بشرى لأولياء أمور الطلاب .. سوف تنتهي أزمتكم المروريه الصباحيه

[مستثمره جديده]

السلام عليكم ورحمة الله ..

تم اليوم الاعلان في برنامج وطني الحبيب بأن المجلس الاعلى للتعليم بصدد اصدار

قرار الزامي لجميع الطلبه باستخدام حافلات المدرسه ( باصات كروه ) لحضور الدوام المدرسي

والانصراف وذلك للتقليل من الازدحام المروري في الفتره الصباحيه .. وسوف يكون ذلك

الزاميا على جميع الطلبه بدون استثناءات وان جميع الطلاب سيعاملون على حد سواء ولن

يسمح بدخول اي طالب يأتي في سيارته الخاصه ..

بصراحه هذا القانون إن تم تطبيقه فسوف يساعد قليلا في حل أزمة الازدحام المروري

التي نعاني منها كل صباح ..

أتمنى ان يكون ذلك القرار صادرا من الجهات العليا لضمان حسن تطبيقه من قبل ادارات المدارس

ولطلاب على حد سواء وان يكون صارما لايخضع لأي محسوبيه مع مراقبة آلية تطبيقه في

جميع المدارس من جهات الاختصاص ..

[الاستثمار]

شي طيب وان شاء الله القرار يحد من زحمة المرور

[ROSE]

والله مابي اعلق بس مااعتبرها بشرى

خاصة بعد الحوادث اللي قمنا نشوفها من كروه

والاستهتار السائقين

خبر يخرع

[شـعـشـبـونـه]

الله يستر علينا من هالقرار والله الزحمه ارحم من خسارة ارواح الطلاب ..

[فرقة الصقور]

مايقدرون على مثل هالقرارات

لان كروة خددمتها لا ترقى ان نخلي ابنائنا امانة في رقابهم

الا اذا شفنا عيال المسؤولين في المجلس الاعلى في باصات كروة

لكم صادق الود

[قطرية عسل]

والله مابي اعلق بس مااعتبرها بشرى

خاصة بعد الحوادث اللي قمنا نشوفها من كروه

والاستهتار السائقين

خبر يخرع



وانا معاج اختي روز .. ومب على كيفهم يكون اجباري :omen2:
بنتي تقرا معاي الخبر .. وأحلفت ما تركب الباص :tease:

[مستثمره جديده]

بل اشفيكم تفائلوا بالخير تجدوه انتوا ليش متشائمين

على طول فكرتوا في الشي اللي مب زين

ان شاءالله مايصير الا كل خير والله يحفظ عيالنا وطلابنا من كل شر ومكروه :nice:

[السامـي]

حتى عيال الكبارية..؟.:secret:

[مستثمره جديده]

مايقدرون على مثل هالقرارات

لان كروة خددمتها لا ترقى ان نخلي ابنائنا امانة في رقابهم

الا اذا شفنا عيال المسؤولين في المجلس الاعلى في باصات كروة

لكم صادق الود

طبعا وهذا الشي اللي بيصير .. اول شي بنطلب ان نشوف عيال كبار المسؤولين في التعليم يركبون الباص مع الطلاب ونتاكد ان ولا سياره تنزل اي طالب وعقبها بنرضى ان عيالنا يركبون الباصات :nice:

[بواردي]

طبعا وهذا الشي اللي بيصير .. اول شي بنطلب ان نشوف عيال كبار المسؤولين في التعليم يركبون الباص مع الطلاب ونتاكد ان ولا سياره تنزل اي طالب وعقبها بنرضى ان عيالنا يركبون الباصات :nice:

بتشوفهم يوم يومين وعقبها بيدشون عادي
لانهم ساكنيين في المريخ وعطارد وهناك الله يسلمك مافي كروة يعني لازم يجون برايفت
وبالنسبة لي اشوفها دعاية لدعم كروة فقط لاغير

[BO KHLIFA]

مستحيل تطبيقة..

[نجود]

بالتــــــــــــــــــوفيق يــــارب

[الكايـــده]

ههههههههههههههههاي هذا بعدهم كروووه والله ماركب عيالي معاهم هذا اللي قااااصر يذبحونهم خخخخخخ

[الكايـــده]

نسيت اقووول قرار فاااااشل

[بواردي]

الي نسى حمد القحطاني الله يرحمه
يدش على اليوتيوب
ويشوف
مانبي
باجر
يكون واحد من عيالنا في اليوتيوب والناس يكتبون الله يرحمه

الله يحفظنا ويحفظكم

[دلة الرسلان]

:omg:

اذا بناتي والمدرسة احذا البيت ممكن بس اولادي والله ثم والله ما يركبون باصات كروه .

[امل الحب]

هل بيتم التطبيق والا قرارت كالعادة :rolleyes2:..

معناها لازم يكون في وقت لزيادة عدد الباصات عشان تستوعب جميع الطلبة .. لو انه قرار ماله داعي .. لان لو حسبنا الوقت لهم مانتوقع حصول تاخير نظرا لزيادة عدد الطلاب ؟!

دار راسي وانا افكر بالقرار .. :rolleyes2:

[bluelion]

الهدف أن القطريين يودون عيالهم مدارس خاصة ونفضى مدارس المجلس الأعلى للـ........

