قطر توافق على تزويد الكويت بـ 500 ميغاواط لصيف 2009

[GULFSUN]

القيمة تُدفع على ما يصرف يومياً
قطر توافق على تزويد الكويت بـ 500 ميغاواط لصيف 2009


http://www.up4mb.com/up/get-4-2009-cnjg1h6g.jpg (http://www.up4mb.com/up)



نتيجة زيارة وزير الكهرباء والماء وزير المواصلات نبيل بن سلامة الى قطر هي «موافقة الدوحة على تزويد الكويت بـ 500 ميغاواط خلال صيف 2009».

وذكرت مصادر مطلعة لـ «الوطن» ان «دفع قيمة هذه الطاقة ستكون باليوم.. اذ ان الكويت تحتاج في ايام الى 100 ميغاواط مثلا وفي يوم آخر 110، ولذا ستدفع المبالغ بما اخذته البلاد في اليوم.. وكل هذه الكميات لن تتجاوز 500 ميغاواط».

من جهة اخرى، فتحت وزارة الكهرباء والماء باب تسجيل الشركات للفوز بمناقصة انشاء محطة الصبية بطاقة اجمالية 2000 ميغاواط.

وهذه المناقصة كانت الوزارة الغتها تنفيذا لقرار مجلس الوزراء، لاعادة طرحها مجددا بعد الازمة المالية العالمية.



تاريخ النشر 22/04/2009


يستهلون الاشقاء كل خير :)

بس شلون ينقلون الكهرباء من قطر الى الكويت

لايكون في بطاريات اوتنكر من كهرماء ( امزح ) :)

حد عنده فكرة كيف :omen2:

[سداوي&مدريدي]

عدل :nice:

يمكن بالبلوتوث

كل شي جايز :secret:

[هتـان قطر]

عين عذاري..!!!

واحنا امس فاطسين من الحر..الكهربا طافيه من الصبح الى العصر

حالنا يقول " الله اكبر يا زماني انا وش بيدي ...كل ما عدلت واحد يميل الثاني "

[ANONYMOUS]

خلال الربط الكهربائي الخليجي..

كأني قريت انه خلّص.. او موقعين .. على انه بيخلص..

[مستثمره جديده]

ماشاء الله دخل الدوله زاد ولله الحمد من البترول ومن الغاز والحين من الكهرباء ومازال بعض الموظفين القطريين يعانون من نقصان رواتبهم ويشكون من الغلا الفاحش وديونهم اللي كثر شعر راسهم .. اتمنى ان يكون للمواطنين نصيب عقب مازاد دخل دولتنا الغاليه وان يتم النظر في الديون اللي عليهم ويسددون ولو جزء منها واهل قطر يستاهلون وبومشعل مايقصر

[ANONYMOUS]

لمزيد من المعومات

http://www.gccia.com.sa/

[GULFSUN]

عدل :nice:

يمكن بالبلوتوث

كل شي جايز :secret:


عين عذاري..!!!

واحنا امس فاطسين من الحر..الكهربا طافيه من الصبح الى العصر

حالنا يقول " الله اكبر يا زماني انا وش بيدي ...كل ما عدلت واحد يميل الثاني "


خلال الربط الكهربائي الخليجي..

كأني قريت انه خلّص.. او موقعين .. على انه بيخلص..


ماشاء الله دخل الدوله زاد ولله الحمد من البترول ومن الغاز والحين من الكهرباء ومازال بعض الموظفين القطريين يعانون من نقصان رواتبهم ويشكون من الغلا الفاحش وديونهم اللي كثر شعر راسهم .. اتمنى ان يكون للمواطنين نصيب عقب مازاد دخل دولتنا الغاليه وان يتم النظر في الديون اللي عليهم ويسددون ولو جزء منها واهل قطر يستاهلون وبومشعل مايقصر


لمزيد من المعومات

http://www.gccia.com.sa/

يعطيكم العافية :nice:

http://www.up4mb.com/up/get-4-2009-l223ynzx.JPG (http://www.up4mb.com/up)

عرفت الطريقة

[Chambray]

يبيلنا محطة نوويه لتوليد الكهرباء

[شاهيناز]

الله يعينا في الصيف كل يوم قاطعين الكهربا عنا

ولكويتين عايشين في برادنا

بس المفروض اذا حد تكلم في الصحافه لكويتيه عنا مثل الهاشم وربعه

نقطع الكهرب عنهم عشان يفطسون من الحر ...........

