خدمة خصم المكالمات الدولية 25% لهلا والفاتورة

[م. عبدالعزيز]

السلام عليكم.. اخباركم وشمسوين

حبيت اقولكم واحد من الشباب خبرني اليوم بخدمه جديده وحبيت اطرحها لكم ، كيوتل غيرت اسعار خدمه الاهل والاصدقاء اللي توفر 25% خصم على المكالمات الدولية وخلوها بعد متاحه لخدمه هلا ، وصار الاشتراك الشهري الوحيد 10 ريال فقط بدل ماكان 25 ريال اشتراك شهري مع 10 ريال مبلغ لتفعيل الخدمه..

يعني تختارون 3 ارقام دولية .. ويصير عليها خصم 25% .. وفيه 10 ريال كل شهر وبس.. اللي يبغي يشترك:
للفاتورة : يتصل على 114 ويتبع التعليمات
للهلا : يسوي في جواله
*
1
0
0
#

يعني نجمه بعدين 100 بعدين مربع و بعدين زر اتصال..
وعقب بيطلع له قائمه يختار رقم 2 ويتبع التعليمات
ان شاء الله هالشي يفيدكم .....

[وتبقى الدنيا حلوه]

تسلم اخوي انشالله تكون خدمه بلا استغلال للعميل

[م. عبدالعزيز]

ان شاء الله.. جربها على الهلا وشوف
وتوني سويت حسبه عالسريع بالاكسل.. لو تتكلم أكثر من 35 دقيقه مكالمات دولية شهريا ً بتكون الخدمه مفيده وبيكون التوفير واضح... اذا يحب يشوف الحسبه برفق له الملف

[مساهم عادي]

نصيحة اخوية لا تتعب نفسك مع كيوتل ....

كيوتل في تاريخها ماسوت عرض يستحق انه يتسمى بعرض.

اتصل دولي من خط هاتف ثابت ولا تحتاج لا الى خصم 25% ولا الى اشتراك شهري وكل الأرقام متاحة امامك وليس فقط 3 ارقام

لأنه الاتصال الدولي من الجوال يحسب لك تعرفتين ... مكالمة محلية + مكالمية دولية..

خاطري اعرف بأي حق يضيفون تعرفة الاتصال المحلي وانا متصل دولي.... اي منطق عجيب هذا ... واي استخفاف بالمستهلك مثل هالطريقة.....

هاذوله اللي لا زم تتدخل إدارة حماية المستهلك وتوقف ضدهم ... ولا فالحين على البيبسي بس.

[بنت ابوها 19]

اخوي المشكله انه انقليزي


لو ابي ادخل رقم شخص عشان الخصومات شختار ماعرفت


مافهمت القائمه كلش

[مافيا قطر]

والله مافى احلى من برامج الاتصال عن طريق الانترنت

[م. عبدالعزيز]

نصيحة اخوية لا تتعب نفسك مع كيوتل ....

كيوتل في تاريخها ماسوت عرض يستحق انه يتسمى بعرض.

اتصل دولي من خط هاتف ثابت ولا تحتاج لا الى خصم 25% ولا الى اشتراك شهري وكل الأرقام متاحة امامك وليس فقط 3 ارقام

لأنه الاتصال الدولي من الجوال يحسب لك تعرفتين ... مكالمة محلية + مكالمية دولية..

خاطري اعرف بأي حق يضيفون تعرفة الاتصال المحلي وانا متصل دولي.... اي منطق عجيب هذا ... واي استخفاف بالمستهلك مثل هالطريقة.....

هاذوله اللي لا زم تتدخل إدارة حماية المستهلك وتوقف ضدهم ... ولا فالحين على البيبسي بس.

هلا الغالي هذي خدمه مو عرض .. وانا وياك على سالفة تعرفه الاتصال المحلي اظنهم الوحيدين بالخليج مسوين هالحركه :rolleyes2: .. بصراحه لو يشيلون هالمبلغ يكون أرحم من هالخدمه..
عموما انا حبيت أفيد الجميع.. ومب ضروري كل خدمه في كيوتل تفيد كل الناس :victory:
والحال نفسه بالخارج ..

اخوي المشكله انه انقليزي


لو ابي ادخل رقم شخص عشان الخصومات شختار ماعرفت


مافهمت القائمه كلش

امم تبين تجربين على هلا صح؟
اول شي دخلي نجمه بعدين 100 بعدين مربع
بعدين اختاري رقم 2 .. بعدين بيطلع لح 4 خيارات
اول خيار تفعيل الخدمه/ اضافة ارقام.. ثاني خيار اذا تبي تغير رقم، ثالث خيار تلغي الخدمه
انتي سوي رقم 1
بعدين بيقولج ادخل رقم الدولي بهالشكل 009660000000
بعدين بيقولج رسالة تأكيديه ودخل رقم 1 وبتشتغل الخدمه وبيخصم من رصيدج 10 ريال من كل شهر.. واذا تخافين تتخربطين اتصلي 111 :victory:


والله مافى احلى من برامج الاتصال عن طريق الانترنت

عندي برنامج بالانترنت يتصل لأمريكا او بريطانيا الدقيقه بسنت.. يعني تعرف بكم؟ تتكلم الدقيقه ب 3 دراهم !! والسعوديه اقدر اتصل لهم ب14 درهم للدقيقه.. بس مو كل الناس مثلك ومثلي خبره بالكمبيوتر.. والبعض مايحب يتواصل او يتكلم الا بالجوال.. خبرك النت مرات يقطع خصوصا لو تسوي داونلود لشي ثاني .. وانا حبيت افيد الكل باللي موجود ... :nice:

نسيت اقولك .. بالشارع مافيه انترنت ترا :victory: .. اقصد لما نسوق يعني

[م. عبدالعزيز]

وأشكر خويي ساعدني بالمعلومات اللي جبتها لكم ^_^

[مساهم عادي]

.. وانا وياك على سالفة تعرفه الاتصال المحلي اظنهم الوحيدين بالخليج مسوين هالحركه .. بصراحه لو يشيلون هالمبلغ يكون أرحم من هالخدمه..



على فكرة اضافة تعرفة الاتصال المحلي للاتصال الدولي من الهاتف الجوال بدأت من حوالي 5 او 6 سنوات فقط... و لا قبل كان الاتصال من الجوال او من الثابت نفس الشي.. اخبر الامارات كان نفس الشي عندهم تتصل من موبايل يضيف لك تعرفة الاتصال المحلي على الاتصال الدولي ....لكن هم لغوا هالشي... بينما كيوتل اعتمدته...سبحان الله العالم تتقدم لقدام ... وكيوتل ترجع للوراء

[م. عبدالعزيز]

حتى بالسعوديه يالغالي نفس الشي.. لكن موبايلي للأسف تسوي بعض الخدع ، مثلا فيه احد باقاتها تحسب المكالمات الدولية نسبة اضافيه 20% او بهالقبيل .. عموما نتمنى من كيوتل تشيل هالمبلغ البسيط لانه سعر المكالمه الدولية العاديه ممتاز (بدون اضافة المكالمه المحليه)

[بنت ابوها 19]

بس ليش ياخذون مني عشر اخووووي


اذا كرت هلا

بعد ياخذون شهريا 10 ؟؟

ولا خلاص يشتغل الخصم ..

[بنت ابوها 19]

بس ليش ياخذون مني عشر اخووووي


اذا كرت هلا

بعد ياخذون شهريا 10 ؟؟

ولا خلاص يشتغل الخصم ..

هل من مجيب :rolleyes2:

[سهم قطر]

مشكور على المعلومة

[المرحب]

وأنت مصدق كيوتل تعطي خصم

أتذكر قبل 3 سنوات صار عندهم فائض بالارباح <<< يعني مبلغ خيالي

ولا عرفوا من وين المصدر <<< يعني من العملاء المساكين







تحيــــــــــاتي ...

[Only Me]

يعطيك العافية اخوي
اشوف عروض كيوتل قاعده زيد كل هذا عشان فودافون لو ندري لو من زمان فتحنا فودافون
الى الامام يا فودافون ونتظر احسن العروض

[شموخ دائم]

,

,


تسلم اخوي على الموضوع


بصراحه انا مو مقتنع بعروض كيوتل

وبحياتي ما اشتركت على اي عرض عملته الشركه

لانه ما احسه مجدي ابدا ومسئله توفير 10 ريال و 20 يال

او يقولك وفر 300 ريال في السنه

يعني 25 ريال بالشهر

هذي احنا ندفعها بخشيش حق الي يجر عربانه جمعيه الميره

هذا ما تشجع احد على الاشتراك فيها للاسف

اتمنى نشوف عروض فيها القيمه

واحنا مو طمعانين نبي نفس عروض الدول المجاوره

واتمنى نشوف العروض الجاده الواضحه والمفهومه من كيوتل

على الاقل يكون تكريم لعملاء كيوتل على السنوات الي طافت واحنا

ندفع اعلى فواتير في العالم

جوال ومكالمات محليه ندفع عليها 1500 ريال حق شنو

والله يرحم ايام الي الصوت يقطع وستحملنا وبيوتنا مافيها ارسال وستحملنا

الناس بقطر يستاهلون يا كيوتل ما قصروا معاكم

الان واجبكم في العروض ورد الجميل

دمتم بطيب

,

,


اخوكم


شموخ دائم

[آمل اللقاء]

والله مافى احلى من برامج الاتصال عن طريق الانترنت


اخوي علمنا اشلون الاتصال عن طريق الانترنت اسمع فيه من زمان بس مب عارفه اشلون لو سمحت ممكن اتعلمنا الطريقه وين ندخل بالضبط <<<<<<<<<< ترى خاطرها تتعلمه من زمان سو فيها خير(^-^)

[سهم مديون]

:nice:

[روميت]

,

,


تسلم اخوي على الموضوع


بصراحه انا مو مقتنع بعروض كيوتل

وبحياتي ما اشتركت على اي عرض عملته الشركه

لانه ما احسه مجدي ابدا ومسئله توفير 10 ريال و 20 يال

او يقولك وفر 300 ريال في السنه

يعني 25 ريال بالشهر

هذي احنا ندفعها بخشيش حق الي يجر عربانه جمعيه الميره

هذا ما تشجع احد على الاشتراك فيها للاسف

اتمنى نشوف عروض فيها القيمه

واحنا مو طمعانين نبي نفس عروض الدول المجاوره

واتمنى نشوف العروض الجاده الواضحه والمفهومه من كيوتل

على الاقل يكون تكريم لعملاء كيوتل على السنوات الي طافت واحنا

ندفع اعلى فواتير في العالم

جوال ومكالمات محليه ندفع عليها 1500 ريال حق شنو

والله يرحم ايام الي الصوت يقطع وستحملنا وبيوتنا مافيها ارسال وستحملنا

الناس بقطر يستاهلون يا كيوتل ما قصروا معاكم

الان واجبكم في العروض ورد الجميل

دمتم بطيب

,

,


اخوكم


شموخ دائم


هذا الرد يجب ان يكون على اي موضوع يخص كيوتل .

[مرتبش]

موبايلي السعودية مسوية عرض.. المكالمات الدولية ب 55 هللة لاي مكان.. واحنا مازلنا نسجل 3 ارقام للحصول على سعر مميز 1.23 ريال لدول الخليج وحوالي ريالين للدول العربية..

[حياة]

والله مافى احلى من برامج الاتصال عن طريق الانترنت




ممكن طريقه الاتصال عن طريق النت لو تسمح
ومن وين يبيعون الكرت مال الاتصالات ولا عليك امر؟
ياليت لو حد يفيدني واكوووووووووون شااااااااااااكره له