ياجماعة الخير حد عنده علم عن ساعة عليها ثعبان او نمر ؟؟

[وكر الذيب]

السلام عليكم ورحمة الله وبركاته

شفت ساعة على ايام معرض المجوهرات الاخير في جناح باريس غاليري ..

نسائية / سيراميك / الماس / عليها مجسم نمر ووثعبان ومادري شنو بعد ..

بس يوم رحت سالتهم من فترة بسيطة قالوا كان شخص جاي من برى قطر عرضهم وسافر ...



تكفوون اذا حد يعرفها ولا ماركتها ولا شسالفتها ؟؟

وفماان الله :nice:

[بوجاسم525]

مرحبا اخوي وكر..

لازالت موجوده وماركه جست كفالي,,تنباع في باريس جالري الي في رويال بلازا

[qatar__boss]

ماركة ربرتو كافالي < ابو جست كافالي وتباع في السلام.. وباريس قالري

[smsm]

روبرت كفالي وفي منها ذهبيه وفضيه

[>>> غــمـــوض <<<]

ماشاء الله ماقصرو الاعضاء
وان شاء الله تلقاها

[بوجاسم525]

خخخخخ غلطت من روبرتو خليتها جست كفالي (:

[وكر الذيب]

تسلمووون تسلموووون كلكم من اولكم لاخركم ماقصرتوا بيض الله ويوهكم ان شاء الله

[المزاجي قطر]

مادري والله

[banosh]

كارتير بعد عندهم شيك أخوي

[saleh-85]

موفـــــقـــــين

[O_X]

كاني شفت في الجابر

[to0oti]

روبرتو كفاااالي .. مووجووده فالسلاام ..

[بنت ابوها 19]

في ريبرتو كفالي جلد اسود والمينه نمر
وفي السير نمر والمينه نمر

بتلاقينها في رويل بلازا

[Miss London]

موفقين ان شاء الله

[الهاجري87]

اللي انت قصدتها سيراميك اسود ماركت ((اكسبوجر))
عليها ثعبان او نمر او فراوله او عين طبعا الماس
هذي قيمتها 9500 تنباع عند مجوهرات ترازانيا في مجمع
الرويال بلازا بالسد كانت قبل عند باريس غاليري بس هو خذ
الوكاله من عندهم اتمنى اني فدتك باهالموضوع