المساعد الشخصي الرقمي

مشاهدة النسخة كاملة : موقع الــ ebay


بلورة قطر
15-04-2009, 10:22 AM
ابي حد يطلب لي من الموقع كذا غرض

اذا حد فيكم يقدر يساعدني
MeMe MoOoON
15-04-2009, 10:25 AM
شوفي هالرابط انشاءالله بينفعج


http://www.qatarshares.com/vb/showthread.php?t=245891
بلورة قطر
15-04-2009, 10:28 AM
تسلمين

بس ابي شخص ثاني
sweetcupcake
15-04-2009, 10:43 AM
شيكي الخاص حبيبتي بلورة قطر

وبالتوفيق يالغالية
بلورة قطر
15-04-2009, 12:05 PM
جزاج الله خير
sweetcupcake
15-04-2009, 01:08 PM
جزاج الله خير


الجمييع إن شاء الله :)
هذلان
15-04-2009, 01:14 PM
السلام عليكم

الشيخه ابي انصحج نصيحه .. انا من الناس الي دوم استخدم هالموقع و اطلب منه ولازم تنتبهين بلعض الامور
1- يكون الشخص الي شارية منه باور سلر .. بائع معروف لانه يخاف على سمعته.
2- اذا الي بتطلبينها اجهزه انتبهي لموضوع الكهرب لانه في امريكا عندهم كهربا 110 و كهرب 220 نفسنا.
3- لاتطلبين شي وزنه ثقيل و العيب هنا من شركه الشحن مثل ارامكس .. يظربون مبلغ احيانا تكون تكلفه الشحن اكثر من سعر السلعه.
4-الدفع يكون عن طريق paypal وليس عن طريق الفيزا مباشره

وبالتوفيق
وسمي2016
15-04-2009, 01:19 PM
انا مشترك معهم ,,,,,خبريني ايش اللي تبين

واذا ممكن انا حاضر
بـن عدوان
15-04-2009, 01:28 PM
شوفي اختي اذا مالقيتي حد كلميني وانا حاضر Any Time
هذلان
15-04-2009, 01:55 PM
السلام عليكم


وصلتني رساله على الخاص من شخص يستفسر عن الـ paypal فضلت اني اجاوبه في الموضوع هنا عشان يستفيدون الباقين.

الـ بيباي ليس ببطاقه ااتمانيه بل هو موقع تشترك فيه ,, عباره عن بنك انترنتي (بنك في النت)
موقع الـ paypal من هنا (https://www.paypal.com/qa)
تقوم بالتسجيل معهم و تضع بيانات بطاقه الفيزا وعنوانك ورقم الهاتف و كل البيانات المطلوبه تكون صحيحه .
في حال حبيت تشتري اي بضاعه من اي موقع تختار خاصيه الدفع عن طريق paypal وجميع المواقع المشهوره توفر هذه الخدمه .
سوؤال: كيف يتم الدفع ؟
- اثناء الاشتراك في الموقع راح تدخل بيانات الفيزا الخاصه فيك . البيبال يدفع للموقع بعد سحب المبلغ من فيزتك . ضغطت زر وحده و خلال ثواني تصلك رساله بسحب المبلغ من فيزتك
سوؤال ليش نستخدم الـ paypal ؟
في حال شريت بضاعه و طلع التاجر حرامي . ادخل على موقع البي بال و اشتك عليه و شوف شبيسوون فيه !!
موقف تعرضت له و انقذوني الـ paypal
اشتريت من epay كاربون فايبر حق سياره بورس كايين لاحد الاصدقاء من تاجر في الصين و انتظرت فتره ولا بعث لي التراكيينق نمبر ولا وصلتني البضاعه .. ارسلت له رساله استفسر عن البضاعه و رد لي يقول بان مسكت الجير طلعت مخدوشه و رجعناها للشركه عشان يستبدلونها .. و انتظرت يمكن شهر و اكثر من رساله ولا يرد علي ؟
عملت بحث في الانتر نت باسم التاجر هذا و طلع انه نصاب و ناس كثيره نصب عليهم.
رحت لموقع بي باي وبلغتهم عن طريق فتح قضيه (تدفع 3 دولار لفتح القضيه) بلغتهم بالموضوع و وخان فيه خيارات منها انك تبي ترجع فلوسك او تبينا نتفاهم معاه ونجيب لك البضاعه . الي تبيه بيسوونه لك .
بدون مبالغه يوم فتحت القضيه كنت في الدوام .. وصلت البيت لقيت ايميل من بي بال انهم سحبوا التاجر على وجهة و لقيت التاجر مرسلي رساله على الايميل يقولي خلال ساعات بطرش لك التراكينق نمبر و يعتذر .. و فعلا ساعه ولا مطرش لي تراكنق نمبر عشان اتتبع الشحنه وين واصله .
لو كنت جافع للتاجر عن طريق الفيزا كان راحت علي فلوسي و المبلغ ماكان بسيط
بلورة قطر
16-04-2009, 12:02 PM
السلام عليكم

الشيخه ابي انصحج نصيحه .. انا من الناس الي دوم استخدم هالموقع و اطلب منه ولازم تنتبهين بلعض الامور
1- يكون الشخص الي شارية منه باور سلر .. بائع معروف لانه يخاف على سمعته.
2- اذا الي بتطلبينها اجهزه انتبهي لموضوع الكهرب لانه في امريكا عندهم كهربا 110 و كهرب 220 نفسنا.
3- لاتطلبين شي وزنه ثقيل و العيب هنا من شركه الشحن مثل ارامكس .. يظربون مبلغ احيانا تكون تكلفه الشحن اكثر من سعر السلعه.
4-الدفع يكون عن طريق paypal وليس عن طريق الفيزا مباشره

وبالتوفيق

تسلم اخوي
وعندي علم باللي ذكرته
واللي مضايقني وما اقدر اطلب بنفسي
هي البطاقة (طريقة الدفع)