سمعتوا حلقة اليوم من وطني الحبيب صباح الخير

[وطني قطري]

السلام عليكم ورحمة الله وبركاتة

مرحبا جميعا
اليوم لفت نظري اتصال لاحدى الاخوات من موظفات كهرماء في برنامج وطني الحبيب صباح الخير

يبدوا ان الاخت اقدرت تتكلم على الهوى بالحيلة لان اذا ماخاب ظني هي نفس الاخت الي تتصل دائما من كهرماء
والامايعرفة البعض ان موظفي كهرماء او قضية كهرماء كلها عليها تعتيم غامض وغير مسموح بتناولها في الجرايد او البرنامج المذكور الافي حدود معينه واحيانا لاتذكر اطلاقا
واكبر دليل التعتيم على موضوع الاعتصام الي قامو به الموظفين في كهرماء
وخروج العديد من الاشاعات عن تفنيش ومسائلة بعض الاخوات
لذلك رايت اننا وفي ظل الديمقراطيه الممنوحة لنا من قبل صاحب السمو الشيخ حمد الله يحفظة
ان نلقي الضوء على هذه القضية (التعتيم الاعلامي ) والاشاعات التي تكون غزيزة جدا في وقت مثل وقتنا هذا
هذا غير ان مكالمة اليوم هذه لخصت مافي قلوبنا نحن موظفين كهرماء وماقالت غير
حسبي الله ونعم الوكيل
اللهم اني مظلوم فانتصر
للي ماسمع المكالمة
عند الدقيقه 10:36
هذا هو الرابط
http://www.qatarradio.net/archive/w_04_2009/28042009w2.ram

[الزاجل]

جهات عديدة تأثرت

مافي الا كهرماء اللي موظفينها يتكلمون..

الظاهر الباقي عاجبهم الوضوع ..

[ضوى]

جهات عديدة تأثرت

مافي الا كهرماء اللي موظفينها يتكلمون..

الظاهر الباقي عاجبهم الوضوع ..


لو ندري الكلام بيفيد كان تكلمنا بس ندري مافي اي اجراء راح ياخذونه وبالاخير بيتطبق القانون عليك وعلي وعلي الاف غيرنا :)

[وطني قطري]

جهات عديدة تأثرت

مافي الا كهرماء اللي موظفينها يتكلمون..

الظاهر الباقي عاجبهم الوضوع ..

يمكن موظفي كهرماء اكثر ثقافة بخصوص حقوقهم الممنوحة من قبل القوانين وعلى رأسها الدستور
:)
وقناعاتهم كبيرة بمبدأ ماضاع حق ورأة مطالب

[الزاجل]

لو ندري الكلام بيفيد كان تكلمنا بس ندري مافي اي اجراء راح ياخذونه وبالاخير بيتطبق القانون عليك وعلي وعلي الاف غيرنا :)

:weeping:

[بنت عز نفسها]

ايييي انا سمعت الحلقه .. لكـــــن صج عجبـــتني وبردت خـــاطري :nice:

الله ييسر امورها يارب ويبرد خـــاطــــرهــا مثل مابــــــــــردت خاطــــــــــري

:victory:

معقوله بعد الظلم اللي صاير مافي حد تحجى وراضيين بالوضع !!!!!!!! :secret:

شي مايدش العقل

و :omg:

[الزاجل]

يمكن موظفي كهرماء اكثر ثقافة بخصوص حقوقهم الممنوحة من قبل القوانين وعلى رأسها الدستور
:)
وقناعاتهم كبيرة بمبدأ ماضاع حق ورأة مطالب

اسكت عني احس بحالة من الإحباط :weeping:

[بو نايف]

جهات عديدة تأثرت

مافي الا كهرماء اللي موظفينها يتكلمون..

الظاهر الباقي عاجبهم الوضوع ..

شنسوي مافي اليد حيله !!!!!

راتبنا وانقص !!!!

[الزاجل]

شنسوي مافي اليد حيله !!!!!

راتبنا وانقص !!!!

لا حول ولا قوة الا بالله
لا حول ولا قوة الا بالله
لا حول ولا قوة الا بالله

[THE PILOT]

لو ندري الكلام بيفيد كان تكلمنا بس ندري مافي اي اجراء راح ياخذونه وبالاخير بيتطبق القانون عليك وعلي وعلي الاف غيرنا :)

للأسف هذا المبداء اللي مرجعنا 50 سنه ورى....

[وطني قطري]

ايييي انا سمعت الحلقه .. لكـــــن صج عجبـــتني وبردت خـــاطري :nice:

الله ييسر امورها يارب ويبرد خـــاطــــرهــا مثل مابــــــــــردت خاطــــــــــري

:victory:

معقوله بعد الظلم اللي صاير مافي حد تحجى وراضيين بالوضع !!!!!!!! :secret:

شي مايدش العقل

و :omg:






آآآآآآآآآآآآآآمين

الله يزاها خير
عاد تدرين ان طلع عنها اشاعة انها تنفنشت
لكن ومن مصادري الموثوقة
الاخت مازالت على راس عملها
وكل الاخوان الي اعتصموا على راس عملهم
ولافي اي شيء صحيح من الاشاعات الي نسمعها
:nice:

[بنت عز نفسها]

لا ان شاء الله في حيله

توكل على رب العالمين وهذا ظلم حاصل وبينزاح ان شاء الله

بس جد مقهوره.... ليـــش تطبق القانون وهو ماكتمل ؟؟؟؟؟

مب داش مخي بالمره قانون ماكتمل ويتطبق !!!!!!!

[الـقـاسـي]

.. ماضاع حق وراه مطالب ..

[وطني قطري]

اسكت عني احس بحالة من الإحباط :weeping:

لااااااااااااااااااااا الزاجل مااصدق

انت زميلي في كهرماء؟ :victory:

[ضوى]

للأسف هذا المبداء اللي مرجعنا 50 سنه ورى....



كهرما سوت اعتصام لمدة ربع ساعة ياترى تقدموا كم خطوة للامام ؟؟؟؟؟؟

[وطني قطري]

للأسف هذا المبداء اللي مرجعنا 50 سنه ورى....

:nice:
هذا الكلام

لازم نكون اصحاب مبدأ
وطالما احنا على حق ابدا مايضيع لو طالبنا فيه حتى لو بعد 100 عام

[وتبقى الدنيا حلوه]

اتمنى حد يتحرك و يغير شي

[المقهوره]

اي والله حاله احباط بس والله ان حنا قويين ياكهرماء

مازلنا صامدين هههههههههههههههههههههههههههههههههههه ونداوم

[وطني قطري]

كهرما سوت اعتصام لمدة ربع ساعة ياترى تقدموا كم خطوة للامام ؟؟؟؟؟؟

زاد راتبهم شوي عن الخصم الي مفروض يكون

يعني انا عني كان راتبي بيصير 6000

زادوة الى 8970

يعني الثبات على المطالبة ممكن تزيد الراتب عن الراتب الي قبل القانون :nice:

[الزاجل]

لااااااااااااااااااااا الزاجل مااصدق

انت زميلي في كهرماء؟ :victory:

لا مب زميلك ابدا..
بس مب عاجبني الوضع..

حتى المذيعة ما عقبت على كلامها :secret:

تدري خلاص مالي خص
احس اني مراقب :eek5:

[ضوى]

زاد راتبهم شوي عن الخصم الي مفروض يكون

يعني انا عني كان راتبي بيصير 6000

زادوة الى 8970

يعني الثبات على المطالبة ممكن تزيد الراتب عن الراتب الي قبل القانون :nice:


:secret::secret::secret:

[وطني قطري]

ياقوم كهرماء :nice:
في ورقة تظلم ومرفق معاها ورقة توقيعات سترفع للمسئولين في كهرماء

فالي مايخاف منكم يسئل عنها وين ويوقعها خلونا نتبع القانونيه في توصيل صوتنا وانا واثق ان مسئولينا فيهم الخير والصلاح
:victory:

[ضوى]

لا مب زميلك ابدا..
بس مب عاجبني الوضع..

حتى المذيعة ما عقبت على كلامها :secret:

تدري خلاص مالي خص
احس اني مراقب :eek5:

قبل نهاية النهار انا وانت في ابو زعبل انت قسم الرجال وانا قسم النساء

[THE PILOT]

أخ انا والله ما قهرني الا الليبي اللي اتصل عقب المكالمه المذكورة اشكره دازينه القطريه لدرجة انه مايعرف اسم البرنامج ...بس محفظينه اسم الموظفه يعني شوفوا عندنا قطريين.

[بنت عز نفسها]

اي والله حاله احباط بس والله ان حنا قويين ياكهرماء

مازلنا صامدين هههههههههههههههههههههههههههههههههههه ونداوم


لا ان شاء الله بنـــداوم .. وبنشتغــــل .. وبنطـــالب بحقوقنــــا واباذن الله بيتعـــدل الوضع
بنرد صيت كهــرماء مثل قبل :nice:

[وطني قطري]

لا مب زميلك ابدا..
بس مب عاجبني الوضع..

حتى المذيعة ما عقبت على كلامها :secret:

تدري خلاص مالي خص
احس اني مراقب :eek5:


اقولك المذيعة تبلعمت مسكينه :victory:

يعني انت متأكد انك مب زميلي

عندك اختيارات
فكر
:telephone:

[الزاجل]

قبل نهاية النهار انا وانت في ابو زعبل انت قسم الرجال وانا قسم النساء

:eek5::eek5::eek5:

مالي خص
قدمت تهنئة في موضوع الوزراء..

اللهم اني بلغت اللهم فاشهد..

[OTOsan]

قبل نهاية النهار انا وانت في ابو زعبل انت قسم الرجال وانا قسم النساء

بازور الزاجل .. واجيب له معاي (مانجا) !

ليش احس في امور معتفسه .. هو احساسي بروحي ولا انتو حاسين باللي انا حاسس فيه ؟؟

[وطني قطري]

قبل نهاية النهار انا وانت في ابو زعبل انت قسم الرجال وانا قسم النساء

الله ياحيكم بترحون مصر
خخخخخخخخ

[الزاجل]

اقولك المذيعة تبلعمت مسكينه :victory:

يعني انت متأكد انك مب زميلي

عندك اختيارات
فكر
:telephone:

ايه متأكد صدقني وابصم لك بالعشرة..
مشكلتي قلبي فضولي يحب يشارك الناس احزانهم
يدور وين احزان يدعس نفسه :weeping:

وبناء عليه
قررت ان يكتمل قمر الحرية في اسرع وقت..
ما بقى في العمر كثر ما راح :weeping:

[الزاجل]

بازور الزاجل .. واجيب له معاي (مانجا) !

ليش احس في امور معتفسه .. هو احساسي بروحي ولا انتو حاسين باللي انا حاسس فيه ؟؟

والله احس ان ما في احساس
واني متقوقع في بوتقة من غير احاسيس
:secret:

[وطني قطري]

بازور الزاجل .. واجيب له معاي (مانجا) !

ليش احس في امور معتفسه .. هو احساسي بروحي ولا انتو حاسين باللي انا حاسس فيه ؟؟

تبي الصج

يعني اليوم فعلا حسيت انه في شي صاير
والبلد مثل مايقولون على كف عفريت
والله يستر

[ضوى]

بازور الزاجل .. واجيب له معاي (مانجا) !

ليش احس في امور معتفسه .. هو احساسي بروحي ولا انتو حاسين باللي انا حاسس فيه ؟؟


:eek5::eek5:

باخلي روز تزورني وتجيب لي فصفص

نفس الاحساس يا خوي الصغير نفسه

[THE PILOT]

كهرما سوت اعتصام لمدة ربع ساعة ياترى تقدموا كم خطوة للامام ؟؟؟؟؟؟

نرجع ونقول.. ماضاع حق وراه مطالب ..

[كاروهات]

وازيدكم من الشعر بيت
ان الادهى من جذيه ممنوع توظيف اي حد يطلع من كهرماء ومنزلين تعميم على جميع الوزارات والهيئات والشركات الخاصه...
يعني مالك مفر ياموظف كهرماء... ليش هاي كله ....
اذا الواحد حصل مكان افضل ليش مانعينه انه ينتقل ...

والله قهر وحرقة دم ....
((بالعربي يعني عادي تستقيل وتقعد فالبيت .... بس مب عادي تستقيل وترد تشتغل مره ثانيه في مكان ثاني...))


الله عالظالم ...

[أبا خطاب الهلالي]

أنا أعرف أكثر من واحد مضرب عن العمل في كهرماء ووجوده مجرد ديكور لا أكثر

وأبواب أكثر المكاتب مقفله حالة من الإحباط الشديد وردة فعل غاضبة للجميع

[وطني قطري]

ايه متأكد صدقني وابصم لك بالعشرة..
مشكلتي قلبي فضولي يحب يشارك الناس احزانهم
يدور وين احزان يدعس نفسه :weeping:

وبناء عليه
قررت ان يكتمل قمر الحرية في اسرع وقت..
ما بقى في العمر كثر ما راح :weeping:

يعني اي قمر حرية بيكتمل وانت محبط جذي :rolleyes2:
نعنش الله يهداك
وقول وراي

قل لن يصيبنا الاماكتب الله لنا

[بنت عز نفسها]

شكله احساسكم واحساسي واحد


حاسس بمصيــبه جياااالي يالطيف يالطيف..

[وطني قطري]

وازيدكم من الشعر بيت
ان الادهى من جذيه ممنوع توظيف اي حد يطلع من كهرماء ومنزلين تعميم على جميع الوزارات والهيئات والشركات الخاصه...
يعني مالك مفر ياموظف كهرماء... ليش هاي كله ....
اذا الواحد حصل مكان افضل ليش مانعينه انه ينتقل ...

والله قهر وحرقة دم ....
((بالعربي يعني عادي تستقيل وتقعد فالبيت .... بس مب عادي تستقيل وترد تشتغل مره ثانيه في مكان ثاني...))


الله عالظالم ...



هذا حصار ولاحصار غزة

نداء

(اخوانكم في كهرماء يقعون تحت وطأة ظلم الحصار وتحت نيران العدو الغاشم قانون الموارد البشرية)

[الزاجل]

يعني اي قمر حرية بيكتمل وانت محبط جذي :rolleyes2:
نعنش الله يهداك
وقول وراي

قل لن يصيبنا الاماكتب الله لنا

والنعم بالله

[المقهوره]

طيب إلا متى هالحال

حشى ما احد يتكلم الا حنا ياربي يا السلبيين إلا متى ساكتين

[الزاجل]

طيب إلا متى هالحال

حشى ما احد يتكلم الا حنا ياربي يا السلبيين إلا متى ساكتين

عني خلاص
تعبت كثر ما اشارك في مواضيعكم..
:telephone:

[بنت عز نفسها]

لو تشوف اغلبهم موظفين كهرماء من طول الدوام وخلصو اشغالهم
هذا اذا اشتغلو ولهم نفس للشغل والحين قاعدين ومجابلين المنتدى ويفضفضون
من قهـــــــــــــــــــــــــــــر هالقانون العجيب ..

[كاروهات]

عني خلاص
تعبت كثر ما اشارك في مواضيعكم..
:telephone:



الزاجل والعلم عند الله انك واحد من موظفي كهرماء


بس متخفي وماتبي تقول...

قول ... قول وانا اختك .. محد بيدري

:tease:

[وطني قطري]

ياقوم كهرماء :nice:
في ورقة تظلم ومرفق معاها ورقة توقيعات سترفع للمسئولين في كهرماء

فالي مايخاف منكم يسئل عنها وين ويوقعها خلونا نتبع القانونيه في توصيل صوتنا وانا واثق ان مسئولينا فيهم الخير والصلاح
:victory:


لاتسون روحوكم ماقريتوا هذا الخبر

اشتطوا ياقوم ارجوكم
:nice:

[كاروهات]

انا عني كتبت اسمي ووقعت..

[الزاجل]

الزاجل والعلم عند الله انك واحد من موظفي كهرماء
بس متخفي وماتبي تقول...
قول ... قول وانا اختك .. محد بيدري
:tease:

:eek5::eek5::eek5:

بدينا الشائعات :eek5:

[بنت عز نفسها]

جاتنا وتم عمل الازم .. :victory:

واي احد يبي الورقه بس ماعليه الا يطرش على الخاص
اسمه و رقم الطابق ومايصير خاطره الا طيب
وبتوصله ان شاء الله

[وطني قطري]

الزاجل والعلم عند الله انك واحد من موظفي كهرماء


بس متخفي وماتبي تقول...

قول ... قول وانا اختك .. محد بيدري

:tease:

الزاجل في المكتب الي جنب مكتبي

اسمع الطقطقة على الكيبورد

صادووووة يالزاجل

:d

[المرحب]

الله يعينها ويعين كل مظلوم






تحيـــــــــــــــاتي ...

[كاروهات]

:eek5::eek5::eek5:

بدينا الشائعات :eek5:



الزاجل يقولك الشائعات هالايام ماشيه تمام وميه ميه...
ويقولون ان الزاجل اهو اللي مسوي ورقة التظلم ....
نيهاهاهاهاهاي

:nice:

[كاروهات]

ترى اتغشمر ...
لا اعرف الزاجل ولا اعرف وين يشتغل ...

بس يقولون ناس شافوه في كهرماء

[الغريبة]

تدرون ان الحرية وتصليح الاعوجاج ومطالبة الحق يبيله ضحايا وخسارة اشياء كثيرة لذلك إحنا في الوطن العربي نبي كل شيء بدون تضحية نبي كل شيء يتغير واحنا قاعدين في البيوت وننتظر غيرنا يتحرك وغيرنا ينتظرنا حتى تقوم القيامة

[بنت عز نفسها]

الزاجل يقولك الشائعات هالايام ماشيه تمام وميه ميه...
ويقولون ان الزاجل اهو اللي مسوي ورقة التظلم ....
نيهاهاهاهاهاي

:nice:



هههههههههههههههههههه
اي والله انج صادقه ماشيه ماشيه
بس تسلم يدك الزاجل ويسلم قلمك .. عبرت عما بداخلنا

ولك الشكر والعرفان
:nice:

[بنت عز نفسها]

تدرون ان الحرية وتصليح الاعوجاج ومطالبة الحق يبيله ضحايا وخسارة اشياء كثيرة لذلك إحنا في الوطن العربي نبي كل شيء بدون تضحية نبي كل شيء يتغير واحنا قاعدين في البيوت وننتظر غيرنا يتحرك وغيرنا ينتظرنا حتى تقوم القيامة



كــــلامج ميه % وماعليه غبار ولا هنتي
هذا اللي حاصل بالضبـــــــــــــط :secret:

ناس تشل وتحط وناس تشوف وتنتظر الفايده لا اكثر ولا اقل

[الزاجل]

الزاجل يقولك الشائعات هالايام ماشيه تمام وميه ميه...
ويقولون ان الزاجل اهو اللي مسوي ورقة التظلم ....
نيهاهاهاهاهاي





:nice:



نياهاهاهاهااهيي بعد

فلة انت :secret:



ترى اتغشمر ...
لا اعرف الزاجل ولا اعرف وين يشتغل ...

بس يقولون ناس شافوه في كهرماء

يعني اللي يراقبون المنتديات مب عارفين من اكون :omen2:



هههههههههههههههههههه
اي والله انج صادقه ماشيه ماشيه
بس تسلم يدك الزاجل ويسلم قلمك .. عبرت عما بداخلنا
ولك الشكر والعرفان
:nice:


ربنا يسلمكم..
دايما وابدا نقول اللي عنده حق خله يركض وراه
و عمره السكوت ما حرك شي ..

بس شنسوي..
انحصل الكل يقول
اسكت مالك خص
اسكت انت مب في الموضوع
اسكت اسكت
اسكت
لين بيكتمل قمر الحرية :unsure:

[وطني قطري]

الله يعينها ويعين كل مظلوم






تحيـــــــــــــــاتي ...


عجبني فيها اصرارها على توصيل صوتها

واول مرة يقشعر بدني عندما قالت

(حسبي الله ونعم الوكيل )

قالتها بحرقة

[وطني قطري]

جاتنا وتم عمل الازم .. :victory:

واي احد يبي الورقه بس ماعليه الا يطرش على الخاص
اسمه و رقم الطابق ومايصير خاطره الا طيب
وبتوصله ان شاء الله




بشري اختي كم وصل عدد التواقيع
وهل في احد راسلج من الاعضاء من قوم كهرماء ؟

يلا شباب كهرماء ورونا الهمة في التواقيع :nice:

[الغريبة]

صراحة بردت قلبي بس ما تلاحظون ان الحريم صوتهم اقوى شوي من ريايل كهرماء يعني هم يوصلون رايهم اكثر ولا انا غلطانة

[بنت عز نفسها]

بشري اختي كم وصل عدد التواقيع
وهل في احد راسلج من الاعضاء من قوم كهرماء ؟

يلا شباب كهرماء ورونا الهمة في التواقيع :nice:



ماقدر ابشر بشي لان ماشي وصلني

وان شاء الله خير

انا سمعت الورقه بيقدمونها اخر هالاسبوع مادري
اذا تتمدد الفتره على شان توصل لأكبر عدد ممكن ونقدر
نوصل عدد مقبول من المتضررين

نبي تكاتف والي يرحم والديكم

:victory:

[وطني قطري]

صراحة بردت قلبي بس ما تلاحظون ان الحريم صوتهم اقوى شوي من ريايل كهرماء يعني هم يوصلون رايهم اكثر ولا انا غلطانة

انا بعد ملاحظ هالشي :eek5:
ومادري ليش بصراحة

يبيلنا وقفة عند هالنقطة ونسئل رجال كهرماء عن السبب

يلا يالزاجل تعال جاوب

[وطني قطري]

ماقدر ابشر بشي لان ماشي وصلني

وان شاء الله خير

انا سمعت الورقه بيقدمونها اخر هالاسبوع مادري
اذا تتمدد الفتره على شان توصل لأكبر عدد ممكن ونقدر
نوصل عدد مقبول من المتضررين

نبي تكاتف والي يرحم والديكم

:victory:






وينكم ياكهرومائيييييين

نبي الهمة

:nice:

[بنت عز نفسها]

انا بعد ملاحظ هالشي :eek5:
ومادري ليش بصراحة

يبيلنا وقفة عند هالنقطة ونسئل رجال كهرماء عن السبب

يلا يالزاجل تعال جاوب





يمكن واصلهم شي ومسكتهم

والرجال اللي يتكلمون يمكن ماوصلهم هالشي !!!

يمدحون الاشاعات هالايام ويلا شورانا :tease:

لا بس في سكوت مبهم بالموضوع :rolleyes2:

[الزاجل]

انا بعد ملاحظ هالشي :eek5:
ومادري ليش بصراحة

يبيلنا وقفة عند هالنقطة ونسئل رجال كهرماء عن السبب

يلا يالزاجل تعال جاوب

خلاص انا بيكتمل قمر حريتي ان شاءالله
ما علي منكم :telephone:

[بوحارب]

مساكين كهرماء

امس اكلم واحد من ربعي يقولي راتبي صار 8500 من عقل ال 11500 @@

كسر خاطري

[جلمود]

وينكم ياكهرومائيييييين

نبي الهمة

:nice:

والله لو ينبح صوتهم وصوتك مالكم ملبي

الله يعينهم بس

[وطني قطري]

مساكين كهرماء

امس اكلم واحد من ربعي يقولي راتبي صار 8500 من عقل ال 11500 @@

كسر خاطري

الله يكون في عونه وفي عونا
والشكوى لله سبحانة

[وطني قطري]

والله لو ينبح صوتهم وصوتك مالكم ملبي

الله يعينهم بس

لنا ملبي ان شاء الله ومن مصادر موثوقة <<< حركات بوراشد:nice:

بس يبون يشوفونا على قلب واحد

:victory:

[hamoor4ever]

انا اليوم قاعد اطالع الراتب وافكر اشلون بعيش على هالحال لان علي التزامات الله يعلم فيها والشكوى لغير الله مذله والظالمين بيجي لهم يوم فخلكم منتظرين علشان تفرحون :)

[بنت عز نفسها]

hamoor4ever

ربعك معييين مالنا غير نناضل من اجل البقاء :)

يقولك تفألو خيراً تجـدوه وانا متفائله خير
و عندي احساس بتتعدل الاوضاع ان شاء الله :victory:

[أنت]

هلا أخواني وخواتي
أنا من موظيفين كهرماء
شغال في قسم الطواري
ولله لو نتكلم من اليوم لين بكره ونصيح دم محد معبرنا لان القرار نزل
وانا عن نفسي قبل شهر مالج وسحبت سلفه حق الزواج وكان راتبي 16500 والحين 11500
اقصاد البنك 6000 تبق لي مصروف5500 أفكر شلون بخلص ملحقي ومصاريف العرس وشلون عقب بعيش على 5500 وكل شي غااااااااالي في قطر رحت بقدم ستقاله قالي واحد من الربع لازم الموافقه على الاستقاله من مجلس الشورى وهذا اذا وافقو يعني مايبيون يعدلون رواتبا مايبون نروح مكان ثاني يااخي خاف من ربك يالي حاط الغانون أحنا في الطوارئ مانقعد على الكرسي اله وقت الحظور والانصراف عند التوقيع
علاوة الخطر شليتوها علاوة الشفت نقصتو منها على الهاتف قصيتوها تبون انبوووس ريووولكم والللللللللللللللللللللله حرام القطري صار فيه جي الاول كل دوله خليجيه تتكلم عن معاشات قطر واليوم أحنا أنصيح من القهر ياااااااااكبااار ويلي حطيت القانون شوف العيشه شلون في قطر يمكن أنت ماتهمك المصاريف معاشيك يغطيك وغطي عشره معااك واكثر بس أحنا نتعب ونشتغل وننتج من حقنا ناخذ رواتب قويه
بس والله والله في رقبت الي حط القانون
والشكوه لغير الله مذله ,احنا عيال قطر تعلمنا على عزت النفس والكرامه
الله كررررررررررررررررررررررررررررريم ياكهرمااااااااء

[فاقد الامل]

السلام عليكم ورحمة الله وبركاته
لو أن قانون الموارد البشرية طال اللاعبين الاجانب المحترفين في الاندية واصحاب المناصب العليا واعضاء مجلس الشورى كان هانت ؟

[أنت]

القانون ليش ماشمل مجلس الشورى والقضاء واعضلء هيئة التدريس والديوان الاميري والداخليه والخارجيه
والعبين المحترفين يااااااااااااااااااااااااااااااااااااااخي أنت ماتعرف شي اسمه قانون وتحط قانون ولله مشكله

[بنت عز نفسها]

القانون ليش ماشمل مجلس الشورى والقضاء واعضلء هيئة التدريس والديوان الاميري والداخليه والخارجيه
والعبين المحترفين يااااااااااااااااااااااااااااااااااااااخي أنت ماتعرف شي اسمه قانون وتحط قانون ولله مشكله
انا اقولك .. لانه قانون :secret:


خل هاي كـــــله .. الحين قصو الراتب وللعلم صار لي 7 سنين وبعد معاناه صرت استلم 15الف وتناتيف .. المهم الحين صار 11 الف وتناتيف ..
على قانون كهرما القديم التوب جنير مايصير سنير ليما تطلع عيونه :eek5: وعلى قولتهم لين يلاقون له بوزشن سنير ..
المهم صبرنا وسكتنا والحين يوم قصو الراتب وطبقو القانون العجيب ..
قلنا يلا هذي فرصتنا نقدم على طلب نصير سنير حالنا حال غيرنا من الوزارات اللي اشتغلو عقبنا وحصلو على السنير ..
الا يقول المسؤل القانون اصلا متطبق على الراتب وبس وماقدر اقدم لكم على شي لين يخلص القانون
لان حتى الموارد البشريه اصلا ماستلمت شي من القانون غير قص الراتب..
اللـــه واكبــــــــــــــر الحين كمـــــــــــــلو القانون وبعدين طبقـــــــــــــوووه اذا في بدلات ولا فيه زفت
يعني ليش تبهدلون وتذلون الموظف كم شهر ليما تضبطون القانون
احنا عايشين على الله وعلى هالراتب وبعد ينقص بدل مايزيد :weeping:

[sendarala]

اي سمعنا الموضوع وعلى ما اعتقد هي نفسها اللي كل مرة تتصل فيهم
الظاهر موكلينها عن الجميع ،،،، اكيد هي علاقات عامة ( طبعاً ما ادري )
بس اللي قالته من قلب محروق ويكفي انها تحسبت على الظالم وكل من له دخل في الموضوع
الله يساعدهم ويساعدنا
اللهم لك الحمد على ما رزقتنا وعلى ما اعطيتنا

[مروض المهـرة]

من الشباب اللي كاتبين تظلم

[بنت عز نفسها]

من الشباب اللي كاتبين تظلم

حاب تظم صوتك لصوتنا وتوقع اخوي؟؟؟

[جابر العثرات]

ضوى
لو ندري الكلام بيفيد كان تكلمنا بس ندري مافي اي اجراء راح ياخذونه وبالاخير بيتطبق القانون عليك وعلي وعلي الاف غيرنا :nono:

وما نيل المطالب بالتمني ....ولكن تؤخذ الدنيا غلابا :fight:

[كينيا]

hamoor4ever

ربعك معييين مالنا غير نناضل من اجل البقاء :)

يقولك تفألو خيراً تجـدوه وانا متفائله خير
و عندي احساس بتتعدل الاوضاع ان شاء الله :victory:


انا مش من موظفي كهروماء
لكن معاكم قلبا وقالبا
حرام والله اللي صاير

:anger1:

[بنت عز نفسها]

انا مش من موظفي كهروماء
لكن معاكم قلبا وقالبا
حرام والله اللي صاير

:anger1:



ماتبي توقع بكتاب التظلم؟؟؟ :tease:

هههههههههههههههههههه


شاكره لك مشاعرك الطيبه اخوي

الله المستعان

[الموضوعي]

المشكلة ان ماعندنا ديموقراطية ولا نقدر نتكلم ولا نعتصم مالكم الا رب العالمين وصدقوني الفرج قريب ان شاء الله

[أبا خطاب الهلالي]

بغيت أوقع على الورقة ممكن يتم التنسيق معاي على الخاص وبترك رقم جوالي للتواصل

[بنت عز نفسها]

بغيت أوقع على الورقة ممكن يتم التنسيق معاي على الخاص وبترك رقم جوالي للتواصل




يأهــــلا ويامــــرحبا هذي الساعه المباركه

بس بغينا اسمك واي طابق على الخاص الله لا يهينك :victory:

[الفـــارسه]

اقشعر بدني وضربات قلبي سريعه

كلمة حسبي الله ونعم الوكيل قالتها بحرقه الله يستر

دعوتها احنا انتفضنا منها شلون اللي لهم يد في مصيبتهم عساها ما تعداهم وتصيبهم الليله قبل باجر

[مروض المهـرة]

انا وزملائي عددنا 12 واحد نبي نوقع اللي عنده التظلم يتابع معاي على الخاص
تحياتي.............

[وطني قطري]

اتمنى من الي عندهم اورقة التظلم يتابعون مع الاخوان

والله ينولنا الي في بالنا ان شاء الله

[بنت عز نفسها]

اللهم اميــــن

[وطني قطري]

عسى الي وقعوا وااااااااااايد؟؟

نبي الفزعه ياقوم كهرماء المظلومين


صوتنا بتجمعنا وتكاتفنا راح يصدع ويحطم جدار العدو الغاشم قانون الموارد البشرية

:nice:

[كيفـي]

انتم نقصوا رواتبكم..

وحنا نقصوا درجاتنا..:(

والبريد مازادوهم ولا ريال.. مع انهم اخس رواتب بالدولة..!!

س : هل هذا هو العدل اللى يتكلمون عنه..!!!

[وطني قطري]

انتم نقصوا رواتبكم..

وحنا نقصوا درجاتنا..:(

والبريد مازادوهم ولا ريال.. مع انهم اخس رواتب بالدولة..!!

س : هل هذا هو العدل اللى يتكلمون عنه..!!!

هذا ماهو الا اذلال للمواطن واستخفاف بعقلة

[خالد بوفيصل]

تتوقعون شنو الحل ؟

[بواردي]

الله يعين

[خالد بوفيصل]

يالربع ويييين بوراااااشد اللي دايما تكون عنده الأخبار اشوفففه مختفي

[بنت عز نفسها]

تتوقعون شنو الحل ؟





الحل
بتكاتفنا وتعاون المظلومين برفع كتاب التظلم .. :victory:

والله المستعان

[eXpert*]

كهرما سوت اعتصام لمدة ربع ساعة ياترى تقدموا كم خطوة للامام ؟؟؟؟؟؟


ولا خطوة اتوقع والسبب في الاعتصام لا احد يساهم فيه ولكن لو كانت مسيرة فوز أحد الاندية لـ رأيتي الكل مساهم فيها بغض النظر عن النادي اللي يشجعه . :secret:

[وطني قطري]

تتوقعون شنو الحل ؟

سؤالك في له عدة اجابات اخوي بو فيصل

الحل الاول :

يكون من الدولة وهو الغاء هذا القانون الذي لايحوي الاعلى اقل القليل من الامتيازات للبعض وليس للجميع .
وهذا ليس باامر مستحيل ,بحيث انه سترجع مرتبات الموظفين المرتفعه الى ماكانت علية وتتطبق لوائح مؤسساتهم وتفاديا لغضب موظفين الحكومة اللذين تمت زيادتهم نقترح ان تظل الزيادات كما هي لهم كنوع من المكرمة الاميرية لهم او زيادة اولية لهذه الفئه على ان تتم الزيادة الكبرى بعد ذلك بحيث يصل جميع الموظفين في رواتبهم الى الحد الاعلى من الرواتب وليس كما هو حاصل الان .

الحل الثاني :
عدم شمول القانون لمؤسسة كهرماء ومن هم على شاكلتها تفاديا لانخفاض المستوى المعيشي للموظف المواطن الذي سيسبب له العديد من الاحباطات على جميع المستويات .

الحل الثالث :
استحداث علاوات لموظفين كهرماء ومن تم رفع رواتبهم الى ان تصل الى ماكانت عليه ولكن هذا امر يخالفة القانون الجديد وحتى ان تمت مخالفة القانون فهنا يفقد القانون الهدف الاساسي الذي وضع لاجلة وهو التوحيد
ولذلك سنجد ان الحلين السابقين افضل .

الحل الرابع :
سلك موظفين كهرماء كل الطرق القانونيه في استخدام حقوقهم بداية من التظلمات الى تنظيم الاعتصامات والاضراب ان لزم الامر الى ان يتم النظر بعين الاعتبار الى مدى حجم الماساه التي يعانون منها ويحاول الكثيرين من المسئؤلين ان يهمشوها ويفقدوها جديتها


الحل الخامس :
هو تفادي الحل الرابع وتخطي الثالث والثاني وتطبيق الاول

:nice:

[وطني قطري]

يالربع ويييين بوراااااشد اللي دايما تكون عنده الأخبار اشوفففه مختفي

نفس السؤال

[الزاجل]

ولا خطوة اتوقع والسبب في الاعتصام لا احد يساهم فيه ولكن لو كانت مسيرة فوز أحد الاندية لـ رأيتي الكل مساهم فيها بغض النظر عن النادي اللي يشجعه . :secret:

:nice::nice::nice:

[!الشايمه!]

تدرون ان الحرية وتصليح الاعوجاج ومطالبة الحق يبيله ضحايا وخسارة اشياء كثيرة لذلك إحنا في الوطن العربي نبي كل شيء بدون تضحية نبي كل شيء يتغير واحنا قاعدين في البيوت وننتظر غيرنا يتحرك وغيرنا ينتظرنا حتى تقوم القيامة


عجبني هذا الكلام....كثير
خطوة جريئة وشجاعة من موظفي كهرماء...احب اللي يسوي قلق :)
ودائماًُ هناك من يبدأ الخطوة الاولى...استمروا بهدؤ....مزعج!!
والله يفرجها عليكم

تحية

[فاقد الامل]

تتوقعون شنو الحل ؟

السلام عليكم ورحمة الله وبركاته
الحل أن كلنا نصير ابخل شعب لمدة ستة شهور ما نشتري الا الشئ الضروري خلوا التجار تخيس بضاعتهم عندهم ولين يعلون افلاسهم انشاء الله ويشتكون عند السلطات العليا اكيد راح يستجيبون حق ندائم لان اهم أهم شئ

[بنت عز نفسها]

احنا بنسوي اللي علينــا ونبي اللي عليهم الدووور يسووون شي

والله المستعان

[أنت]

اليوم سمعت في الدوام قالو يمكن يتم النظر في موظوعنا ان يعطونا زياده 40 بالمائه حق العمل الاضافي هااااي الي سمعته ولله اعلم

[hamoor4ever]

اليوم سمعت في الدوام قالو يمكن يتم النظر في موظوعنا ان يعطونا زياده 40 بالمائه حق العمل الاضافي هااااي الي سمعته ولله اعلم

وين شغال اخوي

[بنت عز نفسها]

اعتقد يتشغل في كهرما ويانا :×

[_بوشهاب_]

اعتقد يتشغل في كهرما ويانا :×

:eek5: انتي بعد في كهرماء

[_بوشهاب_]

يالربع والله ان اليوم كانت بتسير مظاهرات من موظفين كهرماء القسم الفني لكني هديتها وقلت لهم صبروا شوي برتب لكم الموضوع مب نفس المره القبليه 11 واحد بس
اصلا احنا الفنيين بس :eek5: ؟؟ :eek5:

[بنت عز نفسها]

:eek5: انتي بعد في كهرماء




انبح صوتي وانا اتكلم عن الظلم والمعاناه من هالقانون العجيب
واخرتها تقولي انتي من كهرماء :secret:

[مروض المهـرة]

:eek5: انتي بعد في كهرماء


الله يهداك يابوشهاب المفروض تعرف ربعك http://www.qatarshares.com.qa/data/208/211/storm_929905587_407280263.gif

[_بوشهاب_]

انبح صوتي وانا اتكلم عن الظلم والمعاناه من هالقانون العجيب
واخرتها تقولي انتي من كهرماء :secret:



والله ان الشباب اليوم داومو نص وامس مادوامو قالوا عادي بيخصمون خلهم يصخمون الله يهديهم

[بنت عز نفسها]

واحنا صار عندنا تسيب من البعض وعلى قولتهم دام وزاره خلنا نداوم دوام الوزاره بعد شله نتعب عمرنا

بس انا مب مع هالشي الواحد يطالب حقوقه بالقانون

و عندي احساس الاوضاع بتتعدل باذن الله
والله كريم ان شاء الله

بس اهم شي نسوي اللي علينا بالطرق القانونيه والسلميه
وماتجي بالضرر علينا اكثر من ما احنا متضررين

[_بوشهاب_]

الله يهداك يابوشهاب المفروض تعرف ربعك http://www.qatarshares.com.qa/data/208/211/storm_929905587_407280263.gif

السموحه والله ان شاء الله بسوي لسته بأسم ربعي في كهرماء
كــــــهــــــــــــــــــــرمــــاء
عشان وقت :victory: :omen2: اراسلهم على طول

[مروض المهـرة]

تسلم يالغالي :nice:

[أنت]

أي أخوي أنا معاكم من قهرماء هههههههه من الفنين المدفونين هههههه

[&شهد&]

الله يعينكم وييسر اموركم.....عورتوا قلبي.....

[الغريبة]

عجبني هذا الكلام....كثير
خطوة جريئة وشجاعة من موظفي كهرماء...احب اللي يسوي قلق :)
ودائماًُ هناك من يبدأ الخطوة الاولى...استمروا بهدؤ....مزعج!!
والله يفرجها عليكم

تحية

تسلمين اختي الشامية وقصدي ايضا في كل امورنا . أما موظفين كهرماء فلهم الله بيوقف معانا ما علينا من البشر والحمدالله في كل شيء تماسكوا يا اّل كهرماء وإشكروا ربكم في كل الاحوال حتى يزيد لنا اكثر واكثر وما نشكر ونحمد لما يزيد لنا الله الرزق وندعي ونلعن الجهال عندما ينقص منا الرزق ما يصيبنا الا ما كتب الله لنا أنا إستفدت من هذه التجربة القاسية عدم الثقة بأي حد حتى القانون للأسف إحساس مر ولله الحمد وشكر ان لي رب أثق فيه وأحتسب اليه وموجود معي ويحميني في كل الاوقات ولا احتاج احد

[أمل الإمارات]

معكم قلبا وقالبا:nice:

[كاروهات]

القهر والظلم واقع عالكل ...
وانشاءالله الله بيفك كربتنا وازمتنا ....
بس لازم نكون " احنا موظفي كهرماء " كلنا يد وحده ....
عشان نقدر نوصل صوت المظلوووم لاعلى صوت ....