أمي تسلم عليكم وتقول عندكم شوية بزار !!!

[سهم بن سهم]

رن جرس الباب ..... رن رن رن ..... دقات ناعمه ... جميلة

من خلف الأنتركم في الطابق الثاني رديت : ..... من عند الباب ؟؟

آآنه عبوووود ..... ولد جيرانكم :)

هلا عبووود ... مرحبا مليون .... آآآمر فديتك ؟؟

" أمي تسلم عليكم وتقول : عندكم شوية بزار ؟؟؟ !! :)

بزار ....... بس بزار ............ حاضرين للطيبين ياعبوووود

لحظه بس انزل من الطابق الثاني وأجيك ........... لحظه يالنشمي

بسرعة ....... هوا ....... انا عند الباب ............. هلا ومرحبا مليون يا عبوووود

شقلت ؟ سمعني مرة ثانية ؟ :rolleyes2:

خااااااااااف الصبي وفي قلبه يقول : شالسالفه ؟! :rolleyes2::omg:

قال جملته مرة ثانية وبنبره خافته : أمي تسلم عليكم وتقول عندكم شوية بزار ؟؟ :)

قلت له عيد الجملة مرة ثانية :omg::)

سكت الولد : قلت له فديتك عيد الجملة مرة ثانية وبصوت اقوى وأنا بوك ..... سمعت بس أبغي إذني تسمع ! :)

قال : (((( أمي تسلم عليكم وتقول عندكم شوية بزار ؟؟ )))) :)

بزار .... بزار ... بس بزار ........ افا عليك ماطلبت شي ... البيت تحت أمرك ؟

لو ماعندنا بزار نجيبه لك ياعبوووود ..... غالي والطلب رخيص .

عبووود تبسم :) وقال : عمي بعد شوي بصل قالت امي نسيت أقول لك :)

حاضرين ياعبود .... لو ماعندنا بصل في البيت نزرع لك البيت كله بصل

لو ماعندنا بصل أجيب لك السوق المركزي كله ياعبوووود :victory:

أنت تامر ... تامر ..... إلا انت راعي البيت ياعبود وانا خادمك ياعبوووود

بس بزار وبصل ...... ماطلبت شيء !

وااااااااو ........ يحليلك ياعبود .... من وين طالع لي اليوم ؟؟ :)

من زمان محد طق باب بيتنا يقول هالكلام :weeping:

من زمان والله ياعبووود .... مدري وين راحو الناس ؟ ليش مايسألون ؟ مايطلبون ؟

يمكن شدو من فريجنا !! :weeping:

لا لا لا .... الناس بخير .... وماعاد الناس تسال مثل اول ......لا .... لا .... القصة مو قصة طلبات ياعبوووود ... القصة اننا فقدنا طعم الجيره :weeping:

كان الجار يطلب من جاره بصل وطماط وبزار وحتى الإبره .... ويرسل له من طباخ بيته .. علشان تبقى للجيره طعم ويبقى بين الجيران عيش وملح :weeping:

ياعبوووود ذكرتني بزمان اول وجملة : أمي تسلم عليكم وتقول عندكم ............... :weeping:

الله يرحم جارتنا أم فلان :weeping:

أكثر وحده في الفريج كانت تطلب .... واذا ما جانا ولدها يطلب نستغرب ونقول رشووووود اليوم ماجانا ؟؟ وشصاير خير ؟؟ أكيد فيهم شي ؟؟ نعرف بأن أم رشوود مريضة وماطبخت الغدا والعيال ماكلو شي ..... الله يرحمها :weeping:

عبارتك حلوه ياعبوووود في بساطتها ... في عفويتها ... في روح الجيران الحلوه ..... بيت واحد .. طبخة وحده ... أسرة وحده .... :weeping:

فقدنا هالشيء ياعبوووود .. الأسر والجيران كانو يحتاجون لبعضهم ويشيلون بعضهم

اليوم ترسل صحن غدا للجار .... يرد عليك شدعوه شايفني جوعان !!!!!!! :anger1:

يقول حق الولد قول لأمك لاترسل لنا فضلة غداكم !! :anger1:


العلاقة كانت أسمى واقوى من طلب " بزار وبصل " العلاقة جيره وودفء في المشااااااعر :weeping:

كنا نعطي الصغير طلباته .... وننطر صحنا يرجع بشوق ولهفة لشوية هريس أو مضروبة او مجبوس دجاج من بيت الجيران ...... ناكل وندعي لهم بالخير ونقول ...... الله يسلمها أم فلان خووووووش طبخه :weeping:


عبوووووووووووود ....... تعال وانا بوك وخذ اللي تبي ..... تعال لاتعور قلبي :weeping:

أصوت على الخدامه : (((( ميري .... ميري ))))

ترد ميري : ............ نعم بابا ؟؟

عبووود هذا ولدنا ومثل حمووووود أي وقت يجي البيت ويطلب أي شيء تعطونه على طول من غير تردد :)

ردت ميري : إن شاء الله بابا :)

عبووووووود مبسووووووط على الآخر ................. دخل على عنوان صح ودغدغ مشاعر إندثرت ورااااااااااااااااحت :(:weeping:


عمي ... عمي ... عمي ......... وينك ؟ :)

سرحت واسترجعت ذكريات فريجنا القديم ومضروبة جارتنا أم فلان الله يرحمها :weeping::(


عمي تسمعني ؟؟ :)


مشكووووووووووور عمي ماقصرت

:)


عبوووووووووووووووووووووود ؟؟

نعم عمي :)


كل يوم تعال

:)

[بويوسف]

قصة روعة .. اشوي وعيوني تدمع وانه بالدوام (مب شي)

تسلم اناملك الذهبية على هالحوار

[غزلان]

الفريج هوهو والقلوب تحجرت

كل شي طلعوا له مسمى جديد
عيب ومانزل نفسنا لحد / بل حق الفضيحه ووووو الى ماله نهايه
اذكر جدي اذا راح المزرعه يوزع رطب وليمون على كل لعزب الى حواليه واحيانا يطلبون منهم عيش اذا نسو او ملح وغيرها..

الحين بل ياكبرها عند الله:)

[بو الجوري]

أحييك عالقصه الحلوه والسرد الجميل :)

والصراحه أنا عن نفسي للحين هالطبع شغال ..

بيني وبين جاري .. :telephone:

وغدا رايح والا عشا جاي والا عندك خبز .. او بيض .. والا عندك فلفل كرستال .. :nice:

الطلبات ماتخلص .. والجيره حلوه .. ومثل ماقالوا الجااار قبل الدااار .. :nice:

والوضع حلو وعادي .. ومافي مستحى بين الجيران ..

نعين ونعاون ..

تحياتي لك ..

[شاي كرك]

لا .. أبشرك للحين السوالف هذي عندنا ( انا أتكلم عن بيتنا :))
الوالدة مطرشة بنت اخوي من كم يوم حق بيت الجيران ، وما ادري وش طالبين .. :) على ما أعتقد بطاط ..

[ضوى]

رن جرس الباب ..... رن رن رن ..... دقات ناعمه ... جميلة

من خلف الأنتركم في الطابق الثاني رديت : ..... من عند الباب ؟؟

آآنه عبوووود ..... ولد جيرانكم :)

هلا عبووود ... مرحبا مليون .... آآآمر فديتك ؟؟

" أمي تسلم عليكم وتقول : عندكم شوية بزار ؟؟؟ !! :)

بزار ....... بس بزار ............ حاضرين للطيبين ياعبوووود

لحظه بس انزل من الطابق الثاني وأجيك ........... لحظه يالنشمي

بسرعة ....... هوا ....... انا عند الباب ............. هلا ومرحبا مليون يا عبوووود

شقلت ؟ سمعني مرة ثانية ؟ :rolleyes2:

خااااااااااف الصبي وفي قلبه يقول : شالسالفه ؟! :rolleyes2::omg:

قال جملته مرة ثانية وبنبره خافته : أمي تسلم عليكم وتقول عندكم شوية بزار ؟؟ :)

قلت له عيد الجملة مرة ثانية :omg::)

سكت الولد : قلت له فديتك عيد الجملة مرة ثانية وبصوت اقوى وأنا بوك ..... سمعت بس أبغي إذني تسمع ! :)

قال : (((( أمي تسلم عليكم وتقول عندكم شوية بزار ؟؟ )))) :)

بزار .... بزار ... بس بزار ........ افا عليك ماطلبت شي ... البيت تحت أمرك ؟

لو ماعندنا بزار نجيبه لك ياعبوووود ..... غالي والطلب رخيص .

عبووود تبسم :) وقال : عمي بعد شوي بصل قالت امي نسيت أقول لك :)

حاضرين ياعبود .... لو ماعندنا بصل في البيت نزرع لك البيت كله بصل

لو ماعندنا بصل أجيب لك السوق المركزي كله ياعبوووود :victory:

أنت تامر ... تامر ..... إلا انت راعي البيت ياعبود وانا خادمك ياعبوووود

بس بزار وبصل ...... ماطلبت شيء !

وااااااااو ........ يحليلك ياعبود .... من وين طالع لي اليوم ؟؟ :)

من زمان محد طق باب بيتنا يقول هالكلام :weeping:

من زمان والله ياعبووود .... مدري وين راحو الناس ؟ ليش مايسألون ؟ مايطلبون ؟

يمكن شدو من فريجنا !! :weeping:

لا لا لا .... الناس بخير .... وماعاد الناس تسال مثل اول ......لا .... لا .... القصة مو قصة طلبات ياعبوووود ... القصة اننا فقدنا طعم الجيره :weeping:

كان الجار يطلب من جاره بصل وطماط وبزار وحتى الإبره .... ويرسل له من طباخ بيته .. علشان تبقى للجيره طعم ويبقى بين الجيران عيش وملح :weeping:

ياعبوووود ذكرتني بزمان اول وجملة : أمي تسلم عليكم وتقول عندكم ............... :weeping:

الله يرحم جارتنا أم فلان :weeping:

أكثر وحده في الفريج كانت تطلب .... واذا ما جانا ولدها يطلب نستغرب ونقول رشووووود اليوم ماجانا ؟؟ وشصاير خير ؟؟ أكيد فيهم شي ؟؟ نعرف بأن أم رشوود مريضة وماطبخت الغدا والعيال ماكلو شي ..... الله يرحمها :weeping:

عبارتك حلوه ياعبوووود في بساطتها ... في عفويتها ... في روح الجيران الحلوه ..... بيت واحد .. طبخة وحده ... أسرة وحده .... :weeping:

فقدنا هالشيء ياعبوووود .. الأسر والجيران كانو يحتاجون لبعضهم ويشيلون بعضهم

اليوم ترسل صحن غدا للجار .... يرد عليك شدعوه شايفني جوعان !!!!!!! :anger1:

يقول حق الولد قول لأمك لاترسل لنا فضلة غداكم !! :anger1:


العلاقة كانت أسمى واقوى من طلب " بزار وبصل " العلاقة جيره وودفء في المشااااااعر :weeping:

كنا نعطي الصغير طلباته .... وننطر صحنا يرجع بشوق ولهفة لشوية هريس أو مضروبة او مجبوس دجاج من بيت الجيران ...... ناكل وندعي لهم بالخير ونقول ...... الله يسلمها أم فلان خووووووش طبخه :weeping:


عبوووووووووووود ....... تعال وانا بوك وخذ اللي تبي ..... تعال لاتعور قلبي :weeping:

أصوت على الخدامه : (((( ميري .... ميري ))))

ترد ميري : ............ نعم بابا ؟؟

عبووود هذا ولدنا ومثل حمووووود أي وقت يجي البيت ويطلب أي شيء تعطونه على طول من غير تردد :)

ردت ميري : إن شاء الله بابا :)

عبووووووود مبسووووووط على الآخر ................. دخل على عنوان صح ودغدغ مشاعر إندثرت ورااااااااااااااااحت :(:weeping:


عمي ... عمي ... عمي ......... وينك ؟ :)

سرحت واسترجعت ذكريات فريجنا القديم ومضروبة جارتنا أم فلان الله يرحمها :weeping::(


عمي تسمعني ؟؟ :)


مشكووووووووووور عمي ماقصرت

:)


عبوووووووووووووووووووووود ؟؟

نعم عمي :)


كل يوم تعال

:)


ماحواليكم بيت فاضي ياسهم ؟؟:)

[المستقل]

قصه سببتلي قصه

يعطيك العافيه

والله هل قطر فيهم خير وكلهم يحب الثاني بس من يبادر ويكسر هالحواجز إلي بنتها ولله الحمد الخير الي الناس صاروا فيه فكل واحد حسن أنه مكتفي ومايحتاج من أحد شيء ، وهذي الحواجز للحين فيه أمكانيه لهدها ولكن بعد فتره بتصير جداً صعبه وبيخرج الأمر من أيدي الناس بسبب تراكمات بغيضه وبعهدها راح يندم الكثير


وجهة نظر

تحياتي

[الاعــلامية]

::

امي تسلم عليج يالشيخ .. وتقولك .. عندك جااار مثل عبووود

والله محتااجين واحد ..

تصدق اقرأ القصة .. رجعت الى فريجنا القديم .. اذكر كنا نروح بيت ام احمد من السكة اللي عند الدكان في القايلة والشمس تحرق ... واحنا شاليين .. صحن ( معدن ) فيه محمر ^___^

وكانت ام أحمد .. تاخذه من عندنا وهي مستااانسة .. وتقوول لحظة يامج لاتروحين ..
وانتم واقفين عند الباب نلعب ويا ( احمدووه ) ولدها ... لين اتجي لنا .. وفي يدها
دبــة دهــن ....
تقولنا ودوها حق أمكم ... يمكن اليوم ماعندها دهينة .. وحلاااات المحمر مرشوش بدهينة :(


صج والله هالروح الطيبة .. فقدناها .. أكيد في ناس للحين جذي
بس الاغلبية .. تبدلت أطباعهم ..
وصاروا .. ( بريستيج ) ...
مايقبلون أكل من عند حد .. واذا طرشت لهم .. عطووة الخدم !!
ولا تشووفهم الا في السنة حسنـة .. مثل مايقول المثل .
واذا احتجت لهم تستحي تطلب منهم شيء .. لأن اساسا مابينك وبينهم الا .. هرن السيارة الصبح !!!
لا واذا بغينا نزورهم الف اتصال واتصال قبل ..
مب مثل قبل ... اذا اشتقنا لجيرانا ... تحط امي العباية على لارااس و( تجرني ) من يدي .. وتوديني وياهم .. بيت فلانه .. وبيت أم فلان .. تهلي وترحب بضيوفها لامواعيد ولا كلام فاضي ..

