مشاهدة النسخة كاملة : فودافون لا توظف القطريين ..... ويبون فلوسنا رواتب للأجانب
خلال مروري على كشك فودافون في معرض التوظيف أكدت لي أحد الأخوت انه فودافون لا تريد توظيف قطريين في الوقت الحالي وان جميع السير الذاتيه المقدمه لهم سيتم الأحتفاظ بها الى بعد سنة أو سنتين عندما يريدون توظيف قطريين
طبعا عندما سئلت الأخت اللبنانيه لماذا لا يتم توظيف القطريين قالت " القطريين يحتاجون الى تدريب كثير ونحن شركة عالميه وليس هناك وقت لأنظمامهم الأن"
وذكرت لي أيضا أنهم متفقين مع شركة توظيف هي التي تقوم بالتوظيف وأنهم قاموا ويقومون في الوقت الحالي بحملات توظيف من مصر و لبنان و دبي وبريطانيا
طبعا أستغربت وقلت لها الم تجدوا قطريين من ذوي الخبره قلت لا لان خبرتهم محدوده
قلت لها بمعنى أخر أنتم موجودين في المعرض لعدم التوظيف قالت لا نحن موجوديين هنا لجمع سير ذاتيه وراحت تلف وتدور في كلامها
اليس المفروض ان نقاطع أكتتابها لانها قاطعت توظيف القطريين
بمعنى أخر يبون فلوسنا رواتب للأجانب ,,,,,,,,,,, سلامتكم يافودافون موب بفلوسنا
عدد موظفي فودافون من العالم في قطر 330 عدد القطريين أقل من 20 قطري وكلهم عن طريق مؤسسة قطر ولو كان الامر بيد فودافون لن توظف قطريين الا بعد حين
ولد النواخذه
20-04-2009, 01:15 AM
المفترض من مؤسسة قطر اشتراط توظيف عدد من القطريين منذ البداية
المفترض من مؤسسة قطر اشتراط توظيف عدد من القطريين منذ البداية
صحيح ولكن هل لديهم القوه لفرض رأيهم على فودافون ,,,,,,,,,,, أعتقد نحن الوحيدين
ولد النواخذه
20-04-2009, 01:20 AM
^^^^
نعم لديهم ولكن الي اوله شرط آخره نور ومثل هالامور مفترض تكون مذكورة في المناقصة التي فازت بها فودا فون ومن ضمن الشروط الملزمة بتطوير ابناء البلد وما أعلم ان كانت هيئة الاتصالات وليست مؤسسة قطر ذكرت مثل هالتفاصيل الهامة
الخفي
20-04-2009, 01:20 AM
لا وتقولها بكل ثقه وتبجح احنا مانوظف القطريين لانهم يحتاجون الى تدريب
طيب شلون يحتاجون الى تدريب وانتوا متعاقدين مع مركز لتدريب الموظفين
من لبنان ومصر وغيره
طيب الي بيدرب المصريين واللبنانيين بيدرب القطريين لكن الشرهه موب عليهم
على الحكومه اللي ماجبرتهم ان تكون الاولويه للقطريين
لكن هذا اللي خلا الاجنبي يتكلم دوم وياخذ حقه ان الاجنبي يشوف ان حكومتنا تهتم فيه
اكثر من المواطن لذلك يتجرا ويتكلم وبتوصل لمرحله ان يعمل المواطن عند الاجنبي
اذا لم تتدخل الحكومه في اجبار الشركات الاجنبيه على ان تكون الاولويه للقطري لانه ابن البلد
بوخالد911
20-04-2009, 01:21 AM
لا تقلبووون المواااجع !!!!
hamoor4ever
20-04-2009, 01:26 AM
الكلام وايد صراحه والله يعين ، وبصراحه صارو القطريين كأنهم عاله على بلادهم ماقلت لكم بيجي اليوم اللي راح يتمنى القطري انه اجنبي وشكله قرب هاليوم
شهاب5
20-04-2009, 01:30 AM
الكلام وايد صراحه والله يعين ، وبصراحه صارو القطريين كأنهم عاله على بلادهم ماقلت لكم بيجي اليوم اللي راح يتمنى القطري انه اجنبي وشكله قرب هاليوم
:nice::nice::nice:
بوخالد911
20-04-2009, 01:30 AM
تذكرررت
مرررة العمال البريطانيين في لندن
سووا تظاهرات بخصوص البطالة
ورفعوا شعارات تقوول :
British jobs for British
يا سلااااام علييهم !!
:victory::victory::victory:
وانا اقووول بعد :
Qataris Jobs 4 Qataris
yes?
:secret::secret::secret::secret:
نورFROM قطر
20-04-2009, 01:34 AM
كم يعطونهم ب 40000 وال80000 ليش وع شنو..... والله يساعدونا ومحتااااااااجين لهم...هههههههههههه مب شي يديد هذا ف كل مكان تعالوا شوفوا ..... يجون ينامون ع المكاتب ولا يقرون جرايد ويطلعون
وانت يا القطري لا مانبي شهادتك ومب معترف فيها وسين وجيييييييم ....
ش نقول بس
سداوي&مدريدي
20-04-2009, 01:37 AM
اظاهر القطري منبوذ !!
لا تقلبووون المواااجع !!!!
موب أحسن نقلبها لعل وعسى,,,,,,,,,,,,,,,,,,,
Abu Deeb
20-04-2009, 02:50 AM
اخي الكريم فودافون حاولت أقدم لهم خريج جديد جامعة قطرهندسة ومواليد قطر
اللي قالوة لي قبل المعرض ان كل الموظفين سيكونون من خارج قطر
يعني الستف كامل من برة وانهم مايفكرون التوظيف من داخل قطر سواء قطري او غير قطري
اخي الكريم فودافون حاولت أقدم لهم خريج جديد جامعة قطرهندسة ومواليد قطر
اللي قالوة لي قبل المعرض ان كل الموظفين سيكونون من خارج قطر
يعني الستف كامل من برة وانهم مايفكرون التوظيف من داخل قطر سواء قطري او غير قطري
نعم صحيح بلأضافه الى بلاوي لا أريد ذكرها( وجود أقارب من الدرجه الاولى في نفس القسم(بريطانين) وزوج وزجته(بريطاني) و أمور أخرى ,,, أخلاقيه لا أريد أن أذكرها)
مافيا قطر
20-04-2009, 05:05 AM
هاى هدفهم عدم توظيف القطرى وين وزاره العمل وين الاتفاق معاهم على توطين الوظائف ولا راح يجبون
مايكل وربعه وميشيل ورواتب عاليه وفى بلاده ما يحصل نص اللى ياخذه وتامين وغيره ما نبيهم يجون
كافيه بلاويهم الا اخلاقيه حسبى الله ونعم الوكيل فيهم
وايش رايكم من الان قبل ما تنزل فودا فون نسوى حمله محد يشترك معاهم ابدا وخلهم يخيسون
بوحارب
20-04-2009, 05:09 AM
اللي ما يبينا عيت النفس تبيهـ
فودافون انا ماحبكم ولا بساهم في شركتكم ولا بشتري من ارقامكم
كيوتل احلى منكم يالشريرين @@
[DieT]
20-04-2009, 05:14 AM
طبعا عندما سئلت الأخت اللبنانيه لماذا لا يتم توظيف القطريين قالت " القطريين يحتاجون الى تدريب كثير ونحن شركة عالميه وليس هناك وقت لأنظمامهم الأن"
مولوده بمؤهلات خبير بس لاتسال من وين الشهاده ..
حسبي الله ونعم الوكيل ..
