هل هذا الفعل قانوني ؟بيع الباركينج (بيع موقف السياره)

[king fish]

الموضوع يمكن طرح من قبل بس أنا شايف ان الأمر زاد من الهنود وصار الهندي ينزل يحجز الموقف بجسمه في الموقف الموقف مجاني لحد ما يأتي صديقه الهندي !!!!
شفت هندي خلى واحد من الشباب ياخذ مكانه واخذ فلوس منه وراح يلف يدور موقف اخر
هل هناك قانون يحضر هذا الفعل ؟؟؟

[بابا الضحية]

هاهاههاهاههاه حلوه يبيله خوش تجارة

[GPC]

نفس الموقف صار معي في فيلاجيو عند بوابة امطاعم ودفعت له 10 ريالات

[nasser 519]

اي عادي فهل زمن توقع كلشي

روح الستي الله مكثرهم يوقف وعطه عشر وصف

[حمد]

نفس الموقف صار معي في فيلاجيو عند بوابة امطاعم ودفعت له 10 ريالات

يعني احنا الي نساعدهم ان يتمادون .... دفعنا حق واحد... بكره تحصل عشره غيره يشتغلون هالشغله

روح له ... وقول له ... اذا ماطلعت وانت ساكت باعلم الشرطة .... بتشوفه يراكض بالشارع

[Qa10]

غير قانوني

لانه هالمواقف مخصصة للسيارات

واذا شفت واحد بهالمشهد ادعمة وصف :)

وفوق هذي ارفع عليه قضية وطالب بالتعويض لانه تسبب بتخريب مزاجك وروحتك

[بابا الضحية]

واذا شفت واحد بهالمشهد ادعمة وصف :)

شدعوه حرام عليك ؟؟؟

لاا انت قله انا في يجيب شرطه حق انت وخلاااص !!!شدعوه تدعمه ؟:omg:

[king fish]

غير قانوني

لانه هالمواقف مخصصة للسيارات

واذا شفت واحد بهالمشهد ادعمة وصف :)


المشكله هندي مايسوا على الواحد
بس أنا اتوقع اذا زاد الموضوع بنشوف عشرات او مئات الهنود في المواقف

[سلمى76]

بس قوله بتصل عالشرطة

[سمو انسان]

امس رحت فيلاجيو
شفت هندي واقف فالموقف يعني واقف فالوسط ما في سياره قربت احذاه قال بارك مال انا صديق قلت له شنو؟ قال كم يعطي ، نشعته اول كاني بدعمه نقز من مكانه وصفيت وبدون ما اتكلم معاه عطته بولباس نزلت خلصت حاجتي وهو للحين واقف، شفت رجال قطري يدور موقف اشرت له وخليته يصف مكاني ولا هل هندي يستفيد.


انا الله يسلمك نزلتا موضوع قبل عن هذى الظاهره اول ما نزلت وغلب الردود كانت ضدي

[ثاني]

واحد من ربعي قالي انه راح الستي سنتر وحصل هندي عنده موتر وصاف وقاله يبي يوقف هينا ادفع 50 ريال وخذ موقف
ههههههههه
والله مصخرة
ومبين ان هالهندي دريول ماخذ سيارة الكفيل ورايح الستي ويدور مواقف ويصف ويقعد يبيع المواقع
لو انا مكانه بقولة انا بيدفع حق انتا 100 ريال وبصف موتري وبسحب عليه ومب دافع له شي وفيه ابوه خير يكلم الشرطة

[قطـ VERTU ـر]

ابشركم سعر الموقف وصل 20 ريال في الستي .. يوم الخميس والجمعه ..

" اضطريت " اني ادفع حق راعي بيكم عشان يشل سيارته واصف مكانه ..

[سمو انسان]

شدعوه حرام عليك ؟؟؟

لاا انت قله انا في يجيب شرطه حق انت وخلاااص !!!شدعوه تدعمه ؟:omg:

هو ما يقصد ادعمه يعني قوم الموتر بصوت وخله يوخر وصف :)

[كرستال]

احنا الي مقوين عينهم علينا

ليش ندفع لهم ... اهم مو من طرف المجمع عشان يتحكمون بالمواقف



والله ادخل عليه عرض واقوله جيب بطاقتك اشوف انت شغال هنيه ولا لاا

واتصل بالشرطة اذا مصخها

[مرتبش]

افا
قصو عليكم
سوووري ما حصلت رد افضل..

