+ بناتنا و الدريول ! +

[saddawi4ever]

بسم الله الرحمن الرحيم

بناتنا مع السائقين الى اين ؟!

نفس ماتعرفون اعتمدت وايد من العوايل على السائق الاجنبي (الدريول)

عشان يقضي مشاوير وطلعات الاسرة ولانه رجال البيت مب فاضين او مشغولين او لظروف ثانيه

ولاكن قمنا نلاحظ انه العوايل والبنات وثقوا بالدريول ثقه كاملة وقامو يطلعون بروحهم معاه وبدون مايكون احد معاهم الخدامه او الام مثلا

والبعض يركبون مع السايق بعطرهم وكشختهم ولاجنه الدريول رجال ولو كان اجنبي

الصراحه قريت قصة في الجريدة من فترة طويلة وايد اثرت فيني لدرجه اني قصيتها واحتفظت فيها وحبيت انشرها عالنت للعبرة ولاكني كنت متردد لانه فعلا القصة مؤلمة ومحزنه ومبكية وبعد ماتقرون القصة من يد صاحبتها بكمل الموضوع

http://www.qatarp.com/files/129/fdsgffdg.JPG

:(

بنت مسلمة حرة بنت ناس تكون فريسة سهلة للسائق

:(

وين الاهل وين رجال البيت وين الخوات وين الام

ولا قصة ثانية قريتها في جريدة الراية الزوج كتبها

ويشتكي ويسال ايش اسوي يقول زوجتي كل ماتطلع مع السايق

تتزين ولاحظت انه علاقتها بالسايق قويه دوم تكلمه ويوم تكلمه دوم

تضحك معاه وتكلمه بالجوال ودوم تطلع معاه وتتاخر ومستانسه عليه

وين الرجولة ياخي كاتب للجريدة تقولهم ابي احل ؟!

ماقول الا الله يستر على بناتنا واتمنى الموضوع ينبه الكثير من العوايل

الغافلة ويكون حريصين اكثر على بناتهم ومايتركون بناتهم مع السائقين

وينتبهون قبل الا يطيح الفاس بالراس

والله من وراء القصد

[عنزي قطر]

وين الرجولة ياخي كاتب للجريدة تقولهم ابي احل

مافي رجوله اخوي اصلا هذا حرام يكون زوج الله يرفع عنا ولا يبلانا بس

مره دخلت شركة جلب ايدي عامله دخلت وحده تقول لصاحب الشركة ابي دريول يشبه الفنان الهندي الفلاني :anger1: استغربت صراحه

ياخوي جزاك الله خير الدنيا وانا اخوك تغيرت شكرا لك على الغيره وجزاك الله خير


انا شخصيا دريول البيت :nice:

[maha0]

لاحول ولاقوة الا بالله

... من وجهة نظري

البنات لين مايوصلون مرحلة الجامعه مفروض مع امها /خالتها / اذا كلش كلش خدامه

,, بعدها تسوق بروحها استرلها من ناحية عطر وامان

لان ان جيت للصدق محد بيكون متفرغ للبنت ( اقصد اخوانها او ابوها او زوجها) الاغلبيييه ( محد متفرغ لهله )



يعطيك العافية على الطرح الي يعور القلب بارك الله فيك اخوي

[بنت^البحرين1]

يا كرهي وقهري لهالمواضيع والله

المشكلة العالم تكتب وتكتب وتكتب ولاحياة لمن تنادي ، ، ، جم مره ينبهون انتبهوووووووووووا يا ام ويا ابو ويا اخو ويا زوج شوفاتكم هالله هالله فيهم وابدا كل واحد يقول لا اهلي بعيد عن هالسوالف ، انزين اذا انا وانت وهو وهي بعيدين عيل من اللي قاعدين نسمع عنهم كل يوم والثاني؟؟؟

والله حراااااااام حرقة قلب بنات يضيع مستقبلهم على دريولية البيت ، خلوها تسوق والله ارحم من هالحال

ربي يستر علي وعلى جميع المسلمات والمسلمين يارب العالمين

[البحار00]

لا شافو القطري قالو وييييييييييييييييييييييييييييييييييييييييه ريال وتغشو:shy:

ومع الدريول ماخذين راحتهم

ليكون الدريول مب ريال واحنا ماندري:rolleyes2:

[محسن العجي]

الله يستر على بناتنا ويستر على بنات المسلمين

يأخي مره كنت مأخذ اهلي لسوق الجبر

وحزتها اذا اهلي بيدخلون محل ادخل وراهم على طول

هالمره دخلت انا المحل قدامهم

شوي شفت بنتين في محل نعل الله يعزكم والهندي هو يلبسها اقسم بالله العلي العظيم اني انصدمت

والثانيه شافتني وتقول رجال رجال تغطي

انا من الصدمه على طول افتريت وقلت حق اهلي مب شىء هالمحل نروح محل ثاني

سبحان الله

الله يستر علينا بس

[Qa6ar]

لاحول الله

عسى الله يستر على المسلمين

اللي بقوله اللي يخلي الدريول يروح مع اخته او زوجته بروحها.... مع احترامي له

مهما كانت الظروف ومهما كانت الاسباب ماله حق

[الاستثمار]

اصلا الي يخلي دريول يوصل مرته او خواته واااحد ما يستحي ولا يخاف ربه ولا عنده غيره على هله

[ولد النواخذه]

الخطأ من الرجال والله يعين مشكلة بتنحل بس مع السنين مب بين يوم وليلة

[مروض الفكرة]

كلام صحيح


لكن السؤال شتسوي المرأه الي تطلب من زوجها يوصلها اي مشوار ويقولها عندج الدريول



فعلا شتسوي هالمرأة المسكينة ؟

[بنت ذياب]

مت من القهر يوم قريت القصة

اولا البنت الغلط راكبها من راسها

اول شي يوم اطلعت مع واحد !! وانزلت من سيارته

وصورها الهندي !!

اوكى يوم بدى يبتزها .. شلوووووووووووون رضت ؟؟؟؟:eek5:

في مليون حل


الصراحه تموت طاهرة عفيفة ولا تسوي هالشي !!

وبعدين خل يفضحها عند اهلها اهوون من انها تعالج الخطا بالخطا وتدري زين ان بيبتزها الف مرة !! وهاي مب حل

يعني تروح لامها تصارحها بكل شي ,,

والام تسفر الدريول بطريقتها الخااااصة !!!! ولا توصي اي حد ياخذ جواله بالخش

ياخي في اكثر من حــــــل :anger1::anger1:

مشكور اخوي عالقصه الحزينة :weeping:

[شارع الأصمخ]

اعتقد ان مهب بس البنات مع الدريول غلط
حتى الاولاد الصغار تراه غلط لازم الام والا الاب يكونون مهاهم

[hamoor4ever]

صراحه القصه غريبه ، والله اعلم بس الغلط من البنت من البدايه والسايق ماله خص ولو مالقى تجاوب منها ونهرته من البدايه ماكان استمر على هالشي بس اكيد لقى ان البنت ماتقول له شي وراحت معاه بالساهل واخر شي تحط الغلط عليه !

[نشميّه]

أشكرك أخوي انك حطيت الموضوع للعضه والعبره !

بس أنت كاتب عن راعية القصه بنت مسلمه حره تكون فريسه سهله للسايق ؟

أول شي هالبنت لو ماعرفت الشاب وطلعت وياه وجايبه فلم في مشاهد خليعه

ومادري ايش ؟ يعني السالفه بكبرها غلط الدريول لو ماشاف ان البنت " كجره"

ماكان يقدر يسوي شي واحد .. ولا يجي دريول يتجرا على بنت ليش ماعندها اخو ولا ابو يسنعه لها؟

أفضل ان الاخ او الاب يودي هله .. لكن احنا هالأيام اعتمادنا ع السواقيين ..

ومع خدامه .. والحمدلله صبيانا عندنا من سنين ماخبر حد غلط علينا ولا قل أدبه ..

الله لايحوجنا لهم اذا بيضرونا .. :)

[نجم سهيل]

السلام عليكم

صدق .. وش فيها السواقة ؟ علموا الفلبينية وخلاص

[بوحارب]

الله يستر على بنات المسلمين

الحمدلله ما عندنا دريول في البيت ولا نفكر فيه بعد !!

تسلم على الموضوع

[بنت ابوها 19]

قد مانقول وننصح ونحذر
كنا ناذن بخرابه ,,

خلهم يستاهلون والله
مافي لأتعاض ولا ماهو يحزنون

[جاسم القطري]

قصه تعور القلب واتمنى الكل يعتبر منها




يعني واحد غريب ما تعرفه توثق فيه وتأمنه على بيتك وعرضك

انا عن نفسي مع الحريم انهم يسووقون بس بضوبط معينه

والبنات ما يتسترون الا قدام القطري واذا اجنبي عاااااااااااااااادي

ليش مب ريال ولا حلال عليه وحرام علينا

[امل الحب]

لاحول الله

عسى الله يستر على المسلمين

اللي بقوله اللي يخلي الدريول يروح مع اخته او زوجته بروحها.... مع احترامي له

مهما كانت الظروف ومهما كانت الاسباب ماله حق


اصلا الي يخلي دريول يوصل مرته او خواته واااحد ما يستحي ولا يخاف ربه ولا عنده غيره على هله

ردودكم مشاء الله ..

هل انتم جاهزين لتوصيل زوجاتكم الصبح للدوامات الي كلها تكون بنفس الوقت والزحمة ويمكن دوامك مكان ودوامها مكان ثاني .. وتوصل العيال المدارس وتستاذن يوميا عشان تطلع تروح تاخذهم من مدارسهم وترجع مرة ثانية دوامك..!

او انك متفرغ تجيب اخت وتوديها الجامعة حسب محاضراتها ..

مافيها يستحي مايستحي .. والا ...

ريال الظروف حدته على هالشي .. ولكن مايمنع ان يتابعه ويحاسبه والبنت لازم تتعلم شلون توقفه عند حده لو تجاوز ..

[Qa6ar]

ردودكم مشاء الله ..

هل انتم جاهزين لتوصيل زوجاتكم الصبح للدوامات الي كلها تكون بنفس الوقت والزحمة ويمكن دوامك مكان ودوامها مكان ثاني .. وتوصل العيال المدارس وتستاذن يوميا عشان تطلع تروح تاخذهم من مدارسهم وترجع مرة ثانية دوامك..!

او انك متفرغ تجيب اخت وتوديها الجامعة حسب محاضراتها ..

مافيها يستحي مايستحي .. والا ...

ريال الظروف حدته على هالشي .. ولكن مايمنع ان يتابعه ويحاسبه والبنت لازم تتعلم شلون توقفه عند حده لو تجاوز ..




‏حدثنا ‏ ‏أحمد بن منيع ‏ ‏حدثنا ‏ ‏النضر بن إسمعيل أبو المغيرة ‏ ‏عن ‏ ‏محمد بن سوقة ‏ ‏عن ‏ ‏عبد الله بن دينار ‏ ‏عن ‏ ‏ابن عمر ‏ ‏قال ‏
‏خطبنا ‏ ‏عمر ‏ ‏بالجابية ‏ ‏فقال يا أيها الناس إني قمت فيكم كمقام رسول الله ‏ ‏صلى الله عليه وسلم ‏ ‏فينا فقال ‏ ‏أوصيكم بأصحابي ثم الذين يلونهم ثم الذين يلونهم ثم ‏ ‏يفشو الكذب حتى يحلف الرجل ولا يستحلف ويشهد الشاهد ولا يستشهد ألا لا يخلون رجل بامرأة إلا كان ثالثهما الشيطان عليكم بالجماعة وإياكم والفرقة فإن الشيطان مع الواحد وهو من ‏ ‏الاثنين أبعد من أراد ‏ ‏بحبوحة ‏ ‏الجنة فليلزم الجماعة من سرته حسنته وساءته سيئته فذلكم المؤمن ‏
‏قال ‏ ‏أبو عيسى ‏ ‏هذا ‏ ‏حديث حسن صحيح غريب ‏ ‏من هذا الوجه ‏ ‏وقد رواه ‏ ‏ابن المبارك ‏ ‏عن ‏ ‏محمد بن سوقة ‏ ‏وقد روي هذا الحديث من غير وجه عن ‏ ‏عمر ‏ ‏عن النبي ‏ ‏صلى الله عليه وسلم

جزاج الله خير امل الحب

[A.L.I]

لاحول ولاقوة الا بالله

[::.Silent.::]

