كل واحد يحط علامة مخفية على ذاكرة جواله ( حبيت أحذركم.. والله من وراء القصد )

[HORK]

كل واحد يحط علامة مخفية على ذاكرة جواله

بطاقة ذاكرة الهاتف



http://www.qatarshares.com.qa/data/509/512/storm_1180309312_1611044153.jpg


مرة رحت محل الجولات باحد المجمعات التجارية..

وعطيته ذاكرة الهاتف حتى ينقلها على الجوال.

قال عطني إياها..

وكنت جالس وبيني وبينه الطاولة المرتفعة..

المهم عطيته الذاكرة وجلست ولا شفت شنو جالس يسوي.

قال الذاكرة معطوبة.. لا يمكن الوصول للمعلومات.. قلت له أكيد.. قال إيه..

طبعا أنا مسوى عليها علامة صغيرة..

هو ما إنتبه لها..


وعطاني الذاكرة وقال خلها عندك يمكن يجي برنامج جديد يفتح بيانتها

قلت له ممكن تفتح الباب.. أبى أخش أشوف بنفسي..فتح الأخ..

وجيت مكانه والله إنى شفت كرتوون صغير فيه ذااكرات للجوالات.

لأنه يستبدلها بواحدة ثانية.

وأخذت الكرتون ؟؟؟؟!!!!!!!!

الأخ مواطن .. واللي معاه من جنسية 0000000 حذفتها لعدم الحساسية

قلت وين الذاكرة اللى عطيتك إياها.

قال هذه هي بيدك!!!.

وقلت واللي في الكرتون قال هذه معطوبات يعني خربانة

تفحصت اللي بالكرتون ولقيت ذاكرة جوالي.. تخيلوو..

قلت له هذه ذاكرتي وحاط عليها علامة يعني لتستبدلها.


إنه يستبدل ذاكرة جوالك بذاكرة معطوبة

ولما تروح يشغل ذاكرة جوالك ويشووف كل شي موجود فيها من صور وأفلام

ورسائل وأرقام

طبعا أنا رجال ما راح يلقى شي.


بس المشكلة في البنات

يعني يسوي نفس الطريقة اللي عملها معاي.

ويعطيها شريحة ذاكرة معطوبة

ولما تغادر المحل يشغل ذاكرة جوال البنت

ويا عين ما تشوف إلا النور

فأنتبهوا والحذر الشديد

طبعا أنا إشتكيت على صاحب المحل وسلمته للشرطة..

بس فيه أكثر من 100 محل.

وكلهم أجانب ونية أبو كلب عندهم..

ولا تنسون إن الهاتف أيضا فيه ذاكرة مخفية..

حتى لو تسون فورمات

يقدر يطلع اللي بالهاتف..


حبيت أحذركم.. والله من وراء القصد



من ايميلي الخاص

[hich]

جزاك الله خير........... موضوع حساس ومهم جدا جدا الرجاء من الكل الانتباه للموضوع

[بنت سعادة السفير]

الله يجززيكـ خير أخوووي على التنبيه
ياليت الكل يااخذ الحذر

[khaldoon]

thank you very much

[asadfg]

لاحول ولا قوالله الا بالله صج ناس ماعندها ضمير ولا تخاف من ربها والله لو منك بطحته ولعنت والد والدينه وعقب اتصلت بالمركز يسكرون المحل ويسجنونهم

[لمعة الماسة]

جزاك الله خيــر اخــوي
ناس ماتخــاف ربهــا
حسبي الله ونعم الوكيل

[جاسم القطري]

جزاك الله خير

[..الاميرة..]

حسبي الله عليهم ما فيهم لا ذمه ولا ظمير ..

الحمد الله عمري ما دخلتها ولا تعاملة معاها وإذا بغيت تلفون الافضل الاخوان هم إلي يتعاملون معاهم ..

وبعدين العتب عليكم ليه ترحون محلات الجواويل عشان تنقلون اشياء خاصه فيكم والاب توب والكمبيوترات عندكم بالبيت !!

الله لا يهينكم حطوا وصله عندكم بالبيت او الاب توب فيه مكان للممري كارد تقدر تنزل وتحذف إلي تبيه ..

افضل من التعامل مع هالمحلات ..