[بابا الضحية]

هو ما يقصد ادعمه يعني قوم الموتر بصوت وخله يوخر وصف :)


شكرا للتوضيح:nice:

انا افتكرت يدعمه:omg:

[وطن]

من سنتين تقريبا صادني هالموقف في الستي سألت دريول هندي ماشي وين الموقف ماله
قال لي يبي باركينغ 50 ريال
ما دفعت له ولا خذت موقفه

ولو صادفني مثل هالموقف مره ثانية
بقول له بطلب لك الشرطة

[فهد111]

نفس الشي في سوق واقف كنت ادور موقف الى هندي يوقفني ويقولي عطني ويأشر بأصابعه الخمس عبالي يقصد خمسه ريال الى قلت له خمسه ريال قعد يبتسم ويقولي لا بابا كمسييين ريال قلتله تاخذ فلوس البحرين؟ قال ايه كان عندي نص دينار بحريني في موتري عطيته وقلتله هاي خمسين قطري استانس الهندي وحرك موتره بسرعه

[@محمد@]

هذه ظاهرة تم إكتشافها حديثا

وماذا عن الاشياء التي لانعلمها معقولة هنا من يكون مكتوفي الايدي وينتظر بلاغ شكوى

[ALRAYYAN]

اسمحولي .. الاعضاء اللي يقولون انا دفعت وانا اضطريت ادفع هم المصيبه
شلون تدفع لشخص عشان تاخذ مكان مب له اصلاً
انتوا اللي تشجعونهم على هالافعال وبسببكم بنشوف افعال أكثر من هذي
ماتبون تنتظرون .. ماتبون تاخذون لفتين ثلاث لين تلقون مواقف
تنزلون نفسكم لهالنصابين بس عشان تصفون مكانهم
عيب والله العظيم عيب .. وتلومون هالهنود لين قالوا ( هذا قطري واجد فلوس مايعرف وين يودي فلوس )
اقسم بالله انا لو يصادفني هالموقف يا ان الهندي مايبات الا في المركز وانا اعرف شلون اخليه يبات في المركز
الله يهديكم بس

[ALRAYYAN]

امس رحت فيلاجيو
شفت هندي واقف فالموقف يعني واقف فالوسط ما في سياره قربت احذاه قال بارك مال انا صديق قلت له شنو؟ قال كم يعطي ، نشعته اول كاني بدعمه نقز من مكانه وصفيت وبدون ما اتكلم معاه عطته بولباس نزلت خلصت حاجتي وهو للحين واقف، شفت رجال قطري يدور موقف اشرت له وخليته يصف مكاني ولا هل هندي يستفيد.


انا الله يسلمك نزلتا موضوع قبل عن هذى الظاهره اول ما نزلت وغلب الردود كانت ضدي

انا اشهد أنك كفو :)

[king fish]

الملاحظ ان الهندي مايقول هالكلام الا للمواطن لانه يعرف ان المواطن راح يدفع
ما شفت او سمعت وقف او عرض الموقف للاجنبي لانه يعرف الاجنبي ما راح يدفع
راح يوقف ويطنش اذا تم الشباب يدفعون راح تصبح تجاره الموضوع جدا سهل للقضاء على هذه الضاهره اذا شفت هندي بالسياره او بجانب السياره او وجه السياره للامام اعرف انه تاجر(:telephone::telephone::telephone:)
خليه يطلع وقف مكانه ولا تعطيه ريال لاتقول حرام مسكين هالمكان اذا هو ليس له فيه حاجه لايوقف هناك العديد من العوائل والاطفال بحاجه للموقف

[أمة الله]

مب أحسن له واحد يبيعني موقف!

[(الفيصل)]

اسمحولي .. الاعضاء اللي يقولون انا دفعت وانا اضطريت ادفع هم المصيبه
شلون تدفع لشخص عشان تاخذ مكان مب له اصلاً
انتوا اللي تشجعونهم على هالافعال وبسببكم بنشوف افعال أكثر من هذي
ماتبون تنتظرون .. ماتبون تاخذون لفتين ثلاث لين تلقون مواقف
تنزلون نفسكم لهالنصابين بس عشان تصفون مكانهم
عيب والله العظيم عيب .. وتلومون هالهنود لين قالوا ( هذا قطري واجد فلوس مايعرف وين يودي فلوس )
اقسم بالله انا لو يصادفني هالموقف يا ان الهندي مايبات الا في المركز وانا اعرف شلون اخليه يبات في المركز
الله يهديكم بس
:nice:

[طاير]

؟!!!

والله غريب ! بصراحه هالظاهر زااادت عن حدها !
والله لا ادعمه واطلب له الشرطة :)

انا شفت في قيلاجيو في الويكند دائما شباب لبنانيين ايصفون في صف من المواقف ويكتوب عليه في اي بي واتصف بعشرين ريال
الفكره في البداية حلوه عشان ما تلف وتدور موقف وخصوصا انه ادارة المجمع عندهم خبر عنهم لأنهم كل ويكند موجودين ومعاهم لوحات معلقينها ..

لكن توصل السالفة لكل مكان حتى مواقف الستي وسوق واقف !!

الله المستعان

[لوسيل]

:) وأنا أقول شفيهم الهنود شكلهم معصبين علي من كم يوم صوب جرير ... عجزت وأنا أدور موقف ولا أشوف موقف فاضي وفيه هالهنود واقفين في نص الموقف ماكثرت خبر نشعت الموتر صوبهم وأنا حاشرهم بالفول ولا هم ناقزين ونزلت وأنا اقوله شفيك زعلان ؟؟ قالي مافي شي بابا :)

أثاريهم ينطرون واحد ينصبون عليه وجيت نشبت بحلوقهم :nice:

[أحلى وسيطه]

والله حلات الدوريات اللي يخالفون وسط الباركنات يشوفون اي دريول صاف السياره وناطر فيها يطلعونه من الباركنغ ... لأنه اذا ينطر عائله كفيله مثلا يقدر ينطرهم برع المجمع ويطلبونه بالتلفون ويوقف لهم عند الباب كالمعتاد عليه

اما أي دريول واقف وقاعد في السيارة يطلعونه

[الطيبة كلها]

يخسون يسوون ها الحركه معاي واسكت عنهم

[dr glp]

بصراحه من سنتين كل ما ادخل الستي او سوق واقف ادفع فلووووس للمواقف تتراوح بين 20 الى 50

مره رحت الستي يوم الخميس رايح اتعشى ونحظر فلم ورفيجي جاي بالطريق انا وصلت قبله ودفعت 50 ريال للموقف وصل رفيجي وحصل هندي قاله اطلع بعطيك 20 ريال قاله (نفر يعطي 50 ريال انتا يعطي 20 لا مافيه) هههههههههههههههههه ورفيجي عطاه 50 ريال بس عشان ينزل بسرعه وقالي السالفه طلع الهندي نفس الهندي اللي عطيته انا 50 ربح 100 ريال .

[كيفـي]

المصيبة مب في الهنود..

بقدر من يخضع ويرضخ ويدفع وينذل..!!

لماذا ترضون الذل والمساومة؟؟

والا تعالوا شوفوني انا (دفييع)..!!

(قالوا لفرعون : ليش متفرعن .. قال : مالقيت حد يردني)..!!

انتم تساهمون في تفاقم بعض الظواهر الاستغلالية..!!

لما يتم السكوت على مثل هذه التصرفات..

يعني لو اعرف ان دريولنا يسوي مثل هالحركة..

وقسم بالله اخلي كل العايلة تشرشرحة..!!!

لازم يوقفون عند حدهم..

بعض الدريولية اصبحوا عصابات.. نصب ونهب..إلخ

وحسبي الله ونعم الوكيل..!!

[بو الجوري]

والله المشكله مب فالهندي .. المشكله فاللي يدفع ..
شلون الهندي جاته الفكره .. شاف المواطن بطران ..
وجاه واحد قاله تخليني اصف باعطيك 50 !!!

فالهندي قال آهااااا قطري يحب يدفع فلووووس .. عشان هو ما يبي إنتزار واجد .. هو يدفع فلوس ويشيل باركنج جلدي ..


الله يهديكم ياللي تدفعون .. عيزانيين تلفون شوي إدورون موقف !! :anger1:

[stocker]

السلام عليكم ورحمة الله وبركاته

اشكركم جميعا على الردود الطيبه واشكر راعي الموضوع على الطرح المميز

اما فيما يتعلق بها الظاهره فالسبب يرجع لنا وهذا السبب اللي يخلي الخدم يشيخون علينا ويعصون اوامرنا
وتحصل نفسك تتعب وتعلم وتفهم ويعل قلبك الله يهديهم ويجي عقب يبي زياده ولو ماعطته يروح لغيرك
والعيب الثاني الخدم اللي حق المطراش لا طرشته بيت عمك او خالك راح العم او الخال او اهل البيت وفلوه فلوس وعطوه ولا قلت لهم ليش عطتوه قالو مسكين ومحد مسكاكين الا احنا
والله العيب كله فينا احنا

واسف على الاطاله

[بيانو]

اسمحولي .. الاعضاء اللي يقولون انا دفعت وانا اضطريت ادفع هم المصيبه
شلون تدفع لشخص عشان تاخذ مكان مب له اصلاً
انتوا اللي تشجعونهم على هالافعال وبسببكم بنشوف افعال أكثر من هذي
ماتبون تنتظرون .. ماتبون تاخذون لفتين ثلاث لين تلقون مواقف
تنزلون نفسكم لهالنصابين بس عشان تصفون مكانهم
عيب والله العظيم عيب .. وتلومون هالهنود لين قالوا ( هذا قطري واجد فلوس مايعرف وين يودي فلوس )
اقسم بالله انا لو يصادفني هالموقف يا ان الهندي مايبات الا في المركز وانا اعرف شلون اخليه يبات في المركز
الله يهديكم بس




ماكنت حابب اشارك

ولاكن ردك شدنى ومن افضل الردود اجابيه بل هو الافضل

حينما تعطيه فلوس وانت عارف ان هذه الارض ليست للبيع او للاجار ( فأنت الغلطان ) اذا قمت بهذا التصرف ولا تلوم غير نفسك


أخــــى
ALRAYYAN

تقبل كل احترامى

[بيانو]

امس رحت فيلاجيو
شفت هندي واقف فالموقف يعني واقف فالوسط ما في سياره قربت احذاه قال بارك مال انا صديق قلت له شنو؟ قال كم يعطي ، نشعته اول كاني بدعمه نقز من مكانه وصفيت وبدون ما اتكلم معاه عطته بولباس نزلت خلصت حاجتي وهو للحين واقف، شفت رجال قطري يدور موقف اشرت له وخليته يصف مكاني ولا هل هندي يستفيد.


انا الله يسلمك نزلتا موضوع قبل عن هذى الظاهره اول ما نزلت وغلب الردود كانت ضدي




كــــفـــــــــــو

تصرفك صحيح 100% مع مثل هذه الاشكال

[الطائر الحائر]

المشكله هندي مايسوا على الواحد
بس أنا اتوقع اذا زاد الموضوع بنشوف عشرات او مئات الهنود في المواقف

واذا شفنا عشرات أو مئات في المواقف ... أكيد بنشوف عشرات ومئات ضحايا ومدعوسين تحت التواير:nice:

[المشتاقه الى الجنه]

الغلط مش على الهندي الغلط منا
ليش نعطي الهندي ونشجعه على الغلط المفروض نهدده بالشرطه ولا نعطيه شيء

[ALRAYYAN]

بصراحه من سنتين كل ما ادخل الستي او سوق واقف ادفع فلووووس للمواقف تتراوح بين 20 الى 50

مره رحت الستي يوم الخميس رايح اتعشى ونحظر فلم ورفيجي جاي بالطريق انا وصلت قبله ودفعت 50 ريال للموقف وصل رفيجي وحصل هندي قاله اطلع بعطيك 20 ريال قاله (نفر يعطي 50 ريال انتا يعطي 20 لا مافيه) هههههههههههههههههه ورفيجي عطاه 50 ريال بس عشان ينزل بسرعه وقالي السالفه طلع الهندي نفس الهندي اللي عطيته انا 50 ربح 100 ريال .

ماشاء الله .. ومستانس ان صار لك سنتين تدفع لهم ؟!!
شتبي تثبت لنفسك يعني .. أنك انت دفيع الغبر !!!!!!!!
والله انك ورفيجك مضحكه حق هالهنود

[مروض المهـرة]

انا صارت معاي في مواقف مستشفى الولادة الفتره الصباحية اشر لي هندي قاعد في السيارة في الموقف على بالي اني كسرت خاطره قال يبي موقف جيب 20 قلت له تامر عطيته وصفيت موتري ونزلت ورحت له طلعت 50 قلت هات ال 20 باعطيك 50 انت واجد زين لو ماعطيتني الموقف مالك ماوقفت اليوم رجع لي ال 20 وحطيتها مع الخمسين في مخباي ومشيت عنه واتمنى من الجميع يتعامل معاهم بنفس الطريقة عشان ما يتمادون
تحياتي .........

[abdulla999]

ليش الدفع لايكون المواقف مواقف ابوهم مش احسن له لي يطلب مني فلوووووووووس

[المشتاقه الى الجنه]

انا صارت معاي في مواقف مستشفى الولادة الفتره الصباحية اشر لي هندي قاعد في السيارة في الموقف على بالي اني كسرت خاطره قال يبي موقف جيب 20 قلت له تامر عطيته وصفيت موتري ونزلت ورحت له طلعت 50 قلت هات ال 20 باعطيك 50 انت واجد زين لو ماعطيتني الموقف مالك ماوقفت اليوم رجع لي ال 20 وحطيتها مع الخمسين في مخباي ومشيت عنه واتمنى من الجميع يتعامل معاهم بنفس الطريقة عشان ما يتمادون
تحياتي .........

والله يستاهل إلي سويته مواقف بلاش من الدوله وندفع للهنود والله ماتسوى علينا

[bus3od]

بصراحه من سنتين كل ما ادخل الستي او سوق واقف ادفع فلووووس للمواقف تتراوح بين 20 الى 50

مره رحت الستي يوم الخميس رايح اتعشى ونحظر فلم ورفيجي جاي بالطريق انا وصلت قبله ودفعت 50 ريال للموقف وصل رفيجي وحصل هندي قاله اطلع بعطيك 20 ريال قاله (نفر يعطي 50 ريال انتا يعطي 20 لا مافيه) هههههههههههههههههه ورفيجي عطاه 50 ريال بس عشان ينزل بسرعه وقالي السالفه طلع الهندي نفس الهندي اللي عطيته انا 50 ربح 100 ريال .

يا خطييييير أنا أشهد انك بطرااان خلاص من بكره بوقف فالمواقف عشان أقص على الناس اللي نفسك على الأقل أنا ولد البلد أولى من الهنود والا أنا غلطان

[برق لمع]

انا لو كنت شاب وشفت هندي واقف في الموقف من غير سيارة بقصد انه يحجزها لحد ثاني
احس بدوسه وهو واقف بسيارتي والله قلة ادب وجراءة خايسه
لابوووه لابوووو .......

[فارس قطر]

لاتعاند الهنود عطهم عشرة ريال وفتك ولا وقف بعيد ورتاح

واحد من الربع شامخيين لة السيارة وانا بنجرو لى السيارة في الستي

يمكن وزارة الداخلية ماتدري عنهم

يشوفونة واقف عند سيارة لو سئلوة شتسوى اهني

قالك انا جايب ماما ولا جايب بجاة

[king fish]

لاتعاند الهنود عطهم عشرة ريال وفتك ولا وقف بعيد ورتاح

واحد من الربع شامخيين لة السيارة وانا بنجرو لى السيارة في الستي

يمكن وزارة الداخلية ماتدري عنهم

يشوفونة واقف عند سيارة لو سئلوة شتسوى اهني

قالك انا جايب ماما ولا جايب بجاة


المفروض يكون هناك متابعه من ادارة المول سواء في الفلاجيو اواو الستي وبعدين اذا شامخين له السياره في مواقف الستي اظن في كاميرات مراقبه يروح يشييك مع امن المجمع
بس اعتقد المسؤوليه على ادارة المجمع لمن هذه الضاهره وعلاجها بسيط وضع امن في مواقف السيارات كم في المداخل

[king fish]

انا لو كنت شاب وشفت هندي واقف في الموقف من غير سيارة بقصد انه يحجزها لحد ثاني
احس بدوسه وهو واقف بسيارتي والله قلة ادب وجراءة خايسه
لابوووه لابوووو .......

:telephone:

[Store]

العيب من الناس لازم يوقف اقرب موقف عند الباب المفروض يكون في امن اول مايجي الدريول يوقف في موقف ويقعد ينطر في السياره يطلعونه ويكون في مواقف مخصصه للصبيان والسواقين بعيد عن ابواب المجمعات عشان الناس تقدر تحصل موقف انا صارلي اكثر من مره هالموقف يجي صبي او دريول يعرض علي موقف اسوي نفسي ماشوفه وانطر لين احصل بس مستحيل ادفع لان اذا انا دفعت وغيري دفع هني راح تفاقم المشكلة .. و الله المستعان

[شاهين]

ياليت أشوف هندي مسوي نفس اللي قلته...

[وطن]

لاتعاند الهنود عطهم عشرة ريال وفتك ولا وقف بعيد ورتاح

واحد من الربع شامخيين لة السيارة وانا بنجرو لى السيارة في الستي

يمكن وزارة الداخلية ماتدري عنهم

يشوفونة واقف عند سيارة لو سئلوة شتسوى اهني

قالك انا جايب ماما ولا جايب بجاة

حلها سهل
بطلع الكاميرا وبصوره
طبعا هو اول ما بيشوف الكاميرا بيبهت ولا بيتحرك


وبقول له شوف هذي صورتك
وتوقف هني تحرس سيارتي
اي شمخ يصير فيها اخلي الشرطة يجيبونك وبقول انت شامخها

:victory:

[جاسم القطري]

يعني احنا الي نساعدهم ان يتمادون .... دفعنا حق واحد... بكره تحصل عشره غيره يشتغلون هالشغله

روح له ... وقول له ... اذا ماطلعت وانت ساكت باعلم الشرطة .... بتشوفه يراكض بالشارع

هالاشكال ما يجوون الا بالعين الحمرا

مادام تعطونهم ويه لاتشتكون

[جاسم القطري]

لاتعاند الهنود عطهم عشرة ريال وفتك ولا وقف بعيد ورتاح

واحد من الربع شامخيين لة السيارة وانا بنجرو لى السيارة في الستي

يمكن وزارة الداخلية ماتدري عنهم

يشوفونة واقف عند سيارة لو سئلوة شتسوى اهني

قالك انا جايب ماما ولا جايب بجاة

يسوون له كمين ويسطرونه تسطر طبعا الخبر بيوصل حق كل الهنود اللي بقطر

خلال خمس دقايق وبيشردون :nice:

[eXpert*]

الشرهه مب على الهندي ، الشرهه علينا احنا اللي ندفع حتى على الشئ المجاني.

ياخي روح وقف بعيد وامش للحين الجو حلو ماجات الرطوبة ،، احنا اللي نخلي العالم تستغفلنا بسبب الواحد يبي يتفشخر ويوقف قدام اقرب بوابة وكسلان يمشي كم متر.

[موظف بالبورصه]

حصلت لي اكثر من مره ,,

واقوله اوكي ,, بس اغلبهم يكونون واقفين بمواترهم ينتضرون ناس داخل ,,

فدام انه فاظي يشوفله شغله ,,

انا اقوله اوكيه ويطلع واصف مكانه واقوله روح خذها من الشرطه ,,

مافي الا واحد هيس عرفلي قالي ادفع اول :rolleyes2:

طبعا هذا الشي غلط نعلمهم على الاستقلال واكثريتهم بيسوون هالشي ,,

وطبعا مايسوونها الا مع القطرين لانه يدري انه بيدفع بس اهم شي يحصل موقف قريب الباب ,

[فلفل حار]

يعني احنا الي نساعدهم ان يتمادون .... دفعنا حق واحد... بكره تحصل عشره غيره يشتغلون هالشغله

روح له ... وقول له ... اذا ماطلعت وانت ساكت باعلم الشرطة .... بتشوفه يراكض بالشارع

بس بأي حق وأي قانون انك بتطلعه من الموقف بدون وجهه حق ..؟!:secret:

//لايسمعونك حقوق الانسان بس ....:telephone:




امممممممممم

لا تعليق على الموضوع

ولو تجرأ الهندي وقالك عطني فلوس .... اهني روح جرجره .... لكن ان القطري يجيه ويقوله اطلع وبعطيك فلوس ..؟!

الخطأ متشارك:omen2:

ويعطيكم العافيه .... :)

[Qa10]

حسبي الله على اللي دفع مب على الهنود

المفروض يجرة من رقبتة للمركز

واذا مصخها يستخدم القمع !

[جمال اليافعي]

والشرطه نايمه في العسل :)

[eclipse]

والله الصراحه انا سويتها مره كنت ادور موقف فالستيي عشان انزل السينما وكنت متأخر وابي اللحق بس الهندي كان عجيب قلت له باعطيك عشرين وعطني الموقف
قالي لا بابا انا يبي 10 ريال
الظاهر العشرين كانت بتعفس ميزانية المشروع عليه
لوووووووول

[eclipse]

شدعوه حرام عليك ؟؟؟

لاا انت قله انا في يجيب شرطه حق انت وخلاااص !!!شدعوه تدعمه ؟:omg:

الا واللله بادعمه وباخليه يسلم على عمود الشفت تحت:taunt::taunt:

[][ الوحيد ][]

مرة كنا فالستي ومتأخــرين على الفلــم @@
أشــر لنا واحد فالباركنق وقال تبوني اطلع وتاخذونه قلنا له اوكي
قال بــ 30 ريال @@
قتله اوكي .. ويوم فتحت البوك ماحصلت الا 50 وفوق @@
عطيته الخمسين ورجع لي 20 @@

[صاحب صديق]

الاخ اللي يقول الشرطه نايم هفي العسل لا والله مب نايمين لكن وين نشتغل وانتوا تدفعون بدون ما تقولون لنا

ولا تشتكون تدفعون وبس وهذي مشكلت اهل قطر الدفع والزبو تحياتي للجميع

[فارس قطر]

حسبي الله على اللي دفع
مب على الهنود

المفروض يجرة من رقبتة للمركز

واذا مصخها يستخدم القمع !

افا ماتوقغناها تجي منك لسيش تسبنا
عطنا اذا عندك حل



انا اشك
ويمكن احد من ادارة ستي هي الى دازة الهنود
لان الادارة عندها علم بلي يصير في مواقف الستي وكم مرة اشتكينا
حتى في وطني الحبيب لاكن دون جدوى
قلنا نساير الهنود احسن عشرة ولا عشرين ماتفرق معانا
هم يغسلون السيارة وهم يحافظون عليها

[سمو]

سمعت وشفت بس ما اقول الا من جعل نفسه سبوس العبت به الدجاج

مثل هاذي الظواهر احنا نتحكم في ظهورها من عدمه يا ريت يتكاتف المجتمع في التصدي لها حتى ما تنتشر ولا من كثرهم ترى والله ما راح نحصل لا موقف قريب ولا بعيد بيحتلونها وعاد تعالوا شوي شوي وبيرفعون المبلغ ..

اقلها خلونا نشجع الي نعرفهم بالتبليغ عنهم او عدم الاستجابه وخل نمشي شوي لازم موقف قدام المدخل الحركه بركه

[..er..]

صارت لي اكثر من مره بالستي وسوق واقف وكنت مجبور اني افله شوي عشان يتزحزح بسيارته :p


اما الي في الستي ماكان يبي فلوس ههههه


قال ابي رصيد للتلفون :(

[مبتدئة]

اسمحوا لي،،
لكنه تصرف في قمة الغباء..

يهز لي طوله واذا أبي الموقف ادفع له
والله احشرررررررررره بالهررررن لين تنسد اذنه بعدين انادي له الشرطة ونشوف من اللي معاه الحق

كنت مع ابوي مرة في الستي ندور موقف الا واحد واقف وقفة الطابور يا بلفيت حاجز الموقف
يقول حق ابوي: صديق مال انا يجي
قاله ابوي: قمممممممم مناك لا ادعمك

ونقززز راح يدور له موقف ثاني

[Arab!an]

انا من فتره اشتريت ضمير واحد منهم وعطاني موقفه :nice:
< الله اللي رزقه
بس ..

اذا كان الهندي ينتظر ناس مافي مشكله .. بس اذا انقلب الموضوع تجاره وكل واحد ياخذ سياره كفيله ويروح الستي .. لا

اتمنى تواجد للشرطه او التحريات لمنع الحاصل قبل لا يصير ظاهره