نصب بأسم فودافون... صوت وصورة حصرياً لشبكة الاسهم القطرية

[بواردي]

السلام عليكم ورحمة الله وبركاته


اول شي

:nice:

شحالكم

:)

طبعا كلنا نعرف مسجات النصب الي تجي على الجوالات

انا وصلتني هالرسالة من يومين:nice:

http://up2.m5zn.com/photo/2009/4/23/02/qdqxpasps.jpg/jpg (http://up2.m5zn.com)

لاتطنزون على جوالي
هاي الجوال السبير


وكنت متاكد مليون بالمية انها عملية نصب
وفورا اتصلت بفودافون قطر وبالغتهم بالموضوع:telephone:

المهم بعد ما جا المسج على طول اتصلت في الرقم
ورد علي الاخ
قال معك مروان من فودافون
مصدق نفسه الشيخ:nice:

صدمني يوم عطاني بيانات كاملة عن الجوال والاسم كامل:eek5:
قلت له من وين جبت بياناتي
قال لي انه في اتفاق بينهم وبين كيوتل وتم اختيار رقمي :omen2:

وقال اذا تبي جائزة الثمانين الف لازم تروح تحط مبلغ تامين في الوسترن اونيون للصرافة
وبعدها اروح على الفردان استلم 80 الف دولار

اذا ما عجبتك الجائزة الاولى يمكنك تختار الثانية وهي عبارة عن سبع تذاكر سفر الى مصر
مع اقامة لمدة اسبوع وبيعطون كل شخص 3500 دولار مصروف جيب

طبعا اخوكم طماع قلت له ابي الفلوس لاني بشتري موتر
قال لي ما عندك مشكلة روح حط التامين وبعدها نتفاهم وعطاني بيانات الشخص الي راح احط التامين باسمه يعني يبي يقص علي يخليني ارسل حوالة باسم الشخص الي هو مندوبهم
وعلى انها تامين


بعد يوم اتصلت فيه قلت له اني حطيت المبلغ قال لي عطني رقم الحساب يقصد رقم الحوالة يعني يبي يشفط الفلوس

بس اخوكم مو بهين :vampire:
اترككم مع المكالمة الاخير الي سجلتها:ok:
طبعا ما حطيت لكم غير اخر مكالمة لاسباب شخصية....


تحميل الملف من هنا (http://up2.m5zn.com/download-2009-4-24-02-skm29dnv1.mp3)




[COLOR="Navy"][SIZE="6"]السموحة صوتي شوي مشوش مزكم بعيد عنكم:nea:

طبعا فودافون يقولون انها شبكة نصب وجاري التحقيق في الموضوع
اتمنى من الاخوان الانتباه

وهاي ارقام الاشخاص الي كلمتهم في مصر

النصاب الاول
خدمة العملاء
اسمه مروان
رقمه
0020195344840

والثاني الدكتور طارق شهاب
0020141814744

طبعااكيد اسماء وهمية

[Bu Rashid]

تسلم على التحذيرررررررر ...

بس هذى النصب على ما اعتقد ليس من فودافووووون ...

[::.Silent.::]

نفس اللي صار معااااي



حرااااااااااااااامية

[بواردي]

نفس اللي صار معااااي



حرااااااااااااااامية

لا يكون قصوا عليك وطرشت لهم شي

[qatar__boss]

حسبي الله عليهم والله فن فالنصب

احس انه متأثر من دعايات الضرايب المصريه قام يشرح ويسمع اللي حفظه

[بواردي]

حسبي الله عليهم والله فن فالنصب

احس انه متأثر من دعايات الضرايب المصريه قام يشرح ويسمع اللي حفظه


صدقت اخوي
احس انه متابع مسلسل دعاية دفع الضرائب

[حبر سري]

يالربع اخذوها قاعدة :
اي مسج يوصلكم من هالنوع امسحوه على طول

اصلا وشلون بتربح اي مبلغ بدون اي شي ؟؟ يانصيب هو؟؟؟والغريب يقولون لك طرش لنا مبلغ علشان نطرش لك

زين اخصموا من ال80000 وطرشوا لي الباقي !!

على قولة عادل امام :
اخصمهم واديني بأية حأّي :nice:

قوّاك الله اخوي فلتر مان

[ليــث قطر]

ضحكتك آخر التسجيل مالها حل خخخخخخخخخخ


يعطيك العافية أخوي

[ابـو مــحــــمـــــد]

نفس قصتك سمعته قبل كم يوم في برنامج استوديو واحد من الامارات
وكانت الضحيه وحده من الامارات ولكن المسكينه هي طاحت في الفخ
وراحت عليها الـفلوس الي حطتهم تامين واعتقد انها في حدود الـ 10 الاف درهم

[(الفيصل)]

عليك بمخاطبة قسم الجرائم الاقتصادية التابع لوزارة الداخلية
لاتخاذ اللازم حيال هالنصابين
عليهم من الله مايستحقون

[الفـ@ــــد]

كفو يا بوقحطان هههههههههههههههههههه

[بواردي]

يالربع اخذوها قاعدة :
اي مسج يوصلكم من هالنوع امسحوه على طول

اصلا وشلون بتربح اي مبلغ بدون اي شي ؟؟ يانصيب هو؟؟؟والغريب يقولون لك طرش لنا مبلغ علشان نطرش لك

زين اخصموا من ال80000 وطرشوا لي الباقي !!

على قولة عادل امام :
اخصمهم واديني بأية حأّي :nice:

قوّاك الله اخوي فلتر مان
الله يقويك

بس اقبض باشتري علج لكل واحد رد على الموضوع




ضحكتك آخر التسجيل مالها حل خخخخخخخخخخ


يعطيك العافية أخوي

انت الي مالك حل
تركت الموضوع كله و ركزت على الضحكة
خلاص حطها نغمة وانا اخوك

[بوخالد911]

انا ع طووووووووووول اعطيييه ×××


وبس


تسلم اخووي للتنبييه


لا هنت



مسيوو/ بوخالد911

[بواردي]

نفس قصتك سمعته قبل كم يوم في برنامج استوديو واحد من الامارات
وكانت الضحيه وحده من الامارات ولكن المسكينه هي طاحت في الفخ
وراحت عليها الـفلوس الي حطتهم تامين واعتقد انها في حدود الـ 10 الاف درهم

مسيجينة
قصوا عليها جماعة الطعمية
الله يعوض عليها


عليك بمخاطبة

قسم الجرائم الاقتصادية التابع لوزارة الداخلية
لاتخاذ اللازم حيال هالنصابين
عليهم من الله مايستحقون


اخاف اروح عندهم ويحاكموني سياسيا لاني اتطنز على(( الطعمية))




كفو يا بوقحطان هههههههههههههههههههه

هلا اخوي
ترى والله اني فاضي شغل
وقاعد اطقطق على روس هالدلوخ





انا ع طووووووووووول اعطيييه ×××


وبس


تسلم اخووي للتنبييه


لا هنت



مسيوو/ بوخالد911


هلا اخوي بوخالد
بس مافهمت
شنو يعني
xxx
قصدك اسبه واسب .......

[الدوحي7]

ككككككككككككككككككك،، روووح شوف لك طعميه هههههههههههههههه،، والله نصب بعينه وكيف يرضون كذا ،،بس انت شلون سجلته تراك خطيرررر، ونفعت العالم الله يبارك فيك،

[البدوي]

.. اتصلا كثيره اتينى من نفس الارقام تقريباً ,,, بس انا اطنش مارد ولا اتصل فيهم

عندي حساس انهم نصابين

[المهاجر]

والله انك ذيب اخوي فلتر مان

يعطيك العافيه

مت من الضحك على المكالمه

عجبتني والله

بس انصح الجميع بعدم الاتصال على اي رقم غريب

لعدم الوقوع في فخاخ المحتالين والنصابين

[بواردي]

ككككككككككككككككككك،، روووح شوف لك طعميه هههههههههههههههه،، والله نصب بعينه وكيف يرضون كذا ،،بس انت شلون سجلته تراك خطيرررر، ونفعت العالم الله يبارك فيك،

التسجيل الله يسلمك سهل
تكلم في جوال وافتح السبيكر
وسجل في جوال ثاني وخله قريب عشان يكون الصوت صافي



.. اتصلا كثيره اتينى من نفس الارقام تقريباً ,,, بس انا اطنش مارد ولا اتصل فيهم

عندي حساس انهم نصابين

اخوي انت الله يسلمك مشغل الحاسة السادسة
انا مطفيها وما احب استخدمها لانها تفضي الجارج بسرعة


والله انك ذيب اخوي فلتر مان

يعطيك العافيه

مت من الضحك على المكالمه

عجبتني والله

بس انصح الجميع بعدم الاتصال على اي رقم غريب

لعدم الوقوع في فخاخ المحتالين والنصابين

هلا بك اخوي سعيد بمرورك
منورين الموضوع بردودكم الطيبة
وانصحك كل ما حسيت بضيقة اسمع المكالمة
ولا تاكل طعمية يقولون تسوي قولون

[حرقطر]

ههههههههههههههههههههههههههههههههه


بيض الله وجهك

[Ms.Dubai]

زين سويت فيه اخوي فلتر مان

وللأسف اغلب الناس تصدق هالنصابين!!والقانون لا يحمي المغفلين!

يعطيك العافية عالموضوع:)

[بواردي]

ههههههههههههههههههههههههههههههههه


بيض الله وجهك

وجهك ابيض
سعيد بمرورك


زين سويت فيه اخوي فلتر مان

وللأسف اغلب الناس تصدق هالنصابين!!والقانون لا يحمي المغفلين!

يعطيك العافية عالموضوع:)

الله يعافيج اختي مس دبي

[الـقـاسـي]

بيض الله وجهك يافلتر مان .. عنبوهم هالنصابين يحسبون العالم دبش مايفكرون ..

[ابوسعود]

والله مشاء الله عليك

ذيب ماينقص عليك

وشكرااااااااا على التحذير والتنبيه

الله يحفظنا من النصابين

[بوخالد911]

مسيجينة
قصوا عليها جماعة الطعمية
الله يعوض عليها



اخاف اروح عندهم ويحاكموني سياسيا لاني اتطنز على(( الطعمية))





هلا اخوي
ترى والله اني فاضي شغل
وقاعد اطقطق على روس هالدلوخ



هلا اخوي بوخالد
بس مافهمت
شنو يعني
xxx
قصدك اسبه واسب .......



:nono::nono::nono:

قصدي تمسح المسج
وبس

:nice:

[بوخالد2]

هذه الارقام معروفه من النصابين

ولكن ماتخص شركة فودافون

ناس ماهمها الا سرقت الناس

[LionFish]

ههههههههههههههههههه ١-صفر :nice:

http://i244.photobucket.com/albums/gg9/maroon809/clapping729.gif

بيض الله وجهك

[hich]

بعطيك العنوان الحوا وعروقها ........... أشهد أنك سدحتني من الضحك

مشكور يابوقحطان على المقطع الظريف أضحكك الله و بيض وجهك يوم تسود وجوه

[سيزن]

فلترمان :nice:

[>>> غــمـــوض <<<]

هههههههههههههههههههههههههههههههههههههههههههههههههه ههههههههههههههههههههههههههههههههههه

زيــن سويت فيه هههه عيل فول وطعميــه كككككككككك
وبخصوص واحد ،، صفر
والله انك خطــير وعلمته السنع على اصولــــه

بردت خاطري والله
:nice:

[بواردي]

هذه الارقام معروفه من النصابين

ولكن ماتخص شركة فودافون

ناس ماهمها الا سرقت الناس
بس شلون يطرشون مسج باسم فودافون؟




ههههههههههههههههههه ١-صفر :nice:

http://i244.photobucket.com/albums/gg9/maroon809/clapping729.gif

بيض الله وجهك

يبيلهم واحد يسنعهم
بيض الله وجهك



بعطيك العنوان الحوا وعروقها ........... أشهد أنك سدحتني من الضحك

مشكور يابوقحطان على المقطع الظريف أضحكك الله و بيض وجهك يوم تسود وجوه

هلابك اخوي
ماقصرت فيه صح؟



هههههههههههههههههههههههههههههههههههههههههههههههههه ههههههههههههههههههههههههههههههههههه

زيــن سويت فيه هههه عيل فول وطعميــه كككككككككك
وبخصوص واحد ،، صفر
والله انك خطــير وعلمته السنع على اصولــــه


بردت خاطري والله
:nice:

حسافة لو انه في الدوحة بسوي فيه فلم هندي

[بواردي]

فلترمان :nice:

وانت :nice:

اخوي بو خالد

ليش امسح المسج هذولي يبيلهم واحد يلعن ابليسهم

[ALRAYYAN]

هههههههههههههههههههههه
ههههههههههههههههههههههههههههههه
الضحكه الاخيره احلى مافي المكالمة ابو قحطان
الله يحفظك ويحفظنا من هالنصابين يارب

[غير البشر]

زين سويت فيه بوقحطان


الله يعطيك العاافيه



توالديه ياما الضعفه مسجل مايسكت



هذي لو مسجل كان اخترب




الله لايوفقه دنيا واخره :)

[بــو فهــد]

الضحكه الاخيره مالها حل ههههههههههههههههههههه
الله يعطيك العافيه اخوي ورحم الله والديك .. وهالاشكال بنشوف منهم وايد ..

[م. عبدالعزيز]

هههه مصاروه .. مشكله !!
زين سويت فيهم ... واذا تقدر طرش الملف الصوتي لفودافون :p

[الحمر]

شنب>>>>>

[شيط ويط]

ههههههههههههههههههههههههههههههههههه يعطيك العافيه

[خــطــافــ]

احلى شي واحد صفر ههههههههههههههههههههه

بس جان قلت له عندي واحد في مصر بيجيب لك التامين وعطه الجائزه هع

بس زين سويت فيهم

[أحبك يا قطر]

مستن المصري

هههههههههههههههههههههههههههههههههههههههههههههههههه ههههههههههههههههههههههههه

[بنت عز نفسها]

موتني ضحك .. والله زين تسوي فيهم :×
والضحكه الاخيره مالها حل :)

[خــطــافــ]

اما لي قال ابو أحطان ههههههههههههههههههههههههههههههههههه

ماله حل

[شـعـشـبـونـه]

هههههههههههههههههههههههههههههه

بيض الله وجهك اخوي فلترمان :victory:

[بوخالد911]

وانت :nice:

اخوي بو خالد

ليش امسح المسج هذولي يبيلهم واحد يلعن ابليسهم



اما سالفة الفووول والطعمية
ما لها حل الصراااحة

هههههههههههههههههههه


والضحكة الأخيرة كيييف اطلعت ؟؟

:con2::con2::con2:


تسلم اخووي


:victory::victory::victory:

مسيوو/ بوخالد911

[بواردي]

مرحبا فيكم
اخواني
غير البشر
بوفهد
م-عبدالعزيز
الحمر
شيط ويط
خطافـ
احبك ياقطر
بنت عز نفسها
شعشبونة
بوخالد911

سعيد بمروركم وردوركم
وماشاء الله عاجبتكم الضحكة وسالفة واحد صفر والفول والطعمية:nice:


يعني الموضوع تحذيري ولكن بطابع ساخر:)
يعني فائدة & وناسة

[بواردي]

اما لي قال ابو أحطان ههههههههههههههههههههههههههههههههههه

ماله حل

كم مرة سمعت المقطع:waiting:

[روح الاطلس]

احسن شي انك قلت له ان القطريين محد ينصب عليهم

[فهد111]

اول شي الكول سنتر حق فودا فون قطر بيكون في مصر لفتره

ثاني شي هذا يوم قال نوع جواك في برنامج انا ناسي اسمه يطلعلك نوع الجوال والرقم المتسلسل
ونفس البرنامج تدخل فيه الرقم المتسلسل للجوال يطلعلك الارقام الي حطيتها في هالجهاز

اما عن الاسم مايقدر يعرفه والدليل انه في بدايه التسجيل سألك عن اسمك

[بواردي]

اول شي الكول سنتر حق فودا فون قطر بيكون في مصر لفتره

ثاني شي هذا يوم قال نوع جواك في برنامج انا ناسي اسمه يطلعلك نوع الجوال والرقم المتسلسل
ونفس البرنامج تدخل فيه الرقم المتسلسل للجوال يطلعلك الارقام الي حطيتها في هالجهاز

اما عن الاسم مايقدر يعرفه والدليل انه في بدايه التسجيل سألك عن اسمك

استنتاج ذكي:nice:

اخوي هذا اخر اتصال كان بيننا

في اول اتصال كلمني شخص غير هاي
قال لي الاسم كامل
بس هاي غبي
ضيع الاسم
وانا كنت من البداية اعرفه نصاب
بس حبيت اطقطق على راسه شوي

[فهد111]

استنتاج ذكي:nice:

اخوي هذا اخر اتصال كان بيننا

في اول اتصال كلمني شخص غير هاي
قال لي الاسم كامل
بس هاي غبي
ضيع الاسم
وانا كنت من البداية اعرفه نصاب
بس حبيت اطقطق على راسه شوي

ههههههههههههه يعطيك العافيه
بس ياخي اسلوبه يقهر شلون استحملت لين النهايه؟
عليك اعصااب :nice:

[بواردي]

تم حذف الضحكة الي مالها حل
وتم تعيل الرابط

[Qa6ar]

انت فاهمني على قوله المصري

نصب عيني عينك

الحوى وعروقه


هههههههههههههههههههههههههههههههه

لاهنت اخوي والقطريين مب مقصه

[(الفيصل)]

وهاي ارقام الاشخاص الي كلمتهم في مصر

النصاب الاول
خدمة العملاء
اسمه مروان
رقمه
0020195344840

والثاني الدكتور طارق شهاب
0020141814744

طبعااكيد اسماء وهمية[/CENTER][/U]

اتمنى من الاخوة (القراريص) اللي في المنتدى :)
انهم لايذخرون جهداً في أخذ هذه المعلومات وعمل اللازم بالتنسيق مع اجهزة الامن المصرية. لاسيما جهاز الجرائم الاقتصادية في قطر ومصر.

[صوت الضمير]

كفو كفو والله

الفرع الرئيسي العن ام النصب

لحسه مخ :)

الدليل انه يكذب يكرر الكلام

اعملك ايه :)

هههههههههههههههههههههه

:) :) :)

[..er..]

ههههههههههههههههههههه


وصلني المسج وحطيته مع باقي ربعه " ديليت "

الي من لندن ومادري وين


الله لايهينك ع التحذير ,, وجاري الاستماع الى ضحكتك < يشوف الشباب يتكلمون عن ضحكتك

[qarooob]

عليك بمخاطبة قسم الجرائم الاقتصادية التابع لوزارة الداخلية
لاتخاذ اللازم حيال هالنصابين
عليهم من الله مايستحقون

[بواردي]

ههههههههههههههههههههه


وصلني المسج وحطيته مع باقي ربعه " ديليت "

الي من لندن ومادري وين


الله لايهينك ع التحذير ,, وجاري الاستماع الى ضحكتك < يشوف الشباب يتكلمون عن ضحكتك

تم حذف الضحكة لاسباب امنية
اذا مصر عليها بنطرش لك الرابط القديم
هههههههههههه

[عشق الشمال]

اخوي فلتر مان انا عندي اقتراح لك وصدقني بتكسب ذهب من ورا هاالسالفة الي صارت لك

اخوي ليش ماتخلي واحد من كتاب القصص الي يكتبون مسلسلات حق رمضان

امثال الكاتبة الكبيرة القطرية ( وداد الكواري ) تكتب لك قصة حياتك مع هذا النصاب

صدقني بيغطي على مسلسل ( الزير سالم ) وياريت يكون اسم المسلسل هو ( راقصة فودافون والقطري )

شوف كيف المحطات العربية بيتهافتون على شرا هذا العمل الرائع

[فرقة الصقور]

ههههههههههههههههههههههههههههههههههههههه

اخر المكالمة شي شي شي شي

الله يضحك سنك

الله يخليك ويرحم والديك وانا فلترمان وابوقحطان
حسيت اني اشوف شاعر المليون - على غفلة:nice:

[ضوى]

هالسالفة صارت لي العام

بالضبط نفس الكلام

قلت له اوكي انا باعطي رقمك للسفارة القطرية في مصر وهم يخلصون لي الإجراءات قال لي اوكي وفعلا عطيت الرقم للسفارة وطلعوا نصابين والحمد لله مانصبوا علي

[بواردي]

هالسالفة صارت لي العام

بالضبط نفس الكلام

قلت له اوكي انا باعطي رقمك للسفارة القطرية في مصر وهم يخلصون لي الإجراءات قال لي اوكي وفعلا عطيت الرقم للسفارة وطلعوا نصابين والحمد لله مانصبوا علي

بل انت وصلتها للسفير واااااااااااااااصل
انا سويت له دراسة مشروع:nice:
واتصلت فيه من رقم ثاني :)وقلت له انه وصلني مسج منكم
قال اي صج انت ربحت معنا

يعني اشكرة السالفة نصب

[جمال اليافعي]

1-0 هههههههههه كأس العالم لنا !

[ورقــة أمــل]

هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههه

والله انك ذيب وما ينقص عليك

يعطيك العافية

[الوفي]

جاتني أرقـــــــــــام جذيـــــــــــــه بس مارد عليهم.......
هاهاهاهاهاهاهاها ........والله انك ذيبان يوم قطعته........
وكلمتك : حنا القطريين ماينقص علينا.......
شكرا فلترمــــــــــــــان على التحذير.........

[بواردي]

هلا اخواني واخواتي
سعيد بردودكم
ومروركم الطيب
وفعلا اخواني
هذولي الناس عبالهم ان الخليج كلهم دبش (تحشمون ) وانهم هم الفاهميين
ويبقى المجبوس افضل من الطعمية

[عيون Qatar]

فلترمان شكرا عالتنبيه

[Arab!an]

تقول له الله يرحم والديك ليش @@

ههههههههههههههههههههههه


هذي صارت معاي في مصر ترا .. بس ماعبرتهم .. عوروا راسي وانا ماكنت فاضي لهم p:

[AL-GokaR]

هههههههههههههههههههههههههههه

لحضه شوي بعد فيني ضحكه
هههههههههههههههههههههههههههههههههههههههههههههههههه ههههه

والله ماله حل المصري يضحك بعد هههههههههههههههههههههههههههه
بيض الله وجهك يافلترمان

[Sharshooooor]

اصلا كلهم حرامية حتى الشركة الام بمصر

ياجماعة المعروف اذا انقطع الخط تقدر تردة بعد ثلاث شهور بالكثير

والجماعة قطعو الخط ومايبون يردون لي اياه بعد اسبوع من القطع

ويقولون مانقدر والرقم راح ينعرض بعد فترة للبيع ومالنا صلاحية نرده لك

لان طبعا رقم مميز في 66666

حسبي الله عليهم من حرامية

[عنزي قطر]

فديت اهل قطر ههههههههههههههههههههه حلوه بوقحطان

احس ان المصري مات من القهر ايام ضحكت اخر شي ههههههههههههههههه يستاهل ويعجبني الي نفسك

دووووووووووووووووووووووووس

[هدهد سليمان]

اتوقع الاشخاص اللي اتصلت فيهم وعطوك كل بياناتك لهم مصدر خاص لهم لترتيب عملية النصب على اكمل وجه والشخص طبعا موجود في فودافون .. الموضوع ما يجب ان ينسكت عليه لانها من خيانة الامانه غير النصب والاحتيال يعني محاسبة فودافون بالكامل على هذا التسريب واستخدام بيانات العميل في اساليب النصب وغدا ستكون اساليب استفزازيه والله اعلم ..

[غير البشر]

بقولكم سالفه رفيجي مع الافريقي النصاب :tease:


اتصل فيه نصاب نسيت اسم البلد


المهم ندخل في الموضوع:

النصاب : مبروك فلان فزت بجائزه مقدارها 20 مليون دولار

رفيجي : الله يبارك في عمرك بس حق شنو الجائزه يعني وين المناسبه

النصاب : انت كنت مشترك في اليانصيب

رفيجي : انا عمري ماشتركت في يانصيب

النصاب انت مشترك وخلاص المهم انك فزت

رفيجي : المطلووب؟؟

النصاب : عطني اسمك كامل ومكانك

وبيتصل فيك دبلوماسي من دبي ( من نفس بلد النصاب)


وبعدها بكم يوم اتصل الدبلوماسي من دبي

الدبلوماسي: السلام عليكم انا فلااان

رفيجي : عليكم السلام

الدبلوماسي : المبلغ جاهز ممكن احوله لك عطني العنوان

بس قبل ماحول لك المبلغ ابعث لي 4000 دولار رسوم تحويل

رفيجي : افتح الظرف واخذ 20 الف دولار حلال عليك وطرش الباقي :tease:

وبعدها النصاب فقد الامل وسكر بلا رجعه :victory:

[سلامي للكل]

واحــد - صفــر

:nice:

عسااااااااااك على القــوة :victory:

وفااالك التوفيــق

[بواردي]

يعني وصل عدد المشاهدات تقريبا 2000
والردود 71
واغلبها من اهل قطر
ماشفنا حد من اخواننا العرب
ونتمنى من اخواننا المصريين يردون على الموضوع
نبي نسمع وجهات نظرهم

[ولد البدر]

ما شاء الله عليك صج فلتر ما يطوفون منك الوسخين والغشاشين

[الرايــق]

هههههههههههههههه

اهم شي الـ 1 - 0

[جليســــة القــــرآن]

حسبي الله ونعم الوكيل
وش بيستفيدون من الفلوس الحرام
بتكون صليل في دمهم
شي يغث
وأنا توصلني مسجات من نوكيا ومادري من أي جهه بعد بس أطنش
وإلا المس كوووول ماأدري من أي بلد بعد أطنش
والله ناس مايعرفون إشلون يبغون ينصبون على الناس
الله يحفظ الجميع
وشكرا

[سهم متردد]

الصرااحه
انت وتحد وتجد زيييين
هل الاصناف مايبيلهم الا انت

[عشق الشمال]

مصري سال شيخ لمين المسجد ؟؟؟؟؟؟ قاله لكل المسلمين . قال المصري : انا عايز ابيع نصيبي

اعتقد أن هذا المصري له نصيب في شركة فودافون

[هدهد سليمان]

صبحكم الله بالخير .. استغرب ردود بعض الاعضاء سامحهم الله وتنكيلهم واهانات مباشره وغير مباشره لاخوانهم المسلمين بغض النظر عن الجنسيه اول شي اصابع اليد ما هي سوا! ثاني شي يا جماعه الدوله اللي انتم تتكلمون عنها توجد بها عدة ديانات منها المسيحي واليهودي والمسلم يمكن الشخص يكون غير مسلم ! ياليت يا جماعه ما نجرح في بعضنا البعض ونحترم بعضنا البعض والشخص هذا يمثل نفسه ما يمثل دوله بكاملها ارجووكم رجاء نبتعد عن الكلام الجارح لانها ما راح تجيب غير الحقد والكراهيه وزراعة الفتن ما بين الناس وكلنا مسلمين يا مسلمين . . اتقو الله في انفسكم

[بواردي]

صبحكم الله بالخير .. استغرب ردود بعض الاعضاء سامحهم الله وتنكيلهم واهانات مباشره وغير مباشره لاخوانهم المسلمين بغض النظر عن الجنسيه اول شي اصابع اليد ما هي سوا! ثاني شي يا جماعه الدوله اللي انتم تتكلمون عنها توجد بها عدة ديانات منها المسيحي واليهودي والمسلم يمكن الشخص يكون غير مسلم ! ياليت يا جماعه ما نجرح في بعضنا البعض ونحترم بعضنا البعض والشخص هذا يمثل نفسه ما يمثل دوله بكاملها ارجووكم رجاء نبتعد عن الكلام الجارح لانها ما راح تجيب غير الحقد والكراهيه وزراعة الفتن ما بين الناس وكلنا مسلمين يا مسلمين . . اتقو الله في انفسكم

سعيد بمرورك
وتعليقك
وجهة نظرك احترمها
بس في جنسيات مصخوها
يعني النصب والاحتيال شغلتهم
ولاتقولي اصابعك موبسوى
انا اشوف 99%
منهم نصابين
الا من رحم ربي

[عشق الشمال]

سعيد بمرورك
وتعليقك
وجهة نظرك احترمها
بس في جنسيات مصخوها
يعني النصب والاحتيال شغلتهم
ولاتقولي اصابعك موبسوى
انا اشوف 99%
منهم نصابين
الا من رحم ربي


فلتر مان سجل عندك في دفتر كبار الزوار اعجابي الشديد بك . . من اليوم وطالع انت الاب الروحي لي في هذا المنتدى

[سمو انسان]

ههههههههههههههههههههههههه
والله عجبتني يالذيب
هههههههههههههههههههههههه

رحم الله والديك على التوعيه وجزاك الله الف خير

[ليث العرين]

فلتلر مان

بوقحطان ذيييب والله

لا و mp3 بعد هههههه


تسلم والله

[الغريب3]

ياخوي هذا نفس الي صارلي في رمضان الي فات وطبعن طارق شهاب من ضمن النصابين

[بواردي]

فلتر مان سجل عندك في دفتر كبار الزوار اعجابي الشديد بك . . من اليوم وطالع انت الاب الروحي لي في هذا المنتدى


هههههههههههه
الله يهديك
الاب الروحي !
الحمد لله ما قلت بابا نويل
سعيد بمرورك

[بولينجر]

ههههههه ......بيض الله وجهك... كفو والله يا الذيب....:nice:

[عشق الشمال]

فلتر مان قول تم . . . الله يخليك لا تفشلني ترا عشاك بكره عندي لا تعتذر سايق الله عليك انك تقول تم

تراها محفوفه مافي الا انا وانت والمصري مروان


http://upload.wikimedia.org/wikipedia/commons/a/ac/Mansaf1.jpg

[book 1]

ههههههههههههه مشالله عليك اسوي معاك اتفاقيه اخوي فلترمان كل مايجيني اتصل من برع بطرشه للك تتفاهم معاه

[اناقه]

يعطيك العافية على التنبية

خاطري اسمع المقطع

بس للاسف انا في الدوام :weeping:

عقبها فصل على طووووووووووووول :tease:

تدري بسمعه واللي فيها فيها

[بواردي]

فلتر مان قول تم . . . الله يخليك لا تفشلني ترا عشاك بكره عندي لا تعتذر سايق الله عليك انك تقول تم

تراها محفوفه مافي الا انا وانت والمصري مروان


http://upload.wikimedia.org/wikipedia/commons/a/ac/mansaf1.jpg

خلاص العشا عليك
اليوم الريال فازوا
والمزاج عال العال
يبيلها طلعة

بمر عندك زهب القهوة
وانا اخوك


ههههههههههههه مشالله عليك اسوي معاك اتفاقيه اخوي فلترمان كل مايجيني اتصل من برع بطرشه للك تتفاهم معاه

هههههههههههههههههههه
خلاص دز لي بطاقة
بامية ريال
وعقبها دز لي ارقام الشباب

بانصب عليك

[بواردي]

يعطيك العافية على التنبية

خاطري اسمع المقطع

بس للاسف انا في الدوام :weeping:

عقبها فصل على طووووووووووووول :tease:

تدري بسمعه واللي فيها فيها

اسمعيه في بيتكم
لايسمعنا المدير
خوفي تطلعين في نفس القسم
واروح ملح
المدير يعرف صوتي
اشكره بيصيدني

[biz-qtr]

ما يفتح الرابط :(:(:(