ابي اقتراحاتكم

[ضوى]

لظروف خاصة جدا اجازتي انا وزوجي راح تقتصر على عشرة ايام او بالكثير 12 يوم وودي

اقضيها بسفر لبلد قريب بس يكون فيه اماكن ترفيهية لاولادي يعني تناسب 10، 13 ، 16

فكرت بسوريا بس اختي قالت لي مب شئ لليهال بس طبيعة وجو خيال ، مصر رحناها مرتين

وملينا منها ، وودي احد يساعدني في اختيار بلد مناسب لعشرة ايام فقط حتى اقدر ارتب للرحلة

واضبط حجوزاتي



فكرت بدبي بس ماعرف عنها ولا شئ وياليت احد يخبرني عن دبي والاماكن اللي فيها وتناسب


ابي اعرف دبي فيها اماكن لعيالي ؟؟ يعني راح ينبسطون فيها ؟؟ يعني ماراح يملون ؟؟


انتظر ارائكم واقتراحاتكم وافكاركم

كل الشكر والتقدير والتحية

[QAT2020]

توكلي على الله وروحوا دبي فيها كل شىء اسواق العاب ومجمعات ضخمه جداً ومطاعم راقيه جداً
واشياء كثيره ،،، وانا من رأي انه نعم الاختيار لمدة اسبوع حلوه ...

واتمنى لكم رحله ممتعه ان شاء الله ...

[شيزكيك]

هلا ضوى

احس احنا بعد بنروح دبي

واحنا من عشاق دبي

حق اعيالك اكيد المدينه الثلجيه الي مجمع امارات مول روعه ممكن تخلينهم وتتسوقين والمجمع

راقي وايد

في عندك مجمع برج دبي احدث شي عندهم وداخل المجمع فيه حوض سمك كبير ووايد حلو

في سوق جميرا سوق تراثي ويبعون سوفينرات وممكن تركبون المركب بس اتوقع بيكون الجو حار

وفي الالعاب الالكترونيه في كل المجمعات

مجمع ابن بطوطه تحفه كل قسم غير عن الثاني

وعندهم المطعم الثلجي بعد

بشكل عام دبي حلوه وونيسه

[بوعلي2]

دبي

راح تنبسطون اخر انبساط ان شاء الله

كل الي في بالج هناك من مجمعات واماكن ترفيهيه مثل حدائق واللعاب المائيه
مثل وادي وادي

والله يسعدكم في ديرت زايد الله يرحمه

[بابا الضحية]

بس دبي مثل الدوحه !!!

روحي لبنان:shy:

[غير البشر]

هلا اختي ضوى


دبي فيها اماكن حلووه واايد


بالنسبه لليهال

عندكم وايلد وادي << الحديقه المائيه عند برج العرب

الثلج << مول الامارات


دبي لاند << مادري افتحوها او لا


حديقه الجزيره << قديمه واخبرها من بطي بس زينه


حوض السمك << دبي مول قريب من برج دبي



بالنسبه للتسوق الشعبي << سوق مرشد مع سوق الذهب جنب بعض - سوق الوصل -



سوق نايف - سوق المنال


بالنسبه للمولات , الامارات مول - بن بطوطه - دبي مول - الستي سنتر - حمر عين


مجمع وافي - مجمع الستي سنتر تبع الشارقه بس قريب من دبي - مجمع لامسي -


مجمع الغرير في الكثير بعد بس ذكرت الي يحضرني على السريع


شارع الرقه : شارع تسوق ومطاعم وتمشي


اماكن حلووه للقعده وكوفي شوب << مرسى دبي


بالنسبه للفنادق : ابي اعرف مزاجكم شنو بالفنادق

يعني راقيه جداا

او غرف كبيره او قريبه من الاماكن السياحيه والتسوق



وبالسلامه ان شاء الله

[Bu Rashid]

