((الجلســـه الصبـــاحيــه))3/4

[مغروور قطر]

اصبحنا وصبح المولك لله والله يصبحكم بالخير يارب واليوم هو اهم يوم في تاريخ البورصه القطريه وان شاء الله يوم اخضر يارب







شاركونا وفالكم طيب


اخوكم مغروور قطر

[المستثمر القطري]

صبحكم الله بالخير جميع ......

نتمنى لكم اليوم نقله نوعيه في جميع استثمارتكم و انه الريال يستو 10 و بالتوفيق

[abdulaziz_y]

al salam 3leekom

this day will lead for huge changes ... but i hope the changes are for our good .....

al7emdililaah 3ala kl 7al :)

[مغروور قطر]

امين يالله يسمع منكم يارب والتوقع شي غريب اليوم في سوقنا بين مد وجز

[الحزين]

السلام عليكم ورحمة الله ...
أصبحنا وأصبح الملك لله الواحد القهار ..
اليوم مرحلة انتقالية لبورصة قطر .. ويارب يكون المؤشر خضر والله يوفق أهل قطر ودربهم خضر انشاءالله ..


اخوكم الحزين

[إنتعاش]

هلا بالجميع

صباح النور والسرور :)

صباحكم صناعات ووقود :)

ان شاءالله يوم جميل نتابع من خلاله

ما يجري في بورصتنا الحبيبه

فإلى ذلك الوقت

نترككم ونذهب لأعمالنا :)

[lol]

السلام عليكم ورحمة الله

[مغروور قطر]

عليكم السلام ورحمه الله وبركاته ومرحبا فيكم في جلستكم اليوميه

[مستثمر طموح]

ياللــة صبــاح خيــر لاهــــل قطــــر

[مغروور قطر]

بس عطونا توقعاتكم قبل بدء السوووق بحوالي ساعتين و20 دقيقه عني انا التوقع بدايه السوووق ارتفاع ومن ثما مد وجز انخفاض وارتفاع

[azgert]

السلام عليكم

اليوم بيكون زحام في الطلب بس علا اي سهم ما ادري يمكن الصناعات و البنوك الاسلاميه والله يعين

[abdulaziz_y]

i think there will not be any major changes

[قطري]

السلام عليكم
صبحكم الله بالخير :)
اليوم يوم مهم جداً وكلنا كنا ننتظره على احر من الجمر :)
اتوقع صناعات قطر تفتح على لمت اب وهي الي بتقود السوق
الاسبوع الاول هو الي بيحدد اتجاه السوق
وان شاء الله يستمر الطلوع والله يهدي الناس الي يبيعون ;)
اعتقد النزول الي شهده السوق في الايام الماضية ممكن يشجع الاجانب
بالدخول اكثر ومادام سعر صناعات قطر ماشهد ارتفاع في الفترة الاخير
فممكن يكون حافز للأجانب بالدخول من اول يوم.
كل المؤشرات تقول بأن السوق بيرتفع...وانا قلبي يقول شي ثاني :(
ان شاء الله يخيب ضني والخضر يعم على الجميع
الله يوفق الجميع

[boabdullah]

((( ياحي ياقيوم , برحمتك أستغيث , فأصلح لي شأني كله

ولا تكلني إلى نفسي طرفة عين ,,,,,,)))

يسعد صباحكم جميعا"

أخوكم بوعبدالله

[مغروور قطر]

اخوي قطري والله نفس الشعووور حاس حاس حاس بس يارب يكون عكس الاحساس وهو على المستثمرين اذا مسكو اسهمهم ولافيه تضخم في العرض سوف يشهد ارتفاع كبير ان شاء الله

[مغروور قطر]

بااااقي 40 دقيقه ((( واحنا ننتظر على احر من الجمــــــــــــر)))

[قطري]

مغرور نفس الشعور ها :) الله يستر
جنا طلاب ينتظرون نتايج الثانوية العامة :d
يارب تكون بداية مشجعه...اللهم آمين
باقي 25 دقيقة عن ماقبل الافتتاح :)

[الخبير المالي]

اتوقع بعض الشركات راح تفتح على ليمت اب ويعقب ذلك تذبذب راح يحدد طلوع او نزول السوق خلال الايام الجاية

[مغروور قطر]

باقي 20 دقيقه الله اما بلغنا بسوووق اخضر يارب

[مغروور قطر]

تدرون حاس اليوم الموقع السووق ماراح يفتح من ضغط

[سلطان]

السلام عليكم

وصبحكم الله بالخير

وان شاء الله اسبوع اخضر واتوقع صعود شامل بشكل عام بدرجات متفاوته

[q8_investor]

صباح الخير جميعا ...
انشاللة اليوم السوق خضر
والى الامام ياصناعات انشاللة
واللة يوفق الجميع
اللة يخلي الرئس واللة يطول عمرة

[مغروور قطر]

باقي دقيقتين ويسعد صباحكم

[الشقيان]

صبحكم الله بالخير

باقي ثااااااانيه والاسهم (((..................................))) اكمل الفرااااغ

اخوووووووووووووووووووووووووووووووووووووووووووووي

[سهم طايش]

