درابزين وابواب [الأرشيف] - منتديات شبكة الأسهم القطرية

تراثكم

26-04-2009, 09:55 AM

السلام عليكم
تعبت وانا ادور على محل يسوي لي درابزين وابواب للبيت سواء الومنيوم مشغول أو حديد مشغول بس يكون مرتب

الصراحه انصدمت في الاسعار مابين 85 الف وفوق 100الف
ادري بتقولون مبالغ بس هذا اللي صار

حد يعرف محل شغله زين وسعره أزين

وشاكر لكم

شموخ دائم

26-04-2009, 01:06 PM

,

,

مرحبا اخوي

الله يعينك على التشطيبات سحب فلوس وما تلحق

:)

معادله شغله زين ورخيص ما بتحصلها بالسوق

في شغل زين وغالي

وفي شغل عادي ورخيص

احسن الشركات الموجوده

شركه درابزين

شارع سحيم

www.drabzinco.com

الملكيه

في الغرافه

وعندك

مركز تشكيل المعادن

وعندك

فن المعادن

ناحيه اشارات المجنون

السعر الذي ذكرته الظاهر المنيوم مشغول

وفيه ديزاين شغل ثقيل

وهذا غالي لانه يعيش فترات طويله ومقاوم للصداء وما يخرب

اعمل حديد مشغول ويعطونك ضمان عليه 5 سنوات

وبيكون سعره معقول ان شاء الله

والله يهنيك في بيتك يارب

وبيت مبروك

,

,

اخوك

شموخ دائم

تراثكم

26-04-2009, 10:44 PM

هلا اخوي شموخ

تدري بقول لك ي بتضحك ...
رحت حق اللي يسوون الومنيوم مشغول قلت سعركم غالي قالوا لي الحديد ارخص لانه عادي ام الالومنيوم شغل عدل واغلى

غيرت ورحت اللي يسوون الحديد المشغول طلع اغلى وقالوا لي الحديد احلى واغلى اما الالومنيوم قالب ويصبون فيه الالومنيوم مافيه فن مثل الحديد.

الحين في يدي عرض سعر حديد مشغول ب 109 آلاف

حسيت ان السالفه فيها نهبه الصراحه ... الظاهر يشوفون البيت كبير يقولون (هيدا عندو فولس كتييير)

مشكور ياغالي وماقصرت.

وانشاء الله بلاقي سعر عادل.

شموخ دائم

26-04-2009, 11:29 PM

,

,

:)

مشكله والله

كل يمدح سوقه

ههههه

قبل كم سنه البيت الشعبي نشتريه بـ 200 الف

الحين حديد بس بـ 100 الف

هذا التضخم ومايسوي صارت الفلوس مالها قيمه وماتجيب شي يستاهل

الله يعينك ياخوي على الاسعار

ان شاء الله تلاقي الي يسرك

,

,

شموخ دائم

r07

28-04-2009, 07:16 AM

برق لمع

29-04-2009, 09:46 AM

انا اختي ركبت في بيتها بيبان حق مداخل البيت حديد مشغول وشكله حلو والله كلفها سعر معقولماوصل 30 الف
شركة البيت الازرق والله هذا اللي اعرفه

الكيلاني

29-04-2009, 11:04 AM

في عندي جماعة بقطر أسمهم البيت الأتوماتيكي
إن بيهمك برسلك الرقم

الكتاروني

29-04-2009, 06:31 PM

السلام عليكم
أختي السعر مبالغ فية جدا ....لكن الأهم هو كام سعر المتر ... قد تكون الكمية لديكي كبيرة جدا لذا فالعبرة ليست بإجمالي السعر .... فمثلا لو بالفيلا 80 متر وسعر المتر للألمونيوم المشغول هو 1000 ريال يكون الإجمالي هو 80000 ريال .... لكن لا أظن الكمية تصل إلي 80 متر...
عموما ... الحديد المشغول طبعا أرخص من الألمونيوم المصبوب و لكن أيضا التصميم يفرق في السعر ... حديد مشغول ممكن من 400 و حتي 800 ريال ... و ألمونيوم من 650 و حتي 1200 ريال.
نصيحة:
توجد هاندريلات تباع منفصلة بالقطعة و يتم تثبيت كل قطعة منفصلة علي درجة السلم و في النهاية يتم تركيب الجزء العلوي سواء خشب أو معدن .... هذة الهاندريلات الجاهزة سعرها أرخص لأنها تكون جاهزة.

Some-One

30-04-2009, 11:45 AM

نصيحة:
توجد هاندريلات تباع منفصلة بالقطعة و يتم تثبيت كل قطعة منفصلة علي درجة السلم و في النهاية يتم تركيب الجزء العلوي سواء خشب أو معدن .... هذة الهاندريلات الجاهزة سعرها أرخص لأنها تكون جاهزة.