[المركزي]

شي جميل

[ROSE]

وانا معاج اختي روز .. ومب على كيفهم يكون اجباري :omen2:
بنتي تقرا معاي الخبر .. وأحلفت ما تركب الباص :tease:

الله يحفظها ويخليها لج يارب ويخليج لي يالغالية

فعلا الخبر يخوف اكثر منه يفرح

[>>> غــمـــوض <<<]

:( مب شي بصراحـــه
بعض الاهل مايرضون عيالهم يروحون بالباصاتـــــــ

وبعدين اش ذنب الطالـب يتنقع بالساعات لين يوصل بيتــ
دامه عنده سياره احسن واريــح لــه

:)

[العـوا]

يالله ....

[هتـان قطر]

قرار مرفوض من جهتي وما راح اقبل فيه..

مشاكل الباصات كثيرة خصوصا الصبيان

ما وراه الا المشاكل ..

هذا غير المشاكل اللي بتصير الصبح لما يتأخر الولد

في النوم ..

يبون يحلون ازمة الزحمة يهتمون بالشوارع وتوسعتها

هذا هو الحل ..او انهم يأخرون الطلاب لين الساعة 8 بدل 7..

[agase]

امحــــــــــق بشرررررى ولا بشرى ولاشى وين نركب عيالناااا بصاااااات مع عيال
صيع كل مدرسه وفيهااا صيع والمشكله ابائهم ولايدرون عنهم؟؟ في المدرسه ونقول
يالله.......واخر شي باصااات شسالفه......يعني يحدونا على المدارس الخاصه
ليكون فيه هامور طايح بـ هالمدارس ويبون عيالنا يمشون سوقه والا كروه
مصارت ادخل...........طبعاااااااا هذا ثبت صحه هـالكلاااااااام
ياجماعه ارحمونااااااااا من هالاشاعات طلع لنا القالون من هالسوالف

[الرايــق]

اول شي من زين سواقين الباصات الحين ؟؟

من الي بيامن على عياله في هالباصات والدريوليه ؟؟


طيب واللي بيته ورا المدرسة ؟؟؟؟

اذا حبيت اقط اخوي المدرسة وانا رايح الدوام ما يدخلوه ؟؟

عجييب !

[crying freeman]

قرار مرفوض نهائيا

[ام نواف]

ههههههه صج خلصت السوالف

[العقل الحر]

مايندرى نفرح علشان الزحمه بتخف

او نحزن على سلامه عيالنا !!؟؟؟

[QatarRose]

قرار واضح ان من غير دراسه وتفكير

صعب ان يتطبق

يبي له عقل واعي يفكر صح

حلوه هاي اجباري الكل يركب الباص

بالله الياهل ما يستحمل يقعد مده طويله في الباص

يقعد يحوس فيه الباص اكثر من منطقه ويرجع البيت منهد حيله

وعقب سهله الاهل بيشتكون والله اليهال يردون من المدرسه متاخر بسبب تاخر الباص وما عندهم وقت يدرسون .

وما سوينا شي كالعاده .

قرار حتى لو ما بقول عنه فاشل بس خاطىء

[ابوسعود]

البشااااااااااااااره حق راجو

يعني افتك من توصيل اليهال

بس قرار صعب التطبيق

يعني ولي الامر اذا ماطبق الامر بينطرد ولده

صعبـــــــــــــــــه

[jajassim]

مستحيل تطبيقة..

انا أويد كلامك ،، :nice:

يبون ينفعون ال كروة ،،

وشكرا لصاحبة الموضوع ،،

[jajassim]

يبون يحلون ازمة الزحمة يهتمون بالشوارع وتوسعتها

هذا هو الحل ..او انهم يأخرون الطلاب لين الساعة 8 بدل 7..

كلامك صحيح ،،، تعديل الشوارع وحركة انسيابها وانهاء اعمال الطرق باسرع وقت :victory:

[سمو انسان]

احس انه قانون متخلف

[بابا الضحية]

انا ضذ هالقانون !!!

[ezgert]

خوش فكره

[شيخة الجزيرة]

الحين 5 سنين مستحملين الحفور في الشوارع

ونتدعس في الدواعيس حق نوصل مشاويرنا

كله بهدف توسعة الشوارع وتلافي الإزدحام

ويوم بدت المشاريع تخلص وخفت الزحمة قالوا استخدموا الباصات لحل مشكلة الإزدحام!!!!

كروة وييييييييييين ومشاريع الدولة وييييييييييييييين.

يالله بسترك.

[الموضوعي]

كله علشان قراصنة كروة ولا المجلس الأعلى للتعليم مايدري وش السالفة

[انا حره]

:eek5::eek5::eek5:

زين الي مثلي ولا تامن ولدها مع اي حد وتوصله لين المدرسه وتتاكد انه دخل والطلعه نفس الشي مايطلع الا انا قدامه حرام عليهم والله الباصات مشاكل في مشاكل

[بيانو]

نتمنى الزحمه تخلص

[السندان]

صعبة .. ومايقدرون يجبرون الطلبة

انزين اذا كل واحد تاخر في الخروج من البيت والباص راح عنه يقعد ولا يرتز مع بابوه ويدق سلف على المدرسة

[اسعاف]

انا اعيالي آخاف عليهم من بعض الطلاب اصحاب السلوكيات الغير جيدة

اذا اصروا علينا

انوديهم مدرسة الأندلس احسن

[محسن العجي]

قانون عجيب وغريب

[نــور الدنيا]

بس ما فكروا لو الزمو الكل

الساعه كم بيمر الباص على اول طالب..................

[ضوى]

كالعادة قرار غوغائي كعادة قرارات المجلس الاعلى للتعليم

يعني هل يعقل دوام ابني يخلص الساعة 1 ونص ويرجع البيت الساعة 4 ؟؟؟؟ والصباح يجي له الساعة 5 ؟؟؟
الظاهر فعلا المقصد تقليل عدد القطريين في مدارس المجلس الاعلى للتعليم واخلائها للاخرين واحنا نودي عيال مدارس خاصة اصلا احنا تحتنا بير بترول ومب عارفين وين نودي فلوسنا الزايدة اساسا ياللا مو مشكلة نقطعا على عيالنا ابرك الساعات

[nasser 519]

الصراح القرار مب شي

والله في ناس ماتامن انا عيالها تركب باصات كروه وخاصت بعد الحوادث الي سمعنا عنها

ومب على كيف المجلس الاعلى

[ام الحلوين]

والله ماهملت بناتي بكروه حتى تضربهم الفراشه ولا يدوسهم الباص بعدها يقولون قضاء وقدر

والله والله ماطبق هالقانون

[سراب الامل]

قرارات فاشلة :waiting:

اخلي عيالي يدرسون في البيت منازل ولا يركبون باصات كروة :nea:

انا اشوفهم بشوارع الدوحة احاول اتفادهم من سياقتهم الجنونية شلون باخلي عيالي يركبون هالباصات :sneaky:

اللي يحط هالقرارات مب صاحي صراحة بعد اللي شفناه منهم عبالهم حياة عيالنا رخيصه :mad:

خلني اشوفهم يقربون صوب عيالي ويدخلونهم غصب هالباص :spider:

[boo-boo]

صراحه قرار ما له اي معنى و سائقين كره مستهترين لدرجه ....
و انا صراحه افضل انه كل واحد له الحريه يختار يروح بالباص او بسياره الخاص..
أتمنىى انه هذا القرار ما يتطبق و ما يكون حقيقه يكون بس كذا يعني يفكرون فيه لكن ما يتطبق..
و شكراا عــ الخبريه المش حلوه.. :(

[ثرية]

خير ان شاء الله
على رقبتي بناتي يركبون الباصات

ليكون يبوني اقومهم من 4 ونص الفجر ويتنقعووووووووووون جدام بااب البيت لين حضرت سواق الباص يتفضل ويجيهم انا لو الموت ماركب بناتي مع ريال غريب انا اودي واجيبهم وقلبي مرتاح وبناتي في حظني


ولا ومتى يوصلوني مع اذان العصر 3 وربع ليش شدعوه ماعندنا سياييير اشتكيناااااااا لهم وقلنا لهم تعالوا وصلوا عيالنااااااااااا

يبون يسون خيرررررررررررر في عيال هالقطر يمشون رواتب عالاقل 500 ريال لكل طالب تغطي مصاريف المدرسه من مستلزمات مدرسيه


وانزين القانون على الكل ولا على عيال الفقارا والي سياايييرهم ماي بخ والبنتلي مرفوعين من القائمه

قانون فاشل
ارفضه رفضااا قاطعااااااااااااااااااااااااااااااااااا

[$ طلال $]

واذا الباص راح على الطالب مايروح المدرسة يعني

ولا عندهم خدمة ليموزين كروة

[قطري عنيد]

هههههههههههههههههههههه

قرار مضحك انشالله عيالي عمرهم مادرسواا

اخلي عيالي في الباص يتضاربون والسايق يسولف مع الفراشه

وبعدين اذا طبقو القرار من متى الباص بمر على اليهال في البيت

من4 الفجر ويرجعهم 6 المغرب

يخلونهم عندهم في المدرسة احسن ويطلعونهم جمعه وسبت

[Bu Rashid]

والله مابي اعلق بس مااعتبرها بشرى

خاصة بعد الحوادث اللي قمنا نشوفها من كروه

والاستهتار السائقين

خبر يخرع



^^^^^^^^^^^^^^^^^
:nice::nice::nice::nice:

[ALHAJAJI]

وش فيها باصات كروه , من احلى الباصات في المنطقة العربية قاطبة , على الاقل اعيالنا ما يمشوي بريولهم تحت الشمس والا المطر , وصراحة لو يطبقون هالقرار فيه مصلحة كبيرة للجميع .

تحياتي

[binhlail]

أنا مع القرار بشرط إن ما يلزمون الطلاب بركوب الباصات
اللي حاب يروح بسيارته الخاصة بكيفة ما حد يمنعه
بس لا حد ينسى إن في ناس ما حد يعلم بحالتهم إلا رب العالمين
إذا منعوا الباصات ما راح يقدرون يوصلون عيالهم بسهولة
وخصوصا المدارس الثانوية للبنين
اللي بعض الطلاب يمشون كم كيلو يوميا علشان يوصلون
لمدارسهم ، هنا تكون الباصات أفضل لهم

بس أنا أتمنى شي واحد من كروة ، المطلوب منكم توظفون
سواقين كفو موب نفس السواقين اللي نشوفهم الحين

[مهره]

انا ابدا مب مع هالقرار اذا تم تطبيقة

[قطريه ماركه]

إن شاااااااء الله يطبقون القرار وااااايد أمور بتنحل ..

[شاهين]

شكلهم بيفرضون رسوم سنوية
ويبون يربحون كروه بأي طريقة
ليش مايشفون ايش سبب الزحمه اللي في تزايد
معقوله.... أسرة مقيمه تتكون من 7 افراد 5 منهم يحملون رخصة سواقه
مع ان الزوجه ماتشتغل

[Qa6ar]

مافي مشكله اذا بيتطبق على الكل بدون استثناء

[خــطــافــ]

نفس قانون الموارد البشريه

[الاعــلامية]

/

يقال ..

بعد هذا القرار .. ستزداد الطلبات على الدراسة منازل


!!!!!!!!!!!!!!!!!


/

[شمس]

القرار يدل على مستوى المسئولين في المجلس ولا هذا قرار يطلع من مكان المفروض يمثل الحكومه

[ريان]

:omg:

اذا بناتي والمدرسة احذا البيت ممكن بس اولادي والله ثم والله ما يركبون باصات كروه .


كفو اختي - دله :nice:

[وحيد-الشوق]

حق الحوادث والبلاوي :anger1:

ياشين كروة والمجلس الاعلى :telephone:

ان شاء الله مايطبقون هالفكره السخيفة بنظري :)

[إلى متى]

بدل هذا القرار

يطلع تعميم من المرور يمنع اصدار رخص سواقة للاجانب الا لحملة الشهادات العالية
وطبعا يستثنى من لديهم تأشيرة (سائق)

[نورFROM قطر]

:nice:
مايقدرون على مثل هالقرارات

لان كروة خددمتها لا ترقى ان نخلي ابنائنا امانة في رقابهم

الا اذا شفنا عيال المسؤولين في المجلس الاعلى في باصات كروة

لكم صادق الود

ااااااااااااااااااااااااااااااااااااااااااااااحسن رد يااااااااااااااااااااااااااااي

صح كلامك عدل عدل:nice:

[نورFROM قطر]

حق الحوادث والبلاوي :anger1:

ياشين كروة والمجلس الاعلى :telephone:

ان شاء الله مايطبقون هالفكره السخيفة بنظري :)

ياااااااااااااااااااااااااااااارب:nice:

[بوخالد911]

وبعدها لن تكوون حجة لأولياء الأمور للتأخيير عن حضور دوامهم !!!

صااادوووهم !!!

[armani**]

بصراحه هذا القانون إن تم تطبيقه فسوف يساعد قليلا في حل أزمة الازدحام المروري

التي نعاني منها كل صباح ..


الا يساعد وااااااااااااااااااااااااااايد
اخواني اطلعي في الايام اللي مافيها دراسه ايام اجازه الطلاب و المدرسيييييييين و الجامعات
و الله الشوارع فاااضيه بسرعه اروح اخلص اشغالي و ارد بدون اي مشاكل و عوار راس .

[LionFish]

اقل شي اقدر اقوله انه قرار ساذج :eek5:

[شقردي]

لكن للاسف اللي اشوفه ان سواقين كروه متهورين جدا وهاذا خطر على ارواح اطفالنى

[الدمعه]

ابــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـدا عيالي مايركبون الباصات ..

عشان كل يوم يجيني واحد منهم مضروب والاطايح .. لا ويقعد يلف فيهم السبعينيه .. وش اللي حادنا ..

يعدلون شوراعهم وتنتهي هالسالفه..

الله لايقوله .. بعيد وفي الخلا خخخخخخخخخخخخخ

[ابوعلي]

هل القرار من اجل انهاء الأزمة المرورية

ام


من اجل زيادة عدد سيارات كروة وبالتالي زيادة الدخل لصاحب كروة :secret:

[رمــش الغلا]

ان شاء الله عشان نوصل الدوام بدري..
وبعد ان شاء الله كل الاسيويين يروحون بلادهم ... الله وناسه وترجع الشوارع فاضية نفس قبل "طبعا قبل الاسياد"

[الألماسي]

قرار تجاري بحت يخدم فئه معينه فقط . .

و الحوادث و الوفيات راح تزيد و السبب سائقي كروه المبدعين . .!

[book 1]

على كيفهم انا مابي اخوي يروح بالباص احب اوديه ابنفسي عاى كيف من ينزل القرار هذيه

[Mansour_qa]

هل القرار من اجل انهاء الأزمة المرورية

ام


من اجل زيادة عدد سيارات كروة وبالتالي زيادة الدخل لصاحب كروة :secret:
هذي زبدتهـا يا الشيـخ ..

كـروة دخلهـا ماعاد مثـل قبـل ولازم تتكـي على الحكومـة شـوي ..

[دلة الرسلان]

دراسة لإلزام طلاب المدارس باستخدام الباصات
عدد القراء: 0
2009-04-20
الدوحة - ياسين بن لمنور
قالت مصادر مطلعة لبرنامج «وطني الحبيب» الإذاعي إن هناك نية لدى المجلس الأعلى للتعليم لفرض تنقل الطلاب والطالبات إلى المدارس في «الباصات» وإعفاء أولياء أمورهم من توصيلهم من وإلى مدارسهم، لتقليل الازدحام المروري.
وجاء في حلقة أمس من البرنامج أن الدراسة تجري حاليا على مستوى المجلس وسترى النور خلال هذه الأيام، وستطبق على جميع الطلبة. وأرجع المصدر هذا القرار للتقليل من الازدحام المروري في الفترة الصباحية، خاصة وأن طرقات الدوحة أضحت تضيق بالسيارات في فترتي بداية ونهاية الدوام.
وقال بعض مديري المدارس المستقلة لـ «العرب» إن هذا القرار إن صدر سيجد صعوبات جمة في التطبيق، كون الكثير من الأولياء يرفضون ركوب أبنائهم في «باصات» كروة ولا يحبذون أن يتجمع هؤلاء لمدة ساعة ونصف في الطرقات وسط الازدحام تلفحهم الشمس ، مما حدا بالبعض لتوظيف سائق من أجل إيصال أبنائه للمدرسة. وأشار هؤلاء المديرون إلى أن الكثير من الأولياء صرفوا النظر عن هذه «الباصات» بعد الحوادث المتكرّرة، لاسيما حادثة دهس أحد الباصات لطالب في وقت سابق.


جريدة العرب
.................................................. .................................................. ........................

والله الواحد ما يدري ايش ها التخبط اللي قاعد يصير ياجماعة الدراسة مفروض تستطلع

اراء الاهالي مش خبط لزق وياليتكم يالمجلس الأعلى تسنعون مدارسكم وتخلون مشاكل

الطرق!!!

ولملاك كروة لحد هنا وخلاص مش لازم الربح يكون 200% عيالنا اغلى من ارباحكم .

[الوان]

مستحيل اركب بنتي في باص كروة و اقولها باي

[eXpert*]

انا مع القرار قلباً وقالباً .

عطوا القرار فرصة يطبق ،، وعقب نساهم في تصويب ما نراه صائب بتكاتفنا معاً.

أما الرفض لمجرد الرفض !!

ليش دائماً حاطين جل اهتمامكم في معارضة أي قرار يصدر ؟

اذا كل قرار بتقابلونه بهاذي الطريقة عمرنا ماراح نطّور .

لاحد يتهمني بشئ ،، انا لا من الكبارية ،، ولا ادافع عن كروة ،، ولا أشتغل في المجلس الاعلى للتعليم،، ولا عيالي يدرسون في مدارس خاصة .

أنا حالي من حالكم ولكن أي قرار جديد لازم نقف معاه الى أن يرى النور ،، لاتتحاملون وتحطون الظنون ان القرارات ضد المواطن والمقيم .

الله يرحم أيامك يا الباص العنابي كنا نذاكر ونحل الواجبات لحد مانوصل للبيت. مب الحين الواحد راكب مع السايق وحاط على MBC Fm :nice:

[eXpert*]

شكلهم بيفرضون رسوم سنوية
ويبون يربحون كروه بأي طريقة
ليش مايشفون ايش سبب الزحمه اللي في تزايد
معقوله.... أسرة مقيمه تتكون من 7 افراد 5 منهم يحملون رخصة سواقه
مع ان الزوجه ماتشتغل


والقطريين مب مقصرين الكل في البيت يسوق .

،، و عدا عن ذلك يوجد 3 سائقين هائمين على وجوهم في الشوارع !!


اعذروني صراحتيّ مؤلمة ولكن الحق يقال .:victory:

[ضوى]

انا مع القرار قلباً وقالباً .

عطوا القرار فرصة يطبق ،، وعقب نساهم في تصويب ما نراه صائب بتكاتفنا معاً.

أما الرفض لمجرد الرفض !!

ليش دائماً حاطين جل اهتمامكم في معارضة أي قرار يصدر ؟

اذا كل قرار بتقابلونه بهاذي الطريقة عمرنا ماراح نطّور .

لاحد يتهمني بشئ ،، انا لا من الكبارية ،، ولا ادافع عن كروة ،، ولا أشتغل في المجلس الاعلى للتعليم،، ولا عيالي يدرسون في مدارس خاصة .

أنا حالي من حالكم ولكن أي قرار جديد لازم نقف معاه الى أن يرى النور ،، لاتتحاملون وتحطون الظنون ان القرارات ضد المواطن والمقيم .

الله يرحم أيامك يا الباص العنابي كنا نذاكر ونحل الواجبات لحد مانوصل للبيت. مب الحين الواحد راكب مع السايق وحاط على MBC Fm :nice:


اخوي الكريم

انا مثلك ركبت الباصات العنابية واسودت جلودنا من الشمي والحر اللي كنا نشوفه ومع ذلك اف والله ماقلنا ولا اهلنا اعترضوا
بس لما تجي تاخذ قرار وتبي الاهالي يطبقونه من غير ماتاخذ رايهم بالقرار اساسا فهذا شئ غير سليم اخوي
يعني ناس طول عمرها تروح مع سايق تجي مرة واحدة تقولهم باص :( صعبة
عيالي كنت حاطتهم بباص ولدي الصغير مدرسته بالدفنة يجيه الباص الساعة 5 وربع والله خمس وربع والدنيا للحين خرمس ، وينزله العصر اربع وشوي بذمتك هذا قرار صائب؟؟
يعني الواحد يتكلم بالمنطق لو مدارس قريبة اصلا مابتفرق معانا بس مدارس شرق وغرب ونلته عيالنا ليش؟؟؟
وبعدين مو قالوا المدارس الثانوية الشباب مايركبون باصات بيركبونهم غصب ؟؟

القرارات ماتتخذ بغوغائية مثل هاي ، في دراسة في مجلس أمناء المدارس في اهالي نسالهم مبني والدرب :(

[الوان]

اخوي الكريم

انا مثلك ركبت الباصات العنابية واسودت جلودنا من الشمي والحر اللي كنا نشوفه ومع ذلك اف والله ماقلنا ولا اهلنا اعترضوا
بس لما تجي تاخذ قرار وتبي الاهالي يطبقونه من غير ماتاخذ رايهم بالقرار اساسا فهذا شئ غير سليم اخوي
يعني ناس طول عمرها تروح مع سايق تجي مرة واحدة تقولهم باص :( صعبة
عيالي كنت حاطتهم بباص ولدي الصغير مدرسته بالدفنة يجيه الباص الساعة 5 وربع والله خمس وربع والدنيا للحين خرمس ، وينزله العصر اربع وشوي بذمتك هذا قرار صائب؟؟
يعني الواحد يتكلم بالمنطق لو مدارس قريبة اصلا مابتفرق معانا بس مدارس شرق وغرب ونلته عيالنا ليش؟؟؟
وبعدين مو قالوا المدارس الثانوية الشباب مايركبون باصات بيركبونهم غصب ؟؟

القرارات ماتتخذ بغوغائية مثل هاي ، في دراسة في مجلس أمناء المدارس في اهالي نسالهم مبني والدرب :(

صدقتي اختي كفيتي و وفيتي

[خــطــافــ]

والقطريين مب مقصرين الكل في البيت يسوق .

،، و عدا عن ذلك يوجد 3 سائقين هائمين على وجوهم في الشوارع !!


اعذروني صراحتيّ مؤلمة ولكن الحق يقال .:victory:

اذا الشوارع مش قادره تستوعب عدد السيارات خلهم يوقفون بيع السيارات للناس ويسكرون وكالات السيارات

اذا كل بلوه بنردها ع القطري فهذا منطق الهروب من تحمل المسؤوليه

انظر للاسباب اللي ادت للمشكله عالج جذورها وليس قشورها :weeping:

افتح الشوارع<< خلص مشاريعك التي بلغت من الكبر عتيا << خطط مدينتك << وزع مدارسك

اما اني اجي والزم العالم تركب باصات فهذا منطق العاجز الذي لايملك حيله :telephone:

تقبل رايي 00 تحياتي

[halah]

اذا الشوارع مش قادره تستوعب عدد السيارات خلهم يوقفون بيع السيارات للناس ويسكرون وكالات السيارات

اذا كل بلوه بنردها ع القطري فهذا منطق الهروب من تحمل المسؤوليه

انظر للاسباب اللي ادت للمشكله عالج جذورها وليس قشورها :weeping:

افتح الشوارع<< خلص مشاريعك التي بلغت من الكبر عتيا << خطط مدينتك << وزع مدارسك

اما اني اجي والزم العالم تركب باصات فهذا منطق العاجز الذي لايملك حيله :telephone:

تقبل رايي 00 تحياتي


جزاك الله خير

كفيت ووفيت

[بوخالد2]

حتى عيال الكبارية..؟.:secret:

:nice::nice::nice:


والله الصراحه عن نفسي اعتقد شي مب مناسب اني اخليهم يروحون بكرووه وغيره

سيارة البيت افضل لهم وعلى راحتهم

والباص فيه اختلاط بالاطفال السنعين و اللى ماعندهم اخلاق

بيكون الطفل عرضه لهم و يسمع منهم الكلام اللى مب زين

هذه وجهة نظر فقط


محد دمر التعليم في قطر والمدارس الحكوميه الا (( العلمية والمستقله ))

الولد او البنت يجون البيت كل واحد فيهم وجه احمر و حالته حاله

ليش يااخي كل هذا العذاب

حسبي الله ونعم الوكيل فيهم

والباقي على كرووه (( قسم الاعدام ))

[شيخة الجزيرة]

يا جماعة الخير هل قطر كلهم على بعض مايتعدون 300 ألف وعمرهم ماشتكوا من الزحمة!!!

المطلوب تطبيق هالحلول على المليونين القادمين من خارج قطر.

من تخفيض رواتب.

من ركوب الأطفال الباصات.

من طرد الطلاب من الجامعات إذا نزل المعدل.

وغيرها من قرارات مجحفة بحق المواطن.

[ROSE]

انا مع القرار قلباً وقالباً .

عطوا القرار فرصة يطبق ،، وعقب نساهم في تصويب ما نراه صائب بتكاتفنا معاً.

أما الرفض لمجرد الرفض !!

ليش دائماً حاطين جل اهتمامكم في معارضة أي قرار يصدر ؟

اذا كل قرار بتقابلونه بهاذي الطريقة عمرنا ماراح نطّور .

لاحد يتهمني بشئ ،، انا لا من الكبارية ،، ولا ادافع عن كروة ،، ولا أشتغل في المجلس الاعلى للتعليم،، ولا عيالي يدرسون في مدارس خاصة .

أنا حالي من حالكم ولكن أي قرار جديد لازم نقف معاه الى أن يرى النور ،، لاتتحاملون وتحطون الظنون ان القرارات ضد المواطن والمقيم .

الله يرحم أيامك يا الباص العنابي كنا نذاكر ونحل الواجبات لحد مانوصل للبيت. مب الحين الواحد راكب مع السايق وحاط على MBC Fm :nice:

ياخوي اغلبنا هني ركب الباصات العنابية ومستانس عليها

انا عن نفسي كنت افرح لما اروح بالباص اكثر من لما ابوي يوصلني

لكن الحين وبعد الحوادث اللي شفناها ،، وبعد الاستهتار اللي نشوفه من سائقي كروه

بذمتك شلون تآمن على عيالك يركبونه

مستحيل والله خل الشوارع تنترس وتتكسر ولا ان عيالي يركبون هالباصات

مع فراشات وسواقين مستهترين ومهملين

وعلى اي اساس يفرضون قرار هم يشوفونه صح بدون اخذ حتى راي الاهالي

تخبط واضح بصراحه وهذي الصراحه اما ان نعطي القرار فرصه

فمستحيل ماراح يشوف النور لو اعلن عنه وخل مدارسهم لهم يكشون فيه الذبان

لو الزموا الاهالي بهالقرار

[دلة الرسلان]

ياخوي اغلبنا هني ركب الباصات العنابية ومستانس عليها

انا عن نفسي كنت افرح لما اروح بالباص اكثر من لما ابوي يوصلني

لكن الحين وبعد الحوادث اللي شفناها ،، وبعد الاستهتار اللي نشوفه من سائقي كروه

بذمتك شلون تآمن على عيالك يركبونه

مستحيل والله خل الشوارع تنترس وتتكسر ولا ان عيالي يركبون هالباصات

مع فراشات وسواقين مستهترين ومهملين

وعلى اي اساس يفرضون قرار هم يشوفونه صح بدون اخذ حتى راي الاهالي

تخبط واضح بصراحه وهذي الصراحه اما ان نعطي القرار فرصه

فمستحيل ماراح يشوف النور لو اعلن عنه وخل مدارسهم لهم يكشون فيه الذبان

لو الزموا الاهالي بهالقرار

زيدي على ذلك السلوكيات السيئة اللي يمكن يكتسبونها من بعض خاصة الصبيان والجو

الرومانسي اللي موفرينه لهم في الباصات مظلمة وبراد والكراسي ضخمة تحجب اللي

جالس ولا منسدح وراها وتخيلي اللي عيالهم صغار مثلي ينحطون مع فتيان يعانون من

طاقات حبيسة فوق الساعتين بدون حسيب او رقيب .

[سنافي]

الله يستر من هالقرار ... ان احسه قرار غير مدروووس ابدا ومحد راح يلتزم فيه ... يعني انا ايش ذنب ابني يوصل 20 واحد قبل لا يوصل بيته يعني بيشرفون البيت العصر ونفس الشي اول الصبح .....مع احترامي لكن القرار فاشل من قبل ان يطبق

[كبير المتداولين]

احلى خبر سمعته في حياتي وياريت يتحقق اقوم 6 الفجر اوصل دوامي 8

[كيفـي]

قرار اجباري ارهابي بنظري..

ماحب الشي اللى بالقوة..!!

وانا ضد هالقانون..

[وتبقى الدنيا حلوه]

مافي شي بالغصب

[OTOsan]

في ناس ماتعودت تركب الباصات .. حتى لو انها باصات 5 نجوم :)


الله يذكر باصات التربية بالخير .. الصفرا منها والعنابية .. !!

[غزلان]

حتى عيال الكبارية..؟.:secret:


:secret:

[قطرية عسل]

ياخوي اغلبنا هني ركب الباصات العنابية ومستانس عليها

انا عن نفسي كنت افرح لما اروح بالباص اكثر من لما ابوي يوصلني

لكن الحين وبعد الحوادث اللي شفناها ،، وبعد الاستهتار اللي نشوفه من سائقي كروه

بذمتك شلون تآمن على عيالك يركبونه

مستحيل والله خل الشوارع تنترس وتتكسر ولا ان عيالي يركبون هالباصات

مع فراشات وسواقين مستهترين ومهملين

وعلى اي اساس يفرضون قرار هم يشوفونه صح بدون اخذ حتى راي الاهالي

تخبط واضح بصراحه وهذي الصراحه اما ان نعطي القرار فرصه

فمستحيل ماراح يشوف النور لو اعلن عنه وخل مدارسهم لهم يكشون فيه الذبان

لو الزموا الاهالي بهالقرار


هذا الي بيصير :happy:

فديتج والله :victory:

[eXpert*]

اذا كل بلوه بنردها ع القطري فهذا منطق الهروب من تحمل المسؤوليه





عزيزي الفاضل انا كان تعليقي على الاخ الكريم اللي قال خل يمنعون المقيمين من القيادة بسبب ان كل بيت تلاقي اكثر من شخص يقود سيارة.

انا ماقطيت البلوة على القطريين ولا المقيمين كلنا في مركب واحد في الاخير ونتذوق من الكأس نفسه.

بس لازم نكون حياديين وليس حيازيين لطرف واحد.

بخصوص سائقو بروة والحادث اللي صار ،، لايوجد انسان معصوم عن الخطأ ،، وفي كل مدينة تصير مثل هالحوادث سواءً تابعة لـ كروة ولا لـ مطار هيثرو ،، الخطأ وارد .

صحيح كلنا نعاني من الشوارع والتخطيط وحالياً جاري العمل على هذا الشئ ،، ولكن هالقرار يعتبر حل مؤقت الى ان تعود المياة لـ مجاريها.

والله خير الحافظين. .

[eXpert*]

دائماً و أبداً أي قرار جديد كلٍ يعترض ويشجب و وو ووو .

بس بـ الأخير بتذعنون للامر الواقع فليش هذا كله ؟؟

كل من يقول بينقل أولاده مدارس خاصة !!! الظاهر ما شفت قائمة الانتظار الموجودة ؟ هل بتضيع عمر ولدك لين ما تلاقي له قبول في أحدى المدارس الخاصة بكلتيهما الاجنبية والمحلية؟

أنا احاول أكون منطقي لا أكثر ،،، السباحة عكس التيار متعبة جداً ..