ادري ان الاوضاع تغيرت .. والحياة بكبرها .. تبدلت
لكن والله يحز في خاطري عيالنا .. واخوانا الصغار .. ماعاشوا بساطة هذي الحياة اللي اليوم احنا نتذكرها وتدمع لها عيونا

باجر عيالنا شنو بيتذكرون ... !!!

جمعتهم في الستي ... برفقة ميري .. يوم كانوا صغار
ولا الفربتشينو مع الشلة في ستاربكس .. يوم كانوا في المدرسة
ولا حفلة انريكي اللي حضروها في حفل تخرجهم من قطر فونديشن !!!!


الله المستعااان

:

[ورقــة أمــل]

اللي حولنا من اليسار
نطرش لهم الصحن ويردونه فاضي
ولا عمرهم طرشوا لنا شي
ماميش الا جلابهم تنبح طول الليل
امحق جار والله انه اذية
واللي حولنا من اليمين مافي احسن منهم
يطلبون من عندنا وناخذ من عندهم ومع بعض في الافراح والاحزان

[Store]

الله يرحم زمان اول الناس بيدها ترجع هالايام

الله يرحم زمن القلينه والناطوع

زمن ضرب حصا

زمن الوحديه

الله

الله

الله يازمان اول

[الاعــلامية]

//

تعرفووون ليش تغيرت هالسلوكيات والطبايع الحلووووة !!

سكن العزاب ... ووجود الاجانب في مناطقنا

يعني مب شكل قبل .. البيبان مفتوووحة ليل ونهار .. وراعية البيت في الليوان قاعده جدامها دلتها وفوالتها ..

وراعي البيت في المجلس .. والكل يدخل عليه ..

اللحين مع زيادة العمالة الوافده في البلاد ..

وزيادة عدد المتسولين في بعض المناطق اللي ماادري من وين يتكاثرون ..

الواحد صار يخااف يخلي بيته مفتووح


مجرد تحليل بسيط ..

//

[Mansour_qa]

أذكـر إبـوي (اللـه يرحمـه ويغمد روحة الجنـة) كان إذا راح الجمعيـة يشتري لنـا ولبيت خالتـي وجه اليـوم إلـي قالو لـه إحنـا مب محتاجيـن وهو فـي خاطـره يقـول هذي عادة وما أقـدر أقطعهـا ..

ألحيـن الصحـن يروح وياريـت يرد يا q44_ ماتلاقيـنه ..

الحمـد للـه علـى كـل حـال ..

[Ghost]

جزاك الله خير انتا عارف زمان امي الله يرحمها كانت تبعتني عند الجيران اجيب لها اشياء مثل مخرطة الملوخية كانت تقول الله يرحمها الحق جيب من عند جارتنا ام فلان المخرطة علشان مخرطتنا انكسرت يدها ووتقول بسرع قبل لا يجي ابوك من الشغل وين الحين تروح تستلف والله كانك عامل جريمة تبعون زمان هما الاصل ولا تدور غيرهم وتشكر على الموضوع

[قطر 95]

انا اول ماقرايت (( أمي تسلم عليكم وتقول عندكم شوية بزار ) ) على بالي انك دور بزار

[كيفـي]

الله على ايام أول<< كنت اسمع جدتي تقولها وانا صغيرة..!!
واقول : امحق من زينها.. لا تلفزيون ولا سيارة ولامكيف (تعب× تعب)

بس سبحان مغير الأحول..!!

اللحين عرفت معنى هذه الكلمة.. :(

قصتك أثرت فيني واااايد..!!

اذكر اول نستانس ونتسابق اللى يودي صحن من بيتهم الى جيرانهم..

وياما تنثر العيش في الشارع..:D

ذكريات حلوه..!!

تتوقع هل بيجي يوم وبنقول ايه على ايامنا هذي؟؟!!!

الله يستر من الجاي..

بجد نفتقد الجيرة الطيبة..!!

الناس لاتقدر الجار بقدر ماتقدر قيمته الخارجية فقط..!!

والله يعينا على فيه نفوس الناس تتغير مع المادة..!!

[اروع سهم]

هذا صج فقدنا معنا الجيره للأسف انا جيراني ماعرفهم صج فقدنا معنا الجيرة وللأسف تركنا السنة الي توصي على سابع جار للاسف

[a.a.a.qatar]

ذكرتنا بالذي مضى ...
صج كانت ايام حلوه بس المشكله الحين اذا جيت تتكلم مع جيرانك الأول عن الماضي ... صدو عنك وزعلو ..
من فترة شفتها بنت جيرانا القدامى كانت دايماً امهم طرشهم لنا تبي ثوم وصلصة طماط :)
ودارت الايام وشفته بنفس مكان شغلي ... فشي طبيعي بنتكلم ونقول صج ايام تتذكرين وتتذكرين ومن ضمن الشغلات انا قلت لها بغشمره ها للحين امج تبي ثوم وطماط!!!!!!!!!!!!!!!!!!!!! وياليتني ما قلت ..... من يومها ما تسلم عليّ حتى .... قلت لها مره ايش فيج زعلانه في شي ردت عليّ انتي احرجتيني يومها انتي ما تعرفين انا مرت من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يالله شوف تفكير الناس ......
يالله الحمدلله على كل شي وتسلم اخوي على هالذكره الحلوه الي جددتها لنا :)
(آسفه يمكن اكون طلعت خارج الموضوع بس مجرد شي جيه على بالي)

[دلة الرسلان]

لا .. أبشرك للحين السوالف هذي عندنا ( انا أتكلم عن بيتنا :))
الوالدة مطرشة بنت اخوي من كم يوم حق بيت الجيران ، وما ادري وش طالبين .. :) على ما أعتقد بطاط ..






