هــمبة .. مـانــجــو هــابــوسي . .. ... ....

[الزاجل]

مع دخول فصل الصيف تدخل علينا الفاكهة اللذيذة المعروفة بـالمانجو
عرفنها في العصر الأول لوجودنا على هذه الدنيا بالهمبة
ومع تطور الزمن اصبحنا نطلق عليها مانجو ..

http://whatsonmyplate.files.wordpress.com/2009/04/mango2.jpg?w=300&h=225

يقال ان نشأتها الأصلية في تايلاند في منطقة آسام
الا ان الهند تعتبر اكبر مصدرة لها ومن ثم يأتي كل من
الفلبين وأندونيسيا وجزيرة جاوا وتايلاند وبورما
وماليزيا وباكستان وسريلانكا وشمال استراليا..

و الهمبة المصرية تحمل عند عودة السياح الى دولهم
بينما الهمبة الأفريقية تكون الأكثر انتشارا عند نهاية موسم
الهمبة الآسيوية..

ولأول مرة اعرف ان فلسطين تزرع هذه الفاكهة كما ان
ادخلت زراعة المانجو حديثاً إلى أمريكا وهي
الآن محصول تجاري مهم في فلوريدا والمكسيك
والبرازيل ودول أمريكا اللاتينية الأخرى..

هناك الكثير من انواع المانجا

ولكن افضلها هي الهمبة الهبوسية
التي تسيطر على الأسواق في شهري ابريل ومايو من كل سنة..

http://i94.photobucket.com/albums/l85/alhams/3-1.png


الهمبة او المانجو يمكننا اكلها بعدة طرق

بالقشور والتهام ما بها الى الوصول الى لبها

http://i94.photobucket.com/albums/l85/alhams/7.png



او عن طريق قطعها شرائح

http://i94.photobucket.com/albums/l85/alhams/8.png



او بطريقة التكاتيك( الاتيكت )

http://i94.photobucket.com/albums/l85/alhams/1-1.png



او يمكن عصرها فيكون الناتج

http://i94.photobucket.com/albums/l85/alhams/5-1.png



وكذلك يمكننا بالقشور ومن غير قشور تحويلها الى مخللات
او آجار

http://i94.photobucket.com/albums/l85/alhams/4.png



واذا حسيت بحرارة الآجار ما عليك الا بكأس من البوظة :p

http://i94.photobucket.com/albums/l85/alhams/9.png


كيف تفضل أكل الهمبة ؟

[Bo3oof_80]

تقعد تمصمص فيه لين ينشف بعدين طلع الب وتمصمصه واخر شي القشور ياسلام
جوعتني

[بو الجوري]

آآآآيه عالهمبا الهنديه والمصريه ..

عن نفسي أحياناً أعصرها بيدي بدون مافتحها .. وعقب اشق شق صغير من فوق .. واتم أشفط كأني أشرب عصير شقف .. وعقب أفتحها وآكلها ..


وأحيانا أقصها من النص .. وتصير نصها كأنه ملّه.. وأكل بالقفشه .. والباقي بيدي ..

وحلاة المنقا تغوص فيها وتلعوزك .. وأهم شي تلعوز خشمك .. وإلا ماتعتبر كلت منجا :nice:

[مروض المهـرة]

مشكور على المعلومات الطيبه عن الهمبه شكلي بادق سلف باروح اخذ كرتون http://www.qatarshares.com.qa/data/208/211/storm_929905587_407280263.gif

[فارس الكلمة]

بهذه الطريقة .. :)

http://i94.photobucket.com/albums/l85/alhams/8.png

[سداوي&مدريدي]

دخلت مزاجي من قلب :(

عن اذنك بروح أشتري كرتون همبة

[لاداعي]

هلا وغلا الزاجل...


هــابــوسي= حفوزي ولا أنا غلطان....http://www.qatarshares.com.qa/data/646/649/storm_743430408_84479826.gif

على العموم أنا افضل اكل أجار الهمبه مع مجبوس الدجاج..:p

ويعطيك العافيه على الموضوع الي يسرسح على القلب.... http://www.qatarshares.com.qa/data/689/692/storm_1510044230_1586496494.gif

[ولد الشقب]

افضلهاااااا عصير من يد الوالدة
اذا دخل موسم الهمبااااااااااالفنس نشتري كميه ونثلج للعصييييييير

[الزاجل]

تقعد تمصمص فيه لين ينشف بعدين طلع الب وتمصمصه واخر شي القشور ياسلام
جوعتني

عليك بالهمبة الهبوسية وهي الهندية الصغيرة
منتشرة في الأسواق.. مزمها من ريحتها لما توصل لين طعامتها :victory:


آآآآيه عالهمبا الهنديه والمصريه ..
عن نفسي أحياناً أعصرها بيدي بدون مافتحها .. وعقب اشق شق صغير من فوق .. واتم أشفط كأني أشرب عصير شقف .. وعقب أفتحها وآكلها ..
وأحيانا أقصها من النص .. وتصير نصها كأنه ملّه.. وأكل بالقفشه .. والباقي بيدي ..

وحلاة المنقا تغوص فيها وتلعوزك .. وأهم شي تلعوز خشمك .. وإلا ماتعتبر كلت منجا :nice:
عليك طقوس غريبة :p
نفس الملة انسويها مع الكيوي
اما الهمبة تصير مثل القارب وتقعد تاكل منها :nice:
ما احب اللغلاغ واللعوازة مع المانجا
بس ولدي الصغير مستحيل ياكلها من غير ما يترك
اثار طيبة على خده وخشمه وثيابه وريله
كأنها يبي يقول ان الهمبة مرت من صوبه ..



