سؤال للبحاره هل قطر

[حشيم]

السلام

يا جماعة الخير نويت اشتري طراد من البادي من 24 قدم وفوق لاني لحد الحين ما جيتهم ولا اعرف طول الطراريد الي يصبونها المهم ما لكم في الطويله الي جربهم يفيدنا عن مميزاتهم وعيوبهم مثل :
يدخل راش
يرضخ
مهب رقاي وياكل بحر
يتصابا ولا يروغ

وهل تيادرهم جيده

ودمتم

[البحار00]

اخوي بالنسبه للبادي طراريدهم غاليه وماتسوى

وطبعا الصغيره منها لعبتها المراوغ

اما تيادرهم الي اعرفه انهم يجيبونها من برة شركتهم لانهم مايسوون تيادر


بس تبي النصيحه خذلك غير البادي

مثلا النورس او الظاعن او الدرازي من البحرين

والتكلفه في كل الاحوال والمواصفات ارخص من البادي

بضرب لك مثال بسيط

16 قدم البادي قميته 12 الف
16 قدم النورس قيمته 7500

الفرق 4500 ريال طبعا غير فرق العملة

يعني احسن لك خذلك قرف كامل من البحرين

واما باقي الاغراض خذها من الدوحه من تيدر ومكاين واضافات

[الخير كله]

تبي نصيحة مجرب خله عنك ....

[المشط]

اخوي واحد من اعيال عمي عنده طراد يبغي يبيعه

بكره باشوف لك نوعه وسعره وحجمه وبرد عليك

[حشيم]

اخوي واحد من اعيال عمي عنده طراد يبغي يبيعه

بكره باشوف لك نوعه وسعره وحجمه وبرد عليك


شكرا لكل من فادني عن الطراد

وانا بانتظارك يا اخي المشط

[فتى الجود]

الدرازي
أو الظاعن

[نمـر]

الباركودا أحسن طراد ما يرضخ ولا يخل راش لكنه غالي شوي

[صوت قطر]

أحسن طراد بدون منازع



http://www.oryx-yachts.com/

[حشيم]

أحسن طراد بدون منازع



http://www.oryx-yachts.com/



هذا النوع من الطراريد ما يمشي معاي اخوي

انا وربعي هل شروخ ومغاوص وهذا طراد حق تمشي ونزهه فقط

على العموم جزاك الله خير

[مزيون الدوحه]

طراد الضاعن اخوي ماعليه كلام ومرغوب
وموقع الشركه خلف سوق الجبر

والله يوفقك

[حشيم]

اخوي واحد من اعيال عمي عنده طراد يبغي يبيعه

بكره باشوف لك نوعه وسعره وحجمه وبرد عليك

:telephone:
لا زلت بالانتظار

[الخير كله]

الباركودا أحسن طراد ما يرضخ ولا يخل راش لكنه غالي شوي
:nice::nice::nice:

[عالم المحيطات]

عندك الضاعن او الدرازي او النورس... غيرها لاتفكر والبادي لو بريال لاتشتريه...

وهذا الكلام من تجربه شخصيه....

تحياتي

vip-99

[الوجبه]

الختال .. ولا اتفكر في غيره

شوف اللون .. والبيص والقصه

هنا في شراعوه

http://farm4.static.flickr.com/3220/2682013104_5285298a7f_b.jpg