ساحر يتصل بي ويخبرني انني مصاب بالسحر الاسود

[ثاني]

السلام عليكم
يا اخوان تصدقون اليوم بعد صلاة الجمعة رجعت البيت واشوف في مكالمة لم يرد عليها بجوالي
فشفت الرقم رقم دولي ادري انه حركات نصب مثل الي يقولك اربح تذكرة و . الخ
اتصلت والا يرد علي شخص يقول : معك فلان الفلاني وانا صليت الأستخاره وعلمت ان هناك شخص مسحور وظهر لي رقم هاتفك واتصلت بك وقعد يسوي لي محاضرة ويعطيني ادلة واحاديث شريفة ويخبرني بالأخير إنني مصاب بالسحر الأسود فلن تستطيع العلاج الا عن طريقي
وانا طبعاً جوالي فاتورة
فقلت له طيب انا الحين ماعندي رصيد انت اتصل بي .. قالي لا انت اشحن رصيدك ثم اتصل بي حتى نعالجك قلت له يصير خير وانا اعرف انها خدعة...

والحين رسل لي مسج :
اراك تتهاون بهذا الموضوع واخاف عليك ان تندم حيث لا ينفع الندم الا الندم <<< وين اصرفها ذي

فما رأيكم أخواني ؟ هل اتصل به حتى نستهبل عليه شوي
احتاج إلى رأيكم والى كلامهم ووش اقول له ...

[بواردي]

من راي لاتتصل فيه
لانه يمكن يكون فعلا ساحر ويضرك لاسمح الله
لو انه نصاب كان قلت لك اتصل واستهبل عليه بس
خوفي يكون ساحر من صج وتروح عليك
عليك بالمعوذات وحصن نفسك والله خير الحافظين

[ثاني]

فلترمان
اشكرك يالغالي على ردك
صراحةً انا كنت ناوي اطقع له خلاص
لكن اول ماطرش لي المسج احس انه الحبيب مشتط وحسباله اني مصدق ههههههه
وانا افكر الأن اذا بتصله بمشي معاه لين ماشوف نهايتها لاني حاس ان بيطلب اني احول له فلوس حتى يفك السحر
وشكلي بسجل المحادثة حتى نعرضها هنا للجميع

[الوفي]

قولـــــــــــــــــه ضف ووووووووووووووويهك........
ولا قوله تعال بالدوحه عالجني...... ولما يي بس بلغ عليه الشرطـــــــــــة ويسلام سلم........
أنا لو اني مكانك ولاأرد عليه .......
تحذيـــــــــــر وانا أخوك : أنتبه تعطيه اسمك او اسم أمـــــــــك يمن يطلع ساحر صج

[ابن الذيب]

لاتتصل فيه أخوي ثاني , هو يبي يوهمك إنك فيك شي , وانت مافيك ..
ولا ترد عليه إذا اتصل .. لانه ممكن يسوي لك سحر عن طريق الصوت

[قناص 787]

والله العظيم أن صارت لي نفس السالفه والرقم كان فيه 72222 بس ما أذكر الرقم بالكامل قالي أن أنت مسوين لك عمل قلت له صل على النبي وأترك عنك هالسوالف ولاعاد أشوف رقمك وسكرت في وجهه والحمدلله مافينا ألا العافيه وصدقني يالغالي أنه مايقدر يضرك بأذن الله ولا تعطيه أهتمام ولاتفكر في الموضوع

[المهاجر]

اخوي العزيز

خله عنك ولا تتصل فيه

وابعد عن هالنصابين والمشعوذين

[ثاني]

اشكركم على ردودكم
انا ادري انه مايقدر يظرني باذن الله

لكن حبيت اني اكملها معه حتى أشوف وش النهاية معاه

فمادري لو اقدر احول الموضوع للانتربول حتى يجي الدوحة اهني معرف وش اسوي له الحين

[بواردي]

لو كل واحد يتصل في قطر يجيبونه الدوحة
ويعاقبونه اهني
كان بتلاقي الدوحة متروسة من هالاشكال
خلهم يشوفون له دبرا في ديرته

[ثاني]

طرشت له مسج كتبت له اعوذ بكلمات الله التامه من شر ماخلق
لاتتصل بي مرة اخرى

مب فاظيين حق هالصومالي هههههه

[بواردي]

تدري احسن شي سوى نفسك هندي وبر بر له اوردوا او بشتو
اكيد بيقول هاي طلع موبقطري وبيفك عنك

[هذلان]

اليوم قبل الصلاه بالظبط الساعه 10:30 دق جوالي ولا رقم بدايته +22 .. سوى رنه و سكر.. سويت ديليت على الرقم مع اني ما اسوي ديليت على المسد كول .. هذا ديليت ... ابعد عن الداب وشجرته

[ثاني]

اخوي مثل الرقم الي جاني بعد بدايته +22

الدولة هي السنغال

[BARBICAN]

انا امس فالليل اتصلي وقالي معاك الدكتور مادري من !


قلت له المطلوووب قالي انا صليت استخاره وطلعت لي وعرفت ان في اثنين من ربعك مسوين لك سحر !

وسالته شدخل صــلاة الاستخاره اللحين !!

بعدين قلت له طيب شنو اساميهم ؟!

قالي هذي يبي لها علاج ووصفه وقعده وتسجل معاي . . !

قلت طيب انجلع ولا تتصل مره ثاني

[السندان]

لاتلعب بالنار.....

واللعبة تلعب باهلها

انا تقريبا يوميا تجيني اتصالات من هذا النوع ولا ارد عليها .. مالي حاجة

[ثاني]

المشكلة يدق رنه ولما تتصل تقولة معندي رصيد يقولك اشحن رصيد ههههههههههههه

[حـ ن ـيـ ن]

الافضل انك ماتتصل فيه ...فيه وحده من الاخوات صار لها نفس الشي ..وردت واتصلت فيه وقالت له نفس ماقال

لها قالت له انا الشيخ الفلاني وانت مسحور وفيك كذا وهو يجاريها في الكلام ثم قال لها والله لتندمي والله لتندمي

والله لتندمي.. مسكينة من الخوف سكرت الجوال ... بس استفادت انها الحين محافظة عالاذكار

[بـن عدوان]

عطني رقمه ابي استهبل عليه شوي

[hamoor4ever]

ياريال ولا يقدر يسوي لك شي ، قول له زين بندم تبغي شي ثاني ، وقول له اذا يبغيك خل هو يتصل فيك

ترى دام ماعنده اثر منك او عنده اسم امك ويوم ميلادك مايقدر يسوي شي لو كان ساحر فرضاً وانا من رايي انه تخليه يولي ابرك لك من تضييع الوقت

[حروف من نور]

انا جاني من فترة نفس الاتصال ايضا

ورديت علية ويوم عرفت انة من هالنصااااااابين المشعوذين ..شسووووووويت انا ؟؟؟:telephone:

اتصلت علية وهو يقول الووووووو الا سورة البقرة تشتغل مسجلتها بالجووووال ..ويسكر واتصل علية مرة ثااانية ،،،هو يقول الوو وسورة البقرة من صوووووووب،،والله يمكن 5 او 6 مرااااات سويتها فية حتى سكر الجوووووووووال وعقبها حرم يتصل :tease:

صح بربح كيوووووتل باهالطريقة بس بعد كلها في سبيل المحاربة على السحر والشعووذة :secret:

شرايكم

[هدهد سليمان]

السلام عليكم
يا اخوان تصدقون اليوم بعد صلاة الجمعة رجعت البيت واشوف في مكالمة لم يرد عليها بجوالي
فشفت الرقم رقم دولي ادري انه حركات نصب مثل الي يقولك اربح تذكرة و . الخ
اتصلت والا يرد علي شخص يقول : معك فلان الفلاني وانا صليت الأستخاره وعلمت ان هناك شخص مسحور وظهر لي رقم هاتفك واتصلت بك وقعد يسوي لي محاضرة ويعطيني ادلة واحاديث شريفة ويخبرني بالأخير إنني مصاب بالسحر الأسود فلن تستطيع العلاج الا عن طريقي
وانا طبعاً جوالي فاتورة
فقلت له طيب انا الحين ماعندي رصيد انت اتصل بي .. قالي لا انت اشحن رصيدك ثم اتصل بي حتى نعالجك قلت له يصير خير وانا اعرف انها خدعة...

والحين رسل لي مسج :
اراك تتهاون بهذا الموضوع واخاف عليك ان تندم حيث لا ينفع الندم الا الندم <<< وين اصرفها ذي

فما رأيكم أخواني ؟ هل اتصل به حتى نستهبل عليه شوي
احتاج إلى رأيكم والى كلامهم ووش اقول له ...


عجيب امرك يا ثاني انت تستهبل عليه ولا هو راح يستهبل عليك .. نفرض ان الشخص طلع فعلا ساحر واستطاع معرفة تفاصيل حياتك عن طريق القرين ونجح في هدفه انت شراح تسوي؟؟.. وثاني شي اسمحلي يا ثاني انت تناقض نفسك بصوره غريبه تقول ادري انها حركات نصب وفي نفس الوقت تسأل عن رأينا ؟ إذا كانت فلوسك واجده والله يزيدك من نعيمه في طرق ثانيه لصرفها وانت ابخص بها يا اخوي العزيز ثاني !! واعتذر للإطاله

[ثاني]

ولله يخوي هدد سليمان تراك خرعتني

لكن ماقصد اني بستهبل عليه يعني
انا اقصد اني اطلع وش المطلوب منه في النهاية لاني حاس انه بالنهاية بقولي ارسل حوالة مبلغ كالاتي

لكن شكلي خلاص مب متصلة وثاني شي كيف يعرف تفاصيل حياتي وانا سألته وقلت له : انا من اي دولة قعد يغير السالفة وكذا

اشكرك على الرد
واسئل الله ان يبعد عنا السحر

[هدهد سليمان]

ولله يخوي هدد سليمان تراك خرعتني

لكن ماقصد اني بستهبل عليه يعني
انا اقصد اني اطلع وش المطلوب منه في النهاية لاني حاس انه بالنهاية بقولي ارسل حوالة مبلغ كالاتي

لكن شكلي خلاص مب متصلة وثاني شي كيف يعرف تفاصيل حياتي وانا سألته وقلت له : انا من اي دولة قعد يغير السالفة وكذا

اشكرك على الرد
واسئل الله ان يبعد عنا السحر

كل انسان له قرين من الجن منهم مسلم ومنهم كافر والله اعلم .. وهناك نوعيه من هالناس تتعامل بهالشي يعني يطلع تفاصيل حياتك عن طريق القرين .. الحذر في الاستهتار او الاستهزاء بهالاشياء لان عواقبها وخيمه .. افضل ماتسوي هو تنسى الموضوع ولا تتصل ولو كرر الاتصال اسفه الاتصال .. والدين نصيحه

[ثاني]

شلون اسفه الاتصال
يعني اعتذر منه ولا اسحب عليه خلاص ؟
اسمحلي مافهمت لك .. لكن خلاص مب متصلة ولاشي وبنسى الموضوع

[هدهد سليمان]

شلون اسفه الاتصال
يعني اعتذر منه ولا اسحب عليه خلاص ؟
اسمحلي مافهمت لك .. لكن خلاص مب متصلة ولاشي وبنسى الموضوع


يعني لا تردي عليه في حالة ان اتصل لك رنه او مس كوول على ماقالوا .. وانس الاتصال والرقم لا اكثر ولا اقل او على قولتك اسحب عليه!

[ثاني]

انشالله يخوي هدد واشكرك على النصيحة وشكلي بسحب عليه نهائياً

[اعالي الجنان]

تحمل بعمرك اخوي لايطلع ساحر ويأذيك

[Revamp]

يا امه ضحكت من جهلها الامم..........يا ريت تستمتعون معانا في مباريات الاحلام الجايه
وبا ريت الاخ ثاني يعطيه رفم النادي عشان يسولينا سحر