شعري يطيح شسوي؟

[الحنـــان]

:weeping:


السلام عليكم

شعري يطيح بشكل مب طبيعي اخصل اخصل اطيح

شسوي

انقذوني الله يخليكم

[>>> غــمـــوض <<<]

هلا حبوبتــي
انصحج تروحيــن لدكتوره مثلا عندج عايده الصالــح تشوف لج فروة راسج
وتسوي لج فحص عشان تتأكد ان كل شي تمام وعقبها بتعطيج ادويـــه عشان تقوي عندح الشــعره ،، انا وحده من هلي راحت لها والحمد الله شعرهــا وااااااااايد صارتمام ويطبح بنسبه اقل من قبل وشوي شوي ان ان شاء الله يرجع مثل قبل واحسن
:)

[saaam]

حبيبتي شكلج من النوع اللي يفكر ويحاتي وينتف عمره من التفكير

لا تفكرين واجد وعدلي نظام اكلج وروحي لدكتوره لازم لا تستعملين زيوت وخرابيط عالجي المشكله بعدين قوي شعرج

والله يعينج حبيبتي

[ضوى]

الصراحة الماي له تأثير وايد الظاهر زايدين نسبة الكلور في الماي حسب ماسمعت

شوفي اختي علاجات ماتنفع تفيدج شوي وعقب يرد مثل اول

فيه زيت والله مدري شسمه باشوفه لج في البيت بعدين في الجمعيات الصراحة رهيييييييييب يوقف تساقط الشعر كنت اعاني مثلج في البانيو خصل خصل والحمد لله داومت عليه في البداية والحين كل اسبوع احط مرة وملاحظة واييييييييييييييييييد خف التساقط ان شاء الله لجربيته تشوفني نتيجة

بعدين فيه سؤال اختي انتي توج مربية ؟؟؟ لانه اذا الاجابة نعم فهذا شئ عااااادي جدا في اول ست شهور الشعر يحت من قلب اما اذا لا فشوفي الزيت اللي قلت لج عنه وان شاء الله بيفديج

[ضوى]

اضافة ثانية

عليج بعصير الجرجير في شعرج كل ليلة وشوف النتيجة

وعليج الاهتمام بأكلج اكلي جرجير وعدس وايد يزيد الهيموجلوين عندج وبتتحسن الحالة

[شـعـشـبـونـه]

هلا اختي الحنان

جبت لج الحل واتمنى انه يفيدج مثل مافادني
بصراحه لاحظت الفرق من ثاني اسبوع

http://www.ii1i.com/uploads4/bc79066a2a.jpg (http://www.ii1i.com)

اسمه زيت الثوم بس لا يغرج الاسم هو مب دهني حتى لما تحطينه على شعرج ماتحسين انه مدهن وريحته والله حلوه مب ثوووم صدقيني ومتوفر في الصيدليات وهذي شكل الغرشه
عن نفسي بصراحه استعمله بالكثيير 4 مرات في الاسبوع .. توزعينه على فروة الراس وبعدين افركي شعرج وخلاص سبحيه في اي وقت بس مب اقل من ساعتين..

[shaikha ma]

عندج بعد كريم ذيل الحصان
يقولون عجيييييب ويغلظ الشعر

[بنت سعادة السفير]

:weeping:


السلام عليكم

شعري يطيح بشكل مب طبيعي اخصل اخصل اطيح

شسوي

انقذوني الله يخليكم


وعليكم السلام ورحمة الله وبركاته ....
راجعي الخاص

[الوان]

لا تستعملين البلسم خاصة الانواع اللي تنعم بشكل مب طبيعي
انا كنت استعمل هيربال اسنز البلسم و الشامبو ينعمون الشعر بطريقة اتجنن
بس شعري كان يطيح واااااايد
و يوم وقفت عنه ارتحت على الاقل صار ما يطيح بشكل غير طبيعي
و صرت ما غسله الا بشامبو بيبي جونسون
و احط ماسك للشعر بالثوم مرتين او ثلاث مرات بالاسبوع
انا قريت هالطريقة في احد المنتديات و الاخت اللي كاتبته تحلف ان شعرها غليظ و ناعم و طويل و انها تستعمل هالطريقة بالاضافه الى زيت للشعر

[شويهينــه]

الصراحه وعن تجربه شخصيه انا مافاد معاي غير زيت الجدايل اللي من القرشي وبتلاقينه في الجمعيات