يوم تاريخي في تاريخ البورصه و الاقتصاد في قطر

و قفزة من قفزات الوطن نحو اقتصاد مفتوح و مشاركة رؤوس الاموال الخارجيه في دفع عجلة الاقتصاد القويه

الله يوفقكم يا رب في كل صفقه

أأأأأأأأأأمين

[مغروور قطر]

بدايه تخووووف العرض اكبر من الطلب

[بيل جيتس]

صبحكم الله بالخير

نتمنى الخضار يعم على الجميع اليوم وكل يوم

يارب وفقنا ياالله وارزقنا من رزقك الواسع

اللهم امين

[boabdullah]

مغررررروووور

مدام ملكة السوق ((( الصناعات)))

رايحه فوق

فالسوق آآآآآآب اليوم

ويسعد صباحك

بوعبدالله

[مغروور قطر]

الله يسمع منك بو عبدالله بيل جيتس مرحبا فيك ونورت الجلسه

[قناص قطر]

السلام عليكم


العرض اكثر من الطلب الظاهر دروووووووووووب اليوم وبكرة

الله يستر

[هامور]

السلام عليكم

صبحكم الله بالخير جميعا

اتوقع ارتفاع الصناعات و وقود

واذا ارتفعت الصناعات فالكل بيرتفع امر طبيعي

وبالتوفيق للجميع ويوم اخضر لاهل قطر الكرام

تحياتي

[سهم طايش]

هذا اللي كنا خايفين منه

العرض اكثر من الطلب في الصناعات و المتحده

[مغروور قطر]

التوقع الاجانب للحين مادخلو طلاباتهم يشوفون الوضع ويحاولون يمتصون حماس السوووق

[بيل جيتس]

مشكور اخى مغروور والله انت منوارها ومسويلها روح وايد جميله

وفقك الله

[قطري]

مبين ان البداية ماتشجع :mad:
الله يستر

[boabdullah]

مرحلة (((( جس النبض ))))

وصدقوني طلبات الشراء جاية وبكمية كبيرة

لاداعي للخوف

بوعبدالله

[سهم طايش]

الصبر زين

لا تستعجلون

[bo_yousif]

الســـــــــــــلام عليكم

شحالك يامغرور قطر

اتمنى التوفيق للجميع بدخول الاجانب

[سلطان]

اهم شيء لحد يخاف ويبيع
لو الطلب اليوم ما كان كبير معناه الاجانب ما راح يدخلون من البدايه وراح ينتظرون كم يوم

على امل نزول الاسعار

[الخبير المالي]

العرض اكبر من الطلب لاكثر الشركات واتوقع صعود اسهم شركة المتحده والوقود

[قناص قطر]

الظاهر الخليجين والاجانب عندهم حاله من الترقب ومن ثم الانقضاض

ننتظر لين الثلاثاء

[مغروور قطر]

مرحبا فيك اخوي ابو يوسف ان شاء الله سوقكم اخضر قولو امين بس صدقوني للحين الاجانب مادخلو طلاباتهم يشوفون وضع السوق ويمتصون حماس سوووق

[سلطان]

المتحده العرض كبير ولا يتناسب مع الطلب

[بيل جيتس]

نصيحتى لكم التريث فى عمليات البيع وبع بكميات قليله حتى لا ينزل سعر السهم .

ادرى ان كلنا ناطرين هذا اليوم لكن يجب التعامل معه بوعى حتى لا نخسر

نرجوا من الجميع عدم الاستعجال فى البيع وراقب السوق جيدا وانتهز الفرصه المناسبه للبيع .

[سلطان]

والله انا اشوف كأن السوق في لعبه اليوم والله يستر

[bo_yousif]

اخوي مغرور .....


اخونا بيــــــــــــــــزات وينه ؟؟؟

[الحزين]

لاشك ان الاجانب جايين بعقليات استثمارية وبخبرة عالية ومتمرسة ..
واكيد راح يكون لهم اسلوب في المضاربات ..
واتمنى الامور تسر في صالح اهل قطر

[مغروور قطر]

مادري عنه اليوم ماشفته بس ان شاء الله الذيب على طاريه بيجي الحين

[قناص قطر]

ننتظر الظاهر في بوادر تحسن على السوق على الساعه 10 ان شاء الله

[502]

السلام عليكم ورحمة الله وبركاته ....

[الشقيان]

شكلي بردد اليوم هاذي الابيات وباقول فيها

في عالم الحرمان لو صرت منفاي .. حرام ما تنظرلك اليوم عيني..
أه من يكتب آماله على الماي .. منال مطلوبه ولو في سنين .. :( :( :(

[مغروور قطر]

ان شاء الله يتحسن سوووق وفيه ارتفاع

[العمده]

صباح الورد للجميع
اليوم انشاء الله كل الشركات فوووووووووق والكل بيفرفشون اليوم
واهم شي بصراحه صناعات ومتحده :)

[FAHAD]

السلام عليكم وصباح الخير

[مغروور قطر]

صباح النووور اخوي العمده الله يسمع منك

[هامور]

ابشروا بالخير

وعليكم بالصبر

[abdulaziz_y]

allaaah yestir

[مغروور قطر]

وسعو الخاطر ياجماعه السووووق بيروح فوووق ان شاء الله

[العنان]

السلام عليكم
صبحكم الله بالخير , اهم شي الاعصاب وعدم الزياده في العرض بشكل كبير حتى لاتتدنى الاسعار

[فلان]

السلام عليكم

أول الغيث على البنك التجاري والبقية تأتي ان شاء الله

[هامور]

شكله السوق بينزل

بس اصبروا وانتظروا الارتفاع القريب ان شاء الله

[abdulaziz_y]

al ma9raf up up up up up inshalla

[Alemadi]

يالربع لحد يتوتر لذا نزل السوق مرده بيرتفع عدل ... ماعليكم من الحروب النفسيه ... لا لا لا للبيع

[roadrunner]

السلام عليكم.


العقارية عليها تداول اليوم؟؟
وكم كمية العرض والطلب عليها

[مغروور قطر]

العقاريه اليوم ماعليه تداول بكره ان شاء الله اول يوم

[سلطان]

الاجانب ما راح يدخلون اليوم والكتاب واضح من عنوانه يبون ينزلون الاسعار

[Alemadi]

نصيحه الي عنده سيوله شوي يحط طلبات شرا على اليمت دلون اذا نزل السوق فرصه كبيره للشراء على اليمت داون ... واللع اعلم

[q8_investor]

عط السوق نص ساعة وشوفو الاسعار
بعدها انشاللة خير ... هذي لعبت اكبار

[مغروور قطر]

المتحده سوووف تعاود الارتفاع ان شاء الله

[سلطان]

السلام الاجاره والمتحده ليمت داون

[Alemadi]

لاحظو ان العرض مب وايد انشالله خير

[q8_investor]

@@ صناعات .. الى الامام انشااللة

[مغروور قطر]

بشرا السووووق يعاود الارتفاع

[سلطان]

المفروض كبار المستثمرين عندنا يرفعون السوق من اليوم الاول ليجذبوا الاجانب للمضاربات

[سلطان]

الصناعات على حدود اليمت اب وهذا مؤشر جيد للسوق

[bo_yousif]

شسالفة الإجارة :mad: :mad:

[العنان]

مافي غير التجاري اللي عليه اكثر طلب

[إنتعاش]

وطني 326
تجاري 260.5
مصرف 539
بنك الدوحه264.5
الاهلي 160
الدولي 335.2
قطر تامين 244.9
دوحه تأمين 100
عامه تامين 440
الخليج تامين 302.4
الاسلاميه تامين 336.1
تحويليه 88
اسمنت 365.7
مطاحن 60
صناعات 247
متحده 113
طبيه 57
كيوتل 320
كهرباء 117.5
النقل 189
العقاريه 210
السلام 63.3
اجاره 83.1
ملاحه 203
تخصصي 92.6
فحص فني 91
سينما 84
وقود 155.5
مواشي 63
مخازن 71

[سلطان]

واضح ان اليوم الشغل على البنوك

[مغروور قطر]

اجاره مطلوبه 85 ومعروضه 87.50

[عـافـك الخـاطـر]

صباح الخير
مشالله السوق في ارتفاع مستمر
انشالله يستمر هالارتفاع

ابي توقعاتكم لسهم بنك الاهلي :)

[abdulaziz_y]

yalla inshalla al ma9raf 550 :)

[سلطان]

البنك الاهلي لا اتوقع له ارتفاع كبير لانه غير مسموح للاجانب التداول فيه

[سهم طايش]

كنت اتوقع الاقبال اكثر

[سهم طايش]

الاجانب طلعوا مب سهلين كلش

[مغروور قطر]

وش سالفة السوق مافتح الضغط عليه كبير

[سهم طايش]

شاشة بث الاسهم مب شغاله عندي

عندكم شلون ؟

[مستثمر طموح]

واضح الاجانب خطتهم عدم الاقبال وتنزيل السوق وبالمقابل واضح الصموود القطري والتماسك وقلة المعروض

الكل كان يتوقع المعروض عشرات الالاف اليوم يومكم ياهل قطر اصمدوا والسوق مصيرة يرتفع

اما الاجانب واضح خطتهم للحين فاشلة

[الحزين]

اتوقع المنافسة حادة بين الأجانب والهوامير اللي عندنا .. وانشاءالله يكون في صالح صغار المستثمرين أمثالنا

[هامور]

الموقع توقف

اللي يبصرني ويبصر اللي مثلي اللي خارج الوطن

:(

[سلطان]

اهم شيء ان يظل العرض والطلب متوازن في هذه المرحله

لان من الواضح ان الاجانب فضلوا التريث قبل الدخول واهم شيء ان الناس عندنا تمسك اعصابها وماتعرض بكميات

كبيره

[إنتعاش]

http://www.dohabank.com.qa/Arsite/Emain.asp

تابعوا الاسعار اهنيه مؤقتا

[هامور]

لاحول هذه اول يوم وصار قينا كذا

اللي يعين الايام القادمة

شكلي باحجز على اول طيارة للدوحة

:(

[boabdullah]

حطوا عينكم على

(((( الكهرباء))))

((((وقود))))

بوعبدالله

[FAHAD]

دليل ان الاجانب يراقبون الموضوع من غير الدخول اليوم هو ان الضغط على الموقع كبير وناس واجد مايقدرون يدخلون الحين :d :)

[سهم طايش]

اعتقد ادارة سوق الدوحه للاوراق الماليه غير مستعده لدخول الاجانب

و اول المشاكل هي توقف الموقع عن بث الاسعار و هي النافذه الوحيده للاجانب اللي خارج قطر

[راعي البورصه]

شاشة بث الاسهم مب شغاله عندي

[مغروور قطر]

اخواني كررو رفرش وبيفتح معاكم

[قناص قطر]

الحمدلله الصناعات و وقود بالعاااااااااااااالي والى الامام دائمااااااااااااااااااا ان شاء الله

[هامور]

انتعاش مشكور

في عندك مواقع ثانية حطها هنا الله لايهينك

وابشركم رجع الموقع يشتغل من جديد

[مغروور قطر]

السلام داون لمت والعرض 202 الاف سهم

[bo_yousif]

ممكن استشارة ياشباب


متى الوقت المناسب للبيع ؟؟؟

[abdulaziz_y]

maybe the Q-tel service has a problem .... i do not face this problem here in the US

[سهم طايش]

كنت اتوقع الصناعات اقوى من هالاداء

و حتى باقي الشركات

[مغروور قطر]

اخوي عبدالعزيز مش من كيوتل من موقع السووق سو رفرش كم مره وبيفتح معاك

[هامور]

ممكن استشارة ياشباب


متى الوقت المناسب للبيع ؟؟؟

لااحد يستعجل

اصبر شوي

والله يوفقك ويرزقك

[مغروور قطر]

اخوي ابو يوسف محد يقدر يقولك متى التبيع شي هذا راجع لك انت ونسبة ربحك وقناعتك وانت الي تحدد متى تبيع

[bo_yousif]

آآآآمين ياهامور ويرزق الجميع ....

[غير قطري]

الاجانب طلعوا مب سهلين كلش[quote]
(:

[قناص قطر]

كلها كم يوم ويطلع الاجنبي ويطلع اللي عنده

لكن الخليجي طلع مب سهل

[سراااب الدوحه]

::
أسعد الله صبحاكم ...

يا شباب ... السوق توه فاتح .. ولازم تكون البداية هالشكل ...

وتوقعوا اليوم ما يكون فيه أرتفاع كثير ...

لكن الوعد باجر .. وعقبه ...

وعلى فكرة للجميع
الأرتفاعات هذي كلها بتكون بسيطة
مقارنة باللي راح تصير بعد
7-4-2005


الصبر حلو ..
لحد يستعجل ..

في الأخير .. أتمنى التوفيق للجميع
أخوكم
سراااب الدوحه

[bo_yousif]

تسلم ياسراب الدوحة

[سهم طايش]

في 7 \ 4 اللانظار كلها بتتجه للناقلات

و الله يعلم بمصير الاسهم الاخرى

[بيـــزات]

اصبحنا واصبح الملك لله ولا اله الا الله

السلام عليكم ورحمة الله

صباحكم فل جميعا

[سهم طايش]

صباح الورد اخوي بيزات

و الله يجعل ايامك كلها بيزات × بيزات

[الدانة عنود]

السلام عليكم

مشكله

اذا ظل السوق هشكل

بيكون سعر ناقلات اول ما ينزل قليل نظرا لتدني مستوى الاسعار الاخرى

[bo_yousif]

هلااااااااااااااااااااااا بيـــــــــــــــــــــــزات

شلونك وينك شكلك سبقتني مع الجماعة البوصة ؟؟؟

[سوبر سهم]

السلام عليكم

شركتا اتصالات قطر والسلام العالمية

يسمح لغير القطريين كافة بما فيهم الخليجيون مجتمعين بتملك أي نسبة في أسهم الشركتين مع الالتزام بالحد الأقصى لتمـلك الفرد الواحد المحدد فقط بـ 10 % من رأس مال اتصالات قطر ، والإبقاء على تملك الفرد الواحد في السلام العالمية مفتوحا دون حد أقصى ( وذلك على نحو ما نص عليه القانون والنظام الأساسي للشركتين ).

====================
اتوقع بتصير مضاربه كبيرة على هالسهمين ومحاولة تنزيله لاخذ كميات كبيره


====================
وحول وضع البنك الأهلي ، قال السيد المنصوري إن البنك الأهلي مغلقا أمام المستثمرين غير القطريين طالما بقيت نسبة 40 % من أسهمه خاضعة لالتزام البنك الأهلي المتحد ( البحرين ) بعدم التصرف بها ، وقد حددت تلك المدة في عقد التأسيس بثلاث سنوات . وإذا ما قام البنك الأهلي المتحد عقب انتهاء تلك المدة ببيع جانب من تلك الأسهم وتراجعت نسبة تملكه إلى ما دون 25% ، فإن البنك سيفتح أمام المستثمرين غير القطريين عامة لتداول تلك الأسهم شريطة ألا تتعدى نسبة تملكهم بما فيهم البنك الأهلي المتحد 25 % من الأسهم المطروحة للتداول.

============

نصيحه للي عنده البنك الاهلي وينتظر ارتفاعه بقوة

اعتقد انه بيرتفع شي بسيط قبل الجمعية لكن ارباحه ماتساعد على ارتفاعه اكثر
ولا في نسبة للأجانب علشان ايكون عامل مساعد للارتفاع


اتوقع ان سعر اليوم جيد للبيع


مجرد رأي

[بيـــزات]

هلا والله سهم طايش

ان شاء جميعا يا رب


هلا بو يوسف

انا معاهم.. والحين بس المزمار شغال

[قناص قطر]

وزير الاقتصاد على الهواء مباشرة بقناة سي ان بي سي العربية


شكل السووووووووووووق دررررررررررررررررروب بعد نص ساعه من الان


الله يستر

[سهم طايش]

الوضع مب عاجبني كلش

[سهم طايش]

كميات عرض قويه في الصناعات لمحاولة تنزيل السهم

[bo_yousif]

الله يستر من هذي اللعبه ...

[مغروور قطر]

اربطو الاحزمه والسوق مايخوف بصراحه فيه مد وجزر

[سوبر سهم]

والله الاسمنت قوي

[سهم طايش]

لازم انجيب مطوع يقرى على الاسهم

[الحزين]

محاولة قوية لتنزيل الأسعار ... الله يستر من اللي جاي ..
الوضع اصبح مايطمن

[قناص قطر]

هبوط اضطراري على نهاية التداول

والظاهر السوق بكرة بيكون افضل ؟!

الله يستر

[قناص قطر]

الصناعات من 247 الى 238 ؟؟؟؟؟؟؟؟؟؟!!!!!!!!!!!!!!!

[سهم طايش]

الصبر ثم الصبر ثم الصبر

حتى تنتهي هاللعبه

[سهم طايش]

الشغل كله عند البنوك

ما شالله لا احسدهم

[سهم طايش]

اتوقع الصناعات بتنزل من اخضر الى احمر

[ابوسعود]

السلام عليكم ورحمة الله

صباح الخير

ويومكم اخضر انشاء الله

[سهم طايش]

هلا حيالله بوسعود

صبحك الله بالنور و السرور

[سلطان]

شباب في الساعه الاولى للتداول قربنا على 300 مليون معناه في طلب جيد على الاسهم بس

بركاده حتى ما يرتفع السعر وفي نفس الوقت اعطاء انطباع بضعف الطلب وبالتالي زيادة العرض

[راعي البورصه]

محاولة قوية لتنزيل الأسعار ...

[سوبر سهم]

عليكم السلام
بوسعود

[مغروور قطر]

عليكم السلام بو سعود والتوقع ارتفاعات اخر نص ساعه

[boabdullah]

محاولة تخويـــــــــف واضحة

السوق الآن يتوازن

وراجع بقوة أنشاءالله

بوعبدالله :) :)

[سهم طايش]

على فكره يا جماعه الموقع متأخر عن البث تقريبا 5 دقائق عن السوق

للعلم فقط

[سوبر سهم]

شباب في الساعه الاولى للتداول قربنا على 300 مليون معناه في طلب جيد على الاسهم بس

بركاده حتى ما يرتفع السعر وفي نفس الوقت اعطاء انطباع بضعف الطلب وبالتالي زيادة العرض

صحيح كلامك
والشغل على البنوك

والتجاري له النصيب الأكبر

[ابوسعود]

الامر طبيعي

اذا نظرنا الى ان اليوم هو اليوم الاول

[الوضع ما يطمن]

ياي متاخر اليوم هاه شالاخبار يالربع ؟ :d

[قناص قطر]

سهم طايش لاتقول شيء عن الصناعات اليوم شاري على 240 ريال

وان شاء الله يطلع فووووووووووووق 248 ريال

[الخبير المالي]

ياشباب ترى الاجانب لهم الحق في شراء 32مليون سهم من الصناعات والكمية اللي انباعت لحد الآن تعتبر بسيطه والايام الجاية بنشوف صعود قوي للصناعات

[سهم طايش]

انشاااااااااااالله اخوي قناص قطر

[سلطان]

النقل عليه تجميع واضح وواضحه عملية زيادة العرض حتى لا يرتفع السهم وكمية التداول لحد الان 120 الف سهم

[مغروور قطر]

التغير 214.31 ارتفاع 17 ونخفاض 9

[بوعبدالله2005]

السلام عليكم

يا اخوان ويش الذي صار مع البنك الدولي كان سعره 435 واليوم فجأه 335 هذا الرقم صحيح او انا احلم او في خطأ

[سوبر سهم]

اليوم cnbc العربيه معطتنا اهتمام كبير

[سوبر سهم]

السلام عليكم

يا اخوان ويش الذي صار مع البنك الدولي كان سعره 435 واليوم فجأه 335 هذا الرقم صحيح او انا احلم او في خطأ


صحيح بوعبدالله

سعر الاغلاق ÷ 1.3= 335

:o هذا شي اوتوماتيكي

[bo_yousif]

اليوم cnbc العربيه معطتنا اهتمام كبير



بس السوق مش راضي يرتفع ....

لكن الواحد يقول الحمدلله على كل حال

[قناص قطر]

بوعبدالله تم توزيع اسهم مجانيه لازم تنزل الاسعار اشوي لكن عليها طلب جامد

[مغروور قطر]

اخوي بو عبدالله 2005 بعد توزيع الارباح الاسهم المجانيه يقسمون سعر المتوسط على 1.3

[بوعبدالله2005]

الله يبارك فيكم اخواني الحين فهمت السالفه
والف مليون سهم اقصد شكر لكم

[الخبير المالي]

بوعبدالله الرقم صحيح وذلك بسبب توزيع الارباح

[سوبر سهم]

بويوسف الصبر الصبر

قاعد يطبخونها على نار هادئه

:)

[bo_yousif]

بويوسف الصبر الصبر

قاعد يطبخونها على نار هادئه

:)

وأنــــــــــــــــــــــــــــــــا قاعد على نار حاميه .... :mad: :mad:

[نوكيا]

cnbc توهم اليوم مفتتحين فرعهم المكتب الاخباري في السوق لنقل الاخبار مباشرة
من هالشكل في إهتمام

[مغروور قطر]

هاهاهاه الله يعينك بو يوسف وسع الخاطر

[بوعبدالله2005]

الظاهر ان الهوامير يبون ينزلون سهم السلام غصب

وهذا يدل انه مهم

لا احد يبيع وخلو الصغار يبيعون وبس

[بوعبدالله2005]

اتصدقون ان الأسهم صارت مثل اللعبه

لا وللعبه ممتعه كماااااان
بس مين يلعبها صح ويعرف متى تأكل الكتف

[عليان]

في لم في النقل

[bo_yousif]

هههههههههههههههههه

والله محمد مصبرني الا انتوااااا


بيـــــــــــــــــــــــــــــــــــزات وص الجمااااااااعه همتهم !!!!

[سهم طايش]

حسبي الله عليهم

نزلوا سهم الصناعات بالغصب

هذا كله من ربعنا الغشما اللي يبيعون و يشرودون

[مغروور قطر]

السوق بيرتفع قريب صدقوني احس مادخلو الاجانب للحين اليوم يراقبون الوضع

[bo_yousif]

والصناعاااااات انزلت .....


راحــــــــــــــت قلوسك ياصــــــــــــــابر !!!!

[بوعبدالله2005]

ياريت كان معي شويية بيزات

كان طلبت شراء في الصناعات بسعر عالي بس عشان ارفعه

[مغروور قطر]

بو يوسف والله اتخيل شكلك وضحك خل قلبك حديد

[سوبر سهم]

السلام فيه لعبه

لما يشترون 10 الاف سهم

يعروضون 20 بداله

التخصصي وصل لمت اب :)

[bo_yousif]

تســــــــــــــــلم يابوعبدالله2005 اشكرك على الروح الفدائية

[قناص قطر]

حسبي الله عليهم اليوم شاري على على 240 والحين 235 ؟؟؟؟؟؟؟؟؟؟؟؟؟؟؟


قهر

الحمدلله العوض ولا الحريمه

ننتظر لين يوم الثلاثاء ؟؟؟؟؟؟؟؟؟؟؟؟؟؟؟؟؟


الله يستر

[سهم طايش]

اذا نزلت الصناعات بتلحقها الشركات الثانيه

[bo_yousif]

قربت الصناعات من اللمت دااااااااااااااااااااااااون

[بوعبدالله2005]

شوفوا اشلون سهم المصرف ينزل بتعرفون بعض اصول اللعبه

والله مستمتع وانا اشوف الأسهم

والبركه في هذا المنتدى والأخوان ا لي فيه ما قصروا معانا كل يوم نستفيد منهم

[الدانة عنود]

صناعات

مريض اليوم

[bo_yousif]

شوفوا اشلون سهم المصرف ينزل بتعرفون بعض اصول اللعبه

والله مستمتع وانا اشوف الأسهم

والبركه في هذا المنتدى والأخوان ا لي فيه ما قصروا معانا كل يوم نستفيد منهم


تلسم تسلم اخو وعزيز وغالي

[سوبر سهم]

صناعات مؤنث = مريضة

اما

سهم صناعات فهو مذكر = مريض
:cool:

[bo_yousif]

صناعات

مريض اليوم


عطيه مضاد حيوي يمكن يصحى :d :d

[بيـــزات]

اذكروا الله يا جماعه

[سوبر سهم]

بويوسف مسرع ماحذفت المشاركة محد صادك ههههههههههه :cool:

[بوعبدالله2005]

نرجع ونقول لا احد يبيع والذي عنده شوية بيزات يشتري

[bo_yousif]

لا اله الا الله محمد رسول الله

[سهم طايش]

وين الاجانب اللي يقولون عنهم ؟؟!!

[سوبر سهم]

لاإلاه الا الله

[bo_yousif]

بويوسف مسرع ماحذفت المشاركة محد صادك ههههههههههه :cool:


هههههههههههههههههههههههههههههههه


لا غلطت السموحة :D

[إنتعاش]

حاليا اكبر كميه تداول

للصناعات

535 الف سهم

[مغروور قطر]

الله يستر ياجماعه انا رابط حزام الامان ومتوقع مطبات هوائيه فوق خليج البنغال

[بوعبدالله2005]

بو يوسف ما عليك زود عزيز وغالي ولا يهونون الربع

[سهم طايش]

ابشروا انشالله بترتفع الصناعات اليوم

[q8_investor]

انا اتوقع الاجانب داشين السوق من 3 الاشهر الي فاتو
واهما الحين قاعدين يلعبون بالسوق

[بيل جيتس]

وينك اليوم ياقطر ويش مسوى ...

[سلطان]

في لم في النقل

الجمعيه يوم الثلاثاء الاسبوع القادم المفروض اليوم يكون على اليمت اب

ما في وقت للم

[بوعبدالله2005]

يعني عشرين سهم تنزل اسهم الشركه او ترفعها والله حلوه

[سوبر سهم]

انتعاااااااااااااااااااااااااش

السلام عليكم

تتوقع ارتفاع للصناعات بعد هذا التداول؟

[مغروور قطر]

ترقبو السووووق اخر نص ساعه

[Monopoly]

السلام عليكم أخوتي الأفاضل

ما يحصل بالسوق اليوم أمر طبيعي

فهدف الهوامير لديكم والمستثمرين الأجانب أسهم ناقلات

أسهمكم سترتفع بإذن الله وبقوة ولكن بعد معركة ناقلات

دمتم بخير

أخوكم من السعودية

[الدانة عنود]

سهم = مريض

[الدانة عنود]

ههههههههههه
بعدين خليت البورصة

وشتغلت علي لغه عربيه
هههههههه

[مغروور قطر]

مرحبا فيك اخوي منبولي بين اخوانك وتشرفنا في مشاركتك معانا

[إنتعاش]

هلا فيك اخوي سوبر سهم


لا تعليق الحقيقه

فالمعروض هو الحكم في النهايه

توقعاتي !!

ان الوضع سيتحسن قليلا إلى يوم الاربعاء او الثلاثاء فقط

وإلتفات الناس كما ذكر الاخ الكريم Monopoly من المملكه والذي أود ان احييه في موقعه ومنتداه .

ان الناس ستلتفت نحو الناقلات والحرب التي ستندلع :)

والشاطر

يعرف كيف يستغل ( إنشغال الناس في شيء معين )

:)

[عليان]

صدقوني ما حد رايح ايخرب السوق غير الأجانب , لا تنسون 95% من الوسطاء لدى شركات الوساطه أجانب , اعتقد كلهم يمشون على قاعدة : من يدفع اكثر ( اعتقد محسوبية الاجنبي اكثر ), وفي نفس الوقت التحيز ( لا تنسون معظمهم كانوا ماخذين اسهم من قبل بأسماء قطريين ربعهم والان اعتقد انهم حسوا بالحريه.


الله يعينا عليهم

[مغروور قطر]

ياجماعه شوفو التجاري شلون نزل دروب

[Monopoly]

الشرف لنا أخي العزيز

[سوبر سهم]

الدانة لازم اتكونين صحيحه في كل شي علشان اتمشين الامور على الطريق السليم

;)

والبورصة هاديه ايش اتابع فيها

[سوبر سهم]

هلا انتعاش

الاجانب نفسهم طويل

وان شالله اخوانا القطريين مثلهم :)

او يقتنعون بالربح ويطلعون مب اينزلون السهم ويطلعون


هذي مش قناعه هذي هزيمه


حشى معارك:)

[bo_yousif]

الدانة لازم اتكونين صحيحه في كل شي علشان اتمشين الامور على الطريق السليم

;)

والبورصة هاديه ايش اتابع فيها


وانـــــــــــــــــا مازيد عليك ..... :d

[المخلب]

صدقوني ما حد رايح ايخرب السوق غير الأجانب , لا تنسون 95% من الوسطاء لدى شركات الوساطه أجانب , اعتقد كلهم يمشون على قاعدة : من يدفع اكثر ( اعتقد محسوبية الاجنبي اكثر ), وفي نفس الوقت التحيز ( لا تنسون معظمهم كانوا ماخذين اسهم من قبل بأسماء قطريين ربعهم والان اعتقد انهم حسوا بالحريه.


الله يعينا عليهم


كلام سليم

لازم يشغلون قطرييين بدل الاجانب الموجودييييين

[مغروور قطر]

كلام سليم بس لاحياه لمن تنادي

[إنتعاش]

لاحظوا كيف العامه للتأمين ومحاولة ضربها لمت اب بأقل الوسائل !!

كالعااااااااااده !!

مطلوب 90 سهم لمت اب

معروض 0

وصح النوم يا سوق

[دقـلبـــاز]

السلام عليكم

أجانب وأجانب والكل ينطر والكل يلعلع

وطلعنا خسرانين

الله يستر

[مغروور قطر]

اخوي انتعاش تعودنا عليها 20 سهم اخر سوق

[Monopoly]

حياك الله وبياك أخي إنتعاش

[مغروور قطر]

اخوي دقلباز وسع الخاطر وانا اخوك وان شاء الله بنشوف ابتسامتك قريب

[سلطان]

شباب صناعات سهم واحد معروض 232.1

[سوبر سهم]

اسمعوك ياانتعاش
صار المعروض 120 :)

بس هذا متعو من العامه للتأمين

وخصوصا قبل الجمعيه

الامر اللي وصل سعر الى 545 وهو اول سهم يكسر حاجز ال 500

بس مبروك عليهم شاطرين :)

[دقـلبـــاز]

هلا يا مشرفنــا

والله ياخوك ودنا نفرح
كل المؤشرات تدل على الإرتفاع بس اللي قاعد يصير هو " العكس "

ملينا والله مانقدر على ألاعيبهم

ومشكـــور للمؤازرة المعنوية

[متداول]

ما ادري , سمعتوا بالخبر الجديد للحين الاجانب ما دخلوا السوق بسبب ان السيستم مب جاهز
ممكن احد يتاكد من الخبر و الله يجزية الف خير ,,,,


وسلامتكم

[سلطان]

اعتقد موعد نزول سهم ناقلات الخميس اثر على السوق وكثير من الاجانب راح يبدؤون فيه

[مغروور قطر]

والله بصراحه انا اشك في هل الكلام ان الاجانب مادخلو لان السوق موب طبيبعي

[بيل جيتس]

استفسار ؟؟؟؟؟؟؟؟؟؟؟؟؟؟؟؟؟

نسبة البيع اليوم على السلام لا تذكر 17978 سهم رغم ضخامة العرض ومناسبة السعر للشراء

هل تتوقع نزول السعر اكثر فى الايام القادمه

تحليلاتكم شباب

[مغروور قطر]

التوقع نزل بسيط ومن ثما ارتفاع كبير

[سوبر سهم]

متداول لا اعتقد ان الخبر صحيح

[متداول]

يعتمد على المؤتمر الصحفي اللي بيصير اليوم .

[سلطان]

استفسار ؟؟؟؟؟؟؟؟؟؟؟؟؟؟؟؟؟

نسبة البيع اليوم على السلام لا تذكر 17978 سهم رغم ضخامة العرض ومناسبة السعر للشراء

هل تتوقع نزول السعر اكثر فى الايام القادمه

تحليلاتكم شباب

بالنسبه لكمية العرض اعتقد ان بكره ليمت داون ايضا

[bo_yousif]

الخبر غير صحيح

والاكيد ان سواقنااااااا شرا في الوقود 200 سهم ومستانس

[بوعبدالله2005]

يا اخوان على مذا يدل اجمالي الحجم
هل هو قيمة السهم المباعه كلها او ماذا

[متداول]

لو شفتوا شارع حمد الكبير شلون الزحمة فية كلة سيارات بيك اب شكلهم ماخذين اجازة اليوم .

[سوبر سهم]

بيل جتس

الحين السلام بتصير فيه لعبه كبيره خصوصا بعد السماح للأجانب بتملك نسبة 100% من اسهمه

ومااعتقد ولد السلام بيخلي اسهمه اتروح

يعني اتوقع محاولة تنزيل لسعر معين لشراء كبر قدر ممكن

واللي اتوقعه انهم حاليا يشترون بكميات بسيطه مثلا 17 الف سهم ويرجعون ايضيفونها على العرض
في محاولة وهميه لإيهام الناس بزيادة العرض

وهم ايجمعون بالعدال

فانت اذا كان المتوسط مع الاكتتاب مناسب لك لاتبيع الحين

اما اذا انت حاس انك شاري بسعر مرتفع جدا بكره حط اول طلب لك :)


هذا رايي

ومثل ماقال اخوي المتداول ... بيعتمد على المؤتمر الصحفي اليوم وغالبا
اعلانات السلام ترفع السهم ماتنزله


بس حد ايعرف بينقلونه مباش او لا؟

[السهم الفضي]

صباخ الخير للجميع
الاسهم القويه فوق
والاسهم الهشه تحت

[سوبر سهم]

صباح النور:)

[مغروور قطر]

سوبر سهم صبحك بنور والعافيه

[سوبر سهم]

باقي 10 دقائق
و 15 شركة نزول
و 10 ارتفاع


والاهلي نازل من 160 الى 146.7

اتمنى ان مالكي السهم اسمعوا نصيحتي وباعوا

:)

[ابوسعود]

اتوقع دخول الاجانب من الاسبوع الثاني وطالع

[سوبر سهم]

هلا مغرور :)

ترى مب مضيع انا كنت ارد على السهم الفضي

والخير كله لكم :)

[سوبر سهم]

وينك ياانتعاش

صارت اللعبه في العامه للتأمين

وتم بيع 20 سهم من 120 سهم

:)

[مغروور قطر]

الشكر الجميع على المشاركه ولان ننتقل الى برنامجنا (((( بعنـــــــــــا وشرينــــــــــــــــا)))) ومرحبا فيكم



تحياتي لكم اخوكم مغروور قطر
11.31

[bo_yousif]

مشكوووووووووووووووور يامغرور على حسن الضيافة

[الدانة عنود]

الله يعطيك العافيه

انت ولاخوان