قصدك علي ولم :)

من كم شهر جمعت من حديقتي رويد وبقدونس ونعناع وطرشته لبيوت هلي وابغي

الأجر قمت وعطيت جيرانا من فوق الطوفة ، يوم جاء العصر الا رادة علينا قشارنا مع

شغالتها يازعم المدام تقول جيبوا مع الباب مع أن احنا متعودين على التبادل فوق الطوفة

فشلتني :shy:

بس بعدين غسلت شراع المعزبة بأدب وتجاهلتها وانقطعت بننا الجيرة :(

[مستجدة]

الناس تغيروا مثل ماعلق بعض الخوه الان فيه برستيج ولا مانزل نفسنا عيب نطلب
ومن هالسوالف

لكن الحمدلله مازال عندنا جيران نطلب منهم ونعطيهم اذا شئ قصر عليهم وهذا بفضل حسن الجيره
والجوار والحمدلله حتى الان مازالت فيه هالروح بين الجيران بس اكيد مب مثل اول
الناس اكثرهم غيرتهم الحياة

مشكور اخوي والله حركت فينا شجون الماضي

[أخت الغالي]

الحمدلله لازال هالشي موجود عندنا بس موب كل الجيران بصراحة بيتين بس والحمدلله بعد كأنهم اهل نطلب منهم ويطلبون منا .. ودوم امي تسير عليهم ويسيرون علينا والله لوالواحد منا صار لة شي لاقدر الله تلقاهم اول الناس و بعضهم مادري شصار فيهم تغير الزمن ولاأحا تغيرنا ..

[الـقـاسـي]

ذكرتنا بأيام أول .. كان هالموضوع شي عاااادي بالعكس تحصل أإراضكم نصهم في بيت جيرانكم واغراض جيرانكم عندكم ..

الناس تاخذ من بعض وتعطي ,, حتى على ايام رمضان الفطور يتوزع .. أخبر قبل الفطور اللي يسونه في البيت يمكن شوي منه اللي يتم .. والباقي يتوزع ع الجيران وناكل من الفطور اللي يطرشونه ..

تحس للاكل لذه قبل .. اما الحين صارت علاقات الناس رسمية جدا ..

عساها ترد ايام قبل فقدنا التواصل .. جارنا صار له اربع سنين أو خمس يمكن والله ماعمره دش عندنا المجلس ولا نعرف من منه أصلا ولا نختلط فيه ..

عسى الله يزينها ..

[Arab!an]

ذكرتنا باللي مضى ياخي =)


دايما كان أكل الجيران أحلى من أكلنا .. ليش مادري


..


قصه جميله مؤثرة .. وتذكرنا في ميزه التواصل بين الجيران اللي انقطعت الحين للأسف

..


والتواصل مب بس بتبادل الاكل وطلب الناقص.. هناك التزاور والسؤال هذا هو المطلوب


اول بعد صلاه العصر تطلع مع جارك من المسجد على بيته او بيتك وفنجال قهوه وفلة حجاج


الحين حتى في المسجد ماتشوفه .. هذا اذا انت صليت في المسجد



ما اقول الا الله يرحم الحال

[ROSE]

تبي تشوف هالسوالف صج صج روح البحرين

للحين مثل ماهم ماتغيروا وللحين هالعادات موجوده عاشر جار يزور جاره ويطلب منه

ويطبخون ويطرشون لبعض وبعد المغرب تشوف اللمة والقعده الحلوه

[فرقة الصقور]

الله يرحم زمان اول الناس بيدها ترجع هالايام

الله يرحم زمن القلينه والناطوع

زمن ضرب حصا

زمن الوحديه

الله

الله

الله يازمان اول


موووضوووع ذو شجون مقارنة مع وضعنا الحالي

اعجبتني كلمة القلينة والناطوع لي 15 سنة ماسمعتها هالكلمة لحالها ذكريات
وكذلك لعبة عظيم سرى

[ام حبيبتي]

الله ,,,,,,,,,,,, الله يرحمهم اهلنا واهلكم اجمعيييييين :(

فعلا صدقوا يوم كانوا يقولون لنا ,, زمانا احلى من زمانكم ,,,, اذا الحين واحنا في هالعمر نتحسر على هالايااااام شلون بكره لي كبرنا وعيزنا :(

الله المستعان ,,, مانقول الا شي واحد في كل زمان ,, (( يالله حسن الخاتمه )) ...............

[قطري33]

شاكر لك اخوي سهم بن سهم على هالموضوع المميز من شخص متميز مثلك

بالفعل زمان اول كان احلى الحين الناس البعض منهم طغى عليهم حب المادة وسووا حواليهم سياج اسمه البرستيج .

[Bu Rashid]

الله المستعان .. الله يرحم أيام زمان ...

" اننا فقدنا طعم الجيره ..."
ولكن الحمد لله عندي احدى الجيران لين الحين نتعامل معهم هكذا ...
بس بدال عبوود .... عزووووووووز :)

سلمت يمناك على الموضوووووع ...:)

[qtr.2002]

جبتها عا الجرح اخوي سهم .. فعلن ليت الزمن يرجع ورى .. اجمل الذكريات دفنت بين طياتها .. فهل تعود .. لا هنت اخوي سهم على الموضوع الطيب

[الدوحه%]

روووعه الساالفه .....
بالنسبه لي موجوود هالشي لين الحيين وماعيش اذا ماطرشت يمين ويساار
والرسول وصى على ساابع جاار ,,,,لازم الوااحد يسال عن جيراانه ,,,
تقبل مروري

[QatarRose]

يااااااااااااه صج صج تمنيت اكون بهالموقف

اتذكر من يصير العصر الفريج كله ازعاج

كانت ايام ، والحين من يصير ازعاج كلن يشتكي على الثاني

قلبت المواجع اخوي " سهم بن سهم " سردك للقصه فعلا رجعنا لورى

يعطيك العافيه

[امل الحب]

قصة حلوووة ردت الي فاات :nice:

احنا من وصلنا منطقة كبار الموظفين يابلفيت ومحد يشوف الثاني ولايدري عنه عدا بيت واحد يطرشون ونطرش والحياة سعيدة

اما الباقيين يضطرون الواحد يقول غثونا هالجيران الي الواحد مايدري عنهم الا على مغثة الا جلابهم من صوب والا صبيانهم مو مسنعين :anger1:

[امل الحب]

الله على ايام أول<< كنت اسمع جدتي تقولها وانا صغيرة..!!
واقول : امحق من زينها.. لا تلفزيون ولا سيارة ولامكيف (تعب× تعب)

بس سبحان مغير الأحول..!!

اللحين عرفت معنى هذه الكلمة.. :(

قصتك أثرت فيني واااايد..!!

اذكر اول نستانس ونتسابق اللى يودي صحن من بيتهم الى جيرانهم..

وياما تنثر العيش في الشارع..:D

ذكريات حلوه..!!
تتوقع هل بيجي يوم وبنقول ايه على ايامنا هذي؟؟!!!

الله يستر من الجاي..

بجد نفتقد الجيرة الطيبة..!!

الناس لاتقدر الجار بقدر ماتقدر قيمته الخارجية فقط..!!

والله يعينا على فيه نفوس الناس تتغير مع المادة..!!

هههههههههههههه بس نتسابق :shy:

متاكدة بس تنثر عيش مو تزلق على القار بعز الشمس والا متزحلقة بالمطر :rolleyes2:

[kit kat]

والله زمان

[صادق النية]

تسلم يدك أخووووي على السرد الجميل
ذكرتنا بفريجنا القديم والجيران الطيبين

[لله الحمد]

الله عليك يا سهم بن سهم .. يعطيك العافية على هالمشاعر :)

سهم للحين عندنا هالعادة

هريس مرقوقة عيوش .. كله رايحة وجاية بين خمس بيوت

كلهم جيرة

بس ايام قبل .. احلى بكثير

[صوت قطر]

موضوع يعيد لنا الذكريات الجميلة التي تعكس الشخصية القطرية الحقيقية

والله زمان ياليته يعود

أمي تسلم عليكم وتقول عندكم شوية بزار

صدقت أخي الكريم

[بوعلي2]

موضووووووووووووووع حلو وايد

اه على زمان فات

مب الحين كل شي عيب ومايجوز و و و

شكرا للموضوع يالغالي

[هتـان قطر]

تدري اخوي سهم بن سهم..من الظهر وانا كل شوي افتح موضوعك

واقراه..لكن ما تسعفني الكلمات علشان اعبر عن اللي في خاطري..

يمكن ارجع للرد اذا قدرت اركب كم جملة على بعض..

فعلا يصعب علينا تذكر هذي الامور البسيطة والمرور عليها بسهولة..

:weeping:

[كيفـي]

هههههههههههههه بس نتسابق :shy:

متاكدة بس تنثر عيش مو تزلق على القار بعز الشمس والا متزحلقة بالمطر :rolleyes2:



ومرثون بعد..:tease:

ياليت التزحلق من المطر.. الا محدرانه ورمل..

والمصيبة مانقول لاهلنا ان العيش انكت على الرمل واختلط وشلناه وكملنا مسيرتنا للجيران..!!

