كيف افصل الدفع الرباعي المستمر؟

[الـقـنـاص]

مساء الخير

حبيت افصل الدفع الرباعي المستمر هل في زر معين ولا الموضوع

فيه مكانيكا وفك وتركيب , الموتر gxr 2007 وبصراحة ملعوزني من صرفية البترول

الين الطقة والموتر بشكل عام ثقيل , عندي gx 2007 دفع خلفي وبصراحة احسن انه اريح

واقل صرفية وخفيف للعلم الموترين تماتيك ياليت تفيدوني بالحل ويين ممكن افصل الدفع الرباعي وشكثر يكلفني

وجزاكم الله خير

[..er..]

محل الراتب بـ شارع سلوى قبل التضامن


بـ 1200 ريال


عاد شيسوي مادري

واحد من الربع فصل عنده جي اكس 2006 وعال العال


والشباب ماراح يقصرون ويفيدونك :)

[qatar.com]

في حلول كثيرة طال عمرك وانت بس تخير واحد منهم

اول طريقة طبعا اتكلملك عن القير العادي يعني مادري عن التماتيك

1 - انك تفصل عمود الدبل وهذا فصلتة 30 ريال ويضل الموتر سنقل والدبل مايشتغل ويكون الدفع خلفي هذا حل مؤقت

2- تبدل الدبل وتركيب دبل 2005 وتحت وهذا حل زين بس بيخسرك وموترك جديد حرام ينلعب فية

3- تودية لكراجات يضبطون لك الدبل بانهم يفكون دبل الوكالة ويشلون منه قطع الضاهر الي تخلي الدبل يشبك او يكسرونها لك ويرجع الموتر نفس 2005 بس مهوب 100 % يعني تقدر تقول 70 %

والعلم عند الله

[مجنون قطر]

عندك محل الراتب على طريق سلوى وشغله عال العال
وتكلفته 1200 ريال
ويعطيك القطعه اللي يشيلها مشان اذا بغيت ترجعه ترجعه
وبالتوفيق ان شاءالله

[$$كلنا قطر$$]

عندك محل الوضاح يم الراتب بعد هاي يفصل وانا فصلت عندي الدفع الرباعي في الفي اكس ار وعال العال
وبتكلفك هالحركه بحدود المبلغ الي اذكروه الأخوان
وينفصل 100%
وفي حركه ثانيه ورخيصه ما تتعدى ال 100 ريال

[فتى قطر]

بدل الدبل اب دبل موديل 2005 وتحت وفك عمرك

[al-buainain]

مرحبا يا الغالي


نصيحتي لك ركب لوكااات انا عندي 2006 امركب له لوكات وقت الي ابغيه فورويل اخليه وقت الي ابغي افصله افصله على راحتي ولا منه اي ضرر