أختي ضوى ... الله يخليك أعيالك ويتربووون في عزك وعز أبوووهم أن شاء الله

دبى فعلا المكان المناسب ...
الاماكن للاطفال كثيره منها
الالعاب المائية: 1- وايلد وادي و 2- دريم لاند بأم القيوين و 3-والفندق لوتس في النخلة
العاب الاطفال : في أمارات مول وايضا التزلج على الثلج... طبعا الستي سنتر
والمطاعم وأماكن التمشي لا تعد ولا تحصى
والمولات أيضا كثيره منها فستيفال ستي وابن بطوطه والله نسيتهم من كثرهم

[آموت وآحيابك]

دبي :rolleyes2: حق الزحمة مالها مثيل تطلعين من الصبح اذا تبين توصلين العصر :rolleyes2:


عندك تركيا وقريبه ومالهاااااااااااا مثيل روعه والاماكن اللي فيها يمكن ماافيدك مثل مايفيدك قوقل فادشي وابحثي وبتنبسطين ان شاء الله


وتروحون وترجعون بالسلامة :shy:

[اعالي الجنان]

والله مانصح بدبي اختي ضوى زحمه وضيقه رحتها مع عيالي وابوهم وماستانست فيها
زززززحمه لاتطاق وكتمه وضيقه كلش ماستانست

وموفقه يارب بسفره حلوه :)

[غزلان]

دبي حلوه لكن زحمه اذا بتروحين احجزي ايام ماتصادف اجازة الخميس والجمعه الزحمه موطبيعيه

والله يوفقك

[شاهيناز]

دبي روعه من فتره قصيره كنت في دبي,, كل شئ حلو في دبي,, فاتحين دبي مول مجمع كبير وفيه الاكويريم الاطفال وايد استانسو فيه ,, وقريب بيفتحون فيه غالري لافايييت,, وبعد الامارات مول روعه تقدرين تقضين فيه يوم كامل انتي واسرتك

الحلو في دبي ان المولات مثل القرى كل شئ فيها والاطفال ياخذون راحتهم والاهل بعد

والله يوفقك يارب

[Bu Rashid]

الي يقووول دبي زحمة ... الظاهر من زمان ما راح
بعد الازمة الاقتصادية ... دبي خالية وأسعار فنادقها في متناول الجميع الان

[حروف]

الكويت حلوه وفيها اماكن حق اعمار عيالج الله يحفظهم واهم شي ما عندهم رطوبه

[عاشق الشهادة]

الاهم ان الواحد يروح بلاد تعزه ما تذله ؟
تبوك + حائل + جيزان + جده + الرياض = فيها كل ما تتمنين انتي واعيالج وابوهم .

[بوخالد911]

دبي وبس

وعندج مولات جديدة

مثل


الامارات مووول



الحي الصيني او التنيين الصيني يبييلج يوم كامل عشان تخلصيينه

موووفقة


مسيوو/ بوخالد911

[سمو انسان]

يازين العمره مع لمت العايله




الاهم ان الواحد يروح بلاد تعزه ما تذله ؟
تبوك + حائل + جيزان + جده + الرياض = فيها كل ما تتمنين انتي واعيالج وابوهم .

بصراحه مواضيعك اللي نزلتها عن رحلتك مالها حل وباذن الله لي روحه فالصيف مع ان الجو حار

[hich]

أختي جربي تروحيين دبي 5 أيام وبعديين تطلعين بر عمان من دبي تروحيين صلاله او بركه او ام القويين 5 أيام وأخر يوميين تروحين عمره مكه

[عبد الرحمن77]

:nice: مكة عمرة وادعيلي .........

[مضارب دوسري]

جده و ابها

واخر 3 ايام عمره في مكه

[عاشق الشهادة]

يازين العمره مع لمت العايله




بصراحه مواضيعك اللي نزلتها عن رحلتك مالها حل وباذن الله لي روحه فالصيف مع ان الجو حار





الصيف الماضي بشهر 8 رطوبه وحر بقطر, ويوم ذهبت الى ابها البهيه ابردي ومطر وجو ولا في الخيال والله نصيحه روح ابها وخاصه السوده وادعيلي ولاتنسى خميس مشيط قريبه من ابها 20 كيلو والا انت بوسط خميس مشيط ..

