وين دور حماية المستهلك

[الزيبق]

ادري والله العظيم انه موضوعي قديم بس من القهر اروح صيدلية الميقات في الوكره وحصل حليب للاطفال ب35 ريال وعلى بعد كيلو احصله 27.75 ليش هو جايبه بطياره خاصه والجمعيه يايبته بتريلا مثلا شنو اخرتها في التلاعب بالاسعار؟

[برق لمع]

وهو المطلوب
الظاهر انهم تمادوا لان مافيه رقابه

[بن درويش]

اطلب الله
ههههههههه

[i.qatar]

الله المستعان

[الزيبق]

شكلكم مرتاحين على الزياده ترا هذا حليب اطفال مو قوطي ببسي اجتمعوا عليه مجلس الشورى ونص اريال هاي 8 ريال تقريبا ما يتحرك لها ساكن المفروض الصيدليه اتسكر عبره للي مثلها

[مافيا قطر]

يارجال اى حمايه مستهلك واى هم والله لو فى اوربا كان فعلا عندهم حمايه مستهلك
كانهم خيال ماته على قوله اخونا المصريين اصحوا يا حمايه مستهلك حللوا راتبكم ولا اسم اداره بس
يا اخى شريت دوى من صيدليه خلود على 50 ريال رحت صيدليه فى المطار قالى 55 ريال قلته ليش قال سورى بابا هذز نفر يسوى تسعيره غير هو فى غلطان

[hot2000]

االله المستعان
شريت جهاز بي سي كمبيوتر ايسر من محل
EMAX
اللي بمجمع الاصمخ ب 1995 ريال
وشاشة نوع Beng
ب 1450
وبعدها بكم يوم رحت المخازن الكبرى ولقيت
جهاز الكمبيوتر ب 1500 ريال
والشاشة ب990
اي حماية واي خرابيط
حماية لهم هم التجار مب لنا احنا المستهلكين
ربك كريم

[alnoida]

ادري والله العظيم انه موضوعي قديم بس من القهر اروح صيدلية الميقات في الوكره وحصل حليب للاطفال ب35 ريال وعلى بعد كيلو احصله 27.75 ليش هو جايبه بطياره خاصه والجمعيه يايبته بتريلا مثلا شنو اخرتها في التلاعب بالاسعار؟

بما أن الموضوع عن الصيدليات وعن أسعارهم خذ هاتين النقطتين!!

1- نلاحظ أن التسعيره دائما متبوعه بكسر 30.25 - 18.75 - 24.5 يعني أسعار مدروسه
المهم في حالة عدم وجود الصرف يتم تعويض المستهلك بعلكه اذا كان الكسر في صالحه
او خصم الكسر اذا كان على المستهلك كما هو حاصل في الجمعيات التعاونيه (الميره)
و هذه الطريقه كانت تستخدمها كيوتل بطريقة جبر الكسر من 0.01 الى 0.50 تجبر
لصالح العميل اما من 0.51 الى 0.99 تجبر لصالح كيوتل

لكن الصيدليات دائما تجبر الكسر لصالحها!! لاحظ حتى ولو كان الدفع الكتروني

2- ياعيال الحلال انا زبون دائم للصيدليات الله لا يبلي احد من عيالكم
بين فتره وفتره اشتري علبة علاج تحتوي على عشر حبات بـ 168.25
وهذا السعر ثابت بين كل الصيدليات لان التسعيره من الوكيل انا صراحة وثقت
في السعر لأن التسعيره من الوكيل ومتبوعه بكسر (وربع) يعني الناس دارسين
التسعيره صح.
لكن لما احتاجت البنت العلاج واحنا في السعوديه وجدته فقط بـ 89.00 ريال سعودي
(ياسبحان الله وين الكسر) يعادل 86.5151 ريال قطر حطيت الكسر لا حد يزعل منهم.
الفرق تقريبا= 81 ريال قطر .

الان اجد نفسي مرتاح لما اخذ اولادي الى مدينة الأحساء يوم الجمعه ونرجع يوم السبت
لما يكون البيت محتاج اشياء وخصوصا تلك الاشياء المدروسه اسعارها والمتبوعه بكسر
وهذا الاسلوب في التسوق ليس بخلا ولكن الفرق في الاسعار يذهب لمتعة الاسره



يا اخوان هذا الموضوع ذكرني بأسعار البندول ( الشباب اللى في سني اكيد يتذكرون):shy:
كانت تباع العلبه بأسعار لدرجة غلاها كانت تناقش في برامج التلفزيون. والعجيب في
الموضوع أن علب البندول مطبوع عليها التسعيره السعوديه من المصنع، وكان يضع عليها
حبر اسود. يعني حراميه عيني عينك.

والسلام عليكم ورحمة الله وبركاته وربع

[الزيبق]

الظاهر ان مكينة حماية المستهلك ديزل ما تحتر كلش:anger1::anger1:

[بويوسف]

الله يعين الجميع .. الموضوع محتاج مراقبة والية

[بن رومي]

الظاهر ان مكينة حماية المستهلك ديزل ما تحتر كلش:anger1::anger1:


:omg:


أكيد غذرهم ان هاليومين مافي ديزل

:eek5:

[بن رومي]

يا جماعه

تدرون ان مطعم تيك أويه

رفع أسعاره :anger1: من 1 / 4 / 2009

مع الزياده :eek5:

اشدعوه :eek5:

انزين ايش بيسووووون إللي نقصو رواتبهم :anger1:

مثلي :weeping: :weeping: :weeping:


صج صج صج :rolleyes2:

حمايت المستهلك على ديزل :(

وظرب هندل بعد :tease: :tease: :tease:



والله المستعان