(((( اشلون يتمشى ومحد يقوله شي )))) [الأرشيف] - منتديات شبكة الأسهم القطرية

مشاهدة النسخة كاملة : (((( اشلون يتمشى ومحد يقوله شي ))))

الجوكر90

18-04-2009, 01:36 PM

السلام عليكم ورحمه الله وبركاته
شحالكم يالربع
ان شاء الله بخير

المهم

قبل كم يوم كنت فارض المعارض عشان معرض قطر المهني بس وانا داخل المعرض شفت موتر بس اللون كان غير يعني انا الي اعرفه ان اللون ممنوع بس اشلون هالموتر يتمشى فالشارع
والمشكله فمكان عام وهناك في شرطه يخالفون الي واقفين غلط بس هاي محد قرب صوبه ليش لانه يمكن يكون ولد فلان وعنده واسطه ويقدر يسوي اي شي واحنا لا

المهم الي يعرف شالسالفه خل يقولنا وهاي صوره للموتر عشان تتاكدون

http://up.arab-x.com/pic/Neg50485.jpg (http://up.arab-x.com/)

http://up.arab-x.com/pic/xYD50485.jpg (http://up.arab-x.com/)

ولد سالم

18-04-2009, 01:39 PM

اخوي الصور ما تظهر

QatarProv

18-04-2009, 01:51 PM

الصورة ماطلعت اخوي

بــو فهــد

18-04-2009, 01:58 PM

الصور مب طالعه اخوي

بس اتوقع قصدك الفراري المطفي ؟

HEART_LION

18-04-2009, 02:03 PM

الصور مب ظاهره

القطري554

18-04-2009, 02:05 PM

يرجال خذ الأمور بروح رياضية .. زمنا زمن حرف ( و ) انا أعرف واحد موترة مخفي 100 فالمية كامل بدون

تصريح يخالفونة المرور كل يوم ويضحك ويقول ميهمني ولا يسافر الأمرات شلون يطلع من الحدود مادري

يوم أقولة شلون يقول ما عليك حبر على ورق .. المخلافات يالغالى للفقير وبس

Qtr Denver

18-04-2009, 02:08 PM

عليكم السلام والرحمة

مرحبا يالغالي

ياليت ترفع الصور مره ثانية لأنها ماهيب ظاهره

ويعطيك العافية

فمان الله

حمد الكعبي

18-04-2009, 02:09 PM

الصورة ماطلعت اخوي

فارس قطر333

18-04-2009, 02:27 PM

الصور ما تطلع

دولة قطر

18-04-2009, 02:31 PM

يا جماعه الصوره ظاهره عندي

فراري لونها اسود مطفي

ga76ani

18-04-2009, 02:32 PM

زمن الواسطات ياخوي

دولة قطر

18-04-2009, 02:33 PM

http://http://up.arab-x.com/pic/xYD50485.jpg

بن درويش

18-04-2009, 02:58 PM

اخوى عادى يمكن عنده تصريح من زمان لانه الى طلع تصريح من زمان عادى محد يوقفه

Qtr Denver

18-04-2009, 04:10 PM

الصور ظهرت لي يالغالي .. والموتر موديل 2009 يعني لحد يقول تصريح من زمان وتاريخ تسجيل السيارة 9/2008 يعني قبل 7 شهور ..

HEART_LION

18-04-2009, 04:17 PM

اخوي غير موقع التحميل لان الصور مش ظاهره

الغزال العارضية

18-04-2009, 04:37 PM

الصور مب طالعه

fahad ..gh

18-04-2009, 05:21 PM

يوبا انتوا حطوا الصوره عشان الواحد يعرف اش الساااااااااااااااااالفه..

و انا بعدين بقولكم شسالفه..

الصراحه شوقتونا انشوف الصوره.. الله يستر من هالصوره..

الرايــق

18-04-2009, 05:27 PM

ازيدك من الشعر بيت
امس بسوق واقف موتر ذهبي مادري مصبوغ او هو جذي (اللي هو ممنوع عندنا) عليها لوحة بوظبي وصاف بالممنوع بعد

وحيد-الشوق

18-04-2009, 05:37 PM

هي جات عالفيراري :anger1:

عندك الجيب srt 8

لونه اسود مطفي وشفته صوب الكورنيش من حول الشهر اذا ماخاب ظني ومر مرور الكرام صوب الدورية قدام عيني :rolleyes2:

http://farm4.static.flickr.com/3131/3130385321_44ceae3f7f.jpg?v=1230464415

http://farm4.static.flickr.com/3184/2690221760_9f13141107.jpg?v=1222001361

http://farm4.static.flickr.com/3493/3254274086_2ce096d310.jpg?v=0

للأسف مرورنا كله مزاجيه وتحيز

الله يكون بالعون مايقدرون الا عالفقير المسكين

ezgert

18-04-2009, 07:05 PM

ليش ممنوع ؟
شالمشكله مع هذا اللون
عادي , عباره الموتر مغبر

بابا الضحية

18-04-2009, 07:08 PM

الصورة ماطلعت اخوي

الجوكر90

18-04-2009, 08:22 PM

http://up.stop55.com/upfiles/uQi75313.jpg (http://up.stop55.com/)

http://up.arabseyes.com/upfiles/Qx975081.jpg (http://up.arabseyes.com/)
تحميل صور (http://up.arabseyes.com/)

الجوكر90

18-04-2009, 08:24 PM

بعيد النظر

18-04-2009, 08:28 PM

هي جات ع المطفي بس ؟

اشوف الشرطي يخاالف موتري ..
والموتر الي وراي خشن ورقمه ثلاثي ..
ومر عليييه وجنه ما يشووف ..

قهرني والله !

Qtr Denver

18-04-2009, 09:09 PM

وفيه بعد في ام صلال محمد فيتارا سوده تمر قدام اللخويا ولا كأنه صاير شي :)

وحيد-الشوق

18-04-2009, 09:51 PM

اخوي هاي موتر واحد من الربع ومره خالفوه واحجزوا الموتر بس هو مب مهتم يعني عادي عنده لانه موتره الثاني اتوقع

:rolleyes2:

اذا موتر واحد من ربعك

ليش تكلمت عن الفيراري بس ليش ماجبت طاري الجيب هم كلهم في الهوا سوا :rolleyes2:

وادري ان الموتر انحجز وطلع بس هاي من فتره وقبل مااشوفه في الكورنيش الصبح والعصر في نفس اليوم :tease:

الدوحي7

18-04-2009, 11:44 PM

:rolleyes2:

اذا موتر واحد من ربعك

ليش تكلمت عن الفيراري بس ليش ماجبت طاري الجيب هم كلهم في الهوا سوا :rolleyes2:

وادري ان الموتر انحجز وطلع بس هاي من فتره وقبل مااشوفه في الكورنيش الصبح والعصر في نفس اليوم :tease:

صادوووه تعجبني صيدتك، وياناس خلونا من الحسد موتر فلان وفلان ترا احنا بنفسنا سببنا هذه المشاكل بمنع هذا اللون والمخفي وكل شي ، يعني احنا السبب مته كل الامور بتمشي،،

دولة قطر

19-04-2009, 12:54 AM

صادوووه تعجبني صيدتك، وياناس خلونا من الحسد موتر فلان وفلان ترا احنا بنفسنا سببنا هذه المشاكل بمنع هذا اللون والمخفي وكل شي ، يعني احنا السبب مته كل الامور بتمشي،،

:victory: :victory: :nice: :nice:

&بويوسف&

19-04-2009, 01:44 AM

الله يهنيه ويونسه في موتره بواسطه ولا بدون :nice:

سمو انسان

19-04-2009, 01:58 AM

السلام عليكم ورحمه الله وبركاته
.
.
.
.
المهم الي يعرف شالسالفه خل يقولنا وهاي صوره للموتر عشان تتاكدون

انا رحت المعرض المهني بسيارة الوالد وسيارته مسكته صفيت قريب البوابه وصف وراي صديقي بموتره

فطلعتنا حصلنا موتر صديقي مخالف وموتري ما عليه شي

السالفه وما فيها هي انه المساحه مقابله البوابه هي حق ال في اي بي وطبعن الشرطي يخالف بطريقته الخاصه يعني موتر كشخه في اي بي وخر عنه اما الكروزر موتر مواطن فلازم يتخالف.

البيت بيتك

19-04-2009, 07:00 AM

وووووووووووووووووووووووووووووووووووووووووووووووووو وووووووووووووووووووووووووووووو
هذا المخرب العرب

HEART_LION

19-04-2009, 07:15 AM

وووووووووووووووووووووووووووووووووووووووووووووووووو وووووووووووووووووووووووووووووو
هذا المخرب العرب

هههههههههاي

حلو ردك :victory:

hxamad

19-04-2009, 07:44 AM

الصور مب طالعه

boooooon

19-04-2009, 08:47 AM

انا رحت المعرض المهني بسيارة الوالد وسيارته مسكته صفيت قريب البوابه وصف وراي صديقي بموتره

فطلعتنا حصلنا موتر صديقي مخالف وموتري ما عليه شي

السالفه وما فيها هي انه المساحه مقابله البوابه هي حق ال في اي بي وطبعن الشرطي يخالف بطريقته الخاصه يعني موتر كشخه في اي بي وخر عنه اما الكروزر موتر مواطن فلازم يتخالف.

نفس الي صار ايام معرض المجوهرات :nice:

شعشوع

19-04-2009, 09:11 AM

http://up.stop55.com/upfiles/uQi75313.jpg (http://up.stop55.com/)

http://up.arabseyes.com/upfiles/Qx975081.jpg (http://up.arabseyes.com/)
تحميل صور (http://up.arabseyes.com/)

الموتر موتر ولد عمـي ..
كل السـالفه ومافيها انه من أوائل الناس الي ركبوا المخفي هو وكروزر 2008 ..
واذا ماوقفوا راعي الجيب ، اكيد هو من الي سبقوا ف تركيب الجلاد المطفي قبل لايظهر قرار المنع ..
لاهي بواسطـه ولاهي بـولد فلان وعلان ..
ياحبكم للحجي والسوالف ..

:shy:

بواردي

19-04-2009, 09:36 AM

وليش المطفي ممنوع:omg:

الدوحي7

19-04-2009, 11:11 AM

:victory: :victory: :nice: :nice:

,وانت:nice::nice::nice:

عضو نشيط

19-04-2009, 11:26 AM

اللهم لا حسد ،،،

موتر مطفي موتر كشخه موتر ناس موتر واسطه ،،،

الله يرزقهم ويعطينا مما عطاهم

مستثمر 999

19-04-2009, 11:50 AM

الصورة ماطلعت اخوي

الجوكر90

19-04-2009, 03:41 PM

:rolleyes2:

اذا موتر واحد من ربعك

ليش تكلمت عن الفيراري بس ليش ماجبت طاري الجيب هم كلهم في الهوا سوا :rolleyes2:

وادري ان الموتر انحجز وطلع بس هاي من فتره وقبل مااشوفه في الكورنيش الصبح والعصر في نفس اليوم :tease:

لان هاي مايتمشى دووم فالموتر بس حزات يطلع فيه ولو صادوه راح يحجزونه
مب صاف جدام الشرطه ومحد كلمه ولا احجزوا موتره ولا فكروا يخالفونه
ولو انا بنحاز حق رفيجي جان ماقلت هاي موتر رفيجي كنت بكمل السالفه بس قلت ان الموتر انحجز وتخالف ودفع المخالفه بس ماغير اللون

Mr.KoKo

11-05-2009, 01:31 AM

المشكله صحيح انه الواسطه فوق القانون ...
انا موتري كان مطفي وهذا كان مطفي وانا كنت كله اشوف هذا راعي الفراري وهذا اشوفه من سنه تقريبأ وهو على هـ الون المهم ان السالفه كنا انا وياه في الكرنيش بـ الصدفه وكان فيه ثبوت وانا موتري مافيه مخفي ولا عاكس ولا عازل ولاشي اللهم بس عليه مطفي بس والرجال راعي الفراري كان عليه مطفي وكان فيه ثبوت وقفنا في الثبوت هو طبعأ كان قدامي طبعـآ مشوه في أقل من 3 دقايق والله العـظيم
وبعـدين وقفوني قالو لي الحجز يلا قلت لهم ليش هذا ظلم ماوقفتو هذاك ومادري ايش المهم انه صارت السالفه كبيره وسكت انا وانا مقهور وموتري اضربه الشمس في الحجز وتكسرت الدرايش وفي النهايه طلع هذا راعي الفيراري عنده واسطه عشان كذا مشوه
الله كريم بس

ابن البيطار

11-05-2009, 04:20 AM

اقول خل القرعه ترعه وكل عيش والناس مقاممممممممممممممات ومش جنب الحيط يحتار عدوك فيك وكلنه عارفين هذا ولحد يقص على نفسه وعيشو الواقع اخخخخخخ

الدوحي7

11-05-2009, 04:45 AM

Fahad77

11-05-2009, 10:19 AM

الموتر موتر ولد عمـي ..
كل السـالفه ومافيها انه من أوائل الناس الي ركبوا المخفي هو وكروزر 2008 ..
واذا ماوقفوا راعي الجيب ، اكيد هو من الي سبقوا ف تركيب الجلاد المطفي قبل لايظهر قرار المنع ..
لاهي بواسطـه ولاهي بـولد فلان وعلان ..
ياحبكم للحجي والسوالف ..

:shy:

ايش جاب طاري المخفي الله يرحم والديك

ياشباب يااااااااااااااااشباب لازم تفهمون ان الزمن اللي احنا فيه زمن مظاهر

حتى لو انك فقير بس موترك كشخة ومسكّت ورقمه مميز تمشي ولا حد يلمسك

ولو موترك عادي يخالفونك ويخمسون بك في الشارع

كل شي مظاهر

والعتب مهب على الشرطة اللي في الشوارع العتب على الخرجي اللي مخليهم يسوون

في الناس هالشكل بدون مايحاسبهم

وبعد أقول إن محد خرب علينا كل شي الا الشباب نفسهم

في سنة 2001 أو 2002 أعتقد كانوا سامحين بالمخفي الكامل بنسبة 50% على الجانبين

و30% على الزجاج الأمامي والخلفي

قولولي في ذمتكم من خرّب علينا هالشي؟؟؟؟

الشباب نفسهم اللي راح ركب 100% الموتر كامل واللي رايح يحطلي عاكس كامل عالموتر

واكثرت الحوادث وماتوا ناس وايد بهالسبة وهو اللي خلى الشيخ جاسم بن حمد ولي العهد

ذاك الوقت يلغي قرار السماح بالمخفي اللي هو نفسه سمح فيه , ليش؟ لأنه الشباب استخدموا

هالصلاحية بشكل خاطئ والشيخ جاسم بن حمد ماغلط يوم لغاه لأنه مايبغي الشباب يروحون

في داهية بسبب افعالهم

بس بعد أرجع واقول كل شي بالواسطة يمشي المخفي والجلاد وكل شي

في عيادة الشرطة يوم بغيت المخفي عشان عيوني الدكتور اللي هناك رئيس اللجنة الطبية

اقوله عيوني تعبانة وابغي مخفي يقول حالتك ماتستدعي أقوله كل اللي عندهم تصريح مخفي

كامل حالتهم تستدعي يعني!! يقول لي عندك واسطة؟ قلت له الشرهة مهب عليك الشرهة على

اللي عطوك ثقة وحطوك في هالمكان

انا حالتي صعبة وعيوني منتهية ويقول ماتستدعي الحالة واللي عنده واسطة ياخذه بدون مايكون فيه شي :)

وعلى فكرة ياشباب ترى الجلاد مسموح ماعدا الذهبي اللماعي والفضي الجليت والأسود المطفي

أما الألوان الثانية العادية مسموحة سواء كان لماعي أو مطفي

واسمحولي عالإطالة

شعشوع

11-05-2009, 11:31 AM

ايش جاب طاري المخفي الله يرحم والديك

ياشباب يااااااااااااااااشباب لازم تفهمون ان الزمن اللي احنا فيه زمن مظاهر

حتى لو انك فقير بس موترك كشخة ومسكّت ورقمه مميز تمشي ولا حد يلمسك

ولو موترك عادي يخالفونك ويخمسون بك في الشارع

كل شي مظاهر

والعتب مهب على الشرطة اللي في الشوارع العتب على الخرجي اللي مخليهم يسوون

في الناس هالشكل بدون مايحاسبهم

وبعد أقول إن محد خرب علينا كل شي الا الشباب نفسهم

في سنة 2001 أو 2002 أعتقد كانوا سامحين بالمخفي الكامل بنسبة 50% على الجانبين

و30% على الزجاج الأمامي والخلفي

قولولي في ذمتكم من خرّب علينا هالشي؟؟؟؟

الشباب نفسهم اللي راح ركب 100% الموتر كامل واللي رايح يحطلي عاكس كامل عالموتر

واكثرت الحوادث وماتوا ناس وايد بهالسبة وهو اللي خلى الشيخ جاسم بن حمد ولي العهد

ذاك الوقت يلغي قرار السماح بالمخفي اللي هو نفسه سمح فيه , ليش؟ لأنه الشباب استخدموا

هالصلاحية بشكل خاطئ والشيخ جاسم بن حمد ماغلط يوم لغاه لأنه مايبغي الشباب يروحون

في داهية بسبب افعالهم

بس بعد أرجع واقول كل شي بالواسطة يمشي المخفي والجلاد وكل شي

في عيادة الشرطة يوم بغيت المخفي عشان عيوني الدكتور اللي هناك رئيس اللجنة الطبية

اقوله عيوني تعبانة وابغي مخفي يقول حالتك ماتستدعي أقوله كل اللي عندهم تصريح مخفي

كامل حالتهم تستدعي يعني!! يقول لي عندك واسطة؟ قلت له الشرهة مهب عليك الشرهة على

اللي عطوك ثقة وحطوك في هالمكان

انا حالتي صعبة وعيوني منتهية ويقول ماتستدعي الحالة واللي عنده واسطة ياخذه بدون مايكون فيه شي :)

وعلى فكرة ياشباب ترى الجلاد مسموح ماعدا الذهبي اللماعي والفضي الجليت والأسود المطفي

أما الألوان الثانية العادية مسموحة سواء كان لماعي أو مطفي

واسمحولي عالإطالة

يايبه شفيك خذتني وخذتنا وخذت الشباب بشراع وميداف .. هدي تنفس شوي شوي ..
انا اقصد المطفي وخانني التعبير وكتبت المخفي ..
ول مايسوى علي .. حطيت على الشباب والناس كلها بالواسطه والمظاهر .. يعني الي يركب فراري ولا لمبرغيني معناته يفكر ياناس طالعوني ؟؟
أنا لو ربي وسع علي ورزقني راح اخذ لي لمبرغيني لانه هالموتر احبه واحب اسوقه من صغري .. مب عشان ياناس شوفوني ولا اتكبر على خلق الله
حشى والله وف ذمتي مب عشان هالشي .. لكن حبا في هالسياره ..
لاتصير نفس الي لاتوهق ولا عصب قام يضرب يمين وشمال ويخبط بأي شي حوله وتطاله ايدينه ..
كلن يمشي بالعقل الله يهداك ..

voodoo

11-05-2009, 11:38 AM

ع الاقل كان غطيت رقم الموتر يمكن راعيه مهوب راضي

المياسة78

17-05-2009, 09:49 PM

من راقب الناس مات هماَ

الحـ قطر ــب

17-05-2009, 10:11 PM

من راقب الناس مات هماَ

فديت قلبج والله انتي بس اللي جبتيها اما باقي الشباب ماقصروووووووا قامو يتهاوشون مع بعض على مخفي وعلى لون سياره.
استغفر الله العظيم omen

المياسة78

17-05-2009, 10:38 PM

فديت قلبج والله انتي بس اللي جبتيها اما باقي الشباب ماقصروووووووا قامو يتهاوشون مع بعض على مخفي وعلى لون سياره.
استغفر الله العظيم omen

امممممم:shy::shy:

اي والله الصراحه كيفه عنده واسطه او لا مخفي ولا مطفي كل واحد يسوي الصح وخلاص

واذا جات على المخالفات ترى مارح نخلص

منكم نستفيد

17-05-2009, 11:36 PM

يالربع قبل فترة الرنج اللى عليه جلاد عاكس والحين الفرارى اللى عليها مطفى .... زين وفى الاخير ولا شى اللى يهنى كل واحد بحلاله وواسطاته ... واللى يبى يستوى مسوترة مطفى ياخذ موتر اسود ويخليله 5 سنوات بدون باليس بيستوى مطفى الا شى خفيف (:

بو رقعه

18-05-2009, 02:36 AM

((حسبي الله ونعم الوكيل))
اعتقد انها افضل كلمه مناسبه لهذا الموضوع

بوحارب

18-05-2009, 02:53 AM

وليش المطفي ممنوع:omg:

لأنه مطفي :(<<< جواب غير مقنع كلش :shy:

الدوحي7

18-05-2009, 05:28 AM

لأنه مطفي :(<<< جواب غير مقنع كلش :shy:

لا بوحارب لانه مطفي ولايبين في الشارع ، اذا صبغت موترك بهذا اللون تختفي عن الناس والدوريات هههه:omen2:هههههههه، قول حق من طلع القرار ممنوع ليش ممنوع هههههههه،كان تم منع اللون الاحمر لانه نفس لون لخويا هههههههه

حمد73

18-05-2009, 01:32 PM

بسكم حسد ياهل الدوحه

من له حيله فليحتال

الله يزيد الغني ويرزقنا
قولو امين

شباب ترى الحسد من اسباب منع نزول المطر

مبرمج QA

18-05-2009, 01:45 PM

المخالفات للفقير وبس .

البرنـو

18-05-2009, 02:22 PM

كل واحد منا يتمنى الباور معاه في أي شئ .. وفي أي مكان ..

وهو ألله يرزقنا ويرزقه .. بالعكس شئ حلو لما الواحد يبطر نفسه في
أي شئ ويتميز عن الناس ..

بس كنت أتمنى من راعي الموضـوع انه ما حط رقم السياره ..

ومن الأصل ماله أي حاجه في تنزيل ها الموضووووع ..

واسمحووووولي ..

الخير كله

18-05-2009, 03:22 PM

بسكم حسد ياهل الدوحه

من له حيله فليحتال

الله يزيد الغني ويرزقنا
قولو امين

شباب ترى الحسد من اسباب منع نزول المطر

صدقت:)