ماحبيت القرار زعلتوني كهرما,,,:weeping:

[شارع الأصمخ]

عمل جيد

[جاسم القطري]

بيعطونهم بفلوس ولا ببلاش..؟؟؟

[eXpert*]

التمديدات أرضية ولا شلون ؟ مافهمت ؟؟

وسؤال واقعي : هل قطر لديها فائض !؟؟ ولا بكرة بنعاني الأمرين في الصيف ؟

[شويهينــه]

شلون مو كل صيف يقولون ان فيه ضغط على مولدات الكهرباء وعلى اساسها يقطعون علينا الكهرب

الحين يبون يزودون الكويت من هالكهرباء

فجاه صار في زياده وقل الضغط

سبحان الله

[ANONYMOUS]

بيعطونهم بفلوس ولا ببلاش..؟؟؟

بفلوس والله اعلم

[الزاجل]

شلون مو كل صيف يقولون ان فيه ضغط على مولدات الكهرباء وعلى اساسها يقطعون علينا الكهرب

الحين يبون يزودون الكويت من هالكهرباء

فجاه صار في زياده وقل الضغط

سبحان الله

هذا اللي فاقع لي مرارتي..
الترشيد وين بيروح؟

بيبيعونه على دول مجاورة

[الـقـاسـي]

شي حلو اننا نصدر الكهرباء للخارج .. بس مايكون هذا على حسابنا ..

[maha0]

يعني بنتوهق فالصيف ههه

[ANONYMOUS]

يبيلنا محطة نوويه لتوليد الكهرباء


اقترح هالأقتراح الاخ الرئيس علي عبدالله صالح .. رئيس اليمن..

ومنها يتم التوزيع لكل دول الخليج

انا اعتبرها بادره طيبه

[ANONYMOUS]

التمديدات أرضية ولا شلون ؟ مافهمت ؟؟

وسؤال واقعي : هل قطر لديها فائض !؟؟ ولا بكرة بنعاني الأمرين في الصيف ؟

لا اعلم .. ولكن والله اعلم عن طريق هذيلا.. اللي حطهم صاحب الموضوع..

http://www.up4mb.com/up/get-4-2009-cnjg1h6g.jpg


اما بخصوص الفائض.. مايندرى.. ولكن..

المصالح لدول الخليج مشتركه..

يعن اي دوله تفقد الكهرباء لاقدر الله.. ممكن تاخذ من الدول الأخرى..

انا اشوف ان الأمر طيب

وربع تعاونوا ماذلوا..

[Q_PG_S]

السلام عليكم و رحمة الله و بركاته

هذه بادرة طيبة و كما هو معروف أن المشكلة تكمن في تخزين الطاقة الكهربائية من حيث الامكانات و التكلفة ، الأمر الذي يتحتم عليه إما استهلاكها بدون أي مردود أو بيعها للدول المجاورة.

وختاماً هل ستصبح قطر المزود الرئيس للطاقة الكهربائية لدول الجوار كما هي المزود الرئيس للغاز؟ وما هي عوائد تصدير الطاقة الكهربائية؟ سوألان أترك اجابته للمختصين

[روميت]

ماشاء الله دخل الدوله زاد ولله الحمد من البترول ومن الغاز والحين من الكهرباء ومازال بعض الموظفين القطريين يعانون من نقصان رواتبهم ويشكون من الغلا الفاحش وديونهم اللي كثر شعر راسهم .. اتمنى ان يكون للمواطنين نصيب عقب مازاد دخل دولتنا الغاليه وان يتم النظر في الديون اللي عليهم ويسددون ولو جزء منها واهل قطر يستاهلون وبومشعل مايقصر


.......:)

[fhd4]

مع محطات الكهرباء الجديدة في راس لفان ... قطر صارت تقريبا أكثر دولة عندها فائض في الكهرباء ...

وتزويد الكويت بالكهرباء هذا في اطار مشروع الربط الكهربائي بين دول الخليج ...

وطبعا مافي شي ببلاش ...