مديرات المدارس : انتوا مديرات وتربويات ولا تاجرات

[الخفي]

السلام عليكم ورحمه الله وبركاته

هناك ظاهره في الاونه الاخيره استغربت منها بصراحه وهي كثره اقامه

معارض في المدارس المستقله متنوعه تحت مسميات كثيره منها معارض تضامنيه

ومعارض وطنيه ومعارض تجاريه بحته 100% والغالب حتى لو كانت معرض

( شعبيه - وطنيه - تظامنيه ) لابد ان تكون تجاريه وتكون الغلبه لمصلحه المديره

والعارضين في المعرض حتى انه اصبحت المديرات يتسابغن في اقامه المعارض

في المدارس وكأن المدارس ( محلات تجاريه ) مو مدارس لتخريج الاجيال

واصبح تركيز المديرات على المنتجات ونوعيه المعارض المقامه اكثر من تركيزهم

على التعليم والتربيه وانا اطالب من المجلس الاعلى ان تكون هناك اليه لاقامه

المعارض وليس كما هو حاصل الان ما يمر اسبوع الا وهناك معرض لبيع

المنتجات ( شنط - مكياج - ملابس - الخ )

وانا لا انكر ان هذه المعارض له فوائد ولكن ليست بهذه الطريقه المبالغ فيها جدا

وقد لانستغرب ان وجدنا في المستقبل مكتوب في لوحه المدرسه

( مدرسه واسواق ...... للتربيه والتسويق )

لذلك يا مديرات المدارس هذي امانه والوظيفه : مديره مدرسه ليست مديره معرض

او محل ومتجر هذي مدرسه لتربيه الاجيال وليست لاداره الاعمال

شكرا

[hemoud123]

يا خوي خل الناس يقلبون رزقهم , والرزق يحب الخفيه
الله يهديك بس انت مصدق ان التعليم المستقل هذا تعليم حقيقي ؟

[شيزكيك]

انا اشوف مافيها شي وخل خواتنا يترزقون ترى كل الي يسوون معارض قطريات

وما ياثر هالشي على العمليه التعلميه باي شكل لانهم يعرضون بضاعتهم في القاعه وترى

المدرسه تاجر لهم بسعر رمزي ويمكن مطلوب من المدرسه عمل انشطه لاصفيه خلال

العام التدريسي

[sh50]

انا اييدالمختفي وبشده المدرسه للتعليم

وانا اكلمكم من واقع تجربه المدرسه كلها تنشغل بهالمعرض
والمديره كل همها تعزم الوزيرة ورئسة التعليم والمديرات والمفوشر
على اصوله اهم شي تشوف اسمها في الجرايد ام الطالبات اخر همهم
ولا شلون يشغلون المدرسات من حصصهم ويحطونهم بياعات

بلله عليكم اي فايده بتجي البنات من هذا المعرض


اكاديمية الجزيرة ولدي فيها ماعمرهم حطوا معرض بياعه

[الخفي]

يا خوي خل الناس يقلبون رزقهم , والرزق يحب الخفيه
الله يهديك بس انت مصدق ان التعليم المستقل هذا تعليم حقيقي ؟


يعني الرزق لن ينزل من السماء الا باقامه معارض

ياخوي العمليه موب عمليه حسد بقدر ماهي الابتعاد عن المهنه الرئيسيه

والاهتمام بالمعارض على حساب التعليم

افهم قصدي وبالنسبه للرزق بالخفيه عز الله ان المديرات ماشاء الله عليهم

معارضهم بالخفيه الاعلانات وصلت الجرايد وانت تقول بالخفيه

[الخفي]

انا اشوف مافيها شي وخل خواتنا يترزقون ترى كل الي يسوون معارض قطريات

وما ياثر هالشي على العمليه التعلميه باي شكل لانهم يعرضون بضاعتهم في القاعه وترى

المدرسه تاجر لهم بسعر رمزي ويمكن مطلوب من المدرسه عمل انشطه لاصفيه خلال

العام التدريسي



ماقلنا المعارض فيها شي بس بهالمبالغه

صارت المعارض اكثر من الحصص المدرسيه

وصارت الشنط والملابس والموديلات اكثر من اللوازم المدرسيه

صارت محلات تجاريه مو مدارس

وشلون مايأثر والمديره تتواجد في مكان اقامه المعرض اكثر من تواجدها في

الصف او في مكتبها

مديره : نصف طاقتها تروح في السباق لاجمل معرض

50 % = اقامه معارض

50% = اداره المدرسه

هذا الكلام مايمشي يامديره مدرسه بمعني مديره تربويه

او تروح تاخذ لها سجل تجاري وتفتح له متجر او محلات لبيع الشنط وادوات المكياج

(( صاحب بالين كذاب ))

[ذيبه مزاجيه]

ههههههههههههه اي و الله ,,

صج مصخره ..

وش رايك بالمدارس اللي يسوون كل مره اطباق خيريه !!!!!! وما يندرى وين تروح هالفلوس بعد في المخبى و الا صج يتبرعون فيها !!

الله يعين بس

[الخفي]

ههههههههههههه اي و الله ,,

صج مصخره ..

وش رايك بالمدارس اللي يسوون كل مره اطباق خيريه !!!!!! وما يندرى وين تروح هالفلوس بعد في المخبى و الا صج يتبرعون فيها !!

الله يعين بس



ياليتها بس اطباق خيريه

الا تنسيق مع بعض المحلات التجاريه لبيع السلع في المدرسه

مما يجعل المديره تصير وسيطه تجاريه وخبره في التجاره اكثر من خبرتها في وضيفتها

للاسف ذهب مضمون المدارس والتعليم مع حب الربح المادي

والتخفي ورا مسميات كثيره بأسم الاسر المتعففه والمعارض الوطنيه وغزه وغيرها

وفي النهايه صارت المدارس دور لعرض السلع اكثر منها دار للتعليم

[الألماسي]

هي جات على الأطباق الخيريّه . .!!!

الوضع سيئ لأبعد الحدود . .

[غزلان]

وانا مع اخوي المختفي المدراس للدراسه والمعارض يحددون عددها لو كان مرتين بالسنه احسن

والى بتغي تترزق تسوي المعرض في بيتها

احسن ان المعارض مضيعه للطالبات ولجهد المدرسات اسبوع يجهزون لمعرض مامنه الا تضييع الوقت

[بوحارب]

مدارس اخر زمن والله

الله يعطيك العافية المختفي

[شيزكيك]

انا اقصد المعارض الي يسونها الحريم القطريات ودور الاداره بس تاجير القاعه بس والفحريم هم المسؤولات عن تنظيم المعرض والبيع فيه والمدرسات مالهم خص فيه هاذي النوع الي اقصده

مب الي تنظمه المدرسه وعلى قولتكم المدرسات هاديين التدريس وقاعدين يبيعون


وانزين حتى في مدارسنا الحكوميه يا ما سوينا معارض واحنا المدرسات الي نبيع فيها

[الخفي]

انا اقصد المعارض الي يسونها الحريم القطريات ودور الاداره بس تاجير القاعه بس والفحريم هم المسؤولات عن تنظيم المعرض والبيع فيه والمدرسات مالهم خص فيه هاذي النوع الي اقصده

مب الي تنظمه المدرسه وعلى قولتكم المدرسات هاديين التدريس وقاعدين يبيعون


وانزين حتى في مدارسنا الحكوميه يا ما سوينا معارض واحنا المدرسات الي نبيع فيها




قاعده رئيسيه لايجتمع تعليم وتجاره تحت سقف واحد

سوق = تجاره

مدرسه = تعليم

انشطه ممكنه بس متى مادخلت التجاره يعني التعليم مع السلامه


شكرا : شيز كيك

[الخفي]

انا اقصد المعارض الي يسونها الحريم القطريات ودور الاداره بس تاجير القاعه بس والفحريم هم المسؤولات عن تنظيم المعرض والبيع فيه والمدرسات مالهم خص فيه هاذي النوع الي اقصده

مب الي تنظمه المدرسه وعلى قولتكم المدرسات هاديين التدريس وقاعدين يبيعون


وانزين حتى في مدارسنا الحكوميه يا ما سوينا معارض واحنا المدرسات الي نبيع فيها




صح كلامك سليم

وانا مثلك اقصد النوع الثاني اللي تشترك فيه المديره والمدرسات

في المعرض في التنضيم او البيع او الاشراف هذا اللي اتكلم عنه

واللي يبعدهم عن مهنتهم الرئيسيه الاساسيه

واستثني من ذلك تأجير المكان القاعه او جزء من المدرسه للاسر المنتجه

وغيره هذا مقبول اما معرض تقيمه المديره او المدرسات او قرايبهم لانها مديره

المدرسه هذا مرفوض

[الدمعه]

السلام عليكم ..

المعارض في المدارس من سنين يسوونها كانت من قبل في المدارس الحكوميه

واللحين في المدارس المستقله ..

بس اللحين صار الاعلان عنها اكبر ..لان صرنا احنا التاجرات القطريات نطالب بعدد اكبر

من الزوار ..

ونختار المدارس لانه مكان تجمع نسائي ومانقدر نسوي معارضنا في اماكن مختلطه ..

الله ساتر علينا في مدارس البنات ليش تبون تخربون علينا .. وتثيرون مشاكل مالها معنى ..

واحنا مالنا شغل في المديره واغلب الاحيان مانشوف المديره الا في الافتتاح ..

وتكون بس منسقه المعرض هي اللي تروح وترجع علينا يعني بعد ماتكون على طول

متواجده ... والطلاب بس في الفرصه نشوفهم يعني مايطلعونهم من حصصهم ولانخرب

عليهم دراستهم .. وتواجدنا مايأثر على التعليم في شي ..والاجار اللي ياخذونه يستفيدون

منه في انشطة الطلاب او للاسر المتعففه والفقيره ..والاسر اللي ماتقدر تدفع ايجارات

الباصات .. واذا مثل ماقال البعض نقعد في البيت ونسوي معارض محد يرضى يهد هله

يروحون مكان مايعرفونه .. ووايد زباين مايقدرون يجون لنا في بيوتنا .. والنت صار نصب

بنصب ..تواعدنا الزبونه .. ونجهز الطلب ونشتغل عليه وفي الاخير لاتجي ولاترد..:telephone:

وعلى كثر المشاركات اللي شاركتها في المدارس المستقله ماشفت المدرسات يبيعون ..




والسلام عليكم ..

[الرافعي]

كل سنة يطلع التقييم يفشل

والمشكلة شالوا عنهم التربية صاروا بس تعليم

يعني ركزوا شوي واهتموا بالتعليم بس ما نبيكم الا تعلمون هالطلاب معلومات وبسسسسسسسسس

قاموا طلعوا لهم شغلة جديدة

المفروض يقولون لهم البياعة حسب نتيجة التقييم التربوي

اللي بيجيب نتايج اوكي يعطونه معرضين ثلاثة في السنة

اما سالفة لم ينجح احد من المدارس (جايبين نسبة 1%) هذول ما لهم شي ما لهم الا الانذار يا تشدون حيلكم والا...



والا شرايكم !!

[قطر دزاين]

مشكله ان الوزاره في سبات عميق
والله لو توضع قوانين وطبق بشكل صارم توصل الى الفنش ما تشوف التاجرات يعرضون بضاعتهم في المدارس

[الدمعه]

عطونا مكان نعرض فيه وبسعر رمزي واحنا ماعندنا مانع ..

لاترحمون ولاتخلون رحمة ربكم تنزل ..

وعرض بضاعتنا ماله شغل في تدريس الطلاب ..احنا في صوب والطلاب في صوب ..

يعني ماتكلمتو عن تاجير قاعات وملاعب المدارس للعب الكوره والابس شي وشي ..

[الرافعي]

لاترحمون ولاتخلون رحمة ربكم تنزل ..

[/U]..[/COLOR] [/SIZE]

اعوذ بالله من هالكلمة

احنا من عشان ما نخلي رحمة ربنا تنزل

رحمة رب العالمين تنزل بأمره على من يشاء ما يردها راد




لكن الحق حق

المدارس مدارس والاسواق اسواق

ورزق ابن آدم اللي رب العالمين كاتبه ما يقدر حد يمنعه

[~~ الدانـه ~~]

كل هذا في ذمة الوزيره


حسبنا الله ونعم الوكيل

[أم وضحى]

- من زمان واحنا نسوي معارض بأمر المديرة

واللي تخالف وماتشارك . ينزل تقييمها :weeping:

- تضييع حصص .. ويكون اليوم الدراسي للطالب فوضى ..

كله عشان هالمعارض .. وياليتها معارض تهتم باساليب التدريس والتعليم ..

اغلبها خيرية ( مأكولات شعبية .. ملابس .. العاب اطفال .. عطورات )

او معارض للوسائل التعليمية .. اللي بالاساس تنعرض للعرض فقط .. ومحد يستخدمها السالفه كلها ( شو ) ودعوة للمديرات ومجاكر بينهم ع الفاضي :anger1:


- المعارض تقام عشان يستغل دخلها في ترتيب المدرسة من ناحية صبغ وموكيت .. الخ

- وحده من المدرسات تقول : مرت عليها طالبه تشتري من عندها وقالت لها انتي ابله او بياعه :secret:




والله المستعان ..