[شارع الأصمخ]

دبي حلوه لانها تناسب كل الاعمار
مجمعات للتسوق
مول الامارات
الوافي
الفيستافيل
الغرير
مول دبي
العربي مول
برجمان

ترفيه لليهال
كوفي شوب الثلج بالتايمز سكوير
الوايلد وادي بجميرا
المدينه المائيه بفندق الاطلنطس
سكي دبي

تمشي

مرس دبي
دبي وووك الممشى




اعتقد انها تناسب كل الاذواق

[بوخليفة3]

تحملي اتروحين سوريا مب شي
روحي دبي ابرك روحي دبي ووك

[التـسـعـة]

آنا من عشّاق الإمارات عامّةً يا ماما ضوى :nice:


عندج المدينة المائية Wild wady وايلد وادي وايد حلوة حق عيالج والمنطقة الثلجية في إمارات مول

ومجمّع بن بطوطة بيعجبج وايد لأن مقسّم . يعني مثلا : القسم الصيني - القسم الإيطالي - القسم الإيراني - ووايد أقسام . كل قسم وسوقه من ناحية أثاث وملابس وكل شي

وعندج مجمّع ماركاتو في شارع الضيافة كلللللللللله ماركات وغالي إذا تبين الصج :secret:

وعندج السوق الصيني مافي أحلى منّه . أنا الّي ماحب الأسواق أحب السوق الصيني وايد

وعندج مجمّع دبي فستيفال صوب القرهود تقريبا مجمّع صغيّر وملموم

إذا تبين مطاعم عندج شارع الرقّة في مطاعم وايد حلوة وراقية

وإذا في أشياء ماذكرتها أكيد الأعضاء الباقيين قالوها قبلي :victory:

وإذا على السكن دبي معروفة بالفنادق والشقق ماراح تتعطلّون بإذن الله

تروحين وترجعين بالسلامة وما أوصّيج ع التقرير الحلو حق منتدانا العزيز

[بوحارب]

اقضيها بسفر لبلد قريب بس يكون فيه اماكن ترفيهية لاولادي يعني تناسب 10، 13 ، 16



مرحبا خالتي ضوى

الصراحة كان ودي افيدج

بس ولدج بوحارب مييييييييييح في السياحة

وماعرف الا الحسى بس :(<<< من صجي والله

على العموم عندي سؤال

بو 16 سنه مذكر ولا مؤنث؟

لغرض ما في نفس بوحارب :shy:

والله يوفقكم ويسعدكم وين ما رحتوا

[بومحمد911]

مرحبااااا حجية ضوي

اتروحون وترجعون بالسلامة

[سداوي&مدريدي]

توكلو على الله وروحو ماليزيا :nice:

اتروحون وترجعون بالسلامه ان شاء الله

[شاهين]

توكلي على الله وروحي ماليزيا
أختي ضوى
راح تشوفين العجب من مجمعات والعاب
صدقيني بتحسين انج مب في اسيا

[سداوي&مدريدي]

توكلي على الله وروحي ماليزيا
أختي ضوى
راح تشوفين العجب من مجمعات والعاب
صدقيني بتحسين انج مب في اسيا

صباح الخير الأخت سافرت هههههههههههههههههههههههههههههههههههههههههه

:eek5:

[شاهين]

مرحبا خالتي ضوى

الصراحة كان ودي افيدج

بس ولدج بوحارب مييييييييييح في السياحة

وماعرف الا الحسى بس :(<<< من صجي والله

على العموم عندي سؤال

بو 16 سنه مذكر ولا مؤنث؟

لغرض ما في نفس بوحارب :shy:

والله يوفقكم ويسعدكم وين ما رحتوا


ههههههههههههههههههههههههههههههههههههههههههههههه

ياخي خاطري أضربك بصيخ الماترولا

[سداوي&مدريدي]

ههههههههههههههههههههههههههههههههههههههههههههههه

ياخي خاطري أضربك بصيخ الماترولا

:eek3: :eek3:

[شاهين]

صباح الخير الأخت سافرت هههههههههههههههههههههههههههههههههههههههههه

:eek5:


ههههههههههههههههههههههههههه

الله يحفظ أبله ضوى :(

أن شاءالله تيب لي صوغه

[شاهين]

:eek3: :eek3:



شفيك سدااوي :omg:
لايكون خبط كروزر بوحااارب :(
ماينلام الموتر ماشي مليون
مارحمه الدب حارقه حراق

[ضوى]

صباح الخير خواتي واخواني :)

يعني الاغلبية مع دبي :shy: ، انا مو ذاك الزود ويا دبي بس هي خياري الوحيد في هالفترة البسيطة وان شاء الله نتوكل على الله ونضبط امورنا وحجوزاتنا :)

بالنسبة للأخوة اللي قالوا لنا العمرة وجدة ، العمرة حلوة ماعليها كلام بس ولدي الصغير بيزهقني بيكقفر سيئاتي في الحرم :( وانا مابي احن هناك ابي استرخي لذلك العمرة ابيها لي انا وزوجي بس مابي يهال وطبعا بالفترة الحالية مافي مجال .

بالنسبة لجدة كرهت حياتي لما رحتها صج بشعة ماحبيتها ابدا ولا استمتعت بها .

السعودية عموما مش في خياراتنا :) في الوقت الحالي .

للاخوان اللي قالوا لي ماليزيا مانقدر ننحكر بالطايرة سبع ساعات واخرتها 10 ايام صعبة ابي سفرة قريبة يكون ماحتاج اجازة من الاجازة :) .

سفرتي ان شاء الله راح تكون بشهر 7 بدايته نهايته للحين ماضبطنا وقتنا بس ان شاء خلال شهر 5 نضبط حجوزاتنا وكل شئ

بوحارب بو 16 سنة هذا ولدي الكبير الله يحفظه :)


شاهين وسداوي انا موجودة ماسافرت ان شاء الله السفرة بالصيف

شاكرة للجميع مشاركتهم واقتراحاتهم اللي فعلا استفدت منها :) واتمنى المزيد من الاراء والاقنراحات :)

[Qatar4all]

اممم :...



خليها دبي + مسقط :...

أو غيري الوجة وروحي شمال إيران :...

ولج الخيار :..

[ضوى]

اممم :...



خليها دبي + مسقط :...

أو غيري الوجة وروحي شمال إيران :...

ولج الخيار :..


دبي حلوة لليهال ، مسقط مافيها شئ مميز رحناها :)

شمال ايران تجنن ورحناها صج جنة الله في الارض بس للاسف مافيها شئ يغري اليهال

شكرا لك اخوي

[nasser 519]

هلا اختي ضوى

دبي حلوه وفيها اماكن وايد حلوه حق الصغار و الكبار بس الله يعينج من الزحمه

وتروحين وتردين بسلامه

[مليونيره]

دبي ولبنان

[بوحارب]

ههههههههههههههههههههههههههههههههههههههههههههههه

ياخي خاطري أضربك بصيخ الماترولا

ياخي ليش انت ما تحبني :weeping:

ههههههههههههههههههههههههههههههههههههههه



شفيك سدااوي :omg:
لايكون خبط كروزر بوحااارب :(
ماينلام الموتر ماشي مليون
مارحمه الدب حارقه حراق

لا تفاول علي يالمجرم :(

ضوى الله يوفقكم ويحفظ لج الولد واخوانه وابوهـ

[قطريه ماركه]

ماليزيا حلووووووه .. و 10 أيام تكفيها ..

[ضوى]

اختي قطرية

ماليزيا مالي خلق لها ، سفرة طويلة المسافة وقصيرة المدة

ان شاء الله عزمنا على دبي

مشكووووووورة الغلا

[ROSE]

بتنورررررررررررينا وربي

شوفي اذا بتمون في دبي نفسها وماتبون تروحون المناطق الخارجية

انصحج بالمولات

الامارات مول

دبي مول

ابن بطوطه

القرية العالمية (( الالعاب مازالت مفتوحه ومفتوح فيه معرض الربيع ))