والله يذكرهم بالخير جيرانا.. عادي ياخذون الصحن ويسكتون.. :secret:

ولي اليوم هذا السر هلي مايدرون عنه..:nice:

[بن رومي]

:weeping:

:eek3:

:eek3:

:eek3:

[سهم بن سهم]

متابع لكم ولتعليقاتكم وردودكم على الموضوع :)

قرأت الماضي من بين سطوركم ......... ذلك الماضي الجميل ........... البسيط .... اتمنى أن نحافظ على ماتبقى منه

تحياتي لكم

:)

[أحبك يا قطر]

تسلم على الطرح الرائع

والله دمعت عيني ... صدقت بكل حرف

[سلطان_قطر]

حين طرق باب بيتنا

... ليقول لى ولد الجيران
امى تسلم عليكم وتقول عندكم .... طماط....!!
ابتسمت من قلب ....
وقلت له عندنا ... ولو ماعندنا زرعنا لكم بحوش بيتنا..
هلا بالجار الصغير ....
منذ متى لم يطرق بابكم احد الجيران لطلب
طماط او بصل او خبز ... !!
ربما يقال اننا بخير ونعمة ولم يعد الطلب من الجيران
له ضروره ... ولكن لا اعتقد
فقدنا الطلبات الصغيرة بين الجيران
فقدنا طعم الجيرة ...
كان الجار يطلب من جاره بصل
وبعدها يرسل له قليل من الطبخة
عيش وملح
الان تعد الطلبات بين الجيران عيب وقلة ذووق ... !!
وقد تستغرب ان يطرق جارك بيتك بدون موعد واذن مسبق واتصال
وقد يتهم الجار بالجنون حين يطلب طماط
زمان لم تكن الحالة الاقتصادية مثل الآن
اليوم فواتير وديون واقساط واسعار مواد غذائية عالية
وعيب نطلب وندق باب الجيران...
زمان حياة بسيطة وقلوب ابسط ,,, وصغار الجيران
وجملة .... امى تسلم عليكم وتقول عندكم بصل
جميلة هذه العبارة
بجمال البساطة
وجمال المحبة
وجمال روح الجيران الوحده
كنا بيت واحد
وطبخة وحدة


ان الاسر قديما تشعر بمدى حاجة جارها
وترسل له من غير طلب
واذا راعى البيت قضى لبيته ماينسى جيرانه ...
واذا بقى شي من العشاء... يرسل للجيران
واليوم يزعل الجار من بقايا العشاء باعتبرها فضله....
ليست المسألة بمجرد الطلب..
وليست عبارة امى تسلم عليكم وتقول عندكم طماط هى المحك
لا ....
ولكن العلاقة نفسها فقدت طعمها
فقدت دفئها
فقدت الجيره
لم تعد الحياة لها طعم بعد الاستغناء عن بصل وطماط وخبز الجيران
وحين نعطى الصغير طلبه ... نتنتظر عودته بطبق من عشاءهم ...
ليتها تعود تلك الأيام
ولكن أحياناً أتمنى عودة أيام ماضيةٍ بزمنٍ جميل
وجيران ترسل وتسأل وتطلب
بدون قيود حياةٍ مملة ورسميات قاتلة
أحضرت الطماط لولد الجيران .... ووصلت لنهاية كلامي
قول لماما أمي تسلم عليكم وتقول .. إذا بغيتوا شي لايردكم إلا لسانكم
وخرج الصغير ولسان حالي يقول:
شكرا لك عشت معك لحظات أصبحت مفقودة .... بزمن لم يعد الجار يعرف جاره
وأمى تسلم عليكم وتقول

ألا ليت الزمان يعودُ يوماً


منقول من الايميل

واسمحوا لي اذا كان الموضوع ليس بالقسم المختص

بس فعلا هالعاده الطيبه اختفت في زمنا الحاضر للاسف

[stocker]

السلام عليكم ورحمة الله وبركاته

اشكرك على الموضوع الجميل وبارك الله فيك وفي الاخوان والاخوات

هذي العاده موجوده ولله الحمد بس مو في كل مكان انما في اماكن معينه او بالاصح في فرجان معينه

والله يطول بعمر الوالده ويخليها لنا عادها على هذه العاده الله لا يغيرها ان شاء الله تطرش الخدامه وتطرش الدريول وتطرشنا احنا اذا ماحصلت احد ...

ومثل هذه الحاله عشتها بنفسي وشفتها عند ناس وايد ومثال على ذلك موجود ايام الشتا وايام التخيم وخاصة في العديد وسيلين اذا انقصك شي مر على العنه اللي حذاك او هم يمرون عليك اللي يبي خبز واللي يبي طمام ..بزار .. دهن .. ماي شرب ..وخذ طلبات سواء من الاثنين واحلي شيء اذا ماعندك الا كيس خبز واحد ومظبط الريوق الا واحد من الشباب من العنه الثانيه داش عليك يبي خبز فعطه النص وخذ النص وييلس يتريق عندك شوي وشوي يكمل الباقي عند ربعه..

