياء واهم شي ما قلتيلي عنه
شنو يا بنيتي !!
يدوووه شنو هي اكلاتكم اللي تسوونها قبل
عندج يا بنيتي البرنيوش (المحمر )وهو عباره عن عيش احمر يكون على سكر والودام سمج صافي
http://www.qatarshares.com.qa/data/689/692/storm_1444376555_1608294409.jpg
وهمن عندج الهريس ::وهو عباره عن حب يدقونه وينطبخ مع لحم او الدجاج ويطبخونه في العزايم والعرايس والمناسبات ويرشونه بسمن البقر
http://www.qatarshares.com.qa/data/689/692/storm_2071974067_2070087371.jpg
عندج بعد القيمات وصب القفشه
يتكون من طحين وماي وخميره وبعضهم يحطون روب ويقلونه بالزيت وعقب يصبون عليه الشيره
http://www.qatarshares.com.qa/data/689/692/storm_503014027_679198783.jpg
عندج الساقو ::يتكون من ساقو وماي وسكر وزعفران وهيل وماي ورد
نخليه يطبخ لين يثقل نفس الحلوه وحلاته وقت المناسبات ولين يجينا رمضان
http://www.qatarshares.com.qa/data/689/692/storm_2103930331_757068347.jpg
http://www.qatarshares.com.qa/data/689/692/storm_1947642271_451997770.jpg
انزين يما قولي لي بعض الامثال ومتى تنقال@@
عندج يا بنيتي مثل نقوله اذا في شي بيصير والناس يكتمون عليه نقول
اللي في الجدر يطلعه الملاس
وعندج بعد مثل من دق الباب جاه الجواب ..هذا ينقال وقت ما الواحد يحشر عمره بشي ما يخصه ووايد امثال كنا نقولها لو اعدها لج اليوم ما راح اخلص من اليوم لين باجر ..
طيب جدتي ليش كانت عندكم خرافات
يا بنيتي هاللي تقولين عنه خرافات خذناها من اجدادنا وتورثناها وقمنا نصدق منها اشياء وايد
مثل شنو يدتي
قبل لما نطلع في السكيك كانوا يقولون لو طلعتوا بتطلع لكم حمارة القايله فاحنا من الروع ما نطلع ونخاف من الحماره ونقعد في البيت
طيب يدوه هو صج في حماره القايله
لا يا بنيتي ما في لا حماره القايله ولا ام حمار بعد بس كانوا يخفونها ذيج الحزه من خوفهم علينا مع انه كنا بأمان بس بعد الظنا غالي عندهم ..
انزين يدووه ليش كنتوا تقطون ضروسكم عقب ما تطيح في عين الشمس
وتغنون يا عين الشمس النواره اخذي مني ضرس احمار وعطيني يا عين عين الدنيا ضرس اللولو او غزال@@ ..
يا يما هذي كلها اشياء كنا نتخيلها صج وكنا نظن انه الضرس يروح لعين الشمس ويطلع لنا ضرس غزال بدال ضرس حمار ..بس لما كبرنا عرفنا انه كله شي وهمي
http://www.qatarshares.com.qa/data/689/692/storm_1947642271_451997770.jpg
يدتي خبريني كيف كانت اعراسكم وكيف الولد يخطب ويتزوج
هيييييييييييه يا ابنيتي رجعتي لايام حلوه ..
قبل يا بنيتي إذا عند الاهل عيال عم او خال خلاص يعرفون انه فلان لفلانه بس اذا ما كان عندهم وما يعرفون يقولون للخطابه تدور لهم عن مره بالمواصفات اللي يبونها ..وعقب جي تقوم ام المعرس تزور أهل العروس وتطلب يد البنت لولدها وعقب يقوم ابو المعرس ويزور اهل العروس للاتفاق النهائي واللي يتضمن على المهر العروس وموعد العرس والدزه ..
يما شنو هي الدزه ..
يا بنتي الدزه هي عبارة عن عطورات وملابس من جلاليب مطرزه ومشط وحنه ومقص وميداس وبخور يحطونها في (بكشه )ولا صندوق..
طبعا بعد ما يتفقون يبتدون بالمناسبه وتقوم ام المعرس بتوزيع الخبر على الجيران والحريم كل وحده تساعد في الدزه من خام وعطور وبخور وهدايا عشان يتم الزواج على خير ..
وبعدين تقوم ام المعرس بتكملت الدزه من ذهب واكل وعقبها يقومون بزفه الدزه الى بيت العروس ويحطونها في مكان يعرضونها على الجيران وكل وحده من النسوان تقول رايها ويستمر عرض الدزه لمده سبع ايام صباحا ومساء..
وعقبها يختارون غرفه (فرش الخلة ) اللي بيتم فيها مراسيم الزواج ويحطون فيها السجاد والمرايا والاكسسوار والمرشات والعطور
وعقب ما جهزوا كل شي ..يستعدون لليلة(الحناء).يقومون ام العروس بدعوة الجيران والاهل لهالليلة ويحطون نقشه الحناء على يد العروس وتسمى (القصعه)و(الشافعيه )للقدم ..
http://www.qatarshares.com.qa/data/689/692/storm_1531835153_903244291.jpg
وبعد ما يجهزون العروس يحددون يوم الدخله وعاده ما يكون يوم الخميس ليلة الجمعه..
وبعد صلاة العشاء يزفون المعرس الى بيت العروس وهم يمشون بالفرجان وحاملين الفنر ولتريك ويستمرون بالغناء لين موعد الدخلة وبعدها يزفونه الى الداخل ويذهبون ويبقى المعرس مع اهله وتبتدي امه توصيه على زوجته وعقب يقومون النسوان بوضع العروس فوق (زولية )ويحملونها الى غرفة الدخلة (الخلة)..وطبعا الزوج يتم ضيف في بيت زوجته لمده سبعه ايام وبعد السبع ايام ياخذون العروس الى بيت زوجها ..ويسمون هاليوم(هدية)فيحضرون كل النسوان الا ام العروس وحتى ام العروس ما ترقص في عرس بنتها وابوها يختفي عن الانظار في هاليوم لانه يستحي من زواج بنته:secret:
http://www.qatarshares.com.qa/data/689/692/storm_239774137_601965572.jpg
http://www.qatarshares.com.qa/data/689/692/storm_1947642271_451997770.jpg
انزين يدووه انتي قلتي لي تقريبا حياتكم
شرايج في حياتج قبل والحين
شقولج يا بنتي قبل على الرغم من مرارته بس والله حلو وكنا ناس بسيطين بلبسنا بكلامنا وحتى بيوتنا كانت بسيطه واكلنا اللي ما يعجب جيل هالايام والله افيد من ما تاكلونه الحين من المطاعم
كنا نعرف الجار اللي جنبنا صاحي ولا مريض عنه اكل ولا ميت جوووع اما الحين مع التطور محد يدري عن هوا دار جاره اللي لازق فيه الطوفه بالطوفه ما يعرف حي ميت ولا شسمه ولا محتاج ولا لا
كنا دوووم حزة الضحاوي نتجمع الحريم ونسولف ونعرف اخبار فلان وفلانه ام الحين وين لين وين نعرف اخبار اللي نعرفهم وحتى يمكن ما نعرف اخبارهم الا عقب كم سنه
كانت الديره امان يا يما اليهال يلعبون وما نخاف عليهم من جرايم ولا شي من هاللي نشووفه الحين
اما الحين كل يوم قالوا خدامه سوت وهندي ارتكب جريمه ولا مادري وش اللي صار
يا زين ذيج الايام ..ويا زين ربعنا وجماعتنا الله يرحم اللي راحوا ويطول بعمر اللي بقوا ويخليهم حق عييلهم واحفادهم يا رب
قالت جدتي هالكلمة مني ويدشوون علينا حريم مني وقطعوا علينا حديثناوانسجام جدتي مع ماضيها اللي رحلت له من خلال هالذكريات الحلوووه ....
بذمتكم مو حلووه وبسيطه حياتهم ...
مو فيه فرق شاسع بين عيشتهم وعيشتنا ...
مب الانفس تغيرت والاوضاع تغيرت ولا ؟؟؟؟
منقول