يامواطن يا قطري اكيد ماترضاها على هلك

[مرت محمد]

تخيلوا يا جماعه الخير وليعذرني الجميع اعزكم الله حمام رجالي افتتح اخيرا في معيذر ( اسمه حمام البيت الشامي للرجال ) في وسط بيوت العوائل يعني حيي سكني على ييمنه تسكن عائله وعلى يساره عائله ومن خلف الحمام نسكن نحن هل يجوز هذا وتعالوا شوفوا عرقله السير من الرجال الي صافين سياراتهم لاخذ حمامات معقوله عاد ما عندكم حمامات في البيت والله لا يوريكم شكل ولون الحمام ( اللون البرتقالي المقزز ) بصراحه نحن الاهالي منزعجين مما يحصل في حينا

[مستجدة]

خخخخخخخخخخخخخ

متثرين في باب الحارة اشدعوا ماعندهم حمامات في البيت ...؟

والله معك حق اختي بس شنو انسوي حيل الله اقوى حمام مني وسكن عماله مني

[تراثكم]

مريت على الشارع وانصدمت وجود هالحمام في وسط البيوت ...
اعتقد ممكن تعترضون عند البلديه ويشلونه من فريجكم , قدمو كتاب انتو كأصحاب البيوت المجاوره وبيطلعونهم.

[جاسم القطري]

ما ادري من وين اطلعوا لنا بهالسوالف البايخه (حمام رجالي .... يحليلهم)

[ضوى]

اعتقد المفروض تقدمون شكوى ضدهم يعني مب سالفة الصراحة حمام رجالي وسط حمام سكني ليش ان شاء الله قلة اماكن وقلة حمامات بالبيوت ؟؟
يعني مب كفاية بالعين الموس وساكتين على سكن العزاب حوالينا بعد نتحمل المناظر اللي تدخل وتطلع من الحمام الشامي ؟؟؟

الله يعينج ياختي ومانقدر نقول الا حسبنا الله ونعم الوكيل

[السلطان]

الله يعينكم يارب
بصراحة مكانة غلط

وسكن العمال اللي بنفس الشارع

[قطري 123]

ههههههههه اشتكو عليهم ف البلديه ..

[الـقـاسـي]

أنا شفته هو عباره عن حلاق رجالي ومساج وحمام مغربي وهالسوالف .. نفس أي مكان ثاني ..

[سهم متردد]

اعتقد المفروض تقدمون شكوى ضدهم يعني مب سالفة الصراحة حمام رجالي وسط حمام سكني ليش ان شاء الله قلة اماكن وقلة حمامات بالبيوت ؟؟
يعني مب كفاية بالعين الموس وساكتين على سكن العزاب حوالينا بعد نتحمل المناظر اللي تدخل وتطلع من الحمام الشامي ؟؟؟

الله يعينج ياختي ومانقدر نقول الا حسبنا الله ونعم الوكيل


صح قدموا شكوى ووين الاخ عضو المجلس البلدي ليش انتخبوا هل معيذر مب علشان يفتح شارع ام الدوم التجاري بل علشااان راحتهم

[professonal]

انا شفت المكان وطول الوقت متجمعين ومسوين البيت مجلس الله يعينكم اختي

[مرت محمد]

مشالله عليكم يعني كلكم شفتوه بس شرايكم بلونه الي يعور الراس نفس لون الميرنده والاخوان السوريين الي مسويين هجره جماعيه وخصوصا في فريجنا الي لابسين جلبيات المبكره اكيد عرفتوهم الظاهر مثل ما قالت الاخت مستجده متأثرين باب الحاره بس يليتكم تمرون من الشارع الساعه 10 بالليل وتعبرون برايكم صح

[الزاجل]

تخيلوا يا جماعه الخير وليعذرني الجميع اعزكم الله حمام رجالي افتتح اخيرا في معيذر ( اسمه حمام البيت الشامي للرجال ) في وسط بيوت العوائل يعني حيي سكني على ييمنه تسكن عائله وعلى يساره عائله ومن خلف الحمام نسكن نحن هل يجوز هذا وتعالوا شوفوا عرقله السير من الرجال الي صافين سياراتهم لاخذ حمامات معقوله عاد ما عندكم حمامات في البيت والله لا يوريكم شكل ولون الحمام ( اللون البرتقالي المقزز ) بصراحه نحن الاهالي منزعجين مما يحصل في حينا

اللي منحهم الترخيص حس بعواقب الأمور ؟

والا هي سالفة اوقع وخلاص ؟

[الزاجل]

أنا شفته هو عباره عن حلاق رجالي ومساج وحمام مغربي وهالسوالف .. نفس أي مكان ثاني ..

اخونا السقا..

في وسط فريج وبيوت عوائل ما يصير نطلق عليه نفس أي مكان ثاني ..

[Ghost]

المفروض وقفة ضد هذه الظاهرة

[الاعــلامية]

//


شفيكم .. هذا تطور ودمج ثقافات


^____^



اقووول مرت محمد... والله ارفعي التلفووون
واتصلي البلدية وقدمي شكوى
الامر ماينسكت عنه ..

/

[ولدالمنتدي]

ههههههههههههههههههههههه
قدمو شكوه عليهم

[..er..]

اعتقد سهله تشتكون عند البلديه ,,

ومايسوى على كل عائله يتأجر البيت الي جنبهم على عزوبيه ولا على شركات ,,


كل هذا ويأجرون والعوايل ضايعه بالشقق ومادري وين ,,


مفروض ياخذون لهم محل مثلهم مثل غيرهم ويشتغلون فيه ,,


يكفون الشركات الي بالمناطق عندنا :(

[الزاجل]

//


شفيكم .. هذا تطور ودمج ثقافات


^____^



اقووول مرت محمد... والله ارفعي التلفووون
واتصلي البلدية وقدمي شكوى
الامر ماينسكت عنه ..

/

الجهة المخولة للكشف على المحل وتسجيل اي مخالفة عليه
هو البلدية .. واللي منحوا التراخيص لمزاولة مثل هالأعمال
بعد البلدية :shy:

[hamoor4ever]

الله يعينج اختي فعلا مشكله مابعدها مشكله يعني الواحد حتى في بيته مايرتاح شنو ذيه ، بس عموما اعتقد الشكوى لغير الله مذله لان عندهم ترخيص بعدين ذلين سوريين لاتتكلمين عنهم لايقولون عنج عنصريه

[&بوشهد&]

هذا يدل على قلة الرجال في هذا الزمن
هذه الاشياء حق النساء مب للرجال تزيين الشعر وتنظيف بشرة والعناية بالجسم
المراءة تتزين بمثل هذه الزينة
اما الرجل يكفيه يحلق ويحدد لحيته
والله زمن العجب

[Store]

غريبه

[nasser 519]

اشتكو عليهم فلبلديه

[راعية البورش]

الله يعينج أختي

[جوال 11]

اذا موجود في مكان غير تجاري قدموا شكوى في البلدية هم أصحاب التراخيص
والله يخلصكم منه الناس طمعوا في الفلوس حت حرمة الجار باعوها تأجيرمحلات
تأجير على عزابيه تأجير على فودافون ، ما يدري عن الضرر على نفسه وجيرانة
حسب أوصى نبينا عليه الصلاة والسلام على سابع جار وذكر (ص) بأن جبريل أوصاه بالجار حتى ظن
أنه سيورثه .

[làst çhàncè]

لو هذا الحمام الشامي جنب بيتنا أو بالفريج أحرقه باللي فيه شنو هالمصخرة حمام وسط فريج ؟؟

[بواردي]

قبل كان عندنا مساد
والحين صار الحمام الرجالي عيب

تصدقون بروح عندهم بسلم على ابو شهاااااااااااااااااااب

ليش تتكلمون على راعي الحمام
ليش ما تتكلمون على اللي ماجرهم المكان اللي مو بخايف على جيرانه

تاجرونهم وتاخذون بيزات
وتجون تتفلسفون عليهم والله مسخرة
وبعدين وين البلدية اللي ما يعرفون الله وين قاطهم
بس واللي يرحم والديج

[شـعـشـبـونـه]

حمام البيت الشامي للرجال ...... هههههههههه اكيد صاحبه العقيد شهاب ^_^

[النائب]

لاحول ولا قوة إلا بالله .

مصخرة في بلد رجال لاوالله طالت وتشمخت . حماااام رجالي بين عوائل ,,,

تدرون ليش المسؤولين وكل شخص مسؤول في هذا البلد ويقدر على إقلاق الحمام الشامي ولا يقوم بواجبه ,
أقول له ( الغيره عندك معدومه ) للأسف.

[Faisal75]

وين ممثلكم في المجلس البلدي ليكون نايم ومايشوف اللي يصير في المنطقة الموكل بها .. لازم يشد حيله ويرفع الموضوع حق المسئولين مع خطاب شكوى من جيران هذا الحمام

[بواردي]

الشباب الي معصبين يالييت يمرون على الحمام ياخذولهم دش بارد مع تلليف ومساج بصلبوخ
بتحسون بنشاط ويمكن تقدرون تتوصلون لحل

[روح الاطلس]

اللي يقول اشتكوا على عند عضو المجلس البلدي

هل تدري يا عزيزي بأن ثلاث ارباع الشعب يجهل اسم ممثله في المجلس البلدي ؟؟ وانا اولهم :)

[]ام جاسم[]

وتقوووولون ماتبون هيئة الامر بلمعروف والنهي عن المنكر
هذا وقتهم اتعدل المايل في زمن صار كله مايل

[الصوت المبحوح]

ههههههه صج شر البيليه ما يضحك

[ابن مانع]

الله يكون في عونكم

[شيط ويط]

لو هذا الحمام الشامي جنب بيتنا أو بالفريج أحرقه باللي فيه شنو هالمصخرة حمام وسط فريج ؟؟

اشعنده (غراندايزر) .. :secret: اتغشمر لحد يزعل .