مشكور على المعلومات الطيبه عن الهمبه شكلي بادق سلف باروح اخذ كرتون http://www.qatarshares.com.qa/data/208/211/storm_929905587_407280263.gif
خلاص خذ لك كرتون
وعلى البيت على طول ان شاءالله
و خذ لك جدر و ترس نصه ماي من البراد
وزيد عليه ثلج .. روح تغدى وارجع لها
ومزمزمها تمزمز لين تقول بس فكني ما خليت فيني شي :eek5:

[الزاجل]

بهذه الطريقة .. :)

http://i94.photobucket.com/albums/l85/alhams/8.png

فيه العافية..
وايد منضبط :nice:

دخلت مزاجي من قلب :(

عن اذنك بروح أشتري كرتون همبة

إذنك معاك خذ لي وياك :shy:
وقول لنا على كم لقيت الكرتون ؟:telephone:


هلا وغلا الزاجل...


هــابــوسي= حفوزي ولا أنا غلطان....http://www.qatarshares.com.qa/data/646/649/storm_743430408_84479826.gif

على العموم أنا افضل اكل أجار الهمبه مع مجبوس الدجاج..:p

ويعطيك العافيه على الموضوع الي يسرسح على القلب.... http://www.qatarshares.com.qa/data/689/692/storm_1510044230_1586496494.gif
اهلين وسهلين

في سنة من السنين يوم كنت على نياتي
طرشوني مع امي واخوي الهند
كنت بريء والبراءة تنقط من عيوني
قصوا علي وشلوا لي اللوز مع اني ما كنت اشتكي من شي
بس قالوا دام ان خسرنا عليه التذكرة لازم انسوي له شي.
عاد في ذيك السنة يوم كنت بريء :unsure:
كنت اسمعهم في " ميرج " يصرخون
ايس كريم هبوسي
اييييييييسكريم هابوسي..
فمن جذيه رسخت الكلمة في عقلي البريء
وتمت راسخة ليومنا هذا..
حتى الخضار يقول هبوسي..

خلنا نرجع للمصادر الهندية ابرك لنا ..

وفيه العافية دام انه سرسح على قليبك :nice:

[السديم]

يازين الهمبه والله

حتى الشسمه غنو عليها ..

ان كلتها خضرا حامضة بتكون حلوة

وان نضجت وكلتها هم حلوة

وان عصرتها بعد حلوة

وريحتها خنينة

وبكل انواعها هندية ولا مصرية ولا باكستانية

والله وقمت اتغزل فيج يالمانغا

عاد وفي موسمها ومن كثل ماناكلها الدمل يترس اجسامنا

والاغنية تقول الزول تعبان يبي ياكل مانجا صح ولا مادري @@:secret:

هيضت المشاعر يا زج زج

[بوخالد911]

احب المانجوو لما تكوون بارردة

[واحد في حاله]

احبها بجميع اشكالها ,, الا المخلل :nice:


توقيت الموضوع يلعب دور في سيل اللعاب :rolleyes2:

[الزاجل]

افضلهاااااا عصير من يد الوالدة
اذا دخل موسم الهمبااااااااااالفنس نشتري كميه ونثلج للعصييييييير

فيه العافية
وربنا يخلي لكم الوالدة..
وفكرة حلوة اتثلوجون المانجة لمواسم القحط :nice:


يازين الهمبه والله
حتى الشسمه غنو عليها ..
ان كلتها خضرا حامضة بتكون حلوة
وان نضجت وكلتها هم حلوة
وان عصرتها بعد حلوة
وريحتها خنينة
وبكل انواعها هندية ولا مصرية ولا باكستانية
والله وقمت اتغزل فيج يالمانغا
عاد وفي موسمها ومن كثل ماناكلها الدمل يترس اجسامنا
والاغنية تقول الزول تعبان يبي ياكل مانجا صح ولا مادري @@:secret:
هيضت المشاعر يا زج زج


سدوم يا ام الهمبة
هالكثر اتحبينها.. ؟

احلى شي ريحتها الخنينة
بالفعل ريحتها طيبة بس مب نفاذة :weeping:
لو فيها قوة ريحة الجوافة كنا خشينا منها في الغرف:looking:

شكل الزولة تعبانة تبي تاكل مانجا..
الا شريت مانجا هالموسم ؟ :waiting:
وعلى كم خذت الكرتون ؟

[الزاجل]

احب المانجوو لما تكوون بارردة



ما تنفع الا وهي باردة يا بو خالد

لأن
المانجا من الفواكه الحارة على الجسم
يعني من الفواكه اللي تتسبب في الحساسية
مثلا ناس عندهم الربو او الاكزيما
هذيلا المنجا تهيج حساسيتهم
لأنها من الفواكه الحارة..

فتخيل بروحها فاكهة حارة
وتروح تاكلها وهي حارة...> يبي لك المطافي..


احبها بجميع اشكالها ,, الا المخلل :nice:

توقيت الموضوع يلعب دور في سيل اللعاب :rolleyes2:

التوقيت سر نجاح المانجا :unsure:

وفيه العافية عليك المانجا بكل اشكاله :nice:

[نبـــــراس]

http://i94.photobucket.com/albums/l85/alhams/3-1.png

حلوه جذي .. نسميها ظهر السلحفاه

احب المنجا في كل حالاتها :victory: بس تهيج الحساسيه :weeping:
يعطيك العافيه يا الزاجل

[memo-qat]

الله ابي دخلتي في خاطري

[بولينجر]

والله موضوع يفتح الشهية.... أحسن من موضوع الفيران القديم...تذكره؟ :secret:

الحين ودي في كراتين - مب كرتون - مانجا....

