حدث في الدوحة: مالك يعتدي على المستأجر لاخراجه من المنزل!

[الرايــق]

أقدم مالك على الاعتداء بالضرب على مستأجر لاحد المنازل التابعة له بعد رفض
الثاني الخروج من المنزل واخلائه حسب طلب المالك الذي حاول مرارا اخراجه رغم ان
المحكمة قد رفضت طلبه باخلاء المنزل لمخالفته القانون ولعدم وجود مبرر كاف لقبول
طلبه. وكان المؤجر قد رفع قيمة الايجار لثلاث مرات متتالية على المستأجر خلال فترة
قصيرة وكان يرمي من ذلك الى اجبار المستأجر على الخروج وبعد كل تلك المحاولات لم
يجد المالك من وسيلة الا مضايقة خصمه فبدأ بطرق الباب في اوقات متأخرة من الليل
واخافة اطفال المجني عليه امام البيت وشتمهم وتوجيه الاهانات لهم امام الجيران وهو
ما شكل ضغطا نفسيا كبيرا على كافة افراد الاسرة الذين اصبحوا يخشون التهديدات
التي يطلقها الجاني بين الحين والآخر وحسب المستأجر فان تصرفات الجاني تهدف
الى استفزازه للاعتداء عليه حتى يجد ذلك مبررا لإخراجه من المنزل الا ان ذلك لم
ينطل عليه واخذ يتجنب مالك البيت بكل الوسائل حتى لا يعطيه الذريعة التي يبحث
عنه، الا ان الجاني قرر في آخر مرة الدخول في مواجهة مباشرة مع المجني عليه مستغلا
ضعفه وعدم رغبته في حدوث مشاكل مع الآخرين فحضر الى امام المنزل برفقة زوجته
وحاول عدة مرات ان يخرج المستأجر من البيت بحجة التفاهم معه الا انه رفض ذلك
لانه يعرف الهدف الحقيقي من ذلك فبقي المالك امام المنزل ولم يجد المستأجر بدا
من الاتصال بالشرطة الا ان الجاني كان قد اتصل ببعض اقاربه للحضور الى الموقع
الذي كان موجودا فيه وحين حضروا قام بعضهم بضرب باب البيت حتى كسر ومن
ثم قام بعضهم بالاعتداء بالضرب على المستأجر وهو يحاول الهروب منهم الا انهم
ورغم صراخ الاطفال وبكائهم لم يتوقفوا وظلوا يوجهون الضربات تلو الاخرى للمجني
عليه مستخدمين آلات حادة وهو ما نجمت عنه اصابات مختلفة ومتنوعة في جسم
المستأجر ولم يتوقف الجناة عن اعتدائ حتى حضرت دوريات الشرطة التي اوقفت
الجميع واقتادتهم لمركز الشرطة للتحقيق معهم حول ملابسات الواقعة المذكورة


من جريدة الشرق - تحقيقات
عدد اليوم الثلاثاء - 21-4-09

[Bo3oof_80]

ان لم تستحي فصنع ماشئت

شوف الجشع وين وداه

العاصمه

[دلة الرسلان]

نسمع وجهة نظر المالك قبل :)

[الرايــق]

ان لم تستحي فصنع ماشئت

شوف الجشع وين وداه

العاصمه

شاكر لك المرور ..

[الرايــق]

نسمع وجهة نظر المالك قبل :)


مهما كانت هل برأيك يجيز ذلك ضرب المستاجر والتعرض له هو ومن معه امام جيرانه واطفاله ؟؟
ام ان البلد فيها قانون .. وهذا القانون فوق الجميع .. الكبير والصغير ..؟؟


شكرا على المرور ..

[eXpert*]

حسبي الله ونعم الوكيل :secret:

لـ هالدرجة الفلوس تسوي هشكل ؟

ويبي يرفع الايجار والايجارات قاعدة تنزل ؟ وين عايش عن العالم هالبني آدم ؟

بـ صراحة لازم ينجلد لين الله يشوف له .

[hamoor4ever]

للاسف لان القانون خطأ يعني الرجال يبغي يسكن في حلاله ومب قادرين يطلعون المستأجر هاذي نتيجه ان القانون دوم في صف الثاني ، لازم يكون القانون منصف عادل للطرفين ولا يميل لطرف على الاخر

[لوسيل]

نسمع وجهة نظر المالك قبل :)


وهذا هو الكلام الصحيح

[التـسـعـة]

مايصير . لازم يكون في عقد مبرم بينهم فيه قيمة الأجار والمدّة وكل شي :omen2:

إن شاء الله يحاكمون المالك وربعه :anger1:

شلون يسبّ اليهال ويهينهم ويطق عليهم الباب آخر الليل

اش خلّى حق اليهال

[bu 3li]

اتمنى ينال اشد العقوبات .. عشان يكون عبره لـ غيره
كل من هب ودب صار يمشي ويكفخ في خلق الله
والله عيب .. عمرهم اهل البلاد ماكانوا بـ هـ السوء

[الرايــق]

حسبي الله ونعم الوكيل :secret:

لـ هالدرجة الفلوس تسوي هشكل ؟

ويبي يرفع الايجار والايجارات قاعدة تنزل ؟ وين عايش عن العالم هالبني آدم ؟

بـ صراحة لازم ينجلد لين الله يشوف له .

الله المستعان
شكرا على المرور اخي الكريم ..



للاسف لان القانون خطأ يعني الرجال يبغي يسكن في حلاله ومب قادرين يطلعون المستأجر هاذي نتيجه ان القانون دوم في صف الثاني ، لازم يكون القانون منصف عادل للطرفين ولا يميل لطرف على الاخر


اخي الكريم القانون لا يميل لطرف دون اخر حسب علمي ..
القانون واضح جدا .. ويجب على الجميع احترام القانون ..

شاكر لك مرورك ..

[الرايــق]

والله عيب .. عمرهم اهل البلاد ماكانوا بـ هـ السوء

هذا هو القهر بحد ذاتــــه ،، دنيا وما تسوي :(

[bnb]

ما ادري أحس ان القصة مبالغ فيها
وأحس إن الصحفي من بتاع الطعمية

[Bu Rashid]

الظاهر أن المستاجر ما يدفع ... يستاهل الي جاه

[دلة الرسلان]

مهما كانت هل برأيك يجيز ذلك ضرب المستاجر والتعرض له هو ومن معه امام جيرانه واطفاله ؟؟
ام ان البلد فيها قانون .. وهذا القانون فوق الجميع .. الكبير والصغير ..؟؟


شكرا على المرور ..

شدراك انه ضرب المستأجر ؟؟ تذكرون سالفة المستأجرة العرررررررررربية اللي شكت على

القطري في الجرايد بينما كانت ضامة ارض الرجال رغم أنها مش من البيت .

اقول للمالك أذا كان الصحفي يكذب عليك ارفع عليه قضية لأنه اساء لسمعتك وخل جريدته

تدفع لك تعويض مناسب للضرر النفسي .

[hamoor4ever]

الله المستعان
شكرا على المرور اخي الكريم ..





اخي الكريم القانون لا يميل لطرف دون اخر حسب علمي ..
القانون واضح جدا .. ويجب على الجميع احترام القانون ..

شاكر لك مرورك ..

صحيح اخوي القانون واضح بس تدري لازم علشان تطلعه تحتاج بحدود السنتين او اكثر علشان تاخذ حقك منه ، وفي الفتره هاذي هو يكون يتسلى تدري لو انت عندك سكنين بأسمك واحد مستأجر والثاني انت ساكن فيه ، ماتقدر تطلعه من السكن الاول لو بطلوع الروح ، يمكن تطلع روحك الاول وهو مايطلع حسب القانون يعني انت بالله عليك هاذي حلالك والرجال خلص عقده تدري انت ماتقدر اتطلعه العقد يتجدد تلقائياً ، بأختصار الحين اذا انت عندك بيت وفيه مستأجر انساه احسن لك لانه يعتبر هو المالك الاول والاخير لين هو يبي يطلع يطلع بكيفه ووقت مايبغي

بس طبعا تصرف الرجال خطأ انا لا اؤيد فعل الرجل انه يدخل بيت الرجال يضربه بس احتمال ان الرجال طفش وتعب ويبغي بيته وهاذي نتيجه القانون في بلد القانون وسلم لي على قوانين الدوحه كلها

[هداف]

كلام جرايد وكله تهويل في تهويل والعالم هنا وبرا تقرا وتصدق !!!!

( خذوا وخلوا )



وصدقوني المالك ما وصل لهذه الحاله الا من هذا المستأجر اللي لازق ما يبي يطلع من بيته يمكن الرجال يبي البيت ومحتاجه كيفه بيته وهو حر فيه تبون اتشاركون الناس في حلالهم وقانون الايجار في قطر ظالم بحق الملاك

[J & N]

الصراحه انا ما ألوم المالك يمكنه في ضيق ويبي البيت؟؟؟

وحلاله خلاص افهم اطلع يعني اطلع

صارت هالسالفه مع ايتام اعرفهم
بيتهم مأجرينه وساكن فيه واحد عربي وهالايتام في بيت ثاني اجار والمالك يهددهم يبي بيته وهم مايقدرون يطلعون بيتهم الثاني والسبه هالعربي مايبي يطلع وتوهقوا<------ عندهم بيت ولا يقدرون يسكنونه
وتهاوشوا مع المؤجر العربي اللي ساكن بيتهم
مالومهم بيتهم وهم مهددين بالشارع

[عبدالله الحميدي]

اخخخخخخخخخخخخخخخخخخخخخخخ يالقهر ياليتني اعرفه بس...

انا مب قاهرني الانهم قاعدين يضربون الابو وعياله قاعدين ايصارخوووون حذاه علا شنو ... استغفر الله العظيم والله انك صادق اخوي التنديل:

ان لم تستحي فاصنع ماشئت.

[بومحمد911]

عسى ما شر يعتدي على المستأجر

اظاهر مختل عقليا

الفلوس اعمته

[هدهد سليمان]

الدوله فيها قوانين ومحد فوق القانون اول شي ومحنا عايشيين في غابه واللي يبي يضرب يضرب على كيفه وين عايشيين ؟؟ الشخص المعتدي اذا له حق بياخذه القانون وعنده اساليب كثيره لاخلاء العين المؤجره واذا ما توصلت للضرب فعلى المؤجر السلام ! بصراحه استغرب القصه وهي من ارض الواقع هنا في قطر؟

[فراغ]

حلاله وما يقدر يتصرف فيه
أنا أشهد أن المالك ذيب

[الرايــق]

صحيح اخوي القانون واضح بس تدري لازم علشان تطلعه تحتاج بحدود السنتين او اكثر علشان تاخذ حقك منه ، وفي الفتره هاذي هو يكون يتسلى تدري لو انت عندك سكنين بأسمك واحد مستأجر والثاني انت ساكن فيه ، ماتقدر تطلعه من السكن الاول لو بطلوع الروح ، يمكن تطلع روحك الاول وهو مايطلع حسب القانون يعني انت بالله عليك هاذي حلالك والرجال خلص عقده تدري انت ماتقدر اتطلعه العقد يتجدد تلقائياً ، بأختصار الحين اذا انت عندك بيت وفيه مستأجر انساه احسن لك لانه يعتبر هو المالك الاول والاخير لين هو يبي يطلع يطلع بكيفه ووقت مايبغي

بس طبعا تصرف الرجال خطأ انا لا اؤيد فعل الرجل انه يدخل بيت الرجال يضربه بس احتمال ان الرجال طفش وتعب ويبغي بيته وهاذي نتيجه القانون في بلد القانون وسلم لي على قوانين الدوحه كلها



صحيح اخوي كلامك بس تعقيبا القانون ياخذ بعين الاعتبار العقد
ليش توقع عقد لمدة (فترة محددة) .. هذي هي المشكلة ..

يعطيك العافية : )

[hamoor4ever]

صحيح اخوي كلامك بس تعقيبا القانون ياخذ بعين الاعتبار العقد
ليش توقع عقد لمدة (فترة محددة) .. هذي هي المشكلة ..