جوال 11
20-04-2009, 07:25 AM
يبغي لهم أحتجاج مثل القطرين في كهرماء
بواردي
20-04-2009, 07:36 AM
والله اذا بتوظفكم عشان تكركون وتقرون جرايد في الدوام
ما اعتقد
ذولي موبكيوتل
اعطيكم مثال
يوم تروح تسوي معاملة في كيوتل وكان الموظف اجنبي
بيخدمك ويمشيك
موبحبا فيك بس يبي يبين انه اوكي
يوم يكون الموظف قطري
ساعة يعدل الغترة وساعة يقز وساعة يرد على التلفون
ويفالنة تعاي ويفلان تعال
ويهايط على الفاضي
اذا انت كفو بياخذونك
واذا مو بقدها لا تعور راسك وراسنا
مع احترامي للموظفين في الجهات الاخرى بس من حرتي على كيوتل
والله اذا بتوظفكم عشان تكركون وتقرون جرايد في الدوام
ما اعتقد
ذولي موبكيوتل
اعطيكم مثال
يوم تروح تسوي معاملة في كيوتل وكان الموظف اجنبي
بيخدمك ويمشيك
موبحبا فيك بس يبي يبين انه اوكي
يوم يكون الموظف قطري
سعاة يعدل الغترة وساعة يقز وساعة يرد على التلفون
ويفالنة تعاي ويفلان تعال
ويهايط على الفاضي
اذا انت كفو بياخذونك
واذا مو بقدها لا تعور راسك وراسنا
هالكثر القطري بنظرك ولا شئ ؟؟ كسول ومايفهم ؟؟
والله وشهادة حق في موظفي كيوتل ماشاء الله عليهم والله انهم كفو والواحد يفتخر فيهم
الحين صار الاجنبي اللي بيخدمك وبيخلصك والقطري يهايط عالفاضي ؟؟؟
سبحان الله ولا حول ولا قوة الا بالله
بواردي
20-04-2009, 07:49 AM
هالكثر القطري بنظرك ولا شئ ؟؟ كسول ومايفهم ؟؟
والله وشهادة حق في موظفي كيوتل ماشاء الله عليهم والله انهم كفو والواحد يفتخر فيهم
الحين صار الاجنبي اللي بيخدمك وبيخلصك والقطري يهايط عالفاضي ؟؟؟
سبحان الله ولا حول ولا قوة الا بالله
اخوي شكلك ما تعرف كيوتل
وبعدين لايغرك الموظف بوترمبة
ترا نصهم موبقطريين
سياسة كيوتل عشان تبين انهم مواطنيين
اخوي شكلك ما تعرف كيوتل
وبعدين لايغرك الموظف بوترمبة
ترا نصهم موبقطريين
سياسة كيوتل عشان تبين انهم مواطنيين
ووووول نصهم مب قطرييين ؟؟؟
بواردي
20-04-2009, 07:57 AM
ننطر صوت قطر يرد ويجاوب
اخوي اسال اي موظف في كيوتل وبيعطيك الزبدة
الاغلبية من مواليد الدوحة بس مو بقطريين
انا قلت نصهم مع اني اشك انه اكثر
شبعان
20-04-2009, 07:58 AM
انتبهوا ياوزارة العمل... لاتعطونهم تصاريح عمل للجايين من برع.خلوا الاوليه للقطريين!!!
هتـان قطر
20-04-2009, 08:00 AM
يا عالم ..القطريين وش صاير لهم..؟
ليش كل شي ضدهم ..حتى حكومتهم صارت تفضل الاجانب عليهم..؟
ليكون حد مسوي لنا سحر والا صاكنا بعين..؟
:eek5:
يا عالم ..القطريين وش صاير لهم..؟
ليش كل شي ضدهم ..حتى حكومتهم صارت تفضل الاجانب عليهم..؟
ليكون حد مسوي لنا سحر والا صاكنا بعين..؟
:eek5:
ايييييييييييييييييييه ياهتان
صباح الخير والعنبر :(
هتـان قطر
20-04-2009, 08:09 AM
ايييييييييييييييييييه ياهتان
صباح الخير والعنبر :(
صباح الخير ياضوى..:(
الموضوع هذا جابلي غصة في حلقي وخنقتني العبرة
ليش يسوون فينا كذا..؟
بلادنا وخيرنا وشقا اجدادنا من سنين..يروح على اللي يسوى واللي ما يسوى
استغلونا واستخفوا عقولنا..في بلادنا وما نقدر نقول برم..
القلوب مشحونه يا ضوى..والقطريين بدوا يحسون بالضعف وبالقهر
وما بيدهم حيلة..
الى الله المشتكى ولا حول ولا قوة الا به
صباح الخير ياضوى..:(
الموضوع هذا جابلي غصة في حلقي وخنقتني العبرة
ليش يسوون فينا كذا..؟
بلادنا وخيرنا وشقا اجدادنا من سنين..يروح على اللي يسوى واللي ما يسوى
استغلونا واستخفوا عقولنا..في بلادنا وما نقدر نقول برم..
القلوب مشحونه يا ضوى..والقطريين بدوا يحسون بالضعف وبالقهر
وما بيدهم حيلة..
الى الله المشتكى ولا حول ولا قوة الا به
شقى سنين الجدود راح ياهتان ماعاد في خلاص :(
ضعف وقهر وحسرة ، لا وانتي الغلطانة بالنهاية مو الغريب :weeping:
قلبتي مواجع قلبي هتان :weeping:
خــطــافــ
20-04-2009, 08:13 AM
متعودين للاسف وهذا شئ ليس بغريب على فودافون
اذا الاسم بقى اسم اجنبي دون حتى محاوله للتغيير
فودافون في الكويت والبحرين والسعوديه غيروا اسماءهم الى زين
اما عندنا دائما نسلم ونكون الطيبين المغلوب على امرنا
شركه للاسف قاعده تثبت يوم بعد يوم انها اقل بكثير من طموح اي قطري
ولسان حال كيوتل يقول ماتعرف قديري الا اذا جربت غيري
عجبي
Mansour_qa
20-04-2009, 08:21 AM
ومازلنـا نغـرد ..
ولا أحـد يسمـع ..
ومازلنـا مظلوميـن فـي نظـر أنفسنـا ..
ولا أحد يسمعنـا ..
اللـه يكـون فـي العـون ..
وإستغفر الله ..
وإستغفر الله ..
وإستغفر الله ..
وإستغفر الله ..
وإستغفر الله ..
وإستغفر الله ..
وإستغفر الله ..
وإستغفر الله ..
وإستغفر الله ..
وإستغفر الله ..
خــطــافــ
20-04-2009, 08:21 AM
والله اذا بتوظفكم عشان تكركون وتقرون جرايد في الدوام
ما اعتقد
ذولي موبكيوتل
اعطيكم مثال
يوم تروح تسوي معاملة في كيوتل وكان الموظف اجنبي
بيخدمك ويمشيك
موبحبا فيك بس يبي يبين انه اوكي
يوم يكون الموظف قطري
ساعة يعدل الغترة وساعة يقز وساعة يرد على التلفون
ويفالنة تعاي ويفلان تعال
ويهايط على الفاضي
اذا انت كفو بياخذونك
واذا مو بقدها لا تعور راسك وراسنا
مع احترامي للموظفين في الجهات الاخرى بس من حرتي على كيوتل
اسمحلي اخوي
كلامك لايمت للواقع بصله
كله افتراء للاسف على القطري
القطري وقت مايلقى الثقه يخدم بلاده اكثر من 10 اجانب
يا اخي الامثله كثيره ولاتعمم تجربه فرديه
قطر تحتل مراكز مرموقه عالميا هل تظن انه بفضل الاجنبي اللي مايكشخ ومايلبس الغتره
قيادات كيوتل كلها من القطريين الاكفاء
ليس دفاعا عن كيوتل ولكن هذا هو واقعها
اما نظرتك للقطري فهي للاسف مخجله وماهقيتها منك سواء كنت قطري او لا
تحياتي
مبتدئة
20-04-2009, 08:34 AM
طبعا عندما سئلت الأخت اللبنانيه لماذا لا يتم توظيف القطريين قالت " القطريين يحتاجون الى تدريب كثير ونحن شركة عالميه وليس هناك وقت لأنظمامهم الأن"
تووه القرضاوي يقول انها شركة قطرية مستقلة بذاتها وولا لها خص في فودافون بريطانيا
<< شاللي سواها عالمية!!!!:secret:
هدوء الصباح
20-04-2009, 08:35 AM
صحيح ولكن هل لديهم القوه لفرض رأيهم على فودافون ,,,,,,,,,,, أعتقد نحن الوحيدين
مؤسسة قطر هي المالك لفودافون,بالتالي لو ارادت لوظفت قطريين ,ولكنها هي نفسها لا توظف القطريين
THE PILOT
20-04-2009, 08:38 AM
هاى هدفهم عدم توظيف القطرى وين وزاره العمل وين الاتفاق معاهم على توطين الوظائف ولا راح يجبون
مايكل وربعه وميشيل ورواتب عاليه وفى بلاده ما يحصل نص اللى ياخذه وتامين وغيره ما نبيهم يجون
كافيه بلاويهم الا اخلاقيه حسبى الله ونعم الوكيل فيهم
وايش رايكم من الان قبل ما تنزل فودا فون نسوى حمله محد يشترك معاهم ابدا وخلهم يخيسون
وزارة العمل ........ :whistling:
أم هشام
20-04-2009, 08:42 AM
بس انا اشوف العكس
انا عندي خبرة سنوااااااااااااات بالاتصال ولما قدمت قالولي كل شي ممتاز بس ما نوظف الا قطريين
وانا وحدة من اللي انقطع رزقهم وقاعدة بالبيت ومتراكمة علي ديون بسبب انهاء عقود العمل للكثير من الاجانب
واتمنى المساعدة والستر من ربنا
ويا ريت لنا بلد نروح عليه الا قطر بلدي عايشة فيها طول عمري بس ما لاقية رزقي
Fendi
20-04-2009, 08:48 AM
اسمحلي اخوي
كلامك لايمت للواقع بصله
كله افتراء للاسف على القطري
القطري وقت مايلقى الثقه يخدم بلاده اكثر من 10 اجانب
يا اخي الامثله كثيره ولاتعمم تجربه فرديه
قطر تحتل مراكز مرموقه عالميا هل تظن انه بفضل الاجنبي اللي مايكشخ ومايلبس الغتره
قيادات كيوتل كلها من القطريين الاكفاء
ليس دفاعا عن كيوتل ولكن هذا هو واقعها
اما نظرتك للقطري فهي للاسف مخجله وماهقيتها منك سواء كنت قطري او لا
تحياتي
كفيت وفيت اخوي كلامك 10/10
وشلون تبي لقطري يرتغى وبعض الناس تقول نفس الاخ العزيز \
خلها ع الله
لاحول ولا قوه الا بالله
Q_PG_S
20-04-2009, 08:50 AM
السلام عليكم و رحمة الله و بركاته
انا قدمت سيرتي الذاتية من مدة و كان الرد من مكتب توظيف خارجي ( ليش من الموارد البشرية لفودافون ) ، و كانت الوظيفة المعروضة علي مسؤول في مركز الاتصالات call centre مع أني احمل درجة الماجستير، طبعاً تمالكني الغضب لأول وهلة بس أكملت المحادثة بشكل عادي و مؤدب رافضاً هذا العرض.