كل طرق اكل المانجا حلوة بس احلى طريقة هي التلوص.... لازم يبين عليك انك كلت مانجا.... هههههه

أشهد انك ابدعت.... :nice:

[♣شيبةالنخرة♣]

http://i94.photobucket.com/albums/l85/alhams/5-1.png



يا لبيييييييييييه


ساعات اسوي مثل بو الجوري افقعها من فوق واشفططططط :tease:



مع تحيات\


ابوك الشيبة الجوووعاااااااااااااااااااااااااان ابغى المنقاااااااااااااااااااااااا :eek3:

[ضوى]

:weeping::weeping::weeping::weeping:


اشتريتها من كم يوم واشم ريحتها كل يوم بالمطبخ بس اقاوم ريحتها لاني امشي على دايت :weeping:

مدري لمتى باقاوم


ليش جذي يالزاجل عورت قلبي وفتحت شهيتي :rolleyes2:

[Store]

مشكور على المعلومات الطيبه

[قطريه ماركه]

اشدراااااكـ إني من أمس قاعده ع المنجا قعده ^__*


الهمبة او المانجو يمكننا اكلها بعدة طرق

بالقشور والتهام ما بها الى الوصول الى لبها

هاي أحلى طريقة عندي .. والا كأني ما كلتها ^___^

يسلموو الزاجل ع الموضوع ..

[شيزكيك]

من الذ انواع الفواكه وطبعا الحافوزي ما ادري الفانصو هو المفضل والحين وقته وناكله بكل حالاته مقطع منتف مقشر

[Revamp]

موضوع حلو .......يعطيك المانجا

[ALRAYYAN]

طريقتي انا عاد غير شكل
انا اسدحها بالعرض واقطعها من النص بالضبط ووعقب افر نصها مع عقارب الساعه والنص الثاني عكس عقارب الساعه وابعدهم عن بعض
يصيرون قطعتين وحده مجوفه والثانية فيها العنقيشه
المحفورة اشتغل عليها بالقفشه ولين خلصت افتر على العنقيشه وافرها واقشعها وتكون الثانية مجوفه جاهزة وبالقفشة
وعقبهم اشتغل على العنقيشه

شرايكم في الطريقه :nice:

يعطيك المنجا :)

[Revamp]

طريقتي انا عاد غير شكل
انا اسدحها بالعرض واقطعها من النص بالضبط ووعقب افر نصها مع عقارب الساعه والنص الثاني عكس عقارب الساعه وابعدهم عن بعض
يصيرون قطعتين وحده مجوفه والثانية فيها العنقيشه
المحفورة اشتغل عليها بالقفشه ولين خلصت افتر على العنقيشه وافرها واقشعها وتكون الثانية مجوفه جاهزة وبالقفشة
وعقبهم اشتغل على العنقيشه

شرايكم في الطريقه :nice:

يعطيك المنجا :)

حلوه ..خلني اجربه مع الكوجه السوده من برع وحمره من داخل........

[الزاجل]

http://i94.photobucket.com/albums/l85/alhams/3-1.png

حلوه جذي .. نسميها ظهر السلحفاه

احب المنجا في كل حالاتها :victory: بس تهيج الحساسيه :weeping:
يعطيك العافيه يا الزاجل

صارت ظهر السحفاة بعد..> فلة
ايه ظهر السحفاة هذي الطريقة المفضلة في البيت كله
وصرت خبير فيها من كثر ما اشوفها :secret:

الله يعافيج يا نبراس


الله ابي دخلتي في خاطري
في منها وايد في السوق :omen2:


والله موضوع يفتح الشهية.... أحسن من موضوع الفيران القديم...تذكره؟ :secret:

الحين ودي في كراتين - مب كرتون - مانجا....

كل طرق اكل المانجا حلوة بس احلى طريقة هي التلوص.... لازم يبين عليك انك كلت مانجا.... هههههه

أشهد انك ابدعت.... :nice:

اذكره هالموضوع
:secret: اللي اسمه النجدة الفئران غزت الفرجان
وطلعوا جرذان مب فئران .. :secret:


فيه العافية ومطرح ما يسري يمري

[هدهد سليمان]

مشكور على المعلومات الهمباويه :victory:

[الزاجل]

يا لبيييييييييييه
ساعات اسوي مثل بو الجوري افقعها من فوق واشفططططط :tease:
مع تحيات\
ابوك الشيبة الجوووعاااااااااااااااااااااااااان ابغى المنقاااااااااااااااااااااااا :eek3:

يازين سوالفكم يالشياب.. كل شي تبونه :secret:
ما تغلى عليك الصور كلها يا يبة حلالك خذه وفيه العافية :victory:


:weeping::weeping::weeping::weeping:


اشتريتها من كم يوم واشم ريحتها كل يوم بالمطبخ بس اقاوم ريحتها لاني امشي على دايت :weeping:

مدري لمتى باقاوم


ليش جذي يالزاجل عورت قلبي وفتحت شهيتي :rolleyes2:

همباية وحدة ما تضر بالعكس بتعطيج دافع قوي للاستمرار
جربي لج وحدة وتلذذي فيها :nice:


مشكور على المعلومات الطيبه

ما يسوى عليك شفت الهمبة حصلت الباند :secret:


اشدراااااكـ إني من أمس قاعده ع المنجا قعده ^__*
هاي أحلى طريقة عندي .. والا كأني ما كلتها ^___^
يسلموو الزاجل ع الموضوع ..
سمعت صوت المانجا وهي تصرخ تقول
انقذوني قطرية ماركة قاعدة علي :omen2:
الله يسلمج ويا هلا كل يوم

[الزاجل]

مشكور على المعلومات الهمباويه :victory:
العفو :nice:


طريقتي انا عاد غير شكل
انا اسدحها بالعرض واقطعها من النص بالضبط ووعقب افر نصها مع عقارب الساعه والنص الثاني عكس عقارب الساعه وابعدهم عن بعض
يصيرون قطعتين وحده مجوفه والثانية فيها العنقيشه
المحفورة اشتغل عليها بالقفشه ولين خلصت افتر على العنقيشه وافرها واقشعها وتكون الثانية مجوفه جاهزة وبالقفشة
وعقبهم اشتغل على العنقيشه

شرايكم في الطريقه :nice:

يعطيك المنجا :)

هاها
حلوة اسدحها.. كل يمارس قوته على هالهمبة..

طريقتك كنا انسويها قبل ايام كنا عزابية
الحين خلاص تعلمنا التكتيك ولازم نتبعها لزوم البرستيج :secret:


يعطيك الهمبة :nice:


موضوع حلو .......يعطيك المانجا

يعطيك الهمبة :nice:


من الذ انواع الفواكه وطبعا الحافوزي ما ادري الفانصو هو المفضل والحين وقته وناكله بكل حالاته مقطع منتف مقشر

يا عيني على الشراهة
في كل حالاته لا يقاوم ..
فيه العافية

[غزلان]

ياااااي
الحين باحلى وقته

احبه تشيز كيك ومادري وشفيني السنه ماسويته الا مره وحده
نصيحه لازم تجربون تشيز كيك المنجا..كل واحد يقول لزوجته او اخته تسويه له

[هدهد سليمان]

ياااااي
الحين باحلى وقته

احبه تشيز كيك ومادري وشفيني السنه ماسويته الا مره وحده
نصيحه لازم تجربون تشيز كيك المنجا..كل واحد يقول لزوجته او اخته تسويه له





زين وين في مكان يسونه عدل؟

[الزاجل]

ياااااي
الحين باحلى وقته

احبه تشيز كيك ومادري وشفيني السنه ماسويته الا مره وحده
نصيحه لازم تجربون تشيز كيك المنجا..كل واحد يقول لزوجته او اخته تسويه له




وشو ياي بعد ؟

الحين تشيز كيك من يوم ما عرفناه وهو بالجلي والفروالة
اشلون يستوي بالمانجا؟

حطي المقادير والطريقة
واهم شي الصور
علشان نتأكد ان النتيجة عدلة
والله يوديج النار لو حطيت لنا صور من برع :secret:

[..er..]

تقعد تمصمص فيه لين ينشف بعدين طلع الب وتمصمصه واخر شي القشور ياسلام
جوعتني

:nice:


:eek5:


صراحه صراحه قبل لا اشوف العنوان وانا خاطري في منجا

:(

[غزلان]

زين وين في مكان يسونه عدل؟


-
والله اخوي ماجربته من برا كل سنه بموسمه اسويه فرش وبصراحه سهل مايبغي شي

واذا تحب اكتب لك الطريقه ماعندي مانع:)

[هدهد سليمان]

-
والله اخوي ماجربته من برا كل سنه بموسمه اسويه فرش وبصراحه سهل مايبغي شي

واذا تحب اكتب لك الطريقه ماعندي مانع:)


ياليت لا هنتي اختي والظاهر انك ربة بيت درجه اولى . . الله يوفقك دنيا وآخره

[بوعلي2]

اه يالهمبه

والله خوش شي

وبعد اجار همبه مع مجبوس دجاج ولا عقبه

تسلم على الموضوع يالزااااااجل

[لاداعي]

اه يالهمبه

والله خوش شي

وبعد اجار همبه مع مجبوس دجاج ولا عقبه

تسلم على الموضوع يالزااااااجل



http://www.qatarshares.com.qa/data/646/649/storm_1653158449_1153253838.gif

[الزاجل]

:nice:

:eek5:
صراحه صراحه قبل لا اشوف العنوان وانا خاطري في منجا

:(

اممم
شنهو الحل
امم
شنهو الحل ؟
مافي الا الصور تشبع خاطرك


اه يالهمبه

والله خوش شي

وبعد اجار همبه مع مجبوس دجاج ولا عقبه

تسلم على الموضوع يالزااااااجل

الله يا سلاام
فيه العافية
وربنا يسلمك

[غزلان]

وشو ياي بعد ؟

الحين تشيز كيك من يوم ما عرفناه وهو بالجلي والفروالة
اشلون يستوي بالمانجا؟

حطي المقادير والطريقة
واهم شي الصور
علشان نتأكد ان النتيجة عدلة
والله يوديج النار لو حطيت لنا صور من برع :secret:


-
عادي نحط جبن ومنجا فرش بس شغله لما تشيل القشر:rolleyes2:وقشطه وسكر واما جلاتين او جلي منجا نذوبه بماي حار
طبعا مانحط فوقه لا جلي ولا باي الفراوله نزينه بالمانجا والفواكه مثل التوت او الكيوي..

هاهاها والله لو بجهازي بلوتوث كان صورته ونزلت الصوره..

[ضوى]

همباية وحدة ما تضر بالعكس بتعطيج دافع قوي للاستمرار
جربي لج وحدة وتلذذي فيها

اكتب هذا الرد وزوجي جنبي يتلذذ بمانجا بااااردة

ماقدر يالزاجل تدري ربع حبة مانجا كم سعرة حرارية فيها واشكثر نسبة السكر فيها ؟؟؟

وهذا كفيل انه يضيع علي 15 يوم من الريجيم ويرد الكيلوين اللي خسرتهم بالتعب

[غزلان]

ياليت لا هنتي اختي والظاهر انك ربة بيت درجه اولى . . الله يوفقك دنيا وآخره

الطريقه

بسكوت دايجستف القمح علبه صغيره مطحون نخلط معاه 50 جرام زبده وشوي دارسين مطحون. ويكون قاعده للتشيز كيك..ندخله الثلاجه حتى يتماسك ونسوي الخلطه

الخلطه

6 منجا فرش تقشر ونستخدم اللب
نصف كوب سكر
علبة قشطه
12 حبه جبن كيري او علبه جبنة فلادلفيا
واما جلاتين مذوب بماي دافي او جلي منجا مذوب بكوب شاي ماي دافي حتى تتماسك الخلطه

يوضع بالخلاط ويضرب حتى يصبح مثل لكريما
نصبه على البسكوت وندخله الثلاجه

يفضل عمله قبل يوم من اكله حتى يتماسك

مثل الصوره
http://tbn1.google.com/images?q=tbn:2f4JI2yHSjf3bM:http://www.cookingcafe.net/pic/535.jpg

[عبد الرحمن77]

:rolleyes2: يا زاجل أتذكر قريب لي يخبرني عن أحد الأصدقاء توفي منذ زمن الله يرحمه، كان يقول أن أفضل طريقة لأكل الهبة أن تفصخ الثوب وتم بالسروال والفانيلة وتجلس في البانيو في الحمام وتأكل براحتك !!!!!!!!!.

[الزاجل]

اكتب هذا الرد وزوجي جنبي يتلذذ بمانجا بااااردة

ماقدر يالزاجل تدري ربع حبة مانجا كم سعرة حرارية فيها واشكثر نسبة السكر فيها ؟؟؟

وهذا كفيل انه يضيع علي 15 يوم من الريجيم ويرد الكيلوين اللي خسرتهم بالتعب

ما يسوى عليج بصراحة
معذبة عمرج..

اكلي منجاية ودابجي في الحوش نص ساعة بتحرقين سعراتها بكل بساطة :nice:






:rolleyes2: يا زاجل أتذكر قريب لي يخبرني عن أحد الأصدقاء توفي منذ زمن الله يرحمه، كان يقول أن أفضل طريقة لأكل الهبة أن تفصخ الثوب وتم بالسروال والفانيلة وتجلس في البانيو في الحمام وتأكل براحتك !!!!!!!!!.

الله يرحمه ويغفر له زلاته وأكله في الحمام :secret:



-
عادي نحط جبن ومنجا فرش بس شغله لما تشيل القشر:rolleyes2:وقشطه وسكر واما جلاتين او جلي منجا نذوبه بماي حار
طبعا مانحط فوقه لا جلي ولا باي الفراوله نزينه بالمانجا والفواكه مثل التوت او الكيوي..

هاهاها والله لو بجهازي بلوتوث كان صورته ونزلت الصوره..

منجا وتوت وكيوي...> صار كوكتيل مب مانجا..

المهم مرسي اوي خالص على الطبق اللي سمعنه عنه ولا شفناه :omen2:

[سعود 99]

ياسلام .. احلى فاكهه عندي ..


لك مني اجمل تحيه اخوي الزاجل ..

[الزاجل]

ياسلام .. احلى فاكهه عندي ..


لك مني اجمل تحيه اخوي الزاجل ..

ياسلام دوت كوم
يا هلا ومرحبا ياسعود وفيه العافية :victory:

[أمير المحبه]

انا عااااااااد والله ماحب المنقووو والهمبااااااا شيررره ولزج مايعجبني

احب الفرااوله +_+

ونت ماعليك الا انك اتروق المنقاااا يابويه

[الزاجل]

انا عااااااااد والله ماحب المنقووو والهمبااااااا شيررره ولزج مايعجبني

احب الفرااوله +_+

ونت ماعليك الا انك اتروق المنقاااا يابويه

:eek5:

مانجا فراولة تفاح موز
تين شوكي :secret:
المهم انك تاكل اللي تحبه :nice:

[ROSE]

ما يسوى عليج بصراحة
معذبة عمرج..

اكلي منجاية ودابجي في الحوش نص ساعة بتحرقين سعراتها بكل بساطة :nice:




هههههههههههههههههههههههههههههههههههههههههه

[ROSE]

اكتب هذا الرد وزوجي جنبي يتلذذ بمانجا بااااردة

ماقدر يالزاجل تدري ربع حبة مانجا كم سعرة حرارية فيها واشكثر نسبة السكر فيها ؟؟؟

وهذا كفيل انه يضيع علي 15 يوم من الريجيم ويرد الكيلوين اللي خسرتهم بالتعب

اكليها وبعد نص ساعة اكلي جريب فروت الاحمر :secret:

بيحرق ابو السعرات هههههههههههه

[ROSE]

احلى انواع المانجو اللي بالسحارة

اللي لي جيت سوق الخضرة تشم ريحتها من باب السيارة

واتلذذ فيها بس ماحب اكلها وايد

واحب ايس كريم المانجو بس بالغالب مااطلبها وايد لاني افضل الحمضيات عليها :secret:

[الزاجل]

احلى انواع المانجو اللي بالسحارة

اللي لي جيت سوق الخضرة تشم ريحتها من باب السيارة

واتلذذ فيها بس ماحب اكلها وايد

واحب ايس كريم المانجو بس بالغالب مااطلبها وايد لاني افضل الحمضيات عليها :secret:

يبي لج مانجا خضرة فيها حموضة اتشوط :victory:

بس روز
اللي اييون في السحاحير مب هبوسيات
هذيلا اللي كل وحدة فيهم كبر كفي :shy:

[ضوى]

اكليها وبعد نص ساعة اكلي جريب فروت الاحمر :secret:

بيحرق ابو السعرات هههههههههههه



:eek5::eek5:

اففففففففففف حلو ومن عقبه حامض بيحثرب لساني عقب :rolleyes2:

يصير اشربه عصير ؟؟

شفتي ياروز ضريبة الرشاقة :(

[ضوى]

على فكرة احد جرب المانحا فصفص المصري ؟؟؟

صغااااااااااااااااااار طعمهم جنااااااااااااااااااااااااان اذا احد رايح مصر يجيب لك يالزاجل شئ عجيب الصراحة

[الزاجل]

على فكرة احد جرب المانحا فصفص المصري ؟؟؟

صغااااااااااااااااااار طعمهم جنااااااااااااااااااااااااان اذا احد رايح مصر يجيب لك يالزاجل شئ عجيب الصراحة

فصفص
ومصري

لا يبه
ما احب المنجا :secret:

[ROSE]

يبي لج مانجا خضرة فيها حموضة اتشوط :victory:

بس روز
اللي اييون في السحاحير مب هبوسيات
هذيلا اللي كل وحدة فيهم كبر كفي :shy:

يجونك نفس الصوره الاولى اللي حاطها

بس طعمها يجنن :shy:

اما الكبار اللي جاي شكلهم طوالي ماحبهم :secret:


ماجربت الخضره يبي له :omen2:

[ROSE]

:eek5::eek5:

اففففففففففف حلو ومن عقبه حامض بيحثرب لساني عقب :rolleyes2:

يصير اشربه عصير ؟؟

شفتي ياروز ضريبة الرشاقة :(

ههههههههههههههههه حموضه على طول :tease:


لا والله جد معروف عن الجريب فروت الاحمر يحرق الدهون بنسبه كبيره جدا ويحرق السعرات

الحرارية ودايما اكلها عادي او على شكل عصير

جربي والله بتشكريني

سكتي عانيت فتره طويله والحين الحمدلله وصلت للوزن اللي ابيه ومرتاحه

:nice:

[الزاجل]

يجونك نفس الصوره الاولى اللي حاطها

بس طعمها يجنن :shy:

اما الكبار اللي جاي شكلهم طوالي ماحبهم :secret:


ماجربت الخضره يبي له :omen2:

وفي اي قرن شريت هالنوع في سحاحير ؟
كل اللي نلقاهم في السوق في كراتين !!

بس لحقي علي
ضوى تبي توهقني بفصفص :eek5:

[ROSE]

على فكرة احد جرب المانحا فصفص المصري ؟؟؟

صغااااااااااااااااااار طعمهم جنااااااااااااااااااااااااان اذا احد رايح مصر يجيب لك يالزاجل شئ عجيب الصراحة

اااااااااييييييييييه حلووووووووووووووووووووو

صغير وحلو طعمه لما كنت في مصر حللت روحتي هناك ههههههه

ولا لما يسوونه عصير حلووووووو

[بوخالد911]

صح تذكرررت

أحلى عصير عندي هو : مانجو بالحليب

يا سلاااااام !!

جربوااااا
:)


مسيوو/ بوخالد911

[ضوى]

الزاجل جرب طعمه مرة ومش حتنساه بالمرة

عندنا موظفة مصرية كل ماتروح مصر اوصيها على فصفص

يم يم يم

اسال روز يالزاجل

[ضوى]

ههههههههههههههههه حموضه على طول :tease:


لا والله جد معروف عن الجريب فروت الاحمر يحرق الدهون بنسبه كبيره جدا ويحرق السعرات

الحرارية ودايما اكلها عادي او على شكل عصير

جربي والله بتشكريني

سكتي عانيت فتره طويله والحين الحمدلله وصلت للوزن اللي ابيه ومرتاحه

:nice:


ايه احب عصير الجريب فروت وايد بس اكله جذي لا يمه مافي امل :rolleyes2:

ذكرتيني والله بحاول اشتري اليوم وادخله في نظام الدايت اللي امشي عليه

شكرا يا حلوة

[الزاجل]

صح تذكرررت
أحلى عصير عندي هو : مانجو بالحليب
يا سلاااااام !!
جربوااااا
:)
مسيوو/ بوخالد911

دام انك يبت طاري الحليب عيل خلني اقول لك هالسالفة
كنا في سوريا نتمشى في سوق الحريقة
الا صنادق او اكشاش مسمينها معاصر
وقفنا الا مكتوب عصير موز
و عصير موز بالحليب ..

وقفت عنده قلت له
وشو عصير موز ؟
قال لي عصير موز
قلت له طيب وشو عصير موز بالحليب؟
قال هذا عصير سبشل .
قلت له سبشل لأن فيه حليب؟
قال لي ايه..
قلت له كم صار لك متعرف على الموز ؟
قال لي من شي خمس سنين
قلت له عيل الموز ما ينشرب من غير حليب :omen2:

والحين عيالنا مدخلين لنا سالفة مانجا بالحليب
ومن عقب ما جربوه ردوا على المانجا من غير حليب ..

وفيه العافية يا بوخالد ..

[الزاجل]

الزاجل جرب طعمه مرة ومش حتنساه بالمرة

عندنا موظفة مصرية كل ماتروح مصر اوصيها على فصفص
يم يم يم
اسال روز يالزاجل
اسمحي لي يا ضوى
ما اتعامل مع اسماء مشبوهة :telephone:


ايه احب عصير الجريب فروت وايد بس اكله جذي لا يمه مافي امل :rolleyes2:

ذكرتيني والله بحاول اشتري اليوم وادخله في نظام الدايت اللي امشي عليه

شكرا يا حلوة

:unsure:

[][ الوحيد ][]

آآآآيه عالهمبا الهنديه والمصريه ..
عن نفسي أحياناً أعصرها بيدي بدون مافتحها .. وعقب اشق شق صغير من فوق .. واتم أشفط كأني أشرب عصير شقف .. وعقب أفتحها وآكلها ..
وأحيانا أقصها من النص .. وتصير نصها كأنه ملّه.. وأكل بالقفشه .. والباقي بيدي ..
وحلاة المنقا تغوص فيها وتلعوزك .. وأهم شي تلعوز خشمك .. وإلا ماتعتبر كلت منجا :nice:

احلى طريقه والله

[الزاجل]

[ الوحيد ][;4055242']احلى طريقه والله

انت و بوالجوري في زاوية وحدة هناك :nice:

[shrook]

الهمبه اول مره اسمع بالاسم !!!!!!!!!


ياعيني على المانجووووو شو طيب ...


يسلمووو الزاجل

[الزاجل]

الهمبه اول مره اسمع بالاسم !!!!!!!!!


ياعيني على المانجووووو شو طيب ...


يسلمووو الزاجل

مب عارف اصل للكلمة
بس عرفناها من نعومة اظافرنا..

العفو يا شروق

[OTOsan]

آآآآيه عالهمبا الهنديه والمصريه ..

عن نفسي أحياناً أعصرها بيدي بدون مافتحها .. وعقب اشق شق صغير من فوق .. واتم أشفط كأني أشرب عصير شقف .. وعقب أفتحها وآكلها ..
..

وحلاة المنقا تغوص فيها وتلعوزك .. وأهم شي تلعوز خشمك .. وإلا ماتعتبر كلت منجا :nice:

بوالجوري .. لك نفس طريقتي :)

شكرا يالزاجل .. الله ياهي تجي ايام ينباع بالـ(خيش) من كثرته ههههههه

بس مب هني :)

[الزاجل]

بوالجوري .. لك نفس طريقتي :)

شكرا يالزاجل .. الله ياهي تجي ايام ينباع بالـ(خيش) من كثرته ههههههه

بس مب هني :)

اكيد هناك...> فيه العافية
والعفو

[هدهد سليمان]

الطريقه

بسكوت دايجستف القمح علبه صغيره مطحون نخلط معاه 50 جرام زبده وشوي دارسين مطحون. ويكون قاعده للتشيز كيك..ندخله الثلاجه حتى يتماسك ونسوي الخلطه

الخلطه

6 منجا فرش تقشر ونستخدم اللب
نصف كوب سكر
علبة قشطه
12 حبه جبن كيري او علبه جبنة فلادلفيا
واما جلاتين مذوب بماي دافي او جلي منجا مذوب بكوب شاي ماي دافي حتى تتماسك الخلطه

يوضع بالخلاط ويضرب حتى يصبح مثل لكريما
نصبه على البسكوت وندخله الثلاجه

يفضل عمله قبل يوم من اكله حتى يتماسك

مثل الصوره
http://tbn1.google.com/images?q=tbn:2f4ji2yhsjf3bm:http://www.cookingcafe.net/pic/535.jpg



يعطيك العافيه اختي وتم حفظ المعلومات والتجربه وبعدين بانزل الصور :)

[الزاجل]

هلا وغلا الزاجل...


هــابــوسي= حفوزي ولا أنا غلطان....http://www.qatarshares.com.qa/data/646/649/storm_743430408_84479826.gif

على العموم أنا افضل اكل أجار الهمبه مع مجبوس الدجاج..:p

ويعطيك العافيه على الموضوع الي يسرسح على القلب.... http://www.qatarshares.com.qa/data/689/692/storm_1510044230_1586496494.gif

:shy::shy::shy:

طلع حفوزي
وتم تصحيح المعلومة في الذاكرة ..
شكرا لك على التصحيح .:telephone:

[بوخالد911]

طريقتي انا عاد غير شكل
انا اسدحها بالعرض واقطعها من النص بالضبط ووعقب افر نصها مع عقارب الساعه والنص الثاني عكس عقارب الساعه وابعدهم عن بعض
يصيرون قطعتين وحده مجوفه والثانية فيها العنقيشه
المحفورة اشتغل عليها بالقفشه ولين خلصت افتر على العنقيشه وافرها واقشعها وتكون الثانية مجوفه جاهزة وبالقفشة
وعقبهم اشتغل على العنقيشه

شرايكم في الطريقه :nice:

يعطيك المنجا :)

ااخوي الريان

الصراحة ما فهمتك
:rolleyes2::secret::secret::rolleyes2:

وشرايك تعزمني 3 كيلو مانجه

عشان استوعب طريقتك؟


مسيوو/ بوخالد911

[بوخالد911]

دام انك يبت طاري الحليب عيل خلني اقول لك هالسالفة
كنا في سوريا نتمشى في سوق الحريقة
الا صنادق او اكشاش مسمينها معاصر
وقفنا الا مكتوب عصير موز
و عصير موز بالحليب ..

وقفت عنده قلت له
وشو عصير موز ؟
قال لي عصير موز
قلت له طيب وشو عصير موز بالحليب؟
قال هذا عصير سبشل .
قلت له سبشل لأن فيه حليب؟
قال لي ايه..
قلت له كم صار لك متعرف على الموز ؟
قال لي من شي خمس سنين
قلت له عيل الموز ما ينشرب من غير حليب :omen2:

والحين عيالنا مدخلين لنا سالفة مانجا بالحليب
ومن عقب ما جربوه ردوا على المانجا من غير حليب ..

وفيه العافية يا بوخالد ..



هههههههههههههههه

حلوووة يالزاجل



بس صج جررب الماجو بالحليب


مش حتندم خااالص

:victory:


موفق خاالص
:nice:

[الزاجل]

هههههههههههههههه

حلوووة يالزاجل



بس صج جررب الماجو بالحليب


مش حتندم خااالص

:victory:


موفق خاالص
:nice:



ما احب الحليب..

احب القشطة :shy:

[OREO]

ما احب الحليب..

احب القشطة :shy:

ايوه يا قشطة ههههههههههههههه


لي عودة مع المنجا و العنقيش بإذن الله ..

:)

[الزاجل]

ايوه يا قشطة ههههههههههههههه


لي عودة مع المنجا و العنقيش بإذن الله ..

:)

حياك بس من غير هالإبتسامة الصفرة :shy:

[ورقــة أمــل]

اسوي نفس بو الجوري

العب فيها و عقب افتحها من فوق واكلهاااا عقب افتح القشر وامصمص اللب خخخ

واحبها عصير بالحليب او اسكريم

[ناصر العمادي]

الله منجاااااااااااااااااااا همبه :shy::shy:

أنا ياخوي ماعرف حفوزي مفوزي مايمشي عندي أنا أشم الهمبه أذا ريحتها حلوه رقدت على سكتها وحفصت عليها وماخلي فيها غير العنقيش ويكون نظيف حده :tease::tease:

طبعا أصابعي تقول عصارة همبه من كثر اللي فيها وأحلى شي تمص أصابعك :shy:

أما سوالف الأتيكيت والخرابيط هاذي ماحبها << خلها حق ناسها هالسوالف :nice:

موضوع عجيب بصراحه وأنا كنت فاكر أني راد على الموضوع بس الحين تذكرت أني قريته وماقدرت أرد لأني كنت ممنوع من الكتابه ..:secret:

تسلم أيدك يالغالي على الهمبه

الله يوفقك ويطول بعمرك ويرضى عليك دنيا وأخره يارب

كل الشكر والتحيه والتقدير والأحترام مني لك

[الزاجل]

اسوي نفس بو الجوري

العب فيها و عقب افتحها من فوق واكلهاااا عقب افتح القشر وامصمص اللب خخخ

واحبها عصير بالحليب او اسكريم

الزاجل says:
العالم حتأطع بعض يا جدعان على المانجا

فيه العافية



الله منجاااااااااااااااااااا همبه :shy::shy:

أنا ياخوي ماعرف حفوزي مفوزي مايمشي عندي أنا أشم الهمبه أذا ريحتها حلوه رقدت على سكتها وحفصت عليها وماخلي فيها غير العنقيش ويكون نظيف حده :tease::tease:

طبعا أصابعي تقول عصارة همبه من كثر اللي فيها وأحلى شي تمص أصابعك :shy:

أما سوالف الأتيكيت والخرابيط هاذي ماحبها << خلها حق ناسها هالسوالف :nice:

موضوع عجيب بصراحه وأنا كنت فاكر أني راد على الموضوع بس الحين تذكرت أني قريته وماقدرت أرد لأني كنت ممنوع من الكتابه ..:secret:

تسلم أيدك يالغالي على الهمبه

الله يوفقك ويطول بعمرك ويرضى عليك دنيا وأخره يارب

كل الشكر والتحيه والتقدير والأحترام مني لك

اوب .. بالفعل نزل الموضوع يوم احجبوا الكتابة عنك..
كفارة يا باشا :secret:

العفو وربنا يسلمك من كل شر ..
وتشكرات يا بشا ..

[hemoud123]

طريقتي انا عاد غير شكل
انا اسدحها بالعرض واقطعها من النص بالضبط ووعقب افر نصها مع عقارب الساعه والنص الثاني عكس عقارب الساعه وابعدهم عن بعض
يصيرون قطعتين وحده مجوفه والثانية فيها العنقيشه
المحفورة اشتغل عليها بالقفشه ولين خلصت افتر على العنقيشه وافرها واقشعها وتكون الثانية مجوفه جاهزة وبالقفشة
وعقبهم اشتغل على العنقيشه

شرايكم في الطريقه :nice:

يعطيك المنجا :)

الصراحه هذي احلى طريقه
على هالوصف لو ان الوقت مو متاخر كان طرت شريت كرتون ,
على العموم مشكور خليتني احس اني اكلت همبا , بقوم اغسل يدي :)

[بوخالد911]

من اسبووع كلت المانجا الهندية

صج حلووووة

والحيين موسمها

[الزاجل]

الصراحه هذي احلى طريقه
على هالوصف لو ان الوقت مو متاخر كان طرت شريت كرتون ,
على العموم مشكور خليتني احس اني اكلت همبا , بقوم اغسل يدي :)


فيه العافية يا حمود :shy:


من اسبووع كلت المانجا الهندية

صج حلووووة

والحيين موسمها



الحفوزية انزلت لين 15 للكرتون في الجملة
و 18 في المفرق ..

فيه العافية يا بو خالد:shy: