المساعد الشخصي الرقمي

مشاهدة النسخة كاملة : فيه سياره موديل 98 في امريكا هل اقدر اجيبها للدوحه


NASEER
17-04-2009, 10:48 AM
السلام عليكم

يا اخوان حصلت موتر موديل 98 في امريكا رخيص وسعره وعاجبني

هل اقدر اجيبه لانه بصراح داش مزاجي وودي اجيبه هل

لاني سمعت انه ممنوع وشي من هالكلام هل مازال ممنوع طلب سياره

من خارج لانه بصراحه حرام السيارات في الدوحه اسعارها نار

ما ادري هالقرار ليش لانه بصراحه يساعد التجار ولا يساعد المستهلك البسيط

من يفيدني
dewyguy
17-04-2009, 12:11 PM
والله ياخوي اللي انا اعرفه انه ممنوع

المسموح فقط 5 سنين احتسابا بالسنة اللي انت فيها : يعني 2009 - 2008 - 2007 - 2006 - 2005


طبعا هذا قانونيا ....







بس اذا عندك واسطة .. كل شي يمشي :secret:
الـخـور
17-04-2009, 12:27 PM
تقدر تجيب السيارات الكلاسك الي تكون قديمه وايد
لكن 98 مايدخلونها
بن درويش
17-04-2009, 02:42 PM
اخوى اذا فى خاطرك السياره روح لجنه المواصفات والمقايس غرفه تجاره وصناعه قطر
واكتب كتاب للمدير انك ادخل السياره
الرايــق
17-04-2009, 02:45 PM
ممنوع
هينا
17-04-2009, 03:17 PM
اخوي انا لي تجربه قبل سنتين جبت سيارتين من اليابان 2004 والثانيه 96 الموديل الجديد تجمرك وركبت لوحات وكل شي تمام وسهالات اما ال96 حاولت مع الجمارك ورحت المواصفات والمقايس ومافي فايده قالو لي تكتب كتاب لوزير الاقتصاد والتجارة وسويت كتاب وجاني الرد نأسف مع ان السيارة جديده ماشيه 8 الاف وحلوة ومضبطه على الاخر المهم مالي حل لاني جبت السيارتين بكونتينر واحد قالو لي لك حلين اما تجيب واحد من الصناعيه يقصها نصفين وندخلها لك سكراب او تسوي اعادة تصدير وانت بكيفك وفعلا سويت اعادة تصدير وبما ان السعوديه ماطبقو نظام الخمس سنين صدرتها بأسم واحد من الربع سعودي وجمركتها ورخصتها وركبت لوحات سعوديه وسوى لي وكاله شرعيه عامه بالسيارة .. وهذا انا استعملها بالدوحه ولين تخلص استمارتها اروح الحساء اجددها وارجع .. وهذي الشغله كلها .. بس على فكرة سمعت ان السعودية راح تطبق نظام الخمس سنين من الشهر الجاي .. شوف لك الدول الخليجيه اللي لسى ماطبقت النظام بس لازم تعرف واحد وتثق فيه ليسجلها بسمه وبعدين ماتشوفها ,,
وان شاء الله اكون وفيت وكفيت ..
Q6o
17-04-2009, 03:20 PM
في حل ثاني
اذا انت طالب في امريكا او تشتغل في مكاتب قطر في امريكا يحق لك تجيب سيارتين
يعني شوف لك اي حد من ربعك يدرس في امريكا وسجل السياره باسمه وعادي تدخلها وتجمركها وكل شي تمام
قطر2005
17-04-2009, 03:27 PM
مرحبا اخوي هذا القرار من المواصفات والمقايس وليس من الجمارك
السيارات الصغيره لها خمس سنين من موديل السنه
الكلسك 35 سنه
السيارات الثقيله 10 سنوات
ويليت فدتك في الموضوع
بـن عدوان
17-04-2009, 04:54 PM
في حل ثاني
اذا انت طالب في امريكا او تشتغل في مكاتب قطر في امريكا يحق لك تجيب سيارتين
يعني شوف لك اي حد من ربعك يدرس في امريكا وسجل السياره باسمه وعادي تدخلها وتجمركها وكل شي تمام

كلام سليم :nice:
الـقـاسـي
17-04-2009, 05:53 PM
ماعندهم سالفه على هالقرار أصلا .. حب تعقيد وبس هذا اللي خلا السيارات تطير فالسما ..
محسن العجي
19-04-2009, 10:19 PM
في حل ثاني
اذا انت طالب في امريكا او تشتغل في مكاتب قطر في امريكا يحق لك تجيب سيارتين
يعني شوف لك اي حد من ربعك يدرس في امريكا وسجل السياره باسمه وعادي تدخلها وتجمركها وكل شي تمام


كلامك صحيح :nice:
مستثمر 999
19-04-2009, 11:16 PM
ماعندهم سالفه على هالقرار أصلا .. حب تعقيد وبس هذا اللي خلا السيارات تطير فالسما ..



لو القرار هذا فيه شي كان ما طبقته دول الخليج


قرار صائب

ولولا هالقرار كانت الشوارع غرقت من السيارات المحلطه والي تدخن والي حدها تمشي 40



واحنا مب ناقصين
سهومه
20-04-2009, 03:50 AM
up up

ما عندي خلفيه

ان شاء الله الشباب يساعدونك

موفق اخوي