اخوي العزيز

هذة الي جاهزة وين ممكن نجدها .

شكرا لك

بويوسف-قطر

01-05-2009, 05:14 PM

السلام عليكم ورحمة الله وبركاته

انا سويت الدرابزين والابواب الخارجية عند حدادكو كلفوني 58,000
والشبابيك والابواب الداخلية عند البيت الاتوماتيكي وكلفوني 110,000

والبيت الاتوماتيكي شغلهم جيد بس يقطع قلبك الوحيدين اللي حافظ رقمهم من كثر ما اتصل لهم

بوحارب

02-05-2009, 12:03 AM

المجموعة المشتركة للحديد المشغول محلها في طريق سلوى مقابل شركة الجزيرة الأسلامية

شغله زين وسعرهم ازين

عن تجربة طبعا

دهــن العود

02-05-2009, 01:06 AM

الله يعينا على هالاسعار

طيب ما يصير نجيب الحديد المشغول والابواب من الدول القريبة والارخص طبعا مثل السعودية او الامارت ؟؟

واذا ممكن .. من يعلمني بالخطوات ماعليكم امر ؟؟

يعني هل فيه جمارك علي لو جبتها ؟؟ وكم بتكون ؟؟

بو راشد 1

05-05-2009, 08:05 AM

حد جرب "الخليلي للحديد المشغول" في شارع نجمة؟ يقولون الحديد المشغول اللي عندة يجيبه جاهز من ايطاليا و هو يصبغه و يركبه.

تراثكم

05-05-2009, 01:24 PM

حد جرب "الخليلي للحديد المشغول" في شارع نجمة؟ يقولون الحديد المشغول اللي عندة يجيبه جاهز من ايطاليا و هو يصبغه و يركبه.

هلا اخوي بوراشد انا رحت حق الخليلي والصراحه وجه طيب وترتاح لشغله وفعلا الحديد يجيبه من ايطاليا مصبوب جاهز وهو يركبه
بس سعره مقارنة بالباقي الصراحه غالي

حاليا حدادكوأرخص الغالييين ومازلت مب مقتنع في اسعاهم ...

حتى فكرت اركب دنجل حق الدرابزين والبيبان :nice: اونه تراثي

بو راشد 1

06-05-2009, 07:19 AM

هلا اخوي بوراشد انا رحت حق الخليلي والصراحه وجه طيب وترتاح لشغله وفعلا الحديد يجيبه من ايطاليا مصبوب جاهز وهو يركبه
بس سعره مقارنة بالباقي الصراحه غالي

حاليا حدادكوأرخص الغالييين ومازلت مب مقتنع في اسعاهم ...

حتى فكرت اركب دنجل حق الدرابزين والبيبان :nice: اونه تراثي

تسلم يا تراثكم، مشكلتي ان بيتي عكسك "مودرن" و ما يصلح له التراث‘ الحين متعلوز في الليتات اللي تركب في السقف (من غيرجبس) ما في الا اشكال قبب :weeping: و انا ادور تشكيلات حديثه.

Abod

07-05-2009, 04:55 PM

السلام عليكم
والله انصحك تشوفي بوابة قطر الملكية شارع الريان القديم اعتقد بعد دوار الشيخ خالد بن حمد
شغلهم زين واسعارهم معقولة

الوفي

11-05-2009, 09:18 PM

أخوي الحــــــــــــل عندي وأنا أخووووووووووك..........
أخوي فيه واحد ايراني عنده محل بنجمه يسوي حديد مع الومونيوم مشغول...تقريبا أسمه لامســــا او الماسا او لاماسا المهم بشرح لك قصة المحلات الحديد والالمونيوم المشغول الي بالدوحــــــــه.....
عندك محل درابزين بلازا صاحبه ايراني......
محل الي اقولك عنه لامســــــا بعد أيراني......
هذولا عيال عم أيرانين يجيبون الالومنيوم من ايران ويسون الحديد والالومنيوم المشغول يعني القواعد او الشاص حديد والديزاينات الومنيوم......كانوا شراكه وانفصلوا.....وكل واحد منهم فتح محل.....
عندك محل حدادكو وعنده محل ثاني ناسي اسمه جنه درابزين لو تروح السد تحصلهم مقابلين بعض هذيه راعيه بعد ايراني بس دكتور وخطير ونسيب الايرانيين الاوليين المهم دخلوه الدوحه وشاف الغلاء وفتح فروع وايد هو الاغلاء فيهم لان محلاته بالسد وبالدوحه وحاط موظفين شاميين وعنده حركات فخمه بالمحل تجذب الزبون وعارض ابواب بشوارع الي حول السد وماكدونالز والنصر ومشاريعه بالهبل..
الايرانيين الثانيين واحد بنجمه والثاني بالمنتزه....
أصدق كل هذي المحلات الي ذكرتها اييبون الومنيوم والحديـــــــــد من أيران وبالأطنان بعد خاصه حدادكو لانه ارخص من بلادهم وهذي البيبان تكلفتها بسيطة من الومنيوم وحديد يجي من بلادهم........
الي ابي اوصله الجماعه بينهم مناحس كلهـــــــــــم ومشاكل من سبب الطمع عرفته منهم واحد واحد.....
عطاني حدادكــــــــــــو كوتيشن لبيتي ب75000 ريال.....
ولامســـــا ب45000 ريال......
رجعت لحدادكو ولما درى اني خذيت منه كوتيشن عطاني ب50000 ريال ووقعت معاه العقد....
طبعا محتج ب5000 ريال بان الصبغ الي يستخدمه الماني...وانا اشوف ان لامســـــا الي بنجمه تقدر تاخذه بالعياره وتصيد لك سعـــــــر بس كاسر ...... و ذا بتسوي حركتي ممكن تضبط معاك بس قابل الايراني ال بلامسا والدكتور الي بحدادكو وحجتك انه ارخص صدقني بيتغير سعر حدادكو لان بينهم مناحس وحسد..اتمنى لك التوفيق.....
ملاحظه:لامســـــــا بشارع نجمه يم الكاظم للتجميل يم الاشارة وحدادكو بالسد
تحيــــــــــاتي.....

تراثكم

13-05-2009, 10:40 AM

فديت خشمك على هالنصيحه :nice:

المحل اللي في النجمه اسمه ألماسكو واللي فيه اسمه عباس احمدي وفعلا اول مادخلت له قال لي قصته معاهم وعطاني سعر يخرع الصراحه فرق بينه وبينهم بحدود 15000 الف وقال لي تكفى لاتخبرهم اني عطيتك هالسعر

وعقب الرجال سكر محله وسافر وحط على محله بيرجع تاريخ 2-5
خفت اتعامل معاه لانه قال لي ادفع كل المبلغ وبركب لك في 20 يوم.

الحين حدادكو بسوي له نفس حركتك الدكتور صفا

أخوي الحــــــــــــل عندي وأنا أخووووووووووك..........
أخوي فيه واحد ايراني عنده محل بنجمه يسوي حديد مع الومونيوم مشغول...تقريبا أسمه لامســــا او الماسا او لاماسا المهم بشرح لك قصة المحلات الحديد والالمونيوم المشغول الي بالدوحــــــــه.....
عندك محل درابزين بلازا صاحبه ايراني......
محل الي اقولك عنه لامســــــا بعد أيراني......
هذولا عيال عم أيرانين يجيبون الالومنيوم من ايران ويسون الحديد والالومنيوم المشغول يعني القواعد او الشاص حديد والديزاينات الومنيوم......كانوا شراكه وانفصلوا.....وكل واحد منهم فتح محل.....
عندك محل حدادكو وعنده محل ثاني ناسي اسمه جنه درابزين لو تروح السد تحصلهم مقابلين بعض هذيه راعيه بعد ايراني بس دكتور وخطير ونسيب الايرانيين الاوليين المهم دخلوه الدوحه وشاف الغلاء وفتح فروع وايد هو الاغلاء فيهم لان محلاته بالسد وبالدوحه وحاط موظفين شاميين وعنده حركات فخمه بالمحل تجذب الزبون وعارض ابواب بشوارع الي حول السد وماكدونالز والنصر ومشاريعه بالهبل..
الايرانيين الثانيين واحد بنجمه والثاني بالمنتزه....
أصدق كل هذي المحلات الي ذكرتها اييبون الومنيوم والحديـــــــــد من أيران وبالأطنان بعد خاصه حدادكو لانه ارخص من بلادهم وهذي البيبان تكلفتها بسيطة من الومنيوم وحديد يجي من بلادهم........
الي ابي اوصله الجماعه بينهم مناحس كلهـــــــــــم ومشاكل من سبب الطمع عرفته منهم واحد واحد.....
عطاني حدادكــــــــــــو كوتيشن لبيتي ب75000 ريال.....
ولامســـــا ب45000 ريال......
رجعت لحدادكو ولما درى اني خذيت منه كوتيشن عطاني ب50000 ريال ووقعت معاه العقد....
طبعا محتج ب5000 ريال بان الصبغ الي يستخدمه الماني...وانا اشوف ان لامســـــا الي بنجمه تقدر تاخذه بالعياره وتصيد لك سعـــــــر بس كاسر ...... و ذا بتسوي حركتي ممكن تضبط معاك بس قابل الايراني ال بلامسا والدكتور الي بحدادكو وحجتك انه ارخص صدقني بيتغير سعر حدادكو لان بينهم مناحس وحسد..اتمنى لك التوفيق.....
ملاحظه:لامســـــــا بشارع نجمه يم الكاظم للتجميل يم الاشارة وحدادكو بالسد
تحيــــــــــاتي.....

الوفي

13-05-2009, 07:04 PM

تراثكم

14-05-2009, 09:17 AM

تعجبني ..... كل الي قلته صح الماسكـــــــو أسمه........وأنا مارتحت له بعد وكله يضحك وأسلوبه يفرش لك الارض ذهب....
روح للدكتووووووور ودربك خضــــــر وبالتوفيق أخوي.......
تحياتي......

بعد فديت خشمك مره ثانيه يالوفي
ابشرك رحت حق الدكتور وسويت له نفس فلمك ونزل لي من 64 ألف لين 59 الف سعر معقول

يالربع اللي بيروح حق حدادكو يودي معاه أم سعيد ( كم آخر آخر كم ) وبشر بالخصم الزين

بوجاسم 11

15-05-2009, 11:02 AM

الحمد لله اسعارنا زينه 15 الي 20
الف ريال اذا انا مسوي بعد شغل وايد
اخوي جيبلك حداد من الهند ومعاشه
500 ريال ابرك من الايرانيين
والله الاسعار اللي عندكم تخرع
لو انا منكم اسكن في ملحق ابرك
ههههههههههههههههههههههه

الوفي

15-05-2009, 11:42 PM

بعد فديت خشمك مره ثانيه يالوفي
ابشرك رحت حق الدكتور وسويت له نفس فلمك ونزل لي من 64 ألف لين 59 الف سعر معقول

يالربع اللي بيروح حق حدادكو يودي معاه أم سعيد ( كم آخر آخر كم ) وبشر بالخصم الزين
واللـــــــه اني فرحت لك يالغالي بس لاتستعيل......كاسره الف له قصة لك وأشرح له ظروفك صدقني بينزل لك بعد...
على العموم أنا وقعت العقد مع حدادكو وألحين يفصلون لي ....... بقولك الي خذيته وقارن بالي عندك وهنا أتشوف سعرك.....
العقـــــــــد بمبلغ وقدرة خمســـــــــــون الف ريال تدفع على ثلاث شيكات.....
الاول 30000 ريال بعد توقيع العقد
الثاني 15000 ريال بعد التركيب بالموقع
الثالث 5000 ريال بعد انتهاء الدهان والاعمال الاخرى
المهم العقد مع حدادكـــــــو مكون من........
باب الفله الرئيسي 2م عرض في 2.5 أرتفاع
باب الحديقه من طرف الفله 1م عرض في 2.5 أرتفاع
باب الملاحق من ورى الفله 1م عرض في 2.2 ارتفاع
باب المقلط 1م عرض في 2.2 ارتفاع
باب المجلس الرئيسي 1.7م عرض في 2.3 أرتفاع
باب المجلس الخارجي للسور1.2م عرض في 3 ارتفاع
باب السور الخارجي الصغير 1.2م عرض في 3 ارتفاع
باب السور الخارجي الكبير 3.5م عرض في 3 ارتفاع
الدرابزين لدرج 19 م مع حنية بالدور الأرضي مب لولبي مايل
شبك السور للمجلس قطعتين يعني فتحتين مربعات 2.2 عرض في 2.5 أرتفاع
(( أدري بتسألني عن الشكل ابشرك عطاني حرية ألاختيار من اي شكل بالكتولوجات وبالمعرض لكل فروعه.....طبعا اخترت الجخه والغالي.....خخخ...على فكرة 3 من ربعي وقعوا معاي نفس العقد لان فللنا تتشابه بس كل واحد بفريج.....))
قارن أذا انت اكثر امتارك وقع اذا أقل حكــــــه صدقني بينزل تراهم عيارين قوله بيبلك جماعتنا تراهم يبنون بس هذي الكلمة بينزل 5000 ريال وبالتوفيق....

قطري 22

24-05-2009, 12:49 AM

انا سويت باب الحوش 4*3 ب 11500 صب المونيوم كامل عند المياسه

باب الفيلا 320*280 ب 9000
شبك حمايه للشبابيك 21م ب 6900
عند الامن والسلامه وشكلي بسوي الدرابزين عندهم