يعطيك العافية : )

الله فهمته اخوي من القانون لان بصراحه احنا صارت لنا نفس الاشكاليه وصدقني قعدنا تقريبا 4 سنوات علشان يطلع المستأجر مع ان البيت للمالك كان هو البيت الوحيد يعني يبغي يسكن فيه ، تخيل راح المحكمه يحلف على القران انه يبغي يسكن فيه ، ومااعتقد ان انتهاء العقد له اهميه لان هو اصلا تلقائيا يتجدد ولازم تخبر المستأجر اذا كنت ترغب بالبيت قبل ثلاثه شهور على الاقل من انتهاء العقد وطبعا متقدر تطلعه الا بشروط وهي ان يكون هالبيت هو الوحيد ، او ان البيت قريب من سكنك الاصلي وتبغيه حق حد من عيالك ، وطبعا لو فرضنا صحه هالشرط عليك او واحد منهم تقدر تطلعه بعد ماترفع عليه قضيه وهو يقدر يستفيد من فتره تقدر ب 2 ( سنتين ) اللي هي فتره المحكمه وبعد الحكم ياخذ له بعد اعتقد 6 شهور 3 شهور مش متأكد بالضبط

بصراحه القانون اخوي يميل لصالح المستأجر اكثر وينسي ان المالك الاصلي قد يكون هاذه هو سكنه الوحيد ، ياليت يتم تعديل بعض فقرات القانون ليكون عادل للطرفين يعني مايميل لصالح المالك ضد المستأجر وخاصه اذا كان مالك طماع او ان المستأجر يستغل القانون لصالحه ويتم بالسكن فترات طويله

هاذه رايي الشخصي اخوي وشكرا

[الرايــق]

الله فهمته اخوي من القانون لان بصراحه احنا صارت لنا نفس الاشكاليه وصدقني قعدنا تقريبا 4 سنوات علشان يطلع المستأجر مع ان البيت للمالك كان هو البيت الوحيد يعني يبغي يسكن فيه ، تخيل راح المحكمه يحلف على القران انه يبغي يسكن فيه ، ومااعتقد ان انتهاء العقد له اهميه لان هو اصلا تلقائيا يتجدد ولازم تخبر المستأجر اذا كنت ترغب بالبيت قبل ثلاثه شهور على الاقل وطبعا متقدر تطلعه الا بشروط وهي ان يكون هالبيت هو الوحيد ، او ان البيت قريب من سكنك الاصلي وتبغيه حق حد من عيالك ، وطبعا لو فرضنا صحه هالشرط عليك او واحد منهم تقدر تطلعه بعد ماترفع عليه قضيه وهو يقدر يستفيد من فتره تقدر ب 2 ( سنتين ) اللي هي فتره المحكمه وبعد الحكم ياخذ له بعد اعتقد 6 شهور 3 شهور مش متأكد بالضبط

بصراحه القانون اخوي يميل لصالح المستأجر اكثر وينسي ان المالك الاصلي قد يكون هاذه هو سكنه الوحيد ، ياليت يتم تعديل بعض فقرات القانون ليكون عادل للطرفين يعني مايميل لصالح المالك ضد المستأجر وخاصه اذا كان مالك طماع او ان المستأجر يستغل القانون لصالحه ويتم بالسكن فترات طويله

هاذه رايي الشخصي اخوي وشكرا

انتوا ملاك العقارات ادرى بالموضوع :victory:

لكننا اتفقنا ان اللي صار مش مناسب بتاتا ..

الله المستعان

[hamoor4ever]

انتوا ملاك العقارات ادرى بالموضوع :victory:

لكننا اتفقنا ان اللي صار مش مناسب بتاتا ..

الله المستعان

ياليت اخوي عندي عقار الله يسمع منك لكن انا اقول لك اللي حصل ، لكن ان توصل بالرجل انه يضرب الشخص طبعا هاذه تصرف خطأ

هو صحيح لو بالقانون كان بيطلع لكن بياخذ فتره طويله فأحتمال الشخص ماتحمل وفكر بعمليه الضرب وطبعا هاذه لايجوز لا اخلاقيا ولا قانونيا

[قناص 787]

اخي الكريم القانون لا يميل لطرف دون اخر حسب علمي ..
القانون واضح جدا .. ويجب على الجميع احترام القانون ..

شاكر لك مرورك ..[/quote]

القانون غير منصف وأنا واحد من أللي ظلمهم القانون والموضوع طال عمرك أن الوالده عندها فيلا وتبغي تطلع المستأجر منها علشان أنا وأخوك نسكن فيها كلمنا المستأجر قبل أنتهاء العقد ب 6 شهور علشان يدور له مسكن لكنه رفض وقال لو تبغون ترفعون الأجار أنا بعطيكم ..... قلنا له لا أحنا محتاجين البيت لأن أن وأخوك كل واحد منا عنده غرفه وحده في البيت وعلينا أثنين من العيال وحنا محتاجين البيت لكن بعد رفض ورفعنا عليه قضيه في المحكمه وطلبت منا المحكمه أحضار أثبات أن أنا وأخوك ماعندنا بيت .......

أحضرنا الأثبات لكن المحكمه رفضت وللعلم هذا المستأجر كان دايم يتأخر في دفع الأجار وأشتكينا عليه كذا مره ف لاتقول لي القانون واضح جدا وأنت ماتعرف شي وعندي أوراق المحكمه وكل شي عندي موجود أذا أنت مب مصدقني ولعلمك الخاص أن فوق كل هذا وهو ولا مره حضر جلسة المحكمه والحكم كان لصالحه وأنا أللي ولا جلسه طافتني والحكم ضدي لو عند واسطه كان شفته طلع برع البيت من زمان لكن ماقول غير حسبي الله عليهم كلهم

[ام حبيبتي]

ماينلام المالك ,,, رفع الايجار 3 اضعاف واشتكى على المستأجر وماعطوه ويه ,,, كيفه الريال يبي بيته ,,,
والمستأجر جان من البدايه طلع ليش يعاند ,,,,

[ديابلو]

حلاله وما يقدر يتصرف فيه
أنا أشهد أن المالك ذيب

صدقت اخوي وثرى ما يطرح هالمواضيع الا الاجانب ومن حكم في ماله فما ظلم

[hamoor4ever]

[[/quote]

القانون غير منصف وأنا واحد من أللي ظلمهم القانون والموضوع طال عمرك أن الوالده عندها فيلا وتبغي تطلع المستأجر منها علشان أنا وأخوك نسكن فيها كلمنا المستأجر قبل أنتهاء العقد ب 6 شهور علشان يدور له مسكن لكنه رفض وقال لو تبغون ترفعون الأجار أنا بعطيكم ..... قلنا له لا أحنا محتاجين البيت لأن أن وأخوك كل واحد منا عنده غرفه وحده في البيت وعلينا أثنين من العيال وحنا محتاجين البيت لكن بعد رفض ورفعنا عليه قضيه في المحكمه وطلبت منا المحكمه أحضار أثبات أن أنا وأخوك ماعندنا بيت .......