[بواردي]

انا لو مكانك
افصخ العقال واول واحد استلمه القطري راعي المحل
وابوه لابو الي مايستحي
عقب بالتفت للي يشتغل في المحل وانتوا بكرامه
بالنعال على بوزه
يعني الوحد يمكن حاط بيانات مهمة او عائلية
الشرهه مو بعلى المقيم
الشرها على ابن الديرة الي لام هالشكال

[hich]

حسبي الله عليهم ما فيهم لا ذمه ولا ظمير ..

الحمد الله عمري ما دخلتها ولا تعاملة معاها وإذا بغيت تلفون الافضل الاخوان هم إلي يتعاملون معاهم ..

وبعدين العتب عليكم ليه ترحون محلات الجواويل عشان تنقلون اشياء خاصه فيكم والاب توب والكمبيوترات عندكم بالبيت !!

الله لا يهينكم حطوا وصله عندكم بالبيت او الاب توب فيه مكان للممري كارد تقدر تنزل وتحذف إلي تبيه ..

افضل من التعامل مع هالمحلات ..

نصيحة ممتازة للأخوات بالذات

[بو الجوري]

الله يجزيك خير أخوي .. ..

[hich]

انا لو مكانك
افصخ العقال واول واحد استلمه القطري راعي المحل
وابوه لابو الي مايستحي
عقب بالتفت للي يشتغل في المحل وانتوا بكرامه
بالنعال على بوزه
يعني الوحد يمكن حاط بيانات مهمة او عائلية
الشرهه مو بعلى المقيم
الشرها على ابن الديرة الي لام هالشكال

موب كل من لبس غترة وعقال قطري يأخوي

[متابع بصمت]

جزاك الله خيرا

ومشكوووور علي التنبيه

[العـوا]

جزاك الله خيراا

[بواردي]

موب كل من لبس غترة وعقال قطري يأخوي

يعني شقصدك اخوي
انت شفت بنغالي لابس غترة وعقال
ولا مسوي ترمبه

الاخ قال قطري
وانت تبي تطلعه انه موبقطري
لا يكون انت الي حققت في الموضوع:anger1:

[ليث العرين]

جزاك الله خير وبيض الله وجهك

بس لا نعمم

هنالك من يعمل بذمه

[شاهين]

[QUOTE=HORK;4041634]
[B]

كل واحد يحط علامة مخفية على ذاكرة جواله

بطاقة ذاكرة الهاتف



http://www.qatarshares.com.qa/data/509/512/storm_1180309312_1611044153.jpg



[COLOR="Navy"]الأخ مواطن .. واللي معاه من جنسية 0000000 حذفتها لعدم الحساسية

.

[SIZE="5"][CENTER]جزاك الله خير على التنبية
بس ذكرت جنسية صاحب المحل
وماذكرت اللي يشتغلون معاه
ليش ... هل القطري ماله حق في الستر حتى لو أرتكب جريمة
وباقي الجنسيات يحق لهم الستر
مثل مانقرا في الجرايد
اذا جريمة أرتكبها مواطن يذكرون انه مواطن
واذا من جنسية أخرى
يكتفون أنه وافد او مقيم


يعطيك العافية

[أحلى وسيطه]

جزاك الله الف خير أخوي

[بنتكم]

جزاك الله الف خير ع التنبيهـ

وحسبي الله وهو نعم الوكيل والله بالمرصاد لاصحاب النوايه الشينه

الله يستر علينا

[Ghost]

جزاك الله خير

[بـن عدوان]

مشكور على النصيحه اخوي وقواك الله

وانا شخصيا جربت اني افرمت الميموري كارد

ببرنامج رجعت كل شي ^_^

حاسبوا والله يستر ع المسلمين

[جادووور]

الحمد لله جوالي مافيه شي ومستحيل اتصور فيه او اصور بناتي والله استغرب من البنات اللي قاعده تتفنن بالقطاتها في الجوال اشلون لو ضاع الجوال عليج بعدها مايفيد الندم

[فهد111]

انا الحمدلله لا اروح محلات الجوال ولا ادخلها جوالي يقعد معاي لين يغبر اروح اشتري غيره وهذا احطه في الدرج

[قطر دزاين]

علشان كذا تنتشر صور بالانتر نت
حسبي الله عليهم

[وطن]

حسبي الله ونعم الوكيل
الحمدلله احاول اني ما احط اي صور شخصية ع الجوال كثر ما اقدر

[ALRAYYAN]

ياجماعه المفروض احنا نكون حذرين بعدم تصوير اهالينا وشوفاتنا من البداية
وبالنسبه للبنات عدم احتفاظهم بصورهم وصور مناسباتهم في الجوال لأنه معرض
للسرقه .. للفقدان .. للبيع .. للذي ذكره اخونا صاحب الموضوع من بعض اصحاب المحلات
احنا اللي نحمي انفسنا ماننتظر حد يحمينا .. كلنا نعرف نفكر ونعرف عواقف هالسوالف
جزاك الله خير اخوي على التنبيه وفي ميزان حسناتك يارب

[صمت القلوب]

انا الحمدالله ...انا والاهل مو من النوع اللي نبيع بالميموري ...والله قلبي طاح من هالشي ...
جزاك الله خير ..وجعله في ميزان حسناتك ...

وانشالله بنبه اللي معاي ...وكلمه شكر قليله عالتبيه ...

حسبي الله فيهم ونعم الوكيل

لاهنت اخوي هورك ..

اختك

صمت القلوب

[شيخ ش قطــر]

صج كلب وخسيس المفروض ابعاد واغلاق المحل على طول هذا انت كشفته شوف ضحايا
اشكثر

شكرا على التحذير

[HORK]

السلام عليكم

اخواني الكرام اعضاء المنتدى

انا كتبت تحت التقرير

من ايميلي الخاص


الايميل جاني اليوم الظهر وعرضته عليكم

وهذا تحذير حقيقي جدا

يا اخوان هناك برامج خطره جدا جدا

انا شخصيا قمت بتجربة هذه البرامج في الدوام

على جوالات الاصدقاء وتحت اشراف اصدقائي وفي وجودهم

والله يا اخوان النتائج كانت مدمره لكل توقعتنا

قمنا بعمل فورمات للميموري بكل الطرق

واصعب طرق الفرمته للمحترفين

النتيجية ان هذه البرامج على استعداد ان تستعيد كل شيء

في الميموري من اول لحظة استخدام للميموري

يعني مهما مسحت مهما فرمت مهما سويت كل شيء يرجع في دقائق

ونفس الكلام على اجهزة الكمبيوتر والهارديسكات والفلاش ميموري

[Store]

جزاك الله خير

[ذيبه مزاجيه]

جزاك الله خير على التنبيه ..

وانا الحمدلله كل جوالاتي و بطاقات الذاكره في البيت اختبر ما اخترب كله واحد ..

الله يعيننا على هالاشكال اللي لا ذمه و لا ضمير

الله لا يبلينا ..

[سهم مديون]

يعطيك العافية على التنبية!

[ROSE]

الله يجزيك الخير على هالتحذير اخوي

انا طبعي لا ابيع جوال ولا كمبيوتر ولله الحمد مع اني مااحب اصور بالجوال

بس فيني طبع اي جوال مابيه او استبدله في ايد عيالي على طول

بارك الله فيك اخوي

[ضوى]

الصراحة انا استغرب من اي بنت ليه تصور بالجوال ؟؟؟

الكاميرات كثيرة والخيارات واااايد ليش الا الجوال ؟؟

الله يستر علينا وعلى بناتنا اللهم امييييييييييييييييييييييييييييين

ومانقول الا حسبنا الله ونعم الوكيل في كل شخص يهتك ستر البنات

[كيفـي]

لا حول ولا قوة الا بالله العلي العظيم..

يعني أفضل حل اذا اخترب نكسر الجوال..!!

وحسبي الله ونعم الوكيل على كل من تسول له نفسه في التجسس او فضح عرض خلق الله..

وجزاك الله خير اخوي على التنبيه..!!

[qtr1]

جزاك الله خيــر اخــوي

[شموخ دائم]

,

,


تسلم اخوي على التنبيه

جزاك الله كل الخير

هذه الحادثه في المملكه العربيه السعوديه وليس في قطر

مع الشكر لك

والله يستر على الجميع والحذر مطلوب دائما

وضعاف النفوس بكل مكان وبكل دوله وديره

دمت بطيب




,

,



اخوك


شموخ دائم

[qatari79]

ما نقول ألا حسبنا الله ونعم الوكيل من اللي نفوسهم دنيه و لا لهم لا ذمه و لا ضمير ، هذول ما يخفون أن تصير لأخته لامه لابوه أو أحد من أقربئه ، أن لله وان إليه لاراجعون

[شـعـشـبـونـه]

فيك الخير اخوي ... الله جزاك خير اشكرك عالتنبيه ..