شرايكم في النيسان الفتك

[NASEER]

السلام عليكم

بغيت استفسر عن النيسان فتك 2006- 2007 - 2008

شرايكم فيه من ناحيه صرفيه البترول - وهل خراباته واجد

وهل قطع غياره غالي ولا رخيص - والصيانه زحمه نفس التويوتا ولا سهالات

لاني حصلت gx:r 2006 وحصلت فتك ومتردد مادري اخذه ولا اخذ الفتك

علما ان سعر السيارتين متقارب جدا بس بغيت استشير اللي استخدم الفتك

كيف استخدامه وهل هو افضل ولا التويويا

[الـخـور]

ياخوي انا مانصحك بوكالة النيسان خصوصا لو جيت بتقارنها بالتيوتا


قطع غيار النيسان اغلى وحتى الصيانة اغلى
لكن النسان كموتر حلو صراحة وقوي وحق البر يعجبك
لكن بعد ماتطلعه من البر او القنص تحسه محتاج صيانه

عكس الجكسار .. جامد في البر وفي الشارع

انا لو خيرتني بين الاثنين راح اخذ جكسار وانا مغمض

[مخباط]

تويوتا وبس

[سهم طايح]

السلام عليكم

بغيت استفسر عن النيسان فتك 2006- 2007 - 2008

شرايكم فيه من ناحيه صرفيه البترول - وهل خراباته واجد

وهل قطع غياره غالي ولا رخيص - والصيانه زحمه نفس التويوتا ولا سهالات

لاني حصلت gx:r 2006 وحصلت فتك ومتردد مادري اخذه ولا اخذ الفتك

علما ان سعر السيارتين متقارب جدا بس بغيت استشير اللي استخدم الفتك

كيف استخدامه وهل هو افضل ولا التويويا

انا انصحك بالنيسان اذا بتاخذه للاستخدام الطويل المدى

صحيح قطع الغيار نسبيا اغلى من التويوتا لكن قطع غيار النيسان بتعطيك عمر دبل عن التيوتا مرتين ,,,,,,,,,,,, والوكالة مافيها زحمه ولا حجز مواعيد مثل التيوتا

وفي النهاية كلهم نفس الشي

[راعي المواجيب]

* صرفية البنزين - الخزانين تقريبا :

(91 ريال ممتاز ) (96 ريال سوبر ) ..

تمشي حسب الدعس تقريبا من 500 إلى 550 كيلو

وفي السفر 680 إلى 750 كيلو

سعة الخزان أقل من الكروزر ..

* الأداء : لو سقته يمكن تصير مدمن فتك ، السيارة تتحمل المطبات والتسكير والتطعيس مثل ماتشوف الموديلات القديمة لازالت مرغوبة في العديد وتتحمل كل أنواع التلغيم والتفجير

* الصيانة : تبديل آيل و وفلتر تخلص بسرعة في الفروع .. أما التشييك في الصناعية ينقعونك

* التماسك : النياسين الجديدة قوية

* العيوب : إذا ركبت فلاتر رياضية لازم تنظفهم وماتهمل لإنها تدخل غبار المكينة ، بس يبغيلك تنظيف عشان الحساسات

دقة الجير يوم توقف بس تشحم الصلايب كل فترة ، حق محبي الهدوء وعادي تطنش

السعر مايسك مثل التويوتا .. إلا إذا خذته مستعمل مرااح تخسر فيه لأنك خذته يسعر مناسب


أما إذا خيروك بين Gxr والفتك .. الفتك وإنت مغمض لأن الجي اكس ار بطة وثقيل ويعلك ويصرف

أما إذا Vxr هنا ممكن تحتار إما تمشي مع مقولة تويوتا وبس وتشتري الموتر غالي ، أو تستمع بحياتك مع الفتك


وتأكد لو خذت أي وحدة من السيارتين مابتتحسف لأنك خذت سيارتين أثبتوا وجودهم في الخليج



الله يوفقك

[kakashi]

اذا الفتك قير عادي والموتر نظيف وانت راعي طربه اخذ الفتك وانت مغمض

ونفس ماقالو الشباب مافيه خربات وقطع الغيار غااليه وصيانته بعد غاليه لكن مافي زحمه في الشركه مثل

التويوتا ، اما الكروزر يتفوق على الفتك بالوسع من الداخل والريافه وينفع حق كل شي " شبابي - عائلي "

اما الفتك من وجهة نظري المتواضعه للشباب فقط وركز انه يكون قير عادي اذا تماتيك ابعد عنه

[alawy]

الثنين حلوين

بس مشكله الفتك ليش دايم يضرب صبابه مايندرة جهز فلوس الصباب من الحين

[بوحارب]

:D



http://www.qatarshares.com.qa/data/689/692/storm_1634933991_928833576.jpg

[بن درويش]

لا ثنين تمام ومرغوبين بالدوحه

[الـمـنـاعـي]

السلام عليكم انا مجرب الاثنين التيوتا مايصرف مثل النيسان وقطع غياره ارخيصه واسواقته اريح من اسواقت النيسان واثبت على الخط وفي البر .. الحين انا عندي تيوتا مايصرف اصب له من اسبوع لين اسبوع

((((انصحك في التيوتا )))))

[هذلان]

وانا مجرب الاثنين ..


شوف يا شيخ انا عندي فتك حاليا .. مميزاته .. انه خفيف ممتع في السواقه في الدوارات لادعست له فز .
ولكن انصحك بالتيوتا .. مع انه ثقيل ولكن اوسع من داخل و اركد على الخط ومتانه اكثر من النيسان.
بالنسبه لشركة نيسان اشوفها افضل من التيوتا .. كذا مره ادخل موتري صيانه في الشركه .. تعاملهم زين و الاسعار معقوله.
الموضوع في النهايه يرجع لك بصراحه و استخدامك و روحاتك وجياتك .. اذا تروح طعوس اكثر من البر .. خذ فتك اذا انك ماتروح البر التيوتا ابرك.

وفي النهايه شوري لك استخير بين الموترين,, موفق خير

[الرايــق]

انا استخدمت الاثنين
كان عندنا 2004 كاستخدام عادي ما عليه كلام بس يصرف بترول
بالنسبة لقطع الغيار طبعا اغلى..

ومن اسبوع خذتلي جي اكس ار مستعمل 2003 صج فرق بينه وبين الفتك
لو تخيرني الحين بين الاثنين اخذ الجكسار وانا مغمض
يكفي قطع الغيار المتواجدة والرخيصة نسبيا مقارنة بالنيسان

لكن في شي جوهري .. تعامل وكالة النيسان أفضل بمليون مرة من التويوتا

استخير وبالتوفيق ..

[نيساني]

اول شي لاحظت في معظم الردود الصرفيه؟:secret:

ياجماعه خزان الفتك اصغر من خزان التيوتا يعني الفتك سوبر ب95 والتيوتا سوبر ب110 ويمكن اكثر يعني بالعربي السالفه سالفت انت ورجلك يعني لو رجلك حاره بتخلي الكورلا تصرف :eek5:

وماعندي شي اضيفه على اللي قاله اخونا راعي المواجيب لانه دايما مايقصر:nice: