ابي شوركم؟؟!

[باربي قطر]

السلام عليكم ورحمة الله وبركاته




اليوم وانا ادور حصلت فيلا جديده ب مليون و 800
مسحتها 450 .. 6 غرف نوم + صالة ومجلس+ مطبخ خارجي ومخزن
.. الواجهه حجراردني ..


هل السعر مناسب ؟؟ّ!
ولا كم تسوى !؟؟!

[بابا الضحية]

في اي منطقه اختي ؟

[باربي قطر]

فـ الناصرية

[عليان قطر]

انا من رايي
محاولة الاتصال بأكثر من مكتب
والتأكد من الناصرية

هل عليها ازاله ام لا


هناك مخطط ازالة العديد من البيوت لأستغلال المساحه
فيرجى التأكد

[باربي قطر]

مادري والله يوم سالنا


قالوا الصوب الثاني من الناصرية علها ازاله ام صوب الفيلا لا


فـ الله اعلم

[عليان قطر]

مادري والله يوم سالنا


قالوا الصوب الثاني من الناصرية علها ازاله ام صوب الفيلا لا


فـ الله اعلم



الافضل

السؤال قبل كل شي
موضوع الازالة تقريبا 70% مقرر
لكن الوقت غير محدد

فيمكن التوجه الى البرج
والتأكد من المساحة المعنية

والله الموفق

[باربي قطر]

سألت وماعليها ازالة


بس للحين محد فادني

يعني الفيلا تسوى ولا ؟!

[ريان]

مساحة الارض كم ؟؟

وكم سعر الفوت

[شموخ دائم]

,

,


مرحبا اختي

من الصعب نقيم فيلا بدون ما نشوفها هذا صعب ( ونظلم الفيلا )

الشكل العام والديكور ونوعيه التشطيب من ابواب وارضيات

هل صناعه صيني الباب الواحد سعره 300 ريال والمقبض صيني

او ارضيات المتر بـ 15 ريال

واطقم الحمامات ابو 700 ريال

وتمديد الماء البايب فيتر شنو نوعه؟؟

والكهرباء من وايرات وعدادات صناعه زينه او لا

حتى ما تقعدين كل شهر تغيرين تمديدات

والموقع والخدمات والشوارع

المحيطه فيها

كل هذا ما نعرف عنه شي وهو يحدد السعر من فيلا الى فيلا

هل السور الخارجي ( تم عمل له اساسات خرسانه ) او حط له طابوقتين بالعرض

وطلع الطوفه عليهم ( شغل مشي حالك ) نفس البناء في البر

بس بشكل عام قبل فتره مل تلاقين فيلا اقل من 3 مليون

الان الاسعار تقريبا 2 مليون الى 1.800 الوقت الان مناسب جدا للشراء

ما اعتقد بتلاقين ارخص من كذا في المناطق الزينه

اخذي معاك شخص يفهم بالبناء ( مهندس ) يقيم لك الامور الفنيه

وبعدها قرري تشترين او لا القرار مو سهل اختي

خلي فلوسك تروح في المكان الصحيح

اتمنى يارب تكون ملاحظتي فتحت عيونك على شغلات ما انتبهتي لها

والله يوفق لك يارب ومنزل مبروك




,

,

اخوك





شموخ دائم

[باربي قطر]

تسلم اخوي شموخ

فعلا صدقت .. ولازم اقيم قبل لاخذ


اشكر جميع الاخوان الي ردو علي