لو ولدك او اخوك يدرس ببريطانيا؟؟؟

[المهاجر]

السلام عليكم ورحمة الله وبركاته

كما تعلمون ان مرض انفلونزا الخنازير( اجلكم الله) قد وصل الى بريطانيا كفانا وكفاكم الله شره

ما ابي اطول عليكم

سؤالي لكم لو كان لك اخ او ابن يدرس هناك,, وهو الحين موجود بالدوحه في اجازه وبيسافر هاليومين بتخليه يروح ولا ترفض انه يسافر لين تتضح الامور؟؟

انتظر ارائكم

لكم مني كل التقدير

[هدهد سليمان]

شيء طبيعي اني راح احاول بكل السبل ان يتفادى السفر حتى يتضح الأمر.! صحيح ان كل شيء قضاء وقدر لكن رب العزة يأخذ بالأسباب .. الافضل الانتظار حتى يتضح السبب ومن الافضل إذا كان مبتعث عن طريق الدوله ان يكون التأجيل من قبل الدوله حتى يتضح الأمر وهذا رأي شخصي ما ادري هل ممكن ام لا؟ .. يعطيك العافيه

[][ الوحيد ][]

واللي في أمــريكا الحيـــن !!
هل تعتقد انهم لازم يرجعون ؟؟

[بيسان]

:omg:طارت فلوسك يا صابر :omg:
لا طبعا يسافر
من بين كل هذه الملايين ، يعني نسبة اصابته = 1/100000000= جزء من ولا اشي

خله يسافر وربك يسهل
:anger1::anger1::anger1:
اعقل
وتوكل

[وتبقى الدنيا حلوه]

ياخذ التطعيمات اللازمه و يتوكل على الله

[سهم متردد]

سافر اخوي يوم السبت ولو أدري بعد بخلييه يسافر

ههههههههه
(أشكره يبي الفكه)

[الجني]

لا تخاف عليه من المرض ان شاء الله لأنها نسبة ضئيله جداً

بس وصه يبعد عن الكشخة اللي ما لها لازم

سبب تعرض العرب للإعتداء اخطر من المرض بسبب

نسبة البطالة بين الإنجليز كبيرة و في المقابل شباب يتفاخرون بالكشخة الخداعة

الله يحفظه و ينجحه دنيا و آخره

[بنت سعادة السفير]

توكلوا على الله

[درب السعادة]

واللي مب ولده او اخوه بل أخواته يدرسون في بريطانيا ولا سائلين في الموضوع لانه حادث استثنائي يستدعي الاهتمام ولكن لا يستدعي أثارة المخاوف

[(الفيصل)]

ان المرض "يدعو الى القلق" ولكنه لا يدعو الى الهلع
على قولة اوباما
اللهم احفظنا من شر المرض ماظهر منه ومابطن

[الرسام]

السلام عليكم ورحمة الله

موضوع مهم فعلا تشكر على طرحه

أنا اقول يسافر ويتوكل على الله

وبعدين بريطانيا متأهبة لمواجهة المرض وحطوا خطط على اساس مستوى 1 ومستوى 2 ........ لين المستوى الخامس. ومعاملهم الطبية صار لها 5 سنوات تدور على العلاج المناسب وامس صرحوا ان عندهم الازم بس عشان يغطي بريطانيا يبيلهم انتاج مستمر لمدة 6 اشهر ومع العلم انهم قالوا انه ماراح يوقف الانتشار بس يفي بغرض العلاج.

رد منطقي يدل على ان الناس شغاله وجاهزه في المقابل شوف رد ربعنا اكتفوا بمقولة قطر خالية ويبون يجتمعون يوم السبت يناقشون. يعني ما فيه خطط لين الحين وبعدين اشدراهم ان قطر خاليه. هل ركبوا مجسات قياس درجة حرارة الجسم في المطار مثل بريطانيا وتشيلي وامريكا ولا بس اكتفوا بتقارير المستشفى.

ولا يمكن شيكوا على اختام الجواز اذا فيه ختم من المكسيك

كل يوم يدخل قطر ناس من بريطانيا وغيرها

احسن له يسافر لان الفترة هذي فترة امتحانات لازم يخلص او تخلص الله يوفقهم

وبعدين الطالب مدفوع له تأمين صحي يعني لا قدر الله صاده شي له الاولية في العلاج.

تحياتي لك ولقلمك الرائع

[المهاجر]

تسلمون والله على ردودكم

انا خذت بنصايحكم وقلت له روح والله يحفظك

وتركت له حرية الاختيار

يعطيكم العافيه

[6611]

انا حاليا موجود في بريطانيا للدراسه


والله احاتي هالشي :(

والله يبعدنا منه يارب

[كاتم الاسرار]

اخلي يتوكل على الله

[مليونيره]

أخوي يدرس في لندن شقد خايفة علية فديت عمره الله يحفظه من كل شر
بعد السفارة الله يصلحهم يسون حملة تطعيم ضد المرض في المكتب الطبي القطري

[المهاجر]

انا حاليا موجود في بريطانيا للدراسه


والله احاتي هالشي :(

والله يبعدنا منه يارب

طيب شلون الوضع عندكم

وانت باي منطقه

الله يحفظك من كل مكره

[المهاجر]

أخوي يدرس في لندن شقد خايفة علية فديت عمره الله يحفظه من كل شر
بعد السفارة الله يصلحهم يسون حملة تطعيم ضد المرض في المكتب الطبي القطري

اختي تقولين السفاره عندهم حلمة تطعيم؟

ارجوا التوضيح,,

[][ الوحيد ][]

i'm in USA and all my friends are fraid from this

we are in colorado !!

[][ الوحيد ][]

وصلني هالايميل من ادارة المعهــد الخاص باللغــه


I want to reassure all of you that Spring International is closely following the news about Swine Influenza (flu). If and when there is any information specific to Colorado or our Center, I will email you again. As of today, there were 68 cases of Swine Flu in the US. These people who are sick are located in New York, California, Indiana and Texas, NOT in Colorado. NO one in the US has died from Swine Flu. So, for those of you who are concerned, please try to protect and educate yourself.

To protect yourself, practice general preventive measures for influenza:

Avoid close contact with people who appear unwell and who have fever and cough.
Wash your hands with soap and water frequently and thoroughly.
Practice good health habits including adequate sleep, eating nutritious food, and keeping physically active.
To educate yourself, read / listen to the news:

From the World Health Organization
http://www.who.int/csr/disease/swineflu/faq/en/index.html
From the BBC

http://news.bbc.co.uk/2/hi/health/8021958.stm
From NPR
http://www.npr.org/templates/story/story.php?storyId=103577374

If you have any further comments or concerns, please contact me.

[AL HAJRI]

ما اعتقد فيها شئ واللي ربك كاتبه بيصير لك ,,,

اعقدها وتوكل على الله ولاتخلي مستقبلك او دراستك تروح عليك ,,

اذا الدوله وقفت البعثه مؤقتا الجامعه الاجنبيه مارح توقف الدراسه علشان سواد عيونك

يالعربي او المسلم بالتالي بيضيع عليك الوقت ,,,

من ناحيتي ما اشوف فيها شئ ,, وعلى فكره انا قبل يومين مسافر لندن وراجع بعد كم يوم

ولادريت بجنون الخنازير الا منكم الحين :),,,