وترجل الفارس !!!

[دلة الرسلان]

أدعوكم لإلقاء النظرة الأخيرة على آخر الرجال المحترمين في وزارة التربية والتعليم العتيدة سابقا

فلا تبخلوا عليه بكلمة مواساة او وصف مشاعر اثارتها رؤيته

V
V
V
V
V
V
V
V
V

[لاجئ عاطفي]

أدعوكم لإلقاء النظرة الأخيرة على آخر الرجال المحترمين في وزارة التربية والتعليم العتيدة سابقا

فلا تبخلوا عليه بكلمة مواساة او وصف مشاعر اثارتها رؤيته

V
V
V
V
V
V
V
V
V



ايييه والله كانت ايام

كنا نتهاوش عشان نقعد في اخر كرسي :)

[صقر عربي]

اقول بيجي اليوم الي نتمنى فيه يرجع هل باص

[روميت]

:nice:

:eek5:

:eek3:

:D

:rolleyes2:

اختلطت علي المشاعر و احترت وش اقول .



الله يعطيك العافية يا دلة .

[فارس الكلمة]

ما شاء الله .. أصبح الباص فارساً .. ؟ :)

أعتقد كان بعيراً .. فتعداه الزمن ..! .. على فكرة .. حتى وزارة التربية ترجلت ، و تحولت إلى المجلس

الأعلى للتعليم ..

[بابا الضحية]

ما شاء الله .. أصبح الباص فارساً .. ؟ :)

أعتقد كان بعيراً .. فتعداه الزمن ..! .. على فكرة .. حتى وزارة التربية ترجلت ، و تحولت إلى المجلس

الأعلى للتعليم ..

هههاههاهههاهها:nice:

حلوه

[دلة الرسلان]

ايييه والله كانت ايام

كنا نتهاوش عشان نقعد في اخر كرسي :)


ايييييييه ايام اتذكر اشلون نحاصر الباص وهو منطلق لازم ياخذ دورة كاملة في حوش المدرسة

بس انا كنت ذكية عارفة وين بيوقف فما اتعب نفسي واركض وراه .

[هتـان قطر]

خسارة ما ركبته الا ايام الرحلات..وكنت استااانس

الله يذكرك بالشهادة يا دلة....

[دلة الرسلان]

اقول بيجي اليوم الي نتمنى فيه يرجع هل باص

الله يرحم والديك انا مستانسة بصورة الباص الا خواني وخواتي سابقيني يعرضون على

صور الباص العنابي وكل واحد عنده ذكرى حلوة من الحين الجماعة يتأوهون على ذكراه

واكثرهم مواليد اواخر الثمانينات .

[دلة الرسلان]

:nice:

:eek5:

:eek3:

:D

:rolleyes2:

اختلطت علي المشاعر و احترت وش اقول .



الله يعطيك العافية يا دلة .

كان خاطري اركب اشوف الباص مثل اولا ولا غير بس ما قدرت :shy:

[دلة الرسلان]

ما شاء الله .. أصبح الباص فارساً .. ؟ :)

أعتقد كان بعيراً .. فتعداه الزمن ..! .. على فكرة .. حتى وزارة التربية ترجلت ، و تحولت إلى المجلس

الأعلى للتعليم ..


فارس وبطل والغزال العنابي و ........و..... وغيره من المسميات والألقاب الجميلة العنابي

كان يمثل فترة جميلة من حياتنا فلا اقل من أن نفرد له موضوع يكون فارسه :nice:

[خــطــافــ]

ايااااام

والله المفروض يحطونه عند باب كل مدرسه

من فات أديمه تاه

ذكريات شقيه من قلب

[دلة الرسلان]

هههاههاهههاهها:nice:

حلوه

:)


خسارة ما ركبته الا ايام الرحلات..وكنت استااانس

الله يذكرك بالشهادة يا دلة....


:omg: ويودونكم رحلات بعد ؟؟

ما اخبر الا رحلة الصحة المدرسية وفحص النظر .

[هتـان قطر]

:)




:omg: ويودونكم رحلات بعد ؟؟

ما اخبر الا رحلة الصحة المدرسية وفحص النظر .



ايييه حلاتين على مدارس القرى..ما به مكان

ما ودونا له..:nice:

[دلة الرسلان]

ايااااام

والله المفروض يحطونه عند باب كل مدرسه

من فات أديمه تاه

ذكريات شقيه من قلب


تلاحقوه صوروا احذاه قبل ما يدفنونه في مقبرة الباصات :weeping:

[دلة الرسلان]

ايييه حلاتين على مدارس القرى..ما به مكان

ما ودونا له..:nice:


اكيد تنعدون على الأصابع يا بختكم بس على بال ما توصلون الدوحة الا قايلة !!

تدرين فلة حق السونا وبلاش :nice:

[شيط ويط]

انا كنت اروح المدرسة (مشي) .. مع ان المدرسة تبعد عن بيتنا تقريبا (3 كيلو) .. :rolleyes2: .. استثني من ذلك .. أيام البرد والمطر .. كان الوالد يوصلني (بالشبح) مال الشرطة .. :secret:

[امل الحب]

:rolleyes2:

الله يهديج يادلة افتكري لنا حاجة حلوة ..

ايام الاعدادية .. كان البيت قريب بس كان العذاب الصبح كل مستعيل راعي الباص :anger1:

وفالثانوية :weeping: الله يسامحه "عبدالعظيم" :rolleyes2:كل راضخ راسي يايمين يايسار وانا راقدة طبعا .. والدنيا موت حر وغير الحكرة والزحمة الواحد يوصل البيت مو بس دايخ الا مضيع :weeping:

ثنكس دلة عالذكريات المو حلوة :)

[دلة الرسلان]

انا كنت اروح المدرسة (مشي) .. مع ان المدرسة تبعد عن بيتنا تقريبا (3 كيلو) .. :rolleyes2: .. استثني من ذلك .. أيام البرد والمطر .. كان الوالد يوصلني (بالشبح) مال الشرطة .. :secret:

3 كيلو كانها اخر العاير :ok:

كاني بالوالد يسوى استعراض علشان يخوف الصبيان ولا يتعرضون لك .

اتذكر وحدة من ربعي بيتهم احذا المدرسة بس كيلو ونصف ( ترى جد توني احسبها ) المهم

في طريق العودة طاحت في حفرة ( قبل قيام اشغال ) وانتشر الخبر في اليوم الثاني :)

[اعالي الجنان]

هييييه ايام والله

ذكرتيني بمامضى...ايام ماكنت اتم واقفه مالاقي لي كرسي اقعد عليه :(

وانتظر الفرج اوقف عند اول بنت بتنزل من الباص عشان احجز مكانها..

سنين مرت وذكريات لاتنسى مع هالباص ..

تسلمين دله عالذكرى

[دلة الرسلان]

:rolleyes2:

الله يهديج يادلة افتكري لنا حاجة حلوة ..

ايام الاعدادية .. كان البيت قريب بس كان العذاب الصبح كل مستعيل راعي الباص :anger1:

وفالثانوية :weeping: الله يسامحه "عبدالعظيم" :rolleyes2:كل راضخ راسي يايمين يايسار وانا راقدة طبعا .. والدنيا موت حر وغير الحكرة والزحمة الواحد يوصل البيت مو بس دايخ الا مضيع :weeping:

ثنكس دلة عالذكريات المو حلوة :)

:playball: شنسوي فيكم يا أمل ولدتوا زمن التصحر !!

احنا نتكلم عن ايام كانت قطر غابات وامطار طول العام واللاهوب كأنه هواء كنديشين ( هكذا

يخيل لي ذاك الوقت:shy: )

[دلة الرسلان]

هييييه ايام والله

ذكرتيني بمامضى...ايام ماكنت اتم واقفه مالاقي لي كرسي اقعد عليه :(

وانتظر الفرج اوقف عند اول بنت بتنزل من الباص عشان احجز مكانها..

سنين مرت وذكريات لاتنسى مع هالباص ..

تسلمين دله عالذكرى


ههههههههههه ذبحتيني من الضحك يا اعالي اتخيل اشلون تنطرين اول بنت تحلين مكانها.

الله سخر لي بنت عودة شكلي اكسر خاطرها كله تقعدني معاها سبحان الله الدنيا دارت

وصارت موجهة علي وتذكرني الله يذكرها بالخير :)

[مستجدة]

الله يذكرها من ايام
ياجماعه اشفينا استوينا عجايز وشيبان ونحن بعدنا شلون بعد عشرين سنه
قدام مدري الزمن تغير ولا الناس كل مطاف من يوم قلنا سقى الله هاذيك الايام
مانقول يازين اول وطبع اول وحياة اول الان نتكلم عن الباص العنابي وايامه ومن فتره واحد يتكلم عن امي اتسلم عليكم وتقول عندكم شوية بزار

[hemoud123]

احلى شي ذكرتني به هذي الصوره السواقين كان معظمهم اذا مب كلهم كانوا اهل قطر
, وبعضهم كان عنده خيزران لزوم الضبط والربط
ايام حلوه
مشكوره على الموضوع الحلو يا دلة رسلان

[بوخالد2]

بل اياااااام

[لاداعي]

:weeping::shy:

رجعتيني 20 سنه :(

[(الفيصل)]

ماقد ركبته
بس كنت اشوفه الصبح في فريجنا يركبونه بنات المدارس :shy:

وشفيه باص كروه الحين اشحلاته ومكيف ويلق
خلف الله علينا
:(
كانت باصاتنا(الصفراء) تخلي اللي مايعرق يعرق من الحر
والكراسي مشققه .. ومابقى واحد الا عض السيت الاسفنج
ماتقول طلاب .. وحوش بالباص!!!
صج ماشفنا خير الا تالي

[بن رومي]

أنا لين أللحين أفكر :confused:




اشلون كنت أرقد فيه :yawn:

طبعا من البيت لين المدرسة :yawn:

اما على البيت كانت عفيسة :dance:dance:dance


أياااااااااااااااااااااااااااااااااااااااااااااااا اام حلوة

[خنور]

ياشين حكي العجايز وهم يسولفون عن ايام اول ايييييييييه وييييييييه كله حق هالباص

انا قلت رجل مشهور ميت ومعروف قلعته هالباص اللي حتى المكيف مافيه والله العظيم.

الله لايرده ومطبه اللي يعور الظهر , مستانسين عليه الله يخلي لنا كروه :tease:

[دلة الرسلان]

الله يذكرها من ايام
ياجماعه اشفينا استوينا عجايز وشيبان ونحن بعدنا شلون بعد عشرين سنه
قدام مدري الزمن تغير ولا الناس كل مطاف من يوم قلنا سقى الله هاذيك الايام
مانقول يازين اول وطبع اول وحياة اول الان نتكلم عن الباص العنابي وايامه ومن فتره واحد يتكلم عن امي اتسلم عليكم وتقول عندكم شوية بزار

النفس البشرية تحن لقديمها الجميل لأنه يرتبط بفترة من حياتنا مستحيل ترجع .

يمكن لأن التغيير عندنا صار بسرعة كبيرة ومفاجىء للحين ما لحقنا نستوعبه وما كنا جزء

منه غير عن المجتمعات الأخرى اللي تتابع التغيير وتصنعه خطوة بخطوة .

كان الموضوع صار درس فلسفة :shy:

[دلة الرسلان]

احلى شي ذكرتني به هذي الصوره السواقين كان معظمهم اذا مب كلهم كانوا اهل قطر
, وبعضهم كان عنده خيزران لزوم الضبط والربط
ايام حلوه
مشكوره على الموضوع الحلو يا دلة رسلان

لا تنسى المعاون الله يذكرهم بالخير ويغفر لميتهم :weeping:

[دلة الرسلان]

بل اياااااام

شاركنا فيها :telephone:


:weeping::shy:

رجعتيني 20 سنه :(

زين ظهروه مدري وين كانوا مخفينه !!

[دلة الرسلان]

ماقد ركبته
بس كنت اشوفه الصبح في فريجنا يركبونه بنات المدارس :shy:

وشفيه باص كروه الحين اشحلاته ومكيف ويلق
خلف الله علينا
:(
كانت باصاتنا(الصفراء) تخلي اللي مايعرق يعرق من الحر
والكراسي مشققه .. ومابقى واحد الا عض السيت الاسفنج
ماتقول طلاب .. وحوش بالباص!!!
صج ماشفنا خير الا تالي


ايه فاتك الكثير يا الفيصل اذا ما ركبت العنابي ابو سيتات خضر وحذفت الشنطة على يمينك

اول ما تدخل الباص ( مراسيم الباص العنابي فقط )

ولا تحاول تفتح الدريشة ولا تصكرها لأنها مجيمة .

ويمكن عرقنا يسرسح بس ما اتذكر أن احنا متضايقين يمكن لأننا نستمتع بأكل الكافي

وحلوياتنا اللي ما لحقنا نخلصها في الفرصة وبعضنا يتشرى مخصوص للباص :shy: