المساعد الشخصي الرقمي

مشاهدة النسخة كاملة : حد شرا أرض منHerald land


تراثكم
15-04-2009, 02:28 PM
السلام عليكم
من اسبوعين تقريبا نزل اعلان في ملحق الشرق عن بيع اراضي في لندن ب 65 الف ريال
بمساحة 300 متر مربع وان السندات مصدقه من سفارة قطر بلندن.

حد شرا منهم؟
حد يعرف الشراء في هالمناطق مجزي او لا؟ لانها تبعد 17 ميل عن لندن ومب مخططه ولافيها خدمات ولاتقدر تبني فيها ويبي لك كم سنه لين توصل الخدمات وتبني.

انا مريت عليهم قالو احنا وكلاء شركة Herald land وهي الشركه المطوره للمشروع تدفع المبلغ كامل وبعد اسبوعين نجيب لك سند الملكيه مصدق.

العرض مغري ولكنه مخوف في نفس الوقت

لو تفيدوني بكون شاكر لكم وممنون.

سلام
diab911
15-04-2009, 02:38 PM
عرض مغري

ان شاء الله الاخوان يفيدونك
الخفي
15-04-2009, 03:12 PM
تراثكم راجع الخاص
hamada316
15-04-2009, 03:21 PM
انا كمان مفكر اشتري،افيدوني يا اخوان
شموخ دائم
15-04-2009, 03:31 PM
,

,


ما عندي علم بالموضوع بس لفت انتباهي

وان السندات مصدقه من سفارة قطر بلندن

سؤالي

هل تملك السفاره الحق في تصديق ملكيات اراضي بريطانيه؟؟؟

:discuss:

ليش ما تتصلون تلفون في السفاره القطريه هناك

للسؤال عن الشركه والموضوع لانه جابوا سيره السفاره


,

,


اخوك




شموخ دائم
الديرة
15-04-2009, 11:28 PM
نعم يا أخوان ، واحد من الربع قام بدفع عربون لشراء أرض واحدة بقيمة 65000 ريال ولكن كان متشكك من رخص السعر ولماذا هي رخيصة ، فأرسل شخص من نفس جنسية المندوب المسوق لهذه القطعة من الأراضي فكان مايلي :


لا تستطيع البناء أو التصرف قبل سبع سنوات ، وأن عملية البنيان بعد ذلك يجب أن تكون جماعية أي على ملاك الأراضي أن يتقدموا بطلب للبناء آنذاك


بالنسبة لي أنا : أرى أن العملية تستاهل ، فالصبر مطلوب ، ومن بغى شيء ترك شيء .
تراثكم
16-04-2009, 07:48 AM
....diab911 صدقت اخوي عرض مغري

*****
اخوي المختفي...
وصلت رسالتك .. الله يرحم والديك كفييت ووفيت وانشاء الله نصير جيران :victory: هناك

*****************
hamada316
اذا شريت بخبرك انت خش فلوسك بس .

شموخ دائم ....
سؤالك في محله يبي لنا نتصل فيهم.

الديرة ....
جزاك الله خير وهالشئ اللي مايبون يركزون عليه وايد وهم يسوقون الارض يمرون عليه مرور الكرام وكانه شئ بسيط جدا.

وللامانه هم قالوا لي اول ماتشتري الارض تقدم بطلب بناء على طول وانتظر.

تسلمون وماقصرتو
mubarak2000
16-04-2009, 09:39 AM
واللة انا شريت من زمان عن طريق شركة في الكويت , وفعلا تنتظر بين ايرخصونها للبناء , لكن ممكن لعد عشرين سنة وممكن محد ايرخصها كلش
برق لمع
16-04-2009, 09:47 AM
انا بصراحة ما اشجع الاستثمار بهاي الطريقة
شلون يعني اشتري ارض وما اتصرف فيها الا بعد سبع سنين
حياة وموووت
عندي لك حل احسن وربحة مضمون الف في المية
شرايك تستثمرها في وقف وأعمال خيريه وبنص المبلغ بعد
صدقني وبأمانه انت المستفيد في الدنيا والاخرة ...
هذي نصيحتي لو حاب تستثمر ...
تقبلوا تحياتي
تراثكم
16-04-2009, 11:53 AM
واللة انا شريت من زمان عن طريق شركة في الكويت , وفعلا تنتظر بين ايرخصونها للبناء , لكن ممكن لعد عشرين سنة وممكن محد ايرخصها كلش

متى شريتها؟
ومعقوله ممكن توصل لعشر سنين لين تترخص؟؟!!!

شكلنا بناخذها وبننصب فيها بيت شعر وشبة ضو على هالربيع اللي عندهم
تراثكم
16-04-2009, 11:54 AM
انا بصراحة ما اشجع الاستثمار بهاي الطريقة
شلون يعني اشتري ارض وما اتصرف فيها الا بعد سبع سنين
حياة وموووت
عندي لك حل احسن وربحة مضمون الف في المية
شرايك تستثمرها في وقف وأعمال خيريه وبنص المبلغ بعد
صدقني وبأمانه انت المستفيد في الدنيا والاخرة ...
هذي نصيحتي لو حاب تستثمر ...
تقبلوا تحياتي

جزاك الله خير وهذا الاستثمار الصحيح
hamoor4ever
16-04-2009, 11:41 PM
اخواني انا حسب معلوماتي البسيطه ماادري اذا صح ولا غلط بس انا سألت فيها من قبل واخبروني طبعا هالكلام مستحيل يقول لك اياه البائع

ان الاراضي هاذي زراعيه ومن شبه المستحيلات انها بيوم راح تتحول للبناء والسكن يعني هم يبيعونك الارض ب ٦٥٠٠٠ ريال وعقبها بعد سنه ولا سنتين يبيعون نفس الارض على شخص ثاني بمبلغ اشوي اكثر بنفس الكذبه ، وهاذي فكره الشركه ، اما انها تتحول للبناء بالنسبه هي١٪ ومن يقول لك اصبر سبع سنوات وابني عليها كله كلام في كلام ، فالاراضي الزراعيه في بريطانيا لاتمس لان منظمات الحقوق بيقومون عليهم لان عليها اشجار فصعبه انهم يقطعون الاشجار في سبيل تحويلها للسكن او غيره

فالانتباه من شركات النصب
ابن ادم
17-04-2009, 07:48 AM
أعتقد بأن هذه الأراض الحكومة البريطانية مخليتها on hold

لين الحين ما حددت أستخدامها ، يعني ممكن حديقة أو عمارة أو محلات أو بيوت