الله يرد هالايام الحلوه والله يجمع الناس على قلب واحد

[وتبقى الدنيا حلوه]

الله يرحم ايام قبل

[الرميله]

ابدعت
والعين حائره بدموعها
وعلى حالنا وين كان وايش سار

شكرا لاناملك الذهبيه

[OTOsan]

اليوم ترسل صحن غدا للجار .... يرد عليك شدعوه شايفني جوعان !!!!!!! :anger1:
:)[/color][/size][/font][/b]

صدقت اخوي سهم ..

صارت لواحد من الربع .. وفي رمضان ،، وردو اخوه الصغير من عند الباب وقالوا له ( اشقالو لكم ماعندنا اكل ) !!

غريبه !


يعطيك العافيه وماقصرت عالموضوع ،،

[عذايب قطر]

بصراحة موضوع رائع ويذكرنا بايام اول

هالشي موجود بينا قصدي بين الاهل خاصه في رمضان
دووم نطلب من بيت خالة امي وهم نفس الشي وغير جارتنا ماتقصر كل يوم اطرش بشكارتها

تسلم على الموضوع
تحياتي لكم
عذايب قطر

[الامانه]

ليش رجعوتنا زمن الجار للجار
او زمن البيت الواحد والبيبان المشرعه لا تلفون ولا مواعيد
والزياره تبتدي من الصبح لين الضحى والقعده تحت في الضحى
واللى تخيط بطاطليل واللى تشتغل في النغده حق الملافع واللى تشتغل في الزري حق البخانق
وكل وحده عندها جفيرها وسوالف الدنيا
لا ذي تحش في ذي وكل شي سهالات
اما الحين الكل صاك الباب على نفسه ولا تدري اذا عنك جار ولا البيت اللى جنبك فاضي
الله يرحم ايام قيل ذكرتنا بما مضى
وانا اقرى القال دموعي اربع اربع اللي يشوفني يقول ميت لي احد بعيد الشر
جزاك الله خير

[بنQATARت]

هههههههههههههههههه
طلعوا اللي في المنتدى كلهم شيبان وعيايز

[الامانه]

ههههههههههههههههههههههه
احلى شي الشيبان والعيايز
ترى محد يسوى بدونهم

تسلمين بنت قطر

[!الشايمه!]

احنا صار لنا عشر سنين في فريجنا.....ولين اليوم الوالده....تقول
شهالفريج اللي ماينبغى....لحد يدخل علينا...ولا يوجبنا...
الله على فريجنا الاولي...

نعرف جارتين...وحده كانت تطرش لنا غدا كل جمعة....
تضاربوا ويا عيالها العيال.....ووقفت الغديات<<والله كان خوش طباخ عليهم:(

والثانيه...للحين يتضاربون عيالنا مع عيالها وللحين اتطرش لنا <<<التفكير غير
ولانها مدرسة ومشغوله...فالجيرة معها صارت حسب الوقت المتاح.

عاد قلنا مافي الا بيت اخوي اللي قريب منا...نسوي معهم جيرة :)

حتى الماي ياخذونه منا.....ياكلون في بيتهم ويجون يغسلون ايدهم عندنا<<امحق جيران

ولان دوم الريموت يتكسر على راس عيالهم....صار في مساومة
جيبوا لنا ريموت جديد.....والا مافي غدا <<< حلاته هواش شوي :)

مانعطيهم غدا...بس مانوعى عند العشا الا كل العيال على راسنا<<غصب طيب جيران افففففف

موضوع.....حلوووووو والله:)

تحية

[بنت ذياب]

:( صدقت والله ياخوي

انا ماعشت بزمن جي قبل .. ولا عشته الحين

يمكن نطلب من بعض اذا كنا اهل

بس بزمنا هاي احس صعبه :weeping:

[الجني]

ضرب على وتر موجع يا سهم

آآآآآآآآآآآآآه على ايام كنت انا ذاك الولد

كنت مطراش الفريج

و ماطق الجرس (لأن ما في اجراس)



نعيب زماننا و العيب فينا
و ما لزماننا عيب سوانا

و نهجو ذا الزمان و نزدريه
و لو نطق الزمان لنا هجانا

موضوع مميز كصاحبه

[OTOsan]

تضاربوا ويا عيالها العيال.....ووقفت الغديات<<والله كان خوش طباخ عليهم:(

والثانيه...للحين يتضاربون عيالنا مع عيالها وللحين اتطرش لنا <<<التفكير غير
ولانها مدرسة ومشغوله...فالجيرة معها صارت حسب الوقت المتاح.


ونتو اشسالفة عيالكم مع الهوشات :)

[!الشايمه!]

ونتو اشسالفة عيالكم مع الهوشات :)


هههههههههههههه
وراثه الله يسلمك....
شاقول لك...عيالنا يقولون احنا بشر
والثانين يقولون احنا ملايكة.....ومايصير عندنا اللي يصير عندكم :)

تحية

[مشهور]

الجار قبل الدار