لا يوجد وظيفة شاغرة...والسبب مضحك مبكي

[القلم الصريح]

السلام عليكم جميعا

خذو هالموقف
كنت مقدم اوراقي على وظيفة في اليوم المهني
وقلت يالله .. اتوكل على الله واشوفي حظي
واليوم اتصلت فيني موظفة في بنك وقالت لي :لا يوجد وظيفة شاغرة بالنسبة(( لمؤهلاتك))..!!
قلت لها : ليش..مع ان مؤهلاتي في صميم العمل ..
ولو اقولكم مؤهلاتي بتضحكون :)
بس ماراح اقول كل مؤهلاتي وخبراتي بس بقول وحده واذا تبون مؤهلات غيرها ..اشرو بس
اول مؤهلاتي
علوم ادارية تخصص إدارة بنوك :)
وش تسمون هالموقف

انتظر تعلقياتكم

[بو الجوري]

هلا أخوي .. يمكن صج مافي وظيفه شاغره حالياً لك ..
ومب معقوله بيحطونك خدمة عملا أو كاشير ..

فالمقصود أكيد إن مافي مكان عندهم تستحقه .. :)

[**قطـــــر**]

يعنى البنك متصلك علشان يقولك لايوجد وظيفه شاغره ,, كان ما إتصلوا من الأساس وريحوا نفسهم ولا بس من واجبهم بس يتصلون ويقولون مايحبط الشخص المتقدم


بعدين انت دراستك فى صميم العمل شيبون غير كذا إحسن أنت شخص متخصص إداره بنوك

بس اللى مستغربه يمكن قالوا لك مثل بعض الإدارات يوم تقدم عليهم أنك over qualified

[وكر الذيب]

انا اقولك عندك نقص في فيتامين (((((((((((((( و ))))))))))))

[The Watcher]

ما اعرف ايش المشكلة في الموضوع
هل كل بنك لازم يوظف كل شخص عنده مؤهل علوم ادارية تخصص ادارة بنوك؟
يمكن الوظايف الشاغرة اللي عندهم مافيها ولا وظيفة تناسب المؤهل
يمكن هم طالبين موظفين في الـ it أو hr .. هالتخصصات ماتناسب مؤهلاتك

انا اشوف هالشي طبيعي

والله يوفقك

[غـيـد]

شكلهمـ ما يبونـ يشلونـ الهنديـ ويحطونكـ بدالهـ

[القلم الصريح]

اخوي بو الجوري ..اكيد انا مالي مكان .. والاجانب لهم اماكن..!!

اخوي قطر .. يعني قولك اودي شهادتي الابتدائية احسن :)

ويمكن على قولة وكر الذيب ... فيني نقص فيتامين واو :)

ومشكورين على تعليقاتكم

[الغريبة]

يعنى البنك متصلك علشان يقولك لايوجد وظيفه شاغره ,, كان ما إتصلوا من الأساس وريحوا نفسهم ولا بس من واجبهم بس يتصلون ويقولون مايحبط الشخص المتقدم


بعدين انت دراستك فى صميم العمل شيبون غير كذا إحسن أنت شخص متخصص إداره بنوك

بس اللى مستغربه يمكن قالوا لك مثل بعض الإدارات يوم أقدم عليهم أنى over qualified


فعلا مضحك مبكي اما اخ بوجوري يمكن ما عندهم مكان بس وين سياسة التقطير اكيد اللي يوظف خاف
اما over qualified هذي جابينها من دول الغربية لما ما يبونك يرفعون روحك المعنوية ويقولونك اوفر

[مساهم عادي]

انا اتوقع تقصد انها مؤهلاتك اعلى من الوظائف الشاغرة اللي عندهم....

فلا تستعجل .. اول مايفضى منصب مدير ... ابشر :)

[بو الجوري]

والله أنا أشوف الشي عادي ..

وشدخل تقولي أجنبي وإلا قطري .. يالقلم الصريح !!!

يمكن الوظيفه اللي تناسب مؤهلك مب شاغره .. يعني لازم يشيلون واحد ويحطونك مكانه !!!

وقدم على أكثر من بنك وإن شاء الله بتلاقي دام هذا تخصصك . . .
بس أنا مستغرب إنهم إتصلو وقالوا مافي !!! :)

[القلم الصريح]

اخوي ووتشر ... البنك مطلوب فيه كل التخصصات المناسبة لكل قسم ..والبنك اسمه بنك
يعني مب مكتب شئون موظفين ولا حاسب الي ... بنك يعني فلوس :nice:

واحتمال على قولة الاخت غيد ... مايبون يشيلون الهندي :)

جاتني الضحكه :)

مشكورين على التعليقات

[بنت عز نفسها]

اخوي يمكن انك من
موظفين كهــرماء
لانهم محاصرين الحين :victory:

[الغريبة]

والله أنا أشوف الشي عادي ..

وشدخل تقولي أجنبي وإلا قطري .. يالقلم الصريح !!!

يمكن الوظيفه اللي تناسب مؤهلك مب شاغره .. يعني لازم يشيلون واحد ويحطونك مكانه !!!

وقدم على أكثر من بنك وإن شاء الله بتلاقي دام هذا تخصصك . . .
بس أنا مستغرب إنهم إتصلو وقالوا مافي !!! :)
اولا اعتذر لك اخوي بو الجوري عن المداخلة لانك وجهت كلامك لاخونا قلم الصريح وهو ايضا يسمح لي ادخل شوي
اي نعم لازم يشيلونة اول ما يلاقون مواطن عنده نفس مؤهلاته ويعطونة فرصة لين ما عقده ينتهي والمواطن يتدرب على المنصب ايش رايك هذه سياسة تقطير اخوي مو احنا اخترعناها هم خلوا ينفذونها بس

[القلم الصريح]

حبيبي بو الجوري ...
مؤهلي بقر تيوس (بكالوريوس) وما يناسبني اشتغل في بنك ...
اسمحلي شوي اضحك :nice:

شكلي بنطر مكان اخوي (مساهم عادي) لين ما يفضى..!! :nice:

[بو الجوري]

اولا اعتذر لك اخوي بو الجوري عن المداخلة لانك وجهت كلامك لاخونا قلم الصريح وهو ايضا يسمح لي ادخل شوي
اي نعم لازم يشيلونة اول ما يلاقون مواطن عنده نفس مؤهلاته ويعطونة فرصة لين ما عقده ينتهي والمواطن يتدرب على المنصب ايش رايك هذه سياسة تقطير اخوي مو احنا اخترعناها هم خلوا ينفذونها بس

هلا اختي .. ولو كان اللي ماسك المكان اللي يناسب القلم الصريح .. قطري .. يشلونه بعد !!!

[book 1]

عادي طال عمرك انسى و لا اتحط في خاطرك انا متخرج من امريكا علوم سياسيه و طنشولي و شغال في و ظيفه مالها خص في تخصصي لا و ازيدك من الشعر بيت بعض الشركات كلموني بس شيقولون هههههههههه شهاتك اتخوف مانقدر ناخذك هونه و تهون

[بو الجوري]

حبيبي بو الجوري ...
مؤهلي بقر تيوس (بكالوريوس) وما يناسبني اشتغل في بنك ...
اسمحلي شوي اضحك :nice:

شكلي بنطر مكان اخوي (مساهم عادي) لين ما يفضى..!! :nice:

:omg:
بس قولي انا قلت إن ما يناسبك تشتغل في بنك !!!
إقرا ردي عدل وبعدين بنكمل ..

وإسمحلي أضحك شوي .. :nice:

[القلم الصريح]

اختي بنت عز نفسها ... انا مب في كهرماء لانكم متكهربين وخالصين :) .. بس جنبكم :)

ويمكن تكون هاذي سياسة التقطير اللي نتمناها اختي ( الغريبة ) :)

[متابع بصمت]

آةةةةةةةةةةةةةةة من فيتامين ((((((((((((((((و))))))))))))))))))))))

هو إللي مسيطر علي الوظائف في كل مكان وأنا أجيبه من أين دلوني علي المكان

[eXpert*]

هلا أخوي .. يمكن صج مافي وظيفه شاغره حالياً لك ..
ومب معقوله بيحطونك خدمة عملا أو كاشير ..

فالمقصود أكيد إن مافي مكان عندهم تستحقه .. :)


ما اعرف ايش المشكلة في الموضوع
هل كل بنك لازم يوظف كل شخص عنده مؤهل علوم ادارية تخصص ادارة بنوك؟
يمكن الوظايف الشاغرة اللي عندهم مافيها ولا وظيفة تناسب المؤهل
يمكن هم طالبين موظفين في الـ it أو hr .. هالتخصصات ماتناسب مؤهلاتك

انا اشوف هالشي طبيعي

والله يوفقك


تعجبني ردودكم وهذا دليل على الوعي .

مب شرط عندي مؤهلات وخبرة أني ألقى وظيفة .

تخيل انت مدير االخدمات المصرفية - أفراد ،، وقدمت على احد البنوك على نفس الوظيفة اللي هي مدير االخدمات المصرفية - أفراد ،، البنك عندهم مدير مسبق هل يشيلون المدير السابق ويحطونك أنت !! للعلم لـ ننفترض ان المديرالقائم على الوظيفة حالياً قطري.

أتمنى ما تاخذ الموضوع بـ حساسية بـ في الاخير كل شي يعتمد على خطة التوظيف السنوية وعلى الشواغر المتوافرة في كل ادارة.

[القلم الصريح]

حبيبي بو الجوري
انت قلت
يمكن الوظيفه اللي تناسب مؤهلك مب شاغره .. يعني لازم يشيلون واحد ويحطونك مكانه

مالازم يشيلون يشيلون واحد ... خلني جنبه ..او على طاولته .. او خلني اصب له شاي !!:)

والا ايشرايك اودي لهم شهادتي الابتدائية اذا مافي لي مكان على مؤهلي :nice:

[بنت عز نفسها]

اختي بنت عز نفسها ... انا مب في كهرماء لانكم متكهربين وخالصين :) .. بس جنبكم :)

ويمكن تكون هاذي سياسة التقطير اللي نتمناها اختي ( الغريبة ) :)



اللي على اليمين ولا على اليسار :shy:

ههههههههههههههه


المهــــــم
الله يوفقك وتتيسر امورك :victory:

[ANONYMOUS]

كثر الله خيرهم اتصلوا..

على الأقل ماتتعلق ونت ناطر

next

[Mansour_qa]

هلا أخوي .. يمكن صج مافي وظيفه شاغره حالياً لك ..
ومب معقوله بيحطونك خدمة عملا أو كاشير ..

فالمقصود أكيد إن مافي مكان عندهم تستحقه .. :)

بالعربـي هم فقـط طالبيـن خدمـة عملاء فقـط وهذا إلي ملاحظ على البنـوك .. :rolleyes2:

[القلم الصريح]

اخوي اكسبرت
البنوك اكثرت ..والفروع اكثرت ..والنشاط الاقتصادي كبر ..

وليش مافي وظيفة لواحد مؤهل في فرع او قسم في بنك..!!

ولكني فقير الحظ..!!
يمكن نقص حرف ال واو يا وكر الذيب

[بو الجوري]

حبيبي بو الجوري
انت قلت
يمكن الوظيفه اللي تناسب مؤهلك مب شاغره .. يعني لازم يشيلون واحد ويحطونك مكانه

مالازم يشيلون يشيلون واحد ... خلني جنبه ..او على طاولته .. او خلني اصب له شاي !!:)

:nice:
محشوم أخوي عن صبة الشاي :)

بس على فكره الجمله اللي أنا قلتها كلش مالها خص في إنك تحسبي اقول مايناسبك البنك !!
الجمله في صوب وتعليقك على الجمله في صوووب ..

المهم :)
يمكن اللي تبي تقعد مكانه .. قطري نفسك وتوه قاعد مكان حد ..

نصيحتي قدم فأكثر من بنك ..
وحتى أكثر من مكان غير البنك .. أكيد عندهم قسم محاسبه ويبون تخصص ..
مب لازم بس البنك ..

والله يوفقك .. :)

[الغريبة]

هلا اختي .. ولو كان اللي ماسك المكان اللي يناسب القلم الصريح .. قطري .. يشلونه بعد !!!
هلا اخوي يعطيك العافية . لا طبعا ما يشيلونه مواطن الفروض يدبوسنه في الكرسي او يرفعونه بس سؤال اخوي هل تعتقد البنوك كل اللي يشتغلون مواطنين من له الغلبة ؟انت تعرف اكيد .الغريبة في الموضوع الرجال عنده تخصص بنوك ومواطن معقولة مافي مكان احنا نتكلم عن بنك واغلبهم أخواننا في دين

[بو الجوري]

وبعدين يمكن البنك نفسه يحارب القطريين مع الأسف ..
فشوف أماكن ثانيه ..

مع الأسف في قطريين يحاربون القطريين .. مع إنه مافي أمل ياخذ مكانه ..
وهذا الكلام .. شفته بعيني وسمعته بإذني :)

[بو الجوري]

هلا اخوي يعطيك العافية . لا طبعا ما يشيلونه مواطن الفروض يدبوسنه في الكرسي او يرفعونه بس سؤال اخوي هل تعتقد البنوك كل اللي يشتغلون مواطنين من له الغلبة ؟انت تعرف اكيد .الغريبة في الموضوع الرجال عنده تخصص بنوك ومواطن معقولة مافي مكان احنا نتكلم عن بنك واغلبهم أخواننا في دين

أختي .. يمكن المشكله فالبنك نفسه .. لكن أكيد فالمقابل في بنوك ثانيه تتمناه يقدم عندها ..

[القطــــــرية]

انا بصراحة كنت مقدمة قبل فترة في شركة بروة وكان الرد كالتالي:

نأسف ، مؤهلاتك العالية أكثر من المطلوب !!!!؟::shy:

[بويوسف]

شي غريب وعجيب تخصص نادر ومعلوم ان البنوك اغلبها هنود وجنسيات لبنانية وفلسطينية فكيف لايوجد شاغر لقطري !!

بس لو عرف السبب لبطل العجب ياخوي .. اذا كان على سبيل المثال احد البنوك واللي يحمل اسم قطر ويعتبر بنك وطني ادارة الموارد البشرية اللي فيه معظمهم 80% غير قطريين وحتى رؤساء الاقسام وحدة لبنانية وواحد سوداني ..

والله المستعان.

[مبرمج QA]

انا اقولك عندك نقص في فيتامين (((((((((((((( و ))))))))))))


100 % 100

[القلم الصريح]

تصدق يا بويوسف عاد
من سنة 2003 وانا اقدم ولا في فايدة .. يمكن خيرة من رب العالمين
مره من المرات
قدمت انا وزوجتي في مصرف الريان مع بعض
تصدق طرشو رسالة اعتذار حق زوجتي بعدم قبولها لان تخصصها انجليزي
وانا ولا طرشو لي اي رسالة ولا حتى طابع بريد..!!

وعلى قولة اخوي مبرمج ..حرف الواو متبرمج في كل مكان ..!!
ويمكن تكون خيرة من رب العالمين ..ورب ضارة نافعه

[المقهوره]

فيه شخص مقدم على وظيفه
وتم رفضه

تدرون ليش؟


يقولون مؤهلك اعلى من مؤهل المدير نفسه ههههههههههههههههههههههههههه شلون انوظفك تحت المدير مايصير



ياجماعه حرف الواو قام يحط ناس في مناصب مايستحقونها وخلا الناس المكافحه في صراع مع انفسهم انهم بعد هالتعب يلقون هالجواب وبالتالي يتجهون في غالبيه الامر الا الجهات الخاصه

[Only Me]

يمكن خير لك

[دوحة الجميع]

حتى أنا قدمت في المعرض المهني حوالي 6 طلبات توظيف لشركات بترولية وهندسية وعقارية ولا أحد عبرني مع انه عندي بكالريوس في الهندسة من أمريكا وخبرة 17 سنة .....الخ .

[وتبقى الدنيا حلوه]

الله يعوظك بوظيفه احسن منها

[سهم المراقيب]

حتى أنا قدمت في المعرض المهني حوالي 6 طلبات توظيف لشركات بترولية وهندسية وعقارية ولا أحد عبرني مع انه عندي بكالريوس في الهندسة من أمريكا وخبرة 17 سنة .....الخ .

ما شاء الله كااااان ,,

اخوي لا تلومهم ... انت بتكون خطر على اي مدير ,,
وصدقني لو أنا مدير ما أوظفك ,, محد يحفر قبره بيده وانا اخوك p: ,,

[القلم الصريح]

اختي المقهورة
تصدقين كل ما احاول انقهر من اللي يصير معاي اضحك :)
واقول في نفسي في النهاية يمكن الله يبيلي الخير من ورى هالشي..

ورب ضارة نافعة .. والله يكتب اللي فيه الخير .. يمكن خيره من الله
وتبقى الحياه حلوه :)