ezgert
20-04-2009, 09:04 AM
تذكرررت
مرررة العمال البريطانيين في لندن
سووا تظاهرات بخصوص البطالة
ورفعوا شعارات تقوول :
British jobs for British
يا سلااااام علييهم !!
:victory::victory::victory:
وانا اقووول بعد :
Qataris Jobs 4 Qataris
yes?
:secret::secret::secret::secret:
:nice::nice::nice:
oxqatarxo
20-04-2009, 09:17 AM
لا وتقولها بكل ثقه وتبجح احنا مانوظف القطريين لانهم يحتاجون الى تدريب
طيب شلون يحتاجون الى تدريب وانتوا متعاقدين مع مركز لتدريب الموظفين
من لبنان ومصر وغيره
طيب الي بيدرب المصريين واللبنانيين بيدرب القطريين لكن الشرهه موب عليهم
على الحكومه اللي ماجبرتهم ان تكون الاولويه للقطريين
لكن هذا اللي خلا الاجنبي يتكلم دوم وياخذ حقه ان الاجنبي يشوف ان حكومتنا تهتم فيه
اكثر من المواطن لذلك يتجرا ويتكلم وبتوصل لمرحله ان يعمل المواطن عند الاجنبي
اذا لم تتدخل الحكومه في اجبار الشركات الاجنبيه على ان تكون الاولويه للقطري لانه ابن البلد
يا جماعه ليش النظرة للقطري انه قاصر ويحتاج الى تدريب، انا شفت يابانيين وكوريين واوروبيين ولله الحمد والشكر.... لا وماسكين مناصب.
القطري يا جماعه كفؤ ويكاد يتفوق على غيرة من باقي الجنسيات، مجرد مقارنة
الكل سامع وشايف نجاح قطر على المستوى السياسي ، الصناعى ، والاقتصادي
هل تنسب كل هذه النجاحات للكوادر الاجنبية؟ ... جان فلحوا ولا نجحوا في بلادهم اولا.
و عيب هذا الاجحاف وخاصة من بعض المسئولين القطريين اللي دايما يعتمد على الاجنبي.
بوخالد2
20-04-2009, 09:18 AM
الكلام وايد صراحه والله يعين ، وبصراحه صارو القطريين كأنهم عاله على بلادهم ماقلت لكم بيجي اليوم اللي راح يتمنى القطري انه اجنبي وشكله قرب هاليوم
اى والله
في ديرتي وغريب :(
م. عبدالعزيز
20-04-2009, 09:40 AM
اي بصراحه جيتهم في المعرض عالفاضي لو مايجون أبرك لهم
من شاف مديره الموارد البشريه
http://www.vodafone.com.qa/go/ar/executiveteam/janmottram
عموما فودافون سهل الواحد يقوم عليهم.. ونبهدلهم << مادري شناوي :p
بواردي
20-04-2009, 09:41 AM
اسمحلي اخوي
كلامك لايمت للواقع بصله
كله افتراء للاسف على القطري
القطري وقت مايلقى الثقه يخدم بلاده اكثر من 10 اجانب
يا اخي الامثله كثيره ولاتعمم تجربه فرديه
قطر تحتل مراكز مرموقه عالميا هل تظن انه بفضل الاجنبي اللي مايكشخ ومايلبس الغتره
قيادات كيوتل كلها من القطريين الاكفاء
ليس دفاعا عن كيوتل ولكن هذا هو واقعها
اما نظرتك للقطري فهي للاسف مخجله وماهقيتها منك سواء كنت قطري او لا
تحياتي
اخوي انا ما اتكلم عن القيادات بكيوتل اتكلم على الكاستمر سيرفس
ولا القيادات ما شفتهم خير شر
وبعدين انا ماشملت الموظفين كلهم
كلامي واضح
كيوتل فقط
ونظرتي المخجلة على قولك
ما شملت كل موظفين الدولة قصدت كيووووووووووووووووووووووووووووووووتل
بواردي
20-04-2009, 09:44 AM
اي بصراحه جيتهم في المعرض عالفاضي لو مايجون أبرك لهم
من شاف مديره الموارد البشريه
http://www.vodafone.com.qa/go/ar/executiveteam/janmottram
عموما فودافون سهل الواحد يقوم عليهم.. ونبهدلهم << مادري شناوي :p
اخوي هاي اسمها يبيله معجم ومترجم
كان موتر م = هاي اسم ولا قصدهم انه كان عندها موتر بي ام
شكلها خارج نطاق التغطية
قال مديرة موارد
م. عبدالعزيز
20-04-2009, 09:44 AM
والله اذا بتوظفكم عشان تكركون وتقرون جرايد في الدوام
ما اعتقد
ذولي موبكيوتل
اعطيكم مثال
يوم تروح تسوي معاملة في كيوتل وكان الموظف اجنبي
بيخدمك ويمشيك
موبحبا فيك بس يبي يبين انه اوكي
يوم يكون الموظف قطري
ساعة يعدل الغترة وساعة يقز وساعة يرد على التلفون
ويفالنة تعاي ويفلان تعال
ويهايط على الفاضي
اذا انت كفو بياخذونك
واذا مو بقدها لا تعور راسك وراسنا
مع احترامي للموظفين في الجهات الاخرى بس من حرتي على كيوتل
لا تعمم اخوي .. اتصور ردك هذا كتبته لانه كان عندك تجربه مره من المرات فعممتها على كل الموظفين..
هالقطر بكل بمكان فيهم الخير الا من رحم الله وهم قله أقليه الله يصلح حالهم
وتبقى الدنيا حلوه
20-04-2009, 09:46 AM
!!!
وين الدوله عنهم ؟؟
وين سياسة التقطير بالشركة و ليش ماتمشي عليهم ؟
بواردي
20-04-2009, 09:49 AM
!!!
وين الدوله عنهم ؟؟
وين سياسة التقطير بالشركة و ليش ماتمشي عليهم ؟
الي اشوفه ان
هالشركة تعتمد سياسةالتطيير
موبسياسة التقطير
خــطــافــ
20-04-2009, 10:10 AM
اخوي انا ما اتكلم عن القيادات بكيوتل اتكلم على الكاستمر سيرفس
ولا القيادات ما شفتهم خير شر
وبعدين انا ماشملت الموظفين كلهم
كلامي واضح
كيوتل فقط
ونظرتي المخجلة على قولك
ما شملت كل موظفين الدولة قصدت كيووووووووووووووووووووووووووووووووتل
فديت من جابك
الحالات الفرديه يجب ان لاتعمي عيوننا عن الايجابيات
وكيوتل جهدها واضح في الفتره الاخيره لاستقطاب القطريين
ورواتب الcustomer services ماتغري القطري
واعتقد انهم سووا الشي الصح انهم استعانوا بالمقيمين ومواليد الدوحه وهذي خطوه تحسب لكيوتل << كفايه انها باسم قطر كيو
ومثل ماقلت لك الحالات الفرديه لاتعمم
وسع صدرك
لاهنت
:victory:
بلاهويـــــة
20-04-2009, 10:16 AM
حسبي الله ونعم الوكيل
رأس بروق
20-04-2009, 10:29 AM
فودافون شركة عالمــــــــــــــــيه غيــــــــــــــر مستـــــــــــــعده للتخبـــــــــــــــط هـــــــــــذا شـــي طبيــــــــــــــعي كــــــــــــل شـــــــــــركـــه او مؤســــــــــــسه كبـــــــــــــــــيره لابــــــــــد فــــالبـــدايـــه تبــــداء بـــــدايه قــــــــــــويه فــــي المعــــــــــــــامله والتـــــــــــرويــــــــــج حـــــتي يثـــــــــــــق فــــــــــــيها الجمـــــــــــهور و العمـــــلاء وذلــــــــــك لتــــــــــــــسهيل المعامله مع عملاءها من جميـــــــــــع الفئـــــــــــات السنــــــــــــــيه والعقليــــه.
ووليـــــــــــــش دايمـــــــــــــاً بعــــــــــــــض الاعضـــــــــــــاء ردوودهــــــــــم علـــــى شركــــه الاتصـــــالات فودافون سلبيـــــــــه والبعض يشوه صورتها إإ ثــــــــــــراك انت التقاقي ولا تلاقي
الشــــــــــركه ماراح يظرها شـــــــــي من كــــــــلامكـ لاراح يقلل منها ولايزيد .. اذا هاي كلامك
اشلــــون تبــــي الشــركـــه تـــوظــــف القطـــــرييـن عنــــدهــا ؟؟
خــطــافــ
20-04-2009, 10:37 AM
راس بروق <<< من قدم السبت لقي الاحد << مثل من عندي
ياخوي هذي مهب شركه اذا بتكون ردة فعلها على النقد انها بتساهم في تضييع القطري
يا اني امدحها او ماتوظفني << منطق غريب
واي معامله واي ترويج ياحبيبي
انا كنت في السعوديه في الصيف الماضي وكانت شركة زين بتطلق خدماتها << ياخي اللي شفته من ترويج واعلام شي خيالي << صراحه توقعت فودافون بنفس المستوى اذا مش افضل
ونت شايف وعارف
وبعدين انتقادنا ردة فعل << ونت شايف الموضوع كيف هي رواية صاحبه
تنتظر نطبل لهم ونقولهم عفيه عليكم << احنا لعبة في يدكم
للاسف اخوي ردك يدعو للسلبيه واتمنى تتقبل رأيي
ع فكره انا من ضمن ال1000 مشترك لفودافون
تحياتي
رأس بروق
20-04-2009, 11:02 AM
خــطــافــ .... كـــــــــــلامي واضــــح ماقدر الحكم على شي للحين مابداء في ارض الواقع فودافون شركه كبيره لهـــــــــا مجــــــــــــال واســـــــــع بترويــــــــــج والقطــــــــــــــري والقطريـــــــــه غيــــر مستعديـــن انهــم يروجـــــون للبيــــــــــــع كــــرووت فودافون فــــــــي مجمعـــــــــــات وغيــــــــــــره من امــــــاكن عــــامه .
فودافون راح تفتح محلات ترويج الصغيره لها في المجمعات والمطار واحتمال كبير انه تبيع تلفونات لها من نفس الشركه وتبي اشخـــــــــاص لهم باع طـــويل في المعــــــــــامله مع الجمهور شوف عندك البحرين اول ماتدخل البحرين تشوفلك شباب يبعون كروت سمسم وفودافون ع الجسر وداخل المطار البحرين ونفس اشي في مصر والكويت حــــتي في بريطـــــــــــانيا .
مساهم عادي
20-04-2009, 11:12 AM
فودافون شركة عالمــــــــــــــــيه غيــــــــــــــر مستـــــــــــــعده للتخبـــــــــــــــط هـــــــــــذا شـــي طبيــــــــــــــعي كــــــــــــل شـــــــــــركـــه او مؤســــــــــــسه كبـــــــــــــــــيره لابــــــــــد فــــالبـــدايـــه تبــــداء بـــــدايه قــــــــــــويه فــــي المعــــــــــــــامله والتـــــــــــرويــــــــــج حـــــتي يثـــــــــــــق فــــــــــــيها الجمـــــــــــهور و العمـــــلاء وذلــــــــــك لتــــــــــــــسهيل المعامله مع عملاءها من جميـــــــــــع الفئـــــــــــات السنــــــــــــــيه والعقليــــه.
ووليـــــــــــــش دايمـــــــــــــاً بعــــــــــــــض الاعضـــــــــــــاء ردوودهــــــــــم علـــــى شركــــه الاتصـــــالات فودافون سلبيـــــــــه والبعض يشوه صورتها إإ ثــــــــــــراك انت التقاقي ولا تلاقي
الشــــــــــركه ماراح يظرها شـــــــــي من كــــــــلامكـ لاراح يقلل منها ولايزيد .. اذا هاي كلامك
اشلــــون تبــــي الشــركـــه تـــوظــــف القطـــــرييـن عنــــدهــا ؟؟
فودا فون .... سيئة جدا حتى من ناحية الاعلان والتقنيات....شركة قاعدة تتسول الناس علشان يكتتبون فيها اول شركة مساهمة في تاريخ قطر تسوي دعايات وعروض علشان الناس تكتتب فيها ..... شركة قاعدة تتسول من كيوتل ابراج وتقول انهم ماساعدونا.... بذمتكم هذا اسلوب شركة عالمية مب عارفة كيف تركب ابراج ارسال..... وحتى الأبراج اللي مركبينها على البيوت صايرة مشكلة عليها في البلدية بكذا موقع والسبب انها مشوهة المنظر العام ولم تركب حسب الشروط المطلوبة....يعني شغل سريع سريع.....
اصلا الشركات البريطانية قاعدة تتراجع في العالم كله ومب قادرة تنافس باقي الشركات العالمية.... من شركات النفط الى شركات السيارات التي بيعت كلها لشركات امريكية والمانية....
فارس قطر
20-04-2009, 12:24 PM
ماشاء الله اعضاء منتد انا اكثرهم طلعوا موظفين في كيوتل
.
.
.
.
.
.
.
.
.
بـن عدوان
20-04-2009, 12:56 PM
... :(
ياخوي وين المسؤولين :(
سوووووووووووووووووووا شـــــــــــي
الي اشوفه ان
هالشركة تعتمد سياسةالتطيير
موبسياسة التقطير
مافيه أحسن من الوطني وكيوتل تدخل الفرع تشوف القطريين
تنفتح نفسك >> طبعا تنفتح نفس اللي يبي يخلص شغله ويروح
بس اللي عاوز الخضره والماي وال :tease: يدور غير القطريين نفس الشركات الاخرى
كيفـي
20-04-2009, 02:07 PM
يعني نقاطع؟؟!!
تراني جاهزة للمقاطعة..:D
مالنا الا كيوتل..:(
استبشرنا خير بفودافون.. لكنها خيبت ظننا..!!!
طبعا,,,,,,,,,,, مقاطعه
ونبداء بمقاطعة الأكتتاب
خــطــافــ
20-04-2009, 02:22 PM
ماشاء الله اعضاء منتد انا اكثرهم طلعوا موظفين في كيوتل
.
.
.
.
.
.
.
.
.
انا عن نفسي مش في كيوتل ولاعندي حتى سهم واحد فيها :secret:
بس الحق يقال خدمات كيوتل تطورت بشكل سريع جدا في الفتره الاخيره << بتقولي لانه فودافون وخافوا ومادري ايش << بقول لك اوكي بس على الاقل تفاعلوا بايجابيه ومن صالح الزبون وهذا الاهم بالنسبه لي ولك ولنا كلنا
شاااااو
جمال اليافعي
20-04-2009, 02:29 PM
الى الأمام يا كيوتل وعرقليهم ولا تخلونهم يبنون أريل حتى على سيكل .. أطردوهم خارج البلالالالالالاد !
(( يالله مدحتكم ارفعوا سرعه النت عاااااد ))
qdalwatan
20-04-2009, 08:49 PM
مالك الا "كيوتل" وانا اخوك .. شركة وطنية وتوظف هل قطر .. ولها مساهمات خيرية وتدعم مؤسسات الدولة المختلفة .. خلكم مع كيوتل
على البال
20-04-2009, 09:11 PM
انت اخوي ليش زعلان
المخرج عاوز كدة
الله كريم
هم دايم يذمون القطري جنة جاي من غابات افريقيا
والله العظيم ان الموظف القطري يسواهم او يسوى فودافون
Khaled Kaseb
20-04-2009, 10:01 PM
ليش يا جماعة الخير تتكلمون على كيوتل و فودافون تعالو شوفو ميزه شركه مملوكه لمؤسسة قطر زيها زى فودافون مفيش فيها واحد قطرى و اقل راتب لمهندس هناك 40000 ريال + التعليم مدفوع بالكامل + التامين الصحى و مدير نظم المعلومات جنوب افريقى راتبه فوق ال 60000 و ماهو مستوى كلش نفس الشء حصل فى وزارة الصحه وغيره من المؤسسات
عبد الرحمن77
20-04-2009, 10:08 PM
اللي ما يبينا عيت النفس تبيهـ
فودافون انا ماحبكم ولا بساهم في شركتكم ولا بشتري من ارقامكم
كيوتل احلى منكم يالشريرين @@
:victory: هذا الكلام السنع ..........
Revamp
20-04-2009, 10:38 PM
لا تقلبووون المواااجع !!!!
تعال شخبار راجو من زمان حلقت عنده
الوفي
21-04-2009, 12:35 AM
أخواني وأخواتي أعضاء المنتدى.....
أنا أشوف ان القطـــــــري او القطرية مالهم حاجة يعملون بهذه الشركة من ناحية مستقبليه...يعني حرام قطري يعمل سنين ولايحصل راتب تقاعـــــــد...
وبعدين الشركة تتعامل بالحرام يعني الراتب مافيه بركــــــــــــــة....
مثال:
راتب موظف قطري في مصرف قطر الاسلامي 15000 ريال
راتب موظف قطري في البنــــك البــــــريطاني 22000 ريال
الي بالمصرف الله مبارك براتبه وديونه محدوده 50% ويبقاله بالكثير نصف الراتب
لكن الي بالبريطاني 65% من راتبه دين والباقي مايدري وين يصرفه وديونه وفوايده تتراكم عليه.
وأنــــــا أشوف اللـــــــــه يعز ويكـــــــــــرم القطري والقطرية من هذي الشركات الأجنبيه......الي ماتدرون يمكن تفرض شرط على الموظف تخالف دينا وعاداتنا وتقاليدنا
وأشكـــــــر أخوي hich على أعتزازة بالوطنية وغيرته على ابناء وطنه...
تحياتي لصاحب الموضوع..
اي بصراحه جيتهم في المعرض عالفاضي لو مايجون أبرك لهم
من شاف مديره الموارد البشريه
http://www.vodafone.com.qa/go/ar/executiveteam/janmottram
عموما فودافون سهل الواحد يقوم عليهم.. ونبهدلهم << مادري شناوي :p
شوف الواسطه عند البريطانين
""""
ليس من المفاجيء أن تكون وثائق تعريف جان الخاصة جدّ مؤثّرة . فجان ولدت في المملكة المتّحدة تعلّمت في إنجلترا و تخرّجت من جامعة بريستول عام 1974 مع درجة B.S. في المايكرو بيولوجي .
"""""
http://www.vodafone.com.qa/go/ar/executiveteam/janmottram
خريجه مايكروبويلجي ومديره الموارد البشريه وتاخذ 120 الف ,,,,,,,,,,,, عجبي
لا والمدير العام كان خباز
""""""
كان يراقب نضوج الخبز في عمله الأوّل كخبّاز . قد يبدو امرا ممتعا للبعض ;العمل ليلا و الطواف في أوستراليا على ظهر درّاجة ناريّة نهارا و لكنه لم يكن كذلك بالنسبة إليه.
"""""""
http://www.vodafone.com.qa/go/ar/executiveteam/grahamemaher
والطامه مدير التسويق
""""""
ويتميز مايكل بشخصية "متميزة وودية وإيجابية وممتعة وبارعة في كافة المجالات". وقد يهمك معرفة أن مايكل موسيقي محترف، ويقدم عروضاً مباشرة على التلفزيون وفي الحفلات والمناسبات. ونحن نتطلع بفارغ الصبر إلى سماع مقطوعاته الموسيقية والتعرّف على هوايته قريباً!
"""""""
http://www.vodafone.com.qa/go/ar/executiveteam/michaelportz
كله من فولسكم من أكتتابكم
الهاوي
21-04-2009, 01:01 AM
لاحول ولاقوة إلا بالله ’
Qa6ar
21-04-2009, 01:01 AM
انا ماكتتبت وانا عندي حوالي عشرين بطاقه
مب مقتنع بداخلي انه في يبعدني عنه وهو الحرام(الربا)
انتبهوا ياوزارة العمل... لاتعطونهم تصاريح عمل للجايين من برع.خلوا الاوليه للقطريين!!!
الله يهديك لو سالفه بالقانون ماكان فودافون شاركت مؤسسة قطر الشراكه شراكه ليي القوانين وواسطه
بمعنى أخر ستظل مؤسسة قطر تضغط على أي جهة حكوميه لمصلحة فودافون
فودافون شركة عالمــــــــــــــــيه غيــــــــــــــر مستـــــــــــــعده للتخبـــــــــــــــط هـــــــــــذا شـــي طبيــــــــــــــعي كــــــــــــل شـــــــــــركـــه او مؤســــــــــــسه كبـــــــــــــــــيره لابــــــــــد فــــالبـــدايـــه تبــــداء بـــــدايه قــــــــــــويه فــــي المعــــــــــــــامله والتـــــــــــرويــــــــــج حـــــتي يثـــــــــــــق فــــــــــــيها الجمـــــــــــهور و العمـــــلاء وذلــــــــــك لتــــــــــــــسهيل المعامله مع عملاءها من جميـــــــــــع الفئـــــــــــات السنــــــــــــــيه والعقليــــه.
ووليـــــــــــــش دايمـــــــــــــاً بعــــــــــــــض الاعضـــــــــــــاء ردوودهــــــــــم علـــــى شركــــه الاتصـــــالات فودافون سلبيـــــــــه والبعض يشوه صورتها إإ ثــــــــــــراك انت التقاقي ولا تلاقي
الشــــــــــركه ماراح يظرها شـــــــــي من كــــــــلامكـ لاراح يقلل منها ولايزيد .. اذا هاي كلامك
اشلــــون تبــــي الشــركـــه تـــوظــــف القطـــــرييـن عنــــدهــا ؟؟
هداك الله اي توظيف هم يقولون حن مانوظف قطريين فقط أجانب
خبازيين
عازفين موسيقا محترفيين
وغيره
وأحنا لما جيناهم يقولون لا ماعندك خبره يعني الخباز (وظيفة الرئيس التنفيذي لفودافون) ماوصل هالمواصيل الا لما عطوه فرصه
والمشكله ان أحنا يالقطريين الي بندفع راس مال الشركه
أحنا نقول عطوا القطري فرصه هدانا وهداك الله
كيفـي
21-04-2009, 08:39 AM
الى الأمام يا كيوتل وعرقليهم ولا تخلونهم يبنون أريل حتى على سيكل .. أطردوهم خارج البلالالالالالاد !
(( يالله مدحتكم ارفعوا سرعه النت عاااااد ))
:nice:
سهم متردد
21-04-2009, 08:58 AM
^^^^
نعم لديهم ولكن الي اوله شرط آخره نور ومثل هالامور مفترض تكون مذكورة في المناقصة التي فازت بها فودا فون ومن ضمن الشروط الملزمة بتطوير ابناء البلد وما أعلم ان كانت هيئة الاتصالات وليست مؤسسة قطر ذكرت مثل هالتفاصيل الهامة
انتم مصدق
اي مناقصه
الصراحه شركة الاتصالات الاماراتية (اتصالات دو)اظن كانت ارحم من هل النصابييييين
اقل شي (اماراتية)بس خبرك ربعنا يحبون الشكشوكه (البيض والحمر)
سهم مديون
21-04-2009, 10:18 AM
لا للاكتتاب في اسهمها !
واحد دوت كوم
21-04-2009, 10:27 AM
والله جابيتها بابو الشباب
"اليس المفروض ان نقاطع أكتتابها لانها قاطعت توظيف القطريين
بمعنى أخر يبون فلوسنا رواتب للأجانب ,,,,,,,,,,, سلامتكم يافودافون موب بفلوسنا "
الزيبق
21-04-2009, 10:33 AM
يوم صدام طرش الصروخ ذيك السنه محد تم في البلاد الا احنا
(القطريين) لاحفنا الدرايش عن الكيماوي والباقي حط ريله على اول طياره
&بوشهد&
21-04-2009, 02:11 PM
لا للاكتتاب في اسهمها !
نعم لا للاكتتاب
والله جابيتها بابو الشباب
"اليس المفروض ان نقاطع أكتتابها لانها قاطعت توظيف القطريين
بمعنى أخر يبون فلوسنا رواتب للأجانب ,,,,,,,,,,, سلامتكم يافودافون موب بفلوسنا "
نعم لنجعلها شعار لنا
The future
22-04-2009, 01:36 AM
تذكرررت
مرررة العمال البريطانيين في لندن
سووا تظاهرات بخصوص البطالة
ورفعوا شعارات تقوول :
British jobs for British
يا سلااااام علييهم !!
:victory::victory::victory:
وانا اقووول بعد :
Qataris Jobs 4 Qataris
yes?
:secret::secret::secret::secret:
:nice:
يالله خلونا نشد الحيل ونتحرك.
الوفي
22-04-2009, 02:03 AM
يوم صدام طرش الصروخ ذيك السنه محد تم في البلاد الا احنا
(القطريين) لاحفنا الدرايش عن الكيماوي والباقي حط ريله على اول طياره
عزه اللـــــــــــه أنك صدقت يالزيبق.......حتى أخبر الدوحه فاضيه وليتات المطار مطفيه.......باااااااااااال كنا بس ننطر اي صاروخ ولاقنبله وراضين بالقدر
بالنسبة لبيتنا والله حتى ماسوينا شي للكيماوي ولاشي الوالد قال:توكلوا على الله سبحانه .........والناس تشتري اكل وبخمسين ريال خبز.....
بس قاعديين بالبيوت ونتابع الاخبار ونشوف طيارات الشبح...خخخخ ايه ايام كنت بسادس ابتدائي
جمال اليافعي
22-04-2009, 02:07 AM
وفي النهايه بنسمع ان المواطنين القطريين غطوا رأسمال الاكتتاب 10 مرات .. ونعم لا للأكتتاب
محسن العجي
22-04-2009, 04:51 AM
يوم صدام طرش الصروخ ذيك السنه محد تم في البلاد الا احنا
(القطريين) لاحفنا الدرايش عن الكيماوي والباقي حط ريله على اول طياره
ههههههههههههه ذكرتني والله
كنت اجلد مع ابوي واخواني خخخخ
الله يرحم بس
والله ان فودافون طاحت من عيني وانا الي كنت انتظر واقول متى تجي الشركه الثانيه علشان اخذ رقم واقاطع كيوتل ,الظاهر الحين مالنا الا كيوتل حبيبت الشعب ان شاء الله
المستكاوي
22-04-2009, 12:58 PM
ولا واسهمم حرام في حرام
ههههههههههههه ذكرتني والله
كنت اجلد مع ابوي واخواني خخخخ
الله يرحم بس
والله ان فودافون طاحت من عيني وانا الي كنت انتظر واقول متى تجي الشركه الثانيه علشان اخذ رقم واقاطع كيوتل ,الظاهر الحين مالنا الا كيوتل حبيبت الشعب ان شاء الله
الله يرحم ذيك الأيام خلصنا الجلاد والبلاستك و طربال
بوالفاروق
24-04-2009, 05:50 AM
كيوتل كل يوم تكبر بعيني :nice:
زين انك خبرت الاخوان عشان مايتعبون ويذلوووون نفسهم لهم
تحياتي
:)
الصيـاد
24-04-2009, 06:24 AM
ماخذتكم العواطف زيادة
فودافون توها بادية طبيعي يدورون الاجنبي لانة ارخص لا تنسون عندهم مصاريف وانشاء
عقب لا زاد مدخولهم بشغلونكم واذا توظفت بفودافون اللحين بتقول الراتب نازل وتقعد تصيح علينا
بالمنتدي مثل اللحين
اركدوا اللحين
وكيوتل بلة واشرب مايتة
hard to get
24-04-2009, 07:43 AM
ماخذتكم العواطف زيادة
فودافون توها بادية طبيعي يدورون الاجنبي لانة ارخص لا تنسون عندهم مصاريف وانشاء
عقب لا زاد مدخولهم بشغلونكم واذا توظفت بفودافون اللحين بتقول الراتب نازل وتقعد تصيح علينا
بالمنتدي مثل اللحين
اركدوا اللحين
وكيوتل بلة واشرب مايتة
عين الصواب
كفاية تطبيل حق كيوتل
كيوتل اول ما ابتدت كانت شركة بريطانية
التقطير في كيوتل تم في التسعينات
شمعنى تهاجمون فودافون؟!!
انا اقول خلو عنكم الخرابيط
فودافون احنا مب مناسبينها
بس بنستمتع بخدماتها
ومالنا شغل لا في التوظيف ولا غيره
فودافون شركة ربحية اجنبية
مب شركة حكومية
احنا ما نسينا طوابير الذل حق كيوتل
يعني تخيل
تروح تدفع فاتورة ب 10 الاف
توقف في طابور طويل وعريض
لا وبعد موظف كيوتل مخيس النفس
ماكنا نشعر ان احنا ندفع فواتير كانت مذلة
الا لا يرجعها من ايام
كيوتل توها متعلمه شلون تحترم الزبون
نسيتو شلون كانت محتكره علينا الدشات
وكنا نشتريها ب 5 الاف
وهي تنباع ب 500 في الدول المجاوره
نسيتو الكيبل اللي اجبرتنا كيوتل نشتريه من عندها وندفع له 700 ريال شهريا
ومافيه غير 30 قناة لا وبعد مشوش
واخوانا في الدول المجاوره يستمتعون بشبكات الاوربت والشوتايم والبث الرقمي
نسيتو يوم كانت تدفعنا حق البليب بالنظام الشهري مع ان في الدول المجاوره يدفعون له رسوم مره وحده
اعتقد كيوتل مصت دمنا بما فيه الكفايه
وانا عني
ماراح احط ريال واحد في كيوتل
لا لكيوتل
واهلا ب فودافون
واعتقد اول ما تشتغل فودافون
بنرفع شعار كيوتل وبنقول
كلنا فودا فون
أخواني حبيت أن أوضح نقطه :
أننا بأنتقادنا سياسة التوظيف في شركة فودافون قطر لا ندعم او نؤويد كيوتل
ربما هناك بعض الأخوه من أيد كيوتل وهاذا رأيه الشخصي
ولكن أتدرون أين المشكله المشكله في أن فودافون قطر لا تريد توظيف القطريين في المحله الحاليه
أذا من حقنا ان نقول اننا لا نريد الأستثمار في أكتتاب فودافون في المرحله الحالية
كل واحد له الحق في مايريد ولكن على الاقل نحن لا نكذب مثل فودافون في وجودهم في المعرض
النقطه الاخرى لاحظت في الفتره الأخيره بالذات الكثير من التصاريح المظلله من الأداره التنفيذيه في فدافون وأنتقادهم لمنافسيهم و للمجلس الاعلى للأتصالات
صوت الضمير
24-04-2009, 03:31 PM
اقول كلن ينفع اهله
وحنا يالقطرين وين المسئولين اللي بكون قلبهم على قلبنا
ويوظفون القطريين
وبالنسبه ماعندهم وقت لان القطري ماعنده خبره
ليه يحكمون ان القطري مايعرف شي
ترا حنا دارسين حالنا حالهم ،، ونعرف مثل ماهم يعرفون
انا اللي فاقع مرارة كبدي
بالجامعه اشد حيلي واحل واجباتي ومتفوقه
يجي دكتور يقول : القطريات مايعرفون شي
ليه ؟؟؟؟ اما بنات اللي خبري خبركم ،، هاذولا يعرفون كل شي
مع ان في بنات قطريات كفو ،، ومتفوقات بس مهمشات
كلن يضبط للاهله،، وحنا يااهل قطر مادمنا كذا محد بقلبه على قلوبنا
انا لا اعم وانما اخص بعض الشخصيات ...
عنوده
صوت الضمير
24-04-2009, 03:34 PM
عين الصواب
كفاية تطبيل حق كيوتل
كيوتل اول ما ابتدت كانت شركة بريطانية
التقطير في كيوتل تم في التسعينات
شمعنى تهاجمون فودافون؟!!
