+++شــــرايــــكــم فـــــي Bmw من ناحية الصيانة+++

[صقر بلادي]

السلام عليكم

اخواني الاعضاء بغت اخذ رايكم في خدمة البي ام من ناحية الصيانة وقطع الغيار وكيف اسعارهم

لني ابي اخذ لي بي ام موديل 2007 630i وضمانه مخلص

ولكم جزيل الشكر

[رويس]

اذا الموتر ماشي وايد بتطلع فيه أعطال وااايد والوكاله بيمصون دمك 0000 يبون يبدلون كل شي لكن اذا ممشى بسيط والموتر نظيف بتكون الصيانه بسيطه وبالتوفيق اخوي 0

[الخطاب القطري]

اخوي جدد الضمان والسيرفيس كونتراكت اذا كان ممشى الموتر اقل من 100 الف لان المبلغ بيكون بسيط مقارنة بالصيانة .

[الوهاااااج]

والله اخوي خدمتهم ممتازه جدا احسن من وكالة المرسيدس بكثير بدون مقارنه

[Khaled Qatar]

والله صيانتهم وخدمتهم ماعليها كلام

واذا بتجدد الظمان ما راح يكون فوق ال 10 الاف

انت اتصل الوكاله وعطهم رقم الموتر لو عندك او الشاصي وهم بيخبرونك بكم يتجدد الظمان

وموفق ان شاء الله

[lawyer]

خدمتهم ممتازه

انا معاهم من 2002 بين Bmw والرنج

بس لازم الشيخ اتعرفلهم يعني حتى لو موترك علي ضمان مهب اي شي يقوللك عنه تبدله

والله يوفقك

[وحيد-الشوق]

تبي نصيحتي

ابعد عن هالمواتر دام ضمانها مخلص :)

الله يوفقك ويكتب لك الي فيه الخير

[سهم حلو]

انا عندي نفس الموتر اللي تبي تشتريه حجم 645 موديل 2005 الصراحه ما شوف للموتر اي مشاكل ولله الحمد مع العلم اني خذته بدون ضمان ادفع صيانه كل 20 او 25 الف كيلو مبلغ يتراوح ما بين 3 الى 5 آلاف

[الـخـور]

صراحة ال bmw صيناتها غاليه وايد

حاسب من هالموتر .. اذا عادي عندك تتوقع فاتوره بين 5000 - 10000
فاقولك خذ البيم ام وتوكل على الله

بس بشكل عام صيناة البي ام غاليه وايد .. ومتعبه
يفضل انها تكون تحت الضمان

او انك تدفع حول 10 الاف سنويا عشان الضمان

[همر]

وش رايك في هالمزيون اللي في صورتي الرمزيه ؟!! :nice:

تراني بياع 2005 وماشي 40 الف بس وضمان وخدمه لين شهر 8 - 2010


خدمتهم جدا ممتازه والوكاله ما عليها كلام


بس السيرفس غالي... يعني سفايف ودرامويلات كل 15 - 25 الف كيلو على حسب استعمالك في حدود 5000 ريال


واللي يقول الضمان رخيص انا جددته من سنه حق سنتين ضمان وخدمه لين 100 الف كيلو ونقيت 25,000 ريال :eek5:


بس انت اكيد تتكلم عن الخدمه اللي منتهيه مب الضمان !! ما اعتقد 2007 ضمانه منتهي

ترى في فرق بين (الخدمه و الصيانه) و ( الضمان )...

[ولدالمنتدي]

الصراااحه الخدمه مالها حل وعلى اكفوف الرااحه يشلونك