أحضرنا الأثبات لكن المحكمه رفضت وللعلم هذا المستأجر كان دايم يتأخر في دفع الأجار وأشتكينا عليه كذا مره ف لاتقول لي القانون واضح جدا وأنت ماتعرف شي وعندي أوراق المحكمه وكل شي عندي موجود أذا أنت مب مصدقني ولعلمك الخاص أن فوق كل هذا وهو ولا مره حضر جلسة المحكمه والحكم كان لصالحه وأنا أللي ولا جلسه طافتني والحكم ضدي لو عند واسطه كان شفته طلع برع البيت من زمان لكن ماقول غير حسبي الله عليهم كلهم[/QUOTE]
:secret: لاتعليق

[ANONYMOUS]

بشكل عام..

بعض المستأجرين لايخافون الله

ولا يدفعون الاجارات لأشهر..

وفوق هذا يطلعون من البيت.. ولا يسلمون المفتاح ..

ومايردون ع الاتصالات..



وصلت فيهم الوقاحه لأبعد الحدود.. !

---

بس طالما المستأجر يلزم باللي عليه.. اعتقد لايحق للمالك اختلاق المشاكل..

[الصارم]

الصراحه إذا آنا مستأجر بيت وراعي البيت طلب مني أدور بيت ثاني لحاجه أو لأي سبب بعد ما يخلص العقد بطلع من البيت وما بلزق فيه خصوصاً إذا ما ظلمني ، الواحد بعد يحس على دمه شوي


الصراحه ما أدري بس أنا تعاطفت مع المالك أكثر من المستأجر وفعلاً هو ما وصل لهالمرحله إلا من القهر

[hamoor4ever]

الصراحه إذا آنا مستأجر بيت وراعي البيت طلب مني أدور بيت ثاني بعد ما يخلص العقد بطلع من البيت وما بلزق فيه خصوصاً إذا ما ظلمني ، الواحد بعد يحس على دمه شوي

تقدر اخوي انك تقعد بالبيت لو حاب وترفع لاجار بمبلغ بسيط اعتقد زياده 5٪ فقط لو حاب ، واذا هو فعلا طيب وانت تبي تخدمه تقدر تطلع من نفسك وانت براحتك وياليت كل الناس مثل طيبك يااخوي

[رجل الجزيرة]

نسمع وجهة نظر المالك قبل :)

هذا هو رد المحكمة:"طلب المالك الذي حاول مرارا اخراجه رغم ان
المحكمة قد رفضت طلبه باخلاء المنزل لمخالفته القانون ولعدم وجود مبرر كاف لقبول
طلبه."

وإلا ويش رايك؟

[~~ الدانـه ~~]

مافيه قانون في العالم سوا سواتنا


ملكي ويتصرف فيه الاجنبي


لله دره المالك مانجلط ولا ياته سكته

[المفكــر]

أقدم مالك على الاعتداء بالضرب على مستأجر لاحد المنازل التابعة له بعد رفض
الثاني الخروج من المنزل واخلائه حسب طلب المالك الذي حاول مرارا اخراجه رغم ان
المحكمة قد رفضت طلبه باخلاء المنزل لمخالفته القانون ولعدم وجود مبرر كاف لقبول
طلبه. وكان المؤجر قد رفع قيمة الايجار لثلاث مرات متتالية على المستأجر خلال فترة
قصيرة وكان يرمي من ذلك الى اجبار المستأجر على الخروج وبعد كل تلك المحاولات لم
يجد المالك من وسيلة الا مضايقة خصمه فبدأ بطرق الباب في اوقات متأخرة من الليل
واخافة اطفال المجني عليه امام البيت وشتمهم وتوجيه الاهانات لهم امام الجيران وهو
ما شكل ضغطا نفسيا كبيرا على كافة افراد الاسرة الذين اصبحوا يخشون التهديدات
التي يطلقها الجاني بين الحين والآخر وحسب المستأجر فان تصرفات الجاني تهدف
الى استفزازه للاعتداء عليه حتى يجد ذلك مبررا لإخراجه من المنزل الا ان ذلك لم
ينطل عليه واخذ يتجنب مالك البيت بكل الوسائل حتى لا يعطيه الذريعة التي يبحث
عنه، الا ان الجاني قرر في آخر مرة الدخول في مواجهة مباشرة مع المجني عليه مستغلا
ضعفه وعدم رغبته في حدوث مشاكل مع الآخرين فحضر الى امام المنزل برفقة زوجته
وحاول عدة مرات ان يخرج المستأجر من البيت بحجة التفاهم معه الا انه رفض ذلك
لانه يعرف الهدف الحقيقي من ذلك فبقي المالك امام المنزل ولم يجد المستأجر بدا
من الاتصال بالشرطة الا ان الجاني كان قد اتصل ببعض اقاربه للحضور الى الموقع
الذي كان موجودا فيه وحين حضروا قام بعضهم بضرب باب البيت حتى كسر ومن
ثم قام بعضهم بالاعتداء بالضرب على المستأجر وهو يحاول الهروب منهم الا انهم
ورغم صراخ الاطفال وبكائهم لم يتوقفوا وظلوا يوجهون الضربات تلو الاخرى للمجني
عليه مستخدمين آلات حادة وهو ما نجمت عنه اصابات مختلفة ومتنوعة في جسم
المستأجر ولم يتوقف الجناة عن اعتدائ حتى حضرت دوريات الشرطة التي اوقفت
الجميع واقتادتهم لمركز الشرطة للتحقيق معهم حول ملابسات الواقعة المذكورة


من جريدة الشرق - تحقيقات
عدد اليوم الثلاثاء - 21-4-09


احيانا الفلوس تعمي النفوس - ونهايتهم متر من الارض ومتر من القماش - وغيرهم يتمتع

بالفلوس - بارك الله فيك اخوي الرايق

[~~ الدانـه ~~]

احيانا الفلوس تعمي النفوس - ونهايتهم متر من الارض ومتر من القماش - وغيرهم يتمتع

بالفلوس - بارك الله فيك اخوي الرايق


الموت حق لكن وين رد المظالم الي امرنا بها دينا


الاعتداء على مال المسلم حرام ........ القانون اعطى الاجنبي الحق بالتصرف في غير ملكه


حتى في موزمبيق ماعندهم هالقانون الجائر

[diab911]

حسبي الله ونعم الوكيل

[بولينجر]

الله فهمته اخوي من القانون لان بصراحه احنا صارت لنا نفس الاشكاليه وصدقني قعدنا تقريبا 4 سنوات علشان يطلع المستأجر مع ان البيت للمالك كان هو البيت الوحيد يعني يبغي يسكن فيه ، تخيل راح المحكمه يحلف على القران انه يبغي يسكن فيه ، ومااعتقد ان انتهاء العقد له اهميه لان هو اصلا تلقائيا يتجدد ولازم تخبر المستأجر اذا كنت ترغب بالبيت قبل ثلاثه شهور على الاقل من انتهاء العقد وطبعا متقدر تطلعه الا بشروط وهي ان يكون هالبيت هو الوحيد ، او ان البيت قريب من سكنك الاصلي وتبغيه حق حد من عيالك ، وطبعا لو فرضنا صحه هالشرط عليك او واحد منهم تقدر تطلعه بعد ماترفع عليه قضيه وهو يقدر يستفيد من فتره تقدر ب 2 ( سنتين ) اللي هي فتره المحكمه وبعد الحكم ياخذ له بعد اعتقد 6 شهور 3 شهور مش متأكد بالضبط

بصراحه القانون اخوي يميل لصالح المستأجر اكثر وينسي ان المالك الاصلي قد يكون هاذه هو سكنه الوحيد ، ياليت يتم تعديل بعض فقرات القانون ليكون عادل للطرفين يعني مايميل لصالح المالك ضد المستأجر وخاصه اذا كان مالك طماع او ان المستأجر يستغل القانون لصالحه ويتم بالسكن فترات طويله

هاذه رايي الشخصي اخوي وشكرا
كلامك صحيح اخوي هامور..... القانون لا ينصف المالك....
والمفروض محد يصدق نص كلام الجرايد....

[استغفرالله]

صدقت اخوي وثرى ما يطرح هالمواضيع الا الاجانب ومن حكم في ماله فما ظلم

صحيح الملاك مظلومين

ما يقدرون يسترجعون حلالهم حتى بعد انتهاء العقد

وقانون ظالم هل القطر اللي يسترزقون بكمن بويت

لا حول ولا قوة الا بالله

[امل الحب]

الله ينصف المظلوم من الظالم ..

قصة لانعلم حقائقها كلها ويمكن في اشيا مو واضحة ..

[سهم مديون]

سبحان الله صار الواحد مايقدر يتصرف في ماله !

[كروه]

سواء الموضوع حقيقي او غير حقيقي لكن الغريب فعلا ان رد كثير من الاعضاء مع المالك يعني المالك صح !
بغض النظر عن القوانين والفلوس في النهايه
المسلم اخو المسلم
عن أبي هريرة رضي الله عنه ، قال : قال رسول الله صلي الله عليه وسلم : { لا تحاسدوا ، ولا تناجشوا ،
ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخواناً ، المسلم أخو المسلم ، لا يظلمه ،
ولا يخذله ، ولا يكذبه ، ولا يحقره ، التقوى ها هنا } ويشير إلى صدره ثلاث مرات { بحسب امرىء أن يحقر أخاه المسلم ،
كل المسلم على المسلم حرام : دمه وماله وعرضه } . [رواه مسلم:2564] .

يعني لو كل واحد يبي يطلع المستاجر من البيت يضربه! صارت غابه

سبحان الله ولا حول ولا قوه الا بالله

[رحال]

نسمع كلام المستأجر أولا ، يمكن مايدفع الا جـــــار ؟؟؟

بعدين الجريدة تقول أنه رفع الأجار 3 مرات وهذا لايحق له

كلام مفبرك خصوصا في مثل هذه الأيام اللي صارت العقارات

أكثر من عدد السكان !!!

[الاستثمار]

الله اعلم شنو السبب أكان من المؤجر او من المستاجر

[dewyguy]

استغرب من ردود الاعضاء اللي يدافعون عن المالك ... بغض النظر عن تفاصيل القصة ،، بس ابي افهم شي واحد ،، وين المالك اللي تقولون عنه دايما مظلوم ... اللي رفع اجار الشقة من 1000 ريال ل 20000 ريال !!!!!

ولا اللي رفع اجار الاستيديو من ال 800 ريال ل 7000 ريال !!!!!


ولله في خلقه شؤون !!!!

[زقرتي ومزاجي]

حوادث فرديه من ناس ضعفاء

[مرتبش]

غريبة شوي.. اخاف انها من رواسب صحافتنا المحتلة!..

[الرايــق]

صدقت اخوي وثرى ما يطرح هالمواضيع الا الاجانب ومن حكم في ماله فما ظلم

هذا رد على الموضوع ولا على صاحب الموضوع ؟!

:secret:

سبحان الله

[BURBERRY]

يمكن المستأجر مايدفع الاجار للمالك ..

واحد اعرفه كان مؤجر شقه على واحد من المقيمين .. المستأجر قعد حول 8 شهور مايدفع الاجار .. و لا يرد على الاتصالات .. الرجال رفع شكوى ضده المستأجر يبيه بس يطلع من الشقه .. و صدر امر من المحكمة بأخلاء الشقه ... المستأجر عنيد حتى ما يرد على اتصالات الداخلية ولا يحضر المحكمه ... شنو الحل معاااه؟ نقوله لا خذ راحتك اقعد ... الحمدلله بجهود الداخليه طلع من الشقه ..

[&بوشهد&]

راح زمان الناس للناس

[جمال اليافعي]

هذا هو رد المحكمة:"طلب المالك الذي حاول مرارا اخراجه رغم ان
المحكمة قد رفضت طلبه باخلاء المنزل لمخالفته القانون ولعدم وجود مبرر كاف لقبول
طلبه."

وإلا ويش رايك؟

سبحان الله يعني أذا تبغى تطور عقاراتك ما تقدر ليششش السبب المستأجر مظلوم ومسكين .. يعني حلالك راح .. هذا مهب قانون هذا خلل في القانون .. أطالـــب بمراجعه جميع القوانين لان صراحه زادت الثغرات وزادت المهازل والمواطنيين يكثرهم أنضروا من الي يصير ...

[صوت الضمير]

زين يطلع من البيت يدور بيت ثاني

كيفه صاحب البيت يحرقه يأجره

قانون فاشل

بغض النظر عن انا مع او ضد رفع الايجارات

بس كل واحد كيفه بحلاله ،،

والدنيا ارزاق وكل واحد يحصل رزقه

لايعني انني مع جشع التجار لكن بعد حلاله وكيفه

[بو فهد]

من واقع تجربة الملاك مظلومين

اكثر الملاك يطلبون منا عدم تسكين القطريين في عقاراتهم

وبصراحة لو اسرد لكم المشاكل التي تاتي من المستاجر القطري يعجز عنها القلم

اما اعتداء المالك او المؤجر

فهذا يعتبر مخالف للقوانين

ولابد ان يحيل للقضاء

وكل ياخذ حقة

[شموخ]

حسبي الله ونعم الوكيل عليه مهب ادمي هالانسان عمت عيونه الفلوس الله ينتقم منه ان شاءالله00

[الرايــق]

سبحان الله يعني أذا تبغى تطور عقاراتك ما تقدر ليششش السبب المستأجر مظلوم ومسكين .. يعني حلالك راح .. هذا مهب قانون هذا خلل في القانون .. أطالـــب بمراجعه جميع القوانين لان صراحه زادت الثغرات وزادت المهازل والمواطنيين يكثرهم أنضروا من الي يصير ...

القانون مبني على عقد معين

والخلل في من قام "بفسخ" العقد المبرم باعتقاادي ..

[hamoor4ever]

القانون مبني على عقد معين

والخلل في من قام "بفسخ" العقد المبرم باعتقاادي ..

اي فسخ اخوي ، اصلا من قال لك انك تقدر تطلعه بعد انتهاء العقد ، ترى المستأجر الحين لو حتى مايدفع لك ريال ماتقدر اتطلعه الا عقب محكمه وقضيه وروح وتعال وسين وجيم فمابالك لو يدفع لك المقرر ماتطلعه لو شنو هاذه القانون الحين ، بس اهم شي انه يزيدك كل سنه 5٪ وخلاص وحتى يقدر يروح المحكمه يفتح صندوق وانت ولا تشوف ويهه ولا هو يشوف ويهك بعد ، يعني حتى مايحتاج لك بشي وخل العقد عندك ينفعك

[استغفرالله]

الرايق

المالك ليس له الحق باسترداد عقاره حتى لو انتهى العقد

[الرايــق]

الرايق

المالك ليس له الحق باسترداد عقاره حتى لو انتهى العقد

:(:(

:(

[اهل قطر]

نسمع وجهة نظر المالك قبل :)

احسنت
اعلام موجه لفئات معينه

[اهل قطر]

الرايق

المالك ليس له الحق باسترداد عقاره حتى لو انتهى العقد

اذا اصبح هو المالك الحقيقي

[pinky]

انا ولد عمي ماجر بيت صار له سنه ما شاف اجار للبيت والمؤجر مو براضي يطلع في ها الحاله شي سوي وهو رزقه على هالاجار ما له مدخول غير اجار البيت

[الزاجل]

القضية عند الشرطة..

انا كان كلام الصحفي صحيح
حساب المأجر في المحاكم..

اما ان كان كلام الصحفي تلفيق حسابه
بعد لابد ان يكون في المحاكم ..

[ابن مانع]

لا حولة ولا قوة الا بالله

[Um-Al-Faris]

مهما كان السبب ما يحق للمالك يمد يده دام أجر ويستلم.
انتوا تدرون ياجماعة لي وزوجي قصة مشابهة
سكنا شخص من جنسية عربية في ملحق بيتنا والله أن الهدف ما كان المادة حتى يوم أوصلت الأجارات بالآف كنا مأجرين بالمئات.. تصدقون ولكن زوجته صديقتي وكانوا تو عرسان جدد وكان الاتفاق فترة لين ما يحصلون بيت أجار
المهم
الزوج أصلا جاء على كفالة زوجي أكراما لي ولأنها صديقتي
شوفوا ايش اللي صار
عاشت مو جارة أخت وطبعا زوجها الزلمة محترم نفسه لأنه على كفالة زوجي سنة أثنين جابت أول ياهل الثاني
طلب زوجها نقل كفالة من زوجي علشان يحسن الدخل صارت العائلة كبيرة والمتطلبات وايده
تركنا البيت أنا وزوجي والعيال خلصنا بنيانا وصار لنا بيت جديد وعلى فكرة كنت أكثر من مره قايله لها ترى بنشد دوروا على سكن بنبيع البيت
وبالأخير لما تم قطع الكهرباء عنهم تعرفون ايش سو الزلمة ردا للجميل أتصل بزوجي وشتم وبهدل
ليش يا أخوي أنا قايلك أكثر من مره أطلع لكن عييت
لكن ما كنت أقول إلا حسبي الله ونعم الوكيل فيك يا ...............
تصوروا
سمعت أن الشركة اللي اشتغل فيها علشان يحسن مدخوله كان يختلس منها وتم ضبطه وأبعاده
وعلى نفسها جنت براقش

[Ghost]

اخي الكريم جزاك الله خير اخي الكريم الحق يعلو ولا يعلى عليه المالك ماله حق ان يعتدي على الرجال البلد بلد قانون واحنا مش في غابه لو كنا كذالك لاكل الناس بعضهم بعض لكن الله سخر لهذه البلد امير وشعب يخافون الله واسأل الله لهم التوفيق يطبق القانون على المواطن وغيره ولو كان للمالك حق اضاعه بضربه للرجال والله المستعان الله يفكها عليه ويتصالحون والصلح خير

[hamoor4ever]

مهما كان السبب ما يحق للمالك يمد يده دام أجر ويستلم.
انتوا تدرون ياجماعة لي وزوجي قصة مشابهة
سكنا شخص من جنسية عربية في ملحق بيتنا والله أن الهدف ما كان المادة حتى يوم أوصلت الأجارات بالآف كنا مأجرين بالمئات.. تصدقون ولكن زوجته صديقتي وكانوا تو عرسان جدد وكان الاتفاق فترة لين ما يحصلون بيت أجار
المهم
الزوج أصلا جاء على كفالة زوجي أكراما لي ولأنها صديقتي
شوفوا ايش اللي صار
عاشت مو جارة أخت وطبعا زوجها الزلمة محترم نفسه لأنه على كفالة زوجي سنة أثنين جابت أول ياهل الثاني
طلب زوجها نقل كفالة من زوجي علشان يحسن الدخل صارت العائلة كبيرة والمتطلبات وايده
تركنا البيت أنا وزوجي والعيال خلصنا بنيانا وصار لنا بيت جديد وعلى فكرة كنت أكثر من مره قايله لها ترى بنشد دوروا على سكن بنبيع البيت
وبالأخير لما تم قطع الكهرباء عنهم تعرفون ايش سو الزلمة ردا للجميل أتصل بزوجي وشتم وبهدل
ليش يا أخوي أنا قايلك أكثر من مره أطلع لكن عييت
لكن ما كنت أقول إلا حسبي الله ونعم الوكيل فيك يا ...............
تصوروا
سمعت أن الشركة اللي اشتغل فيها علشان يحسن مدخوله كان يختلس منها وتم ضبطه وأبعاده
وعلى نفسها جنت براقش

حلو والله انه فنان يعني حصل له حد قلبه ابيض سكن ببلاش ، واشتغل بشركه وعقب مااختلس وشبع عطوه بس ابعاد ، اقول ماعندكم ملحق اسكن فيه :)

[بوخالد911]

الله يعيين بس

[استغفرالله]

من واقع تجربة الملاك مظلومين

اكثر الملاك يطلبون منا عدم تسكين القطريين في عقاراتهم

وبصراحة لو اسرد لكم المشاكل التي تاتي من المستاجر القطري يعجز عنها القلم

اما اعتداء المالك او المؤجر

فهذا يعتبر مخالف للقوانين

ولابد ان يحيل للقضاء

وكل ياخذ حقة


شالكلام الفاضي

وين القطريين انا باجر لهم

[ديابلو]

هذا رد على الموضوع ولا على صاحب الموضوع ؟!

:secret:

سبحان الله


الاثنين

[MiSsY]

لاحول ولا قوة الا بالله
الله يهديه

[بو فهد]

شالكلام الفاضي

وين القطريين انا باجر لهم











الرايق

المالك ليس له الحق باسترداد عقاره حتى لو انتهى العقد


اناقتبست لك هذا من احد ردودك وهوا دليل

على انك لاتفهم شي عن عقود الايجارات وانك لاتملك

سوى بيض الصعو

واتمنا لاتتدخلون في شي لاتفقهون فية

[السلطان]

والله قهر ومالوم المالك
ياأخي بيتي وانا حر فيه
بصراحة القانون مادري شلون في صالح المستاجر

صارت سالفة على واحد اعرفه مأجر بيت على واحد من جنسية عربية
واحتاج البيت بيسكن فيه لكن المستأجر ماطلع ورفض أنه يطلع وقال عندك القانون
وللحين يمكن كمل حوالي سنتين وهم بين المحاكم
!!!!!!!!!!!!!!!!!!!!!!!!!!!!!!!!!!

[الرايــق]

الاثنين

والله ما ني مستفيد من طرح الموضوع اي شي ..

الحمد لله ساكن في بيت ملك وليس لي قصد من وراء هالمواضيع ..

كل اللي سويته نقلت كلام الصحفي ..

واذا انت شايف غير هالكلام .. اكتب اللي بخاطرك بدون ألغاز
!

[بوفهاد]

المفروض ان المالك يكتب في العقد شرط

في حال تم طلب الخروج من المنزل يجب على المؤجر تنفيذ الخروج بمدة اقصاها شهر ، أو ان يتم رفع الاجار الضعف

[nedoo]

استغقر الله العظيم ولا حول ولا قوة الا بالله احنا وين قاعدين الموضوع يقهر الله لا يقدر ويحكم على حد ينحط في هالموقف

[hamoor4ever]

المفروض ان المالك يكتب في العقد شرط

في حال تم طلب الخروج من المنزل يجب على المؤجر تنفيذ الخروج بمدة اقصاها شهر ، أو ان يتم رفع الاجار الضعف

ماتقدر فيه قانون بالدوله هو اللي ينظم قوانين التأجير مب على كيفك حط شرط وبس ، وحتى لو حطيت هالشرط فهو ماله اي قيمه لان عند الرجوع للقانون يوخذ قانون الدوله فقط وماعدا ذلك يعتبر ماله اي قيمه

[وتبقى الدنيا حلوه]

شدعوووووووووووووووووه

ضرب مره وحده ؟!!

أوكي بيتك حر فيه عاد ماتتعامل مع الأمر بطريقة همجيه !!

[بــو فهــد]

انا مستغرب من الردود اللي تشجع مثل هالبني ادم .. لو كان ريال جان على الاقل تضارب وياه ويه بويه .. مب ميمع اخوانه وعيال عمه ويضربون الريال بين مرته وعياله ..

بغض النظر لو كان المستأجر تاخر في الاجار ولا مسوي اللي يسويه .. ريال طول وعرض يتضارب ؟؟ شخلى حق اليهال انا ما ادري !!

[لله الحمد]

المفروض الواحد كيفه في ماله .. حدة حدة ست شهور

اما يقعد في بيتي الى ما نهاية .. لا اسمحلي حتى مالك ما تقدر تتحكم فيه

بس اذا عندك واسطه تقدر تطلعه بكثير من الطرق القانونية .. للواسطة فقط

[بومحمد]

نسمع وجهة نظر المالك قبل :)










وهذا هو الكلام الصحيح



حتى لو سمعنا وجهة نظره هل يحق له أنه يضرب المســتأجر

وعلى فكره وجهة نظره ماراح تكون غير عن اغلبية الملاك اللي عندهم عقارات

ألا وهي أنه يبي يرفع ألإيجار من مثلا 5000 الى 15000 الله يصبر الناس اللي في الايجار

وهذا هو الواقع

[لوسيل]

حتى لو سمعنا وجهة نظره هل يحق له أنه يضرب المســتأجر

وعلى فكره وجهة نظره ماراح تكون غير عن اغلبية الملاك اللي عندهم عقارات

ألا وهي أنه يبي يرفع ألإيجار من مثلا 5000 الى 15000 الله يصبر الناس اللي في الايجار

وهذا هو الواقع

وأنت على أي أساس حكمت على المالك من غير ماتسمع وجهة نظره في الموضوع :)


وليش مايكون المؤجر غير صادق في الكلام إلي قاله ؟؟؟

ياناس لاتظلمون أحد من غير ماتعرفون شسالفه ... يعني لو جيت أنا الحين وقلت عن أحد الأعضاء في المنتدى أنه سبني وقالي كلام ماينقال هل راح تصدقوني من غير ماتسمعون السالفه من العضو الثاني ؟؟ أكيد لا طبعاً بتروحون تسألونه يافلان هل هالكلام صحيح ؟؟ يمكن أطلع انا الغلطان عليه ... كبروا عقولكم شوي

[بيانو]

مهما كانت هل برأيك يجيز ذلك ضرب المستاجر والتعرض له هو ومن معه امام جيرانه واطفاله ؟؟
ام ان البلد فيها قانون .. وهذا القانون فوق الجميع .. الكبير والصغير ..؟؟


شكرا على المرور ..





كلام صحيح :nice:

[بيانو]

اتمنى ينال اشد العقوبات .. عشان يكون عبره لـ غيره
كل من هب ودب صار يمشي ويكفخ في خلق الله
والله عيب .. عمرهم اهل البلاد ماكانوا بـ هـ السوء




كل تحيه واحترام لك :nice:

[بومحمد]

وأنت على أي أساس حكمت على المالك من غير ماتسمع وجهة نظره في الموضوع :)


وليش مايكون المؤجر غير صادق في الكلام إلي قاله ؟؟؟

ياناس لاتظلمون أحد من غير ماتعرفون شسالفه ... يعني لو جيت أنا الحين وقلت عن أحد الأعضاء في المنتدى أنه سبني وقالي كلام ماينقال هل راح تصدقوني من غير ماتسمعون السالفه من العضو الثاني ؟؟ أكيد لا طبعاً بتروحون تسألونه يافلان هل هالكلام صحيح ؟؟ يمكن أطلع انا الغلطان عليه ... كبروا عقولكم شوي

اولا احترم وجهة نظرك أخوي

بس انا ابي اوصلك نقطه ان اكثر الملاك غلبهم الجشع والطمع في موضوع تأجير العقارات

وممكن أنه يسوي أي شي بس لزيادة القيمة الإيجاريه للعقار

أخوي أنا واحد من الناس اللي انظلمو وطلعوني من العقار على اعتبار ان المالك تقدم بشكوى ضدي في المحكمه مفادها انه راح يهدم العقار ولا هدمه وعلى فكره اجره بقيمة اضعاف المبلغ اللي كنت انا ادفع له اياه
وعلى فكره كان يتصل فيني ويقول ( اذا ماطلعت من البيت في اسلوب ثاني اطلعك فيه )

طبعا غير القانون


بس السؤال هني ؟ من اللي عطاه رخصة هدم في البلديه لتقديمها للمحكمه وشلون العقارمن 3 سنوات لازال في مكانه ...


وبعدين انا اوافقك ان لازم نجيب الطرف الثاني ونسمع منه لكن اذا كان موضوع عقار ماراح
يكون غير الجشع واسمحلي اخوي على هالكلمه

[استغفرالله]

اولا احترم وجهة نظرك أخوي

بس انا ابي اوصلك نقطه ان اكثر الملاك غلبهم الجشع والطمع في موضوع تأجير العقارات

وممكن أنه يسوي أي شي بس لزيادة القيمة الإيجاريه للعقار

أخوي أنا واحد من الناس اللي انظلمو وطلعوني من العقار على اعتبار ان المالك تقدم بشكوى ضدي في المحكمه مفادها انه راح يهدم العقار ولا هدمه وعلى فكره اجره بقيمة اضعاف المبلغ اللي كنت انا ادفع له اياه
وعلى فكره كان يتصل فيني ويقول ( اذا ماطلعت من البيت في اسلوب ثاني اطلعك فيه )

طبعا غير القانون


بس السؤال هني ؟ من اللي عطاه رخصة هدم في البلديه لتقديمها للمحكمه وشلون العقارمن 3 سنوات لازال في مكانه ...


وبعدين انا اوافقك ان لازم نجيب الطرف الثاني ونسمع منه لكن اذا كان موضوع عقار ماراح
يكون غير الجشع واسمحلي اخوي على هالكلمه

ليش ماتقول ان المستأجر هو الجشع

لانه بعد ما انتهى العقد يبي يتم بالبيت .... الذي زاد سعره مع سعر السوق

ويبي يأجر البيت بالسعر القديم

والعقد شريعة المتعاقدين وبعد ما انتهى العقد للمالك استرداد عقاره

ولا هي نهبة

العقار له مالك - والمؤجر عبارة عن مؤجر فقط

:anger1:

[لاجئ عاطفي]

انا املاحظ شي هالايام في الجرايد واكيد انتوا لاحظتوا
ماعادوا يكتبون مووووووووواطن في الاخبار اللي فيها تشويه لصورة المواطن
شي حلو يعني الكلام هنا جاب نتيجه

[boooooon]

ليش ماتقول ان المستأجر هو الجشع

لانه بعد ما انتهى العقد يبي يتم بالبيت .... الذي زاد سعره مع سعر السوق

ويبي يأجر البيت بالسعر القديم

والعقد شريعة المتعاقدين وبعد ما انتهى العقد للمالك استرداد عقاره

ولا هي نهبة

العقار له مالك - والمؤجر عبارة عن مؤجر فقط

:anger1:


اخوي انت عبالك كل ما يخلص العقد لازم يطلع المستأجر ويدور بيت ترى مب سهله

كل كم شهر يبي يغير بيته ويبي يشيل اغراضه ويدور مكان ثاني وانت عارف شلون الايجارات صارت

ونفس الشي جارنا قاله راعي البيت ابي اسكن ولدي فالبيت شيل غراضك وحرك معاك شهر
الرجال دبر نفسه وطلع بعد كم يوم صاحب البيت جايب عمال وسوى البيت 40 غرفة كل غرفة سواها 4 غرف وجاب نص عمال الصناعية وسكنهم فالبيت ..

[استغفرالله]

بون

المستأجر ليش ما خله مدة العقد اكثر من كمن شهر؟

اذا كان ناوي يقعد اكثر من كمن شهر

و صاحب البيت له الحق يسوي في بيته اللي يبيه بعد انتهاء العقد

بيته وملكه

ممكن يجدد العقد وممكن لا

هو حر .. والعقد شريعة المتقاعدين

[بومحمد]

ليش ماتقول ان المستأجر هو الجشع

لانه بعد ما انتهى العقد يبي يتم بالبيت .... الذي زاد سعره مع سعر السوق

ويبي يأجر البيت بالسعر القديم

والعقد شريعة المتعاقدين وبعد ما انتهى العقد للمالك استرداد عقاره

ولا هي نهبة

العقار له مالك - والمؤجر عبارة عن مؤجر فقط

:anger1:


حتى لو اتهت مدة العقد عزيزي قانونا مايقدر يطلعه إلا إذا اخل الطرف الثاني في احد شروط

العقد اللي انا من وجهة نظري اقول ان الجميع وعى لموضوع العقد ويطبقون الشروط بحذافيرها

وضف على ذلك الزياده القانونيه اللي المفروض انها تنضاف على القيمه الايجاريه ...

عموما مثل ماقلت اخوي العقد شريعة المتعاقدين

لكن للناس اللي يخافون من الله وانا ماقول الكل ومازالت الدنيا بخير والحمدلله

وماقول إلا الله المستعان ....