ولكم في القرارات السابقة أسوةٌ حسنة :secret:

[الهـواوي]

زين والبنات يركبون مع السايق اللي هو سائق كروه ؟؟ عيب والله أذى بيتنا مافيه سايق الحين نخليهم يركبون مع سايق في البااص يهبون الا الحريم أما الأولاد ماعندنا مشاكل يروحون في الباااااااص

[أم أبراهيم]

هل القرار من اجل انهاء الأزمة المرورية

ام


من اجل زيادة عدد سيارات كروة وبالتالي زيادة الدخل لصاحب كروة :secret:

ضحكتني بو علي

القرارات الزينة دايما لهم وفي صالحهم :nice:

[الوان]

أبدن ما راح نذعن لهقرار
لو اضطر اني اودي بنتي المدرسه مشي
ولا اقعدها في البيت
اصلاً من اللي في المجلس الاعلى للتعليم قطري
90% منهم اجانب عرب و غير عرب
يقررون و يخططون على كيفهم
لازم نتعود نقول لا
لأن قطر بلد الحرية
و دستورنا دستور الحرية
مب حكم قراقوش

[شمس]

الحين هم حاطين الخبر في الجريده بحجة انهم شاوروا ويطبقونه بكره ههههههه
ودي اتعرف على صاحب الافكار الابداعيه المتجدده هذي؟ وهل الى هذه الدرجه مافيه احد يرده وينصحه؟
صج اذا البطانه فاسده فعلى الاداره السلام

[جاسم القطري]

حل حلو للزحمه لانها بصراحه ما تنطاق الصبح

[الهاوي]

والله اتمنى بشدة ان يصدر مثل هذا القرار ، بس على الكل؟

[الغريب3]

ياخواني القرار هذا ماراح يسير لانه مب في دوله اجنبيه احنى في الخليج والمجتمع يتكون من طبقات والطبقه العلياء ما اعتقد انه راح تسمح انه اولادهم يركبون كروه الا بعد اذا كروه بتوفر لهم سيارات خاصه مرسدس أو بي ام .
ترى كل الموضوع انه كروه تبي اتزيد رصيدها لانه توصيل الطلاب فيه خير الباص الكبير اليوميه1200 تقريباً والمتوسط 1000 ريال .... وبعد يوم السبت محسوبه اليوميه

[الدمعه]

لاحظت من قرائتي للردود .. ان اللي ماعنده عيال اوحد في المدرسه موافق ع القرار ..

يعني اللي موافق يفكر في نفسه بس ..مايفكر بهاليهال المساكين اللي بينهد حيلهم في الباصات ..

حرام عليهم متى بيوصلون وبيصلون وبيخلصون واجباتهم ودراستهم والاغداهم اللي

بينقلب عشا مره وحده ..

تفكرون بس تطلعون من البيت 7 وتوصلون 7وربع ماتفكرون بهالبزران اللي بيطلعون من 5

ومايردون الا3 او 4 العصر ..

جدام عيني اليهال يتضاربون في الباص وتبكس حق بعض والفراش باق عينه ولايسوي شي ..

شلون اهد عيالي في باصات فكرو في الياهل لاتفكرون في نفسكم وبس ..

حاطين البال ع القطري وشعنده وش ماعنده.. ماراح يرتاحون لين يرقدونهم على الحصير ..

[مضاربه]

القرار فاشل مب لانه مب زين بس ماظن ولد وزير والا ولد شيخ بيركب باص كروه يعنيالقانون بيسري على ناس وناس وافضل من هذي القرارات يشوفون لهم حل مع مشكله الشوارع يكثفون نشاطاتهم ويسون مراقبه على العمال ويشوفون حل مع هالافواج الي في البلد من جميع الاجناس الزحمه في كل مكان وين ماتروح جات على الصبح يعني حتى بالليل زحمه توقف في الاشاره الوحده عدة مرات

[سهم متردد]

الله يستر علينا من هالقرار والله الزحمه ارحم من خسارة ارواح الطلاب ..

اي والله

[شارع الأصمخ]

ما اعتقد حل هذا يعتبر قيد لحريه البشر
كل واحد يكيفه وشلون يوصل المدرسه .........
بس هالقرار شيء غريب

[فزعـــــ قطر ـــــة]

http://pic.do7a.com/data/media/134/do7a_154.gif
عزة الله اعيااالنا اوصلوووو في كروة ..لايمكن ومستحيل يتم تطبيقة
اصلا احنا مانبي هاالقرااار..اذا يبووون الزحمة اتخف ايعدلووون شوارعنا ويخلصووون اشغااال شغلهم اجسورهم ماخلصت صار لهااا اسنين ولا في 2020 بتخلص ..والحين هامهم الزحمة إلا يبون يربحووون كروة ..اهنيه القمندة
http://pic.do7a.com/data/media/134/do7a_154.gif

[الايرانى]

والله فكرة حلوة على الاقل اتخف الزحمة

[بوفهاد]

زينة .. شينة

عندي بنت اخوي الله يحفظها ، الباص يمرها 4:45 !!!!!!! تخيلوا طالبة يجيها الباص بها الوقت !!

وما ترجع غير 3 قريب العصر

السالفة يبيلها دراسة

[سهم مديون]

حتى عيال الكبارية..؟.:secret:

لا هذه الحالة وضعها استثنائي :tease:

[بواردي]

كروة عندها باصات زيادة:nice:
قالوا للمجلس الاعلى للتعليم لازم تشوف لنا تصريفة لها:anger1:
عادي جدا دعم لشركة كروة

[طواش]

زحمة ............زحمة ...........وين ما رحنا زحمة ، متى ما طلعنا زحمة .

نهار ..........ليل

صبح ..........ظهر ...................عصر .............مغرب .............عشا

زحمة ............زحمة .

والحل ......

ناس تقول خلوا كل الطلاب والطالبات يروحون ويوجون بالباصات .

وناس تقول والمدرسين والمدرسات بعد لازم يروحون بالباصات .

وانتوا شتقولون ؟؟؟؟؟؟

[bluelion]

يعني بتصير زخمة باصات واحنا كلنا بينهم؟ الله يعين.

[استغفرالله]

عيالنا في مدارس خاصة و مفتكين من تخبط المستقلة