وسوق التنين

الوافي

عندج للاطفال

القرية العالمية

وايلد وادي او دريم لاند الدريم لاند مصغر للوايلد وادي

امارات مول صالة التزلج على الجليد

للغدى والعشى

فيه منطقه جديده اسمها GBR جميرا بيتج ريزيدنس

منطقه كلها مطاعم وتطل على البحر روعه المكان

وعندج المرينا اللي في دبي المكان على البحر وحوالينه مطاعم

و جراند حياة ، وريجنسي

واذا حابه تروحين شوي للمناطق الخارجية

مري على الفجيره لاتفوتج روعه المناظر

ومري على العين

حديقة حيوان العين روعه

المبزره للمناظر الطبيعية


وانا هني بكون اصلا وبتم على تواصل معاج يالغالية في اي شي تحتاجينه

[القطرية55]

مادري أنا مانصحج بدبي بداية الصيف موووت حر
وعن ماليزيا بالعكس 10 ايام اوكي مس شوي انا رحت عشر أيام باضبط وحسيت ان اوكي
لا تروحين سوريا لووووووووووعة روحي لبنان جوها حلو علأقل

[ضوى]

بتنورررررررررررينا وربي

شوفي اذا بتمون في دبي نفسها وماتبون تروحون المناطق الخارجية

انصحج بالمولات

الامارات مول

دبي مول

ابن بطوطه

القرية العالمية (( الالعاب مازالت مفتوحه ومفتوح فيه معرض الربيع ))

وسوق التنين

الوافي

عندج للاطفال

القرية العالمية

وايلد وادي او دريم لاند الدريم لاند مصغر للوايلد وادي

امارات مول صالة التزلج على الجليد

للغدى والعشى

فيه منطقه جديده اسمها GBR جميرا بيتج ريزيدنس

منطقه كلها مطاعم وتطل على البحر روعه المكان

وعندج المرينا اللي في دبي المكان على البحر وحوالينه مطاعم

و جراند حياة ، وريجنسي

واذا حابه تروحين شوي للمناطق الخارجية

مري على الفجيره لاتفوتج روعه المناظر

ومري على العين

حديقة حيوان العين روعه

المبزره للمناظر الطبيعية


وانا هني بكون اصلا وبتم على تواصل معاج يالغالية في اي شي تحتاجينه



الله جدول حلووووووووووووووووو

ان شاء الله ربي يكتبها لنا

بامللج :shy: من كثر اسئلتي

مشكورة الغلا

[ضوى]

مادري أنا مانصحج بدبي بداية الصيف موووت حر
وعن ماليزيا بالعكس 10 ايام اوكي مس شوي انا رحت عشر أيام باضبط وحسيت ان اوكي
لا تروحين سوريا لووووووووووعة روحي لبنان جوها حلو علأقل


ماليزيا نووووووووووووووو:)

دبي يس لو حارة بس مافيها شقلة زي بلدان بعيدة :)

شكرا لج حبيبتي

[اّل ثاني 77]

دبي اختي ضوى وإن شاء الله بتستانسون
وترى دبي مافيها زحمة مثل قبل خفت الزحمة بشكل كبير توني جاي من كم يوم مافيها ذيك الزحمة
إن شاء الله تستانسون وتردون بالسلامة

[عبدالله الحميدي]

مممم ليش ماتروحين ابها؟
تاخذوون لكم فيلا هناك بتقريبا 2000 ريال في اليوم؟
جو حلو وفيه مهرجان الصيف على ما اعتقد حق العيال في فترة الصيف .. انت وابو العيال واليهال بالسياره والسلام عليكم عليكم السلام.. لا تذاكر ولا خرابيط؟
انا بصراحة مارحت بس عندي واحد من الربع يمدحها وايقوول هي عائليه جدا جدا .. والله اعلم وافضل انك تسالين اكثر لان الناس اذواق.

وذا بتروحين دبي بعد فكره حلوه بس الجو .. وعن الزحمة ماعندك اي مشاكل اخوي كان هناك الاسبوع اللي طاف وقالي ان الزحمة شبه معدومه ايروح من دبي لين الشارقة 20 دقيقه .. وهذي قبل تاخذ اكثر من ساعه ونص من الزحمة.. والله يسعدك انشالله دنيا واخره.

[i.qatar]

طبعا دبي حلوه

لكن اذا العيال راحو دبي وشايفينها

وودكم تغيرون .. جربو تركيا

قريبه
حلوووه
وجوها حلو
وتناسب كل الاعمار