ارجو المساعده ، ممكن تساعدوني ، بليز هلب مي

[سمو انسان]

السلام عليكم ورحمة اله وبركاته

صباح الخير

ندخل في صلب الموضوع بمقدمه بسيطه

انا الله يسلمكم عندي كروزر موديل 2003 السياره ورده يدوب تشتغل مرتين او ثلاث في
الاسبوع، من فتره بسيطه قررت اني اطلع فيها (استخدمها استخدام يومي) مع العلم
السياره شكلها وكاله ورده وممشاها قليل.
المهم طلعت السياره من فتره بسيطه ومادري شاللي جاني من بعدها
الله وكيلكم ان ما يمر اسبوع ما ادعم او اندعم وفي الاغلب اندعم والله من بداية شهر ثلاثه
لين هذا اليوم كل ما اطلعها من الكراج تندعم، بصراحه ما اعرف شاسوي. واجد قالو لي
عين، بس ماعرف ناس قالو لي بيعها ( ما استغني عنها ) وناس قالو طلع دفعت بلى، واللي
قال بخرها بصراحه ما اعرف شاسوي.

اول ثلاث حوادث حسبت انه السالفه صدفه بس الحين تجننت من بداية شهر 3 لين هذا
اليوم 7 حوادث ، السياره تندعم تدخل الكراج من ثلاث لين 7 ايام تطلع تنغسل تندعم
وترجع الكراج. ( واللي يبي يتاكد من الموضوع بعطيه رقم موتري ويروح يجيك بنفسه)،
تصدقون اني تعرفت على شرطي معرفه جيده والسبب اني كل كم يوم اسير عليه المكتب.

وللعلم ان هذي اول مره ادعم فيها من اول ما خذت الليسن

والله طالب نصيحتكم شاسوي :(

ولكم جزيل الشكر مقدماً

[بوعلي2]

اعتقد عين والله أعلم


عليك بسورة البقره يوميا بموترك

منها ينشرح صدرك ومنها تبعد عنك كل شر بأذن الله

والله أعلم يالغالي

[مضارب دوسري]

عليك بسورة البقره
ودعااء الركوووووب

وقول بسم الله الذي لا يضر مع اسمه شي في الارض ولا فالسماء وهو السميع العليم

ثلاث مرات

من قالها حين يمسي لم تصبه فجأة بلاء حتى يُصبح ومن قالها حين يُصبح ثلاث مرات لم تصبه فجأة بلاء حتى يُمسي

[bus3od]

والله نفس حالتي و أنا موتري 2006 و المشكله الدعمات أغلبها خشنه

و أنا أتوقع عين و أقول لك بيع الموتر و ريح عمرك واحد من الربع دعم دعمتين ورى بعض على طول باع موتره و ارتاح

[ïз فرآشهـ εï]

اتفق مع اخواني ..

عليك بالاذكار .. الصباح والمساء ..

وعليك بسورة البقره .. اسمعها وقت النوم .. وشغلها فسيارتك ..

والمعوذات .. كل وحده 3 مرات

و " اعوذ بكلمات الله التامه من كل شيطان وهامه ومن كل عين لامه اعوذ بكلمات الله التامه من شر ماخلق " 3 مرات

اجعلها عاده يوميه فحياتك .. حتى لا يصيبك شيء من العين والحسد والسحر ..

والله يحفظكـ .. :)