انا اقول خلو عنكم الخرابيط
فودافون احنا مب مناسبينها
بس بنستمتع بخدماتها
ومالنا شغل لا في التوظيف ولا غيره
فودافون شركة ربحية اجنبية
مب شركة حكومية
احنا ما نسينا طوابير الذل حق كيوتل
يعني تخيل
تروح تدفع فاتورة ب 10 الاف
توقف في طابور طويل وعريض
لا وبعد موظف كيوتل مخيس النفس
ماكنا نشعر ان احنا ندفع فواتير كانت مذلة
الا لا يرجعها من ايام
كيوتل توها متعلمه شلون تحترم الزبون
نسيتو شلون كانت محتكره علينا الدشات
وكنا نشتريها ب 5 الاف
وهي تنباع ب 500 في الدول المجاوره
نسيتو الكيبل اللي اجبرتنا كيوتل نشتريه من عندها وندفع له 700 ريال شهريا
ومافيه غير 30 قناة لا وبعد مشوش
واخوانا في الدول المجاوره يستمتعون بشبكات الاوربت والشوتايم والبث الرقمي
نسيتو يوم كانت تدفعنا حق البليب بالنظام الشهري مع ان في الدول المجاوره يدفعون له رسوم مره وحده
اعتقد كيوتل مصت دمنا بما فيه الكفايه
وانا عني
ماراح احط ريال واحد في كيوتل
لا لكيوتل
واهلا ب فودافون
واعتقد اول ما تشتغل فودافون
بنرفع شعار كيوتل وبنقول
كلنا فودا فون
كفو كفو كفو
كلام خطير :) اذكر اخوي اول من هرب الدش إلى قطر
:)
عنوده
حبر سري
24-04-2009, 03:36 PM
عندي سؤال :
يالربع وشدخّل هالموضوع في الاكتتاب؟
يعني الحين تبون تفهمونا ان في ناس يبلفيت بيقاطعون الاكتتاب علشان فودافون مب موظفة قطريين؟
ياجماعة
خلونا واقعيين
طبعا انا مااتكلم عن حرمة الاكتتاب او اباحته , فقد صدرت فتوى برياسة القرضاوي حللت الاكتتاب , وصدرت فتوى من الشيخ السالوس حرمت , لكن انا اتكلم من زاوية واقعية
اذا كانت ظروف السوق اوكيه , والاكتتاب حلال , والكل مقتنع , وعارف ان الاحتمال الاكبر ان السهم ينزل باكثر من سعره , هل فعلا بتتم مقاطعة الاكتتاب بحجة ان الشركة مب موظفة قطريين؟
بصراحة اشك شك كبير في ذلك
والمثالية الزايدة يااخوان ترى لها حد , والشي اذا زاد عن حده انقلب ضده
والله من وراء القصد
ملاحظة : كلامي لايعد تشجيع للااكتتاب من عدمه , اللي يبي ياخذ بفتوى الشيخ السالوس , فهو شيخ كبير وله رايه , واللي يبي ياخذ بفتوى الشيخ القرضاوي فهو شيخ كبير وله رايه
hard to get
24-04-2009, 10:39 PM
أخواني حبيت أن أوضح نقطه :
أننا بأنتقادنا سياسة التوظيف في شركة فودافون قطر لا ندعم او نؤويد كيوتل
ربما هناك بعض الأخوه من أيد كيوتل وهاذا رأيه الشخصي
ولكن أتدرون أين المشكله المشكله في أن فودافون قطر لا تريد توظيف القطريين في المحله الحاليه
أذا من حقنا ان نقول اننا لا نريد الأستثمار في أكتتاب فودافون في المرحله الحالية
كل واحد له الحق في مايريد ولكن على الاقل نحن لا نكذب مثل فودافون في وجودهم في المعرض
النقطه الاخرى لاحظت في الفتره الأخيره بالذات الكثير من التصاريح المظلله من الأداره التنفيذيه في فدافون وأنتقادهم لمنافسيهم و للمجلس الاعلى للأتصالات
اخوي هتش
اول شي احييك على طرحك للموضوع
وصدقني انا متفق معاك في كل كلمة
ان فودا فون بتاسس الشركة وبتشتغل بدون ما تدفع شي
التكاليف كلها مدفوعه من جيوبنا
بس طرح بعض الاخوان وتعبيرهم عن مدى اعجابهم في كيوتل وتشكيكهم في فودافون
هو اللي خلاني اطرح هذا الرد
و انا عن نفسي ماراح اكتتب في فودا فون
افضل اني احتفظ بالسيولة
وارجع واقول لك الاختلاف في الراي لا يفسد للود قضية
وتقبل تحياتي:nice:
hard to get
24-04-2009, 10:53 PM
كفو كفو كفو
كلام خطير :) اذكر اخوي اول من هرب الدش إلى قطر
:)
عنوده
هههههههههههههههه
والله ذكرتينا بذيك الايام
يعني اخوك مهرب كبير
بس مو مهرب للمخدرات
مهرب دشات
هههههههههههههه
والله شي يضحك
كنا نروح العمره ونشوف الدشات مرتزه فوق الاسطح في مكة
واحنا
ممنوع
انا ابي اقول ان احنا للحين نعاني من تسلط كيوتل
كيوتل لازالت تتحكم في احجام الصحون اللاقطه
يعني مسموح لين 120
زين لو واحد يبي مقاس 180
يقولون لج ممنوع
و انا اقول لج للحين في ناس تهربه ويبيعونه بسعر غالي
ارجع واقول اهلا ومرحبا بمنافس كيوتل الوحيد
عملاق الاتصالات البريطاني فودافون
تقبلي تحياتي
دلوليانوز
25-04-2009, 04:40 AM
راعي الموضوع..
تدري..من قريت موضوعك..احس اني بنشل
..بنجلط..بيصير فيني شي
يا اخي..عكس كلامك هو اللي يصير..
اذا رحت..لهم وقلت قطري..ردوا عليك بنفس الكلام..وواذا رحت وقلت اجنبي
ردوا عليك..نبي قطريين..
شالموضوع..علشان اريحك..
جيب واسطه.. وصدقني
في لحظة وقوفك..وياها بتوظف
الدنيا...بالــــــــــــــــــــــــــــــ و سطــــــــــــــــــــــــــــــــــــــــــــــــ ـــــــــــــــــــــــات
وبس
دلوليانوز
25-04-2009, 04:42 AM
ههههههههههههه ذكرتني والله
كنت اجلد مع ابوي واخواني خخخخ
الله يرحم بس
والله ان فودافون طاحت من عيني وانا الي كنت انتظر واقول متى تجي الشركه الثانيه علشان اخذ رقم واقاطع كيوتل ,الظاهر الحين مالنا الا كيوتل حبيبت الشعب ان شاء الله
يشهد الله..تمينا في البلاد
وواصلينها..من الخمسينيات
ومب قطريين
دلوليانوز
25-04-2009, 04:45 AM
عزه اللـــــــــــه أنك صدقت يالزيبق.......حتى أخبر الدوحه فاضيه وليتات المطار مطفيه.......باااااااااااال كنا بس ننطر اي صاروخ ولاقنبله وراضين بالقدر
بالنسبة لبيتنا والله حتى ماسوينا شي للكيماوي ولاشي الوالد قال:توكلوا على الله سبحانه .........والناس تشتري اكل وبخمسين ريال خبز.....
بس قاعديين بالبيوت ونتابع الاخبار ونشوف طيارات الشبح...خخخخ ايه ايام كنت بسادس ابتدائي
كنت صف رابع
عاشق فودافون
27-04-2009, 09:53 AM
السلاااام عليكم ورحمة الله وبركاااته...
اخواااني واخوااااتي...
صراااحه وانا اقرا الردود والموضووع وانا مندهش ومتعجب من هالتضخيم الي صاير عشان موضوع التوظيف في فودافون قطر..
قبل مابتدي فالكلااام كان ودي من اخوووي الي الي سال الاخت اللبنانيه الي هناااك ليش ماوجه سواله للأشخاص الموجودين هناااك قصدي (( المواطنين القطريين ) الي اهم موظفين رسميين فالشركه وهذا دليل يبطل حجة من يدعوون ان فودافون طارده للقطريين وبالعكس لو سالهم كان بيحصل الاجابه الي تفرحه ان شاء الله.
في بعض الامور حبيت اوضحها لاني لاحظتها من خلال تصفحي للموضوع...