لا شافو القطري قالو وييييييييييييييييييييييييييييييييييييييييه ريال وتغشو:shy:

ومع الدريول ماخذين راحتهم

ليكون الدريول مب ريال واحنا ماندري:rolleyes2:



برافو عليـــك:victory:

[Only Me]

الله يستر علينا
وكلكم راع ومسؤول عن رعيته

[sy]

انا مايبط جبدي الا الي يخلون بناتهم مع الدريول من والى المدرسة بروحهم !ولا الدريول الي ماسك البنت من يدها يوصلها المدرسة لانها قريبة من البيت وين الأم والا الخدامه الصراحة انقهرت من شفته ماسك يد الصغيرة ويوصلها بس شنقول مانقدر انسوي شئ اذا أهلها راضين ودي أخذ ابوها وأهزه عشان يصحى من ارقادة بس أقول النخوه والرجولة هي الأيام راحة وطي

[خوي الشوق]

الرجال واحد كان دريول وله صديق والي بتغلط مع صديقها عاديوطبيعي اذا اغلطت مع السايق والغلط غلط

[Arab!an]

الكلام في السايق اصبح من التخلف.. وكأنك اتقول لأهل الكويت ألغوا مجلس الامه ..

طبعا أقصد بعض الناس اللي اذا تكلمت في الاختلاط .. او الدريول .. او شغل المره .. أو أو
اعتبروك واحد متخلف ورجعي

المره وين بتروح ؟


مشاويرها محدوده .. الجامعه المدرسة الشغل .. اشياء ضرورية

غيرها اشياء ممكن تتأجل لين الرجال يفضى


تأجيل ايصال الرجل لزوجته او محارمه الى مكان ما (غير ضروري) .. مش مصيبة او كارثة تستوجب الولوله !!

عااااادي جدا ..


اما المشاوير الضرورية مثل (الشغل او الجامعه) فشي طبيعي بيكون موعد مبرمج والزوج عنده خبر مسبق ومبرمج نفسه على هالشئ ..

اما الشغلات الطارئة .. فالرجل من عنده أهم من مرته عشان ينشغل عنها ؟؟!


دوامه ؟ يستأذن ..


حتى لو كان مسافر مثلا .. يقدر يوصي محارمها .. مثل اخو مرته او ولده او اخوه او او او ..


مب معقول ياخي هالتراخي .. يعني عشان قاعد في الشيشه يرد عليها ويقولها "عندج الدريول ليش تتصلين ؟!!"



ثم ان النار من مستصغر الشرر .. ومن ترك مرته تروح اليوم مع الدريول ومعها أمها او ولدها .. بتروح يوم من الايام مع الدريول بروحها !




ولو تضارت المواعيد .. مثلا عنده اجتماع مهم وضروري في موعد محاضراتها .. يقدر يشوف حد من أهله او أهلها .. وان لم يجد يخليها تروح مع بنت ال فلان .. المعروفه الثقه


وهذي المثال ليس قاعده عشان اتجيب دريول حق (اللحظات الطارئه في المواعيد المتضاربه) فقط !




انا أعلم ان الكثير من الناس عندهم دريولية .. ولا يصح ان نقول عنهم متراخين او نتهمهم بشئ من هذا القبيل


ولكن نريد ان يعطوا الناس هذا الامر حقه .. ولا يعدونه من الامور العاديه

[شيخة الجزيرة]

القصة تعور القلب صحيح

لكن البنت ملامة... تتواعد مع رجل وتلاقيه في المجمعات.. زين والدريول مب رجل؟؟!!!!

والي اقترح الخدامة تسوق.. هل الخدامة بتمنع البنت من الغلط؟؟؟ نفس البنت إلي في القصة؟

محد يخاف على البنت ويردعها عن الغلط غير والديها وأهلها.

السائق والخدامة جايين للحاجة.. يجمعون مبلغ معين ويرجعون بلادهم ومايهمهم عيال الناس.

[الزاجل]

اللهم عافنا يارب.واستر على جميع بنات امة محمد

لا حول ولا قوة الا بالله

خطأ كبير وجود البنت لوحدها مع السائق.

[قطر دزاين]

تبي دريول شرعي لازم تخصيه
هذا ما كان يفعله القدماء في عصرهم على العبيد