[شيط ويط]

الصراحه (أمس) كنت هناك او مريت من حذاه .. واستغربت صراحه .. اشلون معطينه (ترخيص) في هالمكان .. أولا لأن الحمام الشامي ذي .. عبارة عن بيت شعبي في الأصل .. وفي حي سكني وع الشارع .. وبقدرة قادر تحول إلى شغل تجاري :rolleyes2:

بس الكشافات اللي عند الباب (الصفر والخضر) مالهم حل .. كنه (عرس بتان) .. :secret:
الصراحه كان ودي أدخل وأجرب حمامهم .. ( ثرى ظهري يبيله زلغ :secret: ) بس لين دريت انهم (شاميين) خفت على نفسي .. :secret: لو .. فلبينيو .. ممكن الواحد يتقبل :secret:

[MiSsY]

الله يعينكم
انا اقول لو تسوون استماره معارضه
وتخلون اهالي الفريج يوقعون عليها
وتسلمونها البلديه يمكن يجيب نتيجه

[دار بومشعل]

الله يكون في عونكم

[صقر عربي]

اول شي عزابيه وسط الفرجان

الحين حمامات شاميه

وبعدين ايش بيكون ؟؟؟؟؟؟؟؟؟ظ

[oceanrose]

بصراحه رده الفعل ضحكت وبعدها عصبت وبعدها استغربت والحين

بقول لو بتشتكون اكيد بيكون الرد جمعوا تواقيع الفريج كله على

عدم رغبتكم بتواجد هالمحل في منطقتكم واذا تم استيفاء العدد المطلوب

يمكن راح ينظرون في الطلب خخخخخخخخخخخخخ


يعني ما راح اقول غير ربنا يستر

[قطري عنيد]

انا اقول لو البلدية اتنزل قانون

يلزم كل مقاول وصاحب شركه ومحلات

امسكن عماله بين العوايل
يجبرونه يسكنهم في فريجهم

علشان يحس بالناس الي تشتكي

[ولد النواخذه]

كيف بالبلدية اعطاء رخصة لمثل هالغرض التجاري في وسط احياء سكنية أين التخطيط أين الرؤية أين كلامكم بمراعاة العادات والتقاليد يا بلدية الدوحه وضواحيها.
أختي عليكم بالبلدية لا تسكتون مب حاله يعني الواحد ساكن في بيته وما يرتاح بعد مايجوز

[ريان]

على فكره بيت مدير البلديه قريب من المكان المذكور

بحوالي 500 متر :)

[ولد النواخذه]

على فكره بيت مدير البلديه قريب من المكان المذكور

بحوالي 500 متر :)

وين احساسه بالمسؤلية تجاه المواطنين!!!

[بوخليفة3]

اللحين هم خل يشلون العزاب من الفرجان عققققققققب خل يشلون الحمام وانتوا بكرامه
الله يعينكم الشيخه حاس فيج والله

[جرير]

اختي عندي لكم اقتراح . . . . انتو مالكم الا انكم تتفقون اصحاب الفريج

ان كل واحد فيكم يقدم شكوى عن طريق الهاتف الى مركز الشرطه اما

بسبب الازعاج او الزحمه او من تصرفات مرتادين هالمكان او اسباب

اخرى يمكن تلاحضونها مع الايام . . . ويكون بين كل اتصال والثاني

ايام معدوده . . . . وان شالله راح يصير خير

[MHAjER]

يا جماعة صحيح ان حمام بو عنتر بين البيوت لكن الشارع تجاري
اساس التخطيط غلط لان الشارع جزء كبير منه حديث والباقي قديم

الجزء القديم كان كله بيوت مبنية على الشارع قبل مايصير تجاري لكن مع التطور والانفتاح والانبطاح وماشابه صار فيه محلات وكبرت لحد ماوصلت الى البيوت

حاليا الشارع 90% منه تجاري والجزء الشمالي منه كله بيوت وحمام بوعنتر وسطها

عاد حلوها الحين !

معيذر كان اغلب اهله عوائل قطرية محافظه مع مجموعة من اخوانا فلسطينيين قطر، اتذكر في يوم من الايام واحد الله يستر عليه تهزأ لانه جاب وحده حاسره تشتغل في محل !! وفي الاخر طردها غصب لان دخلوا عليه رجال موقفهم واضح : اطردها ولا انت تنطرد ومحلك يتسكر .. الله يرحم ذيك الايام :)

الحين كله سكن عمال وعزاب وفلبينيات وهنود باقي يفتحون ناشيونال وجمبو عشان تكمل

[مبرمج QA]

اشتكوا عليهم ... ولا تخلونهم

[فارس العرب]

صح قدموا شكوى ووين الاخ عضو المجلس البلدي ليش انتخبوا هل معيذر مب علشان يفتح شارع ام الدوم التجاري بل علشااان راحتهم

:nice::nice:

[قناص الخليج]

المحل بشارع تجاري على ماعتقد يعني مطابق لشروط البلدية