اولا : الشركه ماعندها سياسة تطيير القطريين ع قولة البعض وبالعكس اهي ملتزمة بنسبة التقطير المفروضه عليها من ادارة العمل واهي ترحب بالقطريين لكن تبي شخص يثبت نفسه من خلال اجتهاده وانتاجه فالوظيفه وبعض الشباب الي كنت اشوووفهم قصدهم فالوظيفه اجي اداوم واطلع واستلم الراتب اخر الشهر على عكس هذا الشخص الشركه تبحث عن القطري المنتج الي ممكن فالمستقبل القريب يكو من قبادات الشركه حيث تنظر من منظور التطوير المستقبلي ولاتتبع سياسة بعض المؤسسات والشركات التي لا تعطي بال لموظفيها حيث ان الموظف يتم في نفس الوظيفه مده طويله من الزمن.
وايميل التوظيف هو : joinus@vodafone.com.qa
ثانيا : وجودهم هنااك فالمعرض كان بهدف استقطااب قطريين سواء كانو خريجين ثانويه او جامعيين ولكن لا يعني هذا بان الشركه لا تستقبل غير القطريين فهي شركه عالمية ولها قيمها وثوابتها العالميه من خلال توظيف الكوادر المؤهله علميا بغض النظر عن الجنسية او العرق او باي شكل من الاشكال.
ثالثا : بالنسبة للأخوه الي قالو مافي قطريين فالشركه خلووني اكد لكم ان معظم الاقسااام مدراائها قطريين او بمعنى اخر من قياداتها بشكل مبااشر حيث انهم يتولون الخطط التطويوره للشركه بما معنااه ان الشركه قائمة وبفضل الله على سواعد ابناء هذا البلد المعطاء.
رابعا : احنا الموظفين القطريين الي فالشركة حاليا ما شفنا من الاجاانب الي هناااك الا كل موده واحترااام ومعزه وتقدير وبالعكس يعاملون القطري بذوق واسلوب راااقي على اختلاااف مناصبهم.
خامسا : اول الف عميل كانت عملية الاشتراك فيها نزيهة ولم يتم التلااعب فيها حيث كان من المفترض على كل شخص ان يسجل فالموقع الرسمي لفودافون قطر www.vodafone.com.qa وبناء عليه تتم القرعه لاختيار العملاء الاوائل لفودافون وهذا ماتم بالفعل.
سادسا : معظم الأفكار الي انطرحت حاليا فالمنتدى سلبيه مع احترامي لكل الاراء الشخصيه بس انتو جدا مستعجلين فالحكم على شركه بهذا الحجم واتمنى من الجميع التحلي بالصبر وانا متاكد ان الايام الجايه كفيله انها تغير بعض من هذه الافكار اذا ماكانت جميعها.
اخيرا: فودافون ترحب باي فييد باك او ملاحظاات على الرقم 8007111
ولاتنسون ان شعارها ( خلق عالم من الاختلاف للناس في قطر )
يعني اهي جايه لكم انتم مب جاايه ضدكم!!!
واسمحو لي عالاطاله
اخوكم\ عـــ فودافون ـــا شـق
Only Me
27-04-2009, 10:04 AM
كيوتل وبس
والي كان يطالب بشركه فوافون الظاهر بينضرب صح
وفي ناس يقولون كيوتل ييقونه وكيوتل حراميه انا اطالع فواتيري اول باول عمرهم ماخذوا اي فلس مني واذا خذوا يكون خطا من الكمبيوتر
وكيوتل ياخذون من عندي ولا فوافون يكفي انها شركه قطريه والي بيسفيد اخر شي القطريين والحكومه
الى الامام يا كيوتل
كنت اتمنى شركه ثانيه غير فودافون
eclipse
27-04-2009, 10:35 AM
الاجانب شاخوا علينا في بلادنا واحنا نكن لهم كل الاحترام والتقدير
ولسافرنا بعد تكون معاملتهم زفت ونقص على انفسنا ونقول يا غريب كون اديب
بس اظن هالمثل بس للعرب
والاجانب ما مر عليهم لانهم يلقون من يطيعهم ويسايرهم
ليش مانفرض راينا واحنا اللي تكون لنا الكلمه الاولى والاخيره
الله يعين على ما ابتلينا فيه ويصبرنا
السلاااام عليكم ورحمة الله وبركاااته...
اخواااني واخوااااتي...
صراااحه وانا اقرا الردود والموضووع وانا مندهش ومتعجب من هالتضخيم الي صاير عشان موضوع التوظيف في فودافون قطر..
قبل مابتدي فالكلااام كان ودي من اخوووي الي الي سال الاخت اللبنانيه الي هناااك ليش ماوجه سواله للأشخاص الموجودين هناااك قصدي (( المواطنين القطريين ) الي اهم موظفين رسميين فالشركه وهذا دليل يبطل حجة من يدعوون ان فودافون طارده للقطريين وبالعكس لو سالهم كان بيحصل الاجابه الي تفرحه ان شاء الله.
في بعض الامور حبيت اوضحها لاني لاحظتها من خلال تصفحي للموضوع...
اولا : الشركه ماعندها سياسة تطيير القطريين ع قولة البعض وبالعكس اهي ملتزمة بنسبة التقطير المفروضه عليها من ادارة العمل واهي ترحب بالقطريين لكن تبي شخص يثبت نفسه من خلال اجتهاده وانتاجه فالوظيفه وبعض الشباب الي كنت اشوووفهم قصدهم فالوظيفه اجي اداوم واطلع واستلم الراتب اخر الشهر على عكس هذا الشخص الشركه تبحث عن القطري المنتج الي ممكن فالمستقبل القريب يكو من قبادات الشركه حيث تنظر من منظور التطوير المستقبلي ولاتتبع سياسة بعض المؤسسات والشركات التي لا تعطي بال لموظفيها حيث ان الموظف يتم في نفس الوظيفه مده طويله من الزمن.
وايميل التوظيف هو : joinus@vodafone.com.qa
ثانيا : وجودهم هنااك فالمعرض كان بهدف استقطااب قطريين سواء كانو خريجين ثانويه او جامعيين ولكن لا يعني هذا بان الشركه لا تستقبل غير القطريين فهي شركه عالمية ولها قيمها وثوابتها العالميه من خلال توظيف الكوادر المؤهله علميا بغض النظر عن الجنسية او العرق او باي شكل من الاشكال.
ثالثا : بالنسبة للأخوه الي قالو مافي قطريين فالشركه خلووني اكد لكم ان معظم الاقسااام مدراائها قطريين او بمعنى اخر من قياداتها بشكل مبااشر حيث انهم يتولون الخطط التطويوره للشركه بما معنااه ان الشركه قائمة وبفضل الله على سواعد ابناء هذا البلد المعطاء.
رابعا : احنا الموظفين القطريين الي فالشركة حاليا ما شفنا من الاجاانب الي هناااك الا كل موده واحترااام ومعزه وتقدير وبالعكس يعاملون القطري بذوق واسلوب راااقي على اختلاااف مناصبهم.
خامسا : اول الف عميل كانت عملية الاشتراك فيها نزيهة ولم يتم التلااعب فيها حيث كان من المفترض على كل شخص ان يسجل فالموقع الرسمي لفودافون قطر www.vodafone.com.qa وبناء عليه تتم القرعه لاختيار العملاء الاوائل لفودافون وهذا ماتم بالفعل.
سادسا : معظم الأفكار الي انطرحت حاليا فالمنتدى سلبيه مع احترامي لكل الاراء الشخصيه بس انتو جدا مستعجلين فالحكم على شركه بهذا الحجم واتمنى من الجميع التحلي بالصبر وانا متاكد ان الايام الجايه كفيله انها تغير بعض من هذه الافكار اذا ماكانت جميعها.
اخيرا: فودافون ترحب باي فييد باك او ملاحظاات على الرقم 8007111
ولاتنسون ان شعارها ( خلق عالم من الاختلاف للناس في قطر )
يعني اهي جايه لكم انتم مب جاايه ضدكم!!!
واسمحو لي عالاطاله
اخوكم\ عـــ فودافون ـــا شـق
أخوي بما أنك شغال هناك كم نسبة القطريين في الشركة
وبما أنك قلت أنهم ماسكين مناصب قياديه كم عددهم ؟؟؟؟
طبعا بحكم معرفتي القريبه من فودافون جدا أنتظر أجابتك على أحر من الجمر
Powered by vBulletin® Version 4.2.5 Copyright © 2024 vBulletin Solutions Inc. All rights reserved.