استفسار بخصوص تشيك الوكالة

[ضوى]

اخواني الكرام

عندي سيارة تويوتا وصلت 10000 كيلو ، وتشييك 1000 كيلو و5000 كيلو سويناه في

الوكالة ، والحين تشييك 10000 كيلو نبي نسويه في التيسير مانبي الوكالة لاني ماقدر اتعطل

مدارس وشغل يعني سالفة

تعتقدون لو وديناها التيسير تغيير وتشييك ومدري شنو حسب اللي في كتييب الضمان راح يروح

الضمان عند عبدالغني ؟؟؟

وفحص ال10000 كيلو على شنو بالضبط ؟؟والتيسير يسوونه لي ؟؟

ملينا من سيرفيس التويوتا الصراحة نهيبة والله غير هذا يعطلون الواحد :(


ممكن احد منكم يفيدني ؟؟ ابي اللي يفيدني عن خبرة مابي اعتقد ويمكن ويجوز :)

[دولة قطر]

انا عن نفسي ماشيكت موتري الا الـ 1000 كيلو في الشركه

والباقي في التيسير

[qatar.com]

والله كل مواتر البيت لا في التيسير ولا عبد الغني كله في المحلات الي برى تعاملك مع محل تكون على طول تجية ولا شوفلك مغسلة تكون اوكي

[mohamedsolyy]

في توكيل للتيوتا قريب من دوار المول ممكن يخلصوا السيارة في نفس اليوم

[الرايــق]

عن نفسي سويت اخر تشييك في الوكالة 5000كم
وبعدها التيسير اصلا مادري ليش احس شغلهم افضل من الوكالة :)
واعتقد يطيح الضمان والله اعلم

[سداوي&مدريدي]

انا توني ماذخ لي موتر

وجيكت التجيكه الأولى والثانيه

والحين العداد واصل 11 ألف ومطنش عادي :nice:

بالنسبه لي التجيكه الأولى والثانيه مهمه

الأولى ضروريه لان الآيل يكون خفيف ولازم يتغير :nice:

[عديـل الـروح]

فرع محطه مدينه خليفة فاتحين لوقت متأخر من الليل اذا اظن انهم 24 ساعه ..


والتشييك ما يأخذ اكثر من ساعه ساعه ونصف ..


ويمكن الاتصال والحجز قبل الذهاب اليهم ..


فرع محطه مدينة خليفة ... خلف اللاند مارك ..


مقابل دحـل الحمــام ..

[ضوى]

السايق وداها التويوتا

قال له خلي السيارة وتعال 8 بالليل اخذها ويوم سأل كم التكلفة قالوا له 700 ريال ؟؟ ليش خير ان شاء الله ؟؟؟الا تبديل زيت وفلتر وتشييك عادي
قلت للسايق خلاص يبه شيلها من عندهم وروح التيسير والضامن رب العالمين

صج نهبة

[بو الجوري]

انا عن نفسي .. كل 10.000 كيلو أشيك فالوكاله ..

وبين التشييكتين أبدل برع ..
يعني 10آلف فالوكاله 15 برع .. 20فالوكاله .. .. وهكذا ..

عشان الضمان ..

لأن أخبر من سنة 2004 كان عندي موتر 2002 وماصلحوه عالضمان .. قالي إنت آخر مره جبته .. من 40 مادري 50الف كيلو .. فالضمان راح ..
لازم تشيك عندنا .. على الأقل كل 10آلاف ..

والله يعينك ..

[سداوي&مدريدي]

السايق وداها التويوتا

قال له خلي السيارة وتعال 8 بالليل اخذها ويوم سأل كم التكلفة قالوا له 700 ريال ؟؟ ليش خير ان شاء الله ؟؟؟الا تبديل زيت وفلتر وتشييك عادي
قلت للسايق خلاص يبه شيلها من عندهم وروح التيسير والضامن رب العالمين

صج نهبة

700 ريال ليييييييييييش ؟؟؟ :eek5: :eek5:

انا موتري اول تجيكه مجانا

والتجيكه الثانيه دفعت لهم 450 ريال تقريبا

وتجييك كامل من صدام لين صدام

انا مستغرب والله !!

[mohamedsolyy]

انا تشيك ال 20 ألف أخذه مني 1700 ريال وقالوا عشان تغير البريكات أغلى من المرسيدس تشيك المرسيدس كل 15 ألف والتيوتا كل 5 ألاف هاى ضريبة الإحتكار

[وحيد-الشوق]

حراميه من قلب الاسعار على كيفهم :eek5:

للعلم اختى ضوى حزات يسوون خصومات على مزاجهم :secret:

عن نفسي 1000 و5000 شيكت وعقب سحبت عليهم

الحين الموتر ماشي وايد وماشيكت عندهم ياخذون فلوس عالفاضي وتشيكهم اي كلام اخوي وده موتره الكروزر دعموا في موتره ههههههههههههه

[ضوى]

حراميه من قلب الاسعار على كيفهم :eek5:

للعلم اختى ضوى حزات يسوون خصومات على مزاجهم :secret:

عن نفسي 1000 و5000 شيكت وعقب سحبت عليهم

الحين الموتر ماشي وايد وماشيكت عندهم ياخذون فلوس عالفاضي وتشيكهم اي كلام اخوي وده موتره الكروزر دعموا في موتره ههههههههههههه




هلا اخوي

الصراحة ياخوي شئ مزعج اللي يصير من التويوتا ، يعني سيارة تتم عندهم من الصبح لين الليل عشان تشييك وتغيير زيت وفلتر؟؟ لا وبسعر غالي طيب ليش؟؟

زوجي توه مشييك على الكروزر 45000 عندهم دفعوه 2800 ريال وطلعوا في السيارة عيوب الدنيا لا وعلى قولتهم عالضمان وخذ موعد وخلي السيارة تخيس في الكراج وانت تعطل عادي عندهم مابه مشاكل ، والله قلت له ياعمي السيارة جديدة وش يضمن لك انهم فعلا يبدلون ويغيرون او انه السيارة فيها شئ اصلا ، واحلى شئ طلع السيارة من السيرفيس الصبح ودعم فيها :secret: الظهر ، يعني داشة داشة الكراج ، يعني عطلة من قلب :(

عن نفسي ماراح ادخل سيارتي سريفيس 1000 و5000 وبس عقب كله التيسير احسن منهم بالف مرة على الاقل ماتاخذ 3 ساعات على بعض

بالنسبة لسيارة البيت وديتها التيسير وغير لي زيت وفلتر وقائمة اشطولها بـ 242 ريال بس :eek5:

[Qatar-King]

بالتوفيق اخووي..


تحيـــــااتي..